ଅନଗୁଳ-ଢେଙ୍କାନାଳ

କନିଅର ଫଳ ଖାଇ ଗୁରୁତର ଘଟଣା; ସୁସ୍ଥ ହୋଇ ଫେରିଲେ ୧୪ ଛାତ୍ରୀଛାତ୍ର

କନିଅର ଫଳ ଖାଇ ଗୁରୁତର ଘଟଣା; ସୁସ୍ଥ ହୋଇ ଫେରିଲେ ୧୪ ଛାତ୍ରୀଛାତ୍ର
ଅନୁଗୋଳ ଅଫିସ,୧୫।୧୨- ଖେଳଛୁଟି ବେଳେ କନିଅର ଫଳ ଖାଇ ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟରେ ଗୁରୁବାର ଭର୍ତ୍ତି ହୋଇଥିବା ଅନୁଗୋଳ ଜିଲା ଆଠମଲ୍ଲିକ ବ୍ଲକ ଅନନ୍ତପାଲି ପ୍ରକଳ୍ପ ଉଚ୍ଚ ବିଦ୍ୟାଳୟର ୧୭ ଛାତ୍ରୀଛାତ୍ରଙ୍କ ମଧ୍ୟରୁ ୧୪ଜଣ ସୁସ୍ଥ ହୋଇ ଶୁକ୍ରବାର ଘରକୁ ଫେରିଛନ୍ତି। କଟକ ପଠାଯାଇଥିବା ଅନ୍ୟ ୩ ଜଣ ସେଠାରେ ଚିକିତ୍ସାଧୀନ ଅଛନ୍ତି। ସକାଳେ ସମ୍ପୃକ୍ତ ୧୪ଜଣ ସୁସ୍ଥତା ଅନୁଭବ କରିବା ପରେ ଅପରାହ୍ନରେ ଏକ ବସ୍‌ ଯୋଗେ ସେମାନଙ୍କୁ ଗଁାକୁ ପଠାଇ ଦିଆଯାଇଛି। ଅନ୍ୟପକ୍ଷରେ କାର୍ଯ୍ୟରେ ଅବହେଳା ପାଇଁ ଉକ୍ତ ସ୍କୁଲର ଶିକ୍ଷୟିତ୍ରୀ ପ୍ରତିମା ବେହେରାଙ୍କୁ ଜିଲାପାଳ ଅନିଲ କୁମାର ସାମଲ ଅନ୍ୟତ୍ର ବଦଳି କରିଛନ୍ତି। ଜିଲାପାଳଙ୍କ ନିର୍ଦ୍ଦେଶକ୍ରମେ ଶୁକ୍ରବାର ଘଟଣାର ତଦନ୍ତ ଆରମ୍ଭ ହୋଇଥିଲା। ଜିଲା ଶିକ୍ଷା ଅଧିକାରୀ (ଡିଇଓ) ସଚ୍ଚିଦାନନ୍ଦ ବେହେରା ନିଜେ ତଦନ୍ତ ପାଇଁ ଅନନ୍ତପାଲି ପ୍ରକଳ୍ପ ଉଚ୍ଚ ବିଦ୍ୟାଳୟକୁ ଯାଇଥିଲେ। ତଦନ୍ତ ବେଳେ ଜଣାପଡ଼ିଲା ଯେ, ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ମୋଟ୍‌ ୧୭୪ ପିଲାଙ୍କ ପାଇଁ ୫ଜଣ ଶିକ୍ଷୟିତ୍ରୀଶିକ୍ଷକ ନିଯୁକ୍ତ ହୋଇଛନ୍ତି। ଗୁରୁବାର ସକାଳେ ପ୍ରଧାନଶିକ୍ଷକ ନରେନ୍ଦ୍ର ମିର୍ଦ୍ଧା ୧୩ ଛାତ୍ରୀଛାତ୍ରଙ୍କୁ ଧରି ଆଠମଲ୍ଲିକ ବିଆର୍‌ସିସି ବିଲଡିଂରେ ଆୟୋଜିତ ନେତ୍ରଜ୍ୟୋତି ଶିବିରକୁ ଯାଇଥିଲେ। ସହକାରୀ ଶିକ୍ଷକ ସାନନ୍ଦ ପାତ୍ର ଦାୟିତ୍ୱରେ ଥିଲେ। ତାଙ୍କୁ ମିଶାଇ ୪ଜଣ ସ୍କୁଲରେ ଉପସ୍ଥିତ ରହିବା କଥା। ହେଲେ ଶିକ୍ଷୟିତ୍ରୀ ପ୍ରତିମା ବେହେରା ଛୁଟି ଦରଖାସ୍ତ ନ ଦେଇ ଅନୁପସ୍ଥିତ ରହିଥିଲେ। ଅନ୍ୟଜଣେ ଶିକ୍ଷକ ସତ୍ୟନାରାୟଣ ମେସୁଆ ମଧ୍ୟାହ୍ନ ୧୨ଟାରେ ଘରକୁ ପଳାଇ ଯାଇଥିଲେ। ଶିକ୍ଷକ ବିଶ୍ୱମିତ୍ର ମେହେର ଓ ସାନନ୍ଦ ପାତ୍ର ବିଦ୍ୟାଳୟରେ ଉପସ୍ଥିତ ଥିଲେ। ଏହି ତଦନ୍ତ ରିପୋର୍ଟ ପାଇବା ପରେ ଜିଲାପାଳ କାର୍ଯ୍ୟରେ ଅବହେଳା ପ୍ରଦର୍ଶନ କରିଥିବା ଶିକ୍ଷୟିତ୍ରୀ ବେହେରାଙ୍କୁ ଅନ୍ୟତ୍ର ବଦଳି କରିଛନ୍ତି। ଏଥିସହ ଜିଲାରେ ଛାତ୍ରୀଛାତ୍ରଙ୍କ ସୁରକ୍ଷା ପାଇଁ ଏକ ଗାଇଡ ଲାଇନ୍‌ ଜାରି ହେବ ବୋଲି ଡିଇଓ ସଚ୍ଚିଦାନନ୍ଦ ବେହେରା ପ୍ରକାଶ କରିଛନ୍ତି।
All Right Reserved By

ଅନଗୁଳ-ଢେଙ୍କାନାଳ

ଶେଲଟର ହୋମ୍‌ ଯୌନଶୋଷଣ ମାମଲା; ଫୟାଜ୍‌ଙ୍କ ଜାମିନ ଆବେଦନ ଖାରଜ

ଶେଲଟର ହୋମ୍‌ ଯୌନଶୋଷଣ ମାମଲା; ଫୟାଜ୍‌ଙ୍କ ଜାମିନ ଆବେଦନ ଖାରଜ

ଢେଙ୍କାନାଳ ଅଫିସ, ୧୨ା୧୨-ଢେଙ୍କାନାଳ ସଦର ଥାନା ବେଲଟିକିରିସ୍ଥିତ ‘ଗୁଡ୍‌ ନ୍ୟୁଜ୍‌ ଇଣ୍ଡିଆ ଡ୍ରିମ୍‌ ସେଣ୍ଟର’ ଶେଲ୍‌ଟର ହୋମ୍‌  ଯୌନଶୋଷଣ ଏବଂ ଶିଶୁ ନିର୍ଯାତନା ମାମଲାରେ ଗିରଫ ହୋଇଥିବା ଅନୁଷ୍ଠାନର ଚେୟାରମ୍ୟାନ ଫୟାଜ୍‌ ରେହମାନଙ୍କର ଜାମିନ ଆବେଦନ ଖାରଜ ହୋଇଯାଇଛି। ସ୍ବତନ୍ତ୍ର ପୋକ୍‌ସୋ ଅଦାଲତ ବିଚାରପତି ଦାୟିତ୍ୱରେ ଥିବା ଅତିରିକ୍ତ ଜିଲା ଦୌରାଜଜ୍‌ କ୍ଷୀରୋଦ କୁମାର ଦାସ ଜାମିନ ଆବେଦନକୁ ଖାରଜ କରିଦେଇଛନ୍ତି।

କୃଷି ବିଜ୍ଞାନ କେନ୍ଦ୍ର ବୁଲି ଦେଖିଲେ ଜିଲାପାଳ

କୃଷି ବିଜ୍ଞାନ କେନ୍ଦ୍ର ବୁଲି ଦେଖିଲେ ଜିଲାପାଳ

ଅନୁଗୋଳ ଅଫିସ, ୧୨।୧୨- ଅନୁଗୋଳ ପଞ୍ଚମହଲା ସ୍ଥିତ କୃଷି ବିଜ୍ଞାନ କେନ୍ଦ୍ରକୁ ବୁଧବାର ପୂର୍ବାହ୍ନରେ ଜିଲାପାଳ ଅନିଲ କୁମାର ସାମଲ ପରିଦର୍ଶନ କରି ବିଭିନ୍ନ କାର୍ଯ୍ୟକ୍ରମ ଦେଖିବା ସହ ଏହାର କାର୍ଯ୍ୟକାରିତା ସମ୍ପର୍କରେ ସମୀକ୍ଷା କରିଥିଲେ। ନୂତନ ଜ୍ଞାନ କୌଶଳରେ ଆମ୍ବ, କଦଳୀ ଚାଷ ଓ ଉନ୍ନତ କିଷମ ପରିବା ଚାରା ଉପତ୍ନ୍ନ ପ୍ରଣାଳୀକୁ ଜିଲାପାଳ ବୁଲି ଦେଖିଥିଲେ। 

ଗଡ଼ିଲା ପ୍ରଭାବଶାଳୀଙ୍କ ପାଚେରି, ଘର

ଗଡ଼ିଲା ପ୍ରଭାବଶାଳୀଙ୍କ ପାଚେରି, ଘର

ଅନୁଗୋଳ ଅଫିସ, ୧୨।୧୨- ଅନୁଗୋଳ ହେମସୁରପଡା ଡିଆସି ଛକ ଠାରୁ ମାଛ ମାର୍କେଟ ଛକ ପର୍ଯ୍ୟନ୍ତ ରାସ୍ତା ପ୍ରଶସ୍ତୀକରଣ ପାଇଁ ପୂର୍ତ୍ତ ବିଭାଗ ପକ୍ଷରୁ ଜବରଦଖଲ ଉଚ୍ଛେଦ ବୁଧବାରଠାରୁ ଆରମ୍ଭ ହୋଇଛି। ପ୍ରଥମ ଦିନରେ ୩୦ରୁ ଊର୍ଦ୍ଧ୍ୱ ଘର ଉଚ୍ଛେଦ କରାଯାଇଥିଲା। ଏଥିରେ କେତେଜଣ ପ୍ରଭାବଶାଳୀ ବ୍ୟକ୍ତିଙ୍କ ନିର୍ମାଣ ଅଂଶ ମଧ୍ୟ ଭଙ୍ଗା ଯାଇଥିଲା।

କଣିହାଁ ସ୍ବାସ୍ଥ୍ୟକେନ୍ଦ୍ରରେ ୨ ନିଃଶୁଳ୍କ ସ୍ବାସ୍ଥ୍ୟସେବା ଯାନ

କଣିହାଁ ସ୍ବାସ୍ଥ୍ୟକେନ୍ଦ୍ରରେ ୨ ନିଃଶୁଳ୍କ ସ୍ବାସ୍ଥ୍ୟସେବା ଯାନ

କଣିହାଁ, ୧୨ା୧୨(ଡି.ଏନ.ଏ.)- ଅନୁଗୋଳ ଜିଲା କଣିହାଁ ବ୍ଲକ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ମାଗଣା ସ୍ବାସ୍ଥ୍ୟସେବା ପ୍ରଦାନ ପାଇଁ ୨ଟି ଭ୍ରାମ୍ୟମାଣ ସ୍ବାସ୍ଥ୍ୟସେବା ଯାନ ବୁଧବାର ପହଞ୍ଚିଛି। ବିଶେଷ କରି ଖଣି ପ୍ରଭାବିତ ଗ୍ରାମ ଓ ଡାକ୍ତରଖାନାରୁ ଦୂରରେ ଥିବା ଅଞ୍ଚଳବାସୀଙ୍କ ପାଇଁ ଏହି ଯାନର ବ୍ୟବସ୍ଥା କରାଯାଇଛି। 

ଡିହଡ଼ୋଳରେ ହାତୀ ଆକ୍ରମଣ: ଜଣେ ଗୁରୁତର

ଡିହଡ଼ୋଳରେ ହାତୀ ଆକ୍ରମଣ: ଜଣେ ଗୁରୁତର

ପରଜଙ୍ଗ,୧୨।୧୨(ଡି.ଏନ୍‌.ଏ.): ଢେଙ୍କାନାଳ ବନଖଣ୍ଡ ମହାବିରୋଡ଼ ରେଞ୍ଜ ଡିିହଡ଼ୋଳ ଫରେଷ୍ଟ ସେକ୍‌ଶନ ଅଧୀନ କନ୍ଦରସିଂହା ପଞ୍ଚାୟତ ବାରଘରିଆ ସାହିର ଜଣେ ବ୍ୟକ୍ତି ହାତୀ ଆକ୍ରମଣରେ ବୁଧବାର ଆହତ ହୋଇଛନ୍ତି। 

ମନ୍ଦାର ମଣ୍ଡିରେ ଆରମ୍ଭରୁ ଅବ୍ୟବସ୍ଥା: ଖୋଲାରେ ପଡ଼ିଛି ୧୦୦୦ କୁଇଣ୍ଟାଲ ଧାନ

ଭୁବନ, ୧୨।୧୨(ଡି.ଏନ୍‌.ଏ.): ଢେଙ୍କାନାଳ ଜିଲା ଗଁଦିଆ ବ୍ଲକ ମନ୍ଦାର ସେବା ସମବାୟ ସମିତି ଧାନମଣ୍ଡିରେ ଆରମ୍ଭରୁ ବ୍ୟାପକ ଅବ୍ୟବସ୍ଥା ଦେଖାଦେଇଛି। ସରକାରୀ ନିୟମକୁ ବେଖାତିର କରି ମିଲର ଧାନ କାଟ କରିବାକୁ କହିବା ପରେ ତୀବ୍ର ଅସନ୍ତୋଷ ବ୍ୟକ୍ତ କରିଛନ୍ତି ଚାଷୀ। ସମନ୍ବୟ ଅଭାବରୁ ଧାନକ୍ରୟ ହୋଇପାରି ନ ଥିବାବେଳେ ଖୋଲା ଆକାଶ ତଳେ ପଡ଼ିରହିଛି ୧୦୦୦ କୁଇଣ୍ଟାଲ ଧାନ।

ଶେଲଟର ହୋମ୍‌ ଯୌନଶୋଷଣ ମାମଲା: ତଦନ୍ତରେ ଶିଥିଳତା

ଶେଲଟର ହୋମ୍‌ ଯୌନଶୋଷଣ ମାମଲା: ତଦନ୍ତରେ ଶିଥିଳତା

ଢେଙ୍କାନାଳ ଅଫିସ, ୧୨ା୧୨: ‘ଗୁଡ୍‌ ନ୍ୟୁଜ୍‌ ଇଣ୍ଡିଆ ଡ୍ରିମ୍‌ ସେଣ୍ଟର’ ଯୌନଶୋଷଣ ମାମଲାର ତଦନ୍ତ ଆଗକୁ ବଢୁନି। ଅନୁଷ୍ଠାନ ବେଆଇନ ଭାବେ ଚାଲିଥିବା ସ୍ପଷ୍ଟ ହୋଇସାରିଥିବାବେଳେ ତଦନ୍ତରେ ଶିଥିଳତା ଦୋଷୀଙ୍କୁ ଖସିଯିବା ପାଇଁ ବାଟ ଦେଖାଉଥିବା ସାଧାରଣରେ ଆଲୋଚନା ହେଉଛି।

କିସ୍ତି ଟଙ୍କା ପୈଠ ନ କରିବାରୁ ଜୁଲମ: ମହିଳାଙ୍କୁ ଘରୁ ବାହାର କରିଦେଲେ

କିସ୍ତି ଟଙ୍କା ପୈଠ ନ କରିବାରୁ ଜୁଲମ: ମହିଳାଙ୍କୁ ଘରୁ ବାହାର କରିଦେଲେ

ଢେଙ୍କାନାଳ ଅଫିସ, ୧୨ା୧୨: କିସ୍ତି ଟଙ୍କା ପଇଠ ନ କରିବାରୁ ଜଣେ ମହିଳାଙ୍କୁ ସଂସ୍ଥାର କର୍ମଚାରୀ ଘରୁ ବାହାର କରି ତାଲା ପକାଇଦେବା ଘଟଣା ଢେଙ୍କାନାଳ ଜିଲା ଗଁଦିଆ ଥାନା ଯୋରନ୍ଦା ଫାଣ୍ଡି ନାଟିମା ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି। ପୀଡ଼ିତା ମହିଳା ଶୈଳବାଳା ସାହୁ ଏ ନେଇ ଜିଲାପାଳଙ୍କ ନିକଟରେ ଲିଖିତ ଅଭିଯୋଗ କରିଛନ୍ତି।

ସୂର-ତାଲ ସାଂସ୍କୃତିକ ଉତ୍ସବ ଉଦ୍‌ଯାପିତ: ନାଚ, ଗୀତରେ ଝୁମିଲେ ଦର୍ଶକ

ସୂର-ତାଲ ସାଂସ୍କୃତିକ ଉତ୍ସବ ଉଦ୍‌ଯାପିତ: ନାଚ, ଗୀତରେ ଝୁମିଲେ ଦର୍ଶକ

ଅନୁଗୋଳ ଅଫିସ, ୧୨।୧୨: ସେବା ଓ ସାଂସ୍କୃତିକ ଅନୁଷ୍ଠାନ ସୂର-ତାଲର ସାଂସ୍କୃତିକ ଉତ୍ସବ ୨୦୧୮ ଉଦ୍‌ଯାପିତ ହୋଇଯାଇଛି। ମୁଖ୍ୟ ଅତିଥି ଭାବେ ବିଧାୟକ ରଜନୀକାନ୍ତ ସିଂ ଯୋଗ ଦେଇଥିବାବେଳେ ଜିଲା ସଂସ୍କୃତି ଅଧିକାରୀ ମହେନ୍ଦ୍ର କୁମାର ସାହୁ, ରିତେଶ ମହାପାତ୍ର, ବିଷ୍ଣୁଚରଣ ପ୍ରଧାନ ପ୍ରମୁଖ ଅତିଥି ଭାବେ ଉପସ୍ଥିତ ଥିଲେ। 

ବିଧାନସଭା ପବ୍ଲିକ ଆକାଉଣ୍ଟସ୍‌ କମିଟି ସବ୍‌ କମିଟି-୧ର ଅନୁଗୋଳ ଗସ୍ତ: କୁନ୍ଦରାବାହାଳି, ନନ୍ଦିରା ନାଳ ପରିଦର୍ଶନ

ବିଧାନସଭା ପବ୍ଲିକ ଆକାଉଣ୍ଟସ୍‌ କମିଟି ସବ୍‌ କମିଟି-୧ର ଅନୁଗୋଳ ଗସ୍ତ: କୁନ୍ଦରାବାହାଳି, ନନ୍ଦିରା ନାଳ ପରିଦର୍ଶନ

ଅନୁଗୋଳ ଅଫିସ, ୧୨।୧୨: ଓଡ଼ିଶା ବିଧାନସଭା ପବ୍ଲିକ ଆକାଉଣ୍ଟସ୍‌ କମିଟି ସବ୍‌ କମିଟି-୧ର ଅଧ୍ୟକ୍ଷ ତଥା ବିରୋଧୀ ଦଳ ନେତା ନରସିଂହ ମିଶ୍ର ଓ ଢେଙ୍କାନାଳ ବିଧାୟକ ସରୋଜ କୁମାର ସାମଲଙ୍କୁ ନେଇ ଏକ ୨ ଜଣିଆ ଟିମ୍‌ ମଙ୍ଗଳବାର ଅନୁଗୋଳ ଗସ୍ତରେ ଆସିଥିଲେ।

ଦୁର୍ଘଟଣାରେ ୨ ମୃତ, ଜଣେ ଗୁରୁତର

ଦୁର୍ଘଟଣାରେ ୨ ମୃତ, ଜଣେ ଗୁରୁତର

ପାଲଲହଡା/ବଅଁରପାଳ,୧୧।୧୨(ଡି.ଏନ.ଏ.)- ପାଲଲହଡ଼ା ବ୍ଲକ ୧୪୯ ନଂ. ଜାତୀୟ ରାଜପଥ ଝିମିରିପାଲି ଗ୍ରାମ ନିକଟରେ ମଙ୍ଗଳବାର ସାରେ ଏକ ବାଇକ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଛି।

ଜିଲାସ୍ତରୀୟ ସ୍କାଉଟ ଉତ୍ସବ କାମ୍ପୋରୀ ଉଦ୍‌ଘାଟିତ

ଜିଲାସ୍ତରୀୟ ସ୍କାଉଟ ଉତ୍ସବ କାମ୍ପୋରୀ ଉଦ୍‌ଘାଟିତ

ପାଲଲହଡା,୧୧।୧୨(ଡି.ଏନ.ଏ.)- ଅନୁଗୋଳ ଜିଲା ପାଲଲହଡା ଉପଖଣ୍ଡ ସଦରମହକୁମାସ୍ଥିତ ମହତାବ ଉଚ୍ଚ ବିଦ୍ୟାଳୟରେ ମଙ୍ଗଳବାର ୬ଜିଲାସ୍ତରୀୟ ସ୍କାଉଟ୍‌ ଏବଂ ଗାଇଡ଼ ବାର୍ଷିକ ଉତ୍ସବ କାମ୍ପୋରୀ ଉଦ୍‌ଘାଟିତ ହୋଇଯାଇଛି। ଏହା ୩ ଦିନ ଧରି ଚାଲିବ। ଏଥିରେ ୮ ବ୍ଲକର ୨୧୦ ଟି ଉଚ୍ଚ ବିଦ୍ୟାଳୟର ୬୮୯ ଜଣ ସ୍କାଉଟ୍‌ ଏବଂ ଗାଇଡ଼ ଛାତ୍ରୀଛାତ୍ର, ୨୧୦ ଜଣ ଗାଇଡ଼ କ୍ୟାପଟେନ, ସ୍କାଉଟ ମାଷ୍ଟର ଯୋଗ ଦେଇଛନ୍ତି।