ଫୁରସତ |

ଇନ୍ଦିରା ଗାନ୍ଧୀ ଥିଲେ ଦକ୍ଷ ମହିଳା

ଇନ୍ଦିରା ଗାନ୍ଧୀ ଥିଲେ ଦକ୍ଷ ମହିଳା
ଥିମ୍ପୁ:ଇନ୍ଦିରା ଗାନ୍ଧୀ ଜଣେ ଦକ୍ଷ ମହିଳା ଥିଲେ। ସେ ବିଶ୍ୱକୁ ଦେଖାଇ ଦେଇଥିଲେ ଯେ, ମହିଳା ବି କୌଣସି କ୍ଷେତ୍ରରେ କମ୍‌ ନୁହନ୍ତି। ”ଇଣ୍ଡିଆସ୍‌ ଇନ୍ଦିରା: ଏ ସିଣ୍ଟେନିଆଲ୍‌ ଟ୍ରିବ୍ୟୁଟ୍‌“ ନାମକ ଏକ ପୁସ୍ତକ ଉନ୍ମୋଚନ ଅବସରରେ ଉଦ୍‌ବୋଧନ ଦେଇ ମଦର ଅଫ୍‌ ଭୁଟାନ୍‌ କୁହାଯାଉଥିବା ରାଣୀ ଆଶି ଡୋର୍ଜି ଓ୍ବାଙ୍ଗ୍‌ମୋ ଓ୍ବାଙ୍ଗ୍‌ଚୁକ୍‌ ପ୍ରକାଶ କରିଛନ୍ତି। ଭୁଟାନ୍‌ରେ ଚାଲିଥିବା ମାଉଣ୍ଟେନ୍‌ ଇକୋଜ୍‌ ଫେଷ୍ଟିଭାଲ୍‌ରେ ସେ କହିଥିଲେ ଯେ, ଇନ୍ଦିରା ଜଣେ ଦୀର୍ଘକାୟ ମହିଳା ନ ଥିଲେ ହେଁ ସେ ଉତ୍ତୁଙ୍ଗ ବ୍ୟକ୍ତିତ୍ୱର ଅଧିକାରୀ ଥିଲେ। ଆମେରିକାର ତତ୍କାଳୀନ ରାଷ୍ଟ୍ରପତି ରିଚାର୍ଡ ନିକ୍ସନ୍‌ଙ୍କ ସହିତ ତାଙ୍କର ଫଟୋଚିତ୍ର ମୋର ଏବେ ବି ମନେଅଛି। ଶ୍ରୀମତୀ ଗାନ୍ଧୀ ଜଣେ ମହିଳା ଆଇକନ୍‌ ଥିଲେ ମଧ୍ୟ ସେ ସାରା ବିଶ୍ୱକୁ ଜଣାଇଦେଇ ଯାଇଛନ୍ତି ଯେ, ମହିଳାମାନେ ଯେଉଁ ନିଷ୍ପତ୍ତି ନିଅନ୍ତି ତାହାକୁ କାର୍ଯ୍ୟକାରୀ କରିବାର ଶକ୍ତି ସେମାନଙ୍କଠାରେ ନିହିତ ଥାଏ।“ ଏହି ପୁସ୍ତକଟି ଭାରତୀୟ ଜାତୀୟ କଂଗ୍ରେସ ଦ୍ୱାରା ସଂକଳିତ ହୋଇଛି। ଏଥିରେ ଭାରତର ପ୍ରଥମ ମହିଳା ପ୍ରଧାନମନ୍ତ୍ରୀ ଇନ୍ଦିରାଙ୍କ ସମ୍ପର୍କିତ ଆର୍ଟିକିଲ୍‌, ପ୍ରବନ୍ଧ ଓ ଅନେକ ଫଟୋ ପ୍ରକାଶ ପାଇଛି। କୁଇନ୍‌ ମଦର ମନେପକାଇଥିଲେ ଯେ, ଇନ୍ଦିରା ତାଙ୍କ ପିତାଙ୍କ ସହିତ କିପରି ଥରେ ଗୟଳ ଉପରେ ବସି ଆସିଥିଲେ। ଭୁଟାନ୍‌ର ରାଜ ପରିବାର ସହିତ ଗାନ୍ଧୀ ପରିବାରର ଘନିଷ୍ଠ ବନ୍ଧୁସମ୍ପର୍କ ରହିଥିବା ବିଷୟ ସେ ସ୍ମରଣ କରାଇଦେଇଥିଲେ। ଇନ୍ଦିରାଙ୍କ ମୁଣ୍ଡରେ ଯେଉଁ କେରାଏ ଧଳାକେଶ ଗାର ଟାଣିବା ଭଳି ଦେଖାଯାଉଥିଲା ତାହାକୁ ସେ ଖୁବ୍‌ ପ୍ରଶଂସା କରୁଥିଲେ। ସେ ଯେତେବେଳେ କମ୍‌ ବୟସର ହୋଇଥିଲେ ସେଭଳି ଧଳାକେଶ ତାଙ୍କର ଥାଆନ୍ତା କି ବୋଲି ସେ ଇଚ୍ଛା କରୁଥିଲେ। ବରିଷ୍ଠ ନେତା ଆନନ୍ଦ ଶର୍ମାଙ୍କ ଦ୍ୱାରା ସମ୍ପାଦିତ ଉକ୍ତ ପୁସ୍ତକରେ ଇନ୍ଦିରା ଗାନ୍ଧୀ ଓ ଜବାହରଲାଲ୍‌ ନେହେରୁଙ୍କ ଅନେକ ଫଟୋ ରହିଛି। ଏଥିରେ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ଦ୍ୱାରା ଲିଖିତ ଏକ ଚାପ୍ଟର ରହିଛି। ପୁସ୍ତକ ଲଞ୍ଚ୍‌ ସମୟରେ ଉପସ୍ଥିତ ଶଶୀ ଥରୁର୍‌ ଇନ୍ଦିରା ଗାନ୍ଧୀଙ୍କ ନେତୃତ୍ୱକୁ ପ୍ରଶଂସା କରିଥିଲେ। ଥରୁର କହିଲେ ଯେ, ସେ ପ୍ରଧାନମନ୍ତ୍ରୀ ହେବା ପରେ ଅନେକେ ପ୍ରଶ୍ନ କରିଥିଲେ ଯେ, ସେ ଏହି ଦାୟିତ୍ୱ ତୁଲାଇପାରିବେ? କିନ୍ତୁ ପରବର୍ତ୍ତୀ ପରିସ୍ଥିତିରେ ଦେଖାଗଲା ଯେ, ତାଙ୍କ ପରେ ଯେଉଁ କେତେଜଣ ପ୍ରଧାନମନ୍ତ୍ରୀ ଆସନ ଅଳଙ୍କୃତ କରିଥିଲେ ସେମାନଙ୍କ ତୁଳନାରେ ଇନ୍ଦିରା ଗାନ୍ଧୀ ଅପେକ୍ଷାକୃତ ଦକ୍ଷ ଥିଲେ।
All Right Reserved By

ଫୁରସତ |

ସର୍ବସ୍ବାନ୍ତ କରିଛି କୋହୀନୂର...

ସର୍ବସ୍ବାନ୍ତ କରିଛି କୋହୀନୂର...

କୋହୀନୂର ହୀରା। ନୀଳ ରଙ୍ଗର ଏହି ହୀରା ସଭିଙ୍କୁ କରେ ଆକର୍ଷିତ। ଉର୍ଦ୍ଦୁ ଭାଷାରେ ଏହାର ଅର୍ଥ ଔଜ୍ଜଲ୍ୟର ପାହାଡ଼। 

ଯେଉଁ ଦ୍ୱୀପ ସେଠାକୁ ଗଲେ କେହି ଫେରନ୍ତି ନାହିଁ...

ଯେଉଁ ଦ୍ୱୀପ ସେଠାକୁ ଗଲେ କେହି ଫେରନ୍ତି ନାହିଁ...

ଇଟାଲୀରେ  ରହିଛି ଏପରି ଏକ ଦ୍ୱୀପ। ଏଠାକୁ ଯାଉଥିବା କୌଣସି ପ୍ରାଣୀ ଫେରି ଆସି ନ ଥାନ୍ତି। ଏହାକୁ ଆଇଲ୍ୟାଣ୍ଡ ଅଫ୍‌ ଡେଡ୍‌ ବା ମୃତ୍ୟୁର ଦ୍ୱୀପ କୁହାଯାଏ । 

ଶ୍ମଶାନ ଚଣ୍ଡୀ ମା’ ନାରାୟଣୀ

ଶ୍ମଶାନ ଚଣ୍ଡୀ ମା’ ନାରାୟଣୀ

କଳା, ସଂସ୍କୃତି ଓ ଭାସ୍କର୍ଯ୍ୟରେ ପୂର୍ଣ୍ଣ ଓଡ଼ିଶାରେ ସର୍ବତ୍ର ଶକ୍ତି ପୀଠମାନ ରହିଛି। ପ୍ରତ୍ୟେକ ଶକ୍ତିପୀଠର ସ୍ବତନ୍ତ୍ରତା ଭିନ୍ନ। ସ୍ବତନ୍ତ୍ର ପ୍ରତିମୂର୍ତ୍ତିକୁ ପୂଜାର୍ଚ୍ଚନା କରାଯାଉଛି। ହେଲେ ମା’ ଓ ପୁଅଙ୍କ ପୂଜାର୍ଚ୍ଚନା ଶକ୍ତିପୀଠ ହୁଏତ ବିରଳ। ଗଞ୍ଜାମ ଜିଲା କଙ୍କୋରଡାରେ ରହିଛି ମା’ନାରାୟଣୀ ଶକ୍ତିପୀଠ, ଯେଉଁଠି ମାତା ଅମ୍ବିକା ଏବଂ ପୁତ୍ର ଗଣେଶ ରହିଛନ୍ତି।

ଷ୍ଟଣ୍ଟ୍‌ ଦେବାକୁ ଯାଇ ଶିଡିରୁ ପଡ଼ିଥିଲି: ଭୂମିକା ଦାଶ

ଷ୍ଟଣ୍ଟ୍‌ ଦେବାକୁ ଯାଇ ଶିଡିରୁ ପଡ଼ିଥିଲି: ଭୂମିକା ଦାଶ

ଅଳ୍ପ ବୟସରୁ ଓଡ଼ିଆ ଚଳଚ୍ଚିତ୍ର ଜଗତରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିବାରେ ସଫଳ ହୋଇଛନ୍ତି ଷ୍ଟାଇଲିଷ୍ଟ ଆଉ ଚୁଲ୍‌ବୁଲି ନାୟିକା ଭୂମିକା ଦାଶ। 

ସେହି ମହିଳାଙ୍କ କଥା ସବୁବେଳେ ମନେପଡ଼େ: ଡାକ୍ତର ଶ୍ରୀପ୍ରସାଦ ମହାନ୍ତି

ସେହି ମହିଳାଙ୍କ କଥା ସବୁବେଳେ ମନେପଡ଼େ: ଡାକ୍ତର ଶ୍ରୀପ୍ରସାଦ ମହାନ୍ତି

୧୯୮୮-୮୯ ମସିହା ଘଟଣା। ପିଜି ପ୍ରବେଶିକା ପରୀକ୍ଷା ଦେବା ପାଇଁ ସମ୍ବଲପୁରର ବୁର୍ଲା ମେଡିକାଲ କଲେଜକୁ ଯାଇଥାଏ। ସେଠାରୁ ଫେରିଲା ବେଳକୁ ରାତି ୩ଟା ବାଜିଯାଇଥାଏ। 

ନଭେମ୍ବର ୨୩ରେ ସାଥୀ ତୁ ଫେରିଆ

ନଭେମ୍ବର ୨୩ରେ ସାଥୀ ତୁ ଫେରିଆ

ମନ ପସନ୍ଦର ସାଥୀଟିଏ ମିଳିଗଲେ ତା’ ସହ ସୁଖଦୁଃଖ ଶେୟାର କରିହୁଏ। ବେଳେବେଳେ ଠିକ୍‌ ବାଟରେ ଯିବାକୁ ସାଥୀ ନିର୍ଣ୍ଣାୟକ ଭୂମିକା ଗ୍ରହଣ କରିଥାଏ। ତେଣୁ ଜୀବନରେ ଭଲ ସାଥୀଟିଏ ନିହାତି ଲୋଡା। 

ପକେଟରେ ରଖନ୍ତୁ ମୟୂର ପର...

ପକେଟରେ ରଖନ୍ତୁ ମୟୂର ପର...

ପକେଟରେ ମୟୂର ପର ରଖିଲେ ଅନେକ ବାଧାବିଘ୍ନ କଟିଯାଇଥାଏ। ଏନେଇ ଜ୍ୟୋତିଷ ଶାସ୍ତ୍ରରେ ଉଲ୍ଲେଖ ରହିଛି। ମୟୂର ପର ବୁଧ ମହାଗ୍ରହଙ୍କୁ ପ୍ରତିନିଧିତ୍ୱ କରେ। 

ନବରାତ୍ରୀରେ କାହିଁକି ପିଆଜ-ରସୁଣ ମନା...

ନବରାତ୍ରୀରେ କାହିଁକି ପିଆଜ-ରସୁଣ ମନା...

ନବରାତ୍ରୀରେ ଦଶମହାବିଦ୍ୟାଙ୍କ ଉପାସନା କରାଯାଏ। ତେଣୁ ଏହି ସମୟରେ ସାଧକ ପ୍ରାୟତଃ ତାମସିକ ଭୋଜନଠାରୁ ଦୂରେଇ ରୁହନ୍ତି। ପିଆଜ ରସୁଣ ତାମସିକ ଖାଦ୍ୟ। 

ମନପସନ୍ଦ କନ୍ୟା ପାଇଁ ପରୀକ୍ଷା ଦେଲେ ୨୫୦ ଯୁବକ

ମନପସନ୍ଦ କନ୍ୟା ପାଇଁ ପରୀକ୍ଷା ଦେଲେ ୨୫୦ ଯୁବକ

ସାଧାରଣତଃ ଚାକିରି ଖଣ୍ଡେ ପାଇଁ ବାରମ୍ବାର ପରୀକ୍ଷାର ସମ୍ମୁଖୀନ ହେବାକୁ ପଡ଼ିଥାଏ। କିନ୍ତୁ ବିବାହ ପୂର୍ବରୁ ମନପସନ୍ଦର କନ୍ୟା ପାଇବା ପାଇଁ କେବେ ବର ପରୀକ୍ଷା ଦେବା କଥା ଶୁଣିଛନ୍ତି କି?

୪ ବୃହତ୍‌ ଗ୍ରହ ଆବିଷ୍କାର

୪ ବୃହତ୍‌ ଗ୍ରହ ଆବିଷ୍କାର

ଲଣ୍ଡନ: ବୈଜ୍ଞାନିକମାନେ ଏକ ନୂଆ ନକ୍ଷତ୍ରମଣ୍ଡଳରେ ୪ଟି ବୃହତ୍‌ ଗ୍ରହ ଆବିଷ୍କାର କରିଛନ୍ତି। ଏଗୁଡିକର ଆକୃତି ବୃହସ୍ପତି ଓ ଶନିଗ୍ରହ ସହିତ ସମାନ। ଉକ୍ତ ନକ୍ଷତ୍ର ‘ସିଆଇ ଟାଉ’ ୫୦୦ ଆଲୋକବର୍ଷ ଦୂରତାରେ ଅବସ୍ଥିତ। ଏହା ଗାଲାକ୍ସିର ‘ନର୍ସରି’ ରିଜିୟନ୍‌ ମଧ୍ୟରେ ରହିଥିବା କେମ୍ବ୍ରିଜ ୟୁନିଭର୍ସିଟିର ଗବେଷକମାନେ ପ୍ରକାଶ କରିଛନ୍ତି। 

ଭାରତରେ ଅସ୍ତ୍ରୋପଚାର ଦ୍ୱାରା ଜନ୍ମିତ ଶିଶୁଙ୍କ ସଂଖ୍ୟା ୨ଗୁଣ ବୃଦ୍ଧି

ଭାରତରେ ଅସ୍ତ୍ରୋପଚାର ଦ୍ୱାରା ଜନ୍ମିତ ଶିଶୁଙ୍କ ସଂଖ୍ୟା ୨ଗୁଣ ବୃଦ୍ଧି

 ଲଣ୍ଡନ: ଭାରତରେ (ସିଜେରିଆନ୍‌ ସେକ୍ସନ୍‌) ପ୍ରସୂତିକାଳୀନ ଅସ୍ତ୍ରୋପଚାର ଦ୍ୱାରା ଜନ୍ମିତ ଶିଶୁଙ୍କ ସଂଖ୍ୟା ଦୁଇଗୁଣ ହୋଇଛି। ୨୦୦୫-୦୬ରେ ଏହି ପଦ୍ଧତିରେ ଜନ୍ମିତ ଶିଶୁଙ୍କ ସଂଖ୍ୟା ୯% ଥିବାବେଳେ ୨୦୧୫-୧୬ରେ ଏହା ୧୮.୫%କୁ ବୃଦ୍ଧି ପାଇଛି। ଲାନ୍‌ସେଟ୍‌ ଜର୍ନାଲ୍‌ରେ ପ୍ରକାଶିତ ତଥ୍ୟରୁ ଏହି ସୂଚନା ମିଳିଛି। ବିଶ୍ୱରେ ୨୦୦୦ରୁ ୨୦୧୫ ମଧ୍ୟରେ ସି-ସେକ୍ସନ୍‌ ଦ୍ୱାରା ଜନ୍ମିତ ଶିଶୁଙ୍କ ସଂଖ୍ୟା ୨ଗୁଣ ହୋଇଥିବା ଏଥିରେ କୁହାଯାଇଛି।

କୁକୁରଙ୍କ ପାଇଁ ହୁଇଲ୍‌ ଚେୟାର

କୁକୁରଙ୍କ ପାଇଁ ହୁଇଲ୍‌ ଚେୟାର

ଭଦୋଦରା: ଏମ୍‌ଏସ୍‌ ୟୁନିଭର୍ସିଟି ଇଞ୍ଜିନିୟରିଂ ଛାତ୍ରଙ୍କ ଉଦ୍‌ଭାବନ ସଡକ ଦୁର୍ଘଟଣାରେ  ଗୋଡ ହରାଇଥିବା କୁକୁରଙ୍କ ପାଇଁ ସାହାରା ହେବ। ଏହାଦ୍ୱାରା କୁକୁର ପାଳକ ତଥା ପ୍ରାଣୀ ସ୍ବାସ୍ଥ୍ୟକେନ୍ଦ୍ରର କର୍ମଚାରୀଙ୍କ ମଧ୍ୟରେ ଆଶା ସଞ୍ଚାର ହୋଇପାରିଛି।