ସମ୍ପାଦକୀୟ |

ସୋନିଆ ଓ କଂଗ୍ରେସ

ସୋନିଆ ଓ କଂଗ୍ରେସ
ଆକାର ପଟେଲ ଭାରତୀୟ ଜାତୀୟ କଂଗ୍ରେସର ଅଧ୍ୟକ୍ଷ ହେବାରେ ରାହୁଲ ଗାନ୍ଧୀ ହେଉଛନ୍ତି ଗାନ୍ଧୀ-ନେହେରୁ ପରିବାରର ଷଷ୍ଠ ଦାୟାଦ। ପ୍ରଥମ ହେଉଛନ୍ତି ମୋତିଲାଲ୍‌ ନେହେରୁ। ତାଙ୍କ ପଛକୁ ଜବାହରଲାଲ ନେହେରୁ, ଇନ୍ଦିରା ଗାନ୍ଧୀ, ରାଜୀବ ଗାନ୍ଧୀ ଓ ସୋନିଆ ଗାନ୍ଧୀ କଂଗ୍ରେସର ଅଧ୍ୟକ୍ଷ ହୋଇଥିଲେ। ମୋତିଲାଲ ନେହେରୁ ୧୯୧୯ ମସିହାରେ କଂଗ୍ରେସର ଅଧ୍ୟକ୍ଷ ହୋଇଥିଲେ। ତେଣୁ ଆଉ ପ୍ରାୟ ବର୍ଷେ ପରେ ନେହେରୁ-ଗାନ୍ଧୀ ପରିବାର ହାତରେ ଉକ୍ତ ପଦବୀ ରହିବାର ୧୦୦ ବର୍ଷ ପୂରିଯିବ। ଅବଶ୍ୟ ମଝିରେ ଅନ୍ୟମାନେ ଅଳ୍ପକାଳ ପାଇଁ ଅଧ୍ୟକ୍ଷ ହୋଇଛନ୍ତି, କିନ୍ତୁ ଏକ ଦଶନ୍ଧି ପରେ ମୋତିଲାଲଙ୍କ ପୁଅ ହାତକୁ ଦାୟିତ୍ୱ ଆସିବା ପରେ ଭାରତର ପ୍ରଥମ ରାଜନୈତିକ ପରିବାରତନ୍ତ୍ର ପ୍ରତିଷ୍ଠାର ପର୍ବ ଆରମ୍ଭ ହୋଇଯାଇଥିଲା। ପ୍ରଥମେ ଜଣେ ବ୍ୟକ୍ତି ମାତ୍ର ଗୋଟିଏ ବର୍ଷ ପାଇଁ କଂଗ୍ରେସ ଅଧ୍ୟକ୍ଷ ହୋଇପାରୁଥିଲେ। କିନ୍ତୁ ଜବାହରଲାଲ ନେହେରୁ ପ୍ରଧାନମନ୍ତ୍ରୀ ହେବା ପରେ ସେ ଏହି ପଦବୀରେ ଦୀର୍ଘବର୍ଷ ଧରି ରହିଲେ। ଇନ୍ଦିରା ଗାନ୍ଧୀ ଅଧ୍ୟକ୍ଷ ହେବା ପରେ ଜଣେ ବ୍ୟକ୍ତି ହାତରେ ଅଧ୍ୟକ୍ଷ ପଦ ସ୍ଥାୟୀ ଭାବେ ରହିବାର ଏକ ପରମ୍ପରା ସୃଷ୍ଟି ହୋଇଗଲା। ସୋନିଆ ଗାନ୍ଧୀ ସବୁଠୁ ଅଧିକ ୨୦ ବର୍ଷ ଦଳର ଅଧ୍ୟକ୍ଷ ରହିଛନ୍ତି। ରାହୁଲଙ୍କ ପାଖରୁ ଏ ପରମ୍ପରା ବି ସେମିତି ବଳବତ୍ତର ରହିବ। ଅନେକ ଯୁବ ପାଠକ ଏ କଥା ଜାଣି ଆଶ୍ଚର୍ଯ୍ୟ ହେବେ ଯେ କଂଗ୍ରେସ ତା’ର ଇତିହାସରେ ମୁଖ୍ୟତଃ ଏକ ହିନ୍ଦୁ ଦଳ ଭାବେ ବିବେଚିତ ହୋଇଆସୁଥିଲା। ଅତୀତରେ ଅନେକ ରକ୍ଷଣଶୀଳ ବ୍ୟକ୍ତିତ୍ୱ ଏହାର ନେତୃତ୍ୱ ନେଇଛନ୍ତି, ଯେଉଁମାନଙ୍କୁ ଏବେ ଭାଜପା ସହ ଜଡ଼ିତ ବୋଲି ବିବେଚନା କରାଯାଉଛି। କିନ୍ତୁ ସେମାନେ କଂଗ୍ରେସର ହିଁ ସଦସ୍ୟ ଥିଲେ, ଯଥା ବନାରସ ହିନ୍ଦୁ ବିଶ୍ୱବିଦ୍ୟାଳୟର ପ୍ରତିଷ୍ଠାତା ପଣ୍ଡିତ ମଦନ ମୋହନ ମାଲବ୍ୟ। ତେଣୁ ମୁସ୍‌ଲିମ ଲିଗ୍‌ର ପ୍ରତିଷ୍ଠାତା ଜିନ୍ନା ଭାବିଲେ ଯେ, କଂଗ୍ରେସ ହାତରେ ଭାରତର ସଂଖ୍ୟାଲଘୁମାନେ ସୁରକ୍ଷିତ ନୁହନ୍ତି। ଏହା ଭାରତ ବିଭାଜନର ଅନ୍ୟତମ କାରଣ। ପରେ ବିଶେଷତଃ ସୋନିଆ ଗାନ୍ଧୀ ଦଳର ଏପରି ଏକ ଭାବମୂର୍ତ୍ତି ସୃଷ୍ଟି କଲେ, ଯାହାଫଳରେ ଲୋକେ ଭାବିଲେ ଯେ କଂଗ୍ରେସ ହେଉଛି ହିନ୍ଦୁ-ବିରୋଧୀ। ସେ ୨୦ ବର୍ଷ କାଳ ଦଳର ଅଧ୍ୟକ୍ଷା ରହିବା ଭିତରେ ଭାରତ ଇତିହାସରେ ଏକ କୌତୂହଳପୂର୍ଣ୍ଣ ସମୟ ଦେଇ ଗତି କରିଛନ୍ତି। ରାଜୀବ ଗାନ୍ଧୀଙ୍କ ମୃତ୍ୟୁ ପରେ ପିଭି ନରସିଂହ ରାଓ ପ୍ରଧାନମନ୍ତ୍ରୀ ହେଲେ, ଯେ କି ଜଣେ ବିଜ୍ଞ ରାଜନେତା ହେଲେ ମଧ୍ୟ ତାଙ୍କୁ ସୋନିଆ ଗାନ୍ଧୀଙ୍କ ଛାୟା ତଳେ ରହି ଶାସନ କରିବାକୁ ପଡ଼ୁଥିଲା। ଲୋକମାନେ ବିଶ୍ୱାସ କରିବାକୁ ଆରମ୍ଭ କଲେ ଯେ ସୋନିଆ ଗାନ୍ଧୀ ସରକାରରେ କୌଣସି ପଦପଦବୀରେ ନ ଥିଲେ ମଧ୍ୟ ତାଙ୍କରି ଇଙ୍ଗିତରେ ହିଁ ଦେଶର ଶାସନ ଚାଲୁଛି। ସେତେବେଳେ ଯଦି କଂଗ୍ରେସ ପରିବାରତନ୍ତ୍ରରୁ ମୁକ୍ତ ହେବାର ଅବସର ଆସିଥାନ୍ତା, ତେବେ ଦଳର ବରିଷ୍ଠ ନେତା ହିଁ ଅଧ୍ୟକ୍ଷ ହୋଇଥାନ୍ତେ। ମାତ୍ର ସେତେବେଳେ ବାବ୍ରି ମସ୍‌ଜିଦ ଭଙ୍ଗ ଓ ତଜ୍ଜନିତ ହିଂସାକାଣ୍ଡ ସମାଜରେ ଓ ରାଜନୀତିରେ ଏକ ଆଲୋଡନ ସୃଷ୍ଟି କଲା। ଏ ଅବସ୍ଥାରେ କଂଗ୍ରେସ ନିଜକୁ ଅସୁରକ୍ଷିତ ମଣିଲା ଏବଂ ସେହି ପରିବାରତନ୍ତ୍ର ହିଁ ବଳବତ୍ତର ରହିଲା। ସୋନିଆ ଯେତେବେଳେ ଦଳର ମଙ୍ଗ ଧରିବାକୁ ଉଦ୍ୟମ କଲେ, ତାଙ୍କୁ ବିଶେଷ କିଛି କଷ୍ଟ କରିବାକୁ ପଡ଼ିନାହିଁ। ଅତି ସହଜରେ ସେ ଦଳର ବରିଷ୍ଠ ନେତା ସୀତାରାମ କେଶରୀଙ୍କୁ ଆଡ଼େଇ ଦଳର ଅଧ୍ୟକ୍ଷ ହୋଇପାରିଲେ। ସୋନିଆ ସବୁବେଳେ ଶାଢ଼ି ପିନ୍ଧୁଥିଲେ, କିନ୍ତୁ ଏବେ ତାକୁ ୟୁନିଫର୍ମ କରିଦେଇଛନ୍ତି। ସେ ପୁଣି କେବଳ ହିନ୍ଦୀ କହିବାକୁ ଆରମ୍ଭ କଲେ। ପ୍ରଥମେ ସେ ଇଂଲିଶ ଅକ୍ଷରରେ ଲେଖାଥିବା ହିନ୍ଦୀ ଭାଷଣକୁ ପଢ଼ୁଥିଲେ। ଏହାର ଏକ ଫଟୋଚିତ୍ର ଗଣମାଧ୍ୟମରେ ପ୍ରକାଶ ପାଇବା ପରେ ଲୋକେ ସମାଲୋଚନା କଲେ। ପରେ ଆଉ ଏକ ଫଟୋଚିତ୍ର ପ୍ରକାଶ ପାଇଲା ଯେ ସେ ଦେବନାଗରୀ ଲିପିରେ ହିଁ ଲିଖିତ ଭାଷଣ ପଢ଼ୁଛନ୍ତି। ସେ ଜଣେ ପ୍ରଭାବଶାଳୀ ବକ୍ତା ନ ଥିଲେ କି ସେପରି ହେବାର ଛଳନା ବି ସେ କେବେ କରିନାହାନ୍ତି। ସାଧାରଣ ଜୀବନରେ ତାଙ୍କ ପାଇଁ ଦୁଇଟି ଉଲ୍ଲେଖନୀୟ ମୁହୂର୍ତ୍ତ ଆସିଥିଲା। ପ୍ରଥମଟି ୨୦୦୪ ମସିହାରେ, ଯେତେବେଳେ ସାମ୍ବିଧାନିକ ଭାବେ ପ୍ରଧାନମନ୍ତ୍ରୀ ହେବାର ଯୋଗ୍ୟତା ଥିଲେ ମଧ୍ୟ ସେ ନିଜେ ପ୍ରଧାନମନ୍ତ୍ରୀ ନ ହେବାକୁ ନିଷ୍ପତ୍ତି ନେଇଥିଲେ। ଯଦି ସେ ପ୍ରଧାନମନ୍ତ୍ରୀ ହୁଅନ୍ତି, ତେବେ ସୁଷମା ସ୍ବରାଜ ଲଣ୍ଡା ହେବେ ବୋଲି ଧମକ ଦେଇଥିଲେ। ସୋନିଆ ଗାନ୍ଧୀ ନିଜର ୟୁରୋପୀୟ ନାଗରିକତ୍ୱ ତ୍ୟାଗ କରିବାକୁ ବିଳମ୍ବ କରିଥିବାରୁ ସେଥିପାଇଁ ତାଙ୍କୁ ସମାଲୋଚନାର ଶରବ୍ୟ ହେବାକୁ ପଡ଼ିଥିଲା। ତେବେ ମୋ ମତରେ ଏହା ଠିକ୍‌ ନୁହେଁ। ଆମ ଭଳି ଗ୍ରୀନ୍‌କାର୍ଡପ୍ରେମୀ ଦେଶରେ କେତେଜଣ ଦେଶପ୍ରେମକୁ ନେଇ ୟୁରୋପୀୟ ବା ଆମେରିକୀୟ ନାଗରିକତ୍ୱ ତ୍ୟାଗ କରୁଛନ୍ତି? ତଥାପି ସୋନିଆ ତାଙ୍କର ପୂର୍ବ ନାଗରିକତ୍ୱ ତ୍ୟାଗ କରିଥିଲେ ମଧ୍ୟ, ତାଙ୍କୁ ସମାଲୋଚନାର ଶିକାର ହେବାକୁ ପଡ଼ିଲା। ଦ୍ୱିତୀୟ କଥା ହେଉଛି ସୋନିଆ ମନମୋହନ ସିଂଙ୍କୁ ପ୍ରଧାନମନ୍ତ୍ରୀ କରିବା। ତାଙ୍କର ଦୁଇଟି ଅବଧି ଯାହା କି ବର୍ତ୍ତମାନ ମୁଖ୍ୟତଃ ଦୁର୍ନୀତି ପାଇଁ ଚର୍ଚ୍ଚା ହେଉଛି, ତାହା ପ୍ରକୃତ ଅର୍ଥନୈତିକ ସଂସ୍କାରର ସମୟ ଥିଲା। ସୂଚନା ଅଧିକାର ଆଇନ, ଏନ୍‌ଆର୍‌ଇଜିଏ ପରି ଜନହିତକର ଆଇନ ଆମ ସରକାରର ‘ସମାଜବାଦୀ’ ଭାବମୂର୍ତ୍ତିକୁ ବଦଳାଇ ‘ବାମପନ୍ଥୀ’ ଭାବମୂର୍ତ୍ତି ପ୍ରତିଷ୍ଠା କରିଥିଲା। ତେବେ ତାଙ୍କ ୧୦ ବର୍ଷର ଶାସନ କାଳରେ ସ୍ବାଧୀନଭାବେ କିଛି କରିବାର ଅବସର ନ ଥିଲା କାରଣ ଏହା ଥିଲା ଏକ ମେଣ୍ଟ ସରକାର। ସୋନିଆଙ୍କ ଶେଷ ସାଧାରଣ ନିର୍ବାଚନ ଦଳ ପାଇଁ ବିପର୍ଯ୍ୟୟ ଆଣିଦେଲା। କିନ୍ତୁ ତଥାପି ଇତିହାସ ତାଙ୍କର ଚରିତ୍ର ଓ ସଫଳତା ପାଇଁ ତାଙ୍କୁ ସକାରାତ୍ମକ ଦୃଷ୍ଟିରେ ଦେଖିବ। Email: aakar.patel@gmail.com
All Right Reserved By

ସମ୍ପାଦକୀୟ |

ମାଛଦ୍ୱାରା ପାଦ ଚିକିତ୍ସା

ମାଛଦ୍ୱାରା ପାଦ ଚିକିତ୍ସା

ପରିବେଶ ପରିଚିନ୍ତା/ ମାନେକା ଗାନ୍ଧୀ

କିଛିମାସ ତଳେ ଜଣେ ଯୁବତୀ ନ୍ୟୁୟର୍କରେ ତାଙ୍କ ଡାକ୍ତରଙ୍କ ପାଖକୁ ଯାଇଥିଲେ। ଛଅମାସ ହେଲା ତାଙ୍କ ପାଦ ନଖଗୁଡ଼ିକ କଳାପଡ଼ି ଝଡ଼ିଯାଉଥିଲା। ତାଙ୍କ ପରିବାରରେ ଏମିତି ସମସ୍ୟା ଆଉ କାହାର ନାହିଁ ଏବଂ ତାଙ୍କର ମଧ୍ୟ ଅନ୍ୟ କୌଣସି ରୋଗ ନାହିଁ ବା ଏପରି ଭାବେ ନଖ ପଚିବାର ପାରିବାରିକ ଇତିହାସ ନାହିଁ। ପରୀକ୍ଷାରୁ ଜଣାପଡ଼ିଲା ଯେ, ଛଅମାସ ତଳେ ସେ ମାଛ ଦ୍ୱାରା ପାଦ ଚିକିତ୍ସା (ଫିଶ୍‌ ପେଡିକିଓର) କରାଇଥିଲେ। ମାଛ ହିଁ ତାଙ୍କ ନଖର ମଞ୍ଜଭାଗରେ (ଯେଉଁଠୁ ନଖ କଅଁଳେ) କ୍ଷତ ସୃଷ୍ଟି କରିଛି। ଫଳରେ ଓନିକୋମାଡେସିସ୍‌ (ନଖପଚା ରୋଗ) ସୃଷ୍ଟି ହୋଇଛି ଓ ନଖ କଳାପଡ଼ି ଝଡ଼ିଯାଉଛି। ଆଗକୁ ପରିସ୍ଥିତି ଆହୁରି ଖରାପ ହୋଇପାରେ। ପଚାନଖ ତଳେ ...

ରାଜନେତା ଓ ନାଗରିକ ସମାଜ

ରାଜନେତା ଓ ନାଗରିକ ସମାଜ

ଡ. ସୁବାସ ଚନ୍ଦ୍ର ପାତ୍ର

ଓଡ଼ିଶାର ରାଜନେତାମାନେ ଏକ ସୁସ୍ଥ, ସୁନ୍ଦର ନାଗରିକ ସମାଜ ଗଠନ ସେମାନଙ୍କର ଦାୟିତ୍ୱ ବୋଲି କେବେ ଭାବନ୍ତି ନାହିଁ। କରତାଳି, ପତାକା ଧାରଣ, ମାଗଣା ଇନ୍ଧନରେ ମୋଟର ସାଇକେଲ ଚାଳନା ପାଇଁ ଯୁବଗୋଷ୍ଠୀ ସଂଗ୍ରହ ଏବଂ ଏ ସବୁ ମାଧ୍ୟମରେ ଭୋଟ ସଂଗ୍ରହ ଓ କ୍ଷମତା ଦଖଲ ସେମାନଙ୍କ ମୁଖ୍ୟ କାମ ବୋଲି ସେମାନେ ବିଚାର କରନ୍ତି। ସଂହତିପୂର୍ଣ୍ଣ, ଆଦର୍ଶଭରା ଏକ ତ୍ୟାଗପୂତ ସମାଜ ନିର୍ମାଣ ମଧ୍ୟ ଏକ ରାଜନୈତିକ କର୍ତ୍ତବ୍ୟ ବୋଲି ସେମାନେ ଚିନ୍ତା କରନ୍ତି ନାହିଁ। ତା’ର ପ୍ରମୁଖ କାରଣ କ୍ଷମତାମନସ୍କତା, ସମାଜମନସ୍କତା ବା ରାଷ୍ଟ୍ରମନସ୍କତା ନୁହେଁ।...

ଚନ୍ଦ୍ରରେ ଚିତ୍ରକର

ଚନ୍ଦ୍ରରେ ଚିତ୍ରକର

ଡ. ତୁଷାରକାନ୍ତି ଦାସ

ଦୁଇ ହାତ ପାପୁଲିରେ ଆଞ୍ଜୁଳାଏ ପାଣିରେ ଜହ୍ନକୁ ସେ ଧରିଛି। ସତେ ବା ସେ ଆଞ୍ଜୁଳାଏ ପାଣିରେ ଜହ୍ନଟା ଚିକ୍‌ମିକ୍‌ କରୁଛି- ଚିତ୍ରକରଟିଏ ଆଞ୍ଜୁଳାଏ ପାଣିରେ ଜହ୍ନର ପ୍ରତିବିମ୍ବକୁ କାନ୍‌ଭାସରେ ଉତାରୁଥିବାବେଳେ କେବେ ବି କ’ଣ ଭାବିଥିବ ଜହ୍ନକୁ ଯାଇ ସେଠାରେ ଜହ୍ନର ଛବି ଆଙ୍କିବ ବୋଲି? ହଁ ଆଜ୍ଞା, ଚିତ୍ରକରର ଏ ଭାବନା ସତ୍ୟ ହେବାକୁ ଯାଉଛି। ଆଉ ଆପଣ କହିପାରିବେନି ‘କବି କଳପନା ସରଗ ସିନା ଲୋ ମନ ଭୁଲାଇବା ପାଇଁ’। କାରଣ ଏ କଳ୍ପନା ବାସ୍ତବରେ ପରିଣତ ହେବାକୁ ଯାଉଛି। ଜାପାନୀ କୋଟିପତି ବ୍ୟବସାୟୀ ୟୁସାକୁ ମେଜାଓ୍ବା ୬ ...

ଏଇ ଭାରତରେ

ଏଇ ଭାରତରେ

ଧର୍ମନିରପେକ୍ଷ ଗଣତନ୍ତ୍ର ଦେଶ ଭାରତ । ଏହାର ପ୍ରତିଟି ପର୍ବପର୍ବାଣିରେ ଦେଖିବାକୁ ମିଳେ ସାମ୍ପ୍ରଦାୟିକ ସଦ୍‌ଭାବନାର ନିଆରା ନମୁନା। ବର୍ତ୍ତମାନ ଦେଶର କୋଣ ଅନୁକୋଣରେ ଦଶହରା ଯାକଜମକରେ ପାଳନ କରାଯାଉଛି। ଏଭଳି ସମୟରେ ସର୍ବଧର୍ମ ସମନ୍ବୟର ବାର୍ତ୍ତାବାହକ ସାଜିଛନ୍ତି ପୂର୍ବୋତ୍ତର ରାଜ୍ୟ ଆସାମରେ ହାସିମ୍‌ ଅଲି। ଡାରାଙ୍ଗ୍‌ ଜିଲାର ଡାଲଗାଓଁ ଅଞ୍ଚଳର ହାସିମ୍‌ ଇସଲାମ ଧର୍ମାବଲମ୍ବୀ...

ସମ୍ପାଦକୀୟ/ଚନ୍ଦକା ବଞ୍ଚାଅ

ସମ୍ପାଦକୀୟ/ଚନ୍ଦକା ବଞ୍ଚାଅ

କଟକ ମୁଣ୍ଡଳୀ ନିକଟ ମହାନଦୀରେ ୫ଟି ହାତୀ ଭାସି ଯାଉଥିବା ଖବର ଅକ୍ଟୋବର ୧୫ ସକାଳୁ ବ୍ୟାପିଯିବା ପରେ ଏହି ଦୃଶ୍ୟ ଦେଖିବାକୁ ସ୍ଥାନୀୟ ଅଞ୍ଚଳର ଲୋକଙ୍କ ମଧ୍ୟରେ ଭିଡ଼ ହୋଇଥିଲା। ଏ ବିଷୟରେ ସୂଚନା ପାଇବାରୁ ଆଠଗଡ଼ ଓ ଚନ୍ଦକା ବନଖଣ୍ଡ କର୍ମଚାରୀମାନେ ଘଟଣାସ୍ଥଳରେ ପହଞ୍ଚତ୍ଥିଲେ। ସଙ୍ଗେ ସଙ୍ଗେ ମୁଣ୍ଡଳୀ ବ୍ୟାରେଜ୍‌ର ୪ଟି ଗେଟ୍‌ ବନ୍ଦ କରିଦିଆଯିବାରୁ ଜଳସ୍ରୋତ ହ୍ରାସ ପାଇଥିଲା ଓ ପାଣିରେ ଭାସୁଥିବା ହାତୀ ଉପରକୁ ଉଠି ଆସିଥିଲେ। ...

ପଶୁବଳି : ଏକ ଅମାନବୀୟ ପରମ୍ପରା

ପଶୁବଳି : ଏକ ଅମାନବୀୟ ପରମ୍ପରା

ଡ. ପ୍ରଫୁଲ୍ଲ କୁମାର ସାହୁ

ଆମ ରାଜ୍ୟରେ ପ୍ରମୁଖ ଦେବୀମନ୍ଦିରଗୁଡ଼ିକରେ ଶାରଦୀୟ ପୂଜାର ଏକ ବିଶେଷ ଅଙ୍ଗ ଥିଲା ପଶୁବଳିପ୍ରଥା। ପ୍ରତିବର୍ଷ ଦଶହରା ବେଳେ ଏସବୁ ଶକ୍ତିପୀଠରେ ଲକ୍ଷ ଲକ୍ଷ ପଶୁପକ୍ଷୀଙ୍କୁ ହତ୍ୟା କରାଯାଉଥିଲା ଅତି ବୀଭତ୍ସ ଭାବରେ। ଏଭଳି ଏକ ଅମାନବୀୟ ପରମ୍ପରା ଉପରେ ନ୍ୟାୟାଳୟର ପ୍ରତିବନ୍ଧକ ଲାଗିବା ପରେ ଅଧିକାଂଶ ଦେବୀ ପୀଠରେ ଏବେ ସମ୍ପୂର୍ଣ୍ଣ ବନ୍ଦ ହୋଇଯାଇଛି ପଶୁବଳି। ଅନ୍ୟ କେତେକ ସ୍ଥାନରେ ଏହା ଲୁଚାଛପାରେ ଚାଲିଛି ପରମ୍ପରା ଦାୟରେ। କାରଣ ସଭ୍ୟତା ଯେତେ ଆଗକୁ ଗଲେ ବି ଅନ୍ଧବିଶ୍ୱାସର ଅନ୍ଧଗଳିରୁ ମୁକୁଳିପାରୁନି ...

ଆସ ମା’ ଦୁର୍ଗେ

ଆସ ମା’ ଦୁର୍ଗେ

ଡ. ଭାଗ୍ୟଲିପି ମଲ୍ଲ

କାଶତଣ୍ଡୀର ଶୁଭ୍ର ମେଳଣରେ ଏବେ ସୃଜନର ମୂର୍ଚ୍ଛନା। ପତଳା କୁହୁଡ଼ିଆ ଆକାଶରେ ଜହ୍ନ ପିନ୍ଧିଛି ଧଳାବଉଦର ମାଳ। ଅଧା ଛାଇ ଅଧା ଆଲୁଅର ଖେଳରେ ଆସକ୍ତ ଧରିତ୍ରୀର ଛାତି। ଆକାଶ ଦେଖୁଛି ମୁହଁ ମାଟିଦର୍ପଣରେ। ଠିକ୍‌ ଏଇ ସମୟରେ ଧରାବତରଣ କରୁଛନ୍ତି ମା’ ଦୁର୍ଗା, ଦୁର୍ଗତିନାଶିନୀ। ତାଙ୍କ ଆଗମନର ଆବାହନୀରେ ଭୂମିରୁ ଆକାଶ, ସବୁଠି ଶୁଭ୍ରତାର ସମାରୋହ। ସକଳ ସୃଷ୍ଟିରେ ଶରତର ମଧୁର ଆଶ୍ଳେଷ। ସେହି ଆଶ୍ଳେଷରେ ସମାହିତ ଶକ୍ତି ଏକ ଦିବ୍ୟ ଅନୁଭବ। ସେ ଶକ୍ତି ଜନ୍ମ ଓ ମୃତ୍ୟୁ, ଯନ୍ତ୍ରଣା ଓ ଆନନ୍ଦର କାରଣ। ତା’ ବିନା କିଛି ସମ୍ଭବ ନୁହେଁ। ତେଣୁ କୁହାଯାଏ ସେ ଜନ୍ମ ଓ ମୃତ୍ୟୁର ଊର୍ଦ୍ଧ୍ୱସ୍ଥ ଏକ ଦିବ୍ୟ ସତ୍ତା। ସକଳ ଚେତନାର ଉତ୍ସ। ଆମେ ଆଜି ସେଇ ଉତ୍ସକୁ ଆହ୍ବାନ କରୁଛୁ। ...

ଏଇ ଭାରତରେ

ଏଇ ଭାରତରେ

ଅନ୍ନଚିନ୍ତା ଚମତ୍କାରା। କ୍ଷୁଧା ଓ ଦାରିଦ୍ର୍ୟରେ ପେଷି ହେଉଥିବା ବ୍ୟକ୍ତି ହିତାହିତ ଜ୍ଞାନ ହରାଇବସେ। କ୍ଷୁଧା ପ୍ରପୀଡ଼ିତ ମା’ ପାଖରେ ସ୍ନେହମମତାର ମୂଲ୍ୟ କିଛି ନାହିଁ। ପିଲାଙ୍କ ଭୋକିଲା ପେଟକୁ ଆହାର ଯୋଗାଇପାରୁ ନ ଥିବା ମା’ ସେମାନଙ୍କ ଦୁଃଖକଷ୍ଟ ସହ୍ୟ କରି ନ ପାରି ବିନାଶ କରିଦେବାକୁ ବି ଇଚ୍ଛାକରେ। ଏପରି ଏକ ଦୁଃଖଦ ଘଟଣା ଗୁଜରାଟର ଅହମଦାବାଦଠାରେ ଘଟିଛି। ଗୁଜରାଟର ଭାବନଗର...

ସମ୍ପାଦକୀୟ/ #ମିଟୂ ସପକ୍ଷରେ

ସମ୍ପାଦକୀୟ/ #ମିଟୂ ସପକ୍ଷରେ

ଆମେରିକୀୟ ଅଭିନେତ୍ରୀ ଆଲିସା ମିଲାନୋ ୨୦୧୭ ଅକ୍ଟୋବରରେ  ସୋସିଆଲ ମିଡିଆରେ #ମିଟୂ ନାମରେ ଯେଉଁ ଅଭିଯାନ ଆରମ୍ଭ କରିଥିଲେ ତାହା ଏବେ ଆନ୍ଦୋଳନର ରୂପ ନେଇଛି। କର୍ମସ୍ଥଳୀ ବା ଅତୀତରେ ଯେକୌଣସି ସ୍ଥାନରେ ଯଦି ଜଣେ ମହିଳା ଯୌନ ଶୋଷଣର ଶିକାର ହୋଇଥିବେ, ସେଥିରେ ନିର୍ଯାତନା ଦେଇଥିବା ପୁରୁଷଙ୍କ ମୁଖା ଖୋଲିଦେବା ହେଉଛି ଏହି ଅଭିଯାନର ମୂଳ ଲକ୍ଷ୍ୟ। ଇତିମଧ୍ୟରେ ଶହ ଶହ ଭାରତୀୟ ମହିଳା ସେମାନଙ୍କ ପ୍ରତି ହୋଇଥିବା ଦୁର୍ବ୍ୟବହାରକୁ ସାଧାରଣରେ ପ୍ରକାଶ କରି ରାଜନୀତି, ଗଣମାଧ୍ୟମ ଓ ମନୋରଞ୍ଜନ ଶିଳ୍ପ ସହ ଜଡ଼ିତ  ବିଶିଷ୍ଟ ବ୍ୟକ୍ତିଙ୍କ ଅସଲ ଚେହେରା ଖୋଲିଦେଲେଣି। ସେମାନଙ୍କ ମଧ୍ୟରେ ସାମ୍ବାଦିକରୁ ରାଜନେତା ପାଲଟିଥିବା ବହିର୍ବ୍ୟାପାର ରାଷ୍ଟ୍ରମନ୍ତ୍ରୀ ଏମ୍‌.ଜେ. ଆକବର, ସିନେମା ଦୁନିଆର ନାମକରା ବ୍ୟକ୍ତିତ୍ୱ ନାନା ପାଟେକର, ଆଲୋକ ନାଥଙ୍କ...

ନବୀନ ଆହ୍ବାନ

ନବୀନ ଆହ୍ବାନ

ଜିତେନ୍ଦ୍ର କୁମାର ନାୟକ

ନବୀନ ଏକ ଆହ୍ବାନ। ତାଙ୍କୁ ମାପିବା କଷ୍ଟକର। ଅଳ୍ପ କହୁଥିବାରୁ ଭୁଲ ବାଛି ହେଉନି। ସରଳ ଜୀବନ ବିତାଉଥିବାରୁ ବିବାଦରୁ ଦୂରରେ ଅଛନ୍ତି। ରାଜନୀତିରେ ନବୀନ ଭାବେ ପ୍ରବେଶ କରିଥିଲେ ମଧ୍ୟ ଏକନିଷ୍ଠ କର୍ମ ତାଙ୍କୁ କରିଦେଇଛି ପ୍ରବୀଣ। ପୋଖତ ଓ ପୁରୁଖା ରାଜନେତା ତାଙ୍କ ସଫଳତା ଦେଖି ତଟସ୍ଥ। ପିତା ବିଜୁ ପଟ୍ଟନାୟକଙ୍କଠାରୁ ରାଜନୀତି ଶିକ୍ଷା ପାଇବାର ସୁଯୋଗ ପାଇ ନ ଥିଲେ। ତଥାପି କେମିତି ବିରୋଧୀଙ୍କ ଆଖିରୁ ନିଦ ହଜେଇ ଦେଇପାରୁଛନ୍ତି, ତାହା ଏବେ ଓଡ଼ିଶାବାସୀଙ୍କ ମନରେ ପ୍ରଶ୍ନ ସୃଷ୍ଟି କରିଛି। ଦିନେ ଓଡ଼ିଆ ଓ ଓଡ଼ିଶାର ଲୋକଙ୍କୁ ଜାତୀୟ ଗଣମାଧ୍ୟମରେ ସେଭଳି ଦେଖିବାକୁ ମିଳୁ ନ ଥିଲା। ଆଜି ଅଧିକାଂଶ ସର୍ଭେରେ ସଫଳ ରାଜନେତା, ଶ୍ରେଷ୍ଠ ପ୍ରଶାସ...

ଓଡ଼ିଶାରେ ଶକ୍ତିପୂଜା

ଓଡ଼ିଶାରେ ଶକ୍ତିପୂଜା

ଡ. କିଶୋର ମହାନ୍ତି

ଓଡ଼ିଶା ସର୍ବଧର୍ମ ଓ ସଂସ୍କୃତିର ମହାମିଳନ ପୀଠ।  କିନ୍ତୁ ନିଜସ୍ବ ସଂସ୍କୃତି ଓ ପରମ୍ପରାକୁ ଓଡ଼ିଆ ଜାତି କେବେ ଭୁଲି ଯାଇନାହିଁ। ଓଡ଼ିଶାର ଶାକ୍ତ ପରମ୍ପରା ସୁପ୍ରାଚୀନ। ଓଡ଼ିଶାରେ ରହିଥିବା ଶକ୍ତିପୀଠଗୁଡିକ ତା’ର ଜ୍ୱଳନ୍ତ ପ୍ରମାଣ। ମାତୃକା ପୂଜା ମାନବ ସମାଜ ଯୁଗେ ଯୁଗେ କରିଆସିଛି। ‘ଜନନୀ ଜନ୍ମଭୂମିଶ୍ଚ ସ୍ବର୍ଗାଦପି ଗରୀୟସୀ’କୁ ମୂଳମନ୍ତ୍ର କରି ନିଜ ଜୀବନଧାରାରେ ମା’ର ଅମାପ ସ୍ନେହ ଓ ଶ୍ରଦ୍ଧାଳୁ ...

ଏଇ ଭାରତରେ

ଏଇ ଭାରତରେ

ପକେଟମାରଙ୍କର ବି ପରୋପକାରୀ ଗୁଣ ରହିଛି। ଟଙ୍କାପଇସା ହାତେଇବା ପରେ ଅନ୍ୟ ସାମଗ୍ରୀରେ କୌଣସି ଆବଶ୍ୟକତା ନ ଥିବାରୁ କେତେକେ ସମ୍ପୃକ୍ତ ଲୋକଙ୍କୁ ଏ ସବୁ ଫେରାଇ ଦିଅନ୍ତି। ଏଥିପାଇଁ ସେମାନେ ସିଧାସଳଖ ଯୋଗାଯୋଗ କରନ୍ତି ନାହିଁ। ବରଂ ବିଭିନ୍ନ ମାଧ୍ୟମ ଖୋଜିଥାଆନ୍ତି। ଆଉ ସବୁ ଅପେକ୍ଷା ଡାକବାକ୍ସ ହେଉଛି ସହଜ ଓ ସରଳ ମାଧ୍ୟମ। ଚେନ୍ନାଇର ପକେଟମାରମାନେ ଏହି ସହଜ ମାଧ୍ୟମକୁ...