ସମ୍ପାଦକୀୟ |

ଚଳଣିରେ ବିଜ୍ଞାନ

ଚଳଣିରେ ବିଜ୍ଞାନ

ଉପେନ୍ଦ୍ର ବିଶ୍ୱାଳ
ଗତ ଅକ୍ଟୋବର ୭ରେ ଦେଶର ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ ଭାରତ-ଚାଇନା ସୀମା ପରିଦର୍ଶନରେ ଯାଇଥିବା ବେଳେ ଚାଇନା ସୈନ୍ୟଙ୍କୁ ହାତଯୋଡ଼ି ନମସ୍କାର ମୁଦ୍ରାରେ ଅଭିବାଦନ ଜଣାଇବା ସହିତ ତାହାର ତାପର୍ଯ୍ୟ ମଧ୍ୟ ବୁଝାଉଥିବାର ଗଣମାଧ୍ୟମରେ ଚର୍ଚ୍ଚା ଧରିଥିଲା। ଆମ ଅଙ୍ଗୁଳିର ଅଗ୍ରଭାଗଗୁଡ଼ିକ ଏକ ଏକ ଚାପବିନ୍ଦୁ, ଯାହାକି ଶରୀରର ବିଭିନ୍ନ ଅଙ୍ଗ ସହିତ ସଂଲଗ୍ନ। ହାତଯୋଡ଼ି ନମସ୍କାର ବା ପ୍ରାର୍ଥନା କରିବା ଦ୍ୱାରା ପାପୁଲି ସହିତ ଅଙ୍ଗୁଳିର ଚାପବିନ୍ଦୁଗୁଡ଼ିକ ପରସ୍ପର ସଂଲଗ୍ନ ହୋଇ ସକ୍ରିୟ ହୋଇଉଠନ୍ତି। ଫଳରେ ଦୃଷ୍ଟିଶକ୍ତି, ଶ୍ରବଣଶକ୍ତି, ସ୍ମରଣଶକ୍ତି ବଢ଼ିବା ସହିତ ମନ ସତେଜ ରୁହେ। କରମର୍ଦ୍ଦନ ଯୋଗୁ ହାତରେ ଥିବା ଜୀବାଣୁ ସଂକ୍ରମିତ ହେବାର ଆଶଙ୍କା ମଧ୍ୟ ନ ଥାଏ। ଚନ୍ଦନ, ତିଳକ, ସିନ୍ଦୂର ଧାରଣରେ ମଧ୍ୟ ଅଛି ବୈଜ୍ଞାନିକ ଯଥାର୍ଥତା। ଆମ ଶରୀରର ଆଜ୍ଞାଚକ୍ର ହେଉଛି ପ୍ରମୁଖ ସ୍ନାୟୁକେନ୍ଦ୍ର ବା ନାଡ଼ିଗୁଡ଼ିକର ନିୟନ୍ତ୍ରଣ କକ୍ଷ। ଦୁଇ ଭ୍ରୂଲତା ମଧ୍ୟରେ ଥିବା ଏହି ବିନ୍ଦୁକୁ ତୃତୀୟ ନୟନ ବୋଲି ମଧ୍ୟ କୁହାଯାଏ। ଏହି ବିନ୍ଦୁରେ ତିଳକ, ଚନ୍ଦନ, ସିନ୍ଦୂର ଲଗାଇଲେ ଶରୀରରେ ରକ୍ତ ସଞ୍ଚାଳନ ଠିକ୍‌ ରହେ। ଦୂରଦର୍ଶିତା, ସଚେତନତା ବୃଦ୍ଧି ସହିତ ନକାରାମତ୍କ ଭାବନା ମନକୁ ପ୍ରବେଶ କରି ନ ଥାଏ। ବିବାହିତ ମହିଳାମାନେ ସିନ୍ଦୂର ପିନ୍ଧିବା ଫଳରେ ଅଧିକ ସୁନ୍ଦର ଦେଖାଯାନ୍ତି ଓ ସ୍ବାମୀମାନଙ୍କୁ ଆକୃଷ୍ଟ କରିଥାନ୍ତି। ଫଳରେ ଦାମ୍ପତ୍ୟ ଜୀବନ ସୁଖମୟ ହୋଇଥାଏ। ତେଣୁ ସିନ୍ଦୂର ବନ୍ଧ୍ୟାଦୋଷ ଦୂର କରେ ବୋଲି କୁହାଯାଏ। ଅମ୍ଳଜାନ ହେଉଛି ଆମ ଅସ୍ତିତ୍ୱର ଆଧାର। ବର୍ତ୍ତମାନ ବାୟୁ ପ୍ରଦୂଷଣ ଫଳରେ ଅମ୍ଳଜାନ ସଂକଟ ଦେଖାଦେଲାଣି। ଏଭଳି ସମ୍ଭାବ୍ୟ ସଂକଟକୁ ଆକଳନ କରି ଆମ ପୂର୍ବଜ ଋଷିବିଜ୍ଞାନୀମାନେ ତାହାର ସମାଧାନର ସରଳ ସୂତ୍ର ବତାଇ ଯାଇଛନ୍ତି। କୁହାଯାଏ ଅଶ୍ୱତ୍ଥ ଗଛକୁ ପୂଜା କଲେ ପୁଣ୍ୟ ମିଳିବ। କାରଣ ଏହା ଏପରି ଏକ ବିରଳ ବୃକ୍ଷ, ଯାହାକି ବାୟୁମଣ୍ଡଳକୁ ଦିନରାତି ଅମ୍ଳଜାନ ପ୍ରଦାନ କରିଥାଏ। ପ୍ରାକୃତିକ ଉପାୟରେ ପକ୍ଷୀଙ୍କ ମଳ ଦ୍ୱାରା ଏହାର ବୀଜବିକ୍ଷେପ ହୁଏ। ଏହାର ସୁରକ୍ଷା ଓ ଅଭିବୃଦ୍ଧି ପାଇଁ ଆମକୁ ପ୍ରେରିତ କରିବାକୁ ପୂର୍ବଜମାନେ ପୁଣ୍ୟପ୍ରାପ୍ତିର ଲୋଭ ଦେଖାଇଛନ୍ତି। ବାୟୁମଣ୍ଡଳକୁ ସବୁଜଗୃହ ବାଷ୍ପ (ଅଙ୍ଗାରକାମ୍ଳ, ମିଥେନ, କ୍ଲୋରୋଫ୍ଲୋରୋ କାର୍ବନ ପ୍ରଭୃତି)ର ମାତ୍ରାଧିକ ବିମୋଚନ ଫଳରେ ସମଗ୍ର ବସୁଧା ଆଜି ଏକ ଉତ୍ତପ୍ତ ତାୱାରେ ପରିଣତ। ଡହଳବିକଳ ପ୍ରାଣିଜଗତ। ଏଥିପାଇଁ ତ ଆମ ମଥା ଉପରେ ଭଗବାନ ଟାଙ୍ଗିଛନ୍ତି ଏକ ଚାନ୍ଦୁଆ (ଓଜୋନସ୍ତର)। ମାତ୍ର ଉପରୋକ୍ତ ସବୁଜଗୃହ ବାଷ୍ପଗୁଡ଼ିକର ମାତ୍ରାବୃଦ୍ଧି ଫଳରେ ସେଥିରେ ଛିଦ୍ର ସୃଷ୍ଟି ହେଲାଣି। ପରିଣାମରେ ସେହି କଣା ବାଟେ ମାତ୍ରାଧିକ ଅତିବାଇଗଣୀ ରଶ୍ମି ପୃଥିବୀ ପୃଷ୍ଠରେ ପଡ଼ି ଚର୍ମ କର୍କଟ ପରି ଅନେକ ବେମାରି ଓ ସମସ୍ୟା ସୃଷ୍ଟି କରୁଛି। ଏଥିପାଇଁ ମଧ୍ୟ ଆମ ପୂର୍ବଜମାନେ ଆମ ପାଇଁ ମଲମର ମଧ୍ୟ ବ୍ୟବସ୍ଥା କରିଯାଇଛନ୍ତି। ଶାସ୍ତ୍ରରେ ଅଛିି ଘର ସାମ୍ନାରେ ଦୈନିକ ତୁଳସୀ ଗଛକୁ ପୂଜା କରିବା ମହାପୁଣ୍ୟ। ବିଶ୍ୱସ୍ତରରେ ମଧ୍ୟ ପ୍ରତ୍ୟେକ ବର୍ଷ ସେପ୍ଟେମ୍ବର ୧୬ରେ ପାଳିତ ହୁଏ ‘ବିଶ୍ୱ ଓଜୋନ ଦିବସ’। ଏହି ଦିବସରେ ତୁଳସୀ ଚାରା ବିତରଣ କରି ସଚେତନ କରାଯାଇଥାଏ ଏହି ଗଛର ବ୍ୟାପକ ରୋପଣ ପାଇଁ। ସମ୍ଭବତଃ ସୃଷ୍ଟିରେ ଏହା ଏକମାତ୍ର ଗଛ, ଯିଏ କି ଅମ୍ଳଜାନ ସହିତ ଓଜୋନ ଗ୍ୟାସ୍‌ ବି ବିମୋଚନ କରିିଥାଏ। ଅମ୍ଳଜାନ ଗ୍ୟାସ୍‌ (O2) ଦୁଇଟି ଅମ୍ଳଜାନ ପରମାଣୁରେ ତିଆରି ହୋଇଥିବା ବେଳେ ଓଜୋନ୍‌ (O3) ତିନୋଟି ଅମ୍ଳଜାନ ପରମାଣୁରେ ତିଆରି ଏବଂ ନାସ୍କେଣ୍ଟ ଅକ୍ସିଜେନ୍‌ (O) ଗୋଟିଏ ଅମ୍ଳଜାନ କଣିକାରେ ତିଆରି। ତୁଳସୀ ଗଛ ଦିନରେ ୨୦ ଘଣ୍ଟା ଅମ୍ଳଜାନ ଛାଡ଼େ ଓ ୪ ଘଣ୍ଟା ଓଜୋନ୍‌ ବାଷ୍ପ ଛଡ଼େ। ଓଜୋନ୍‌ ବାଷ୍ପରୁ ଗୋଟିଏ ଅମ୍ଳଜାନ ପରମାଣୁ ଖସିଯାଇ ଅମ୍ଳଜାନ (O2) ଓ ନାସ୍କେଣ୍ଟ ଅମ୍ଳଜାନ (O1)ରେ ପରିଣତ ହୁଏ ଯାହା ବାୟୁମଣ୍ଡଳରୁ ଅନେକ କ୍ଷତିକାରକ ବାଷ୍ପ ଯଥା ଅଙ୍ଗାରକାମ୍ଳ, କାର୍ବନ ମନୋକ୍ସାଇଡ୍‌ ଓ ସଲ୍‌ଫର ଡାଇଅକ୍ସାଇଡ୍‌ ଅବଶୋଷଣ କରେ ବୋଲି ବିଶିଷ୍ଟ ଉଦ୍ଭିଦବିଜ୍ଞାନୀ ଶ୍ୟାମାକାନ୍ତ ପାଣ୍ଡୋଲେ କହିଛନ୍ତି। ତୁଳସୀ ଗଛକୁ ଆମେ ପ୍ରାୟତଃ ଜାଣିଛୁ ଏକ ମହୌଷଧି ଭାବେ। ଏହା ଜୀବାଣୁନାଶକ ଓ ଥଣ୍ଡା ଶର୍ଦ୍ଦିର ଅବ୍ୟର୍ଥ ଔଷଧ। ଏହା ଶରୀରର ତ୍ରିଦୋଷ (ବାତ, ପିତ୍ତ ଓ କଫ) ମଧ୍ୟରେ ସନ୍ତୁଳନ ରକ୍ଷାକରିବା ସହିତ ରୋଗ ପ୍ରତିରୋଧକ ଶକ୍ତି ବଢ଼ାଇଥାଏ। ଏହା ଚତୁଃପାର୍ଶ୍ୱର ବାୟୁକୁ ମଧ୍ୟ ଶୁଦ୍ଧ ରଖିଥାଏ। ଗୃହ ସାମ୍ନାରେ ତୁଳସୀଗଛ ରହିଲେ ଅନିଷ୍ଟକାରୀ କୀଟ, କୀଟାଣୁ, ମଶା, ସାପ ଆଦି ଜୀବ ଦୂରେଇ ଯାଆନ୍ତି। ଶଙ୍ଖଧ୍ୱନିରେ ଏକପ୍ରକାର ସ୍ବତନ୍ତ୍ର ଗୁଣଥାଏ। ଏହି ଶବ୍ଦରେ କେତେକ ହାନିକାରକ ଏକକୋଷୀ ପ୍ରାଣୀ ମରିଯାନ୍ତି। ହିଂସ୍ର ପ୍ରାଣୀ ଓ ସରୀସୃପ ଜାତୀୟ ଜୀବମାନଙ୍କ ପାଇଁ ଏହି ଧ୍ୱନି ବିରକ୍ତିକର। ଏହି ଧ୍ୱନି ଶୁଣିଲେ ସେମାନେ ନିରାପଦ ଦୂରତାକୁ ଚାଲିଯାନ୍ତି। ମାତ୍ର ମଣିଷର ମସ୍ତିଷ୍କ ଅଧିକ ସକ୍ରିୟ ହୋଇଉଠେ ଏହି ଧ୍ୱନି ଶୁଣିଲେ। ଶଙ୍ଖ ଫୁଙ୍କୁଥିବା ବ୍ୟକ୍ତିର କର୍ଣ୍ଣରୋଗ ଦୂରେଇଯାଏ। ପୁଣି ଫୁସ୍‌ଫୁସ୍‌ ଖୁବ୍‌ ସକ୍ରିୟ ହୋଇଉଠେ, ଶ୍ରବଣ ଶକ୍ତି ବୃଦ୍ଧି ପାଏ। ଏଣୁ ଶଙ୍ଖ ଫୁଙ୍କିବାର ବିଧି ଆମ ଚଳଣିରେ ରହିଆସିଛି। ରୋଷେଇ ଘର ଭିତରେ ବି ବିଜ୍ଞାନ ଅଛି। ଆମ ଘରମାନଙ୍କରେ ରୋଷେଇ ଘରର ମହତ୍ତ୍ୱ ସର୍ବାଧିକ। ଘରଲୋକଙ୍କ ରୋଗର କାରଣ ବା ନିରାକରଣରେ ରୋଷେଇ ଘରର ଭୂମିକା ଖୁବ୍‌ ବେଶି। ଏଣୁ ପରିବାରର ଦୀର୍ଘ ଓ ନିରାମୟ ଜୀବନ କାମନା କରି ଆମ ପୂର୍ବଜମାନେ ଯୋଡ଼ି ଯାଇଛନ୍ତି କିଛି ଚଳଣି, ପ୍ରଥା ଓ ପରମ୍ପରା, ଯେଉଁଥିରେ ଭରା ଅଛି ବୈଜ୍ଞାନିକ ଯଥାର୍ଥତା। ଘର ଭିତରେ ରୋଷେଇ ଘରଟିକୁ ସର୍ବାଧିକ ସ୍ବଚ୍ଛ ପବିତ୍ର ରଖାଯାଏ। ଆଜି ବି ଗାଁ ଗହଳିରେ ସଜ ଗୋବରରେ ଦୈନିକ ଲିପାପୋଛା କରି ରୋଷେଇ ଘରଟିକୁ ଜୀବାଣୁମୁକ୍ତ କରିବାକୁ ପ୍ରଯନତ୍ କରାଯାଇଥାଏ। ବର୍ଷରେ ଥରେ ଅନ୍ତତଃ ପୂଜା ବା ହୋମ ଆଦି କରି ଘରର ସାତ୍ତ୍ୱିକତା ଅକ୍ଷୁଣ୍ଣ ରଖାଯାଇଥାଏ। ଅଗାଧୁଆ ବା ଅସ୍ବଚ୍ଛ ବସ୍ତ୍ର ପରିଧାନ କରି ରୋଷେଇ ଘରକୁ ଯିବା ବାରଣ ଅଛି। ପୁଣି ରୋଷେଇ ଘରକୁ ସମସ୍ତଙ୍କୁ ପ୍ରବେଶ ଅନୁମତି ନ ଥାଏ। ଯେହେତୁ ରାତ୍ରି ପର୍ଯ୍ୟନ୍ତ ରୋଷେଇ ଖାଦ୍ୟସାମଗ୍ରୀ ସାଇତା ତଥା ପରିବେଷଣ ପାଇଁ ସେ ଘରଟି ବ୍ୟବହୃତ ହୋଇଥାଏ, ସେଥିପାଇଁ ସଂଧ୍ୟା ପୂର୍ବରୁ ମହିଳାମାନେ ଦ୍ୱିତୀୟଥର ସ୍ନାନ କରିଥାନ୍ତି ଓ ଦିନସାରା ପିନ୍ଧିଥିବା ପରିଧାନକୁ ଧୋଇ ସ୍ବଚ୍ଛ ବସ୍ତ୍ର ପିନ୍ଧନ୍ତି। କୌଣସି ପରିସ୍ଥିତିରେ ବି ସେହି ଘରକୁ ଜୋତା ପିନ୍ଧି ଯିବାକୁ ଅନୁମତି ନଥାଏ। ସ୍ତ୍ରୀମାନେ ପାଦର ଅନାମିକା ଅଙ୍ଗୁଳିରେ ସୁନା ବା ରୁପାର ମୁଦି ପିନ୍ଧନ୍ତି। ଆମେ ଜାଣୁ ସୁନା, ରୁପା ଆଦି ଧାତୁ ସୁପରିବାହୀ। ଭୂପୃଷ୍ଠରୁ ଊର୍ଜ୍ଜା ଗ୍ରହଣ କରି ଏହା ଶରୀରକୁ ପ୍ରେରଣ କରେ। ଏହି ଅଙ୍ଗୁଳିର ଶିରାଗୁଡ଼ିକ ଜରାୟୁ ଓ ହୃତ୍‌ପିଣ୍ଡ ସହିତ ସଂଲଗ୍ନ। ସ୍ତ୍ରୀଲୋକ ଏହା ପିନ୍ଧିଲେ ମାସିକ ସମସ୍ୟାରୁ ତ୍ରାହି ମିଳିଥାଏ। ହୃତ୍‌ପିଣ୍ଡ ସକ୍ରିୟ ଓ ସୁସ୍ଥ ରହେ। ଆମେ ଜାଣୁ ପୃଥିବୀ ଏକ ବିଶାଳ ଚୁମ୍ବକୀୟ କ୍ଷେତ୍ର। ଆମ ଶରୀର ମଧ୍ୟ ଚୁମ୍ବକୀୟ ଗୁଣଯୁକ୍ତ। ଉତ୍ତର ଦିଗକୁ ମୁଣ୍ଡ କରି ଶୋଇବା ଫଳରେ ପୃଥିବୀର ଚୁମ୍ବକୀୟ କ୍ଷେତ୍ର ଆମ ଶରୀର ଉପରେ ପ୍ରତିକୂଳ ପ୍ରଭାବ ପକାଇଥାଏ। ଉତ୍ତର ଦିଗକୁ ମୁଣ୍ଡକରି ଶୋଇବା ଯୋଗୁ ରକ୍ତ ସଞ୍ଚାଳନରେ ବ୍ୟାଘାତ ଘଟେ। ହୃଦ୍‌ସ୍ପନ୍ଦନ ଉପରେ ଚାପ ପଡ଼େ। ରକ୍ତରେ ଥିବା ଲୌହକଣିକାଗୁଡ଼ିକ ଉତ୍ତର ଦିଗକୁ ଆକର୍ଷିତ ହୋଇ ମସ୍ତିଷ୍କରେ ଜମାଟ ବାନ୍ଧନ୍ତି। ଫଳରେ ହୃଦ୍‌ରୋଗ, ଉଚ୍ଚ ରକ୍ତଚାପ, ମୁଣ୍ଡବିନ୍ଧା, ଚିଡ଼ିଚିଡ଼ା ସ୍ବଭାବ ତଥା ଅକାଳ ବାର୍ଦ୍ଧକ୍ୟ ଆଦି ଦେଖାଦିଏ। ଏଣୁ ଉତ୍ତରଦିଗକୁ ମୁଣ୍ଡକରି ଶୋଇବାକୁ ସମ୍ପୂର୍ଣ୍ଣ ବାରଣ କରାଯାଇଥାଏ। ସେମିତି ସାଧୁ, ସଜ୍ଜନ ବା ଗୁରୁଜନମାନଙ୍କ ଚରଣ ସ୍ପର୍ଶ କରି ଆମେ ଭକ୍ତି ବାଢ଼ିଥାଉ। ପ୍ରଥମତଃ ମଣିଷର ପରମ ଶତ୍ରୁ ଆମର ଅହଂଭାବ ମନରୁ ଦୂରେଇଯାଇ ନମ୍ରତାଭାବ ଜାତ ହୁଏ। ଆମ ଶରୀରର ସ୍ନାୟୁଗୁଡ଼ିକର ଉଦ୍‌ଗମସ୍ଥଳ ମସ୍ତିଷ୍କରୁ ଶେଷାଗ୍ର (ଅଙ୍ଗୁଳି) ପର୍ଯ୍ୟନ୍ତ ପ୍ରଲମ୍ବିତ। ଆମ ହାତ ଓ ପାଦର ଅଙ୍ଗୁଳି ନେଗେଟିଭ୍‌ ପୋଲ୍‌ ଏବଂ ମୁଣ୍ଡ ପଜିଟିଭ୍‌ ପୋଲ୍‌ର କାର୍ଯ୍ୟ କରେ। ଗୁରୁଜନ ମୁଣ୍ଡକୁ ଛୁଇଁ ଆଶୀର୍ବାଦ କଲାବେଳେ ତାଙ୍କର ଶକ୍ତି ଓ ଗୁଣ ଆମ ଭିତରେ ସଞ୍ଚାରିତ ହୁଏ। ପୁଣି ସେମାନଙ୍କଠାରୁ ସକାରାମତ୍କ ଭାବନା, ସାତ୍ତ୍ୱିକ ଚିନ୍ତନ, ଦିବ୍ୟତ୍ୱଭାବ ଆମ ଭିତରେ ପ୍ରବେଶ କରିଥାଏ। କିନ୍ତୁ ପାଦ ଛୁଇଁ ପ୍ରଣାମ କରିବା ଠିକ୍‌ ନୁହେଁ, କାରଣ ଏହାଦ୍ୱାରା ଆମର ମଙ୍ଗଳ ହେଲେ ବି ଗୁରୁଜନଙ୍କର ଆୟୁହାନି ଘଟେ। ଏହିଭଳି ଯୁଗ ଯୁଗ ଧରି ଚଳି ଆସିଥିବା ବିଧି-ବ୍ୟବସ୍ଥା, ପ୍ରଥା-ପରମ୍ପରାରେ ବିଶୁଦ୍ଧ ବିଜ୍ଞାନ ଲୁଚି ରହିଛି। ଅଣଦେଖା ନ କରି ଆମେ ତାକୁ ଆଦରି ବସିଲେ ଆମର ଲାଭ ହିଁ ଲାଭ।
ମୋ- ୯୪୩୭୪୩୬୦୭୩

All Right Reserved By

ସମ୍ପାଦକୀୟ |

ପାକିସ୍ତାନର ପରବର୍ତ୍ତୀ ତ୍ରାଣକର୍ତ୍ତା

ପାକିସ୍ତାନର ପରବର୍ତ୍ତୀ ତ୍ରାଣକର୍ତ୍ତା

ଆକାର ପଟେଲ ପାକିସ୍ତାନ ଅପେକ୍ଷା କରିଛି ତା’ର ପରବର୍ତ୍ତୀ ତ୍ରାଣକର୍ତ୍ତା ଦ୍ରୁତ ବୋଲର ଇମ୍ରାନ୍‌ ଖାନ୍‌ଙ୍କୁ, ଯିଏ କି ଚଳିତ ମାସରେ ହେବାକୁ ଯାଉଥିବା ନିର୍ବାଚନରେ ଜିତି ପ୍ରଧାନମନ୍ତ୍ରୀ ହେବାର ଯଥେଷ୍ଟ ସମ୍ଭାବନା ରହିଛି। ଦେଶର ସେନା ତଥା ପ୍ରଭାବଶାଳୀ ଅମଲାତନ୍ତ୍ରୀମାନେ ତାଙ୍କୁ ସମର୍ଥନ କରୁଥିବା ବେଳେ ଗଣମାଧ୍ୟମରେ ଏପରି ଖବର ପ୍ରକାଶ ପାଉଛି। କଶ୍ମୀରୀ ମୂଳ ପଞ୍ଜାବୀ ନେତା ନଓ୍ବାଜ ଶରିଫ ଗିରଫ ହୋଇ ଜେଲ ଯିବା ଏ ଦିଗରେ ଅନ୍ତିମ ପଦକ୍ଷେପ। ଖାନ୍‌ଙ୍କ ଦଳ ତେହରିକ୍‌ ଇ ଇନ୍‌ସାଫ ଖାଇବର ପାଖତୁନ୍‌ଖ୍ବା ଅଞ୍ଚଳରେ ମଜଭୁତ ଥିବା ବେଳେ ଶରିଫଙ୍କ ଦଳ ମଧ୍ୟ ଏ ଅଞ୍ଚଳରେ ବେଶ୍‌ ଶକ୍ତିଶାଳୀ ରହିଛି। ଦୁର୍ନୀତି ଓ ବିପୁଳ ସମ୍ପତ୍ତି ଠୁଳ ଅଭିଯୋଗରେ ଦୋଷୀ ସାବ୍ୟସ୍ତ ହୋଇ ଶରିଫ ଯଦି ଜେଲ ଯାଇ ନ ଥାନ୍ତେ ତେବେ ଗଣତାନ୍ତ୍ରିକ ଭାବେ ସଫଳତା ପାଇବା ଖାନ୍‌ଙ୍କ ...

ସେଇ ଆଖି ଦିଓଟି

ସେଇ ଆଖି ଦିଓଟି

ଚିତ୍ର ଚରିତ୍ର/ ନିରଞ୍ଜନ ପାଢ଼ୀ ବଡ ରହସ୍ୟମୟ ସେଇ ଆଖି ଦିଓଟି। ବିଶ୍ୱାସ ଓ ବିଜ୍ଞାନର ଦ୍ୱନ୍ଦ୍ୱ ମଧ୍ୟରେ ସେଇ ଆଖି ଦିଓଟିର ଆକର୍ଷଣ ଯେମିତି ଅଭିନବ, ସେମିତି ଅବୋଧ୍ୟ। କାଳ କାଳ ଧରି ଏହା ଆକର୍ଷିତ କରିଆସିଛି ବିଶ୍ୱର ଅଗଣିତ ମଣିଷଙ୍କୁ। ଜାତି, ଧର୍ମ, ବର୍ଣ୍ଣ, ଲିଙ୍ଗ ବା ବୟସ ନିର୍ବିଶେଷରେ ବିମୋହିତ କରିଛି ମୂର୍ଖଙ୍କଠାରୁ ପଣ୍ଡିତଙ୍କ ଯାଏଁ, ଧନୀଙ୍କଠୁ ନିର୍ଦ୍ଧନଙ୍କ ପର୍ଯ୍ୟନ୍ତ। ସେଇ ଆଖି ଦିଓଟି ସହ ନିଜ ନିଜର ଆଖି ମିଶାଇବା ପୂର୍ବରୁ ଅବଶ୍ୟ ଅଭିଳାଷରେ ଅତିଷ୍ଠ ହୋଇଛନ୍ତି ସଭିଏଁ ଓ ଚାରିଚକ୍ଷୁର ମିଳନ ପରେ ଅମୃତମୟ ଅନୁଭବରେ ବିଭୋର ହୋଇଛନ୍ତି ସମସ୍ତେ।...

ଅନନ୍ୟ ବିଚାରକ

ଅନନ୍ୟ ବିଚାରକ

ବ୍ୟକ୍ତିତ୍ୱ/ଜିତେନ୍ଦ୍ର ବିଶିଷ୍ଟ ସ୍ଥପତି ରଘୁନାଥ ମହାପାତ୍ର, ଶାସ୍ତ୍ରୀୟ ଶିଳ୍ପୀ ସୋନାଲ ମାନ୍‌ସିଂ, ପୂର୍ବତନ ଏମ୍‌ପି ରାମ ଶକଲ ଏବଂ ରାଷ୍ଟ୍ରୀୟ ସ୍ବୟଂସେବକ ସଂଘ (ଆର୍‌ଏସ୍‌ଏସ୍‌) ବିଚାରକ ତଥା ଦିଲ୍ଲୀ ବିଶ୍ୱବିଦ୍ୟାଳୟ ପ୍ରଫେସର ରାକେଶ ସିହ୍ନାଙ୍କୁ ୨୦୧୮ ଜୁଲାଇ ୧୪ରେ ରାଷ୍ଟ୍ରପତି ରାମନାଥ କୋବିନ୍ଦ ରାଜ୍ୟ ସଭାକୁ ମନୋନୀତ କରିଛନ୍ତି। ପ୍ରତ୍ୟେକ ନିଜ କ୍ଷେତ୍ରରେ ଉତ୍ତମ ପାରଦର୍ଶିତା ଦେଖାଇ ସାରିଛନ୍ତି। ତେବେ ବିଚାରଗତ ଆଦର୍ଶ ଓ ଶିକ୍ଷା କ୍ଷେତ୍ରରେ ଉତ୍କର୍ଷ ଲାଭ କରି ଚର୍ଚ୍ଚିତ ...

ଏଇ ଭାରତରେ

ଏଇ ଭାରତରେ

ସରକାରୀ ସ୍କୁଲର କେତେକ ଛାତ୍ର ଘରୋଇ ସ୍କୁଲ୍‌ମୁହଁା ହେଉଥିବା ବେଳେ ସେମାନଙ୍କୁ ଏଥିରୁ ନିବୃତ୍ତ କରିବା ପାଇଁ ବିଭାଗୀୟ କର୍ତ୍ତୃପକ୍ଷ ଏକ ଅଭିନବ ଉପାୟ ଆପଣାଇଛନ୍ତି। କର୍ନାଟକସ୍ଥିତ ମହୀଶୂର ଜିଲାର ନାଞ୍ଜାନଗୁଡ ତାଲୁକ ଅଧୀନ ଏକ ସରକାରୀ ସ୍କୁଲ କାନ୍ଥକୁ ଟ୍ରେନ୍‌ ଭଳି ଚିତ୍ରିତ କରାଯାଇଛି। ଏହାକୁ ଏକ ନୂଆ ରୂପ ଦେବାଦ୍ୱାରା ପିଲା ଓ ଅଭିଭାବକଙ୍କ ଦୃଷ୍ଟିଭଙ୍ଗୀ ବଦଳିଯିବ ବୋଲି ବ୍ଲକ୍‌ ଶିକ୍ଷା ଅଧିକାରୀ ଏମ୍‌. ନାରାୟଣ ପ୍ରକାଶ କରିଛନ୍ତି। ପ୍ରଥମରୁ ...

ବିହାରକୁ ରାସ୍ତା

ବିହାରକୁ ରାସ୍ତା

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ଜାତୀୟ ରାଜପଥ ପ୍ରାଧିକରଣ (ଏନ୍‌ଏଚ୍‌ଏଆଇ)ର ଅଧ୍ୟକ୍ଷ ଥିବା ବିହାର କ୍ୟାଡର ଆଇଏଏସ୍‌ ଅଫିସର ଦୀପକ କୁମାରଙ୍କ ଡେପୁଟେଶନ ଅବଧି ପୂରା ହୋଇ ନ ଥିବାବେଳେ ତାଙ୍କୁ ନିଜ ରାଜ୍ୟ ବିହାରର ରାସ୍ତା ଦେଖାଇ ଦିଆଯିବା ଘଟଣାକୁ ନେଇ ଅନେକଙ୍କ ମନରେ ସନ୍ଦେହ ସୃଷ୍ଟି ହୋଇଛି ଯେ, ତାଙ୍କୁ ହୁଏତ ରାଜ୍ୟର ପରବର୍ତ୍ତୀ ମୁଖ୍ୟ ଶାସନ ସଚିବ କରାଯାଇପାରେ। ରାଜପଥଗୁଡ଼ିକୁ ନିଲାମ କରି ସେଥିରୁ ଟଙ୍କା ଛାଣିବାରେ ଏନ୍‌ଏଚ୍‌ଏଆଇ ବ୍ୟସ୍ତ ଥିବାବେଳେ ଦୀପକ କୁମାରଙ୍କ ବିଦାୟ ଏକ ଗୁରୁତ୍ୱପୂର୍ଣ୍ଣ ଘଟଣା। ସଡ଼କ ପରିବହନ ଓ ରାଜପଥ ମନ୍ତ୍ରୀ ନୀତିନ୍‌ ଗଡ଼କରୀ ପୂର୍ବରୁ କହିଥିଲେ ଯେ, ବିଭିନ୍ନ ପର୍ଯ୍ୟାୟରେ କେନ୍ଦ୍ର ସରକାର ୧୦୫ଟି ରାଜପଥକୁ ଟୋଲ ଫି ପାଇଁ ନିଲାମ କରିବା ମାଧ୍ୟମରେ ଟଙ୍କା ଆଦାୟ କରିବେ, ଯେଉଁଥିରୁ ଦେଢ଼ଲକ୍ଷ କୋଟି ଟଙ୍କା ଆଦାୟ ...

ଘୋଷଯାତ୍ରାର ଉଦ୍‌ଘୋଷଣ

ଘୋଷଯାତ୍ରାର ଉଦ୍‌ଘୋଷଣ

ଡ. ପ୍ରଫୁଲ୍ଲ କୁମାର ସାହୁ ମହାପ୍ରଭୁ ଶ୍ରୀଜଗନ୍ନାଥ ଓଡ଼ିଆ ଜାତିର ଆରାଧ୍ୟ ଦେବତା। ସେ ଏ ଜାତିର ସାଂସ୍କୃତିକ ଓ ରାଜନୈତିକ ଚିନ୍ତନର ସର୍ବମୟ କର୍ତ୍ତା। ଜନ୍ମଠାରୁ ମୃତ୍ୟୁ ପର୍ଯ୍ୟନ୍ତ ପ୍ରତିଟି ସ୍ତରରେ, ପ୍ରତିଟି କାର୍ଯ୍ୟରେ ଓଡ଼ିଆ ଜାତି ଶ୍ରୀଜଗନ୍ନାଥଙ୍କୁ ଆଶ୍ରା କରିଛି ଏବଂ ତାଙ୍କରି ନାମରେ ନିଜକୁ ପରିଚିତ କରେଇଛି ବିଶ୍ୱ ଦରବାରରେ। ସେଥିପାଇଁ ଶ୍ରୀଜଗନ୍ନାଥଙ୍କୁ କେନ୍ଦ୍ରକରି କେଉଁ ସ୍ମରଣାତୀତ କାଳରୁ ଓଡ଼ିଶାର ଜନଜୀବନରେ ପ୍ରବାହିତ ହୋଇଛି ଏକ ସମନ୍ବୟାତ୍ମକ ସାଂସ୍କୃତିକ ସ୍ରୋତ। ଏ ସ୍ରୋତରେ ସମ୍ମିଳିତ ହୋଇଛି ମାନବ ସମାଜର ସଞ୍ଚତ୍ତ ଓ ପରୀକ୍ଷିତ ସକଳ ଦର୍ଶନତତ୍ତ୍ୱ। ସେ ତତ୍ତ୍ୱ କିନ୍ତୁ କୌଣସି ଦାର୍ଶନିକ ପ୍ରଜ୍ଞା ନୁହେଁ, ବରଂ ବ୍ୟକ୍ତି ତଥା ସମାଜ ଜୀବନର ଏକ ଦୃଷ୍ଟିକୋଣ; ଏକ ସାଂସ୍କୃତିକ ଅକଲବନ୍ଦୀ। ତା’ର ଉଦାର ଓ ମହାନ ଅନ୍ତଃପ୍ରେରଣାରେ ରହିଛି ମାନବଜାତିର ଜୀବନଚର୍ଯ୍ୟାକୁ ସରସ, ସୁନ୍ଦର ଓ ସୃଜନଶୀଳ କରି ଗଢିତୋଳିବା ନିମନ୍ତେ ଲୋକଶିକ୍ଷାର ବିସ୍ତୃତ ଅବତାରଣା।...

ଉତ୍କଳଘଣ୍ଟ କବି ଯଦୁମଣି

ଉତ୍କଳଘଣ୍ଟ କବି ଯଦୁମଣି

ଡ. ଉଦ୍ଧବ ଚରଣ ନାୟକ ଓଡିଶାରେ ଯଦୁମଣିଙ୍କୁ କିଏ ନ ଜାଣେ? ତାଙ୍କର ପୂରା ନାମ ଯଦୁମଣି ମହାପାତ୍ର। ସେ ଯେପରି ହାସ୍ୟରସିକ ଥିଲେ ସେହିପରି ଥିଲେ ଜଣେ ମହାନ୍‌ ଭକ୍ତକବି। ତାଙ୍କ ହାସ୍ୟରସିକତା ଥିଲା ବିଭୁଦତ୍ତ। ଷୋଳବର୍ଷ ବୟସରେ କବି ହେବାର ବାସନା ଜାଗ୍ରତ ହେଲା। ଗୁରୁଙ୍କ ଆଦେଶରେ ସେ କବିତ୍ୱ ଲାଭ କରିବା ପାଇଁ ଘୁମୁସର ରାଜ୍ୟ ବିଷ୍ଣୁଚକ୍ର ଗ୍ରାମର ପଞ୍ଚମୁଖ ଭଗବାନ କବିରାଜ ବାହିନୀପତିଙ୍କ ପାଖରେ ପହଞ୍ଚିଲେ। କବିରାଜେ ଦେଖିଲେ ପିଲାଟା ବ୍ରାହ୍ମଣ କୁଳରେ ଜନ୍ମ ନ ହେଲେ ମଧ୍ୟ ସଂସ୍କୃତ ଭାଷାରେ ଗଭୀର ଜ୍ଞାନ ଅର୍ଜନ କରିଛି। ଏଣୁ ସେ ଯଦୁମଣିଙ୍କ ମନସ୍କାମନା ପୂରଣ ନିମନ୍ତେ ଭଗବାନ ହୟଗ୍ରୀବଙ୍କ ପୂଜାକରି ହୟଗ୍ରୀବ ମନ୍ତ୍ରସାଧନା ନିମନ୍ତେ ଆଦେଶ ଦେଲେ। ...

ଏଇ ଭାରତରେ

ଏଇ ଭାରତରେ

ଗାଈ ଓ ବାଘ ମଧ୍ୟରେ ଖାଦ୍ୟ-ଖାଦକ ସମ୍ପର୍କ। ଗାଈ ତୃଣଭୋଜୀ ପ୍ରାଣୀ। ବାଘ ମାଂସାଶୀ। ବାଘ ଜଙ୍ଗଲର ଏକ ହିଂସ୍ର ତଥା ଶିକାରୀ ପ୍ରାଣୀ। ବାଘ ଗାଈକୁ ଆକ୍ରମଣ କରିବା ସ୍ବାଭାବିକ କଥା। କିନ୍ତୁ ଗାଈ ଆକ୍ରମଣରେ ଗୋଟିଏ ଚିତାବାଘ ମୃତ୍ୟୁବରଣ କରିବା ଆଶ୍ଚର୍ଯ୍ୟଜନକ ମନେହେଲେ ମଧ୍ୟ ସତ୍ୟ। ନିକଟରେ ଔରଙ୍ଗାବାଦ୍‌ସ୍ଥିତ ଗୌତଲା ବନ୍ୟପ୍ରାଣୀ ଅଭୟାରଣ୍ୟରେ ଏପରି ଏକ ବିପରୀତ ଘଟଣା ଘଟିଛି। ସୋମବାର ସକାଳେ ଗୌତଲାର ଭାମ୍ବରଓ୍ବାଡି ଶାଇଭରଠାରେ ଗୋଟିଏ ବାଛୁରୀକୁ ଚିତାବାଘ ଆକ୍ରମଣ କରି ମାରିଦେଇଥିଲା। ଏହା ଦେଖି ପଲେ ଗାଈ ଉକ୍ତ ବାଘକୁ ଘେରିଯାଇ ଏହା ଉପରେ ପାଲଟା ...

ଆଜିର ଅର୍ଥନୀତି/ସଂକଳ୍ପର ସମୟ

ଆଜିର ଅର୍ଥନୀତି/ସଂକଳ୍ପର ସମୟ

କେଉଁ ରାଜ୍ୟରେ କେତେ ସ୍ବଚ୍ଛନ୍ଦରେ ବ୍ୟବସାୟ କରାଯାଇପାରିବ, ସେ ଦୃଷ୍ଟିରୁ ବିଶ୍ୱବ୍ୟାଙ୍କ ତଥା ଶିଳ୍ପନୀତି ଓ ଉନ୍ନୟନ ବିଭାଗ (ଡିଆଇପିପି) ତରଫରୁ ନିକଟରେ ଏକ ର଼୍ୟାଙ୍କିଙ୍ଗ୍‌ ପ୍ରକାଶ ପାଇଛି। ଭାରତର ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ ନେଇ ହୋଇଥିବା ଏହି ର଼୍ୟାଙ୍କିଙ୍ଗ୍‌ରେ ଆନ୍ଧ୍ରପ୍ରଦେଶର ସ୍ଥାନ ସବା ଉପରେ ରହିଛି। ଏହାର ପଡ଼ୋଶୀ ତଥା ଦେଶର ନୂତନତମ ରାଜ୍ୟ ତେଲେଙ୍ଗାନା ଦୁଇ ନମ୍ବରରେ ରହିଛି। ହରିୟାଣା ଓ ଝାଡ଼ଖଣ୍ଡ ତିନୋଟି ଲେଖାଏ ପାହାଚ ଉପରକୁ ଉଠି ଯଥାକ୍ରମେ ତୃତୀୟ ଓ ଚତୁର୍ଥ ସ୍ଥାନ ପାଇଥିବା ବେଳେ ଦେଶର ଅନ୍ୟତମ ଶିଳ୍ପସମୃଦ୍ଧ ରାଜ୍ୟ ଗୁଜରାଟ ଦୁଇଟା ପାହାଚ ତଳକୁ ଖସି ପଞ୍ଚମ ସ୍ଥାନରେ ପହଞ୍ଚିଛି। ଅନ୍ୟ ଯେଉଁ ରାଜ୍ୟଗୁଡ଼ିକ ର଼୍ୟାଙ୍କିଙ୍ଗ୍‌ରେ ଭଲ ପ୍ରଦର୍ଶନ କରିଛନ୍ତି, ସେମାନେ ହେଉଛନ୍ତି ଛତିଶଗଡ଼, ମଧ୍ୟପ୍ରଦେଶ, କର୍ନାଟକ ଓ ରାଜସ୍ଥାନ। ଇଜ୍‌ ଅଫ୍‌ ଡୁଇଙ୍ଗ୍‌ ବିଜ୍‌ନେସ ବା ସ୍ବଚ୍ଛନ୍ଦ ବ୍ୟବସାୟ ସୁଯୋଗ ହେଉଛି ଏକ ସୂଚକାଙ୍କ, ଯାହା ବିଭିନ୍ନ ମାନଦଣ୍ଡକୁ ନେଇ ବିଚାର କରାଯାଏ। ଯେମିତି କେଉଁ ...

ବୈଚିତ୍ର୍ୟମୟ ଦେବତା ଶ୍ରୀଜଗନ୍ନାଥ

ବୈଚିତ୍ର୍ୟମୟ ଦେବତା ଶ୍ରୀଜଗନ୍ନାଥ

ଡ. ପ୍ରଦୀପ କୁମାର ଚୌଧୁରୀ ଶ୍ରୀଜଗନ୍ନାଥ ହେଉଛନ୍ତି ହିନ୍ଦୁଧର୍ମ ତଥା ସବୁଧର୍ମର ସମନ୍ବୟର ପ୍ରତୀକ । କୌଣସି ନିର୍ଦ୍ଦିଷ୍ଟ ଜାତି, ଧର୍ମ, ଗୋଷ୍ଠୀ, ଅଞ୍ଚଳ, ରାଜ୍ୟ କିମ୍ବା ଦେଶର ସେ ପ୍ରତୀକ ନୁହନ୍ତି। ସେ ଜଗତର ପ୍ରତୀକ। ଭାରତର ପୂର୍ବରେ ପୁରୀ, ପଶ୍ଚିମରେ ଦ୍ୱାରକା, ଉତ୍ତରରେ ବଦ୍ରିନାଥ ଏବଂ ଦକ୍ଷିଣରେ ରାମେଶ୍ୱର, ଏହି ଚାରିକ୍ଷେତ୍ର ‘ଚତୁର୍ଧାମ’ ରୂପେ ହିନ୍ଦୁଧର୍ମରେ ମାନ୍ୟତା ଲାଭ କରିଛି। ଏହି ଚତୁର୍ଧାମ ମଧ୍ୟରୁ ପୁରୀ ହିନ୍ଦୁମାନଙ୍କର ଶ୍ରେଷ୍ଠ ଧାମ। ଏହି କ୍ଷେତ୍ରର ସ୍ବତନ୍ତ୍ର ବୈଶିଷ୍ଟ୍ୟ ରହିଛି। ଏହି କ୍ଷେତ୍ରରେ ଭକ୍ତ ସାଲବେଗ, ଦାସିଆ ବାଉରୀ, ବନ୍ଧୁ ମହାନ୍ତି, ଗୁରୁ ନାନକ, ଜୟଦେବ, ଶ୍ରୀଚୈତନ୍ୟ, ଗଣପତି ଭଟ୍ଟ, ଶଙ୍କରାଚାର୍ଯ୍ୟଙ୍କ ପରି ଅନେକଙ୍କ ଭକ୍ତି ଅନୁଭୂତିର ପଟାନ୍ତର ନାହିଁ। ଏପରି କି ଯିଶୁଖ୍ରୀଷ୍ଟ ଏହି କ୍ଷେତ୍ରକୁ ଆସିଥିବା ଏବଂ ଏହି କ୍ଷେତ୍ରରୁ ତାଙ୍କର ଆଧ୍ୟାତ୍ମିକ ବୀଜ ଅଙ୍କୁରିତ ହୋଇଥିବା କୁହାଯାଏ। ଠିକ୍‌ ସେହିପରି ବୌଦ୍ଧଧର୍ମର ବହୁ ମୌଳିକ ଚିନ୍ତନ ସହ ଶ୍ରୀଜଗନ୍ନାଥ ଧର୍ମର ସାମଞ୍ଜସ୍ୟ ଉଲ୍ଲେଖଯୋଗ୍ୟ। ପ୍ରଭୁ ଜଗନ୍ନାଥ ନିରାକାର ପରଂବ୍ରହ୍ମ। ସେ କୌଣସି ଆକାର ...

 ଓଡ଼ିଆ ଅସ୍ମିତାର ଭଗୀରଥ

ଓଡ଼ିଆ ଅସ୍ମିତାର ଭଗୀରଥ

ଡ. ଭାଗ୍ୟଲିପି ମଲ୍ଲ ଊନବିଂଶ-ବିଂଶ ଶତାବ୍ଦୀରେ ଆମେ ଗୌରୀଶଙ୍କର ନାମରେ ପରିଚିତ ଯେଉଁ ମଣିଷ ଜଣଙ୍କୁ ଦେଖୁ ସେ ସକଳ ଦୃଷ୍ଟିରୁ ସ୍ବତନ୍ତ୍ର। ତେଣୁ ଓଡ଼ିଆ ଜାତିର ଅସ୍ମିତା, ଗଢ଼ଣ ଓ ପ୍ରତିଷ୍ଠା କ୍ଷେତ୍ରରେ ଆମେ ତାଙ୍କୁ ପ୍ରଥମ ବ୍ୟକ୍ତିତ୍ୱ ଭାବେ ଗ୍ରହଣ କରିପାରିବା। ୧୭୬୭-୬୮ ମସିହା ବେଳକୁ ଚିଲିକାର ଦକ୍ଷିଣକୁ ଥିବା ଓଡ଼ିଆଭାଷୀ ଅଞ୍ଚଳ ଏବଂ ୧୮୦୩ ମସିହାରେ ଉପକୂଳବର୍ତ୍ତୀ ଓଡ଼ିଆ ଅଞ୍ଚଳ ଇଂରେଜମାନଙ୍କ ଶାସନକୁ ଆସିଛି। ଏହିଠାରୁ ହିଁ ଊନବିଂଶ ଶତାବ୍ଦୀ ଓଡ଼ିଶାର ଆମତ୍ପରିଚିତି ପ୍ରତିଷ୍ଠା ପାଇଁ ଯେଉଁ ଆହ୍ବାନ ତାହା ପୂର୍ବ ପରିଚିତିଠାରୁ ସ୍ବତନ୍ତ୍ର। କାରଣ ଏଥର ଆମକୁ ବିଦେଶୀ ଧର୍ମ, ବିଦେଶୀ ଶାସନ ବ୍ୟବସ୍ଥା, ଆଇନକାନୁନ୍‌, ଆଧୁନିକ ...

ଏଇ ଭାରତରେ

ଏଇ ଭାରତରେ

ଦୁନିଆରେ ଅନେକ ଲୋକ ଅଛନ୍ତି ଯେଉଁମାନେ ସଚ୍ଚୋଟ ପଣିଆ ଦେଖାଇ ଅନ୍ୟମାନଙ୍କ ପାଇଁ ଉଦାହରଣ ପାଲଟି ଯାଆନ୍ତି। ସେହିମାନଙ୍କ ମଧ୍ୟରୁ ଜଣେ ହେଉଛନ୍ତି ତାମିଲନାଡୁ ଏରୋଡ୍‌ ଅଞ୍ଚଳର ୭ ବର୍ଷର ବାଳକ। ସେ ଏବେ ସ୍ଥାନୀୟ ଲୋକଙ୍କ ପାଇଁ ପ୍ରଶଂସାର ପାତ୍ର। ସେ ସ୍କୁଲ ସମ୍ମୁଖରେ ଖେଳୁଥିବା ବେଳେ ୫୦୦ଟଙ୍କିଆର ଏକ ବଣ୍ଡଲ୍‌ ପାଇଥିଲେ। ଏଥିରେ ଥିଲା ୫୦,୦୦୦ ଟଙ୍କାର ନୋଟ୍‌। ମହମ୍ମଦ୍‌ ୟାଶିନ୍‌ ନାମକ ଏହି ବାଳକ ନିକଟବର୍ତ୍ତୀ ଚିନ୍ନାସେମୁର ପଞ୍ଚାୟତ ୟୁନିୟନ୍‌ ସ୍କୁଲ୍‌ରେ ପାଠ ପଢ଼ନ୍ତି। ବୁଧବାର ଖେଳଛୁଟି ସମୟରେ ସେ ନୋଟ୍‌ବିଡାଟି ପାଇ ଶିକ୍ଷୟିତ୍ରୀଙ୍କୁ ଦେଇଥିଲେ। ଶିକ୍ଷୟିତ୍ରୀ ଟଙ୍କା ଧରି ପ୍ର...

Model This Week

ରୂପେଶ