ଉପକୂଳ ଓଡିଶା

ମାପ, ଓଜନରେ ଚାଲିଛି ଅନିୟମିତତା

ମାପ, ଓଜନରେ ଚାଲିଛି ଅନିୟମିତତା

ଯାଜପୁର ଅଫିସ,୧୫।୧୨

ପେଟ୍ରୋଲ ଟାଙ୍କିରେ ଲୋଡିଂ ବେଳେ ନଷ୍ଟ ହୋଇଥିବା ଆଶଙ୍କା କରି ଲିଟର ପିଛା ୫ମିଲିଲିଟର ବ୍ୟବସ୍ଥିତ ହୋଇଥାଏ। ଆସିଷ୍ଟାଣ୍ଟ କଣ୍ଟ୍ରୋଲର ଲିଗାଲ ମେଟ୍ରୋଲୋଜି(ଏସିଏଲ୍‌ଏମ) ତଦନ୍ତ ଓ ନୀରିକ୍ଷଣ କରି ଏହି ଦାୟିତ୍ୱ ତୁଲାଇଥାନ୍ତି। ଏହାବାଦ ବିଭିନ୍ନ ବ୍ୟବସାୟିକ ଅନୁଷ୍ଠାନ, ଶିଳ୍ପାଞ୍ଚଳ ଓ ଖଣିରେ ଥିବା ୱେବ୍ରିଜ, ବଜାର, ସୁନା ଦୋକାନ, ପେଟ୍ରୋଲ ଟାଙ୍କିରେ ଓଜନ ଓ ମାପରେ ଅନିୟମିତତା ହେଲେ ଜରିମାନା ଆଦାୟ କରିବାର ନିୟମ ରହିଛି। ଏହି କ୍ରମରେ ଯାଜପୁର ଜିଲାକୁ ୨୦୧୭-୧୮ ବର୍ଷ ପାଇଁ ୫୦ଲକ୍ଷ ଟଙ୍କା ରାଜସ୍ବ ଆଦାୟ କରିବାକୁ ଖାଦ୍ୟ ଯୋଗାଣ ଏବଂ ଖାଉଟି କଲ୍ୟାଣ ବିଭାଗର ବୈଧ ପରିମାପ ବିଜ୍ଞାନ ନିର୍ଦ୍ଦେଶାଳୟ ପକ୍ଷରୁ ଧାର୍ଯ୍ୟ ହୋଇଛି। ହେଲେ ଜିଲାର ସବୁକ୍ଷେତ୍ରରେ ହେଉଥିବା ମାପ ଓ ଓଜନରେ ବ୍ୟାପକ ଅନିୟମିତତା ହେଉଥିଲେ ହେଁ ବିଭାଗ ଚେଇଁ ଶୋଇଛି। ବିଶେଷକରି ସୁନା ଦୋକାନ, ପେଟ୍ରୋଲ ଟାଙ୍କି, ୱେବ୍ରିଜଗୁଡ଼ିକରେ ଥିବା ମେଶିନରେ ଚଞ୍ଚକତା କରି ଯାଜପୁର ଏସିଏଲ୍‌ଏମ୍‌ ବିଭାଗ ମାସିକ ମୋଟା ଅଙ୍କର ହାତଗୁଞ୍ଜା ନେଇ ନୀରବ ରହୁଥିବା ଅଭିଯୋଗ ହୋଇଛି । ଯଦ୍ୱାରା ଜିଲାର ଖାଉଟି ବ୍ୟାପକ ମାତ୍ରାରେ କ୍ଷତି ସହୁଛନ୍ତି।
ଜିଲାର ଯାଜପୁରଟାଉନ ବରୁଆଁ ଛକ ଓ ଚଣ୍ଡୀଖୋଲ ରଥିଆ ନିକଟରେ ଥିବା ଦୁଇ ପେଟ୍ରୋଲ ପମ୍ପରେ ପୂର୍ବରୁ ଚିପ୍ସ ଲଗାଇ ମାପରେ ବ୍ୟାପକ ଅନିୟମିତତା କରାଯାଇଥିବା ଅଭିଯୋଗ ହୋଇଥିଲା। ହେଲେ ମାପ ଓ ଓଜନ ବିଭାଗର ସଲାସୁତୁରାରେ ସେହି ଅଭିଯୋଗକୁ ଦବେଇ ଦିଆଗଲା । ଏହା ସାଙ୍ଗକୁ ଓଜନ ବ୍ୟତୀତ ଅପମିଶ୍ରିତ ନକଲି ଭେଜାଲ ଖାଦ୍ୟସାମଗ୍ରୀର ଅବାଧ କାରବାର ଚାଲିଥିବା ହେତୁ ଖାଉଟି ଶ୍ରେଣୀ ଘୋର କ୍ଷତିଗ୍ରସ୍ତ ହେଉଛନ୍ତି । ବିଶେଷକରି ପେଟ୍ରୋଲ ଦର ବୃଦ୍ଧି ସାଙ୍ଗକୁ ସେଥିରେ କିରୋସିନୀ ଅପମିଶ୍ରଣ ଯୋଗୁ ଗାଡି ମାଲିକମାନେ କ୍ଷତିଗ୍ରସ୍ତ ହେଉଥିବା ଅଭିଯୋଗ ହେଉଛି । ନକଲି ଭେଜାଲ ଖାଦ୍ୟ ସାମଗ୍ରୀଗୁଡିକୁ ବଜାରରେ ଛାଡିବା ପାଇ କେତେଜଣ ଅସାଧୁ ବ୍ୟବସାୟୀଙ୍କୁ ନେଇ ଏକ ର଼୍ୟାକେଟ ସକ୍ରିୟ ରହିଥିବାବେଳେ ଜିଲା ଯୋଗାଣ ପ୍ରଶାସନ ସେଥିପ୍ରତି ଆଖିବୁଜି ଦେଇଥିବା ଅଭିଯୋଗ ହେଉଛି । ଗତ କିଛିଦିନ ତଳେ ଜିଲାର ଜାରକାରେ ଅଟାରେ ଭେଜାଲ ସାମଗ୍ରୀ ମିଶିଥିବା ସନ୍ଦେହ କରାଯାଇଥିଲା। ପୁରୀ ପ୍ରସ୍ତୁତ ହେଉଥିବାବେଳେ ସେଠାରେ ଉପସ୍ଥିତ ଥିବାଲୋକେ ଏହା ଜାଣିପାରି କେହି ଖାଇ ନ ଥିଲେ। ଏନେଇ ଗଣମାଧ୍ୟମରେ ଖବର ପ୍ରକାଶ ପାଇଥିଲା। କିନ୍ତୁ କୌଣସି ବିଭାଗୀୟ ଅଧିକାରୀ ଏଥିପ୍ରତି ଆଦୌ ଚିନ୍ତା କରି ନ ଥିଲେ । ୨୦।୫।୨୦୧୭ ତାରିଖରେ ଯାଜପୁରଟାଉନର ବିଭିନ୍ନ ଦୋକାନ ଓ ପେଟ୍ରୋଲ ପମ୍ପରୁ ନମୁନା ସଂଗ୍ରହ କରି ଖଣ୍ଡଗିରିସ୍ଥିତ ମାନ ପରୀକ୍ଷାଗାରରେ ପରୀକ୍ଷା କରାଯାଇଥିଲା। ଲିଗାଲ ମେଟ୍ରୋଲୋଜିର ସିନିୟର ଇନ୍ସପେକ୍ଟର ପ୍ରିୟବ୍ରତ ଷଡଙ୍ଗୀ ଓ ସହକାରୀ କେ.ସି. ମହାପାତ୍ର ନୀରିକ୍ଷଣ ଦାୟିତ୍ୱରେ ରହିଥିଲେ। ବିଭିନ୍ନ ସ୍ଥାନରୁ ୩୦ଟି ଖାଦ୍ୟ ସାମଗ୍ରୀ ଓ ୯ଟି ତୈଳ ସାମଗ୍ରୀର ଓଜନ ଓ ମାନ ନୀରିକ୍ଷଣ ହୋଇଥିଲା। ମୋଟାମୋଟି ଭାବରେ ଜିଲାରେ ଓଜନ କ୍ଷେତ୍ରରେ କୌଣସି ଅନିୟମିତତା ହେଉ ନ ଥିବା ଉପରୋକ୍ତ ରିପୋର୍ଟରେ ପ୍ରକାଶ ପାଇଥିଲା। କିନ୍ତୁ ଜାତୀୟ ରାଜପଥ ପାର୍ଶ୍ୱ ସମେତ ସହର ଏବଂ ସହର ବାହାରେ ଥିବା ଅଧିକାଂଶ ପେଟ୍ରୋଲ ପମ୍ପଗୁଡ଼ିକରେ ବିକ୍ରି ହେଉଥିବା ପେଟ୍ରୋଲରେ କିରୋସିନ କିମ୍ବା ଅନ୍ୟଜାତୀୟ ତୈଳ ସାମଗ୍ରୀ ମିଶ୍ରଣ ହେଉଥିବା ଗାଡି ମାଲିକମାନେ ପ୍ରକାଶ କରୁଛନ୍ତି। ଯଦ୍ୱାରା ଆବଶ୍ୟକ ଅନୁସାରେ ଗାଡ଼ିକର ମାଇଲେଜ ଠିକ୍‌ ଆସୁନାହିଁ ବୋଲି ମତପ୍ରକାଶ ପାଉଛି। ଏଭଳିସ୍ଥିତିରେ ମାଲିକମାନେ ଅଦିନରେ ଗାଡିଗୁଡିକୁ ମେକାନିକ ନିକଟକୁ ନେବାକୁ ବାଧ୍ୟ ହେଉଛନ୍ତି। ଏହାସତ୍ତ୍ୱେ ମାପ ଓ ଓଜନ ବିଭାଗର ଏହାର ଟେର ନ ପାଇବା ସାଧାରଣରେ ବଡ଼ ପ୍ରଶ୍ନବାଚୀ ସୃଷ୍ଟି କରିଛି। ପେଟ୍ରୋଲ ପମ୍ପ ମାଲିକଙ୍କ ସହିତ ସଲାସୁତୁରା କରି ମାପ ଓ ଓଜନ ବିଭାଗର କର୍ମଚାରୀମାନେ ଚୂପ ରହୁଥିବାରୁ ଏହି ସମସ୍ୟାର ସ୍ଥାୟୀ ସମାଧାନ ହୋଇ ପାରୁନାହିଁ । ଜିଲାରେ ନିୟମିତ ଭାବରେ ଭେଜାଲ ସାମଗ୍ରୀ କାରବାର, କମ ଓଜନରେ ସାମଗ୍ରୀ ବିକ୍ରି, ପେଟ୍ରୋଲ ଟାଙ୍କିରେ ଇଲେକ୍ଟ୍ରାନିକ୍ସ ମେଶିନ ଟାମ୍ପରିଂ, ପେଟ୍ରୋଲ ଡିଜେଲ ଅପମିଶ୍ରଣ ଆଦି ଚଞ୍ଚକତାର ଚେର ବହୁ ଦୂରକୁ ଲମ୍ବିଥିବା ଅଭିଯୋଗ ହୋଇ ଆସୁଥିଲେ ହେ ବିଭାଗୀୟ ତପତ୍ରତା ଅଭାବରୁ ଏହାର ପର୍ଦ୍ଦାଫାସ ହୋଇପାରୁ ନାହିଁ। ଏସଂକ୍ରାନ୍ତରେ ଜିଲା ଯୋଗାଣ ଅଧିକାରୀ ସୁରେନ୍ଦ୍ର କୁମାର ହୋତାଙ୍କୁ ପଚାରିବାରୁ ସେ କହିଛନ୍ତି ନିୟମିତ ବ୍ୟବଧାନରେ ସମସ୍ତ ପେଟ୍ରୋଲ ଟାଙ୍କି, ବ୍ୟବସାୟିକ ଅନୁଷ୍ଠାନ, ୱେବ୍ରିଜରେ ନୀରିକ୍ଷଣ କରାଯାଉଛି । ନମୁନା ସଂଗ୍ରହ କରି ପରୀକ୍ଷା ମଧ୍ୟ ହେଉଛି । ଯେଉଁଠାରେ ଅନିୟମତତା ଦେଖା ଦେଉଛି, ସେହି ବ୍ୟକ୍ତି କିମ୍ବା କମ୍ପାନୀ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି ।

All Right Reserved By

Model This Week

ନିକିତା

ଉପକୂଳ ଓଡିଶା

୨ମୁଣ୍ଡିଆ ବିରଳ ବାଛୁରୀ ଜନ୍ମ

୨ମୁଣ୍ଡିଆ ବିରଳ ବାଛୁରୀ ଜନ୍ମ

ପାଟକୁରା, ୨୪ା୪(ଡି.ଏନ୍‌.ଏ.)- ଗରଦପୁର ବ୍ଲକ ପଦ୍ମପୁର ପଞ୍ଚାୟତ ଅନ୍ତର୍ଗତ କିଣିଲୋ ଗ୍ରାମର ରାଜକିଶୋର ପରିଡାଙ୍କ ଜର୍ସି ଗାଈ ସୋମବାର ଏକ ୨ ମୁଣ୍ଡିଆ ବାଛୁରୀ ଜନ୍ମ ଦେଇଛି। ବାଛୁରୀଟିର ୪ ଆଖି ଥିବାବେଳେ ୨ ପାଟି ଅଛି। ବାଛୁରୀ ଉଭୟ ପାଟିରେ ଖାଇପାରିବା ସହ ସବୁ ଆଖିରେ ଦେଖିପାରୁଛି। ରାଜକିଶୋର ବାଛୁରୀଟିକୁ ବୋତଲ ସାହାଯ୍ୟରେ କ୍ଷୀର ପିଆଉଛନ୍ତି। ଏହି ବିରଳ ବାଛୁରୀକୁ ଦେଖିବା ପାଇଁ ତାଙ୍କ ଘରେ ଏବେ ଲୋକଙ୍କ ଭିଡ ଜମିଛି।

ସଚେତନତା ଅଭାବରୁ ଦୁର୍ଘଟଣା ବଢ଼ୁଛି ଦକ୍ଷତା ବିକାଶ ପ୍ରତିଯୋଗୀ ସମ୍ବର୍ଦ୍ଧିତ

କେନ୍ଦ୍ରାପଡା ଅଫିସ, ୨୪ା୪ଜିଲାସ୍ତରୀୟ ଦକ୍ଷତା ବିକାଶ ପ୍ରତିଯୋଗିତାରେ କାଠ ଶିଳ୍ପର ଛାତ୍ର ଚିନ୍ମୟ କୁମାର ସାମଲ, ପାଣି ପାଇପ ମରାମତି ବିଭାଗର ଛାତ୍ର ସେକ୍‌ ସର୍ଫରାଜ, ଚନ୍ଦନ ଖିଲାର, ଅଖିଳ କୁମାର ସେନାପତି ଓ ରାଜେଶ କୁମାର ବାରିକ ସଫଳ ହୋଇଛନ୍ତି। କୃତୀ ପ୍ରତିଯୋଗୀଙ୍କୁ ଜିଲାପାଳଙ୍କ କାର୍ଯ୍ୟାଳୟ ପରିସରରେ ସୋମବାର ସମ୍ବର୍ଦ୍ଧନା ଦିଆଯାଇଛି।

ଡାକ୍ତରଙ୍କ ଅବହେଳାରୁ ନବଜାତକ ମୃତ

କେନ୍ଦ୍ରାପଡା ଅଫିସ, ୨୪ା୪ଜିଲା ମୁଖ୍ୟ ଚିକିତ୍ସାଳୟରେ ଚିକିତ୍ସା ଅବହେଳା ନେଇ ବାରମ୍ବାର ଅଭିଯୋଗ ହେଉଛି। ମାତ୍ର ଏଥିରେ କୌଣସି ସୁଧାର ଆସିପାରୁନାହିଁ ା ଦୀର୍ଘଦିନ ଧରି ଏହି ଚିକିତ୍ସାଳୟରେ ଅଲଟ୍ରା ସାଉଣ୍ଡ ମେଶିନ ଅଚଳ ହୋଇ ପଡି ରହିଥିବା ବେଳେ ଡାକ୍ତର ଅଭାବ ଯୋଗୁ ପ୍ରସୂତି ବିଭାଗ ଓଟିର କାର୍ଯ୍ୟକାରିତା କମିଯାଇଛି।

ସଚେତନତା ଅଭାବରୁ ଦୁର୍ଘଟଣା ବଢ଼ୁଛି

ସଚେତନତା ଅଭାବରୁ ଦୁର୍ଘଟଣା ବଢ଼ୁଛି

କେନ୍ଦ୍ରାପଡା ଅଫିସ, ୨୪ା୪କେନ୍ଦ୍ରାପଡ଼ା ଆଞ୍ଚଳିକ ପରିବହନ କାର୍ଯ୍ୟାଳୟ ପକ୍ଷରୁ ୨୯ତମ ସଡ଼କ ନିରାପତ୍ତା ସପ୍ତାହ ସଚେତନତା କାର୍ଯ୍ୟକ୍ରମ ସୋମବାରଠାରୁ ଆରମ୍ଭ ହୋଇଛି। ଏଥିପାଇଁ ଏକ ସଚେତନତା ରଥ ଜିଲା ପରିକ୍ରମା ପାଇଁ ବାହାରିଛି। ଏହି ରଥକୁ ପରିବହନ କାର୍ଯ୍ୟାଳୟଠାରେ ଜିଲାପାଳ ରେଘୁ ଜୀ. ଉଦ୍‌ଘାଟନ କରିଥିଲେ। ଏହି ଅବସରରେ କାର୍ଯ୍ୟାଳୟ ପରିସରରେ ଏକ ସଭା ଅନୁଷ୍ଠିତ ହୋଇଥିଲା।

ପ୍ରହସନ ପାଲଟିଛି ଜିଲାପାଳଙ୍କ ଜନଶୁଣାଣି ଶିବିର

ପ୍ରହସନ ପାଲଟିଛି ଜିଲାପାଳଙ୍କ ଜନଶୁଣାଣି ଶିବିର

ରାଜନଗର,୨୪ା୪(ଡି.ଏନ୍‌.ଏ.)- ରାଜନଗର ବ୍ଲକ ରାଜୀବଗାନ୍ଧୀ ସେବା କେନ୍ଦ୍ରରେ ସୋମବାର କେନ୍ଦ୍ରାପଡା ଜିଲାପାଳଙ୍କ ମିଳିତ ଜନଶୁଣାଣି ଶିବିର ଅନୁଷ୍ଠିତ ହୋଇଯାଇଛି। କେନ୍ଦ୍ରାପଡା ଜିଲାପାଳ ରେଘୁଜୀଙ୍କ ଅଧ୍ୟକ୍ଷତାରେ ଆୟୋଜିତ ଜନଶୁଣାଣି ଶିବିରରେ ୧୭୫ ବ୍ୟକ୍ତିଗତ ୧୨ ସାମୂହିକ ଅଭିଯୋଗକୁ ମିଶାଇ ମୋଟ ୧୮୭ ଅଭିଯୋଗର ଶୁଣାଣି ହୋଇଛି। ଜିଲାପାଳଙ୍କ ଜନଶୁଣାଣି ଶିବିର ଏବେ ପ୍ରହସନରେ ପରିଣତ ହୋଇଛି ବୋଲି ସାଧାରଣରେ ଅଭିଯୋଗ ହୋଇଛି। ଅଭିଯୋଗକାରୀମାନେ ବହୁବାର ଜିଲାପାଳଙ୍କ ଶିବିରରେ ବିଭିନ୍ନ ସମସ୍ୟା ନେଇ ଜିଲାପାଳଙ୍କ ଦୃଷ୍ଟି ଆକର୍ଷଣ କରିଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ନିଆଯାଉନାହିଁ ଅବା ଲୋକଙ୍କ ସମସ୍ୟା ଦୂର ହେଉନାହିଁ ବୋଲି ଅଭିଯୋଗ ହୋଇଥିଲା। ଜିଲାପାଳ ଶିବିରକୁ ଆସିବା ପୂର୍ବର ପ୍ରାୟ ୪୦ ଅଭିଯୋଗର ଶୁଣାଣି ହୋଇଥିଲା।

ରାସ୍ତା ମରାମତି କାର୍ଯ୍ୟ ନିମ୍ନମାନର ଅଭିଯୋଗ

ନୂଆଗାଁ,୨୪।୪(ଡି.ଏନ.ଏ.)-ନୟାଗଡ ଜିଲା ନୂଆଗାଁ ବ୍ଲକ ନୂଆଗାଁ - ବାହାଡାଝୋଲା ରାସ୍ତାର ନୂଆଗାଁ ଠାରୁ ଡିମିରିପଲି ପର୍ଯ୍ୟନ୍ତ ୧୬ କିଲୋମିଟର ରାସ୍ତାର ମରାମତି କାର୍ଯ୍ୟ ନିମ୍ନମାନର ହୋଇଥିବା ଅଭିଯୋଗ ହୋଇଛି। ମରଣଯନ୍ତା ପାଲଟିଥିବା ଏହି ରାସ୍ତାର ମରାମତି ପାଇଁ ସରକାରଙ୍କ ତରଫରୁ ୩୫ ଲକ୍ଷ ଟଙ୍କା ଅନୁଦାନ ରାଶି ଯୋଗାଇ ଦିଆଯାଇଥିଲା ବେଳେ ତାହା ହଡପ ପାଇଁ ଉଦ୍ୟମ ହେଉଥିବା ମଧ୍ୟ ଅଭିଯୋଗ ହେଉଛି।

ସଡ଼କ ସୁରକ୍ଷା ସଚେତନତା ରଥ ଉଦ୍‌ଘାଟିତ

ନୟାଗଡ଼ ଅଫିସ,୨୪ା୪- ନୟାଗଡ଼ ଆଞ୍ଚଳିକ ପରିବହନ କାର୍ଯ୍ୟାଳୟ ତରଫରୁ ସୋମବାର ୨୯ତମ ଜାତୀୟ ସଡ଼କ ସୁରକ୍ଷା ସପ୍ତାହ ପାଳିତ ହୋଇଯାଇଛି। ଏହି ଅବସରରେ ସହରର ପୁରୁଣା ବସ୍‌ଷ୍ଟାଣ୍ଡଠାରେ ଆୟୋଜିତ କାର୍ଯ୍ୟକ୍ରମରେ ଜିଲାପାଳ ଅରିନ୍ଦମ ଡାକୁଆ ଓ ଏସ୍‌ପି ଆଶିଷ କୁମାର ସିଂ ଯୋଗଦେଇ ସଡକ ସୁରକ୍ଷା ସଚେତନତା ରଥକୁ ଉଦ୍‌ଘାଟନ କରିଥିଲେ। ଏହି ରଥ ଆସନ୍ତା ୨୯ ତାରିଖ ପର୍ଯ୍ୟନ୍ତ ସପ୍ତାହବ୍ୟାପୀ ଜିଲାର ବିଭିନ୍ନ ବ୍ଲକରେ ବୁଲି ଲୋକମାନଙ୍କୁ ସଚେତନ କରାଇବ। କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଆରଟିଓ ପ୍ରଭାକର ପାଣିଗ୍ରାହୀ, ଜିଲା ଘରୋଇ ବସ୍‌ ଆସୋସିଏଶନ୍‌ ସଭାପତି ମନୋଜ କୁମାର ନାୟକ, ସମ୍ପାଦକ ଶେଖ୍‌ ୟୁସୁଫ ପ୍ରମୁଖ ଯୋଗ ଦେଇଥିଲେ। ଏହି ଉପଲକ୍ଷେ ନୟାଗଡ଼ ସ୍ବୟଂଶାସିତ ମହାବିଦ୍ୟାଳୟର ଏନ୍‌ଏସ୍‌ଏସ୍‌, ଏନ୍‌ସିସି, ୱାଇଆରସି, ନାଭାଲ ଛାତ୍ରୀଛାତ୍ର ରାସ୍ତାରେ ଯାଉଥିବା ବାଇକ୍‌ ଆରୋହୀ ଓ କାର୍‌ ଚାଳକମାନଙ୍କୁ ସଡ଼କ ସୁରକ୍ଷା ବିଷୟରେ ସଚେତନ କରାଯାଇଥିଲା। ଛାତ୍ରୀଛାତ୍ର ବାଇକ୍‌ ଆରୋହୀଙ୍କୁ ହେଲ୍‌ମେଟ ପିନ୍ଧିବାକୁ କହୁଥିଲା ବେଳେ କାରରେ ଯାଉଥିବା ଯାତ୍ରୀମାନଙ୍କୁ ସିଟ୍‌ ବେଲ୍ଟ ପିନ୍ଧିବା ପାଇଁ ପ୍ରବର୍ତ୍ତାଉଥିଲେ। ଜିଲାପାଳ ଓ ଏସ୍‌ପି ମଧ୍ୟ ବାଇକ୍‌ ଆରୋହୀଙ୍କୁ ଲିଫ୍‌ଲେଟ ବଣ୍ଟନ କରି ସଚେତନ କରାଇଥିଲେ।

ପାନୀୟ ଜଳ ପାଇଁ ବିଡିଓଙ୍କୁ ଅଭିଯୋଗ

ଦଶପଲ୍ଲା,୨୪ା୪ (ଡି.ଏନ.ଏ.)- ଅସହ୍ୟ ଗ୍ରୀଷ୍ମରେ ଦଶପଲ୍ଲା ଅଞ୍ଚଳରେ ଜନଜୀବନ ଅସ୍ତବ୍ୟସ୍ତ ହୋଇପଡିଛି। ଏପରିସ୍ଥଳେ ପାନୀୟଜଳ ସମସ୍ୟା ଲୋକଙ୍କୁ ଅତିଷ୍ଠ କରିଦେଇଛି। ଏହାକୁ ନେଇ ସୋମବାର ବିଭିନ୍ନ ପଞ୍ଚାୟତର ଶତାଧିକ ଜନସାଧାରଣ ବିଡିଓଙ୍କୁ ଭେଟିଥିଲେ। ସେମାନେ ଅଭିଯୋଗ କରିଥିଲେ ଯେ, ବିଭିନ୍ନ ପଞ୍ଚାୟତରେ ନଳକୂପଗୁଡିକ କାମ କରୁ ନ ଥିବାବେଳେ ଅଧିକାଂଶ ପାନୀୟଜଳ ପ୍ରକଳ୍ପ ମଧ୍ୟ ଅଚଳ ହୋଇପଡିଛି। ପାନୀୟଜଳ ପାଇଁ ବିଭିନ୍ନ ଗ୍ରାମର ଲୋକେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି।

ଫାଣ୍ଡିରେ ପୋଡ଼ିହୋଇ ଅଭିଯୁକ୍ତଙ୍କ ମୃତ୍ୟୁ ଘଟଣା ଏନ୍‌ଏଚ୍‌ଆର୍‌ସିଙ୍କ ନିକଟରେ ଅଭିଯୋଗ

ଦଶପଲ୍ଲା,୨୪ା୪ (ଡି.ଏନ.ଏ.)- ଦଶପଲ୍ଲା ଥାନା ମଧ୍ୟଖଣ୍ଡ ଫାଣ୍ଡି ଭିତରେ କିରୋସିନ ଢାଳି ପୋଡିହେବା ପରେ ଚିକିତ୍ସାଧୀନ ଅବସ୍ଥାରେ ଜଣେ ଅଭିଯୁକ୍ତଙ୍କ ମୃତ୍ୟୁ ଘଟିଥିଲା। ଏହାକୁ ନେଇ ଜାତୀୟ ମାନବିକ ଅଧିକାର କମିଶନ (ଏନ୍‌ଏଚ୍‌ଆର୍‌ସି)ଙ୍କ ଦ୍ୱାରସ୍ଥ ହୋଇଛନ୍ତି ସୋନପୁର ଜିଲା ତରଭା ଅଞ୍ଚଳର ମାନବିକ ଅଧିକାର କର୍ମୀ ଶ୍ରୀକୁମାର ମହନ୍ତ। ଦଶପଲ୍ଲା ଥାନା ଶିମିଳିସାହି ଗ୍ରାମର କାଳିଆ କାଠୁଆ କନ୍ଧ ଭୋଗବାଡି ଗ୍ରାମର ହାର ଖିଲାର ଓ ତାଙ୍କ ୫ବର୍ଷର ଝିଅ ଯମୁନା ଖିଲାର ହତ୍ୟା ଘଟଣା ଏବଂ ଶିମିଳିସାହି ପଞ୍ଚାୟତରୁ ଭତ୍ତାଟଙ୍କା ଲୁଟ୍‌ ଘଟଣାରେ ସମ୍ପୃକ୍ତ ଥାଇ ଫେରାର ଥିବାବେଳେ ଗତ ୧୩ ତାରିଖରେ ପୋଲିସ ତାଙ୍କୁ ଧରି ନିଜ ହେପାଜତ୍‌କୁ ଆଣିଥିଲା । ପରେ ନୟାଗଡର ଏକ ଆମ୍ବ ତୋଟାକୁ ନେଇ କାଳିଆଙ୍କୁ ନିସ୍ତୁକ ମାଡ ମାରିଥିଲା। ପୁନଶ୍ଚ ଗତ ୧୫ ତାରିଖରେ ମଧ୍ୟଖଣ୍ଡ ଫାଣ୍ଡିକୁ ଆଣି ଅଟକ ରଖି ମାଡ ମାରିଥିଲା।

ଡମ୍ଫର ମାଲିକ ସଂଘ ନିର୍ବାଚନକୁ ନେଇ ଉତ୍ତେଜନା

ପାରାଦୀପ,୨୪ା୪(ସ୍ବ.ପ୍ର.): ପାରାଦୀପ ଆନ୍ତଃ ପରିବହନ (ଆଇପିଟି)ରେ ନିୟୋଜିତ ଡମ୍ଫର ମାଲିକ ସଂଘ କର୍ମକର୍ତ୍ତା ନିର୍ବାଚନ ଆସନ୍ତା ୨୯ ତାରିଖରେ ଅନୁଷ୍ଠିତ ହେବ। ସୋମବାର ସନ୍ଧ୍ୟା ସୁଧା ଏଥିପାଇଁ ପ୍ରାର୍ଥିପତ୍ର ଯାଞ୍ଚ, ପ୍ରତ୍ୟାହାର, ପୂର୍ଣ୍ଣାଙ୍ଗ ପ୍ରାର୍ଥୀ ତାଲିକା ଓ ନିର୍ବାଚନୀ ଚିହ୍ନ ପ୍ରଦାନ କାର୍ଯ୍ୟ ଶେଷ ହୋଇଛି। ଏଥିରେ ଜଣେ ପ୍ରାର୍ଥୀଙ୍କ ନାମାଙ୍କନପତ୍ର ଯାଞ୍ଚରେ କଟିଯାଇଥିବା ବେଳେ ୨ଜଣ ପ୍ରତ୍ୟାହାର କରିଛନ୍ତି। ଶେଷ ଖବରସୁଦ୍ଧା ୫ ପଦବୀ ପାଇଁ ୧୩ଜଣ ନିର୍ବାଚନ ଦୌଡ଼ରେ ଅଛନ୍ତି ବୋଲି ନିର୍ବାଚନ ଅଧିକାରୀ ଆଇନଜୀବୀ ସଞ୍ଜୟ କୁମାର ବେହେରା ସୂଚନା ଦେଇଛନ୍ତି। ସେମାନଙ୍କ ମଧ୍ୟରେ ସଭାପତି ପଦ ପାଇଁ ୩, ସମ୍ପାଦକ ପାଇଁ ୪, ଉପସଭାପତି, ସହ ସମ୍ପାଦକ ଓ କୋଷାଧ୍ୟକ୍ଷ ପଦ ପାଇଁ ୨ଜଣ ଲେଖାଏଁ ପ୍ରାର୍ଥୀ ପ୍ରତିଯୋଗିତାରେ ଅଛନ୍ତି।

ଏଟିଏମରୁ ବାହାରିଲା ୧୦ ଚିରା ନୋଟ୍‌

ଏଟିଏମରୁ ବାହାରିଲା ୧୦ ଚିରା ନୋଟ୍‌

ବାଲିକୁଦା,୨୪ା୪(ସ୍ବ.ପ୍ର.): ସାରା ଦେଶରେ ଏଟିଏମରେ ଟଙ୍କାର ଅଭାବକୁ ନେଇ ତୀବ୍ର ଜନଅସନ୍ତୋଷ ଦେଖାଦେଇଛି। ଏଭଳି ସ୍ଥିତିରେ ବାଲିକୁଦା ମୁଖ୍ୟ ବଜାରଠାରେ ଥିବା ଏକ ଏଟିଏମ୍‌ରୁ ଚିରା ନୋଟ୍‌ ବାହାରିବା ଚର୍ଚ୍ଚାର ବିଷୟ ହୋଇଛି। ଗୋଟିଏ କି ଦୁଇଟି ନୁହେଁ, ଲଗାତାର ଭାବେ ୧୦ଟି ଚିରା ନୋଟ୍‌ ବାହାରିବା ଏଠାରେ ଲୋକଙ୍କୁ ଆଶ୍ଚର୍ଯ୍ୟ କରିଛି।

ଦିନକର କାହାଣୀ : ଖବରକାଗଜ ବିକ୍ରେତା କର୍ଣ୍ଣ ନାଥ

ଦିନକର କାହାଣୀ : ଖବରକାଗଜ ବିକ୍ରେତା କର୍ଣ୍ଣ ନାଥ

ଜଗତ୍‌ସିଂହପୁର ଅଫିସ,୨୪।୪: ସକାଳୁ ରାତି ପର୍ଯ୍ୟନ୍ତ ଖବରକାଗଜ ତାଙ୍କର ସାଥୀ। ଏହା ତାଙ୍କୁ ଅନେକ କଷ୍ଟ ଦେଇଛି ଓ କଷ୍ଟ ହରଣ ମଧ୍ୟ କରିଛି। ମାସେ କି ବର୍ଷେ ନୁହେଁ, ଦୀର୍ଘ ୩୫ ବର୍ଷ ଧରି ଅନେକ ଝଡ଼ଝଞ୍ଜା ମଧ୍ୟରେ ଲୋକଙ୍କ ପାଖରେ ଖବରକାଗଜ ପହଞ୍ଚାଇଆସୁଛନ୍ତି ସେ। ଏହା ଯେ ତାଙ୍କୁ କେବଳ ରୋଜଗାର ଦେଇଛି ତାହା ନୁହେଁ, ସମାଜରେ ପରିଚୟ ମଧ୍ୟ ଦେଇଛି। ଏହା ହେଉଛି ଜଗତ୍‌ସିଂହପୁର ସହରର ଖବରକାଗଜ ବିକ୍ରେତା କର୍ଣ୍ଣ ନାଥ(୫୫)ଙ୍କ କାହାଣୀ।