ସମ୍ପାଦକୀୟ |

ସାବାସ୍‌ ବିଲେଇ

ସାବାସ୍‌ ବିଲେଇ

କମଳାକାନ୍ତ ଜେନା
ମଦନ ଶନିବାର ନୂଆ ବୁଲେଟ୍‌ ଧରି ଆମ ଘରେ ପହଞ୍ଚିଗଲା। ଆସୁ ଆସୁ କହିଲା, ଭାଇ, ମ୍ୟୁନିସିପାଲିଟି ଅଫିସରେ ମୋ ପୁଅର ବାର୍ଥ-ସାର୍ଟିଫିକେଟ୍‌ ବାହାର କରିବା ଲାଗି ଆବେଦନ କରିଆସିଛି। ତୋର ତ ସେଠାରେ ଢେର ଲୋକ ଚିହ୍ନା ଥିବେ। ଚାଲ୍‌, ଆଣିବାକୁ ଯିବା। ମୁଁ କହିଲି, ଚିହ୍ନା କିଛି ଦରକାର ନାହିଁ। ରସିଦ ଦେଖେଇଲେ ମିଳିଯିବ। ଜଳଖିଆ ଖାଇ ପୌରପାଳିକା ଅଫିସକୁ ଗଲୁ। ରାସ୍ତାରେ ମଦନ ପଚାରିଲା, ମୋ ଗାଡିଟା କେମିତି ଲାଗୁଛି? ମୁଁ କହିଲି, ବସିବାକୁ ଭଲ ଲାଗୁଛି। କିନ୍ତୁ, ଫଟ୍‌ଫଟ୍‌ ଶବ୍ଦଟା ବିରକ୍ତ ଲାଗୁଛି। ମୋ କଥା ଶୁଣି ସେ ହସିଦେଲା। କହିଲା, ଆରେ, ସେଇଟା ତ ମଜା। ଏମିତି ଶବ୍ଦ ବାହାରିବା ଲାଗି ସାଇଲେନ୍ସର ପାଇପ୍‌ରେ ସେମିତି କାମ କରାଯାଇଛି ନା। ମନେମନେ ଭାବିଲି, ଶବ୍ଦପ୍ରଦୂଷଣ କମ୍‌ ହେଇଛି ଯେ, ପୋଡାମୁହାଁ ପାଇପ୍‌ରେ କାମ କରେଇ ଫଟ୍‌ଫଟ୍‌ କରୁଛି! ହଠାତ୍‌ ରାସ୍ତାକଡ଼ରେ ବିଲେଇଟିଏ ଦେଖି ମଦନ ଗାଡି ଅଟକାଇଲା। କହିଲା, ଧେତ୍‌, ବିଲେଇ ରାସ୍ତା କାଟିଲାଣି, ଆଜି ଆଉ କାମ ହେବନି। ମୁଁ କହିଲି, ରାସ୍ତା କେତେବେଳେ କାଟିଲା? ବିଚାରି ରାସ୍ତା ପାରି ହେବାପାଇଁ ଆସୁଥିଲା, ତୋ ଫଟଫଟିଆ ଶବ୍ଦ ଶୁଣି ଫେରି ପଳେଇଲା। ମଦନ କହିଲା, ଯେତେ କହିଲେ ମୁଁ ମାନିବିନି। ରାସ୍ତାରେ ବିଲେଇ ଦେଖିଲ ମାନେ ଅନୁକୂଳ ବିଗିଡିଗଲା। କାମ ହେବନି। ମନ ଦୁଃଖରେ ଗାଡିଟାକୁ ଟିକିଏ ପଛେଇ ଆଣି ପୁଣି ଆଗେଇ ନେଇ ରଖିଲା। ଜରିପୁଡିଆରୁ ଟିକେ ମସଲା କାଢି ପାଟିରେ ଢାଳି ପୁଣି ଗାଡି ଷ୍ଟାର୍ଟ କଲା। ଅଫିସରେ ପହଞ୍ଚି ଦେଖିଲା ବେଳକୁ ସାର୍ଟିଫିକେଟ୍‌ ବିଭାଗର ବାବୁ ନାହାନ୍ତି। ଜଣେ କର୍ମଚାରୀ କହିଲେ, ଆବେଦନ କରିବା ସମୟରେ ସୋମବାର କି ଶନିବାର ନ ଆସିବା ପାଇଁ କହିଥିଲି। ସେ ଦୁଇ ଦିନ ବାବୁ ନ ଥାନ୍ତି। ମଦନ ମୋ ଆଡ଼କୁ ନିରାଶ ହେଇ ଅନେଇ କହିଲା, ଦେଖିଲୁ। ବିଲେଇ ବାଟ କାଟିଲେ ହବା କାମ ବି ହେବନି। ବୁଝିଲୁ ଭାଇ, କଳାବିଲେଇ ଦେଖିଥିଲେ, ଆହୁରି କିଛି ଖରାପ ହେଇଥାନ୍ତା। ମୁଁ କହିଲି, ତୁ ବିଲେଇ ନ ଦେଖିଥିଲେ ବି ତୋ କାମ ଆଜି ହେଇ ନ ଥାନ୍ତା। ତତେ ପରା ଆଜି ଆସିବାକୁ ମନା ହେଇଥିଲା, ତୁ ଆସିଲୁ କାହିଁକି? ଏତିକି କହୁ କହୁ ଅଫିସ ପାଚେରି ପାଖରୁ ନେଉଳଟେ ବାହାରକୁ ଚାଲିଗଲା। ମଦନ ନେଉଳକୁ ଦେଖି କହିଲା, ଧେତ୍‌। ଏବେ ବାହାରିଲେ କ’ଣ ଲାଭ? ଘରୁ ବାହାରିଲା ବେଳେ ନେଉଳଟାକୁ ଦେଖିଥିଲେ ହେଇଥାନ୍ତା। ମୁଁ ପଚାରିଲି, ତୁ ଘରେ ନେଉଳ ଦେଖିଥିଲେ ପୌରପାଳିକା ବାବୁ କ’ଣ ଶନିବାର ତୋ ପାଇଁ ଅଫିସ ଆସିଥାନ୍ତେ? ମଦନ କହିଲା, ବିଶ୍ୱାସ କର, ନେଉଳ ଦେଖିଲେ ନ ହବା କାମ ହେବ। କଥା ନ ବଢେଇ ମୁଁ କହିଲି, ଆଚ୍ଛା, ମୁଁ ଗୋଟେ ନୂଆ କଥା ଶିଖିଲି। ମଦନ ଗାଡି ଷ୍ଟାର୍ଟ କଲା। ଗାଡି ପଛରେ ବସି ଭାବୁଥିଲି, ବିଲେଇ-ନେଉଳ କଥାଟା ମଦନର ବିଶ୍ୱାସ ନା ଅନ୍ଧବିଶ୍ୱାସ। କୁକୁର, ଛେଳି, ବଳଦର ରାସ୍ତା ପାରିହେବା ଅଧିକାର ରହିଛି। କିନ୍ତୁ ବିଲେଇର ସେ ଅଧିକାର ନାହିଁ। ଗାଈମଇଁଷି ରାସ୍ତା ଉପରେ ଶୋଇ ଟ୍ରାଫିକ୍‌-ଜାମ୍‌ କରିବେ। ଦୁର୍ଘଟଣା ଘଟେଇବେ। ତାହା ଆମ ପାଇଁ ଅଶୁଭ ନୁହେଁ। କିନ୍ତୁ ବିଲେଇଟା କାହାରି କିଛି କ୍ଷତି ନ କରି ଚୁପ୍‌ଚାପ୍‌ ରାସ୍ତା ପାରି ହେଇ ଚାଲିଗଲେ ଅଶୁଭ। ବିଲେଇ ଭଳି ନେଉଳ ବି ଗୋଟେ ଜୀବ। ତା’ର ବି ଚାରିଟା ଗୋଡ ଓ ଗୋଟିଏ ଲାଞ୍ଜ ଅଛି। ବିଲେଇ ଭଳି ଲୋମ ଅଛି। କିନ୍ତୁ, ନେଉଳ ରାସ୍ତା ଅତିକ୍ରମ କଲେ ଆମ ପାଇଁ ଶୁଭ। କଳା ବିଲେଇ କଥା ମଦନ କହୁଥିଲା। କିନ୍ତୁ କଳାରଙ୍ଗ ତ ଆମ ପାଇଁ ଖରାପ ନୁହେଁ। ଆମେ କଳାସୂତାରେ ତାବିଜ ବାନ୍ଧି ପିନ୍ଧିଲେ ଶୁଭ ବୋଲି ମାନୁ। ମନ୍ଦିର ଭିତରେ ତିନିଠାକୁର ପୂଜା ପାଉଥିଲେ ବି ଆମେ କାଳିଆ ଠାକୁରର ବଡ ଆଦର କରୁ। କଳାଗାଈର କ୍ଷୀର ମିଠା କହି କଳାଗାଈ ପାଳୁ। କିନ୍ତୁ କଳାରଙ୍ଗର ବିଲେଇକୁ ଅଶୁଭ ବୋଲି କହୁ। ଆମେ ବିଜ୍ଞାନ ଯୁଗର ମଣିଷ ବୋଲି ଗର୍ବ କରୁ। ତେଣୁ ଆମର ସବୁ ବିଶ୍ୱାସ ବିଜ୍ଞାନସମ୍ମତ ଓ ଯୁକ୍ତିଯୁକ୍ତ ହେବା ଦରକାର। ହେଲେ ଧନ୍ୟ ଆମର ଅନ୍ଧ ଭାବନା। ଯିଏ ଗାଈ ଦେହର କଳାରଙ୍ଗକୁ ଭଲ ପାଉଛି, ସିଏ ବିଲେଇର କଳାରଙ୍ଗକୁ ଏତେ ଘୃଣା କେମିତି କରୁଛି? ମଜାର କଥା, ବିଲେଇ ରାସ୍ତା ଅତିକ୍ରମ କରିବା କାହିଁକି ଅଶୁଭ, କିମ୍ବା ନେଉଳ ଦେଖିଲେ କାହିଁକି ଶୁଭ, ସେକଥା କେହି ଜାଣନ୍ତି ନାହିଁ। ଏମିତିକା ଅନ୍ଧବିଶ୍ୱାସ ପଛରେ କୌଣସି ନିର୍ଦ୍ଦିଷ୍ଟ ଯୁକ୍ତି ବି ନ ଥାଏ। ତେଣୁ ବିଜ୍ଞାନ ଯୁଗରେ ବିଲେଇକୁ ନେଇ ଭୟଭୀତ ହେବା ଆଉ ନେଉଳକୁ ଦେଖି ଖୁସି ହେବା ପ୍ରସଙ୍ଗ ସତରେ ହାସ୍ୟାସ୍ପଦ। କେବଳ ଆମ ଦେଶରେ ନୁହେଁ। ଆମ ପରି ଅନେକ ବିକାଶଶୀଳ ଦେଶ, ଏପରିକି ବିକଶିତ ରାଷ୍ଟ୍ରରେ ମଧ୍ୟ ବିଲେଇକୁ ନେଇ ଏମିତି ଅନ୍ଧବିଶ୍ୱାସ ରହିଛି। କୁହାଯାଏ ବିଲେଇର ନଅଟା ଜୀବନ ଅଛି। କାହିଁକି ନା, ବିଲେଇ ଜୀବନ-ମରଣ ଭଳି ଚରମ ପରିସ୍ଥିତିର ସାମନା କରିପାରେ। ସାହିର ସବୁ କୁକୁର ତାକୁ ଚାରିପଟୁ ଘେରିଥିଲା ବେଳେ ଚତୁର ବିଲେଇ ସେମାନଙ୍କ କବଳରୁ ବଞ୍ଚିବାର କୌଶଳ ଜାଣିଛି। କ୍ଷୀର ହାଣ୍ଡିରେ ମୁହଁ ମାରୁ ମାରୁ ଘର ମାଲିକାଣି ରୋଷେଇ ଘରକୁ ହଠାତ୍‌ ପଶି ଆସିଲେ ସେ ଝରକାରୁ ସିଧା ତଳକୁ ଡେଇଁବା ଜାଣିଛି। ଏତେ ଉଚ୍ଚରୁ ଡେଇଁଲେ ବି ପାଦର ନରମ ମାଂସପେଶୀ ଓ ଡେଇଁବାର କୌଶଳ ପ୍ରୟୋଗ କରି ନିଜର ସରୁ ସରୁ ଗୋଡକୁ ସୁରକ୍ଷିତ କରି ରଖିବା ବିଦ୍ୟା ତାକୁ ଜଣାଅଛି। ସେ କୁକୁର ଭୟରେ ଭୂଇଁ ଉପରେ ଦୌଡିବା ଜାଣିଛି, ମାଙ୍କଡ ଭୟରେ ଗଛ ଉପରେ ବି ଦୌଡିବା ଶିଖିଛି। ବିଲେଇର ପାଣିକୁ ବଡ଼ ଡର। ସେକଥା ପିଲେ ବୁଝିଲେ ତ? ସେମାନେ ବିଲେଇକୁ ପାଇଗଲେ ପାଣିକୁ ଫିଙ୍ଗିବେ। ବିଚରା ବିଲେଇ ପାଣିରେ ପହଁରିବା ବି ଜାଣିଛି। ଦୀପାବଳୀରେ ବାଣ ଫୁଟିବା ଆଗରୁ ଛୁ ମାରିବା ମନ୍ତ୍ର ବି ତାକୁ ଭଲ ଭାବରେ ଜଣା। ସତ କଥା, ଏଡେ ବକଟେ ବିଲେଇ ସାମନାରେ ଖାଲି ବିପଦ ଆଉ ବିପଦ। ପ୍ରତି ମୁହୂର୍ତ୍ତରେ ମରଣ ସହିତ ଛକାପଞ୍ଝା କରି ସେ ବଞ୍ଚିଛି। ତେଣୁ ବିଲେଇର ନଅଟା ଜୀବନ ରହିବା କଥା। ବରଂ କିଛି କାରଣ ନ ଥାଇ ଜୀବଟାକୁ ଆମେ ଏତେ ଘୃଣା ନ କରି ତା’ର ସଂଘର୍ଷମୟ ଜୀବନରୁ ଶିଖିବା ଉଚିତ।
ଇମେଲ: kkjena1@gmail.com

All Right Reserved By

Model This Week

ନିକିତା

ସମ୍ପାଦକୀୟ |

 ଭବିଷ୍ୟତ ଗତିବିଧି

ଭବିଷ୍ୟତ ଗତିବିଧି

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ କେନ୍ଦ୍ରୀୟ ପ୍ରତ୍ୟକ୍ଷ କର ପରିଷଦ (ସିବିଡିଟି)ର ଅଧ୍ୟକ୍ଷ ସୁଶୀଲ ଚନ୍ଦ୍ରଙ୍କ ଭବିଷ୍ୟତକୁ ନେଇ ଦିଲ୍ଲୀରେ ନାନା କଳ୍ପନାଜଳ୍ପନା ପ୍ରକାଶ ପାଇଛି। ଆସନ୍ତା ମେ ଶେଷ ସୁଦ୍ଧା ଚନ୍ଦ୍ର ଅବସର ନେବାକୁ ଥିବାବେଳେ ସରକାର ତାଙ୍କ କାର୍ଯ୍ୟକାଳ ପୁଣିଥରେ ବୃଦ୍ଧି କରିପାରନ୍ତି ବୋଲି ଶୁଣିବାକୁ ମିଳୁଛି। ଏଠାରେ ସ୍ମରଣଯୋଗ୍ୟ ଯେ, ଗତବର୍ଷ ମେ ମାସରେ ଚନ୍ଦ୍ର ଅବସର ନେବାର ଥିଲା। କିନ୍ତୁ ତାଙ୍କ ଅବସରର କିଛିଦିନ ପୂର୍ବରୁ ମୋଦି ସରକାର ତାଙ୍କୁ ସିବିଡିଟିର ଅଧ୍ୟକ୍ଷ ଭାବେ ପୁନର୍ନିଯୁକ୍ତ କରିଥିଲେ। ସମ୍ପ୍ରତି ସରକାର ସିବିଡିଟିର ଦୁଇଟି ସଦସ୍ୟ ପଦ ପୂରଣ କରିବା ପାଇଁ ପ୍ରକ୍ରିୟା ଆରମ୍ଭ କରିଥିବାବେଳେ ଚନ୍ଦ୍ରଙ୍କ ଅବସର ପରେ ଖାଲି ହେବାକୁ ଥିବା ଅଧ୍ୟକ୍ଷ ପଦ ପୂରଣ ପାଇଁ ପ୍ରକ୍ରିୟା ଆରମ୍ଭ କରି ନ ଥିବାରୁ ଏପରି କଳ୍ପନାଜଳ୍ପନାକୁ ଖୋରାକ ମିଳିଯାଇଛି। ତେବେ ଆଉ କିଛି ଲୋକଙ୍କ ଅନୁମାନ ଅନୁସାରେ ଚନ୍ଦ୍ରଙ୍କୁ ୧୯୮୪ ବ୍ୟାଚ୍‌ ଆଇପିଏସ୍‌ ଅଫିସର କର୍ନଲ ସିଂଙ୍କ ସ୍ଥାନରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି)ର ମୁଖ୍ୟ କରାଯାଇପାରେ।...

ବିଶ୍ୱାସ ନିକିତିରେ ଦେଶର ତଉଲ

ବିଶ୍ୱାସ ନିକିତିରେ ଦେଶର ତଉଲ

ସରଳ କୁମାର ଦାସ ଯେ କୌଣସି ସମାଜର ଉନ୍ନତି ଓ ପ୍ରଗତି ପାଇଁ ଦୃଢ଼ ଭାବେ ସଂସ୍ଥାପିତ, ବିଶ୍ୱସନୀୟ, ଉତ୍ତରଦାୟୀ, ପ୍ରଭାବୀ ଅନୁଷ୍ଠାନଗୁଡ଼ିକର ଆବଶ୍ୟକତା ଗୁରୁତ୍ୱପୂର୍ଣ୍ଣ। ଅନୁଷ୍ଠାନଗୁଡ଼ିକ ସମାଜକୁ ତିଆରି କରୁଥିବା ଇଟାଖଣ୍ଡ ସଦୃଶ। ଜନସାଧାରଣଙ୍କର ସଂସ୍ଥା ଓ ବ୍ୟବସ୍ଥା ପ୍ରତି ଆସ୍ଥା ନ ରହିଲେ ଅରାଜକତା ଦେଖାଦେଇ ତାହା ସମାଜ ଓ ଦେଶର ସଂହତି ପ୍ରତି ବିପଦ ସୃଷ୍ଟି କରିବାର ସମ୍ଭାବନା ଥାଏ। ଲୋକଙ୍କ ଆସ୍ଥା ବିନା ଗୋଟିଏ ଦେଶ ତିଷ୍ଠି ରହିବା ଅସମ୍ଭବ ବୋଲି ବହୁ ଶତାବ୍ଦୀ ପୂର୍ବରୁ ଚୀନ ଦାର୍ଶନିକ କନ୍‌ଫୁସିଅସ୍‌ କହିଥିଲେ।...

ସାହିତ୍ୟ କାହିଁକି

ସାହିତ୍ୟ କାହିଁକି

ଶିବରାମ ଶତପଥୀ ସହିତ ଶବ୍ଦରେ ୟ ପ୍ରତ୍ୟୟ ଯୋଗ କରି ସାହିତ୍ୟ ଶବ୍ଦ ସୃଷ୍ଟ। ପଣ୍ଡିତମାନେ ବ୍ୟାଖ୍ୟା କରି କହିଛନ୍ତି ଯାହା ଜୀବାତ୍ମାକୁ ପରମାତ୍ମାଙ୍କ ସହିତ ମିଶାଏ ତାହା ସାହିତ୍ୟ। ତେବେ ଯୁଗେ ଯୁଗେ ସାହିତ୍ୟ ସୃଷ୍ଟି କରନ୍ତି ଅଳ୍ପକିଛି ସ୍ଥିତଧୀ ବ୍ୟକ୍ତି ଓ ସେଥିରେ ଆପ୍ୟାୟିତ ହୁଅନ୍ତି ଅସଂଖ୍ୟ ପାଠକଳ୍‌। ଯେପରି ଜଣେ ଭଗୀରଥ ଗଙ୍ଗାଙ୍କୁ ସ୍ବର୍ଗରୁ ଅବତରଣ କରାଇଥିଲେ। କେବଳ ଷାଠିଏ ସହସ୍ର ସଗର ପୁତ୍ର ନୁହନ୍ତି କୋଟି କୋଟି ବ୍ୟକ୍ତି ସେ ଜଳରେ ଅବଗାହନ ଓ ପାନ କରି ଉପକୃତ ହେଉଛନ୍ତି। ସାହିତ୍ୟ ସୃଷ୍ଟି ସେପରି ଶାଶ୍ୱତ ଓ ସାର୍ବଜନୀନ ହେବା ଆବଶ୍ୟକ।...

ଏଇ ଭାରତରେ

ଏଇ ଭାରତରେ

ବିବାହ ପୂର୍ବରୁ କନ୍ୟା ତା’ର ପ୍ରେମିକ ସହ ଫେରାର ହୋଇଯିବା ଫଳରେ ବରକୁ ଶିଶୁପାଳ ହୋଇ ଫେରିବାର ଉଦାହରଣ ଅନେକ ରହିଛି। କିନ୍ତୁ ବର ମଦ୍ୟପାନ କରି ବାହା ହେବାକୁ ଆସିଥିବାରୁ କନ୍ୟା ବିନା ଘରକୁ ଫେରିବା ଘଟଣା ଖୁବ୍‌ କମ୍‌ ଦେଖିବାକୁ ମିଳେ। ଏମିତି ଏକ ଘଟଣା ଗତ ମଙ୍ଗଳବାର ଦେଖିବାକୁ ମିଳିଛି ଉତ୍ତରପ୍ରଦେଶର ଇଟାଓ୍ବା ଜିଲା ଶେଖପୁର ସରୌୟା ଗ୍ରାମରେ। କନ୍ୟା କୁମ୍‌କୁମ୍‌ ଖୁବ୍‌ ସାହସ ଦେଖାଇ ମଦ୍ୟପ ବରକୁ ଫେରାଇ ଦେଇଛନ୍ତି। କୁମ୍‌କୁମ୍‌ଙ୍କ ପରିବାର ରୁହନ୍ତି ଶେଖପୁର ସରୌୟା ଗ୍ରାମରେ। ତାଙ୍କର ବିବାହ ସ୍ଥିର ହୋଇଥିଲା ସେହି ଜିଲାର ଯଶଓ୍ବନ୍ତନଗର କସ୍‌ବେ ଗ୍ରାମର ଗୁଲ୍‌ଶନ୍‌ ଯାଦବଙ୍କ ସହ। କୁମ୍‌କୁମ୍‌ ଗୋଟିଏ ସର୍ତ୍ତ ରଖିଥିଲେ ଯେ, ବାହାଘରକୁ କେହି ମଦ ପିଇ ଆସିବେ ନାହିଁ। ବରଯାତ୍ରୀମାନଙ୍କୁ ଏଥିସକାଶେ ବାରଣ ମଧ୍ୟ କରାଯାଇଥିଲା। ...

ଆଜିର ଅର୍ଥନୀତି/ଏଟିଏମ୍‌ ସଂକଟ

ଆଜିର ଅର୍ଥନୀତି/ଏଟିଏମ୍‌ ସଂକଟ

ଅଟୋମେଟଡ୍‌ ଟେଲର ମେଶିନ୍‌ (ଏଟିଏମ୍‌)ଗୁଡ଼ିକରେ ପୁଣି ଟଙ୍କାର ଅଭାବ ଦେଖାଦେଇଛି। ଟଙ୍କା ଉଠାଇବା ପାଇଁ ଏ ବୈଶାଖ ମାସର ମୁଣ୍ଡଫଟା ଖରାରେ ଲୋକମାନେ ଗୋଟିଏ ଏଟିଏମ୍‌ରୁ ଆଉ ଗୋଟିଏ ଏଟିଏମ୍‌କୁ ଦୌଡ଼ୁଥିବାର ଦେଖାଯାଉଛି। ଏହି ନଗଦ ଟଙ୍କାର ସଂକଟ ବୁଧବାର ପବିତ୍ର ଅକ୍ଷୟ ତୃତୀୟା ଅବସରରେ ସୁନା କିଣିବା ପାଇଁ ଚାହୁଁଥିବା ଲୋକଙ୍କ ଉତ୍ସାହରେ ପାଣି ପକେଇଦେଇଛି। ଛଅଟି ରାଜ୍ୟରେ ଏଭଳି ଅବସ୍ଥା ସୃଷ୍ଟି ହୋଇଥିବାର ରିପୋର୍ଟ ମିଳିଥିବା ବେଳେ ଏହି ସମସ୍ୟା ଅସ୍ଥାୟୀ ଓ ତିନିଦିନ ଭିତରେ ଦୂର ହୋଇଯିବ ବୋଲି ଲୋକଙ୍କୁ ବୁଝାଇବାକୁ ଯାଇ ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ ନାକେଦମ୍‌ ହୋଇଯାଇଛନ୍ତି। ସେ ମଧ୍ୟ ଆଶ୍ୱାସନା ଦେଇ କହିଛନ୍ତି ଯେ, ନୋଟ୍‌ର ଅଭାବ ନାହିଁ ଏବଂ ବିମୁଦ୍ରୀକରଣ ପୂର୍ବରୁ ଯେତିକି ସଂଖ୍ୟକ ନୋଟ୍‌ ପ୍ରଚଳିତ ଥିଲା, ଏବେ ସେତିକି ପ୍ରଚଳିତ ଅଛି। ଯଦିଚ ଛଅଟି ରାଜ୍ୟରେ ଏଭଳି ସଂକଟ ଦେଖାଦେଇଥିବାର ରିପୋର୍ଟ ପ୍ରକାଶ ପାଇଛି, ସେ ସଂଖ୍ୟା ପ୍ରକୃତରେ ଆହୁରି ଅଧିକ ହୋଇପାରେ। ଓଡ଼ିଶାର ଅନେକ ଏଟିଏମ୍‌ରେ ଟଙ୍କା ନ ଥିବାର ଦେଖାଯାଉଛି ଏବଂ ଆଗରୁ ବି ଏପରି ସଂକଟ ଦେଖାଦେଇଥିବାର ରିପୋର୍ଟ ପ୍ରକାଶ ପାଇଛି। ...

ଘର ନୁହେଁ, ଭଲ ଜେଲ୍‌

ଘର ନୁହେଁ, ଭଲ ଜେଲ୍‌

ଡ. ନିଖିଳାନନ୍ଦ ପାଣିଗ୍ରାହୀ ଦେଖାଯାଏ ଯେ, ଜାପାନର ଜେଲରେ ବହୁସଂଖ୍ୟକ ବୁଢୀ ବନ୍ଦୀ ଭାବେ ଅଛନ୍ତି। ସେମାନଙ୍କ ସଂଖ୍ୟା ଜଣକୁ ନିଶ୍ଚୟ ବିସ୍ମିତ କରିବ, ଦୁଃଖିତ କରିବ ମଧ୍ୟ। କେତେକ ବିଜ୍ଞ ବ୍ୟକ୍ତି ଏହା ଏକ ସମସ୍ୟା ବୋଲି ସନ୍ଦେହ କରି ଏହାର କାରଣ ଜାଣିବାକୁ କୌତୂହଳୀ ହେଲେ। ଅନୁଧ୍ୟାନରୁ ସ୍ପଷ୍ଟ ହେଲା ଯେ, ସେମାନଙ୍କ ମଧ୍ୟରୁ ପ୍ରାୟତଃ ସମସ୍ତେ ଛୋଟ ଛୋଟ ଅପରାଧରେ ଜଡ଼ିତ। ପୁଣି ଜଣେ ଜଣେ ବନ୍ଦିନୀ ବହୁବାର ଏମିତି ଦୋଷ କରିଥିବାରୁ ଜେଲକୁ ଆସୁଛନ୍ତି। ଅଧିକାଂଶ ବୃଦ୍ଧା ଦୋକାନରୁ ଛୋଟ ଜିନିଷ ଚୋରି କରିବା ପରି ସାମାନ୍ୟ ଭୁଲ କାର୍ଯ୍ୟ କରିଥାନ୍ତି। ସେମାନଙ୍କ ମନକଥା ଜାଣିବାକୁ ଚେଷ୍ଟା କରାଯିବା ପରେ ଯାହା ପଦାକୁ ଆସିଲା ତାହା ଥିଲା ମର୍ମସ୍ପର୍ଶୀ। ସେମାନେ ଖୋଲାଖୋଲି ଭାବେ ସ୍ବୀକାର କଲେ ଯେ ସେମାନଙ୍କ ଘର ଦ୍ୱାର ଅଛି। ...

ଦିଶାହୀନ ଶିକ୍ଷା, ଦିଗହରା ଶିକ୍ଷକ

ଦିଶାହୀନ ଶିକ୍ଷା, ଦିଗହରା ଶିକ୍ଷକ

ଅଞ୍ଜନ ଚାନ୍ଦ ବିଦ୍ୟାଳୟ ଏକ କାର୍ଯ୍ୟାଳୟ ନୁହେଁ, ଏକ ମନ୍ଦିର। ଶିକ୍ଷାଦାନ କେବଳ ବୃତ୍ତି ନୁହେଁ, ଗୋଟିଏ ପୂଜା। ଶିକ୍ଷକ ବେତନଭୋଗୀ କର୍ମଚାରୀ ନୁହନ୍ତି, ଏକ ଆଦର୍ଶ। ଛାତ୍ରମାନେ ତାଙ୍କୁ ଅନୁସରଣ କରନ୍ତି। ତାଙ୍କ ପ୍ରଭାବରେ ପ୍ରଭାବିତ ହୁଅନ୍ତି। ଦେଶର ଭବିଷ୍ୟତ ନାଗରିକଙ୍କ ମୂଳଦୁଆ ଶିକ୍ଷକଙ୍କ ଦ୍ୱାରା ହିଁ ଗଠିତ ହୁଏ। ସୁତରାଂ ଶିକ୍ଷକମାନଙ୍କୁ ନିଜର କର୍ତ୍ତବ୍ୟ ଅତ୍ୟନ୍ତ ନିଷ୍ଠାର ସହିତ ପାଳନ କରିବାକୁ ହୁଏ। ସେଥିରେ ବ୍ୟତିକ୍ରମ ହେଲେ ଛାତ୍ରମାନେ କ୍ରମଶଃ ନଷ୍ଟପଥକୁ ଚାଲିଯାଆନ୍ତି। ଶିକ୍ଷାର ଗୁଣାତ୍ମକ ମାନ ହ୍ରାସ ପାଏ। ଛାତ୍ରମାନେ ଅଣାୟତ୍ତ ଓ ଦୁଷ୍ଟ ହୋଇଯାଆନ୍ତି। ସାମ୍ପ୍ରତିକ ସମୟରେ ଯାହା ଅଧିକରୁ ଅଧିକ ଦେଖାଯାଉଛି ଓ ବିଦ୍ୟାଳୟର ପବିତ୍ର ପରିବେଶ କ୍ରମଶଃ ନଷ୍ଟ ହେଉଛି। ...

ଏଇ ଭାରତରେ

ଏଇ ଭାରତରେ

ସାରା ଦେଶରେ ପୋଲିସ ଚରିତ୍ରକୁ ନେଇ ଏକ ଅପବାଦ ରହିଛି। କୁହାଯାଏ ଏମାନଙ୍କ ମଧ୍ୟରୁ ଅଧିକାଂଶ ଲାଞ୍ଚୁଆ। ଏହିଭଳି ଲାଞ୍ଚୁଆ ପୋଲିସ ଅଧିକାରୀ ଓ କର୍ମଚାରୀଙ୍କ ସକାଶେ ସାରା ବିଭାଗ ବଦ୍‌ନାମ। ସେମାନେ କେବଳ ଲାଞ୍ଚୁଆ ନୁହନ୍ତି, ଖାଦ୍ୟଲୋଭୀ ମଧ୍ୟ। ନିକଟରେ ଉତ୍ତରପ୍ରଦେଶର ଜଣେ ଦାରୋଗା ଏବଂ କନଷ୍ଟେବଳଙ୍କ ବିରୋଧରେ ଏ ପ୍ରକାର ଅଭିଯୋଗ ଆସିଛି। ଏତଲା କପି ଦେବା ସକାଶେ ସେମାନେ ଅଭିଯୋଗକାରୀଙ୍କୁ ଖାଦ୍ୟର ଲମ୍ବା ତାଲିକା ଧରାଇବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଘଟଣାଟି ଘଟିଛି ହସନଗଞ୍ଜ ଥାନାରେ। ଜଣେ ଯୁବକ ନିଜକୁ ଆଇପିଏସ୍‌ ଅଧିକାରୀଙ୍କ ପୁଅ ବୋଲି ପରିଚୟ ଦେଇ ସ୍ଥାନୀୟ ଏକ ରେଷ୍ଟୁରାଣ୍ଟର ମାଲିକ ରୋହିତ ବେରୀଙ୍କୁ ଠକିଥିଲେ। ଚଞ୍ଚକତା କରି ପ୍ରାୟ ୨୦ ହଜାର ଟଙ୍କାର ଖାଦ୍ୟ ବିଲ୍‌ ଦେଇ ନ ଥିଲେ। ଏ ସମ୍ପର୍କରେ ରୋହିତ ଏତଲା ପାଇଁ ପହଞ୍ଚିଲେ ହସନଗଞ୍ଜ ଥାନାରେ। ଥାନାବାବୁ କିନ୍ତୁ ଏତଲା ରଖିଲେ ନାହିଁ।...

ଲୋକଙ୍କ ଆଇନ ତିଆରି କ୍ଷମତା

ଲୋକଙ୍କ ଆଇନ ତିଆରି କ୍ଷମତା

ପରିବେଶ ପରିଚିନ୍ତା/ ମାନେକା ଗାନ୍ଧୀ କାଲିଫର୍ନିଆରେ ଅଛି ଏକ କୌତୂହଳପ୍ରଦ ରାଜନୈତିକ ବ୍ୟବସ୍ଥା। ଏହା ବ୍ୟକ୍ତିବିଶେଷ ତଥା ସଂଗଠନଗୁଡ଼ିକୁ ରାଜନେତାମାନଙ୍କୁ ବାଇପାସ୍‌ କରି ସାଧାରଣ ଲୋକଙ୍କ ଭୋଟ୍‌ ମାଧ୍ୟମରେ ସିଧାସଳଖ ଆଇନ ତିଆରି କରିବାକୁ ଅନୁମତି ଦେଇଛି। ତେବେ ଏଥିପାଇଁ ସେମାନଙ୍କୁ ସଂଖ୍ୟାଧିକ ଲୋକଙ୍କ ସ୍ବାକ୍ଷରସମ୍ବଳିତ ସମର୍ଥନ ହାସଲ କରିବାକୁ ପଡ଼ିଥାଏ। ମୋତେ ଏ ବ୍ୟବସ୍ଥା ଖୁବ୍‌ ଭଲ ଲାଗୁଛି। କାରଣ ଭାରତରେ ଆମକୁ ରାଜନେତାମାନଙ୍କ ଦୟା ଉପରେ ନିର୍ଭର କରିବାକୁ ପଡ଼ିଥାଏ, ଯେଉଁମାନେ ସାଧାରଣ ଲୋକଙ୍କ ସ୍ବାର୍ଥ ଲାଗି କ୍ୱଚିତ୍‌ କିଛି କରିଥାନ୍ତି। ସେମାନେ ମଧ୍ୟ ଜନସାଧାରଣଙ୍କୁ ପ୍ରତିକୂଳଭାବେ ପ୍ରଭାବିତ କରୁଥିବା ପ୍ରସଙ୍ଗଗୁଡ଼ିକ ଉପରେ ପ୍ରାୟତଃ ଚିନ୍ତା କରି ନ ଥାନ୍ତି କି ସେଗୁଡ଼ିକର ସଂଶୋଧନ କରି ନ ଥାନ୍ତି। ତା’ ବଦଳରେ ସେମାନେ ବଡ଼ ବଡ଼ ଯୋଜନା ପ୍ରଣୟନ କରିଥାନ୍ତି, ଯାହାକୁ ଠିକ୍‌ଭାବେ କାର୍ଯ୍ୟକାରୀ କରାଯାଏ ନାହିଁ। ଉଦାହରଣସ୍ବରୂପ- ନଦୀ ସଂଯୋଗୀକରଣ, ମନ୍‌ରେଗା, ଶିଶୁମାନଙ୍କୁ ଖାଦ୍ୟ ଯୋଗାଣ, ବିନା ଯାଞ୍ଚରେ ଆଦିବାସୀମାନଙ୍କୁ ଜଙ୍ଗଲ ଜମି ଯୋଗାଣ ଇତ୍ୟାଦି। ଖାଦ୍ୟ ଯୋଗାଣ ସତ୍ତ୍ୱେ ବହୁ ଶିଶୁ ଅପପୁଷ୍ଟିର ...

 ଜୀବନର ଅପଚୟ

ଜୀବନର ଅପଚୟ

ଡ. ସୁବାସ ଚନ୍ଦ୍ର ପାତ୍ର ଅପଚୟ ପ୍ରସଙ୍ଗ ପଡ଼ିଲେ ମନକୁ ଆସେ ଅର୍ଥ ଓ ସମୟର କଥା, ସତେ ଯେପରି ଏ ଦୁଇଟି କ୍ଷେତ୍ର ଛଡ଼ା ଆଉ କେଉଁଠି ଅପଚୟ ସେପରି କ୍ଷତିକାରକ ନୁହେଁ! ତେବେ ଅପଚୟ ଏକ ଆପେକ୍ଷିକ ମାନସିକତା। ଜଣଙ୍କ ପାଇଁ ଯାହା ସଞ୍ଚୟ, ଅନ୍ୟ ପାଇଁ ତାହା ଅପଚୟ; ଜଣଙ୍କ ପାଇଁ ଯାହା ମୂଲ୍ୟବାନ, ସଂରକ୍ଷଣ ଯୋଗ୍ୟ ଅନ୍ୟଜଣଙ୍କ ପାଇଁ ତାହା ଅଲୋଡ଼ା; ଜଣଙ୍କ ପାଇଁ ଯାହା ଅଧ୍ୟବସାୟର କଥା, ଏକ ମହତ୍‌ କାମ ଅନ୍ୟ ଜଣଙ୍କ ପାଇଁ ତାହା ‘ଅକାମ’, ଦୃଷ୍ଟିଯୋଗ୍ୟ ବି ନୁହେଁ। ବନ୍ଧୁତ୍ୱ ପାଇଁ କେତେ କଥା କୁହାଯାଏ, କେତେ କବିତା ଓ କଥା ସାହିତ୍ୟ ଲେଖାଯାଇଛି। ଇଂଲିଶ ଔପନ୍ୟାସିକ ଇ.ଏମ୍‌. ଫଷ୍ଟର ...

ନିଜକୁ ସୁଧାର

ନିଜକୁ ସୁଧାର

ସୌମ୍ୟା ପରିଡ଼ା ଅଧିକାଂଶ ଛୋଟବଡ଼ ସରକାରୀ ଓ ବେସରକାରୀ କାମ ପାଇଁ ପାସ୍‌ପୋର୍ଟ ଫଟୋ ଦରକାର ହୁଏ। ଆମ ଭିତରୁ ବହୁ ଲୋକ ଦରକାର ବେଳେ ହିଁ ଫଟୋ ଷ୍ଟୁଡିଓକୁ ଦଉଡ଼ନ୍ତି। ଆଉ ଷ୍ଟୁଡ଼ିଓବାଲା ବି ଆମଠୁ ଅଲଗା ଅଲଗା ଟଙ୍କା ନିଅନ୍ତି। ସାଙ୍ଗେସାଙ୍ଗେ ନେଲେ ଏତେ, ୪ ଘଣ୍ଟା ପରେ ନେଲେ ଏତେ, ଗୋଟାଏ ଦିନ ପରେ ନେଲେ ଏତେ। ଆଜିକାଲି ତ ଡିଜିଟାଲ୍‌ ପ୍ରିଣ୍ଟ୍‌, ସାଙ୍ଗେସାଙ୍ଗେ କାମ ହେବା କଥା। ହେଲେ ଆମ ଅସୁବିଧାର ସୁଯୋଗ ନିଅନ୍ତି ଫଟୋ ଷ୍ଟୁଡିଓବାଲା। ପୁଣି ଯଦି ଫଟୋର ସଫ୍‌ଟ କପି ମାଗିଲ, ତେବେ ତା’ ପାଇଁ ପୁଣି ଅଧିକ ଟଙ୍କା। କେବଳ ଫଟୋ ଷ୍ଟୁଡ଼ିଓବାଲା ନୁହେଁ ବରଂ ନିତିଦିନିଆ ଜୀବନରେ ଆପଣ ଏମିତି ଅନେକ କଥାର ସମ୍ମୁଖୀନ ହୁଅନ୍ତି। ଯେମିତି ପାଣି ବଟଲ୍‌ଟା ୧୨ରୁ ୨୦ ଟଙ୍କା ଭିତରେ ମିଳେ। ହେଲେ ସେହି ସମାନ ପାଣି ବଟଲ୍‌ଟା ବଡ଼ ହୋଟେଲରେ ଆଉ ଫିଲ୍ମ ହଲ୍‌ରେ ୭୦-୮୦ ଟଙ୍କା ଭିତରେ ମିଳେ। ୩୦ ଟଙ୍କିଆ ଜୁସ୍‌ଟା ଶହେ-ଦେଢ଼ଶହ ଟଙ୍କାରେ ମିଳେ, ଯେତେବେଳେ ଆପଣ ବିମାନଯାତ୍ରା କରନ୍ତି। ହେଲେ ଏସବୁର ଆମେ କେବେ ବିରୋଧ କରୁନା। ଏସବୁ ଆମ ନଜରରେ ଦୁର୍ନୀତି ନୁହେଁ। ଠିକ୍‌୍‌ ସେମିତି ସରକାରୀ, ବେସରକାରୀ କାମ ପାଇଁ ଅନେକ ଲୋକ ହାତଗୁଞ୍ଜା ଦିଅନ୍ତି। ଆଉ କିଛି ଲୋକ ସଚ୍ଚୋଟ ...

ଏଇ ଭାରତରେ

ଏଇ ଭାରତରେ

ମଣିଷ କିମ୍ବା ପଶୁଙ୍କୁ ରୋଗ ହେଲେ ତାହାର ଉପଶମ ପାଇଁ ସାଲାଇନ୍‌ ଏବଂ ଔଷଧ ଦିଆଯାଇଥାଏ। କିନ୍ତୁ ଗଛର ଡାଳ ସଂକ୍ରମିତ ହେଲେ ସେଥିରେ ସାଲାଇନ୍‌ ଲଗାଯିବା କଥା ଶୁଣିଲେ ଆଶ୍ଚର୍ଯ୍ୟ ଲାଗୁଥିବ, ଯାହା ତେଲେଙ୍ଗାନାର ମେହବୁବ୍‌ ନଗରଠାରେ ଦେଖିବାକୁ ମିଳିଛି। ମଣିଷ ଭଳି ଗଛର ସେବା କରାଯିବା ପରିବେଶ ପାଇଁ ନୂଆ ବାର୍ତ୍ତା ଦେଇଛି। ଏଠାକାର ଏକ ବରଗଛ ‘ପିଲାଲା ମାରି’ ନାମରେ ଜଣାଶୁଣା। ଏହା ୭୦୦ ବର୍ଷର ପୁରୁଣା ହୋଇଥିବା ବେଳେ ୩ ଏକର ଜମି ଉପରେ କାୟା ବିସ୍ତାର କରିଛି। ଏହାର ଗୋଟିଏ ଡାଳ ରୋଗପୋକ ଦ୍ୱାରା ସଂକ୍ରମିତ ହୋଇଥିଲା। ...