ଖେଳ |

ଜାତୀୟ ଜୁନିୟର କବାଡ଼ି: ସାଇକୁ ଦ୍ୱିମୁକୁଟ

ଜାତୀୟ ଜୁନିୟର କବାଡ଼ି: ସାଇକୁ ଦ୍ୱିମୁକୁଟ

କଟକ ଅଫିସ,୧୫।୧୨

ଜବାହାରଲାଲ ନେହେରୁ ଇନ୍‌ଡୋର ଷ୍ଟାଡିୟମରେ ଚାଲିଥିବା ୪୪ତମ ଜୁନିୟର ଜାତୀୟ କବାଡ଼ି ଚାମ୍ପିୟନଶିପ୍‌ରେ ଭାରତୀୟ କ୍ରୀଡ଼ା ପ୍ରାଧିକରଣ(ସାଇ) ଉଭୟ ବାଳକ ଓ ବାଳିକା ବର୍ଗରେ ଚାମ୍ପିୟନ ହୋଇଛି। ବାଳକ ବର୍ଗରେ ସାଇ ଫାଇନାଲ ମୁକାବିଲାରେ ୩୯-୨୭ରେ ଉତ୍ତରପ୍ରଦେଶକୁ ପରାସ୍ତ କରିଥିଲା। ସେହିପରି ବାଳିକା ବର୍ଗରେ ସାଇ ଦଳ ୩୬-୨୬ରେ ହରିୟାଣାକୁ ହରାଇଥିଲା। ଏହାଛଡ଼ା ବାଳକ ବର୍ଗରେ ତାମିଲନାଡୁ ଓ ମହାରାଷ୍ଟ୍ର, ବାଳିକା ବର୍ଗରେ ମହାରାଷ୍ଟ୍ର ଓ ଉତ୍ତରପ୍ରଦେଶ ଯୁଗ୍ମ ତୃତୀୟ ସ୍ଥାନରେ ରହିଛନ୍ତି। ବାଳକ ବିଭାଗର ପ୍ରଥମ ସେମିଫାଇନାଲ ମ୍ୟାଚ୍‌ ଉତ୍ତରପ୍ରଦେଶ ଓ ତାମିଲନାଡୁ ମଧ୍ୟରେ ଖେଳାଯାଇଥିଲା। ଏଥିରେ ଉତ୍ତରପ୍ରଦେଶ ୪୧-୩୭ରେ ବିଜୟୀ ହୋଇ ଫାଇନାଲରେ ପ୍ରବେଶ କରିଥିଲା। ସାଇ ଓ ମହାରାଷ୍ଟ୍ର ମଧ୍ୟରେ ଅନୁଷ୍ଠିତ ଦ୍ୱିତୀୟ ସେମିଫାଇନାଲ ମ୍ୟାଚ୍‌ରେ ସାଇ ୫୬-୨୭ରେ ବିଜୟୀ ହୋଇଥିଲା। ସେହିପରି ବାଳିକା ବିଭାଗର ପ୍ରଥମ ସେମିଫାଇନାଲରେ ହରିୟାଣା ୩୩-୨୩ରେ ମହାରାଷ୍ଟ୍ରକୁ ଓ ଦ୍ୱିତୀୟ ସେମିଫାଇନାଲରେ ସାଇ ୩୪-୧୯ରେ ଉତ୍ତରପ୍ରଦେଶକୁ ହରାଇ ଫାଇନାଲକୁ ଉନ୍ନୀତ ହୋଇଥିଲା। ଭାରତୀୟ ଆମେଚର କବାଡ଼ି ଫେଡେରେଶନ୍‌ ଓ ଓଡ଼ିଶା କବାଡ଼ି ଆସୋସିଏଶନର ମିଳିତ ଆନୁକୂଲ୍ୟରେ ଅନୁଷ୍ଠିତ ପ୍ରତିଯୋଗିତାର ଉଦ୍‌ଯାପନୀ ଉତ୍ସବରେ ରାଜ୍ୟପାଳ ଡ. ଏସ୍‌.ସି ଜମିର ମୁଖ୍ୟଅତିଥି ଭାବେ ଯୋଗଦେଇଥିଲେ। ରାଜ୍ୟପାଳ ଜମୀର କହିଥିଲେ ଯେ, ବିଶ୍ୱର କ୍ରୀଡ଼ା କ୍ଷେତ୍ରରେ ଭାରତର ପ୍ରଦର୍ଶନ ଦିନକୁ ଦିନ ବୃଦ୍ଧି କରୁଛି। ଭାରତର ଯୁବବର୍ଗ କ୍ରୀଡ଼ା କ୍ଷେତ୍ରରେ ନିଜର ଉତ୍ସାହ ପ୍ରଦର୍ଶନ କରିବା ସହ ଭାରତକୁ ଗୌରବାନ୍ବିତ କରାଉଛନ୍ତି। ଦେଶର ପ୍ରତ୍ୟେକ କୋଣ ଅନୁକୋଣରେ ପ୍ରତିଭା ଲୁଚି ରହିଛି। ଏପରି କି ଗ୍ରାମାଞ୍ଚଳମାନଙ୍କରେ ମଧ୍ୟ ଲୁକ୍କାୟିତ ପ୍ରତିଭା ରହିଛି। ଉକ୍ତ ପ୍ରତିଭାମାନଙ୍କୁ ବଛାଯାଇ ଉପଯୁକ୍ତ ପ୍ରଶିକ୍ଷଣ ପ୍ରଦାନ କରାଗଲେ କ୍ରୀଡ଼ା କ୍ଷେତ୍ରରେ ଭାରତ ଅଧିକ ଶକ୍ତିଶାଳୀ ହେବ। ରାଜ୍ୟ କ୍ରୀଡ଼ା ଓ ଯୁବ ବିଭାଗ କମିଶନର ତଥା ସଚିବ ବିଶାଲ କୁମାର ଦେବ ସମ୍ମାନିତ ଅତିଥି ଭାବେ ଯୋଗଦେଇଥିଲେ। ରାଜ୍ୟ ଆସୋସିଏଶନ ସଭାପତି ଶରତ କୁମାର ସାହୁ ସ୍ବାଗତ ଭାଷଣ ପ୍ରଦାନ କରିଥିଲେ। ଏହି ଅବସରରେ ଏକ ସ୍ମରଣିକା ପ୍ରକାଶ ପାଇଥିଲା। ସମ୍ପାଦକ ଅଜୟ କୁମାର ବେହେରା ସଭାକାର୍ଯ୍ୟ ପରିଚାଳନା କରିଥିଲେ। ଉପସଭାପତି ପୃଥ୍ବୀରାଜ ପଟ୍ଟନାୟକ, ଶୁଭ୍ରାଂଶୁ ଶେଖର ସାହୁ, ଜୟଶ୍ରୀ ସ୍ବାଇଁ, କାର୍ଯ୍ୟକାରୀ ସଭାପତି ଦେବେନ୍ଦ୍ର ସାହୁ, କୋଷାଧ୍ୟକ୍ଷ ସୂର୍ଯ୍ୟକାନ୍ତ ମିଶ୍ର, ଯୁଗ୍ମ ସମ୍ପାଦକ ବସନ୍ତ କୁମାର ସାହୁ, ଲୋକସମ୍ପର୍କ ଅଧିକାରୀ ଶୁଭେନ୍ଦୁ କୁମାର ଭୂୟାଁ କାର୍ଯ୍ୟକ୍ରମ ପରିଚାଳନା କରିଥିଲେ। ଯୁଗ୍ମ ସମ୍ପାଦକ ସୂର୍ଯ୍ୟକାନ୍ତ ମହାନ୍ତି ଧନ୍ୟବାଦ ଅର୍ପଣ କରିଥିଲେ।

All Right Reserved By

Model This Week

Model This Week

ଖେଳ |

ୟୁଏଇରେ ଖେଳାଯାଇପାରେ ୨୦୧୯ ଆଇପିଏଲ୍‌

କଲିକତା,୨୭।୪- ଇଣ୍ଡିଆନ୍‌ ପ୍ରମିୟର ଲିଗ୍‌ (ଆଇପିଏଲ୍‌) ୧୨ତମ ସଂସ୍କରଣର କେତେକ ମ୍ୟାଚ୍‌ ୟୁନାଇଟେଡ୍‌ ଆରବ ଏମରାଇଟ୍ସ (ୟୁଏଇ)ରେ ଖେଳାଯାଇପାରେ। ଆଗାମୀ ବର୍ଷ ବହୁ ରାଜ୍ୟରେ ସାଧାରଣ ନିର୍ବାଚନ କାରଣରୁ ଏଭଳି ସମ୍ଭାବନା ରହିଥିବା ଦର୍ଶାଇଛନ୍ତି ବିସିସିଆଇ କର୍ମକର୍ତ୍ତା।

ପାକିସ୍ତାନ ହକି ଲିଜେଣ୍ଡଙ୍କୁ ଭାରତରେ ଫ୍ରି ଚିକିତ୍ସା

ପାକିସ୍ତାନ ହକି ଲିଜେଣ୍ଡଙ୍କୁ ଭାରତରେ ଫ୍ରି ଚିକିତ୍ସା

ବମ୍ବେ,୨୭।୪- ବିଶ୍ୱକପ୍‌ ଚାମ୍ପିୟନ୍‌ ପାକିସ୍ତାନ ହକି ଦଳର ଗୋଲ୍‌କିପର ମନସୁର ଅହମ୍ମଦଙ୍କୁ ଭାରତରେ ବିନା ଶୁଳ୍କରେ ଚିକିତ୍ସା ପାଇଁ ପ୍ରସ୍ତାବ ଦିଆଯାଇଛି। ୪୯ ବର୍ଷୀୟ ପୂର୍ବତନ ଖେଳାଳିଙ୍କୁ ଏବେ ଦୃହୟ ପ୍ରତ୍ୟାରୋପଣର ଆବଶ୍ୟକତା ରହିଛି। ଏଥିନେଇ ସେ ଭାରତୀୟ ସରକାରଙ୍କୁ ଭିଜା ମଞ୍ଜୁର କରିବା ପାଇଁ ନିବେଦନ କରିଛନ୍ତି। ମାଡ୍ରାସସ୍ଥିତ ଫୋର୍ଟିସ ମେଡିକାଲ ପକ୍ଷରୁ ହୃଦୟ ପ୍ରତ୍ୟାରୋପଣ ପାଇଁ ପ୍ରସ୍ତାବ ସହ ସମ୍ପୂର୍ଣ୍ଣ ଚିକିତ୍ସା ବିନା ଅର୍ଥରେ କରାଯିବା ନେଇ ଆଶ୍ୱାସନା ଦିଆଯାଇଛି।

ଫିଫା ବିଶ୍ୱକପ୍‌କୁ ଫେରିବେ ନାହିଁ ଇବ୍ରାମୋବିଚ୍‌

ଫିଫା ବିଶ୍ୱକପ୍‌କୁ ଫେରିବେ ନାହିଁ ଇବ୍ରାମୋବିଚ୍‌

ଷ୍ଟକହାମ,୨୭।୪- ଗତ ୨୦୧୬ ଅନ୍ତର୍ଜାତୀୟ ଫୁଟ୍‌ବଲରୁ ଅବସର ନେଇଥିବା ଷ୍ଟାର ଷ୍ଟ୍ରାଇକର ଜ୍ଲାଟାନ ଇବ୍ରାହିମୋବିଚ୍‌ ରୁଷିଆରେ ହେବାକୁ ଥିବା ଫିଫା ବିଶ୍ୱକପ୍‌ରେ ଖେଳିବେ ନାହିଁ। ଏ ନେଇ ସ୍ବିଡିଶ ଫୁଟ୍‌ବଲ ଫେଡେରେଶନ୍‌ ପକ୍ଷରୁ ଶୁକ୍ରବାର କୁହାଯାଇଛି।

ଷ୍ଟୁଟଗାର୍ଟ ଓପନ୍‌: କର୍ବର, ମୁଗୁରୁଜା ଆଉଟ୍‌

ଷ୍ଟୁଟଗାର୍ଟ ଓପନ୍‌: କର୍ବର, ମୁଗୁରୁଜା ଆଉଟ୍‌

ଷ୍ଟୁଟଗାର୍ଟ(ଜର୍ମାନୀ), ୨୭।୪- ଏଠାରେ ଚାଲିଥିବା ଷ୍ଟୁଟଗାର୍ଟ ଗ୍ରଁା ପ୍ରି ଟେନିସ୍‌ ଟୁର୍ନାମେଣ୍ଟ ମଧ୍ୟରୁ ପୂର୍ବତନ ଶୀର୍ଷ ର଼୍ୟାଙ୍କଧାରୀ ଖେଳାଳି ଆଞ୍ଜେଲିକ କର୍ବର ଓ ଓ୍ବିମ୍ବେଲଡନ୍‌ ଓପନ୍‌ ଚାମ୍ପିୟନ୍‌ ଗାର୍ବିନ ମୁଗୁରୁଜା ଓହରି ଯାଇଛନ୍ତି।

‘ଉଇକେଟ କିପର ଅଧା ଅଧିନାୟକ ଦାୟିତ୍ୱ ତୁଲାଇଥାଏ’

‘ଉଇକେଟ କିପର ଅଧା ଅଧିନାୟକ ଦାୟିତ୍ୱ ତୁଲାଇଥାଏ’

ଭାରତୀୟ କ୍ରିକେଟର ପୂର୍ବତନ ଉଇକେଟକିପର ତଥା ବ୍ୟାଟ୍ସମ୍ୟାନ କିରଣ ମୋରେ ଗୁରୁବାର କଟକ ଆସିଥିଲେ। ବୋଷ ଗ୍ରାଉଣ୍ଡରେ ୧୩ତମ ପି.ଭି.ଆର ମୂର୍ତ୍ତି ସ୍ମାରକୀ ଆନ୍ତଃ ବିଦ୍ୟାଳୟ କ୍ରିକେଟ ଟୁର୍ନାମେଣ୍ଟର ଉଦ୍‌ଯାପନୀ ଉତ୍ସବରେ ସେ ମୁଖ୍ୟଅତିଥି ଭାବେ ଯୋଗ ଦେଇଥିଲେ। ଏହି ଅବସରରେ ଏକ ସାକ୍ଷାତ୍‌କାରରେ ସେ ଓଡ଼ିଶାର କ୍ରିକେଟ ଓ ତାଙ୍କର କିଛି ସ୍ମରଣୀୟ ମୁହୂର୍ତ୍ତ ସମ୍ପର୍କରେ କହିଥିଲେ।

ସନ୍‌ରାଇଜର୍ସ ୧୩ ରନରେ ବିଜୟୀ

ସନ୍‌ରାଇଜର୍ସ ୧୩ ରନରେ ବିଜୟୀ

ହାଇଦ୍ରାବାଦ, ୨୭।୪-ଇଣ୍ଡିଆନ ପ୍ରିମିୟର ଲିଗ୍‌ର ଗୁରୁବାର ଅନୁଷ୍ଠିତ ଏକ ଲୋ ସ୍କୋରିଂ ମ୍ୟାଚରେ ସନ୍‌ରାଇଜର୍ସ ହାଇଦ୍ରାବାଦ ୧୩ ରନରେ କିଙ୍ଗ୍ସ ଇଲେଭେନ ପଞ୍ଜାବକୁ ହରାଇ ଦେଇଛି। ସନ୍‌ରାଇଜର୍ସ ପକ୍ଷରୁ ଧାର୍ଯ୍ୟ ୧୩୩ ରନ ବିଜୟ ଲକ୍ଷ୍ୟର ପିଛା କରି କିଙ୍ଗ୍ସ ଇଲେଭେନ ୧୯.୨ ଓଭରରେ ୧୧୯ ରନ କରି ଅଲଆଉଟ ହୋଇଯାଇଥିଲା।

ଥ୍ରୋ ବଲ୍‌ ଚାମ୍ପିୟନଶିପ୍‌ ୨୮ରୁ

କଟକ ଅଫିସ,୨୭।୪-ଓଡ଼ିଶା ରାଜ୍ୟ ଥ୍ରୋ ବଲ ଆସୋସିଏଶନ ଆନୁକୂଲ୍ୟରେ ଆସନ୍ତା ୨୮ରୁ କଟକସ୍ଥିତ ରେଳବାଇ ମିନି ଷ୍ଟାଡିୟମରେ ୪ର୍ଥ ରାଜ୍ୟସ୍ତରୀୟ ପ୍ରଜ୍ଞା ସ୍ମାରକୀ ଓ ୩ୟ କେ.ସି ମହାନ୍ତି ସ୍ମାରକୀ ଥ୍ରୋ ବଲ ଚାମ୍ପିୟନଶିପ୍‌ ଅନୁଷ୍ଠିତ ହେବ। ଏଥିରେ ଉଭୟ ପୁରୁଷ ଓ ମହିଳା ବର୍ଗର ୮ଟି ଲେଖାଏ ଦଳ ଅଂଶଗ୍ରହଣ କରିବେ। ଏ ନେଇ ଗୁରୁବାର ଅପରାହ୍ନରେ କଲେଜଛକସ୍ଥିତ ଏକ ହୋଟେଲରେ ଖବରଦାତା ସମ୍ମିଳନୀ ଅନୁଷ୍ଠିତ ହୋଇଥିଲା।

ପିଭିଆର୍‌ ମୂର୍ତ୍ତି ଆନ୍ତଃ ବିଦ୍ୟାଳୟ କ୍ରିକେଟ: କିସ୍‌ ଚାମ୍ପିୟନ

ପିଭିଆର୍‌ ମୂର୍ତ୍ତି ଆନ୍ତଃ ବିଦ୍ୟାଳୟ କ୍ରିକେଟ: କିସ୍‌ ଚାମ୍ପିୟନ

କଟକ ଅଫିସ,୨୭।୪-ୟୁନିୟନ ସ୍ପୋର୍ଟିଂ ଆନୁକୂଲ୍ୟରେ ବୋଷ ଗ୍ରାଉଣ୍ଡରେ ଚାଲିଥିବା ୧୩ତମ ପିଭିଆର ମୂର୍ତ୍ତି ସ୍ମାରକୀ ଆନ୍ତଃ ବିଦ୍ୟାଳୟ କ୍ରିକେଟ ଟୁର୍ନାମେଣ୍ଟର ଗୁରୁବାର ଖେଳାଯାଇଥିବା ଫାଇନାଲ ମ୍ୟାଚ୍‌ରେ ଭୁବନେଶ୍ୱରର କିସ୍‌ ୯୫ରନ୍‌ରେ କଟକର ସିଡିଏ ଡିଏଭିକୁ ପରାସ୍ତ କରି ଚାମ୍ପିୟନ ହୋଇଛି। ୫ବର୍ଷ ଧରି ଏହି ୨ଦଳ ଫାଇନାଲ ଖେଳି ଆସୁଛନ୍ତି। କ୍ରମାଗତ ୨ବର୍ଷ ହେଲା ଚାମ୍ପିୟନ ହୋଇଥିବା ଡିଏଭି ଏଥର ହ୍ୟାଟ୍ରିକ ଚାମ୍ପିୟନ ଲକ୍ଷ୍ୟରେ ରହିଥିଲା। ମାତ୍ର କିସ୍‌ ଏହି ଦଳକୁ ସେଥିରୁ ବଞ୍ଚତ୍ତ କରିଛି।

ଜୁନିୟର ଚୟନ କମିଟି ମୁଖ୍ୟ ଆଶିଷ କାପୁର

ଜୁନିୟର ଚୟନ କମିଟି ମୁଖ୍ୟ ଆଶିଷ କାପୁର

ନୂଆଦିଲ୍ଲୀ,୨୭।୪(ପି.ଟି.)- ପୂର୍ବତନ ଭାରତୀୟ ଅଫ୍‌ ସ୍ପିନର ଆଶିଷ କାପୁରଙ୍କୁ ସର୍ବଭାରତୀୟ ଜୁନିୟର ଚୟନ କମିଟି ମୁଖ୍ୟ ପଦରେ ନିଯୁକ୍ତ କରାଯାଇଛି। ଏ ନେଇ ଭାରତୀୟ କ୍ରିକେଟ୍‌ କଣ୍ଟ୍ରୋଲ ବୋର୍ଡ (ବିସିସିଆଇ) ପକ୍ଷରୁ ସ୍ପଷ୍ଟୀକରଣ ଦିଆଯାଇଛି। କାପୁରଙ୍କ ବ୍ୟତୀତ ଚୟନ କମିଟିର ସଦସ୍ୟ ଭାବେ ଜ୍ଞାନେନ୍ଦ୍ର ପାଣ୍ଡେ ଓ ରାକେଶ ପାରିଖଙ୍କୁ ଚୟନ କରାଯାଇଛି।

ଇଷ୍ଟ ବେଙ୍ଗଲ କୋଚ୍‌ ଖଲିଦ ଜମିଲ ବିଦା

ଇଷ୍ଟ ବେଙ୍ଗଲ କୋଚ୍‌ ଖଲିଦ ଜମିଲ ବିଦା

କଲିକତା,୨୭।୪(ପି.ଟି.)- ଇଷ୍ଟ ବେଙ୍ଗଲ ଦଳ ଗୁରୁବାର ମୁଖ୍ୟକୋଚ୍‌ ଖଲିଦ ଜମିଲଙ୍କୁ ବିତାଡ଼ିତ କରିଛି। ନିକଟ ଅତୀତରେ ଆଶାନୁଯାୟୀ ଖେଳ ପ୍ରଦର୍ଶନ କରିବାରେ ବିଫଳ ହେବାରୁ ଦଳ ପକ୍ଷରୁ ଏଭଳି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି। କିନ୍ତୁ ସୁଭାଷ ଭୋମିକ ଟେକନିକାଲ ଡିରେକ୍ଟର ଭାବେ କାର୍ଯ୍ୟ କରିବେ।

ଚାମ୍ପିୟନ୍ସ ଟ୍ରଫି ବଦଳରେ ଟି୨୦ ବିଶ୍ୱକପ୍‌ ଆୟୋଜନ ହେବ: ଆଇସିସି

ଚାମ୍ପିୟନ୍ସ ଟ୍ରଫି ବଦଳରେ ଟି୨୦ ବିଶ୍ୱକପ୍‌ ଆୟୋଜନ ହେବ: ଆଇସିସି

କଲିକତା, ୨୬।୪ (ପି.ଟି.)- ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତିକ୍ରମେ ଆନ୍ତର୍ଜାତିକ କ୍ରିକେଟ କାଉନସିଲ୍‌ (ଆଇସିସି) ଭାରତରେ ଆୟୋଜନ ହେବାକୁଥିବା ୫୦ ଓଭର ବିଶିଷ୍ଟ ଚାମ୍ପିୟନ୍ସ ଟ୍ରଫି ଟୁର୍ନାମେଣ୍ଟକୁ ଟି୨୦ ବିଶ୍ୱକପ୍‌ରେ ପରିଣତ କରିଛି। ଆଇସିସିର ୫ ଦିନିଆ ବୋର୍ଡ ବୈଠକ ଶେଷରେ ଏହି ନିଷ୍ପତ୍ତି ନିଆଯାଇଛି। ଆଇସିସି ମୁଖ୍ୟ କାର୍ଯ୍ୟନିର୍ବାହୀ ଡେଭ ରିଚାର୍ଡସନ ଏ ନେଇ ସୂଚନା ଦେଇଛନ୍ତି।

ଆଇଏଏଏଫ୍‌ର ନୂଆ ‘ଜେଣ୍ଡର’ ନିୟମରେ ଦୂତୀ ଆଶ୍ୱସ୍ତି

ଆଇଏଏଏଫ୍‌ର ନୂଆ ‘ଜେଣ୍ଡର’ ନିୟମରେ ଦୂତୀ ଆଶ୍ୱସ୍ତି

ନୂଆଦିଲ୍ଲୀ, ୨୬ା୪ (ପି.ଟି.)-ଇଣ୍ଟରନ୍ୟାଶନାଲ ଆସୋସିଏଶନ ଅଫ୍‌ ଆଥଲେଟିକ୍ସ ଫେଡେରେଶନ (ଆଇଏଏଏଫ) ପକ୍ଷରୁ ଗୁରୁବାର ନୂଆ ଲିଙ୍ଗଭେଦ ଅବା ଜେଣ୍ଡର ନିୟମ ଘୋଷଣା କରାଯାଇଛି। ଫଳରେ ବିଶେଷକରି ଦୀର୍ଘ ୪ବର୍ଷ ହେଲା ପୁରୁଣା ନିୟମର ଶିକାର ହୋଇ ମାନସିକ ଯନ୍ତ୍ରଣା ପାଇ ଆସିଥିବା ଭାରତର ଓଡ଼ିଆ ସ୍ପ୍ରିଣ୍ଟ କୁଇନ ଦୂତୀ ଚାନ୍ଦଙ୍କୁ ଆଶ୍ୱସ୍ତି ମିଳିଛି।