ଖେଳ |

‘ଅଲିମ୍ପିକ୍ସ ଅଭିଯାନ ପାଇଁ ଓଡ଼ିଶା ପ୍ରକୃଷ୍ଠ ସ୍ଥାନ’

‘ଅଲିମ୍ପିକ୍ସ ଅଭିଯାନ ପାଇଁ ଓଡ଼ିଶା ପ୍ରକୃଷ୍ଠ ସ୍ଥାନ’
ଓଡ଼ିଶା ହେଉଛି ଦେବଭୂମି। କରାଟେରେ ଏହି ରାଜ୍ୟର ସ୍ବତନ୍ତ୍ର ପରିଚୟ ରହିଛି। ଓଡ଼ିଶା କରାଟେକାମାନେ ଏବେ ଜାତୀୟ ଓ ଅନ୍ତର୍ଜାତୀୟ ସ୍ତରରେ ପଦକ ହାସଲ କରିସାରିଛନ୍ତି। ତେଣୁ ଅଲିମ୍ପିକ୍ସ ଅଭିଯାନ ପାଇଁ ଏହା ହିଁ ପ୍ରକୃଷ୍ଠ ସ୍ଥାନ। ଫେଡେରେଶନ କପ୍‌ କରାଟେ ଚାମ୍ପିୟନଶିପ୍‌ ଆରମ୍ଭ ପୂର୍ବରୁ ଶୁକ୍ରବାର ଉତ୍କଳ କରାଟେ ସ୍କୁଲରେ ଏକ ସ୍ବତନ୍ତ୍ର ସାକ୍ଷାତକାର ଅବସରରେ ଏହା ପ୍ରକାଶ କରିଛନ୍ତି ବିଶ୍ୱ କରାଟେ ଆସୋସିଏଶନ ଜଜ୍‌ ତଥା କରାଟେ ଆସୋସିଏଶନ ଅଫ୍‌ ଇଣ୍ଡିଆ(କାଇ)ର ବୈଷୟିକ ନିର୍ଦ୍ଦେଶକ ସିହାନ ପ୍ରେମଜିତ ସେନ୍‌। ଫେଡେରେଶନ କପ୍‌ କରାଟେ ଇତିମଧ୍ୟରେ ୧୬ତମ ସଂସ୍କରଣରେ ପହଞ୍ଚତ୍ଛି। ଆପଣ ଏଥର ଏହା ଆୟୋଜନ ପାଇଁ ଓଡ଼ିଶାକୁ କାହିଁକି ପସନ୍ଦ କରିଛନ୍ତି? ଓଡ଼ିଶା ହେଉଛି ଦେବଭୂମି। ଡକ୍ଟର ହରିପ୍ରସାଦ ପଟ୍ଟନାୟକଙ୍କ ପ୍ରଶିକ୍ଷଣରେ ଓଡ଼ିଶା ଜାତୀୟ ଓ ଅନ୍ତର୍ଜାତୀୟ କରାଟେରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିସାରିଛି। ହରିପ୍ରସାଦ ନିଜର ପୂରା ଜୀବନ କ୍ରୀଡ଼ା ପ୍ରତି ଉତ୍ସର୍ଗ କରିଛନ୍ତି। ଖେଳ ସମ୍ପର୍କରେ ତାଙ୍କ ଚିନ୍ତାଧାରା ଅତ୍ୟନ୍ତ ଉଚ୍ଚକୋଟୀର। ତାଙ୍କଠାରୁ ପ୍ରଶିକ୍ଷଣ ପାଇ ଓଡ଼ିଶା କରାଟେକାମାନେ ଜାତୀୟ ଓ ଅନ୍ତର୍ଜାତୀୟସ୍ତରରେ ପଦକ ହାସଲ କରିସାରିଛନ୍ତି। ଏଠାରେ ବହୁ କରାଟେ ପ୍ରତିଭା ଅଛନ୍ତି। ତେଣୁ ଅଲିମ୍ପିକ୍ସକୁ ଦୃଷ୍ଟିରେ ରଖି ଏପରି ଏକ ମାହୋଲ ମଧ୍ୟରେ ଆମେ ଅଭିଯାନ ଆରମ୍ଭ କରିବାକୁ ଆଗ୍ରହ ପ୍ରକାଶ କରିଛୁ। ଫେଡେରେଶନ କପ୍‌ ଆୟୋଜନର ମୁଖ୍ୟ ଲକ୍ଷ୍ୟ କ’ଣ? ତୃଣମୂଳସ୍ତରରୁ କରାଟେ ପ୍ରତିଭା ଅନ୍ବେଷଣ ଏବଂ ପ୍ରତିଭାଧର କରାଟେକାଙ୍କୁ ନେଇ ଏକ ଗ୍ରୁପ୍‌ ତିଆରି କରିବା ଆମର ମୁଖ୍ୟ ଲକ୍ଷ୍ୟ। ଏହାଦ୍ୱାରା ଆମେ ଅନ୍ତର୍ଜାତୀୟ ସ୍ତରରେ ନିଜର ଦବ୍‌ଦବା ବଜାୟ ରଖିପାରିବୁ। ଏହି ପ୍ରତିଯୋଗିତା ମାଧ୍ୟମରେ ଆମେ କିଛି ପରିମାଣରେ ସଫଳ ହୋଇଛୁ ମଧ୍ୟ। ଏଠାରେ ପ୍ରତିଯୋଗିତାର ମାନ କିପରି ରହିବ? ଫେଡେରେଶନ କପ୍‌ରେ ଅନେକ ଅନ୍ତର୍ଜାତୀୟସ୍ତରର ପ୍ରତିଯୋଗୀ ଅଂଶଗ୍ରହଣ କରିବେ। ୩-୪ ଜଣ ରାଜ୍ୟଗୋଷ୍ଠୀ କରାଟେ ଚାମ୍ପିୟନ ଏବଂ ଅନେକ ଜାତୀୟ ଚାମ୍ପିୟନଙ୍କ ଉପସ୍ଥିତିରେ ଏହା ଏକ ଟପ୍‌ କ୍ଲାସ୍‌ ପ୍ରତିଯୋଗିତା ହେବ। ସବ୍‌ଜୁନିୟର ସ୍ତରକୁ ଆମେ ଫୋକସ କରୁଛୁ। କାରଣ ଭବିଷ୍ୟତକୁ ଦୃଷ୍ଟିରେ ରଖିଲେ ଏହି ଗ୍ରୁପର ଖେଳାଳିମାନେ ହିଁ ଉପଯୁକ୍ତ ଟ୍ରେନିଂ ନେଇ ଆଗକୁ ଭଲ କରିପାରିବେ। ଫେଡେରେଶନ କପ୍‌ରେ କେଉଁ ରାଜ୍ୟରୁ ଅଧିକ ପ୍ରତିଯୋଗୀ ଅଂଶଗ୍ରହଣ କରିବେ? ପଶ୍ଚିମବଙ୍ଗରୁ ସର୍ବାଧିକ ୩୦୦ ପ୍ରତିଯୋଗୀ ଏହି ପ୍ରତିଯୋଗିତାରେ ଭାଗନେବା ଆମେ ଆଶା ରଖିଛୁ। ଦ୍ୱିତୀୟ ସର୍ବାଧିକ ଓଡ଼ିଶାରୁ ରହିବେ। କରାଟେକୁ ନେଇ ଆପଣ କ’ଣ ଭବିଷ୍ୟତ ଲକ୍ଷ୍ୟ ରଖିଛନ୍ତି? ଆମେ ଯଦି ଏବେଠାରୁ କରାଟେ ପ୍ରତିଭାଙ୍କୁ ଠାବ ନ କରିବୁ ତେବେ ଭବିଷ୍ୟତ ପାଇଁ ସମସ୍ୟା ଆସିବ। ତେଣୁ ଆମେ ଏପରି ଟୁର୍ନାମେଣ୍ଟ ଆୟୋଜନ କରୁଛୁ, ଯାହାଦ୍ୱାରା ପ୍ରତିଭାସମ୍ପନ୍ନ କରାଟେକାଙ୍କୁ ଆମେ ଚୟନ କରିପାରିବୁ। ସେମାନଙ୍କୁ ଆମେ ଭବିଷ୍ୟତରେ ହେବାକୁଥିବା ଅଲିମ୍ପିକ୍ସ ଆଦି ବଡ଼ ଟୁର୍ନାମେଣ୍ଟ ପାଇଁ ପ୍ରସ୍ତୁତ କରିପାରିବୁ। ଅନ୍ତର୍ଜାତୀୟସ୍ତରରେ କରାଟେରେ ଭାରତର ସ୍ଥାନ କିପରି ରହିଛି? ଭାରତ କରାଟେରେ ଦ୍ରୁତଗତିରେ ଉନ୍ନତି କରୁଛି। ପୂର୍ବରୁ ଆମେ କୌଣସି ବଡ଼ ପ୍ରତିଯୋଗିତାରେ ଭାଗ ନେବାବେଳେ ଲିଗ୍‌ ପର୍ଯ୍ୟାୟରେ ୧୦-୧୫ ସେକେଣ୍ଡ କିମ୍ବା କେତେ ସମୟ ପର୍ଯ୍ୟନ୍ତ ତିଷ୍ଠି ରହିବୁ ସେଥିନେଇ ଚିନ୍ତାରେ ଥିଲୁ। ମାତ୍ର ଏବେ ଭାରତ ଅନ୍ତର୍ଜାତୀୟ ସ୍ତରରେ ପଦକ ହାସଲ କରିବାରେ ସକ୍ଷମ ହୋଇଛି। ଏହା ଆମ ପାଇଁ ବଡ଼ ସଫଳତା। କରାଟେରେ ଭାରତର ବଡ଼ ସଫଳତା କହିଲେ କ’ଣ ବୁଝାଯିବ? ଭାରତ ରାଜ୍ୟଗୋଷ୍ଠୀ କ୍ରୀଡ଼ା, ସାଉଥ୍‌ ଏସିଆନ ଗେମ୍ସରେ ଆଧିପତ୍ୟ ବିସ୍ତାର କରୁଛି। ଏସିଆନ ଚାମ୍ପିୟନଶିପ୍‌ରେ ଏବେ ଆମକୁ ପଦକ ମିଳିବା ଆରମ୍ଭ ହୋଇଛି। ଏବେ ଆମେ ଆଉ ପଛରେ ନାହୁଁ। ଧୀରେଧୀରେ ଅନ୍ତର୍ଜାତୀୟସ୍ତରରେ ଆମେ ପ୍ରତିଦ୍ୱନ୍ଦ୍ୱୀଙ୍କୁ ଟକ୍କର ଦେଇ ନିଜର ସ୍ବତନ୍ତ୍ରତା ଜାହିର କରିପାରିଛୁ। ଅଲିମ୍ପିକ୍ସର ପ୍ରଶ୍ନ ଉଠିଲେ ଭବିଷ୍ୟତ ପାଇଁ କ’ଣ ଟାର୍ଗେଟ ରହିଛି? ଭାରତ ୨୦୨୦ ଅଲିମ୍ପିକ୍ସରେ ଅଂଶଗ୍ରହଣ କରିପାରିବ ନାହିଁ। କାରଣ ର଼୍ୟାଙ୍କିଙ୍ଗ୍‌ ଦୃଷ୍ଟିରୁ ବିଶ୍ୱର ଶ୍ରେଷ୍ଠ ୮ଟି ଦଳ ଅଲିମ୍ପିକ୍ସରେ ଭାଗନେବାର ନିୟମ ରହିଛି। ପ୍ରଥମେ ଭାରତ ଆଦୌ ର଼୍ୟାଙ୍କିଙ୍ଗରେ ସ୍ଥାନ ପାଉ ନ ଥିଲା। ପରେ ୧୨୦ରୁ ୧୩୦ ସ୍ଥାନ ମଧ୍ୟରେ ରହୁଥିଲା। ଏବେ ଭାରତ ୫୦ରୁ ୬୦ ମଧ୍ୟକୁ ଆସିବାରେ ସକ୍ଷମ ହୋଇଛି। ଆଉ ୨ଟି ଅଲିମ୍ପିକ୍ସ ପରେ ଭାରତ ଏହି ମେଗା ଇଭେଣ୍ଟ ପାଇଁ ଯୋଗ୍ୟତା ପାଇବା ଆଶା ରହିଛି। ଅଲିମ୍ପିକ୍ସ ଯୋଗ୍ୟତା ପାଇବାକୁ ହେଲେ ଆମକୁ କ’ଣ କରିବାକୁ ପଡ଼ିବ? ଆମକୁ ଏବେଠାରୁ ୧୦-୧୨ ବର୍ଷର ପ୍ରତିଭାସମ୍ପନ୍ନ ପିଲାଙ୍କୁ ନେଇ ଏକ ଗ୍ରୁପ୍‌ କରିବାକୁ ପଡ଼ିବ। ସେମାନଙ୍କ ପାଇଁ ପ୍ରାୟୋଜକ ନିହାତି ଆବଶ୍ୟକ। କାରଣ ୧୦-୧୨ ବର୍ଷର ପିଲାର ପଢ଼ିବା ଏବଂ ଟ୍ରେନିଂ ପାଇଁ ବହୁ ଅର୍ଥ ଆବଶ୍ୟକ ହେବ। ସରକାର ସେମାନଙ୍କ ଦାୟିତ୍ୱ ନେଲେ ଆମେ ନିଶ୍ଚିତ ଆଗାମୀ ଦିନରେ ଅଲିମ୍ପିକ୍ସରେ ପଦାର୍ପଣ କରିପାରିବୁ।
All Right Reserved By

ଖେଳ |

ଡିଫେଣ୍ଡିଂ ଚାମ୍ପିୟନ ଓ୍ବଜନିଆକିଙ୍କୁ ହରାଇଲେ ପ୍ଲିସ୍କୋଭା

ଡିଫେଣ୍ଡିଂ ଚାମ୍ପିୟନ ଓ୍ବଜନିଆକିଙ୍କୁ ହରାଇଲେ ପ୍ଲିସ୍କୋଭା

କାଲାଙ୍ଗ(ସିଙ୍ଗାପୁର), ୨୨।୧୦- ଏଠାରେ ଆରମ୍ଭ ହୋଇଥିବା ଡବ୍ଲ୍ୟୁଟିଏ ଫାଇନାଲ୍ସର ଉଦ୍‌ଘାଟନୀ ଦିବସରେ ବିପର୍ଯ୍ୟୟ ଦେଖିବାକୁ ମିଳିଛି। ଡିଫେଣ୍ଡିଂ ଚାମ୍ପିୟନ ତଥା ଡେନମାର୍କର ତାରକା ମହିଳା ଟେନିସ ଖେଳାଳି କାରୋଲିନ ଓ୍ବଜନିଆକି ପରାଜୟର ସାମ୍ନା କରିଛନ୍ତି। 

ଅବସର ନେବେ ହେରାଥ୍‌

ଅବସର ନେବେ ହେରାଥ୍‌

କଲମ୍ବୋ, ୨୨।୧୦- ଭେଟେରାନ ଶ୍ରୀଲଙ୍କା ବାମହାତୀ ସ୍ପିନର ରଙ୍ଗନା ହେରାଥ୍‌ ତାଙ୍କ ସ୍ବର୍ଣ୍ଣିମ କ୍ରିକେଟ କ୍ୟାରିୟରରୁ ଅବସର ନେବାକୁ ନିଷ୍ପତ୍ତି ନେଇଛନ୍ତି। ଭ୍ରମଣକାରୀ ଦକ୍ଷିଣ ଆଫ୍ରିକା ବିପକ୍ଷରେ ନଭେମ୍ବର ୬ରୁ ଗାଲେରେ ଆରମ୍ଭ ହେବାକୁ ଥିବା ଟେଷ୍ଟ ସିରିଜର ପ୍ରଥମ ମ୍ୟାଚ୍‌ପରେ କ୍ରିକେଟରୁ ସନ୍ନ୍ୟାସ ନେବାକୁ ହେରାଥ୍‌ ଘୋଷଣା କରିଛନ୍ତି। 

ପ୍ରଥମ ଦିନିକିଆରେ ବାଂଲାଦେଶ ବିଜୟୀ

ପ୍ରଥମ ଦିନିକିଆରେ ବାଂଲାଦେଶ ବିଜୟୀ

ଢାକା, ୨୨।୧୦- ଓପନର୍‌ ଇମ୍ରୁଲ କାଏସ୍‌ଙ୍କ ଶତକ ବଳରେ ଘରୋଇ ବାଂଲାଦେଶ ଏଠାରେ ଅନୁଷ୍ଠିତ ପ୍ରଥମ ଦିନିକିଆ ମ୍ୟାଚ୍‌ରେ ଜିମ୍ବାଓ୍ବେକୁ ୨୮ ରନରେ ପରାସ୍ତ କରିଦେଇଛି। ବାଂଲାଦେଶ ପକ୍ଷରୁ ଧାର୍ଯ୍ୟ ୨୭୨ ରନର ଟାର୍ଗେଟ୍‌କୁ ପିଛା କରି ଭ୍ରମଣକାରୀ ଜିମ୍ବାଓ୍ବେ ଦଳ ନିର୍ଦ୍ଧାରିତ ଓଭରରେ ୯ ଉଇକେଟ୍‌ ହରାଇ ୨୪୩ ରନ କରିବାକୁ ସକ୍ଷମ ହୋଇଥିଲା। 

ରାଇକୋନେନ ଜିତିଲେ ୟୁଏସ୍‌ ଗ୍ରାଁ ପ୍ରି

ରାଇକୋନେନ ଜିତିଲେ ୟୁଏସ୍‌ ଗ୍ରାଁ ପ୍ରି

ଅଷ୍ଟିନ୍‌, ୨୨ା୧୦- ଫେରାରିର କିମି ରାଇକୋନେନ ୟୁଏସ୍‌ ଓପନ ଗ୍ରାଁ ପ୍ରି ଟାଇଟଲ ଜିତିଛନ୍ତି। ରବିବାର ଅନୁଷ୍ଠିତ ଏହି ଫର୍ମୁଲା ଓ୍ବାନ ମୋଟର ରେସ୍‌ରେ ରେଡ୍‌ ବୁଲ୍‌ର ମାକ୍ସ ଭର୍ଷ୍ଟାପେନ ଦ୍ୱିତୀୟ ହୋଇଥିବାବେଳେ ମର୍ସିଡିଜର ଲୁଇସ୍‌ ହାମିଲଟନଙ୍କୁ ତୃତୀୟ ସ୍ଥାନରେ ସନ୍ତୁଷ୍ଟ ହେବାକୁ ପଡ଼ିଛି। 

ଦବଙ୍ଗ ଦିଲ୍ଲୀ ବିଜୟୀ

ଦବଙ୍ଗ ଦିଲ୍ଲୀ ବିଜୟୀ

ପୁଣେ, ୨୨ା୧୦ (ପି.ଟି.)-ଚଳିତ ଭିଭୋ ପ୍ରୋ-କବାଡ଼ି  ସିଜନ -୬ ଇଣ୍ଟର ଜୋନାଲ ଚ୍ୟାଲେଞ୍ଜର ପ୍ରଥମ ମ୍ୟାଚରେ ଦବଙ୍ଗ ଦିଲ୍ଲୀ ୩୯-୩୦ରେ ବେଙ୍ଗଲ  ଓ୍ବାରିୟର୍ସକୁ ପରାସ୍ତ କରିଛି। ସ୍ଥାନୀୟ ଶ୍ରୀ ଶିବ ଛତ୍ରପତି ସ୍ପୋଟର୍‌ସ କମ୍ପ୍ଲେକ୍ସଠାରେ ଅନୁଷ୍ଠିତ ଏହି ମ୍ୟାଚରେ ଦିଲ୍ଲୀ ତରଫରୁ ନବୀନ କୁମାର ୧୧ ରେଡ୍‌ ପଏଣ୍ଟ ସ୍କୋର କରିଥିବାବେଳେ ରବିନ୍ଦର ପାହାଲଙ୍କ ୪ ଟାକଲ ପଏଣ୍ଟ ଅବଦାନ ରହିଥିଲା।

ସାନି ସ୍ପଟ୍‌ ଫିକ୍ସିଂ ଦାବି, ଫୁଟେଜ ମାଗିଲା ଆଇସିସି

ସାନି ସ୍ପଟ୍‌ ଫିକ୍ସିଂ ଦାବି, ଫୁଟେଜ ମାଗିଲା ଆଇସିସି

ନୂଆଦିଲ୍ଲୀ, ୨୨|୧୦ (ପି.ଟି.)- ଅନ୍ତର୍ଜାତୀୟ କ୍ରିକେଟରେ ସ୍ପଟ୍‌ ଫିକ୍ସିଂ ନେଇ ରବିବାର ରିଲିଜ କରାଯାଇଥିବା ଏକ ଡକୁମେଣ୍ଟାରୀ କ୍ରିକେଟ ମହଲରେ ଚହଳ ସୃଷ୍ଟି କରିଛି। ପ୍ରସାରଣକାରୀ ସଂସ୍ଥା ପ୍ରାମାଣିକ  ଫୁଟେଜ ଦେବାକୁ ରାଜି ହେଉ  ନାହିଁ।  

ବିପ୍ଳବ ଅଧିନାୟକ, ୪ ନୂଆମୁହଁ

ବିପ୍ଳବ ଅଧିନାୟକ, ୪ ନୂଆମୁହଁ

କଟକ ଅଫିସ,୨୨ା୧୦- ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(ବିସିସିଆଇ) ଆନୁକୂଲ୍ୟରେ ଘରୋଇ କ୍ରିକେଟର ଶ୍ରେଷ୍ଠ ପ୍ରତିଯୋଗିତା ରଣ୍‌ଜୀଟ୍ରଫି ଆସନ୍ତା ନଭେମ୍ବର ୧ ତାରିଖରୁ ଆରମ୍ଭ ହେବ ।

ଜାପାନକୁ ୯-୦ରେ ହରାଇଲା ଭାରତ

ଜାପାନକୁ ୯-୦ରେ ହରାଇଲା ଭାରତ

ମସ୍କଟ, ୨୨।୧୦- ମନଦୀପ ସିଂଙ୍କ ହ୍ୟାଟ୍ରିକ ଗୋଲ ବଳରେ ଭାରତ ଏସିଆନ ଚାମ୍ପିୟନ୍ସ ଟ୍ରଫି ହକିର ରବିବାର ଅନୁଷ୍ଠିତ ଲିଗ୍‌ ମ୍ୟାଚରେ ଜାପାନକୁ ୯-୦ ଗୋଲରେ ପରାସ୍ତ କରିଛି। ଚଳିତ ଟୁର୍ନାମେଣ୍ଟରେ ଭାରତର ଏହାଥିଲା କ୍ରମାଗତ ତୃତୀୟ ବିଜୟ। 

ବିରାଟ, ରୋହିତ ରାଜ

ବିରାଟ, ରୋହିତ ରାଜ

ଗୁଆହାଟୀ, ୨୨।୧୦- ଗୁଆହାଟୀର ବର୍ଷାପରା କ୍ରିକେଟ ଷ୍ଟାଡିୟମରେ ରବିବାର ବିରାଟ କୋହଲି ଓ ରୋହିତ ଶର୍ମାଙ୍କ ରାଜ୍‌ ଦେଖିବାକୁ ମିଳିଛି। ବିରାଟ ଓ ରୋହିତଙ୍କ ଶତକୀୟ ଇନିଂସ ଏବଂ ଦ୍ୱିତୀୟ ଉଇକେଟରେ ୨୪୬ ରନର ଭାଗୀଦାରି ବଳରେ ଭାରତ ପ୍ରଥମ ଦିନିକିଆ କ୍ରିକେଟ ମ୍ୟାଚରେ ଓ୍ବେଷ୍ଟଇଣ୍ଡିଜକୁ ୮ ଉଇକେଟରେ ପରାସ୍ତ କରିଛି। 

ବନମାଳୀପୁର ଟି ୨୦: ସାରୁଅ ଚାମ୍ପିୟନ

ବନମାଳୀପୁର ଟି ୨୦: ସାରୁଅ ଚାମ୍ପିୟନ

ଭାପୁର,୨୨ା୧୦(ଡି.ଏନ୍‌.ଏ.)- ଖଣ୍ଡପଡ଼ା ବ୍ଲକ ବନମାଳୀପୁର ଆଞ୍ଚଳିକ ସ୍ପୋର୍ଟସ ଆସୋସିଏଶନ ଆନୁକୂଲ୍ୟରେ ଚାଲିଥିବା ୩୧ତମ ଟି ୨୦ କ୍ରିକେଟ ଟୁର୍ନାମେଣ୍ଟ ରବିବାର ଉଦ୍‌ଯାପିତ ହୋଇଯାଇଛି। ଫାଇନାଲ ଖେଳରେ କଣ୍ଟିଲୋର ବରୁଣେଇ କ୍ରିକେଟ୍‌ କ୍ଲବକୁ ୩୩ ରନରେ ହରାଇ ଖୋର୍ଦ୍ଧା ସାରୁଅର ଇଲେଭେନ ଷ୍ଟାର ସ୍ପୋର୍ଟସ କ୍ଲବ ଚାମ୍ପିୟନ ଆଖ୍ୟା ଅର୍ଜନ କରିଛି।

ଓଡ଼ିଶା ଟେନିସ୍‌ ବଲ୍‌ କ୍ରିକେଟ ଟିମ୍‌ରେ ଗଞ୍ଜାମରୁ ୬ ଖେଳାଳି

ଓଡ଼ିଶା ଟେନିସ୍‌ ବଲ୍‌ କ୍ରିକେଟ ଟିମ୍‌ରେ ଗଞ୍ଜାମରୁ ୬ ଖେଳାଳି

ବ୍ରହ୍ମପୁର ଅଫିସ,୨୨ା୧୦: ଆସନ୍ତା ୨୮ରୁ ୨ ତାରିଖ ପର୍ଯ୍ୟନ୍ତ ମହାରାଷ୍ଟ୍ରର ନାଗପୁର ଠାରେ ୨୩ତମ ସବ୍‌ଜୁନିୟର୍‌ ଟେନିସ୍‌ ବଲ୍‌ କ୍ରିକେଟ ଚାମ୍ପିୟନଶିପ୍‌ ଅନୁଷ୍ଠିତ ହେବ। ଏହି ଟୁର୍ନାମେଣ୍ଟରେ ଓଡ଼ିଶା ଟିମ ଭାଗନେବ । ଓଡ଼ିଶା ଟିମରେ ଗଞ୍ଜାମ ଜିଲାର ୬ଜଣ ଖେଳାଳି ଅଛନ୍ତି । ସେମାନେ ହେଲେ ଆସିକାର ଏମ୍‌.ସନ୍ତୋଷ କୁମାର ରାଓ ଏବଂ କୁମାର ହଂସରାଜ୍‌, ବ୍ରହ୍ମପୁରର ସତ୍ୟଶୁଭମ୍‌ ସାହୁ, ଏମ୍‌.ରାଧେଶ୍ୟାମ ପାତ୍ର ଏବଂ ଆହ୍ବାନ ପଟ୍ଟନାୟକ ଓ ସୋରଡ଼ାର ଦୀପକ ଦାସ। ଏହି ଖେଳାଳିମାନେ ଗଞ୍ଜାମ ଜିଲା ଟେନିସବଲ୍‌ କ୍ରିକେଟ ସଂଘ ଅଧିନରେ ତାଲିମ୍‌ ନେଉଥିଲେ। ଖେଳାଳିଙ୍କୁ ସଂଘର ସଭାପତି ଡା. ସମରେନ୍ଦ୍ର ସାହୁ, ଉପସଭାପତି ଦୁଷ୍ମନ୍ତ ପାଢ଼ୀ, ସାଧାରଣ ସମ୍ପାଦକ ସଞ୍ଜୟ ବିଷୋୟୀ, ଅଧ୍ୟକ୍ଷ ରବି ମିଶ୍ର ଏବଂ ପ୍ରଶାନ୍ତ ମୁନି ପ୍ରମୁଖ ଶୁଭେଚ୍ଛା ଜଣାଇଛନ୍ତି ।

କୋହଲି, ରୋହିତଙ୍କ ଶତକ: ଭାରତ ବିଜୟୀ

କୋହଲି, ରୋହିତଙ୍କ ଶତକ: ଭାରତ ବିଜୟୀ

ଗୁଆହାଟୀ, ୨୧।୧୦-
ଗୁଆହାଟୀର ବର୍ଷାପରା କ୍ରିକେଟ ଷ୍ଟାଡିୟମରେ ରବିବାର ବିରାଟ କୋହଲି ଓ ରୋହିତ ଶର୍ମାଙ୍କ ରାଜ୍‌ ଦେଖିବାକୁ ମିଳିଛି। ବିରାଟ ଓ ରୋହିତଙ୍କ ଶତକୀୟ ଇନିଂସ ଏବଂ ଦ୍ୱିତୀୟ ଉଇକେଟରେ ୨୪୬ ରନର ଭାଗୀଦାରି ବଳରେ ଭାରତ ପ୍ରଥମ ଦିନିକିଆ କ୍ରିକେଟ ମ୍ୟାଚରେ ଓ୍ବେଷ୍ଟଇଣ୍ଡିଜକୁ ୮ ଉଇକେଟରେ ପରାସ୍ତ କରିଛି।