ଉପକୂଳ ଓଡିଶା

ପଲ୍ଲିସଭା କରି ବିରୋଧ ଜଣାଇଲେ ଗ୍ରାମବାସୀ

ପଲ୍ଲିସଭା କରି ବିରୋଧ ଜଣାଇଲେ ଗ୍ରାମବାସୀ
କୁଜଙ୍ଗ,୧୫।୧୨(ସ୍ବ.ପ୍ର.) ଜଗତ୍‌ସିଂହପୁର ଜିଲା ପାରାଦୀପ ସଂଲଗ୍ନ ପ୍ରସ୍ତାବିତ ୪୦୦୪ ଏକର ଜଙ୍ଗଲ ଜମିରେ ପ୍ରକଳ୍ପ ପ୍ରତିଷ୍ଠାରୁ ପୋସ୍କୋ ଓହରିଯିବା ପରେ ଏବେ ଉକ୍ତ ଜମି ଜେଏସ୍‌ଡବ୍ଲ୍ୟୁକୁ ପ୍ରଦାନ କରିବା ପାଇଁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି। ତେବେ ଏନେଇ ଅଦ୍ୟାବଧି କୌଣସି ଚୁକ୍ତିପତ୍ର ସ୍ବାକ୍ଷରିତ ହୋଇ ନ ଥିବାବେଳେ ସରକାରୀ ସଂସ୍ଥା ଇଡ୍‌କୋ ପକ୍ଷରୁ ଉକ୍ତ ଜମି ଉପରେ ବେଆଇନ ପାଚେରି ନିର୍ମାଣ ପାଇଁ ଯୋଜନା ଚାଲିଛି। ଏପରିକି ସେଠାରେ ନିଅଁ ଖୋଳା ଆରମ୍ଭ କରାଯାଇଛି। ସଂଲଗ୍ନ ୩ ପଞ୍ଚାୟତର ଅଳ୍ପ କେତେକ ଗ୍ରାମବାସୀ ଚାପର ବଶବର୍ତ୍ତୀ ହୋଇ ଉକ୍ତ ନିର୍ମାଣକୁ ସହଯୋଗ କରୁଥିବାବେଳେ ଅଧିକାଂଶ ଗ୍ରାମବାସୀ ବିରୋଧ କରି ନିର୍ମାଣ କାମ କରାଇ ଦେଇନାହାନ୍ତି। ଆଇନତଃ ସରକାର ଲୋକଙ୍କ ଅଧିକୃତ ଜମିକୁ ଦଖଲ କିମ୍ବା ଅଧିଗ୍ରହଣ କଲେ ସେଠାକାର ବାସିନ୍ଦାଙ୍କୁ ନେଇ ପଲ୍ଲସଭା କରାଯିବା କଥା। ହେଲେ ଇଡ୍‌କୋ ଏହାକୁ ଅଣଦେଖା କରୁଛି। ଢିଙ୍କିଆ ପଞ୍ଚାୟତର ଗୋବିନ୍ଦପୁର ଗ୍ରାମବାସୀ ପଲ୍ଲିସଭା କରାଯାଉ ବୋଲି ନଭେମ୍ବର ମାସରେ ସରକାରଙ୍କୁ ଲିଖିତ ଭାବେ ଜଣାଇଥିଲେ। ପଲ୍ଲୀସଭା କରାଯିବାକୁ ନୋଟିସ ଓ ଆବେଦନ କପି ସମ୍ପର୍କରେ ସ୍ଥାନୀୟ ସରପଞ୍ଚ, ଜିଲା ପ୍ରଶାସନ ଓ ସରକାରଙ୍କୁ ଜଣାଇଥିଲେ। ତେବେ ଗ୍ରାମବାସୀଙ୍କ ଦ୍ୱାରା ପଲ୍ଲିସଭା କରାଗଲେ ଅଡୁଆ ପରିସ୍ଥିତି ସୃଷ୍ଟି ହେବାର ଆଶଙ୍କା କରି ପ୍ରଶାସନ ପଲ୍ଲିସଭାକୁ ସ୍ପୀକୃତି ଦେଉ ନ ଥିଲା। ତେଣୁ ଗ୍ରାମବାସୀ ଆଇନତଃ ଗତ ୬ ତାରିଖରେ ଗୋବିନ୍ଦପୁର ଗ୍ରାମ ଠାକୁରାଣୀଙ୍କ ପ୍ରାଙ୍ଗଣରେ ପଲ୍ଲିସଭା କରିଥିବା ଖବର ମିଳିଛି। ପଲ୍ଲୀସଭାରେ ୭୦୦ ଗ୍ରାମବାସୀଙ୍କ ସ୍ବାକ୍ଷରିତ ନିଷ୍ପତ୍ତି ପତ୍ର ଜଗତ୍‌ସିଂହପୁର ଜିଲାପାଳ, ରାଜସ୍ବ ଓ ଶିଳ୍ପ ବିଭାଗ ସଚିବ, ଆରଡିସି, ମୁଖ୍ୟ ଶାସନ ସଚିବଙ୍କ ସମେତ ସରକାରଙ୍କ ବିଭିନ୍ନ ବିଭାଗର ମୁଖ୍ୟଙ୍କ ନିକଟକୁ ପଠାଇଥିବା ଶୁକ୍ରବାର ଗ୍ରାମବାସୀ ଖବରଦାତାଙ୍କୁ ଜଣାଇଛନ୍ତି। ପାଚେରି ନିର୍ମାଣକୁ ବିରୋଧ କରି ନ୍ୟାଶନାଲ ଗ୍ରୀନ୍‌ ଟ୍ରିବ୍ୟୁନାଲରେ ଗ୍ରାମବାସୀ ମୋକଦ୍ଦମା ଦାଏର କରିଥିବାବେଳେ ପଲ୍ଲିସଭାର ନିଷ୍ପତ୍ତିକୁ ମଧ୍ୟ ସେଠାରେ ଦାଖଲ କରାଯିବ ବୋଲି ଗୋବିନ୍ଦପୁରର ଭ୍ରମରବର ଦାସ, ଟୁନା ବରାଳ, ମନୋରଞ୍ଜନ ଦାସ, ଦିଲ୍ଲୀପ ବର୍ଦ୍ଧନଙ୍କ ସମେତ ଅନ୍ୟମାନେ ସୂଚନା ଦେଇଛନ୍ତି। ଗ୍ରାମର ବୟସ୍କ ମୁରବୀ କୃପାସିନ୍ଧୁ ଦଳାଇଙ୍କ ଅଧ୍ୟକ୍ଷତାରେ ଅନୁଷ୍ଠିତ ପଲ୍ଲିସଭାରେ ମୁଖ୍ୟତଃ ଇଡକୋ ପାଚେରି ନିର୍ମାଣକୁ ବନ୍ଦ କରାଯାଉ ବୋଲି ଦାବି ହୋଇଥିଲା। ଏଥିସହ ୨୦୦୬ ଜମି ଅଧିଗ୍ରହଣ ଆଇନକୁ କାର୍ଯ୍ୟକାରୀ କରାଯାଉ ଓ ଆଇନ ଅନୁଯାୟୀ, ଜଙ୍ଗଲ ଜମିରେ ପିଢ଼ିପିଢ଼ି ଧରି ବସବାସ କରିଆସୁଥିବା ଦଖଲଦାରଙ୍କ ନାମରେ ଜମି ପଟ୍ଟା ପ୍ରଦାନ କରାଯାଉ ବୋଲି କୁହାଯାଇଥିଲା। ପୋସ୍କୋ ପାଇଁ ଜମି ଅଧିଗ୍ରହଣ ବେଳେ କେନ୍ଦ୍ର ସରକାରଙ୍କ ଦ୍ୱାରା ଗଠିତ ମୀନା ଗୁପ୍ତା, ସାକ୍‌ସେନା ଓ ରଏପଲ କମିଟି ଉକ୍ତ ଅଞ୍ଚଳକୁ ଆସି ଯେଉଁ ରିପୋର୍ଟ ଦେଇଥିଲେ ତାହାକୁ ଦୃଷ୍ଟିରେ ରଖି ରାଜ୍ୟ ସରକାର ପଦକ୍ଷେପ ନେବାକୁ ଅଧିଶେନରେ ଦାବି ହୋଇଛି। ପ୍ରକାଶ ଯେ, ପ୍ରସ୍ତାବିତ ଜଙ୍ଗଲ ଜମି ସଂଲଗ୍ନ ଢ଼ିଙ୍କିଆ, ଗଡ଼କୁଜଙ୍ଗ ଓ ନୂଆଗଁା ପଞ୍ଚାୟତର ୮ ଗ୍ରାମବାସୀ ସରକାରଙ୍କୁ ୧୧ ଦଫା ଦାବି ପ୍ରଦାନ କରିଛନ୍ତି। ଅଦ୍ୟାବଧି କୌଣସି ଦାବିପୂରଣ କରାଯାଇନାହିଁ। ତେବେ ପୋସ୍କୋ କାରଖାନା ନିର୍ମାଣ ପୂର୍ବରୁ ଯେପରି ଜୋର ଜବରଦସ୍ତ ୨୭୦୦ ଏକର ଜମି ଅଧିଗ୍ରହଣ କରିଥିଲା ଓ ଅଞ୍ଚଳରୁ ପ୍ରାୟ ୬ ଲକ୍ଷ ଗଛ କାଟି ଦିଆଯାଇଥିଲା, ଏବେ ଠିକ୍‌ ସେହିପରି ଜେଏସ୍‌ଡବ୍ଲୁ ସରକାରଙ୍କ ସହ ଚୁକ୍ତି କରି ନ ଥିଲେ ମଧ୍ୟ ଜୋର କରି ପାଚେରି ନିର୍ମାଣ ଆରମ୍ଭ ହୋଇଛି। ପାଚେରି ନିର୍ମାଣ ପୂର୍ବରୁ କୋଉ ସଂସ୍ଥା କାରଖାନା କରିବ ଓ ଗ୍ରାମବାସୀ କ’ଣ ପାଇବେ ତାହା ଅନ୍ଧାରରେ ରଖାଯାଇଛି। ବହୁ ଚର୍ଚ୍ଚିତ ପୋସ୍କୋ କମ୍ପାନୀ କାରଖାନା ନିର୍ମାଣ ନ କରି ଫେରିଯିବା ପରେ ପାରାଦୀପ ସଂଲଗ୍ନ ଢ଼ିଙ୍କିଆ, ଗଡକୁଜଙ୍ଗ ଓ ନୂଆଗଁା ଅଞ୍ଚଳରେ ଶାନ୍ତି ଫେରିଥିଲା। ତେବେ ୨୦୧୭ରେ ରାଜ୍ୟ ସରକାର ଉକ୍ତ ଜମିକୁ ଜେଏସଡବ୍ଲ୍ୟୁ ନାମକ ଏକ ଲୁହା ଉତ୍ପାଦନକାରୀ ସଂସ୍ଥାକୁ ପ୍ରଦାନ କରିବେ ବୋଲି ନିଷ୍ପତ୍ତି ନେଇଥିବା ଘୋଷଣା କରିଛନ୍ତି। ସରକାରଙ୍କ ସହିତ ଅଦ୍ୟାବଧି କୌଣସି ବୁଝାମଣାପତ୍ର ସ୍ବାକ୍ଷରିତ ହୋଇ ନ ଥିବାବେଳେ ଇଡକୋ ପକ୍ଷରୁ ଗତ ୩ ମାସ ହେଲା ଅଞ୍ଚଳରେ ପାଚେରି ନିର୍ମାଣ ପାଇଁ ଜୋରଦାର ଉଦ୍ୟମ ଚାଲିଛି। ଫଳରେ ଦୀର୍ଘ ୧୨ ବର୍ଷ ଧରି ଥମିଯାଇଥିବା ଆନ୍ଦୋଳନରେ ପୁଣି ଥରେ ଘିଅ ଢଳାଯାଇଛି। ଗ୍ରାମବାସୀ ଆନ୍ଦୋଳନ ଡାକରା ଦେଇଛନ୍ତି। ନୂଆଗଁାଠାରେ ଇଡକୋ ପକ୍ଷରୁ ନିର୍ମାଣ କରାଯାଇଥିବା ପାଚେରି ନିଅଁକୁ ଲୋକେ ପୋତି ପକାଇଛନ୍ତି।
All Right Reserved By

ଉପକୂଳ ଓଡିଶା

 ଲଗାଣ ବର୍ଷାରେ ବ୍ୟାପକ କ୍ଷୟକ୍ଷତି

ଲଗାଣ ବର୍ଷାରେ ବ୍ୟାପକ କ୍ଷୟକ୍ଷତି

ପଟ୍ଟାମୁଣ୍ଡାଇ,୨୦।୯(ସ୍ବ.ପ୍ର.)-ଲଘୁଚାପଜନିତ ଗତ ଲଗାଣ ବର୍ଷାରେ ପଟ୍ଟାମୁଣ୍ଡାଇ ବ୍ଲକ ଡାମରପୁର ପଞ୍ଚାୟତରେ ବ୍ୟାପକ କ୍ଷୟକ୍ଷତି ଘଟିଛି। ବହୁ ଚାଳଘର ଭାଗିଂ ଯାଇଛି । ଡାମରପୁର ଘେରିବନ୍ଧ ଭିତରେ ଥିବା ୮ ଶହ ଏକର ଭେଡାରେ ଧାନ ଫସଲ ବୁଡି ନଷ୍ଟ ହୋଇଯାଇଛି।

ଲଘୁଚାପ ବର୍ଷା ଯୋଗୁ ଜୀବନଯାତ୍ରା ବ୍ୟାହତ

ଲଘୁଚାପ ବର୍ଷା ଯୋଗୁ ଜୀବନଯାତ୍ରା ବ୍ୟାହତ

ମହାକାଳପଡା,୨୦।୯(ଡି.ଏନ.ଏ.)-ଲଘୁଚାପ ପ୍ରଭାବରେ ଉପକୂଳ ଅଞ୍ଚଳରେ ପ୍ରବଳ ବର୍ଷା, ପବନ ବୁଧବାର ରାତି ଠାରୁ ଲାଗି ରହିଛି । ସମୁଦ୍ରର ଉଚ୍ଚ ଜୁଆର ଓ  ତୁହାକୁ ତୁହା ବର୍ଷା  ଯୋଗୁ ସ୍ବାଭାବିକ ଜୀବନଯାତ୍ରା ବ୍ୟାହତ ହୋଇଛି ।

ମାର୍ଶାଘାଇରେ ମୁଁ  ହିରୋ ମୁଁ ଓଡିଶା କାର୍ଯ୍ୟକ୍ରମ

ମାର୍ଶାଘାଇରେ ମୁଁ ହିରୋ ମୁଁ ଓଡିଶା କାର୍ଯ୍ୟକ୍ରମ

ମାର୍ଶାଘାଇ,୨୦।୯(ଡିଏନଏ)-ଯୁବ ପ୍ରତିଭା ଅନ୍ବେଷଣ ନିମନ୍ତେ ମାର୍ଶାଘାଇ ବ୍ଲକ ବିଜୁ ଯୁବ ବାହିନୀ ସହଯୋଗରେ ମୁଁ ହିରୋ ମୁଁ ଓଡିଶା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ମାର୍ଶାଘାଇ ମହାବିଦ୍ୟାଳୟ ପରିସରରେ ହୋଇଥିବା ଏହି କାର୍ଯ୍ୟକ୍ରମରେ ମହାବିଦ୍ୟାଳୟର ଅଧ୍ୟକ୍ଷା କ୍ରୀଷ୍ଣା ଆଚାର୍ଯ୍ୟ ସଭାପତିତ୍ୱ କରିଥିଲେ ।

ଗୁଲନଗରରେ ଗଣେଶ ମେଲଣ

ଗୁଲନଗରରେ ଗଣେଶ ମେଲଣ

କେନ୍ଦ୍ରାପଡା ଅଫିସ, ୨୦।୯- କେନ୍ଦ୍ରାପଡା ବ୍ଲକ ଗୁଲନଗର ପଞ୍ଚାୟତରେ ଗଣେଶ ମେଲଣ ଉତ୍ସବ ଗୁରୁବାର ଅନୁଷ୍ଠିତ ହୋଇଯାଇଛ। ଏଥିରେ ପଞ୍ଚାୟତର ୭ଟି ଗଣେଶଙ୍କ ମୁଣ୍ମୟ ପ୍ରତିମା ସାମିଲ ହେବା ସହିତ ଏକତ୍ର ଭୋଗ ଲାଗି ହୋଇଥିଲା ।

କୃଷିଋଣ ଛାଡ ପାଇଁ ଦାବିପତ୍ର

କୃଷିଋଣ ଛାଡ ପାଇଁ ଦାବିପତ୍ର

କେନ୍ଦ୍ରାପଡା ଅଫିସ, ୨୦।୯- ଡେରାବିଶ ବ୍ଲକ ଗଣିଆମୁହଁ ଗ୍ରାମର ପାର୍ବତୀ ମହିଳା ସ୍ବୟଂ ସହାୟକ ଗୋଷ୍ଠୀର ସଦସ୍ୟମାନେ କୃଷିଋଣ ଛାଡ ପାଇଁ ଜିଲାପାଳଙ୍କୁ ଏକ ଦାବିପତ୍ର ବୁଧବାର ପ୍ରଦାନ କରିଛନ୍ତି। 

 ଶ୍ରମିକଙ୍କୁ ପରିଚୟପତ୍ର ବଣ୍ଟନ

ଶ୍ରମିକଙ୍କୁ ପରିଚୟପତ୍ର ବଣ୍ଟନ

କେନ୍ଦ୍ରାପଡା ଅଫିସ, ୨୦।୯-ଓଡ଼ିଶା କୋଠାବାଡି ଓ ଅନ୍ୟାନ୍ୟ ନିର୍ମାଣ ଶ୍ରମିକ କଲ୍ୟାଣ ବୋର୍ଡ ପକ୍ଷରୁ ୫୦ ଜଣ କୁଶଳୀ ଶ୍ରମିକଙ୍କୁ ବୁଧବାର ପରିଚୟ ପତ୍ର ପ୍ରଦାନ କରାଯାଇଛି। ।ଜିଲା ଶ୍ରମ ଅଧିକାରୀ କଳ୍ପନା ମିଶ୍ରଙ୍କ ଅଧ୍ୟକ୍ଷତାରେ ଏଥିପାଇଁ କେନ୍ଦ୍ରାପଡା ବ୍ଲକ ପରିସରରେ ଏକ ସଭା ଅନୁଷ୍ଠିତ ହୋଇଥିଲା। 

ଶୌଚ ହେବାକୁ ଯାଇ ମହିଳା ନିଖୋଜ

ଶୌଚ ହେବାକୁ ଯାଇ ମହିଳା ନିଖୋଜ

ଆଳି,୨୦।୯(ଡି.ଏନ୍‌.ଏ.): ଆଳି ଥାନା ଅନ୍ତର୍ଗତ ଲୋକାପଡା ଗ୍ରାମର ସୁକାନ୍ତି  ଘଡେଇ (୮୦)ବର୍ଷ ବୁଧବାର ବିଳମ୍ବିତ ରାତିରେ ଶୌଚ ହେବାକୁ ଯାଇ ନିଖୋଜ ହୋଇଯାଇଛନ୍ତି।

ବାହାଡାଝୋଲା ହରିପୁରରେ ରାସ୍ତାରୋକୋ

ବାହାଡାଝୋଲା ହରିପୁରରେ ରାସ୍ତାରୋକୋ

ଓଡଗାଁ,୨୦।୯(ସ୍ବ.ପ୍ର.)-ନୂଆଗାଁ ବ୍ଲକ ହରିପୁର ପ୍ରାଥମିକ ବିଦ୍ୟାଳୟରୁ  ଚୋରି ହୋଇଥିବା ନଥିପତ୍ର ଉଦ୍ଧାର କରିବା ଦାବି ନେଇ ଗ୍ରାମବାସୀ ଗୁରୁବାର ଓଡଗାଁ-ବାହାଡାଝୋଲା ମୁଖ୍ୟ ରାସ୍ତାରେ କାଠ ପକାଇ ରାସ୍ତାରୋକୋ କରିଛନ୍ତି ।

ମହାକାଳପଡାରେ ଯୁବକଙ୍କୁ ହତ୍ୟା

ମହାକାଳପଡାରେ ଯୁବକଙ୍କୁ ହତ୍ୟା

ମହାକାଳପଡା,୨୦।୯(ଡି.ଏନ.ଏ.)-ମହାକାଳପଡା ବ୍ଳକ ଅଧୀନ ବଡିହ ଗ୍ରାମର ବସନ୍ତ ନାୟକ (୨୨) ନାମକ ଜଣେ ଯୁବକଙ୍କୁ ବୁଧବାର ବିଳମ୍ବିତ ରାତିରେ ହତ୍ୟା କରାଯାଇଛି । ପ୍ରେମ ବ୍ୟାପାରକୁ ନେଇ ଏହି ହତ୍ୟାକାଣ୍ଡ ଘଟିଥିବା ସନ୍ଦେହ କରାଯାଉଛି ।

ଗୁହାଳ ପୋଡ଼ି ଗାଇ ବାଛୁରୀ ଜୀବନ୍ତ ଦଗ୍ଧ

ଡେରାବିଶ,୨୦।୯(ସ୍ବ.ପ୍ର.)-ଡେରାବିଶ ବ୍ଲକ ଅଧୀନ ଗୋଲରାହାଟ ପଞ୍ଚାୟତର ପଣ୍ଡିତପାଟଣା ଗ୍ରାମର ବେଣୁଧର ମଲ୍ଲିକଙ୍କ ଗୁହାଳ ଘରେ ବୁଧବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ଗୋଟିଏ ଗାଇ ଓ ଗୋଟିଏ ବାଛୁରୀ  ଜୀବନ୍ତ ଦଗ୍ଧ ହୋଇ ଯାଇଛନ୍ତି । ଖବରପାଇ ସ୍ଥାନୀୟ ଅଗ୍ନିଶମ ସେବା ସଂସ୍ଥାର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ନିଅଁାକୁ ଆୟତ୍ତ କରିଥିଲେ । 

 ବିଦ୍ୟୁତ ଖୁଣ୍ଟକୁ ପିଟିଲା ଲୁଟେରାଙ୍କ ବୋଲେରୋ, ୩ଜଣଙ୍କୁ ଅଟକ ରଖି ୩ ଲକ୍ଷରୁ ଊର୍ଦ୍ଧ୍ୱ ଟଙ୍କା ଲୁଟିନେଲେ ଗ୍ରାମବାସୀ

ବିଦ୍ୟୁତ ଖୁଣ୍ଟକୁ ପିଟିଲା ଲୁଟେରାଙ୍କ ବୋଲେରୋ, ୩ଜଣଙ୍କୁ ଅଟକ ରଖି ୩ ଲକ୍ଷରୁ ଊର୍ଦ୍ଧ୍ୱ ଟଙ୍କା ଲୁଟିନେଲେ ଗ୍ରାମବାସୀ

ରଣପୁର,୨୦।୯(ସ୍ବ.ପ୍ର.): ନୟାଗଡ଼ ଜିଲା ରଣପୁର ଥାନା ଅନ୍ତର୍ଗତ ବାଉଁଶଗଡ଼ଠାରେ ଗୁରୁବାର ମଧ୍ୟାହ୍ନ ୧୨ଟାରେ ଜଣେ ମାଛ ବେପାରୀଙ୍କଠାରୁ ଲୁଟ ହୋଇଛି। ୪ଜଣ ଦୁର୍ବୃତ୍ତ ଏକ ବୋଲେରୋରେ ଆସି ବେପାରୀ ନବ କିଶୋର ରାଉତଙ୍କୁ ବନ୍ଧୁକ ଦେଖାଇ ୧୫ ହଜାର ଟଙ୍କା ଓ ମୋବାଇଲ ଲୁଟି ନେଇ ଦ୍ରୁତ ଗତିରେ ପଳାଉଥିଲେ। ଏହି ସମୟରେ ସେମାନେ କୁଳାସର ଗ୍ରାମରେ ଥିବା ଏକ ବିଦ୍ୟୁତ ଖୁଣ୍ଟ ସହ ଧକ୍କା ହୋଇଥିଲେ। ଗାଡ଼ିଟି ଅଟକି ଯିବାପରେ ଗ୍ରାମବାସୀ ସେମାନଙ୍କୁ ଘେରିଯାଇଥିଲେ।

ଜୀବିକା ମିଶନ ପକ୍ଷରୁ ସମନ୍ବୟ କର୍ମଶାଳା

ଜୀବିକା ମିଶନ ପକ୍ଷରୁ ସମନ୍ବୟ କର୍ମଶାଳା

ରାଜନଗର,୨୦।୯(ଡିଏନଏ)-ଓଡିଶା ଜୀବିକା ମିଶନ ରାଜନଗର ଶାଖା ପକ୍ଷରୁ ଜୀବିକା ସମନ୍ବୟ କର୍ମଶାଳା ଗୁରୁବାର ଅନୁଷ୍ଠିତ ହୋଇଯାଇଛି ।