ଖେଳ |

ଅଲ୍‌ ଓଡ଼ିଶା ଓପନ ଚେସ୍‌: ରାଜେଶ ଚାମ୍ପିୟନ

ଅଲ୍‌ ଓଡ଼ିଶା ଓପନ ଚେସ୍‌: ରାଜେଶ ଚାମ୍ପିୟନ

ପୁରୀ ଅଫିସ, ୧୭।୧୨
ପୁରୀରେ ଅଲ୍‌ ଓଡ଼ିଶା ଓପନ ଚେସ୍‌ ଚାମ୍ପିୟନଶିପ୍‌ ରବିବାର ଉଦ୍‌ଯାପିତ ହୋଇଛି। ସ୍ଥାନୀୟ ଖେଳାଳି ରାଜେଶ ନାୟକ ୮ ପଏଣ୍ଟ ପାଇ ଚାମ୍ପିୟନ ହୋଇଥିବାବେଳେ ଖୋର୍ଦ୍ଧା ପକ୍ଷରୁ ପ୍ରତିନିଧିତ୍ୱ କରୁଥିବା ରାଜେନ୍ଦ୍ର କୁମାର ସାହୁ ୭.୫ ପଏଣ୍ଟ ସହିତ ରନର୍ସଅପ୍‌ ହୋଇଛନ୍ତି। ବୈଭବ ମିଶ୍ର, ମନୋଜ କୁମାର ପାଣିଗ୍ରାହୀ, ଅଂଶୁମାନ ସାମଲ, ହର୍ଷିତ ରଞ୍ଜନ ସାହୁ ଓ ଶ୍ରେୟାସ ଶୁଭମ୍‌ ପଟ୍ଟନାୟକ ୭ ପଏଣ୍ଟ ଲେଖାଏ ପାଇ ଯଥାକ୍ରମେ ୩ୟରୁ ୭ମ ସ୍ଥାନ ପାଇଛନ୍ତି। ଅନ୍ୟମାନଙ୍କ ମଧ୍ୟରେ ରଜତ କୁମାର ସାହୁ, ସୌରଭ ମହାନ୍ତି, ମନୀଷ କୁମାର, ଫିଡେମାଷ୍ଟର ସୌମ୍ୟରଞ୍ଜନ ମିଶ୍ର, ଗୋପିନ ମୁର୍ମୁ, ଲଳିତ ମୋହନ ଡିଗଲ, ଜଗଦୀଶ ବାରିକ(ସମସ୍ତେ ୬.୫ ପଏଣ୍ଟ), ଆଦିତ୍ୟ ରଞ୍ଜନ ସାହୁ, କୌସ୍ତୁଭ ଦାସ, ସ୍ବପ୍ନିଳ ପ୍ରିୟଦର୍ଶୀ, ରାମିନ କର୍ମକାର, ସୌମ୍ୟରଞ୍ଜନ ସାହୁ ଓ ତନ୍ମୟ ତ୍ରିପାଠୀ(୬ ପଏଣ୍ଟ ଲେଖାଏ) ଟପ୍‌-୨୦ ଫିନିଶ୍‌ କରିଛନ୍ତି। ପ୍ରଥମ ତିନି ସ୍ଥାନ ଅଧିକାର କରିଥିବା ପ୍ରତିଯୋଗୀଙ୍କୁ ଟ୍ରଫି ସହ ଯଥାକ୍ରମେ ୧୦,୦୦୦, ୭,୦୦୦ ଓ ୬,୦୦୦ଟଙ୍କା ପ୍ରଦାନ କରାଯାଇଛି। ପ୍ରଦର୍ଶନ ଭିତ୍ତିରେ ଶ୍ରେଷ୍ଠ ୨୦ ଜଣଙ୍କ ବ୍ୟତୀତ ସ୍ଥାନୀୟ ଅଞ୍ଚଳର ପ୍ରତିଯୋଗୀଙ୍କ ମଧ୍ୟରୁ ଶ୍ରେଷ୍ଠ ୧୫ ଜଣଙ୍କୁ ସ୍ବତନ୍ତ୍ରଭାବେ ପୁରସ୍କୃତ କରାଯାଇଛି। ଏହା ବ୍ୟତୀତ ୬, ୭, ୮, ୯, ୧୦ ଏବଂ ୧୧ ବର୍ଷରୁ କମ୍‌ ବର୍ଗର ଶ୍ରେଷ୍ଠ ବାଳିକା ବାଳକ ପ୍ରତିଯୋଗୀଙ୍କୁ ମଧ୍ୟ ଟ୍ରଫି ଦିଆଯାଇ ସମ୍ମାନିତ କରାଯାଇଛି। ରୋଟାରିଆନ ଶିବବ୍ରତ ଦାଶ, ଶ୍ରୀ ଜଗନ୍ନାଥ ଧାମ ରୋଟାରି କ୍ଲବର ସଭାପତି ମନୋଜ କୁମାର ତ୍ରିପାଠୀ, ସମ୍ପାଦକ ସୁକାନ୍ତ କୁମାର ସେଠୀ, ଜିଲା ଚେସ୍‌ ଆସୋସିଏଶନ, ପୁରୀର ସମ୍ପାଦକ ପ୍ରଦ୍ୟୁମ୍ନ ମିଶ୍ର ପ୍ରମୁଖ ଅତିଥିଭାବେ ଯୋଗଦେଇ ପୁରସ୍କାର ବିତରଣ କରିଥିଲେ।

All Right Reserved By

ଖେଳ |

ଆର୍ଜେଣ୍ଟିନା କୋଚ୍‌ ପଦରୁ ସାମପାଓଲି ବିଦା

ଆର୍ଜେଣ୍ଟିନା କୋଚ୍‌ ପଦରୁ ସାମପାଓଲି ବିଦା

ବୁଏନ୍ସ ଆରିଜ,୧୬।୭(ଏଏଫ୍‌ପି)- ଫିଫା ବିଶ୍ୱକପ୍‌ର ପ୍ରି-କ୍ୱାର୍ଟର ଫାଇନାଲରୁ ବିଦାୟ ନେଇଥିବା ଆର୍ଜେଣ୍ଟିନା ଦଳର କୋଚ୍‌ ଜର୍ଜ ସାମପାଓଲି ପଦରୁ ବିଦାୟ ନେଇଛନ୍ତି। ଏ ନେଇ ଆର୍ଜେଣ୍ଟିନା ଫୁଟ୍‌ବଲ ଫେଡେରେଶନ ପକ୍ଷରୁ ରବିବାର ଘୋଷଣା କରାଯାଇଛି।

ସର୍ବିଆ ଯୁବ ବକ୍ସିଂ: ଭାରତକୁ ୭ ସ୍ବର୍ଣ୍ଣ

ନୂଆଦିଲ୍ଲୀ,୧୬।୭(ପି.ଟି.)- ସର୍ବିଆର ସୁବୋଟିକାଠାରେ ଚାଲିଥିବା ୩୬ତମ ଗୋଲ୍ଡେନ ଗ୍ଲୋବ ଯୁବ ବକ୍ସିଂ ଟୁର୍ନାମେଣ୍ଟ ଉଦ୍‌ଯାପିତ ହେବା ସହ ରିଙ୍ଗ୍‌ରେ ଭାରତୀୟ ବକ୍ସରଙ୍କ ରାଜୁତିର ଶେଷ ହୋଇଛି। ଭାରତୀୟ ଦଳ ୭ଟି ସ୍ବର୍ଣ୍ଣ ସହ ପଦକ ତାଲିକାର ଶୀର୍ଷ ସ୍ଥାନରେ ରହି ଅଭିଯାନ ଶେଷ କରିଛି।

ଘାସ ଖାଇଲେ ଜୋକୋଭିଚ୍‌

ଘାସ ଖାଇଲେ ଜୋକୋଭିଚ୍‌

ଲଣ୍ଡନ,୧୬।୭- ପୂର୍ବତନ ଶୀର୍ଷ ର଼୍ୟାଙ୍କଧାରୀ ପୁରୁଷ ସିଙ୍ଗଲ୍ସ ଟନିସ୍‌ ଖେଳାଳି ନୋଭାକ ଜୋକୋଭିଚ୍‌ ରବିବାର କ୍ୟାରିୟରର ୪ର୍ଥ ଓ୍ବିମ୍ବେଲଡନ ଟାଇଟଲ ଜିତିଛନ୍ତି। ଆହତ ସମସ୍ୟା ଓ ଖରାପ ଫର୍ମ ଦେଇ ଗତି କରୁଥିବା ଜୋକୋଭିଚ୍‌ ପ୍ରାୟ ଦୁଇ ବର୍ଷ ପରେ କୌଣସି ଟାଇଟଲ ଜିତିଛନ୍ତି।

ସ୍ପେନ ଗ୍ରାଁ ପ୍ରି କୁସ୍ତି: ଭିନେଶଙ୍କୁ ସ୍ବର୍ଣ୍ଣ

ସ୍ପେନ ଗ୍ରାଁ ପ୍ରି କୁସ୍ତି: ଭିନେଶଙ୍କୁ ସ୍ବର୍ଣ୍ଣ

ନୂଆଦିଲ୍ଲୀ,୧୬।୭- ଏସିଆନ୍‌ ଗେମ୍ସ ଲାଗି ପ୍ରସ୍ତୁତ ହେଉଥିବା ଭାରତୀୟ ମହିଳା କୁସ୍ତିଯୋଦ୍ଧା ଭିନେଶ ଫୋଗଟ ସ୍ପାନିଶ ଗ୍ରାଁ ପ୍ରି ପ୍ରତିଯୋଗିତାରେ ସ୍ବର୍ଣ୍ଣ ପଦକ ଜିତିଛନ୍ତି। ୨୩ ବର୍ଷୀୟ ଭିନେଶ ଫାଇନାଲରେ କାନାଡାର ନାତାଶା ଫକ୍ସଙ୍କୁ ୧୦-୦ ବ୍ୟବଧାନରେ ହରାଇ ଦେଇଛନ୍ତି।

ଭାରତୀୟ ମହିଳା କ୍ରିକେଟ ଦଳର ଆନ୍ତରୀଣ କୋଚ୍‌ ପାଓ୍ବାର

ଭାରତୀୟ ମହିଳା କ୍ରିକେଟ ଦଳର ଆନ୍ତରୀଣ କୋଚ୍‌ ପାଓ୍ବାର

ମୁମ୍ବାଇ,୧୬।୭(ପି.ଟି.)- ନିକଟରେ ମୁମ୍ବାଇ ରଣଜୀ ଦଳ କୋଚ୍‌ ପଦରୁ ବଞ୍ଚତ୍ତ ରହିଥିବା ପୂର୍ବତନ ଭାରତୀୟ ସ୍ପିନର ରମେଶ ପାଓ୍ବାରଙ୍କୁ ସୋମବାର ସମ୍ମାନଜନକ ପଦବି ମିଳିଛି। ତାଙ୍କୁ ମହିଳା କ୍ରିକେଟ ଦଳର ଆନ୍ତରୀଣ କୋଚ୍‌ ଭାବେ ନିଯୁକ୍ତ କରାଯାଇଛି।

ମନୁ, ଅନମୋଲଙ୍କୁ ସ୍ବର୍ଣ୍ଣ

ମନୁ, ଅନମୋଲଙ୍କୁ ସ୍ବର୍ଣ୍ଣ

ନୂଆଦିଲ୍ଲୀ,୧୬।୭- ଚେକ ଗଣତନ୍ତ୍ରଠାରେ ଚାଲିଥିବା ୨୮ତମ ଶୁଟିଂ ହୋପ୍‌ସ ଅନ୍ତର୍ଜାତୀୟ ପ୍ରତିଯୋଗିତାରେ ମନୁ ଭାକର ଓ ଅନମୋଲ ଜୈନ ୧୦ ମିଟର ମିକ୍ସଡ୍‌ ଏୟାର ପିସ୍ତଲ ଇଭେଣ୍ଟରେ ସ୍ବର୍ଣ୍ଣ ପଦକ ଜିତିଛନ୍ତି।

କାତାରକୁ ମଶାଲ ହସ୍ତାନ୍ତର କଲେ ପୁଟିନ

କାତାରକୁ ମଶାଲ ହସ୍ତାନ୍ତର କଲେ ପୁଟିନ

ମସ୍କୋ, ୧୬।୭(ଏଏଫ୍‌ପି)- ରୁଷିଆ ରାଷ୍ଟ୍ରପତି ଭ୍ଲାଡିମିର ପୁଟିନ୍‌ ୨୦୨୨ ଫିଫା ବିଶ୍ୱକପ୍‌ ଆୟୋଜନ ପାଇଁ କାତାରକୁ ଓୌପଚାରିକ ଭାବେ ମଶାଲ ହସ୍ତାନ୍ତର କରିଛନ୍ତି। ରବିବାର ବିଶ୍ୱକପ୍‌ ଫାଇନାଲ ମ୍ୟାଚ୍‌ ପୂର୍ବରୁ କ୍ରେମ୍‌ଲିନ୍‌ରେ ପୁଟିନ୍‌ କାତାରର ଅମିର ଶେଖ୍‌ ତାମିମ୍‌ ବିନ୍‌ ହମାଦ ଅଲ ଥାନି ଓ ଫିଫା ମୁଖ୍ୟ ଜିଆନି ଇନ୍‌ଫାଣ୍ଟିନୋଙ୍କୁ ଭେଟିଥିଲେ।

ଉଦ୍‌ଯାପନୀ ଉତ୍ସବରେ ମନମୋହିଲେ ଇରା ଇଷ୍ଟ୍ରେଫି

ଉଦ୍‌ଯାପନୀ ଉତ୍ସବରେ ମନମୋହିଲେ ଇରା ଇଷ୍ଟ୍ରେଫି

ମସ୍କୋ, ୧୬।୭(ଏଏଫ୍‌ପି)- ଫାଇନାଲ ମ୍ୟାଚ୍‌ ପୂର୍ବରୁ ଫିଫା ବିଶ୍ୱକପ୍‌ର ରଙ୍ଗାରଙ୍ଗ ଉଦ୍‌ଯାପନୀ ଉତ୍ସବ ଅନୁଷ୍ଠିତ ହୋଇଥିଲା। ଖଚାଖଚ୍‌ଭରା ସ୍ଥାନୀୟ ଐତିହାସିକ ଲୁଝ୍‌ନିକି ଷ୍ଟାଡିୟମରେ ଏହା ବେଶ୍‌ ମନମୋହକ ହୋଇଥିଲା। ଉତ୍ସବର ମୁଖ୍ୟ ଆକର୍ଷଣ ଥିଲେ କୋସୋଭ୍‌ର ଜଣାଶୁଣା ଗାୟିକା ଇରା ଇଷ୍ଟ୍ରେଫି।

ଜୁନିୟର ହକି : ମହିଳା ଦଳର ବିଜୟ, ପୁରୁଷ ହାରିଲା

ଜୁନିୟର ହକି : ମହିଳା ଦଳର ବିଜୟ, ପୁରୁଷ ହାରିଲା

ଆଣ୍ଟ୍ବେର୍ପ (ବେଲଜିୟମ), ୧୬ା୭ (ପି.ଟି.)- ଏଠାରେ ଚାଲିଥିବା ୨୩ ବର୍ଷରୁ କମ୍‌ ମହିଳା ଷଡ଼ରାଷ୍ଟ୍ରୀୟ ଟୁର୍ନାମେଣ୍ଟରେ ଭାରତର ଜୁନିୟର ମହିଳା ହକି ଦଳ ୧-୦ଗୋଲରେ ଗ୍ରେଟ୍‌ ବ୍ରିଟେନକୁ ପରାସ୍ତ କରିଛି। ସଙ୍ଗୀତା କୁମାରୀ ଏହି ବିଜୟସୂଚକ ଗୋଲ୍‌ଟିକୁ ସ୍କୋର କରିଥିଲେ।

ଜୋକୋଭିଚ୍‌ଙ୍କୁ ଚତୁର୍ଥ ଓ୍ବିମ୍ବେଲଡନ ଟାଇଟଲ

ଜୋକୋଭିଚ୍‌ଙ୍କୁ ଚତୁର୍ଥ ଓ୍ବିମ୍ବେଲଡନ ଟାଇଟଲ

ଲଣ୍ଡନ,୧୬ା୭- ନୋଭାକ ଜୋକୋଭିଚ୍‌ ଚତୁର୍ଥ ଥର ପାଇଁ ଓ୍ବିମ୍ବେଲଡନ ଓପନ ଟେନିସ ଟାଇଟଲ ହାସଲ କରିଛନ୍ତି। ରବିବାର ଅନୁଷ୍ଠିତ ଫାଇନାଲରେ ୧୨ତମ ସିଡ୍‌ ସର୍ବୀୟ ଖେଳାଳି ୬-୨, ୬-୨, ୭-୬ (୭-୩) ସେଟ୍‌ରେ ଦକ୍ଷିଣ ଆଫ୍ରିକାର କେଭିନ ଆଣ୍ଡରସନଙ୍କୁ ପରାସ୍ତ କରିଛନ୍ତି।

ଏସିଆନ ଗେମ୍ସ ପାଇଁ ଚିଫ୍‌ ଡି’ ମିଶନ ହେବେ ବ୍ରିଜ ଭୂଷଣ

ନୂଆଦିଲ୍ଲୀ, ୧୬ା୭ (ପି.ଟି.)- ଏସିଆନ ଗେମ୍ସ ଲାଗି ଗସ୍ତ କରିବାକୁଥିବା ଭାରତୀୟ ଦଳର ଚିଫ୍‌ ଡି’ ମିଶନ ହେବେ ଭାରତୀୟ କୁସ୍ତି ମହାସଂଘ ସଭାପତି ବ୍ରିଜ ଭୂଷଣ ସିଂ। ଭାରତୀୟ ଅଲିମ୍ପିକ ଆସୋସିଏଶନ (ଆଇଓଏ) ଚଳିତ ସପ୍ତାହରେ ବିଧିବଦ୍ଧ ଏହା ଘୋଷଣା କରିବ।

ମନୁ, ଅନ୍‌ମୋଲଙ୍କୁ ମିକ୍ସଡ ଏୟାର ପିସ୍ତଲ ସ୍ବର୍ଣ୍ଣ

ନୂଆଦିଲ୍ଲୀ, ୧୬ା୭ (ପି.ଟି.)-ଚେକ୍‌ ରିପବ୍ଲିକର ପ୍ଲିଜେନଠାରେ ଚାଲିଥିବା ଶୁଟିଂ ହୋପ୍ସ ଇଣ୍ଟରନ୍ୟାଶନାଲ ପ୍ରତିଯୋଗିତାରେ ସ୍ବଳ୍ପବୟସ୍କା ପ୍ରତିଭା ମନୁ ଭାକର ଓ ଅନମୋଲ୍‌ ଜୈନ ୧୦ ମିଟର ଏୟାର ପିସ୍ତଲ ଟିମ୍‌ ଇଭେଣ୍ଟରେ ସ୍ବର୍ଣ୍ଣ ପଦକ ଲାଭ କରିଛନ୍ତି।

Model This Week

ରୂପେଶ