ରାୟଗଡା

ସମସ୍ୟା ଘେରରେ ଗୁମ୍ମା ସବ୍‌ପୋଷ୍ଟ ଅଫିସ୍‌

ସମସ୍ୟା ଘେରରେ ଗୁମ୍ମା ସବ୍‌ପୋଷ୍ଟ ଅଫିସ୍‌

ଗୁମ୍ମା,୧୫।୧୨(ଡି.ଏନ.ଏ)-ଗଜପତି ଜିଲା ଗୁମ୍ମା ବ୍ଲକ ସଦର ମହକୁମାସ୍ଥିତ ସବ୍‌ପୋଷ୍ଟ ଅଫିସ୍‌ ଦୀର୍ଘଦିନ ହେଲା ନାନା ସମସ୍ୟା ଘେରରେ ରହିଛି। ଫଳରେ ଅଞ୍ଚଳବାସୀ ଉପଯୁକ୍ତ ସେବା ପାଇପାରୁନାହାନ୍ତି। ସେମାନଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି।
ପ୍ରାୟ ୬୦ବର୍ଷ ତଳେ ଉକ୍ତ ସବ୍‌ପୋଷ୍ଟ ଅଫିସ ଖୋଲାଯାଇଥିଲା। ଆଜିପର୍ଯ୍ୟନ୍ତ ନିଜସ୍ବ ଗୃହ ନିର୍ମାଣ ହୋଇପାରିନଥିବାରୁ ଏହା ଏକ ଭଡାଘରେ ଚାଲିଛି। ପ୍ରଥମେ ସ୍ଥାନୀୟ ଓଡିଆସାହିର ଏକ ଘରେ ସବ୍‌ପୋଷ୍ଟ ଅଫିସ ଭଡା ସୂତ୍ରରେ ଚାଲିଥିଲା। କିନ୍ତୁ ସେଠାରେ ବିଭିନ୍ନ ସମସ୍ୟା ସୃଷ୍ଟି ହେବାରୁ ତାହାକୁ ବ୍ଲକ କାର୍ଯ୍ୟାଳୟ ପରିସରସ୍ଥ ଏକ କୋଠାକୁ ଉଠାଇ ଅଣାଯାଇଥିଲା। ଏଠାରେ ମଧ୍ୟ ନାନା ଅସୁବିଧା ପରିଲକ୍ଷିତ ହେଉଛି। କର୍ମଚାରୀଙ୍କ ନିମନ୍ତେ ଶୌଚାଳୟ ନାହିଁ। ବ୍ଲକ ଅଫିସରୁ ବିଦ୍ୟୁତ ସଂଯୋଗ ଅଣାଯାଇଛି। କୋଠାଟିର ଛାତରେ ଫାଟ ସୃଷ୍ଟି ହୋଇଥିବାରୁ ବର୍ଷା ହେଲେ ପାଣି ଗଳୁଛି। ସ୍ଥାନାଭାବ ଯୋଗୁ ବିଭିନ୍ନ ଆସବାବପତ୍ର ରଖିବାରେ ସମସ୍ୟା ଉପୁଜୁଥିବା ବେଳେ କର୍ମଚାରୀମାନେ ବସି କାମ କରିବା ପାଇଁ ହଇରାଣ ହେଉଛନ୍ତି। ପୋଷ୍ଟ ଅଫିସ୍‌କୁ କୌଣସି କାମରେ ଆସୁଥିବା ଲୋକଙ୍କ ବସିବା ଲାଗି ଜାଗା ମଧ୍ୟ ନାହିଁ। ଆବଶ୍ୟକ କର୍ମଚାରୀ ନ ଥିବାରୁ ଠିକ୍‌ ସମୟରେ ଲୋକେ ସେବା ପାଇପାରୁନାହାନ୍ତି। ପୋଷ୍ଟମାଷ୍ଟରଙ୍କ ବଦଳି ହୋଇଯାଇଥିଲେ ହେଁ ନୂତନ ପୋଷ୍ଟମାଷ୍ଟର କାର୍ଯ୍ୟରେ ଯୋଗ ଦେଇନାହାନ୍ତି। ଜଣେ କର୍ମଚାରୀ ଦାୟିତ୍ୱରେ ରହିଛନ୍ତି। ଉକ୍ତ ବ୍ଲକ ଏକ ଆଦିବାସୀ ଅଧ୍ୟୁଷିତ ଅଞ୍ଚଳ ହୋଇଥିବା ବେଳେ କେବଳ ଗୁମ୍ମାଠାରେ ଏସ୍‌ବିଆଇ ବ୍ୟତୀତ ଅନ୍ୟ କିଛି ବ୍ୟାଙ୍କ ନାହିଁ। ତେଣୁ ଲୋକେ ଉକ୍ତ ପୋଷ୍ଟ ଅଫିସ ଉପରେ ନିର୍ଭର କରିଥାନ୍ତି। ଏଠାରେ ସବୁ ସମୟରେ ଭିଡ ଜମେ। ମାତ୍ର ଏବେ ଅବ୍ୟବସ୍ଥା ଯୋଗୁ ଲୋକେ ମୁହଁ ଫେରାଇ ନେବାକୁ ବସିଲେଣି। ସେହିପରି ସୁରକ୍ଷାଜନିତ କାରଣରୁ ବହୁ ଲୋକ ଉକ୍ତ ପୋଷ୍ଟ ଅଫିସରେ ଟଙ୍କା ଜମା ରଖିବାକୁ ଆଗ୍ରହ ପ୍ରକାଶ କରୁନାହାନ୍ତି। ସେମାନେ ଅନ୍ୟତ୍ର ଟଙ୍କା ଜମା କରୁଛନ୍ତି ନଚେତ ନିଜ ଘରେ ସାଇତି ରଖୁଛନ୍ତି। ଶିକ୍ଷା ଓ ସଚେତନତା ଅଭାବରୁ କେତେକ ଲୋକ ଚିଟଫଣ୍ଡ ଭଳି ସଂସ୍ଥା ଦ୍ୱାରା ଠକାମିର ମଧ୍ୟ ଶିକାର ହେଉଛନ୍ତି। ଗୁମ୍ମା ସବ୍‌ପୋଷ୍ଟ ଅଧୀନରେ ୯ଟି ବ୍ରାଞ୍ଚ ପୋଷ୍ଟ ଅଫିସ ଅଜୟଗଡ, ସେରଙ୍ଗ, ତୁମୁଲ, କେସିପୁର, ମୁନୁସିଂ, ଆମ୍ବଝାରି, ଆଶ୍ରୟଗଡ, ବଡାକଳାକୋଟ ଓ ସିଣ୍ଡିବାରେ ରହିଛି। ଏହି ସବୁ ବ୍ରାଞ୍ଚ ପୋଷ୍ଟ ଅଫିସଗୁଡିକର ନିଜସ୍ବ ଗୃହ ନ ଥିବା ବେଳେ ବିଦ୍ୟୁତ ଓ କମ୍ପ୍ୟୁଟରୀକରଣ ସୁବିଧା ନାହିଁ। ସିଣ୍ଡିବା, ତୁମୁଲ ଓ ଆମ୍ବଝାରିରେ ବହୁ ପଦବୀ ଖାଲି ପଡିଛି। କେନ୍ଦ୍ର ସରକାର ସୁକନ୍ୟା ସମୃଦ୍ଧି ଯୋଜନା, ଅଟଳ ପେନସନ ଯୋଜନା, ବୀମା ଯୋଜନା ଆଦି କାର୍ଯ୍ୟକାରୀ କରିଛନ୍ତି। ପୋଷ୍ଟଅଫିସ ମାଧ୍ୟମରେ ଉକ୍ତ ଯୋଜନାଗୁଡ଼ିକରେ ଲୋକଙ୍କୁ ଅନ୍ତର୍ଭୁକ୍ତ କରାଯାଉଛି। ମାତ୍ର ଏଠାକାର ଅଧିକାଂଶ ଲୋକ ଏ ସମ୍ପର୍କରେ ଜାଣି ନ ଥିବାରୁ ସେଗୁଡ଼ିକରୁ ସୁଫଳ ପାଇବାରୁ ବଞ୍ଚତ୍ତ ହେଉଛନ୍ତି।

All Right Reserved By

ରାୟଗଡା

ବର୍ଷାରେ ଭୁଶୁଡିଲା କାନ୍ଥ : ଅଳ୍ପକେ ବର୍ତ୍ତିଲେ ପରିବାର

ବର୍ଷାରେ ଭୁଶୁଡିଲା କାନ୍ଥ : ଅଳ୍ପକେ ବର୍ତ୍ତିଲେ ପରିବାର

ମାଥିଲି , ୧୭।୭ (ଡି.ଏନ.ଏ)- ମାଲକାନଗିରି ଜିଲା ମାଥିଲି ବ୍ଲକ ସଦର ହାଟପଦାସାହିରେ ସୋମବାର ରାତିରେ ଲଗାଣ ବର୍ଷାରେ ଗୁନାକର ସଗରିଆଙ୍କ କାନ୍ଥ ଭୁଶୁଡିପଡିଛି । ତେବେ ଏଥିରେ ତାଙ୍କ ପରିବାର ସଦସ୍ୟ ଅଳ୍ପକେ ବର୍ତ୍ତିଯାଇଛନ୍ତି । କେହି ଏଥିରେ ଆହତ ହୋଇନାହାନ୍ତି। କିଛି ଦିନ ହେବ ମାଥିଲି ବ୍ଲକରେ ଲଗାଣ ବର୍ଷା ଜାରି ରହିଛି । ବର୍ଷାର ପ୍ରଭାବରେ ଅଞ୍ଚଳର ଅଧିକାଂଶ ଲୋକଙ୍କ ମାଟି ଘର କାନ୍ଥ ଧଶିଯାଉଛି । ସୋମବାର ରାତିରେ ଗୁନାକରଙ୍କ ସମେତ ତାଙ୍କ ସ୍ତ୍ରୀ, ୨ ଶିଶୁ ଓ ତାଙ୍କ ସମ୍ପର୍କୀୟ ମାଆ ଘରେ ଶୋଇଥିଲେ

ବେଆଇନ ମଦ ବିକ୍ରି ବନ୍ଦ  ଦାବି

ବେଆଇନ ମଦ ବିକ୍ରି ବନ୍ଦ ଦାବି

ଗୁଣପୁର,୧୭।୭(ଡି.ଏନ୍‌.ଏ.)-ରାୟଗଡା ଜିଲା ରାମନାଗୁଡା ବ୍ଲକ ଉକୁମ୍ବା ଗ୍ରାମରେ ବେଆଇନ ମଦ ବିକ୍ରି ବନ୍ଦ କରିବାକୁ ଗ୍ରାମର ମହିଳାମାନେ ମଙ୍ଗଳବାର ଅବକାରୀ ବିଭାଗର ବିଭିନ୍ନ ଅଧିକାରୀଙ୍କ ସମେତ ଜିଲାପାଳଙ୍କ ଉଦ୍ଦେଶ୍ୟରେ ଦାବି ପତ୍ର ପ୍ରଦାନ କରିଛନ୍ତି। ଗାଁରେ ବେଆଇନ ମଦ ବିକ୍ରି ଦ୍ୱାରା ଅଶାନ୍ତି ସୃଷ୍ଟି ହେଉଛି।

ଜଗନ୍ନାଥଙ୍କ ବରାହ ଅବତାର ବେଶ

ଜଗନ୍ନାଥଙ୍କ ବରାହ ଅବତାର ବେଶ

ଗୁଣପୁର,୧୭ା୭(ଡି.ଏନ୍‌.ଏ.)-ରାୟଗଡା ଜିଲା ଗୁଣପୁର ଆଡପ ମଣ୍ଡପରେ ମଙ୍ଗଳବାର ଜଗନ୍ନାଥଙ୍କ ବରାହ ଅବତାର ବେଶ ଅନୁଷ୍ଠିତ ହୋଇଯାଇଛି। ସାନ ଏବଂ ବଡ ଗୁଣ୍ଡିଚା ମନ୍ଦିରରେ ଜଗନ୍ନାଥଙ୍କୁ ଏହି ବେଶ କରାଯାଇଥିଲା। ସନ୍ଧ୍ୟାରେ ଗୁଣ୍ଡିଚା ମନ୍ଦିର ମଣ୍ଡପ ପଡିଆରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଛି।

ଆଦର୍ଶ ବିଦ୍ୟାଳୟରେ ଅଭିଭାବକ ସମ୍ମିଳନୀ

ଆଦର୍ଶ ବିଦ୍ୟାଳୟରେ ଅଭିଭାବକ ସମ୍ମିଳନୀ

ଡାବୁଗାଁ, ୧୭।୭ (ଡି.ଏନ୍‌.ଏ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦରମହକୁମା ଓଡିଶା ଆଦର୍ଶ ବିଦ୍ୟାଳୟରେ ମଙ୍ଗଳବାର ଏକ ଅଭିଭାବକ ସମ୍ମିଳନୀ ଅନୁଷ୍ଠି ହୋଇଯାଇଛି। ବିଦ୍ୟାଳୟ ପରିଚାଳନା କମିଟି ସଭାପତି ସନ୍ତୋଷ ଶତପଥିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ବିଦ୍ୟାଳୟର ବିଭିନ୍ନ ସମସ୍ୟା ନେଇ ଆଲୋଚନା କରାଯାଇଥିଲା। ବିଦ୍ୟାଳୟରେ ଇଂରାଜୀ, ହିନ୍ଦୀ ଓ କମ୍ପ୍ୟୁଟର ଶିକ୍ଷକ ନାହାଁନ୍ତି। ଏହି ବିଷୟ କିପରି ପିଲାମାନେ ପଢିବେ ସେନେଇ ବିଦ୍ୟାଳୟ ଅଧ୍ୟକ୍ଷ ବିଭାଗୀୟ ଉପରିସ୍ଥ ଅଧିକାରୀଙ୍କୁ ଜଣାଇ ଯଥାଶୀଘ୍ର ଶିକ୍ଷକ ପଦବି ପୂରଣ ପାଇଁ ପଦକ୍ଷେପ ନିଅନ୍ତୁ ବୋଲି ଅଭିଭାବକମାନେ କହିଥିଲେ।

ନିମ୍ନମାନର କାମ, ରାସ୍ତାରେ ଗର୍ତ୍ତ

ନିମ୍ନମାନର କାମ, ରାସ୍ତାରେ ଗର୍ତ୍ତ

ଚନ୍ଦ୍ରପୁର ୧୭।୭(ଡି.ଏନ୍‌.ଏ.)- ରାୟଗଡା ଜିଲା ଚନ୍ଦ୍ରପୁର ବ୍ଲକରୁ ମୁନିଗୁଡାକୁ ସଂଯୋଗ କରୁଥିବା ପୂର୍ତ୍ତ ବିଭାଗର ମୁଖ୍ୟ ରାସ୍ତାରେ ନିର୍ମାଣର ଏକମାସ ନ ପୁରୁଣୁ ବଡ ବଡ ଗର୍ତ୍ତ ସୃଷ୍ଟି ହୋଇଛି। ଫଳରେ ରାସ୍ତା ଅବସ୍ଥା ଏବେ ଶୋଚନୀୟ। ଚନ୍ଦ୍ରପୁର ବ୍ଲକର ମୁଖ୍ୟ ଛକ ତେଲେଙ୍ଗାପଦର ନିକଟସ୍ଥ ଖିଲମୁଣ୍ଡା ଗ୍ରାମ ନିକଟସ୍ଥ ପୋଲ ଏବଂ ଏହାର ଆପ୍ରୋଚ ରୋଡ ଦିନକୁ ଦିନ ଖରାପ ହେବାକୁ ବସିଲାଣି। ପୂର୍ତ୍ତ ବିଭାଗର ଦାୟିତ୍ୱହିନତା ଓ ନିମ୍ନମାନର କାମ ଯୋଗୁ ଏପରି ସମସ୍ୟା ଦେଖା ଦେଉଥିବା ଅଞ୍ଚଳବାସୀ ଅଭିଯୋଗ କରିଛନ୍ତି।

ବର୍ଷାରେ ଭାଙ୍ଗିଲା ଗଛ: ଅନକାଡେଲି- ମାଛକୁଣ୍ଡ ରାସ୍ତା ଅବରୋଧ

ବର୍ଷାରେ ଭାଙ୍ଗିଲା ଗଛ: ଅନକାଡେଲି- ମାଛକୁଣ୍ଡ ରାସ୍ତା ଅବରୋଧ

କୋରାପୁଟ/ଅନକାଡେଲି,୧୭।୭(ସ୍ବ.ପ୍ର.)- ପ୍ରବଳ ବର୍ଷା ଯୋଗୁଁ ଜିଲାର କୋରାପୁଟ ଜିଲା ଲମତାପୁଟ ବ୍ଲକ ମାଛକୁଣ୍ଡ- ଅନକାଡେଲି ରାସ୍ତାର କୁଜାମ ଗ୍ରାମଠାରେ ଏକ ବିରାଟ ଗଛ ପଡି ଭାଙ୍ଗି ରାସ୍ତା ଅବରୋଧ ହୋଇଯାଇଥିଲା । ସେମାବାର ବିଳମ୍ବିତ ରାତ୍ରରେ ଲମତାପୁଟ ବ୍ଲକ ଚିକେନପୁଟ ପଞ୍ଚାୟତ କୁଜାମ ଗ୍ରାମ ନିକଟରେ ଏହି ଗଛ ଉପୁଡି ପଡିଥିବାବେଳେ ଏଥିଯୋଗୁ ମାଛକୁଣ୍ଡ ଓ ଅନକାଡେଲି ରାସ୍ତାରେ ଗାଡି ଚଳାଚଳ ବନ୍ଦ ରହିଥିଲା। ମଙ୍ଗଳବାର ପୁବାର୍ହ୍ନରେ ଅନକାଡେଲିସ୍ଥିତ ବିଏସ୍‌ଏଫ୍‌ ୧୩ ବାଟାଲିଆନ ଯବାନ ଓ ସ୍ଥାନୀୟ ଗ୍ରାମବାସୀଙ୍କ ମିଳିତ ସହଯୋଗରେ ଗଛକଟା ଯାଇଛି।

ସ୍ବଚ୍ଛ ଭାରତ, ବନ ମହୋତ୍ସବ ପାଳିତ

ସ୍ବଚ୍ଛ ଭାରତ, ବନ ମହୋତ୍ସବ ପାଳିତ

କାଶୀନଗର, ୧୭।୭(ଡି.ଏନ୍‌.ଏ.)- କାଶୀନଗର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଓ ଶ୍ରୀରାମ ଡିଗ୍ରୀ କଲେଜରେ ମଙ୍ଗଳବାର ସ୍ବଚ୍ଛ ଭାରି ଓ ବନ ମହୋତ୍ସବ ପାଳନ କରାଯାଇଛି। ଏହି ଅବସରରେ ଚାରା ରୋପଣ କରାଯିବ ସହ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପରିସର ସଫା କରାଯାଇଥିଲା।

‘ଆମ ଗାଁ ଆମ ବିକାଶ’ କାର୍ଯ୍ୟକ୍ରମ: ମୁଖ୍ୟମନ୍ତ୍ରୀଙ୍କ ଦ୍ୱାରା ୨୫୦ ପ୍ରକଳ୍ପ ଅନୁମୋଦିତ

‘ଆମ ଗାଁ ଆମ ବିକାଶ’ କାର୍ଯ୍ୟକ୍ରମ: ମୁଖ୍ୟମନ୍ତ୍ରୀଙ୍କ ଦ୍ୱାରା ୨୫୦ ପ୍ରକଳ୍ପ ଅନୁମୋଦିତ

ଝରିଗାଁ, ୧୭।୭(ସ୍ବ.ପ୍ର)- ନବରଙ୍ଗପୁର ଜିଲା ଝରିଗାଁ ବ୍ଲକ ସଦରମହକୁମାସ୍ଥିତ ମିନି ଷ୍ଟାଡିଅମରେ ‘ଆମ ଗାଁ ଆମ ବିକାଶ’ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡିଓ କନଫରେନ୍ସିଂ ଜରିଆରେ ଏହି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ। ମୁଖ୍ୟମନ୍ତ୍ରୀ ଝରିଗାଁ ବ୍ଲକର ୨୨ ପଞ୍ଚାୟତ ପାଇଁ ୨୫୦ଟି ପ୍ରକଳ୍ପର ଅନୁମୋଦନ କରିଛନ୍ତି। ଏଥିପାଇଁ ୫ କୋଟି ୫୩ ଲକ୍ଷ ୫୦ ହଜାର ଟଙ୍କାର ବ୍ୟୟ ଅଟକଳ କରାଯାଇଛି।

ଲଗାଣ ବର୍ଷାରେ ଭାଙ୍ଗିଲା କାନ୍ଥ

ଲଗାଣ ବର୍ଷାରେ ଭାଙ୍ଗିଲା କାନ୍ଥ

ଝରିଗାଁ, ୧୭।୭(ସ୍ବ.ପ୍ର)- ଲଗାଣ ବର୍ଷାରେ ନବରଙ୍ଗପୁର ଜିଲା ଝରିଗାଁ ବ୍ଲକ ଗୁରୁସିଙ୍ଗା ପଞ୍ଚାୟତ ବାଂଜିଆମ୍ବା ଗ୍ରାମର ତ୍ରିନାଥ ପଟ୍ଟନାୟକ(୮୨)ଙ୍କ ଘର କାନ୍ଥ ଭାଙ୍ଗି ଯାଇଛି। ଏଥିରେ କେହି ମୃତାହତ ହୋଇ ନଥିବା ସୂଚନା ମିଳିଛି।

ନିର୍ମାଣକୁ ବର୍ଷେ ପୂରିନି:ଦବିଗଲା  ଜାତୀୟ ରାଜପଥ

ନିର୍ମାଣକୁ ବର୍ଷେ ପୂରିନି:ଦବିଗଲା ଜାତୀୟ ରାଜପଥ

ଜେକେପୁର, ୧୭।୭ଡି.ଏନ୍‌.ଏ) ଉପାନ୍ତ ଜିଲାଗୁଡିକୁ ରାଜଧାନୀ ଭୁବନେଶ୍ୱର ସହ ସଂଯୋଗ କରୁଥିବା ୩୨୬ ନମ୍ବର ଜାତୀୟ ରାଜପଥର ସମସ୍ୟା ଥମିବାର ନଁା ଧରୁନାହିଁ । ନିର୍ମାଣର ବର୍ଷେ ନ ପୁରୁଣୁ ଏହି ରାସ୍ତାର ଅନେକ ସ୍ଥାନ ଦବିଯାଇଛି । ଏମିତି କି ରାସ୍ତାରେ ଫାଟ ସୃଷ୍ଟି ହେବା ସହ ଧୋଇ ହୋଇଯାଇଛି । ୨ ଦିନର ଲଗାଣ ବର୍ଷାରେ ଏହି ନିର୍ମାଣାଧିନ ରାସ୍ତାର ଅମ୍ଲାଭଟ୍ଟା ଛକ ନିକଟ ଟାମ୍ପରଗୁଡା, ମିଟ୍ସ ବୈଷୟିକ ଅନୁଷ୍ଠାନ ମେଗାଫୁଡ୍‌ ପ୍ରକଳ୍ପ ନିକଟ, କୈଳାଶପୁର ଘାଟିଠାରେ ରାସ୍ତା ଦବି ଫାଟିଯିବା ସହ କଲଭର୍ଟ୍ଟ ୱାଲ ଦବିଯାଇ ଖସିପଡିଛି । ଘାଟି ପ୍ରଶସ୍ତୀକରଣ କରିବା ପାଇଁ ଖୋଳାଯାଇଥିବା ପାହାଡରୁ ମାଟି ଅତଡା ଖସିବା ସହ ବଡ ବଡ ପଥର ଖଣ୍ଡ ଖସି ରାସ୍ତା ଅବରୋଧ ହେଉଛି। ଫଳରେ ଯାତାୟାତରେ ଅନେକ ସମସ୍ୟା ସୃଷ୍ଟି ହେଉଛି ।

ଦିବ୍ୟାଙ୍ଗଙ୍କୁ  ଅନ୍ନଭୋଗ ବଣ୍ଟନ

ଦିବ୍ୟାଙ୍ଗଙ୍କୁ ଅନ୍ନଭୋଗ ବଣ୍ଟନ

ମୁନିଗୁଡ଼ା,୧୭।୭(ଡ଼ି.ଏନ.ଏ)- ରଥଯାତ୍ରା ଉପଲକ୍ଷେ ରାୟଗଡ଼ା ଜିଲା ମୁନିଗୁଡ଼ାଠାରେ ଥିବା ୮ମ ବାଟାଲିୟନ ସିଆରପିଏଫ କ୍ୟାମ୍ପଠାରେ ଯବାନମାନଙ୍କ ଦ୍ୱାରା ଦିବ୍ୟାଙ୍ଗମାନଙ୍କୁ ଅନ୍ନଭୋଗ ବଣ୍ଟନ କରାଯାଇଛି। ୮ମ ବାଟାଲିୟନ ସିଆରପିଏଫ କମାଣ୍ଡାଣ୍ଟ ଏନ.କେ. ସିଂ, ଡ଼େପୁଟି କମାଣ୍ଡାଣ୍ଟ କଦମ ସିଂ ଦଲାଲ, ସେକେଣ୍ଡ ଇନ କମାଣ୍ଡାଣ୍ଟ ରାମ ଅବତାର ସିଂ, ବୃଷମ ମେହେର ଓ ବାଟାଲିୟନ ହାବିଲଦାର ତରୁଣ କୁମାର ରାଉତ ପ୍ରମୁଖ ଯୋଗ ଦେଇ ଦିବ୍ୟାଙ୍ଗମାନଙ୍କୁ ଭୋଗ ବଣ୍ଟନ କରିଥିଲେ।

ମୋ  ସ୍କୁଲ ଅଭିଯାନ ବୈଠକ

ମୋ ସ୍କୁଲ ଅଭିଯାନ ବୈଠକ

ପଦ୍ମପୁର,୧୭।୭(ଡି.ଏନ୍‌.ଏ.):ରାୟଗଡ଼ା ଜିଲା ପଦ୍ମପୁର ବ୍ଲକର ଖିଲାମଣ୍ଡା ବାଳିକା ବିଦ୍ୟାଳୟରେ ମୋ ସ୍କୁଲ ଅଭିଯାନ ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ପ୍ରଧାନଶିକ୍ଷକ ବ୍ରଜବନ୍ଧୁ ମିଶ୍ର ଅଧ୍ୟକ୍ଷତା କରିଥିଲେ। ବୈଠକରେ ସ୍କୁଲ ପରିଚାଳନା କମିଟିର ସଭାପତି ସହଦେବ ମାଣ୍ଡାଙ୍ଗିଙ୍ଗ ସମେତ ସମସ୍ତ ଛାତ୍ରୀଙ୍କ ସହ ପୁରାତନ ଛାତ୍ରୀମାନେ ଯୋଗ ଦେଇଥିଲେ। ସର୍ବ ପ୍ରଥମେ ପ୍ରଧାନଶିକ୍ଷକ ଉପସ୍ଥିତ ଛାତ୍ରୀମାନଙ୍କୁ ମୋ ସ୍କୁଲ ଅଭିଯାନ କାର୍ଯ୍ୟକ୍ରମ ଉପରେ ବିଷଦ ଭାବେ ବୁଝାଇଥିଲେ।

Model This Week

ରୂପେଶ