ମେଟ୍ରୋ |

କେବଳ ସିଂହଦ୍ୱାର ଦେଇ ପ୍ରବେଶ

କେବଳ ସିଂହଦ୍ୱାର ଦେଇ ପ୍ରବେଶ

ପୁରୀ ଅଫିସ, ୧୫।୧୨: ଯାନିଯାତ୍ରା ଓ ପର୍ବପର୍ବାଣି ଦିନମାନଙ୍କରେ ଶ୍ରଦ୍ଧାଳୁଙ୍କ ଭିଡକୁ ଦୃଷ୍ଟିରେ ରଖି ଶ୍ରୀମନ୍ଦିରରେ ଏକକ ପ୍ରବେଶ ବ୍ୟବସ୍ଥା କରାଯାଉଛି। ଶ୍ରଦ୍ଧାଳୁ ସିଂହଦ୍ୱାର ଦେଇ ପ୍ରବେଶ କରି ଅନ୍ୟ ୩ଦ୍ୱାରରେ ବାହାରୁଛନ୍ତି। ଏହି ବ୍ୟବସ୍ଥାକୁ ସବୁ ବେଳେ ଲାଗୁ କରିବା ପାଇଁ ଜଗନ୍ନାଥ ମନ୍ଦିର ତଦନ୍ତ କମିଶନ ସୁପାରିସ କରିଛନ୍ତି। ଏହାସହିତ ଶ୍ରୀମନ୍ଦିରରେ କାର୍ଯ୍ୟରତ କର୍ମଚାରୀ, ସେବକ, ପୋଲିସଙ୍କ ପାଇଁ ବାୟୋମେଟ୍ରିକ ପରିଚୟ ପତ୍ର ବ୍ୟବସ୍ଥା କରିବାକୁ ସୁପାରିସ ରହିଛି। ଗୁଣ୍ଡିଚା ମନ୍ଦିର ସୁରକ୍ଷା ଲାଗି ଉପଯୁକ୍ତ ପଦକ୍ଷେପ ନେବାକୁ କମିଶନ ପରାମର୍ଶ ଦେଇଛନ୍ତି। କମିଶନଙ୍କ କେତେକ ଗୁରୁତ୍ୱପୂର୍ଣ୍ଣ ସୁପାରିସ ରାଜ୍ୟ ସରକାର ଅନୁମୋଦନ କରିଛନ୍ତି। ତାହାକୁ କାର୍ଯ୍ୟକାରୀ କରିବା ଲାଗି ଆଇନ ବିଭାଗ ପକ୍ଷରୁ ଜିଲା ପ୍ରଶାସନ ଓ ଶ୍ରୀମନ୍ଦିର ପ୍ରଶାସନକୁ ଚିଠି ଲେଖି ନିର୍ଦ୍ଦେଶ ଦିଆଯାଇଛି। ନୀଳାଦ୍ରି ବିଜେ ବିଶୃଙ୍ଖଳା ପରେ ରାଜ୍ୟ ସରକାର ଗଠନ କରିଛନ୍ତି ଜଗନ୍ନାଥ ମନ୍ଦିର ତଦନ୍ତ କମିଶନ। କମିଶନ ମୁଖ୍ୟ ଜଷ୍ଟିସ ବି.ପି. ଦାଶ ଏପ୍ରିଲ ୨୦ ତାରିଖରେ ପ୍ରଥମ ଅନ୍ତରୀଣ ରିପୋର୍ଟ ପ୍ରଦାନ କରିଛନ୍ତି। ଏହି ରିପୋର୍ଟର କିଛି ଗୁରୁତ୍ୱପୂର୍ଣ୍ଣ ସୁପାରିସକୁ କାର୍ଯ୍ୟକାରୀ କରିବା ଲାଗି ରାଜ୍ୟ ସରକାରଙ୍କ ନିର୍ଦ୍ଦେଶ ରହିଛି। ସେଗୁଡିକ ମଧ୍ୟରେ ଶ୍ରୀମନ୍ଦିର ସିଂହଦ୍ୱାର ପୋଲିସ ଆଉଟ ପୋଷ୍ଟ ନିକଟରେ ଥିବା ଜୋତାଷ୍ଟାଣ୍ଡ ଏବଂ ସିଂହଦ୍ୱାରରେ ଥିବା ପାଦ ପ୍ରକ୍ଷାଳନ କେନ୍ଦ୍ର ସ୍ଥାନାନ୍ତର କରିବା ଲାଗି କମିଶନଙ୍କ ସୁପାରିସ ରହିଛି। ଶ୍ରୀମନ୍ଦିର ପରିସର ଭିତର ବେଢା ଚଟାଣରେ ତାପ ନିରୋଧକ ଧଳା ରଙ୍ଗ ଦେବା ଲାଗି ସୁପାରିସ ରହିଥିବା ବେଳେ ଏଥିପାଇଁ ଆବଶ୍ୟକସ୍ଥଳେ ବିଶେଷଜ୍ଞଙ୍କ ପରାମର୍ଶ ନେଇ ପଦକ୍ଷେପ ନେବାକୁ କମିଶନଙ୍କ ରିପୋର୍ଟରେ କୁହାଯାଇଛି। ବଦଳିବ ୪ ୱାଚ ଟାୱାର ଡିଜାଇନ ଶ୍ରୀମନ୍ଦିର ମେଘନାଦ ପାଚେରି ଚାରିକୋଣରେ ୪ଟି ୱାଚ ଟାୱାର ରହିଛି। ୱାଚ୍‌ ଟାୱାର ନିର୍ମାଣ ଶୈଳୀ ଶ୍ରୀମନ୍ଦିରର ସବୁଦିଗକୁ ନିରୀକ୍ଷଣ ଲାଗି ଉପଯୁକ୍ତ ନ ଥିବା କେତେଜଣ ବିଶେଷଜ୍ଞ ସତ୍ୟପାଠ ମାଧ୍ୟମରେ କମିଶନଙ୍କ ନିକଟରେ ମତ ରଖିଛନ୍ତି। ସୁରକ୍ଷା କର୍ମୀମାନେ ୱାଚ ଟାୱାରରେ ମୁତୟନ ସମୟରେ ଶ୍ରୀମନ୍ଦିର ସବୁଦିଗ ଯେଭଳି ଦେଖିପାରିବେ ସେହି ଢାଞ୍ଚାରେ ୱାଚ ଟାୱାର ନିର୍ମାଣ କରିବା ଲାଗି ରିପୋର୍ଟରେ କୁହାଯାଇଛି। ବିଶେଷଜ୍ଞଙ୍କ ପରାମର୍ଶ ନେଇ ନୂତନ ଡିଜାଇନରେ ୱାଚ ଟାୱାର ନିର୍ମାଣ କରାଯିବ। ୱାଚ ଟାୱାର ସ୍ଥାପନ ପାଇଁ ଆବଶ୍ୟକ ପଡିଲେ ଉକ୍ତ ରାସ୍ତାକୁ ଆହୁରି ସମ୍ପ୍ରସାରଣ କରିବାକୁ କମିଶନଙ୍କ ସୁପାରିସ ରିପୋର୍ଟରେ କୁହାଯାଇଛି। ୱାଚ ଟାୱାରରେ ମୁତୟନ ହେଉଥିବା ସୁରକ୍ଷାକର୍ମୀଙ୍କୁ ବାଇନାକୁଲାର ଏବଂ ରାତିରେ ଦେଖିପାରିବା ଭଳି ଯନ୍ତ୍ର ଦେବାକୁ ପରାମର୍ଶ ରହିଛି। ସିସିଟିଭି ସର୍ଭେଲାନ୍ସରେ ରହିବ ପୁରୀ ସହର: ଶ୍ରୀମନ୍ଦିର ପରିସରରେ ଥିବା ସମସ୍ତ ମନ୍ଦିର ଏବଂ ଶ୍ରଦ୍ଧାଳୁଙ୍କ ଭିଡ ଜମୁଥିବା ପୁରୀର ଶ୍ରୀଲୋକନାଥ, ଦକ୍ଷିଣକାଳୀ, ସୁନାରଗୌରାଙ୍ଗ ଭଳି ମନ୍ଦିରଗୁଡିକରେ ସିସିଟିଭି କ୍ୟାମେରା ବ୍ୟବସ୍ଥା କରିବା ଲାଗି ସୁପାରିସ ରହିଛି। ସିସିଟିଭିର ସଂଯୋଗ ସଂପୃକ୍ତ ପୋଲିସ ଥାନା ଏବଂ କଣ୍ଟ୍ରୋଲ ରୁମ୍‌ ସହିତ ରଖିବା ଲାଗି କୁହାଯାଇଛି। ସମଗ୍ର ପୁରୀ ସହରକୁ ସିସିଟିଭି ସର୍ଭେଲାନ୍ସ ମଧ୍ୟରେ ରଖିବାକୁ କମିଶନ ସୁପାରିସ କରିଛନ୍ତି। ଦିଗବାରେଣୀ ଛକଠାରୁ ବଳିଆପଣ୍ଡା ମଧ୍ୟରେ ଥିବା ସମସ୍ତ ହୋଟେଲ ଏବଂ ଲଜିଂରେ ସମୁଦ୍ରକୂଳ ମାର୍ଗ ଆଡକୁ ମୁହଁ କରି ସିସି କ୍ୟାମେରା ଲଗାଇବା ବାଧ୍ୟତାମୂଳକ। ଏହାଫଳରେ ସମୁଦାୟ ବେଳାଭୂମି ଏବଂ ବେଳାଭୂମି ମାର୍ଗ ସିସିଟିଭି ସର୍ଭେଲାନ୍ସ ମଧ୍ୟରେ ରହିପାରିବ। ହୋଟେଲ ଓ ଲଜିଂ ଗୁଡିକର ସିସି କ୍ୟାମେରା ୨୪ଘଣ୍ଟିଆ କାର୍ଯ୍ୟ କରିବ। ପୋଲିସ ପ୍ରଶାସନ ଯେତେବେଳେ ଚାହିଁବ ଉକ୍ତ ହୋଟେଲ ଓ ଲଜିଂ ମାଲିକ ସିସିଟିଭିର ଫୁଟେଜ ଯୋଗାଇବେ। ଏଥିଲାଗି ଜିଲାପାଳ ଏକ ସ୍ବତନ୍ତ ନିର୍ଦ୍ଦେଶନାମା ପ୍ରକାଶ କରିବା ଲାଗି କମିଶନ ସୁପାରିସ କରିଛନ୍ତି। ନିଯୁକ୍ତ ହେବେ ସାନିଟାରୀ, ହେଲଥ ଅଫିସର: ଶ୍ରୀମନ୍ଦିର ପରିସର ପରିମଳ ବ୍ୟବସ୍ଥାରେ ସୁଧାର ଆଣିବା ଲାଗି କମିଶନଙ୍କ ସୁପାରିସ ରହିଛି। ଏଥିଲାଗି ଶ୍ରୀମନ୍ଦିର ପ୍ରଶାସନ ପକ୍ଷରୁ ଶ୍ରୀମନ୍ଦିରରେ ସ୍ବାସ୍ଥ୍ୟ ଓ ପରିମଳ ୱିଙ୍ଗ ଖୋଲିବା ଲାଗି ପରାମର୍ଶ ରହିଛି। ଶ୍ରୀମନ୍ଦିର ପାଇଁ ସ୍ବାସ୍ଥ୍ୟ ଅଧିକାରୀ ଏବଂ ପରିମଳ ଅଧିକାରୀ (ସାନିଟାରୀ ଅଫିସର) ନିଯୁକ୍ତ କରିବା ଲାଗି ରାଜ୍ୟ ସରକାରଙ୍କୁ ପଦକ୍ଷେପ ନେବାକୁ କମିଶନ ସୁପାରିିସ କରିଛନ୍ତି। ମହାପ୍ରଭୁଙ୍କ ଭୋଗ ପ୍ରସ୍ତୁତି ଲାଗି ଶ୍ରୀମନ୍ଦିର ପ୍ରଶାସନ ଏବଂ ସେବାୟତଙ୍କ ପକ୍ଷରୁ କ୍ରୟ ସାମଗ୍ରୀ ମାନ ସ୍ବାସ୍ଥ୍ୟ ଅଧିକାରୀ ଯାଞ୍ଚ କରିବେ। ଆବଶ୍ୟକ ସ୍ଥଳେ ତାହାର ନମୁନା ସଂଗ୍ରହ କରି ପରୀକ୍ଷା ଲାଗି ଲାବରେଟୋରୀକୁ ପଠାଇବେ। ଶ୍ରୀମନ୍ଦିର ପରିସର ସଫେଇ ଉପରେ ପରିମଳ ଅଧିକାରୀ ନଜର ରଖିବେ। ଶ୍ରୀମନ୍ଦିର ପରିସରରେ ଯେଭଳି ଛେପ କେହି ନ ପକାନ୍ତି ସେଥିପ୍ରତି ନଜର ରଖାଯିବ।

All Right Reserved By

Model This Week

ନିକିତା

ମେଟ୍ରୋ |

ନାବାଳିକା ବଳାତ୍କାର: ସରକାରଙ୍କ ଉପରେ ବର୍ଷିଲେ ବିରୋଧୀ

ନାବାଳିକା ବଳାତ୍କାର: ସରକାରଙ୍କ ଉପରେ ବର୍ଷିଲେ ବିରୋଧୀ

ଭୁବନେଶ୍ୱର,୨୦।୪(ବ୍ୟୁରୋ): ରାଜ୍ୟରେ ଆଇନଶୃଙ୍ଖଳା ଭୁଶୁଡି ପଡିଛି। ମହିଳା ଓ ଶିଶୁକନ୍ୟା ସୁରକ୍ଷିତ ନୁହନ୍ତି। ଛୋଟ ଝିଅମାନଙ୍କୁ ବଳାତ୍କାର କରାଯାଉଛି। ଦୋଷୀକୁ ପୋଲିସ ଘଣ୍ଟ ଘୋଡାଉଛି। ମାସକୁ ୬ ଜଣ ବଳାତ୍କାରର ଶିକାର ହେଉଥିବା ବେଳେ ବର୍ଷକୁ ମାତ୍ର ୬ ଜଣଙ୍କୁ ଦୋଷୀ ସାବ୍ୟସ୍ତ କରାଯାଉଛି। ସ୍କୁଲ ଛାତ୍ରୀଙ୍କ ଠାରୁ ଆରମ୍ଭ କରି ମହିଳା ପୋଲିସ କନଷ୍ଟେବଳ ମଧ୍ୟ ସୁରକ୍ଷିତ ନୁହନ୍ତି। ପୋଲିସ କର୍ମଚାରୀ ମଧ୍ୟ ବଳାତ୍କାରୀ ପାଲଟି ଯାଉଛନ୍ତି। ସେହି କର୍ମଚାରୀଙ୍କୁ ପଦୋନ୍ନତି ଦେଇ ପୁରସ୍କୃତ କରାଯାଉଛି। ସରକାରଙ୍କ ମାଆକୁ ସମ୍ମାନ ସ୍ଲୋଗାନ ପ୍ରହସନରେ ପରିଣତ ହୋଇଛି। ରାଜ୍ୟର ଆଇନ ଶୃଙ୍ଖଳା ଓ ମହିଳାଙ୍କ ସୁରକ୍ଷାକୁ ନେଇ ବିରୋଧୀ କଂଗ୍ରେସ ଓ ଭାଜପା ଶୁକ୍ରବାର ମୁଲତବୀ ଆଲୋଚନା ବେଳେ ସରକାରଙ୍କ ଉପରେ ଏଭଳି କଠୋର ଭାଷାରେ ବର୍ଷିଥିଲେ। ସରକାର ମହିଳା ଓ ଶିଶୁ କନ୍ୟାଙ୍କ ସୁରକ୍ଷାକୁ ନିଶ୍ଚିତ କରିବାକୁ ସେମାନେ ଦାବି କରିଛନ୍ତି।

ବ୍ଲକଗ୍ରାଣ୍ଟ ଶିକ୍ଷକ, ଅଧ୍ୟାପକଙ୍କ ଦାବି ପ୍ରସଙ୍ଗ: ପ୍ରତିଶ୍ରୁତି ଦେଇ ଚିନ୍ତାରେ ସରକାର

ବ୍ଲକଗ୍ରାଣ୍ଟ ଶିକ୍ଷକ, ଅଧ୍ୟାପକଙ୍କ ଦାବି ପ୍ରସଙ୍ଗ: ପ୍ରତିଶ୍ରୁତି ଦେଇ ଚିନ୍ତାରେ ସରକାର

ଭୁବନେଶ୍ୱର, ୨୦।୪(ବ୍ୟୁରୋ)- ବ୍ଲକଗ୍ରାଣ୍ଟ ଶିକ୍ଷକ ଓ ଅଧ୍ୟାପକଙ୍କ ଦାବି ପୂରଣ ପାଇଁ ରାଜ୍ୟ ସରକାର ଓଡ଼ିଶା ସ୍କୁଲ, କଲେଜ ଶିକ୍ଷକ କର୍ମଚାରୀ ମିଳିତ ମଞ୍ଚକୁ ପ୍ରତିଶ୍ରୁତି ଦେଇଛନ୍ତି। ଏହି ପ୍ରତିଶ୍ରୁତି ଏବେ ସରକାରଙ୍କ ପାଇଁ ଅଡୁଆ ପରିସ୍ଥିତି ସୃଷ୍ଟି କରିଛି। କାରଣ ପୂର୍ବରୁ ଏକ ହଜାରରୁ ଊର୍ଦ୍ଧ୍ୱ ବ୍ଲକଗ୍ରାଣ୍ଟ ଅଧ୍ୟାପକ ସରକାରଙ୍କ ନିୟମକୁ ମାନି ସତ୍ୟପାଠ ଦାଖଲ କରିସାରିଛନ୍ତି।

ପାର୍ସଲ ବୋମା ବିସ୍ଫୋରଣ ଘଟଣାର ପର୍ଦ୍ଦାଫାଶ ଖୁବ୍‌ଶୀଘ୍ର: ଡିଜିପି

ପାର୍ସଲ ବୋମା ବିସ୍ଫୋରଣ ଘଟଣାର ପର୍ଦ୍ଦାଫାଶ ଖୁବ୍‌ଶୀଘ୍ର: ଡିଜିପି

ଭୁବନେଶ୍ୱର, ୨୦।୪(ବ୍ୟୁରୋ)- ବହୁ ଚର୍ଚ୍ଚିତ ବଲାଙ୍ଗୀର ଜିଲା ପାଟଣାଗଡ ପାର୍ସଲ ବୋମା ବିସ୍ଫୋରଣ ଘଟଣାରେ କ୍ରାଇମ୍‌ବ୍ରାଞ୍ଚ ହାତରେ ହତ୍ୟାକାରୀଙ୍କ ସମ୍ପର୍କରେ ସୁରାକ ଲାଗିଛି। କ୍ରାଇମ୍‌ବ୍ରାଞ୍ଚ ଟିମ୍‌ ଖୁବ୍‌ଶୀଘ୍ର ଏହି ଘଟଣାର ପର୍ଦ୍ଦାଫାଶ କରିବ ବୋଲି ପୋଲିସ ଡିଜି ଡା. ରାଜେନ୍ଦ୍ର ପ୍ରସାଦ ଶର୍ମା ସୂଚନା ଦେଇଛନ୍ତି। ଶୁକ୍ରବାର କ୍ୟାପିଟାଲ ଥାନାରେ ମହିଳା ଓ ଶିଶୁ ଡେସ୍କକୁ ଉଦ୍‌ଘାଟନ କରିବା ପରେ ଗଣମାଧ୍ୟମ ପ୍ରତିନିଧିଙ୍କ କେତେକ ପ୍ରଶ୍ନର ଉତ୍ତର ଦେଇ ସେ କହିଛନ୍ତି, ହତ୍ୟାକାରୀ ଚତୁରତାର ସହ ଏହି ଘଟଣାକୁ ଘଟାଇଥିଲେ। ଯେଉଁଥିପାଇଁ ତଦନ୍ତରେ କିଛିଟା ବିଳମ୍ବ ହୋଇଛି। କ୍ରାଇମ୍‌ବ୍ରାଞ୍ଚ ଆଇଜି ଅରୁଣ ବୋଥ୍ରାଙ୍କ ନେତୃତ୍ୱରେ ଏକ ଟିମ୍‌ ଘଟଣାର ତଦନ୍ତ କରୁଛି।

ଫ୍ଲାଏ ଓଭର ବ୍ରିଜ୍‌ ନିର୍ମାଣ ଦାବିରେ ଧାରଣା

ଫ୍ଲାଏ ଓଭର ବ୍ରିଜ୍‌ ନିର୍ମାଣ ଦାବିରେ ଧାରଣା

ବାଲିଅନ୍ତା,୨୦ା୪(ଡି.ଏନ୍‌.ଏ.): ୧୬ ନଂ. ଜାତୀୟ ରାଜପଥର ହଂସପାଳ ଛକରେ ଫ୍ଲାଏ ଓଭର ବ୍ରିଜ୍‌ ନିର୍ମାଣ, କୁଆଖାଇ ନଦୀରେ ଆନିକଟ୍‌ ନିର୍ମାଣ, ମାର୍କେଟ କମ୍ଲେକ୍ସ ନିର୍ମାଣ ପ୍ରମୁଖ ୩ ଦଫା ଦାବିରେ ଉତ୍ତର ଭୁବନେଶ୍ୱର ଉନ୍ନୟନ ପକ୍ଷରୁ ଶୁକ୍ରବାର ଧାରଣା ଦିଆଯାଇଥିଲା।

୨୨ରୁ ନାଟକ ପରିକ୍ରମା

୨୨ରୁ ନାଟକ ପରିକ୍ରମା

ଭୁବନେଶ୍ୱର,୨୦ା୪(ବ୍ୟୁରୋ): ଉତ୍ତରପୁରୁଷର ନାଟ୍ୟ ଉତ୍ସବ ‘ନାଟକ ପରିକ୍ରମା-୨୦୧୮’ ଏପ୍ରିଲ ୨୨ ତାରିଖରୁ ଭୁବନେଶ୍ୱର ରବୀନ୍ଦ୍ର ମଣ୍ଡପରେ ଆରମ୍ଭ ହେବାକୁ ଯାଉଛି। ଏହା ୨୫ ତାରିଖ ପର୍ଯ୍ୟନ୍ତ ଚାଲିବ।

ରାଉରକେଲା ମହାନଗର ନିଗମରେ ବହୁ ପଦବୀ ଖାଲି

ରାଉରକେଲା ମହାନଗର ନିଗମରେ ବହୁ ପଦବୀ ଖାଲି

ଭୁବନେଶ୍ୱର,୨୦ା୪(ବ୍ୟୁରୋ): ୨୦୧୪, ନଭେମ୍ବରରୁ ରାଉରକେଲା ମହାନଗର ନିଗମ ଗଠିତ ହୋଇଛି। ମାତ୍ର ହାଇକୋର୍ଟଙ୍କ ରହିତାଦେଶ ବଳବତ୍ତର ଥିବାରୁ ନିର୍ବାଚନ ପ୍ରକ୍ରିୟା ଆରମ୍ଭ ହେଉ ନ ଥିବା ନଗର ଉନ୍ନୟନ ମନ୍ତ୍ରୀ ନିରଞ୍ଜନ ପୂଜାରୀ ଗୃହରେ ଉତ୍ତର ରଖିଛନ୍ତି।

ବନ୍ଦ ହୋଇଛି ୧୫,୩୧୫ ଶିଳ୍ପ

ବନ୍ଦ ହୋଇଛି ୧୫,୩୧୫ ଶିଳ୍ପ

ଭୁବନେଶ୍ୱର,୨୦ା୪(ବ୍ୟୁରୋ): ରାଜ୍ୟରେ ପଞ୍ଜିକୃତ ୧୫, ୩୧୫ଟି ଶିଳ୍ପ ବିଭିନ୍ନ କାରଣରୁ ବନ୍ଦ ଅଛି। ସୂକ୍ଷ୍ମ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ ମନ୍ତ୍ରୀ ପ୍ରଫୁଲ ସାମଲ ଶୁକ୍ରବାର ଗୃହରେ ଏହି ତଥ୍ୟ ରଖିଛନ୍ତି।

ଯୁବକଙ୍କ ମୃତଦେହ ଉଦ୍ଧାର

ଯୁବକଙ୍କ ମୃତଦେହ ଉଦ୍ଧାର

କଣ୍ଟାପଡ଼ା,୨୦ା୪(ଡି.ଏନ୍‌.ଏ.): ଓଲଟପୁର ଥାନା ଅନ୍ତର୍ଗତ ଫୁଲନଖରା -ନିଆଳି ରାସ୍ତାର ପିଙ୍ଗାପଡ଼ା ନିକଟରୁ ଗୁରୁବାର ରାତିରେ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି। ସେ ହେଲେ କଟକସଦର ଥାନା ଅନ୍ତର୍ଗତ ତିରଣପଦା ଗ୍ରାମର ଅର୍ତ୍ତତ୍ରାଣ ଭୋଇ(୨୨)।

ଭୂ-ତଳ ଜଳ ଲବଣାକ୍ତକୁ ନେଇ ଏନ୍‌ଜିଟି କ୍ଷୁବ୍ଧ: ଜଳ ନମୁନା ଯାଞ୍ଚ ପାଇଁ ନିର୍ଦ୍ଦେଶ

ଭୂ-ତଳ ଜଳ ଲବଣାକ୍ତକୁ ନେଇ ଏନ୍‌ଜିଟି କ୍ଷୁବ୍ଧ: ଜଳ ନମୁନା ଯାଞ୍ଚ ପାଇଁ ନିର୍ଦ୍ଦେଶ

ପୁରୀ ଅଫିସ, ୨୦।୪: ପୁରୀ ସହରର ଭୂ-ତଳ ଜଳସ୍ତର ହ୍ରାସ ପାଇବା ସହିତ ସମୁଦ୍ର ଜଳ ଭୂ-ତଳ ଜଳ ସ୍ତରରେ ମିଶିଛି। କେତେକ ଅଞ୍ଚଳରେ ଜଳସ୍ତର ଲବଣାକ୍ତ ହୋଇଗଲାଣି। ତେଣୁ ଏକ ଉଚ୍ଚସ୍ତରୀୟ କମିଟି ଗଠନକରି ପୁରୀ ସହରର ସମସ୍ତ ଅଞ୍ଚଳର ଭୂତଳ ଜଳସ୍ତରର ମାନ ଯାଞ୍ଚ କରିବାକୁ ନିର୍ଦ୍ଦେଶ ଦିଆଯାଇଛି।

ଶିକ୍ଷକଙ୍କୁ ସମୂହ ଅବସରକାଳୀନ ସମ୍ବର୍ଦ୍ଧନା

ଶିକ୍ଷକଙ୍କୁ ସମୂହ ଅବସରକାଳୀନ ସମ୍ବର୍ଦ୍ଧନା

କୃଷ୍ଣପ୍ରସାଦ, ୨୦।୪(ଡ଼ି.ଏନ.ଏ.): ପୁରୀ ଜିଲା କୃଷ୍ଣପ୍ରସାଦ ବ୍ଲକ ଉଦୟଗିରି ପ୍ରାଥମିକ ବିଦ୍ୟାଳୟରେ ୩ ଶିକ୍ଷକ ଓ ଜଣେ ଶିକ୍ଷୟତ୍ରୀଙ୍କୁ ଶୁକ୍ରବାର ସମୂହ ଅବସରକାଳୀନ ସମ୍ବର୍ଦ୍ଧନା ଦିଆଯାଇଛି। ସେମାନେ ହେଲେ ଅନିରୁଦ୍ଧ ମହାରଣା, ପ୍ରକାଶ ଚନ୍ଦ୍ର ରଥ, ବିଜୟ କୁମାର ନନ୍ଦ ଏବଂ ଗୀତାଞ୍ଜଳି ଦାସ।

ଏଟିଏମ୍‌ରୁ ଟଙ୍କା ମିଳୁନି: ଶନିବାର ବିଜେଡିର ୨ ଘଣ୍ଟିଆ ଧାରଣା

ଏଟିଏମ୍‌ରୁ ଟଙ୍କା ମିଳୁନି: ଶନିବାର ବିଜେଡିର ୨ ଘଣ୍ଟିଆ ଧାରଣା

ଭୁବନେଶ୍ୱର, ୨୦।୪(ବ୍ୟୁରୋ): ଭାରତର ବିଭିନ୍ନ ରାଜ୍ୟରେ ଏବେ ନଗଦ ଅଭାବ ଦେଖାଦେଇଛି। ଏଟିଏମ୍‌ ଗୁଡିକରୁ ଟଙ୍କା ମିଳୁନାହିଁ। ଏହି ଅବସ୍ଥା ମଧ୍ୟ ଓଡ଼ିଶାରେ ଦେଖାଦେଲାଣି। ଏହାର ପ୍ରତିବାଦରେ ବିଜୁ ଜନତା ଦଳ(ବିଜେଡି) ଶନିବାର ବିଭିନ୍ନ ରିଜର୍ଭ ବ୍ୟାଙ୍କର ଭୁବନେଶ୍ୱର କାର୍ଯ୍ୟାଳୟ ସମେତ ରାଜ୍ୟର ବିଭିନ୍ନ ବ୍ୟାଙ୍କ ସମ୍ମୁଖରେ ୨ ଘଣ୍ଟିଆ ଧାରଣା ଦେବ।

ହାଇକୋର୍ଟରୁ ମିଳିଲା ସର୍ତ୍ତମୂଳକ ଜାମିନ: ଜେଲରୁ ମୁକୁଳିବେ ରାଜା ଆଚାର୍ଯ୍ୟ

ହାଇକୋର୍ଟରୁ ମିଳିଲା ସର୍ତ୍ତମୂଳକ ଜାମିନ: ଜେଲରୁ ମୁକୁଳିବେ ରାଜା ଆଚାର୍ଯ୍ୟ

କଟକ ଅଫିସ, ୨୦।୪: ଗ୍ୟାଙ୍ଗଷ୍ଟାର ରାଜା ଓରଫ ସନ୍ଦିପ ଆଚାର୍ଯ୍ୟଙ୍କୁ ଶୁକ୍ରବାର ହାଇକୋର୍ଟ ସର୍ତ୍ତମୂଳକ ଜାମିନ ମଞ୍ଜୁର କରିଛନ୍ତି। ନିମ୍ନ ଅଦାଲତ ତାଙ୍କ ଉପରେ ସର୍ତ୍ତାରୋପ କରିବେ। ପୂର୍ବରୁ ସମସ୍ତ ମାମଲାରେ ରାଜାଙ୍କୁ ଜାମିନ ମିଳିସାରିଛି।