ଅନଗୁଳ-ଢେଙ୍କାନାଳ

ହାତୀ ମୃତ୍ୟୁ କ୍ଷତିପୂରଣ:ଜଟିଳ ହେଉଛି ପ୍ରକ୍ରିୟା

ହାତୀ ମୃତ୍ୟୁ କ୍ଷତିପୂରଣ:ଜଟିଳ ହେଉଛି ପ୍ରକ୍ରିୟା

ଢେଙ୍କାନାଳ ଅଫିସ୍‌, ୧୫।୧୨-ହାତୀ ଆକ୍ରମଣରେ ମୃତକଙ୍କ ପରିବାରକୁ ସହାୟତା ରାଶି ଦେବା ପ୍ରକ୍ରିୟା ଅତ୍ୟନ୍ତ ଜଟିଳ ହୋଇପଡ଼ୁଛି। ଆତ୍ମୀୟଙ୍କୁ ହରାଇ ମାନସିକସ୍ତରରେ ଭାଙ୍ଗି ପଡ଼ିଥିବା ପରିବାର ପାଇଁ ମୃତ୍ୟୁ କଷ୍ଟ ଅପେକ୍ଷା ଅଧିକ ଯନ୍ତ୍ରଣାଦାୟକ ହୋଇପଡ଼ୁଛି ପୋଲିସ ନିର୍ଯାତନା ଏବଂ ଅସହଯୋଗ। ଢେଙ୍କାନାଳ ଜିଲା କାମାକ୍ଷାନଗର ବ୍ଲକ ତୁମୁସିଙ୍ଗା ଥାନା ଇଚ୍ଛାବତୀପୁର ଗ୍ରାମର ବଟ ବେହେରା ଏବଂ ସରୋଜିନୀ ନାୟକଙ୍କ କ୍ଷେତ୍ରରେ ଘଟିଛି ସମାନ ଘଟଣା। ସହାୟତା ରାଶି ପାଇଁ ପୋଲିସ ରିପୋର୍ଟ ଜରୁରୀ ହୋଇପଡ଼ିଥିବାବେଳେ ଏଥିପାଇଁ ଥାନାରେ ଲାଞ୍ଚ ଦାବି କରାଯାଇଥିବା ଦୁହେଁ ଅଭିଯୋଗ କରିଛନ୍ତି। ସବୁଆଡ଼ୁ ନିରାଶ ହେବା ପରେ ଉଭୟେ ଶୁକ୍ରବାର ଏସ୍‌ପି ବସନ୍ତ କୁମାର ପାଣିଗ୍ରାହୀଙ୍କୁ ଭେଟି ନ୍ୟାୟ ଦେବାକୁ ଗୁହାରି କରିଛନ୍ତି।
୨୦୧୭ ଜୁନ୍‌ ୯। ଅପ୍ରତ୍ୟାଶିତ ଘଟଣାକ୍ରମେ ଏହି ଦିନ ହାତୀ ଆକ୍ରମଣରେ ଉଜୁଡ଼ିଯାଇଥିଲା ଦୁଇ ପରିବାର। ବଟ ହରାଇଥିଲେ ସ୍ତ୍ରୀ ପାତେଳିଙ୍କୁ। ସେହିପରି ସୁରେନ୍ଦ୍ର ନାୟକଙ୍କ ମୃତ୍ୟୁ ସରୋଜିନୀଙ୍କ ପାଇଁ ପାଲଟିଥିଲା ଶକ୍ତ ଧକ୍କା। ସରକାରୀ ନିୟମ ଅନୁଯାୟୀ ବନ ବିଭାଗ ପ୍ରାରମ୍ଭିକ ପର୍ଯ୍ୟାୟରେ ମୃତକଙ୍କ ପରିବାରକୁ ୧୦ ହଜାର ଟଙ୍କା ଲେଖାଏ ଦେଇଥିଲା। ପ୍ରତି ପରିବାରଙ୍କୁ ଆଉ ୩ଲକ୍ଷ ୯୦ ହଜାର ଲେଖାଏ ଟଙ୍କା ମିଳିବାକୁ ଥିବାବେଳେ ଏଥିରେ ପୋଲିସ ରିପୋର୍ଟର ଆବଶ୍ୟକତା ଥିବା କହିଥିଲେ ରେଞ୍ଜ ଅଧିକାରୀ। ବଟ ଏବଂ ସରୋଜିନୀ ୫ମାସ ମଧ୍ୟରେ ବାରମ୍ବାର ତୁମୁସିଙ୍ଗା ଥାନାକୁ ଧାଇଁଥିଲେ ମଧ୍ୟ ସେମାନଙ୍କୁ ରିପୋର୍ଟ ଦିଆଯାଇ ନ ଥିଲା। ଥାନାର କର୍ମଚାରୀ ସେମାନଙ୍କ ପ୍ରତି ସମ୍ବେଦନଶୀଳ ହେବା ପରିବର୍ତ୍ତେ ହଇରାଣ ହରକତ କରଥିଲେ। ଦେଖିବା, ସୁବିଧା ଦେଖି ଦେବା କହି ବାରମ୍ବାର ଏଡ଼ାଇଯାଇଥିଲେ ଦାୟିତ୍ୱରେ ଥିବା ଅଧିକାରୀ। ଏପରି କି ସେମାନଙ୍କଠାରୁ ୫ହଜାର ଟଙ୍କା ଲାଞ୍ଚ ଦାବି କରାଯାଇଥିବା ମୃତକଙ୍କ ପରିବାର ଏସ୍‌ପିଙ୍କ ନିକଟରେ ଅଭିଯୋଗ କରିଛନ୍ତି।
ଏ ନେଇ ଏସ୍‌ପି ବସନ୍ତ ପାଣିଗ୍ରାହୀ କୁହନ୍ତି, ମୃତକଙ୍କ ପରିବାର ସହାୟତା ପାଇଁ ଆଇନଗତ ଭାବେ ପୋଲିସ ରିପୋର୍ଟ ଆବଶ୍ୟକ। ଏହାକୁ ତୁରନ୍ତ ପ୍ରଦାନ କରିବାକୁ ଥାନାଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି।
କେବଳ ବଟ କିମ୍ବା ସରୋଜିନୀ ନୁହନ୍ତି, ଢେଙ୍କାନାଳ ଜିଲାରେ ପୋଲିସ ନିର୍ଯାତନାର ଏପରି ଅନେକ ଘଟଣା ପଦାକୁ ଆସୁଛି। ଏହା ଖାକିକୁ ବଦନାମ କରୁଛି। ବୈଠକ, କର୍ମଶାଳାରେ ସାଧାରଣ ଜନତାଙ୍କ ପ୍ରତି ସମ୍ବେଦନଶୀଳ ହେବାକୁ ବିଭାଗୀୟ ଅଧିକାରୀ ଥାନା କର୍ମଚାରୀଙ୍କୁ ନିର୍ଦ୍ଦେଶ ଦେଉଛନ୍ତି। ହେଲେ ଏହା କେବଳ ଲୋକ ଦେଖାଣିଆ ହୋଇ ରହିଯାଉଛି। ଲାଞ୍ଚଖୋର କର୍ମଚାରୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହ କ୍ଷତିପୂରଣ ସମ୍ପର୍କିତ ଆଇନଗତ ପ୍ରକ୍ରିୟାରେ ପୋଲିସ ସହଯୋଗ କରିବାକୁ ବୁଦ୍ଧିଜୀବୀ ମହଲରେ ଦାବି ହୋଇଛି।

All Right Reserved By

Model This Week

ନିକିତା

ଅନଗୁଳ-ଢେଙ୍କାନାଳ

ନାବାଳିକାଙ୍କୁ ବଳାତ୍କାର ଘଟଣା : ପୂଜାରୀ ଗିରଫ

ନାବାଳିକାଙ୍କୁ ବଳାତ୍କାର ଘଟଣା : ପୂଜାରୀ ଗିରଫ

ଅନୁଗୋଳ ଅଫିସ୍‌, ୨୧ା୪- ଜଣେ ନାବାଳିକାଙ୍କୁ ବଳାତ୍କାର କରିବା ଅଭିଯୋଗରେ ଅନୁଗୋଳ ଥାନା ଅଞ୍ଚଳରେ ଥିବା ଏକ ଜଗନ୍ନାଥ ମନ୍ଦିରର ପୂଜାରୀ ଅଶୋକ ମିଶ୍ର(୫୩)ଙ୍କୁ ପୋଲିସ ଶନିବାର ଗିରଫ କରିଛି।

ପୋଲ ତଳକୁ ଓଲଟିଲା କାର: ଜଣେ ମୃତ, ଦୁଇ ଗୁରୁତର

ପୋଲ ତଳକୁ ଓଲଟିଲା କାର: ଜଣେ ମୃତ, ଦୁଇ ଗୁରୁତର

ବଇଣ୍ଡା,୨୧।୪(ଡି.ଏନ.ଏ)- ବଇଣ୍ଡା ଆଠମଲ୍ଲିକ ପୂର୍ତ୍ତ ବିଭାଗ ରାସ୍ତାର ଠାକୁରଗଡ଼ ଥାନା ଧଣ୍ଡାତୋପା ପୋଲ ତଳକୁ ଶୁକ୍ରବାର ରାତିରେ ଏକ ଇଣ୍ଡିଗୋ କାର ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଛି।

୩୪୯ ଜଣ ଦେଲେ ନବୋଦୟ ପ୍ରବେଶିକା ପରୀକ୍ଷା

ବଇଣ୍ଡା,୨୧।୪(ଡି.ଏନ.ଏ)- କିଶୋରନଗର ବ୍ଲକ ବଇଣ୍ଡା ରାମଦେଓ ଉଚ୍ଚ ବିଦ୍ୟାଳୟ ଓ କିଶୋରନଗର ଉଚ୍ଚ ବିଦ୍ୟାଳୟରେ ଶନିବାର ନବୋଦୟ ପ୍ରବେଶିକା ପରୀକ୍ଷା ଅନୁଷ୍ଠିତ ହୋଇଯାଇଛି।

ଦୋକାନରେ ପଶିଗଲା ଟ୍ରକ

ଦୋକାନରେ ପଶିଗଲା ଟ୍ରକ

ବଇଣ୍ଡା,୨୧।୪(ଡି.ଏନ.ଏ)- ହଣ୍ଡପା ଥାନା ନାକିଚି-ଠାକୁରଗଡ଼ ପୂର୍ତ୍ତ ବିଭାଗ ରାସ୍ତାର ନାକିଚିଠାରେ ଜୟନ୍ତ ନାୟକଙ୍କ ଭେରାଇଟି ଦୋକାନରେ ଶୁକ୍ରବାର ରାତିରେ ଏକ କୋଇଲା ବୋଝେଇ ଟ୍ରକ ପଶିଯାଇ ଦୁର୍ଘଟଣାଗ୍ରସ୍ତ ହୋଇଛି।

ପ୍ରବେଶିକା ପରୀକ୍ଷା ଦେଲେ  ୪୫୭ ଛାତ୍ରୀଛାତ୍ର

ପ୍ରବେଶିକା ପରୀକ୍ଷା ଦେଲେ ୪୫୭ ଛାତ୍ରୀଛାତ୍ର

କଣିହାଁ, ୨୧।୪(ଡି.ଏନ.ଏ.)- କଣିହାଁ ବ୍ଲକର ୨ଟି କେନ୍ଦ୍ରରେ ନବୋଦୟ ପ୍ରବେଶିକା ପରୀକ୍ଷା ଶନିବାର ଅନୁଷ୍ଠିତ ହୋଇଯାଇଛି।

ଜିଲା ଜଜ୍‌  କୋର୍ଟର ନୂତନ ଗୃହ ଉଦ୍‌ଘାଟିତ

ଜିଲା ଜଜ୍‌ କୋର୍ଟର ନୂତନ ଗୃହ ଉଦ୍‌ଘାଟିତ

ଅନୁଗୋଳ ଅଫିସ, ୨୧।୪- ଅନୁଗୋଳ ଜିଲା ଜଜ୍‌ କୋର୍ଟର ନୂତନ ଗୃହ ଶନିବାର ଉଦ୍‌ଘାଟିତ ହୋଇଯାଇଛି। ଏଥିରେ ମୁଖ୍ୟଅତିଥି ଭାବେ ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ୍‌ ବିନିତ ସରଣ ଯୋଗଦେଇ ଏହାକୁ ଉଦ୍‌ଘାଟନ କରିଥିଲେ।

ଆମ୍ବେଦକର ଜୟନ୍ତୀ ପାଳିତ

ଆମ୍ବେଦକର ଜୟନ୍ତୀ ପାଳିତ

ଭୁବନ, ୨୧।୪(ଡି.ଏନ.ଏ.)- ଢେଙ୍କାନାଳ ଜିଲା ଭୁବନ ଦଳିତ ମଞ୍ଚ ପକ୍ଷରୁ ସ୍ଥାନୀୟ କଲ୍ୟାଣ ମଣ୍ଡପ ପରିସରରେ ଶନିବାର ଆମ୍ବେଦକର ଜୟନ୍ତୀ ପାଳିତ ହୋଇଯାଇଛି।

ପଞ୍ଜାବ ନ୍ୟାସନାଲ ବ୍ୟାଙ୍କ ସମ୍ମୁଖରେ ଶାନ୍ତି ପୂର୍ଣ୍ଣସଭା

ପଞ୍ଜାବ ନ୍ୟାସନାଲ ବ୍ୟାଙ୍କ ସମ୍ମୁଖରେ ଶାନ୍ତି ପୂର୍ଣ୍ଣସଭା

ବନ୍ତଳା,୨୧।୪(ଡି.ଏନ.ଏ.)- କେନ୍ଦ୍ର ସରକାରଙ୍କ ଆର୍ଥିକ ପରିଚାଳନାରେ ଅପାରଗତା ବିରୋଧରେ ଅନୁଗୋଳ ଜିଲା ଯୁବ ବିଜେଡି ପକ୍ଷରୁ ଶନିବାର ପଞ୍ଜାବ ନ୍ୟାସନାଲ ବ୍ୟାଙ୍କ ସମ୍ମୁଖରେ ଶାନ୍ତି ପୂର୍ଣ୍ଣସଭା ଅନୁଷ୍ଠିତ ହୋଇଯାଇଛି।

ବଇଣ୍ଡା ଷ୍ଟେଟ୍‌  ବ୍ୟାଙ୍କ ସମ୍ମୁଖରେ  ବିଜେଡିର ବିକ୍ଷୋଭ

ବଇଣ୍ଡା ଷ୍ଟେଟ୍‌ ବ୍ୟାଙ୍କ ସମ୍ମୁଖରେ ବିଜେଡିର ବିକ୍ଷୋଭ

ବଇଣ୍ଡା,୨୧।୪(ଡି.ଏନ.ଏ.)- ସାରା ରାଜ୍ୟରେ ଏଟିଏମ୍‌ରେ ଟଙ୍କା ଅଭାବ ଦେଖାଦେଇଥିବା ପ୍ରତିବାଦରେ କିଶୋରନଗର ବ୍ଲକ ଯୁବ ବିଜେଡି ପକ୍ଷରୁ ଶନିବାର ବଇଣ୍ଡା ଷ୍ଟେଟ୍‌ ବ୍ୟାଙ୍କ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି।

 ଷ୍ଟେଟ୍‌ ବ୍ୟାଙ୍କ ସମ୍ମୁଖରେ ବିକ୍ଷୋଭ

ଷ୍ଟେଟ୍‌ ବ୍ୟାଙ୍କ ସମ୍ମୁଖରେ ବିକ୍ଷୋଭ

ପରଜଙ୍ଗ,୨୧।୪(ଡି.ଏନ.ଏ.)- ପରଜଙ୍ଗ ଅଞ୍ଚଳରେ ଥିବା ଷ୍ଟେଟ୍‌ ବ୍ୟାଙ୍କ ସମ୍ମୁଖରେ ଶନିବାର ବିଜେଡି ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି। କେନ୍ଦ୍ର ସରକାରଙ୍କ ଆର୍ଥିକ ପରିଚାଳନାରେ ଅପାରଗତା ଏବଂ ଏଟିଏମ୍‌ ଗୁଡ଼ିକରେ ଟଙ୍କା ନ ଥିବାରୁ ଲୋକେ ହନ୍ତସନ୍ତ ହେଉଥିବା ପ୍ରତିବାଦରେ ଏହି ବିକ୍ଷୋଭ ହୋଇଛି।

ଭାଜପା ପକ୍ଷରୁ ଲଟକା ଜାରି

ଭାଜପା ପକ୍ଷରୁ ଲଟକା ଜାରି

ଅନୁଗୋଳ ଅଫିସ, ୨୧।୪- ଅନୁଗୋଳ ପୌର ପରିଷଦରେ ଥିବା ୨୩ଟି ଓ୍ବାର୍ଡରେ ବିଭିନ୍ନ ସମସ୍ୟାକୁ ନେଇ ୧୦ ଦଫା ଦାବିରେ ଭାଜପା ପକ୍ଷରୁ ଶନିବାର ପୌରପରିଷଦ କାର୍ଯ୍ୟାଳୟ ସମ୍ମୁଖରେ ଲଟକା ଜାରି କରାଯାଇଛି।

ହାଟତୋଟା ଷ୍ଟେଟ୍‌ ବ୍ୟାଙ୍କ ସମ୍ମୁଖରେ ବିକ୍ଷୋଭ

ହାଟତୋଟା ଷ୍ଟେଟ୍‌ ବ୍ୟାଙ୍କ ସମ୍ମୁଖରେ ବିକ୍ଷୋଭ

ତାଳଚେର,୨୧।୪(ନି.ପ୍ର)- କେନ୍ଦ୍ର ସରକାରଙ୍କ ଆର୍ଥିକ ପରିଚାଳନାରେ ଅପାରଗତା ଓ ଏଟିଏମ୍‌ ଗୁଡ଼ିକରେ ଟଙ୍କା ନ ଥିବାରୁ ଲୋକେ ହନ୍ତସନ୍ତ ହେଉଥିବା ପ୍ରତିବାଦରେ ଶନିବାର ତାଳଚେର ହାଟତୋଟା ଷ୍ଟେଟ୍‌ ବ୍ୟାଙ୍କ ସମ୍ମୁଖରେ ବିଜେଡି ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି।