ଅନଗୁଳ-ଢେଙ୍କାନାଳ

କାଠ ଚାଲାଣ ମାମଲା: ଜେଲ୍‌ ଗଲେ ୧୪ ଅଭିଯୁକ୍ତ

କାଠ ଚାଲାଣ ମାମଲା: ଜେଲ୍‌ ଗଲେ ୧୪ ଅଭିଯୁକ୍ତ
ଢେଙ୍କାନାଳ ଅଫିସ, ୧୪।୧୨-ଢେଙ୍କାନାଳ ଜିଲା ସଦର ଥାନା ଗୋହିରାଖାଲ ନିକଟବର୍ତ୍ତୀ କଙ୍କଡ଼ାହାଡ଼ ସଂରକ୍ଷିତ ଜଙ୍ଗଲର ଜବରଦଖଲ କରି କାଠ ଚାଲାଣ ମାମଲାରେ ଅଟକ ୧୪ ଅଭିଯୁକ୍ତଙ୍କୁ ଗୁରୁବାର କୋର୍ଟ ଚାଲାଣ କରାଯାଇଛି। ଏ ସଂକ୍ରାନ୍ତରେ ସଦର ରେଞ୍ଜ କାର୍ଯ୍ୟାଳୟରେ କେସ୍‌ ନଂ. ୨ ବିସିସି, ୭/୧୭ରେ ମାମଲା ରୁଜୁ କରାଯାଇଛି। ସୂଚନାଯୋଗ୍ୟ, କେତେଜଣ ବ୍ୟକ୍ତି ସଂରକ୍ଷିତ ଜଙ୍ଗଲର ୫୦ ଏକର ଜମି ଜବରଦଖଲ କରି ପ୍ରାୟ ୨୦୦ ଟ୍ରିପ୍‌ କାଠ ଚାଲାଣ କରିଥିଲେ। ଜଙ୍ଗଲ ସୁରକ୍ଷା ଦାୟିତ୍ୱରେ ଥିବା ଗୋହିରାଖାଲ ଅଞ୍ଚଳବାସୀ ବନ ବିଭାଗର ଦୃଷ୍ଟି ଆକର୍ଷଣ କରିବାପରେ ବୁଧବାର ସଦର ରେଞ୍ଜରଙ୍କ ନେତୃତ୍ୱରେ ଚଢ଼ାଉ କରାଯାଇ ୧୪ଜଣଙ୍କୁ ଅଟକ ରଖାଯାଇଥିଲା। ଘଟଣାସ୍ଥଳରୁ ୫ଟି ଟ୍ରାକ୍ଟର, ଗୋଟିଏ ଜେସିବି ଏବଂ ୨ଟି ହିଟାଚି ଜବତ କରାଯାଇଥିଲା। ଗିରଫ ଅଭିଯୁକ୍ତଙ୍କୁ ଗୁରୁବାର ବନ ବିଭାଗ ପକ୍ଷରୁ କୋର୍ଟ ଚାଲାଣ କରାଯାଇଥିଲା। ଜାମିନ ନାମଞ୍ଜୁର ପରେ ସମସ୍ତଙ୍କୁ ହାଜତକୁ ପଠାଇ ଦିଆଯାଇଛି। ଗିରଫ ଅଭିଯୁକ୍ତମାନେ ହେଲେ ବାବନ୍ଧର ସୁବାସ ଦେହୁରି, କାକୁଡିଭାଗର ସନ୍ତୋଷ କୁମାର, ମହୁଲବେରେଣିର ପ୍ରତାପ ନାୟକ, ବାଛୁରିବାଙ୍କର ମଦନ ସାହୁ, ଲମ୍ବୋଦରପୁରର ଅକ୍ରୂର ନାୟକ, ଅଉଖମାର ଶ୍ରୀକାନ୍ତ ସାହୁ, କନ୍ତିଓକାଟେଣୀ ଅଞ୍ଚଳର ତ୍ରିନାଥ ସେଠୀ, କାଉଁରିଆପାଳର ପ୍ରଦୀପ ସାହୁ, ଭାପୁର ଅଞ୍ଚଳର ସତ୍ୟବାଦୀ ସାହୁ, ରଣଜିତ ମହାରଣା, ଅନୁଗୋଳ ଖମାର ଗ୍ରାମର ସୂର୍ଯ୍ୟକାନ୍ତ ହେମ୍ବ୍ରମ୍‌, ଅନୁଗୋଳ ଅଞ୍ଚଳର ଶୁଭ୍ରାଂଶୁ ସ୍ବାଇଁ, ଠାକୁରଗୋଡା ଅଞ୍ଚଳର ଦିବ୍ୟରଞ୍ଜନ ମହାରଣା। ସମ୍ପୃକ୍ତ ଅଭିଯୁକ୍ତମାନେ ଗାଡ଼ି ଚାଳକ, ହେଲ୍‌ପର ଏବଂ ସୁପରଭାଇଜର। ଲମ୍ବୋଦରପୁର ଗ୍ରାମର ସହଦେବ ସାହୁ ଏହି ଦଳର ନେତୃତ୍ୱ ନେଉଥିବା ସଦର ରେଞ୍ଜର ପ୍ରସନ୍ନ କୁମାର ବିଶ୍ୱାଳ ସୂଚନା ଦେଇଛନ୍ତି।
All Right Reserved By

ଅନଗୁଳ-ଢେଙ୍କାନାଳ

ଶେଲଟର ହୋମ୍‌ ଯୌନଶୋଷଣ ମାମଲା; ଫୟାଜ୍‌ଙ୍କ ଜାମିନ ଆବେଦନ ଖାରଜ

ଶେଲଟର ହୋମ୍‌ ଯୌନଶୋଷଣ ମାମଲା; ଫୟାଜ୍‌ଙ୍କ ଜାମିନ ଆବେଦନ ଖାରଜ

ଢେଙ୍କାନାଳ ଅଫିସ, ୧୨ା୧୨-ଢେଙ୍କାନାଳ ସଦର ଥାନା ବେଲଟିକିରିସ୍ଥିତ ‘ଗୁଡ୍‌ ନ୍ୟୁଜ୍‌ ଇଣ୍ଡିଆ ଡ୍ରିମ୍‌ ସେଣ୍ଟର’ ଶେଲ୍‌ଟର ହୋମ୍‌  ଯୌନଶୋଷଣ ଏବଂ ଶିଶୁ ନିର୍ଯାତନା ମାମଲାରେ ଗିରଫ ହୋଇଥିବା ଅନୁଷ୍ଠାନର ଚେୟାରମ୍ୟାନ ଫୟାଜ୍‌ ରେହମାନଙ୍କର ଜାମିନ ଆବେଦନ ଖାରଜ ହୋଇଯାଇଛି। ସ୍ବତନ୍ତ୍ର ପୋକ୍‌ସୋ ଅଦାଲତ ବିଚାରପତି ଦାୟିତ୍ୱରେ ଥିବା ଅତିରିକ୍ତ ଜିଲା ଦୌରାଜଜ୍‌ କ୍ଷୀରୋଦ କୁମାର ଦାସ ଜାମିନ ଆବେଦନକୁ ଖାରଜ କରିଦେଇଛନ୍ତି।

କୃଷି ବିଜ୍ଞାନ କେନ୍ଦ୍ର ବୁଲି ଦେଖିଲେ ଜିଲାପାଳ

କୃଷି ବିଜ୍ଞାନ କେନ୍ଦ୍ର ବୁଲି ଦେଖିଲେ ଜିଲାପାଳ

ଅନୁଗୋଳ ଅଫିସ, ୧୨।୧୨- ଅନୁଗୋଳ ପଞ୍ଚମହଲା ସ୍ଥିତ କୃଷି ବିଜ୍ଞାନ କେନ୍ଦ୍ରକୁ ବୁଧବାର ପୂର୍ବାହ୍ନରେ ଜିଲାପାଳ ଅନିଲ କୁମାର ସାମଲ ପରିଦର୍ଶନ କରି ବିଭିନ୍ନ କାର୍ଯ୍ୟକ୍ରମ ଦେଖିବା ସହ ଏହାର କାର୍ଯ୍ୟକାରିତା ସମ୍ପର୍କରେ ସମୀକ୍ଷା କରିଥିଲେ। ନୂତନ ଜ୍ଞାନ କୌଶଳରେ ଆମ୍ବ, କଦଳୀ ଚାଷ ଓ ଉନ୍ନତ କିଷମ ପରିବା ଚାରା ଉପତ୍ନ୍ନ ପ୍ରଣାଳୀକୁ ଜିଲାପାଳ ବୁଲି ଦେଖିଥିଲେ। 

ଗଡ଼ିଲା ପ୍ରଭାବଶାଳୀଙ୍କ ପାଚେରି, ଘର

ଗଡ଼ିଲା ପ୍ରଭାବଶାଳୀଙ୍କ ପାଚେରି, ଘର

ଅନୁଗୋଳ ଅଫିସ, ୧୨।୧୨- ଅନୁଗୋଳ ହେମସୁରପଡା ଡିଆସି ଛକ ଠାରୁ ମାଛ ମାର୍କେଟ ଛକ ପର୍ଯ୍ୟନ୍ତ ରାସ୍ତା ପ୍ରଶସ୍ତୀକରଣ ପାଇଁ ପୂର୍ତ୍ତ ବିଭାଗ ପକ୍ଷରୁ ଜବରଦଖଲ ଉଚ୍ଛେଦ ବୁଧବାରଠାରୁ ଆରମ୍ଭ ହୋଇଛି। ପ୍ରଥମ ଦିନରେ ୩୦ରୁ ଊର୍ଦ୍ଧ୍ୱ ଘର ଉଚ୍ଛେଦ କରାଯାଇଥିଲା। ଏଥିରେ କେତେଜଣ ପ୍ରଭାବଶାଳୀ ବ୍ୟକ୍ତିଙ୍କ ନିର୍ମାଣ ଅଂଶ ମଧ୍ୟ ଭଙ୍ଗା ଯାଇଥିଲା।

କଣିହାଁ ସ୍ବାସ୍ଥ୍ୟକେନ୍ଦ୍ରରେ ୨ ନିଃଶୁଳ୍କ ସ୍ବାସ୍ଥ୍ୟସେବା ଯାନ

କଣିହାଁ ସ୍ବାସ୍ଥ୍ୟକେନ୍ଦ୍ରରେ ୨ ନିଃଶୁଳ୍କ ସ୍ବାସ୍ଥ୍ୟସେବା ଯାନ

କଣିହାଁ, ୧୨ା୧୨(ଡି.ଏନ.ଏ.)- ଅନୁଗୋଳ ଜିଲା କଣିହାଁ ବ୍ଲକ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ମାଗଣା ସ୍ବାସ୍ଥ୍ୟସେବା ପ୍ରଦାନ ପାଇଁ ୨ଟି ଭ୍ରାମ୍ୟମାଣ ସ୍ବାସ୍ଥ୍ୟସେବା ଯାନ ବୁଧବାର ପହଞ୍ଚିଛି। ବିଶେଷ କରି ଖଣି ପ୍ରଭାବିତ ଗ୍ରାମ ଓ ଡାକ୍ତରଖାନାରୁ ଦୂରରେ ଥିବା ଅଞ୍ଚଳବାସୀଙ୍କ ପାଇଁ ଏହି ଯାନର ବ୍ୟବସ୍ଥା କରାଯାଇଛି। 

ଡିହଡ଼ୋଳରେ ହାତୀ ଆକ୍ରମଣ: ଜଣେ ଗୁରୁତର

ଡିହଡ଼ୋଳରେ ହାତୀ ଆକ୍ରମଣ: ଜଣେ ଗୁରୁତର

ପରଜଙ୍ଗ,୧୨।୧୨(ଡି.ଏନ୍‌.ଏ.): ଢେଙ୍କାନାଳ ବନଖଣ୍ଡ ମହାବିରୋଡ଼ ରେଞ୍ଜ ଡିିହଡ଼ୋଳ ଫରେଷ୍ଟ ସେକ୍‌ଶନ ଅଧୀନ କନ୍ଦରସିଂହା ପଞ୍ଚାୟତ ବାରଘରିଆ ସାହିର ଜଣେ ବ୍ୟକ୍ତି ହାତୀ ଆକ୍ରମଣରେ ବୁଧବାର ଆହତ ହୋଇଛନ୍ତି। 

ମନ୍ଦାର ମଣ୍ଡିରେ ଆରମ୍ଭରୁ ଅବ୍ୟବସ୍ଥା: ଖୋଲାରେ ପଡ଼ିଛି ୧୦୦୦ କୁଇଣ୍ଟାଲ ଧାନ

ଭୁବନ, ୧୨।୧୨(ଡି.ଏନ୍‌.ଏ.): ଢେଙ୍କାନାଳ ଜିଲା ଗଁଦିଆ ବ୍ଲକ ମନ୍ଦାର ସେବା ସମବାୟ ସମିତି ଧାନମଣ୍ଡିରେ ଆରମ୍ଭରୁ ବ୍ୟାପକ ଅବ୍ୟବସ୍ଥା ଦେଖାଦେଇଛି। ସରକାରୀ ନିୟମକୁ ବେଖାତିର କରି ମିଲର ଧାନ କାଟ କରିବାକୁ କହିବା ପରେ ତୀବ୍ର ଅସନ୍ତୋଷ ବ୍ୟକ୍ତ କରିଛନ୍ତି ଚାଷୀ। ସମନ୍ବୟ ଅଭାବରୁ ଧାନକ୍ରୟ ହୋଇପାରି ନ ଥିବାବେଳେ ଖୋଲା ଆକାଶ ତଳେ ପଡ଼ିରହିଛି ୧୦୦୦ କୁଇଣ୍ଟାଲ ଧାନ।

ଶେଲଟର ହୋମ୍‌ ଯୌନଶୋଷଣ ମାମଲା: ତଦନ୍ତରେ ଶିଥିଳତା

ଶେଲଟର ହୋମ୍‌ ଯୌନଶୋଷଣ ମାମଲା: ତଦନ୍ତରେ ଶିଥିଳତା

ଢେଙ୍କାନାଳ ଅଫିସ, ୧୨ା୧୨: ‘ଗୁଡ୍‌ ନ୍ୟୁଜ୍‌ ଇଣ୍ଡିଆ ଡ୍ରିମ୍‌ ସେଣ୍ଟର’ ଯୌନଶୋଷଣ ମାମଲାର ତଦନ୍ତ ଆଗକୁ ବଢୁନି। ଅନୁଷ୍ଠାନ ବେଆଇନ ଭାବେ ଚାଲିଥିବା ସ୍ପଷ୍ଟ ହୋଇସାରିଥିବାବେଳେ ତଦନ୍ତରେ ଶିଥିଳତା ଦୋଷୀଙ୍କୁ ଖସିଯିବା ପାଇଁ ବାଟ ଦେଖାଉଥିବା ସାଧାରଣରେ ଆଲୋଚନା ହେଉଛି।

କିସ୍ତି ଟଙ୍କା ପୈଠ ନ କରିବାରୁ ଜୁଲମ: ମହିଳାଙ୍କୁ ଘରୁ ବାହାର କରିଦେଲେ

କିସ୍ତି ଟଙ୍କା ପୈଠ ନ କରିବାରୁ ଜୁଲମ: ମହିଳାଙ୍କୁ ଘରୁ ବାହାର କରିଦେଲେ

ଢେଙ୍କାନାଳ ଅଫିସ, ୧୨ା୧୨: କିସ୍ତି ଟଙ୍କା ପଇଠ ନ କରିବାରୁ ଜଣେ ମହିଳାଙ୍କୁ ସଂସ୍ଥାର କର୍ମଚାରୀ ଘରୁ ବାହାର କରି ତାଲା ପକାଇଦେବା ଘଟଣା ଢେଙ୍କାନାଳ ଜିଲା ଗଁଦିଆ ଥାନା ଯୋରନ୍ଦା ଫାଣ୍ଡି ନାଟିମା ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି। ପୀଡ଼ିତା ମହିଳା ଶୈଳବାଳା ସାହୁ ଏ ନେଇ ଜିଲାପାଳଙ୍କ ନିକଟରେ ଲିଖିତ ଅଭିଯୋଗ କରିଛନ୍ତି।

ସୂର-ତାଲ ସାଂସ୍କୃତିକ ଉତ୍ସବ ଉଦ୍‌ଯାପିତ: ନାଚ, ଗୀତରେ ଝୁମିଲେ ଦର୍ଶକ

ସୂର-ତାଲ ସାଂସ୍କୃତିକ ଉତ୍ସବ ଉଦ୍‌ଯାପିତ: ନାଚ, ଗୀତରେ ଝୁମିଲେ ଦର୍ଶକ

ଅନୁଗୋଳ ଅଫିସ, ୧୨।୧୨: ସେବା ଓ ସାଂସ୍କୃତିକ ଅନୁଷ୍ଠାନ ସୂର-ତାଲର ସାଂସ୍କୃତିକ ଉତ୍ସବ ୨୦୧୮ ଉଦ୍‌ଯାପିତ ହୋଇଯାଇଛି। ମୁଖ୍ୟ ଅତିଥି ଭାବେ ବିଧାୟକ ରଜନୀକାନ୍ତ ସିଂ ଯୋଗ ଦେଇଥିବାବେଳେ ଜିଲା ସଂସ୍କୃତି ଅଧିକାରୀ ମହେନ୍ଦ୍ର କୁମାର ସାହୁ, ରିତେଶ ମହାପାତ୍ର, ବିଷ୍ଣୁଚରଣ ପ୍ରଧାନ ପ୍ରମୁଖ ଅତିଥି ଭାବେ ଉପସ୍ଥିତ ଥିଲେ। 

ବିଧାନସଭା ପବ୍ଲିକ ଆକାଉଣ୍ଟସ୍‌ କମିଟି ସବ୍‌ କମିଟି-୧ର ଅନୁଗୋଳ ଗସ୍ତ: କୁନ୍ଦରାବାହାଳି, ନନ୍ଦିରା ନାଳ ପରିଦର୍ଶନ

ବିଧାନସଭା ପବ୍ଲିକ ଆକାଉଣ୍ଟସ୍‌ କମିଟି ସବ୍‌ କମିଟି-୧ର ଅନୁଗୋଳ ଗସ୍ତ: କୁନ୍ଦରାବାହାଳି, ନନ୍ଦିରା ନାଳ ପରିଦର୍ଶନ

ଅନୁଗୋଳ ଅଫିସ, ୧୨।୧୨: ଓଡ଼ିଶା ବିଧାନସଭା ପବ୍ଲିକ ଆକାଉଣ୍ଟସ୍‌ କମିଟି ସବ୍‌ କମିଟି-୧ର ଅଧ୍ୟକ୍ଷ ତଥା ବିରୋଧୀ ଦଳ ନେତା ନରସିଂହ ମିଶ୍ର ଓ ଢେଙ୍କାନାଳ ବିଧାୟକ ସରୋଜ କୁମାର ସାମଲଙ୍କୁ ନେଇ ଏକ ୨ ଜଣିଆ ଟିମ୍‌ ମଙ୍ଗଳବାର ଅନୁଗୋଳ ଗସ୍ତରେ ଆସିଥିଲେ।

ଦୁର୍ଘଟଣାରେ ୨ ମୃତ, ଜଣେ ଗୁରୁତର

ଦୁର୍ଘଟଣାରେ ୨ ମୃତ, ଜଣେ ଗୁରୁତର

ପାଲଲହଡା/ବଅଁରପାଳ,୧୧।୧୨(ଡି.ଏନ.ଏ.)- ପାଲଲହଡ଼ା ବ୍ଲକ ୧୪୯ ନଂ. ଜାତୀୟ ରାଜପଥ ଝିମିରିପାଲି ଗ୍ରାମ ନିକଟରେ ମଙ୍ଗଳବାର ସାରେ ଏକ ବାଇକ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଛି।

ଜିଲାସ୍ତରୀୟ ସ୍କାଉଟ ଉତ୍ସବ କାମ୍ପୋରୀ ଉଦ୍‌ଘାଟିତ

ଜିଲାସ୍ତରୀୟ ସ୍କାଉଟ ଉତ୍ସବ କାମ୍ପୋରୀ ଉଦ୍‌ଘାଟିତ

ପାଲଲହଡା,୧୧।୧୨(ଡି.ଏନ.ଏ.)- ଅନୁଗୋଳ ଜିଲା ପାଲଲହଡା ଉପଖଣ୍ଡ ସଦରମହକୁମାସ୍ଥିତ ମହତାବ ଉଚ୍ଚ ବିଦ୍ୟାଳୟରେ ମଙ୍ଗଳବାର ୬ଜିଲାସ୍ତରୀୟ ସ୍କାଉଟ୍‌ ଏବଂ ଗାଇଡ଼ ବାର୍ଷିକ ଉତ୍ସବ କାମ୍ପୋରୀ ଉଦ୍‌ଘାଟିତ ହୋଇଯାଇଛି। ଏହା ୩ ଦିନ ଧରି ଚାଲିବ। ଏଥିରେ ୮ ବ୍ଲକର ୨୧୦ ଟି ଉଚ୍ଚ ବିଦ୍ୟାଳୟର ୬୮୯ ଜଣ ସ୍କାଉଟ୍‌ ଏବଂ ଗାଇଡ଼ ଛାତ୍ରୀଛାତ୍ର, ୨୧୦ ଜଣ ଗାଇଡ଼ କ୍ୟାପଟେନ, ସ୍କାଉଟ ମାଷ୍ଟର ଯୋଗ ଦେଇଛନ୍ତି।