ଉପକୂଳ ଓଡିଶା

କସ୍ତୁରୀ ମୃତ୍ୟୁ ମାମଲା ତଦନ୍ତରେ ଶିଥିଳତା: ଆତ୍ମହତ୍ୟା ପାଇଁ ଚେତାବନୀ ଦେଲେ ବାପା ଓ ମାଆ

କସ୍ତୁରୀ ମୃତ୍ୟୁ ମାମଲା ତଦନ୍ତରେ ଶିଥିଳତା: ଆତ୍ମହତ୍ୟା ପାଇଁ ଚେତାବନୀ ଦେଲେ ବାପା ଓ ମାଆ

କେନ୍ଦ୍ରାପଡା ଅଫିସ, ୧୬।୧୨
ଡେରାବିଶ ବ୍ଲକ ସଦର ଥାନା ଅନ୍ତର୍ଗତ ଅଢଙ୍ଗା ଗ୍ରାମର କ୍ରୀଡାଛାତ୍ରୀ କସ୍ତୁରୀ ସାମନ୍ତରାୟ ମୃତ୍ୟୁ ଘଟଣାର ଇତିମଧ୍ୟରେ ଅଢେଇ ମାସ ବିତିଛି । ଏନେଇ ସଦର ଥାନା ଓ ରାଜକନିକା ଥାନାରେ ଦୁଇଟି ମାମଲା ହୋଇଛି । ତେବେ ପୋଲିସ ପ୍ରଶାସନ ଅଦ୍ୟାବଧି ତଦନ୍ତରେ କୌଣସି ତତ୍ପରତା ପ୍ରକାଶ କରୁନାହାନ୍ତି । ଅପରପକ୍ଷରେ ଏହି ମାମଲାକୁ ଚାପି ଦେବା ପାଇଁ ପୋଲିସ ପ୍ରଶାସନ ଓ ଶିକ୍ଷା ବିଭାଗ ପକ୍ଷରୁ ପ୍ରବଳ ଚାପ ପ୍ରୟୋଗ କରାଯାଉଛି । ତଦନ୍ତରେ ଶିଥିଳତା ପାଇଁ କସ୍ତୁରୀଙ୍କ ବାପା ବିଭୂତି ସାମନ୍ତରାୟ ଓ ମାଆ ହତାଶ ହୋଇ ପଡିଛନ୍ତି । ଆସନ୍ତା ୭ ଦିନ ମଧ୍ୟରେ ଏହି ମାମଲାରେ କୌଣସି କାର୍ଯ୍ୟାନୁଷ୍ଠାନ ନିଆ ନ ଗଲେ ମୁଖ୍ୟମନ୍ତ୍ରୀଙ୍କ ବାସଭବନ ସମ୍ମୁଖରେ ଆତ୍ମହତ୍ୟା କରିବେ ବୋଲି ଉଭୟ ଏକ ଚିଠି ଲେଖି ଚେତାବନୀ ଦେଇଛନ୍ତି ।ଏହି ଚିଠି ମୁଖ୍ୟମନ୍ତ୍ରୀଙ୍କ ନିକଟକୁ ପଠା ଯାଇଥିବା ବେଳେ ଏହାର ନକଲ ବିରୋଧୀ ଦଳ ନେତା, ପୋଲିସ ଡିଜି, ରାଜ୍ୟ ମାନବାଧିକାର କମିଶନ, କେନ୍ଦ୍ରାପଡା ଜିଲାପାଳ ଓ ଏସପିଙ୍କ ନିକଟକୁ ଗତ ୧୪ ତାରିଖରେ ପଠାଇଛନ୍ତି । ସୂଚନାଯୋଗ୍ୟ ଯେ, କସ୍ତୁରୀ ସ୍ଥାନୀୟ ଗ୍ରାମର ଋକ୍ମଣୀ ଦେବୀ ବାଳିକା ବିଦ୍ୟାଳୟର ଦଶମ ଶ୍ରେଣୀ ଛାତ୍ରୀ ଥିଲେ । ସେ ଜଣେ ମେଧାବୀ ଛାତ୍ରୀ ହୋଇଥିବା ବେଳେ କ୍ରୀଡା ପ୍ରତି ତାଙ୍କର ରୁଚି ରହିଥିଲା । ଗତ ସେପ୍ଟେମ୍ବର ୨୨ ଓ ୨୩ ତାରିଖରେ ରାଜକନିକାସ୍ଥ ଆରଏନ ହାଇସ୍କୁଲଠାରେ ଆୟୋଜିତ ଜିଲାସ୍ତରୀୟ କ୍ରୀଡା ଶିବିରରେ ସେ ଯୋଗ ଦେଇଥିଲେ । ତେବେ ୨୨ ତାରିଖ ରାତିରେ ବାଳିକା ଶିବିରାର୍ଥୀଙ୍କ ଶିବିରରୁ ଜିଲା ଶିକ୍ଷା ବିଭାଗ ପିଅନ ସତ୍ୟବ୍ରତ ପତିଙ୍କୁ ଅସଂଯତ ଅବସ୍ଥାରେ ଉଦ୍ଧାର କରାଯାଇଥିଲା । ଏହି ଘଟଣାର ପରଦିନ ତରବରିଆ ଭାବେ ଶିବିରକୁ ବନ୍ଦ କରାଯିବା ସହିତ ଶିବିରାର୍ଥୀଙ୍କୁ ଘରକୁ ପଠାଇ ଦିଆଯାଇଥିଲା । ତେବେ ଶିବିରରୁ ଫେରି କସ୍ତୁରୀ ମାନସିକ ଚାପଗ୍ରସ୍ତ ଥିବା ବେଳେ ତାଙ୍କର ସେହିମାସ ୨୪ ତାରିଖରେ ଅସ୍ବାଭାବିକ ମୃତ୍ୟୁ ହୋଇଥିଲା ା ୨୫ ତାରିଖରେ ଜିଲା ମୁଖ୍ୟ ଚିକିତ୍ସାଳୟରେ ଶବ ବ୍ୟବଚ୍ଛେଦ ପାଇଁ ସମସ୍ତ ପ୍ରସ୍ତୁତି ସରିଥିବା ବେଳେ ଏହା କରା ନ ଯାଇ କୌଣସି କାରଣରୁ ଶବକୁ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଥିଲା ା ଏହାକୁ ନେଇ ଦୁଇଟି ଥାନାରେ ମାମଲା ରୁଜୁ ହୋଇଥିଲେ ମଧ୍ୟ ଜିଲା ଶିକ୍ଷା ବିଭାଗରୁ ନିଲମ୍ବିତ ହୋଇଥିବା ଖେଳ ପ୍ରଶିକ୍ଷକ ଅନନ୍ତ ଚରଣ ନାୟକ ଓ କାର୍ଯ୍ୟରୁ ବହିଷ୍କୃତ ହୋଇଥିବା ପତିଙ୍କୁ ପୋଲିସ ଅଦ୍ୟାବଧି ତଦନ୍ତ ପରିସରକୁ ଆଣି ନ ଥିବା କସ୍ତୁରୀର ବାପା ବିଭୂତି ଅଭିଯୋଗ ଆଣିଛନ୍ତି ା ଏଥିସହ ଜିଲା ଶିକ୍ଷା ବିଭାଗର କେତେକ କର୍ମଚାରୀ ଅର୍ଥ ପ୍ରଦାନ ସହ ଧମକ ଦେଇ କସ୍ତୁରୀ ମୃତ୍ୟୁ ମାମଲାକୁ ଆଗକୁ ନ ବଢ଼ାଇବା ପାଇଁ ଚେତାବନୀ ଦେଇଥିଲେ ା ଏନେଇ ବିଭିନ୍ନ ସ୍ବେଚ୍ଚାସେବୀ ସଂଗଠନ, ବୁଦ୍ଧିଜୀବୀଙ୍କ ପକ୍ଷରୁ ଆନ୍ଦୋଳନ ହୋଇଥିଲେ ମଧ୍ୟ ଅଦ୍ୟାବଧି କୌଣସି ସୁଫଳ ମିଳିନାହିଁ

All Right Reserved By

Model This Week

Model This Week

ଉପକୂଳ ଓଡିଶା

ଶ୍ରମିକ ନେତା ଶ୍ୟାମପଦ ହତ୍ୟାକାଣ୍ଡ ଘଟଣା: ୨୩ ବର୍ଷ ପରେ ଫେରାର ଅଭିଯୁକ୍ତ ଗିରଫ

ଶ୍ରମିକ ନେତା ଶ୍ୟାମପଦ ହତ୍ୟାକାଣ୍ଡ ଘଟଣା: ୨୩ ବର୍ଷ ପରେ ଫେରାର ଅଭିଯୁକ୍ତ ଗିରଫ

କଳିଙ୍ଗନଗର/ଡୁବୁରୀ,୨୭ା୪(ଡି.ଏନ.ଏ.): ଯାଜପୁର ଜିଲା ସୁକିନ୍ଦା ଖଣି ଅଞ୍ଚଳରେ ୨୫ ବର୍ଷ ତଳେ ଘଟିଥିବା ବହୁଚର୍ଚ୍ଚିତ ଶ୍ରମିକ ନେତା ଶ୍ୟାମପଦ ରାଉତ ହତ୍ୟାକାଣ୍ଡର ଫେରାର ଅଭିଯୁକ୍ତ ଗଜେନ୍ଦ୍ର ମହାନ୍ତଙ୍କୁ ସିବିଆଇ ଗୁରୁବାର ଗିରଫ କରିଛି। ଗଜେନ୍ଦ୍ର ହରିୟାଣାରୁ ନିଜ ଗ୍ରାମକୁ ଫେରୁଥିବା ସମ୍ପର୍କରେ ସିବିଆଇ ଖବରପାଇ ବାଲେଶ୍ୱର ଷ୍ଟେଶନରେ ଚଢ଼ାଉ କରି ତାଙ୍କୁ ଗିରଫ କରିଥିଲା। ଦୀର୍ଘ ୨୩ ବର୍ଷ ଧରି ଫେରାର ଥିବା ଗଜେନ୍ଦ୍ର ଗିରଫ ହେବା ପରେ ମାମଲା ଭିନ୍ନ ମୋଡ଼ ନେଇପାରେ ବୋଲି ଆଲୋଚନା ହେଉଛି।

୫ ବର୍ଷୀୟା ଶିଶୁକନ୍ୟାକୁ ଗଣବଳାତ୍କାର

୫ ବର୍ଷୀୟା ଶିଶୁକନ୍ୟାକୁ ଗଣବଳାତ୍କାର

ଜଗତ୍‌ସିଂହପୁର ଅଫିସ,୨୭ା୪: ଜଗତ୍‌ସିଂହପୁର ଥାନା ଅନ୍ତର୍ଗତ କଣ୍ଟାବଲ୍ଲଭପୁରରେ ବୁଧବାର ଜଣେ ୫ ବର୍ଷର ଶିଶୁକନ୍ୟାକୁ ୨ ଜଣ ନାବାଳକ(୧୦ ଓ ୧୪ ବର୍ଷ) ଗଣବଳାତ୍କାର କରିଥିବା ଅଭିଯୋଗ ହୋଇଛି। ପୀଡିତାଙ୍କ ମା’ ଏନେଇ ଅଭିଯୋଗ କରିବା ପରେ ଜଗତ୍‌ସିଂହପୁର ଥାନାରେ ଦଫା ୩୭୬ (୨)(ଆଇ)/୩୭୬ (ଡି) ଆଇପିସି/୬ ପୋକ୍ସୋ ଆକ୍ଟରେ ମାମଲା (ନଂ.୮୯/୧୮) ରୁଜୁ ହୋଇଛି।

୨୫ ହଜାର ଟଙ୍କା ନେଉଥିଲେ ଲାଞ୍ଚ: ଭିଜିଲାନ୍ସ ହାତରେ ଧରାପଡିଲେ ଭିଏଲଡବ୍ଲ୍ୟୁ

୨୫ ହଜାର ଟଙ୍କା ନେଉଥିଲେ ଲାଞ୍ଚ: ଭିଜିଲାନ୍ସ ହାତରେ ଧରାପଡିଲେ ଭିଏଲଡବ୍ଲ୍ୟୁ

ଡୁବୁରୀ,୨୬ା୪(ଡିଏନଏ)- ୫ଲକ୍ଷ ଟଙ୍କାର ଏକ କଂକ୍ରିଟ ରାସ୍ତା କାମର ବିଲ କରାଇ ଦେବାକୁ ଜଣେ ମହିଳାଙ୍କଠାରୁ ୨୫ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରା ପଡ଼ିଛନ୍ତି ଦାନଗଦୀ ବ୍ଲକ ଚାନ୍ଦିଆ ପଞ୍ଚାୟତର କାର୍ଯ୍ୟ ନିର୍ବାହୀ ଅଧିକାରୀ (ଭିଏଲ୍‌ଡବ୍ଲ୍ୟୁ) ବିଭୁପ୍ରସାଦ ଧିର। ଡୁବୁରୀସ୍ଥିତ ଆଇଡିବିଆଇ ବ୍ୟାଙ୍କ ସମ୍ମୁଖରେ ଧୀର ଲାଞ୍ଚ ଟଙ୍କା ଗ୍ରହଣ କରୁଥିବା ବେଳେ କଟକ ଭିଜିଲାନ୍ସ ସେଲ ଅଧିକାରୀମାନେ ଟଙ୍କା ଜବତ କରିବା ସହ ବିଭୁପ୍ରସାଦଙ୍କୁ ଗିରଫ କରିଥିଲେ।

ଭାଜପାର ସାଂଗଠନିକ ବୈଠକ

ଭାଜପାର ସାଂଗଠନିକ ବୈଠକ

କେନ୍ଦ୍ରାପଡା ଅଫିସ, ୨୬ା୪-କେନ୍ଦ୍ରାପଡା ବ୍ଲକ ଚକ୍ରୋଡା ପଞ୍ଚାୟତ କନ୍ତିଆ ମଠ ପରିସରରେ ୬ ନଂ ଜିଲା ପରିଷଦ ଜୋନର ସାଂଗଠନିକ ବୈଠକ ଭାଜପା ପକ୍ଷରୁ ବୁଧବାର ଅନୁଷ୍ଠିତ ହୋଇଥିଲା। ଜିଲା ପରିଷଦ ସଭ୍ୟ ଦେବାଶିଷ ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ସାଂଗଠନିକ ସ୍ଥିତିକୁ ସୁଦୃଢ଼ କରିବା, ପ୍ରଧାନମନ୍ତ୍ରୀ ନରେନ୍ଦ୍ର ଦାମୋଦର ଦାସ ମୋଦିଙ୍କ ବାର୍ତ୍ତା ପ୍ରଚାର, ତୃଣମୂଳସ୍ତରର ସମସ୍ୟା ପତି ନଜର ଦେବା ସମ୍ପର୍କରେ ଆଲୋଚନା ହୋଇଥିଲା।

ଉଜ୍ଜ୍ୱଳ ଓ ଉତ୍‌ଥାନ ପ୍ରଶିକ୍ଷଣ ଶିବିର ଉଦ୍‌ଘାଟିତ

ରାଜକନିକା, ୨୬।୪ (ଡି.ଏନ୍‌.ଏ): ରାଜକନିକା ବ୍ଲକର ପାରିନୂଆପଡା-ହାବୁଳଗଣ୍ଡ ପଞ୍ଚାୟତର ପାରିନୁଆପଡା ଉନ୍ନୀତ ଉଚ୍ଚ ପ୍ରାଥମିକ ବିଦ୍ୟାଳୟରେ ୩ ଦିନିଆ ଉଜ୍ଜ୍ୱଳ ଓ ଉତ୍‌ଥାନ ପ୍ରଶିକ୍ଷଣ ଶିବିର ଗୁରୁବାର ଉଦ୍‌ଘାଟିତ ହୋଇଯାଇଛି। ପାରିନୂଆପଡା ଉନ୍ନୀତ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ କରୁଣାକର ସାମଲଙ୍କ ଅଧ୍ୟକ୍ଷତାରେ ଏହି ଉତ୍ସବ ଅନୁଷ୍ଠିତ ହୋଇଥିଲା।

କେନ୍ଦ୍ରାପଡ଼ା ପଲିଟେକ୍‌ନିକ୍‌ କଲେଜ: ୧୩୦ ଛାତ୍ର ପରୀକ୍ଷା ଦେବାରୁ ବଞ୍ଚତ୍ତ

ଡେରାବିଶ, ୨୬ା୪(ସ୍ବ.ପ୍ର.): ଡେରାବିଶ ବ୍ଲକ ଚାଟରାଚକଡ଼ା ପଞ୍ଚାୟତ ଛତାସ୍ଥିତ କେନ୍ଦ୍ରାପଡ଼ା ପଲିଟେକ୍‌ନିକ୍‌ କଲେଜରେ ଶେଷ ବର୍ଷ ଓ ଦ୍ୱିତୀୟ ବର୍ଷ ପିଲାଙ୍କ ପରୀକ୍ଷା ବୁଧବାରଠାରୁ ଆରମ୍ଭ ହୋଇଥିବା ବେଳେ ୧୩୦ଜଣ ଛାତ୍ର ପରୀକ୍ଷା ଦେବାରୁ ବଞ୍ଚତ୍ତ ହୋଇଛନ୍ତି। ଏଥିରେ ଶେଷ ବର୍ଷର ୮୦ ଛାତ୍ର ଥିବା ୫୦ଜଣ ଛାତ୍ର ୨ୟ ବର୍ଷର।

୮ ବଖରା ପୋଡ଼ିଗଲା, ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ

୮ ବଖରା ପୋଡ଼ିଗଲା, ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ

ନାଉଗଁ।,୨୬ା୪(ସ୍ବ.ପ୍ର.): ନାଉଗଁ। ବ୍ଲକ ଗୋଠଦା-ଇଚ୍ଛାପୁର ଗ୍ରାମରେ ବୁଧବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ୩ ଜଣଙ୍କ ୮ ବଖରା ପୋଡିଯାଇଛି। ଏଥିରେ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଛି। ଗ୍ରାମର ଲଲାଟ ବିଶ୍ୱାଳଙ୍କ ୧ ବଖରା, ବିନୟ ବିଶ୍ୱାଳଙ୍କ ୧ ବଖରା ଓ ଶତୃଘନ ବିଶ୍ୱାଳଙ୍କ ୬ ବଖରା ପୋଡ଼ିଯାଇଛି।

ବାହୁବଳିଙ୍କ କବ୍‌ଜାରେ ଗୋଚର, ସର୍ବସାଧାରଣ ଜମି

ବାହୁବଳିଙ୍କ କବ୍‌ଜାରେ ଗୋଚର, ସର୍ବସାଧାରଣ ଜମି

କୁଜଙ୍ଗ,୨୬ା୪(ସ୍ବ.ପ୍ର.): କୁଜଙ୍ଗ ଥାନା ଜିଲାନାସୀ ପଞ୍ଚାୟତର ତେନ୍ତୁଲିଆ ଖମାର ଗ୍ରାମରେ ବହୁ ଗୋଚର ଓ ସର୍ବସାଧାରଣ ଜମି କେତେକ ଲୋକ ଜବରଦଖଲ କରି ରଖିଛନ୍ତି। ଏଥିଯୋଗୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ଏ ସମ୍ପର୍କରେ ବହୁବାର ବିଭାଗୀୟ ଅଧିକାରୀଙ୍କୁ ଅଭିଯୋଗ କରାଯାଇଥିଲେ ମଧ୍ୟ କୌଣସି ସୁଫଳ ମିଳୁନାହିଁ।

ସାରଙ୍ଗଧରପୁର ଓଡ଼ିଶା ଗ୍ରାମ୍ୟ ବ୍ୟାଙ୍କ ଡକାୟତି ଘଟଣାରେ ଆଉ ଜଣେ ଅଭିଯୁକ୍ତ ଗିରଫ

ସାରଙ୍ଗଧରପୁର ଓଡ଼ିଶା ଗ୍ରାମ୍ୟ ବ୍ୟାଙ୍କ ଡକାୟତି ଘଟଣାରେ ଆଉ ଜଣେ ଅଭିଯୁକ୍ତ ଗିରଫ

ରଣପୁର,୨୬।୪(ସ୍ବ.ପ୍ର.)-ନୟାଗଡ଼ ଜିଲା ରଣପୁର ଥାନା ପୋଲିସ ସାରଙ୍ଗଧରପୁର ଓଡ଼ିଶା ଗ୍ରାମ୍ୟ ବ୍ୟାଙ୍କ (ଓଜିବି) ଡକାୟତି ଘଟଣାରେ ସମ୍ପୃକ୍ତ ଥିବା ଆଉ ଜଣେ ଅଭିଯୁକ୍ତଙ୍କୁ ଜଗତ୍‌ସିଂହପୁର ଜିଲା ବିରିଡି ଥାନା ବାଗଲପୁର ଗ୍ରାମରୁ ଗୁରୁବାର ଗିରଫ କରିଛି। ସେ ହେଲେ ସେହି ଗ୍ରାମର ସନାତନ ପରିଡା(୩୦)।

ସଡକ ସୁରକ୍ଷା ସପ୍ତାହ ପାଳିତ

ସଡକ ସୁରକ୍ଷା ସପ୍ତାହ ପାଳିତ

ବାଙ୍କୀ, ୨୬ା୪ (ସ୍ବ.ପ୍ର.) - ୨୯ତମ ଜାତୀୟ ସଡକ ସୁରକ୍ଷା ସପ୍ତାହ ପାଳନ ଅବସରରେ ବାଙ୍କୀ ଥାନାରେ ଗୁରୁବାର ଦୁର୍ଘଟଣାଗ୍ରସ୍ତଙ୍କ ସାହାଯ୍ୟ କରିଥିବା ଲୋକଙ୍କୁ ସମ୍ବର୍ଦ୍ଧନା ଦିଆଯାଇଛି। କଟକ ଜିଲା ଗ୍ରାମାଞ୍ଚଳ ପୋଲିସ ଓ କଟକ ଆଞ୍ଚଳିକ ପରିବହନ ପ୍ରାଧିକରଣ ପକ୍ଷରୁ ବାଙ୍କୀ ଥାନା ପରିସରରେ ଆୟୋଜିତ ଏହି ଉତ୍ସବରେ ବାଙ୍କୀ ଉପଖଣ୍ଡ ପୋଲିସ ଅଧିକାରୀ ପୂର୍ଣ୍ଣଚନ୍ଦ୍ର ପ୍ରଧାନ ଅଧ୍ୟକ୍ଷତା କରିଥିଲେ ।

ସଡ଼କ ସୁରକ୍ଷା ସପ୍ତାହ ସଚେତନତା ରାଲି

ସଡ଼କ ସୁରକ୍ଷା ସପ୍ତାହ ସଚେତନତା ରାଲି

କାଳିଆପାଣି,୨୬ା୪(ଡି.ଏନ୍‌.ଏ)- କାଳିଆପାଣି ଆମ ପୋଲିସ ପକ୍ଷରୁ ଦୁଇଦିନ ଧରି ୨୯ତମ ଜାତୀୟ ସଡ଼କ ସୁରକ୍ଷା ସପ୍ତାହ ପାଳିତ ହୋଇଛି। ଏହି ଅବସରରେ ଗୁରୁବାର ସକାଳ ୯ଟାରେ କାଳିଆପାଣି ପଞ୍ଚାୟତ କାଯର୍‌ୟାଳୟରୁ ବାଇକ ଶୋଭାଯାତ୍ରା କରାଯାଇଥିଲା ସରପଞ୍ଚ କଳ୍ପନା ଜେନା ଓ ଶ୍ରମିକ ସଂଘ ନେତା ନାରାୟଣ ଚନ୍ଦ୍ର ଧୀର ଅତିଥିଭାବେ ଯୋଗଦେଇ ଶୋଭାଯାତ୍ରାର ଉଦ୍‌ଘାଟନ କରିଥିଲେ ।

ରାଜ୍ୟସ୍ତରୀୟ ଦକ୍ଷତା ପ୍ରତିଯୋଗିତା

ରାଜ୍ୟସ୍ତରୀୟ ଦକ୍ଷତା ପ୍ରତିଯୋଗିତା

ବିରଜାକ୍ଷେତ୍ର,୨୬ା୪(ଡି.ଏନ୍‌.ଏ.)- ରାଜ୍ୟ ଦକ୍ଷତା ପ୍ରାଧିକରଣ ଆନୁକୂଲ୍ୟରେ ଜିଲାପାଳଙ୍କ ଗୁରୁବାର ଏକ ଖବରଦାତା ସମ୍ମିଳନୀ ଅନୁଷ୍ଠିତ ହୋଇଯାଇଛି। ଏଥିରେ ଅତିରିକ୍ତ ଜିଲାପାଳ ବ୍ରଜବନ୍ଧୁ ଭୋଳ ଅଧ୍ୟକ୍ଷତା କରିଥିଲେ। ଚଳିତ ମାସ ୨୯ ଓ ୩୦ ଦୁଇ ଦିନ ଧରି ଭୁବନେଶ୍ୱରସ୍ଥିତ ପ୍ରଦର୍ଶନୀ ପଡ଼ିଆରେ ଦକ୍ଷତା ସହିତ ଜଡ଼ିତ ବିଭିନ୍ନ ଅନୁଷ୍ଠାନର ଛାତ୍ରୀଛାତ୍ରଙ୍କ ମଧ୍ୟରେ ରାଜ୍ୟସ୍ତରୀୟ ଦକ୍ଷତା ପ୍ରତିଯୋଗିତା ଅନୁଷ୍ଠିତ ହେବ।