Dharitri News
ରାୟଗଡା

ସମସ୍ୟା ଘେରରେ ଗୁମ୍ମା ସବ୍‌ପୋଷ୍ଟ ଅଫିସ୍‌

ସମସ୍ୟା ଘେରରେ ଗୁମ୍ମା ସବ୍‌ପୋଷ୍ଟ ଅଫିସ୍‌ ଗୁମ୍ମା,୧୫।୧୨(ଡି.ଏନ.ଏ)-ଗଜପତି ଜିଲା ଗୁମ୍ମା ବ୍ଲକ ସଦର ମହକୁମାସ୍ଥିତ ସବ୍‌ପୋଷ୍ଟ ଅଫିସ୍‌ ଦୀର୍ଘଦିନ ହେଲା ନାନା ସମସ୍ୟା ଘେରରେ ରହିଛି। ଫଳରେ ଅଞ୍ଚଳବାସୀ ଉପଯୁକ୍ତ ସେବା ପାଇପାରୁନାହାନ୍ତି। ସେମାନଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ପ୍ରାୟ ୬୦ବର୍ଷ ତଳେ ଉକ୍ତ ସବ୍‌ପୋଷ୍ଟ ଅଫିସ ଖୋଲାଯାଇଥିଲା। ଆଜିପର୍ଯ୍ୟନ୍ତ ନିଜସ୍ବ ଗୃହ ନିର୍ମାଣ ହୋଇପାରିନଥିବାରୁ ଏହା ଏକ ଭଡାଘରେ ଚାଲିଛି। ପ୍ରଥମେ ସ୍ଥାନୀୟ ଓଡିଆସାହିର ଏକ ଘରେ ସବ୍‌ପୋଷ୍ଟ ଅଫିସ ଭଡା ସୂତ୍ରରେ ଚାଲିଥିଲା। କିନ୍ତୁ ସେଠାରେ ବିଭିନ୍ନ ସମସ୍ୟା ସୃଷ୍ଟି ହେବାରୁ ତାହାକୁ ବ୍ଲକ କାର୍ଯ୍ୟାଳୟ ପରିସରସ୍ଥ ଏକ କୋଠାକୁ ଉଠାଇ ଅଣାଯାଇଥିଲା। ଏଠାରେ ମଧ୍ୟ ନାନା ଅସୁବିଧା ପରିଲକ୍ଷିତ ହେଉଛି। କର୍ମଚାରୀଙ୍କ ନିମନ୍ତେ ଶୌଚାଳୟ ନାହିଁ। ବ୍ଲକ ଅଫିସରୁ ବିଦ୍ୟୁତ ସଂଯୋଗ ଅଣାଯାଇଛି। କୋଠାଟିର ଛାତରେ ଫାଟ ସୃଷ୍ଟି ହୋଇଥିବାରୁ ବର୍ଷା ହେଲେ ପାଣି ଗଳୁଛି। ସ୍ଥାନାଭାବ ଯୋଗୁ ବିଭିନ୍ନ ଆସବାବପତ୍ର ରଖିବାରେ ସମସ୍ୟା ଉପୁଜୁଥିବା ବେଳେ କର୍ମଚାରୀମାନେ ବସି କାମ କରିବା ପାଇଁ ହଇରାଣ ହେଉଛନ୍ତି। ପୋଷ୍ଟ ଅଫିସ୍‌କୁ କୌଣସି କାମରେ ଆସୁଥିବା ଲୋକଙ୍କ ବସିବା ଲାଗି ଜାଗା ମଧ୍ୟ ନାହିଁ। ଆବଶ୍ୟକ କର୍ମଚାରୀ ନ ଥିବାରୁ ଠିକ୍‌ ସମୟରେ ଲୋକେ ସେବା ପାଇପାରୁନାହାନ୍ତି। ପୋଷ୍ଟମାଷ୍ଟରଙ୍କ ବଦଳି ହୋଇଯାଇଥିଲେ ହେଁ ନୂତନ ପୋଷ୍ଟମାଷ୍ଟର କାର୍ଯ୍ୟରେ ଯୋଗ ଦେଇନାହାନ୍ତି। ଜଣେ କର୍ମଚାରୀ ଦାୟିତ୍ୱରେ ରହିଛନ୍ତି। ଉକ୍ତ ବ୍ଲକ ଏକ ଆଦିବାସୀ ଅଧ୍ୟୁଷିତ ଅଞ୍ଚଳ ହୋଇଥିବା ବେଳେ କେବଳ ଗୁମ୍ମାଠାରେ ଏସ୍‌ବିଆଇ ବ୍ୟତୀତ ଅନ୍ୟ କିଛି ବ୍ୟାଙ୍କ ନାହିଁ। ତେଣୁ ଲୋକେ ଉକ୍ତ ପୋଷ୍ଟ ଅଫିସ ଉପରେ ନିର୍ଭର କରିଥାନ୍ତି। ଏଠାରେ ସବୁ ସମୟରେ ଭିଡ ଜମେ। ମାତ୍ର ଏବେ ଅବ୍ୟବସ୍ଥା ଯୋଗୁ ଲୋକେ ମୁହଁ ଫେରାଇ ନେବାକୁ ବସିଲେଣି। ସେହିପରି ସୁରକ୍ଷାଜନିତ କାରଣରୁ ବହୁ ଲୋକ ଉକ୍ତ ପୋଷ୍ଟ ଅଫିସରେ ଟଙ୍କା ଜମା ରଖିବାକୁ ଆଗ୍ରହ ପ୍ରକାଶ କରୁନାହାନ୍ତି। ସେମାନେ ଅନ୍ୟତ୍ର ଟଙ୍କା ଜମା କରୁଛନ୍ତି ନଚେତ ନିଜ ଘରେ ସାଇତି ରଖୁଛନ୍ତି। ଶିକ୍ଷା ଓ ସଚେତନତା ଅଭାବରୁ କେତେକ ଲୋକ ଚିଟଫଣ୍ଡ ଭଳି ସଂସ୍ଥା ଦ୍ୱାରା ଠକାମିର ମଧ୍ୟ ଶିକାର ହେଉଛନ୍ତି। ଗୁମ୍ମା ସବ୍‌ପୋଷ୍ଟ ଅଧୀନରେ ୯ଟି ବ୍ରାଞ୍ଚ ପୋଷ୍ଟ ଅଫିସ ଅଜୟଗଡ, ସେରଙ୍ଗ, ତୁମୁଲ, କେସିପୁର, ମୁନୁସିଂ, ଆମ୍ବଝାରି, ଆଶ୍ରୟଗଡ, ବଡାକଳାକୋଟ ଓ ସିଣ୍ଡିବାରେ ରହିଛି। ଏହି ସବୁ ବ୍ରାଞ୍ଚ ପୋଷ୍ଟ ଅଫିସଗୁଡିକର ନିଜସ୍ବ ଗୃହ ନ ଥିବା ବେଳେ ବିଦ୍ୟୁତ ଓ କମ୍ପ୍ୟୁଟରୀକରଣ ସୁବିଧା ନାହିଁ। ସିଣ୍ଡିବା, ତୁମୁଲ ଓ ଆମ୍ବଝାରିରେ ବହୁ ପଦବୀ ଖାଲି ପଡିଛି। କେନ୍ଦ୍ର ସରକାର ସୁକନ୍ୟା ସମୃଦ୍ଧି ଯୋଜନା, ଅଟଳ ପେନସନ ଯୋଜନା, ବୀମା ଯୋଜନା ଆଦି କାର୍ଯ୍ୟକାରୀ କରିଛନ୍ତି। ପୋଷ୍ଟଅଫିସ ମାଧ୍ୟମରେ ଉକ୍ତ ଯୋଜନାଗୁଡ଼ିକରେ ଲୋକଙ୍କୁ ଅନ୍ତର୍ଭୁକ୍ତ କରାଯାଉଛି। ମାତ୍ର ଏଠାକାର ଅଧିକାଂଶ ଲୋକ ଏ ସମ୍ପର୍କରେ ଜାଣି ନ ଥିବାରୁ ସେଗୁଡ଼ିକରୁ ସୁଫଳ ପାଇବାରୁ ବଞ୍ଚତ୍ତ ହେଉଛନ୍ତି।

ରାୟଗଡା

ଜାନୁଆରୀ ୨୬କୁ କଳା ଦିବସ ପାଳନ ପାଇଁ ମାଓବାଦୀଙ୍କ ଆହ୍ବାନ

ଜାନୁଆରୀ ୨୬କୁ କଳା ଦିବସ ପାଳନ ପାଇଁ ମାଓବାଦୀଙ୍କ ଆହ୍ବାନ

ଜୟପୁର ୨୧। ୧ (ନି.ପ୍ର.)- ପଟ୍ଟାଙ୍ଗି ଥାନା ଅନ୍ତର୍ଗତ ସୁଙ୍କ, ନାରାୟଣପାଟଣା ଠାରେ ମାଓବାଦୀମାନେ ପୋଷ୍ଟର ମାଧ୍ୟମରେ ୨୬ ଜାନୁଆରୀ ସାଧାରଣତନ୍ତ୍ର ଦିବସକୁ କଳା ଦିବସଭାବେ ପାଳନ କରିବାକୁ ଆହ୍ବାନ ଦେଇଛନ୍ତି।

ନୂତନ ରୂପରେ ସଜ୍ଜିତ ହେବ ପ୍ରେମ ପାହାଡ଼

ନୂତନ ରୂପରେ ସଜ୍ଜିତ ହେବ ପ୍ରେମ ପାହାଡ଼

ରାୟଗଡା ଅଫିସ୍‌, ୨୧।୧- ରାୟଗଡା ଜିଲାର ବିଭିନ୍ନ ଅଞ୍ଚଳ ଏବଂ ରାୟଗଡା ସହରର ଉପକଣ୍ଠରେ ଅନେକ ପର୍ଯ୍ୟଟନସ୍ଥଳ ରହିଛି ା ଉକ୍ତ ପର୍ଯ୍ୟଟନସ୍ଥଳିଗୁଡିକ ମଧ୍ୟରୁ ରାୟଗଡା ସହରର ଉପକଣ୍ଠରେ ରହିଛି ପ୍ରେମପାହାଡ।

ମହେନ୍ଦ୍ରତନୟା ପାଣି ନେବାକୁ ଆନ୍ଧ୍ରର ଚକ୍ରାନ୍ତ

ମହେନ୍ଦ୍ରତନୟା ପାଣି ନେବାକୁ ଆନ୍ଧ୍ରର ଚକ୍ରାନ୍ତ

ପାରଳାଖେମୁଣ୍ଡି, ୨୧।୧(ସ୍ବ.ପ୍ର.)-ପୂର୍ବରୁ ବିଭିନ୍ନ ସମୟରେ ଓଡ଼ିଶାର ବାଲି, ନଦୀ, ଜଙ୍ଗଲ ଓ ଖଣିଜ ସମ୍ପଦ ଉପରେ ଲୋଲୁପ ଦୃଷ୍ଟି ରଖିଆସିଥିବା ଆନ୍ଧ୍ର ସରକାର ଏବେ ପୁଣି ମହେନ୍ଦ୍ରତନୟା ଉପରେ ଆଖି ପକାଇଛନ୍ତି।

ଅପହରଣ ପରେ ପ୍ରଜାକୋର୍ଟରେ ୪ଜଣଙ୍କୁ ମାଡ଼ମାରି ଛାଡ଼ିଲେ ମାଓବାଦୀ

ଅପହରଣ ପରେ ପ୍ରଜାକୋର୍ଟରେ ୪ଜଣଙ୍କୁ ମାଡ଼ମାରି ଛାଡ଼ିଲେ ମାଓବାଦୀ

ମାଥିଲି,୨୧।୧(ଡି.ଏନ.ଏ.)- କିଛି ଦିନର ନିରବତା ପରେ ପୁଣି ମାଓବାଦୀ ସଂଗଠନ ସକ୍ରିୟ ହୋଇପଡିଥିବା ଜଣାପଡ଼ିଛି। ମାଓବାଦୀଙ୍କ ଅତ୍ୟାଚାରର ଶିକାର ହୋଇଥିବା ଗ୍ରାମବାସୀଙ୍କ ମଧ୍ୟରେ ଏବେ ଭୟର ବାତାବରଣ ଖେଳିଯାଇଛି।

ବିବାହ ବେଦୀକୁ ଯିବା ପୂର୍ବରୁ ୨ ନାବାଳିକା ଉଦ୍ଧାର

ବିବାହ ବେଦୀକୁ ଯିବା ପୂର୍ବରୁ ୨ ନାବାଳିକା ଉଦ୍ଧାର

ମାଲକାନାଗିରି,୨୧।୧(ଡି.ଏନ୍‌.ଏ.): ମାଲକାନଗିରି ଜିଲା ଚାଇଲ୍ଡ ଲାଇନ ପକ୍ଷରୁ ରବିବାର ବିବାହ ପୂର୍ବରୁ ୨ଜଣ ନାବାଳିକାଙ୍କୁ ଉଦ୍ଧାର କରଯାଇଛି। ୨ଦିନରେ ୩ଜଣ ମଙ୍ଗୁଳା ନାବାଳିକା କନ୍ୟାଙ୍କୁ ଚାଇଲ୍ଡ ଲାଇନ ଉଦ୍ଧାର କରିଛି।

ଧରାପଡିଲେ ଲୁଟେରା ଗ୍ୟାଙ୍ଗ

ଜୟପୁର ୨୦।୧(ନି.ପ୍ର./ଡି.ଏନ.ଏ.)- ଜୟପୁର ସହରରେ କିଛି ମାସ ହେବ ଚୋରି କରି ଆତଙ୍କ ଖେଳାଇଥିବା ଚୋର ଗ୍ୟାଙ୍ଗ କୁ ଟାଉନଥାନା ପୋଲିସ ଧରିଛି । ଏନେଇ ଥାନା ପରିସରରେ ଆୟେଜିତ ଖବରଦାତା ସମ୍ମିଳନୀରେ ଏସଡିପିଓ ଟି.ଜେ. ରେଡ୍ଡି ସୂଚନା ଦେଇଛନ୍ତି ।

ମାନଚିତ୍ରରେ ଓଡିଆ ଭାଷାର ବିକୃତ ପ୍ରଦର୍ଶନ

ମାନଚିତ୍ରରେ ଓଡିଆ ଭାଷାର ବିକୃତ ପ୍ରଦର୍ଶନ

ଜୟପୁର, ୨୦।୧ (ନି.ପ୍ର.)-କୋରାପୁଟ ଜିଲା ମାନଚିତ୍ରରେ ଜିଲାର ବିଭିନ୍ନ ସ୍ଥାନର ନାମକୁ ଓଡିଆ ଭାଷାରେ ବିକୃତ ଭାବେ ଲେଖାଯାଇ ଭାଷାକୁ ବିକୃତ କରାଯାଇ ପ୍ରଦର୍ଶନ କରାଯାଇଛି ।

 ଭଡ଼ାଘରେ ରହି ୨୫୦ ଭୂମିହୀନଙ୍କୁ ବାଣ୍ଟିଲେ ଜମି

ଭଡ଼ାଘରେ ରହି ୨୫୦ ଭୂମିହୀନଙ୍କୁ ବାଣ୍ଟିଲେ ଜମି

ଜୟପୁର,୨୦।୧(ଡି.ଏନ.ଏ)-ନିଜେ ଭଡ଼ାଘରେ ରହୁଛନ୍ତି; କିନ୍ତୁ ୧୫ ବର୍ଷ ତଳେ ଯେଉଁ ୨ ଏକର ଜମି କିଣିଥିଲେ, ତାହାକୁ ୨୫୦ ଜଣ ଭୂମିହୀନଙ୍କୁ ବାଣ୍ଟିଛନ୍ତି ଜୟପୁର ସହରର ଜଣେ ବଦାନ୍ୟ ବ୍ୟକ୍ତି। ସେ ହେଲେ ମୁଗୁଡା ସୂର୍ଯ୍ୟନାରାୟଣ ଆଚାରୀ।

ସେଲଫି ନେଉଥିବାବେଳେ ଖସିପଡି ପର୍ଯ୍ୟଟକଙ୍କ ମୃତ୍ୟୁ

କୋରାପୁଟ/ଅନକାଡେଲି,୨୦। ୧(ସ୍ବ.ପ୍ର)- କୋରାପୁଟ ଜିଲାର ପର୍ଯ୍ୟଟନସ୍ଥଳ ଡୁଡୁମା ଜଳପ୍ରପାତରେ ଖସିପଡି ଜଣେ ପର୍ଯ୍ୟଟକଙ୍କ ମୃତ୍ୟୁ ହୋଇଛି । ଖବରରୁ ଜଣାପଡିଛି ଶନିବାର ଆନ୍ଧ୍ରର ବିଶାଖାପାଟଣା ଅଞ୍ଚଳର ଏସ. ଇବ୍ରାହିମ (୨୮) କୋରାପୁଟ ଜିଲା ଲମତାପୁଟ ବ୍ଲକର ଅନକାଡେଲି ନିକଟରେ ଥିବା ଡୁଡୁମା ଜଳପ୍ରପାତକୁ ନିଜ ପରିବାର ସହ ବୁଲି ଆସିଥିଲେ।

ମେକା ସରପଞ୍ଚ ଉପନିର୍ବାଚନ: ବାଜି ମାରିଲେ କଂଗ୍ରେସ ସମର୍ଥିତ ପ୍ରାର୍ଥୀ

ମାଥିଲି,୨୦।୧(ଡି.ଏନ୍‌.ଏ.)-ମାଥିଲି ବ୍ଲକ ମେକା ସରପଞ୍ଚ ପଦବୀରେ ହୋଇଥିବା ଉପନିର୍ବାଚନ ଫଳାଫଳ ଶନିବାର ପ୍ରକାଶ ପାଇଛି। ବ୍ଲକ କାର୍ଯ୍ୟାଳୟ ସଭାଗୃହରେ ଭୋଟ ଗଣତି ହୋଇଥିଲା।

ବିଜେଡି ବ୍ଲକ ସଭାପତି ପଦରୁ ସଦାଶିବଙ୍କ ଇସ୍ତଫା

ମାଥିଲି,୨୦।୧(ଡି.ଏନ୍‌.ଏ.): ମାଥିଲି ବ୍ଲକ ବିଜେଡି ସଭାପତି ପଦବୀରୁ ଶନିବାର ସଦାଶିବ ପୂଜାରୀ ଇସ୍ତଫା ଦେଇଛନ୍ତି। ସେ ନିଜ ଇସ୍ତଫା ପତ୍ର ମାଲକାନଗିରି ଜିଲା ସଭାପତି ମାନସ ମାଡକାମୀଙ୍କୁ ଦେଇଛନ୍ତି।

ସମ୍ପର୍କରେ ରକ୍ତ ଛିଟ: ପିଟିପିଟି ମାରିଦେଲେ ସ୍ତ୍ରୀ, ପୁଅ

ନବରଙ୍ଗପୁର, ୨୦।୧(ବି.ପ୍ର.)- ପାରିବାରିକ କଳହ କିଭଳି ଉଗ୍ର ରୂପ ନେଇପାରେ ଏହାର ଏକ ଦୃଷ୍ଟାନ୍ତ ଶନିବାର ନବରଙ୍ଗପୁର ଜିଲାରେ ଦେଖିବାକୁ ମିଳିଛି। ଚରିତ୍ରରେ ସନ୍ଦେହ କରି ଘରେ ଝଗଡା ଓ ମାରପିଟ କରୁଥିବା ଜଣେ ବ୍ୟକ୍ତିଙ୍କୁ କାଠ ଫାଳିଆରେ ପିଟିପିଟି ହତ୍ୟା କରିଛନ୍ତି ତାଙ୍କ ସ୍ତ୍ରୀ ଓ ପୁଅ। ସେ ହେଲେ ରାଇଘର ଥାନା ସରଗୁଲି ଅଞ୍ଚଳର ବଳଦେବ ଗଣ୍ଡ(୫୦)।