ଅନଗୁଳ-ଢେଙ୍କାନାଳ

ବଢ଼ୁଛି ବୁଦ୍ଧେଶ୍ୱର ଶୈବପୀଠ କମିଟି ଗଠନ ବିବାଦ:ସଭାପତି ଚୟନ ନୋହିଲା

ବଢ଼ୁଛି ବୁଦ୍ଧେଶ୍ୱର ଶୈବପୀଠ କମିଟି ଗଠନ ବିବାଦ:ସଭାପତି ଚୟନ ନୋହିଲା

ଭୁବନ, ୧୪।୧୨(ଡି.ଏନ୍‌.ଏ.)-ରାଜ୍ୟ ପର୍ଯ୍ୟଟନ ମାନଚିତ୍ରରେ ସ୍ଥାନ ସୁରକ୍ଷିତ କରିଥିବା ଭୁବନ ବୁଦ୍ଧେଶ୍ୱର ଶୈବପୀଠର ନୂତନ ପରିଚାଳନା କମିଟି ଗଠନକୁ ନେଇ ବିବାଦ ତୀବ୍ର ହେବାରେ ଲାଗିଛି। ସଭାପତି ପଦବୀ ପାଇଁ ଆଶାୟୀ ଥିବା ଦୁଇ ଗୋଷ୍ଠୀ ମଧ୍ୟରେ ମତାନ୍ତର ଲାଗିରହିଛି। ଗୋଟିଏ ଗୋଷ୍ଠୀ ପ୍ରତିପକ୍ଷକୁ ବିରୋଧ କରୁଥିବାରୁ ସଭାପତି ଚୟନ ହୋଇପାରୁନାହିଁ। କମିଟି ଗଠନ ହୋଇପାରୁ ନ ଥିବାରୁ ମନ୍ଦିର ପରିଚାଳନାରେ ପ୍ରତିବନ୍ଧକ ସୃଷ୍ଟି ହୋଇଛି। ଏହାକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି।
ପ୍ରଶାସନିକ ନିଷ୍ପତ୍ତି ଅନୁଯାୟୀ, ବୁଧବାର ତହସିଲଦାର ପରକ୍ଷିତ ସାହୁଙ୍କ ଅଧ୍ୟକ୍ଷତାରେ ସଭାପତି ଚୟନ ପାଇଁ ମନ୍ଦିର ପରିସରରେ ବୈଠକ ବସିଥିଲା। ଡେପୁଟି କଲେକ୍ଟର ଶ୍ୟାମସୁନ୍ଦର ସାହୁ, ଦେବୋତ୍ତର ନିରୀକ୍ଷକ ପ୍ରଦ୍ୟୁମ୍ନ କୁମାର ତ୍ରିପାଠୀ ଉପସ୍ଥିତ ଥିଲେ। ଦେବୋତ୍ତର ବିଭାଗର ପରିଚାଳନା କମିଟି ସମ୍ପର୍କିତ ସମସ୍ତ ନୀତିନିୟମ ଆଲୋଚନା କରାଯାଇ ସର୍ବସମ୍ମତ୍ତିକ୍ରମେ ୩୫ଜଣିଆ କମିଟି ଗଠିତ ହୋଇଛି। ଏଥିରେ ଏନ୍‌ଏସିର ୧୫ଟି ଓ୍ବାର୍ଡରୁ ୨ଜଣ ଲେଖାଏଁ ପ୍ରତିନିଧିଙ୍କୁ ମନୋନୀତ କରାଯାଇଛି। ସେହିପରି ୫ ମହିଳା କମିଟିରେ ସ୍ଥାନ ପାଇଛନ୍ତି।
ଏହାପରେ ସଭାପତି ଏବଂ ସମ୍ପାଦକ ପଦବୀ ଚୟନ ପ୍ରକ୍ରିୟା ଆରମ୍ଭ ହୋଇଥିଲା। ପୂର୍ବତନ ଏନ୍‌ଏସି ଅଧ୍ୟକ୍ଷ ନନ୍ଦକିଶୋର ସାହୁଙ୍କୁ ସଭାପତି ପଦବୀ ଦାୟିତ୍ୱ ଦେବାକୁ ପ୍ରସ୍ତାବ ଆସିଥିଲା। ତେବେ ଏହାକୁ ଅପର ଗୋଷ୍ଠୀର କେତେଜଣ ସଦସ୍ୟ ବିରୋଧ କରିଥିଲେ। ମନ୍ଦିର ପରିଚାଳନା କମିଟି ଗଠନରେ ରାଜନୀତି କରାଯାଉଥିବା ସେମାନେ ଅଭିଯୋଗ କରଛନ୍ତି। ଏହାକୁ ନେଇ ଉତ୍ତେଜନା ପ୍ରକାଶ ପାଇଥିଲା। ଏହାପରେ ବ୍ରଜବନ୍ଧୁ ବେହେରାଙ୍କ ନାମ ପ୍ରସ୍ତାବ ଆସିଥିଲା। ଏହାକୁ ମଧ୍ୟ ପୂର୍ଣ୍ଣ ସମର୍ଥନ ମିଳି ନ ଥିଲା। ଅପରାହ୍ନ ଯାଏ ବିବାଦର କୌଣସି ମୀମାଂସା ହୋଇପାରି ନ ଥିଲା। ବିବାଦ ବଢ଼ିବାରୁ ତହସିଲଦାର ଏଥିରେ ହସ୍ତକ୍ଷେପ କରିଥିଲେ। ଚଳିତ ମାସ ୨୧ତାରିଖ ସୁଦ୍ଧା ଚୟନ ହୋଇଥିବା ୩୫ଜଣ ସଦସ୍ୟ ପରିଚାଳନା କମିଟି ଗଠନ କରି ପ୍ରଶାସନକୁ ଅବଗତ କରାଇବାକୁ ସେ ନିର୍ଦ୍ଦେଶ ଦେଇଛନ୍ତି।
ଏ ସମ୍ପର୍କରେ ନନ୍ଦକିଶୋର କହିଛନ୍ତି, ବୁଦ୍ଧେଶ୍ୱର ଶୈବପୀଠରେ ସେବା କରିବା ପାଇଁ ସେ ମନ ବଳାଇଥିଲେ। ଅଞ୍ଚଳର ବୁଦ୍ଧିଜୀବୀମାନେ ଏହାକୁ ସ୍ବାଗତ କରିଥିବାବେଳେ କେତେଜଣ ବ୍ୟକ୍ତି ଏହାକୁ ବିରୋଧ କରୁଛନ୍ତି। ସୁଯୋଗ ମିଳିଲେ ମହାଦେବଙ୍କ ସେବା କରିବାରେ ପଛଘୁଞ୍ଚା ଦେବେନାହିଁ ବୋଲି ସେ କହିଛନ୍ତି। ସେହିପରି ବ୍ରଜବନ୍ଧୁ କହିଛନ୍ତି, ଦୀର୍ଘଦିନ ହେଲା ସେ ଅଞ୍ଚଳର ପ୍ରତ୍ୟକ୍ଷ ଦେବତା ବୁଦ୍ଧେଶ୍ୱରଙ୍କ ସେବା କରି ଆସୁଛନ୍ତି। ପରିଚାଳନା କମିଟିର କର୍ମକର୍ତ୍ତାମାନେ ତାଙ୍କୁ ସଭାପତି ଭାବେ ମନୋନୀତ କରିବାକୁ ଆଗ୍ରହୀ ଥିଲେ। ଏହାକୁ ନେଇ ବିବାଦୀୟ ପରିସ୍ଥିତି ସୃଷ୍ଟି ହୋଇଥିଲା। ଦାୟିତ୍ୱ ମିଳିଲେ ପୀଠର ଉନ୍ନୟନମୂଳକ କାର୍ଯ୍ୟ ଆଗକୁ ନେବାକୁ ପ୍ରୟାସ କରିବେ ବୋଲି ସେ କହିଛନ୍ତି।

All Right Reserved By

Model This Week

Model This Week

ଅନଗୁଳ-ଢେଙ୍କାନାଳ

ବିଶ୍ୱ ମ୍ୟାଲେରିଆ ଦିବସ ପାଳିତ

ବିଶ୍ୱ ମ୍ୟାଲେରିଆ ଦିବସ ପାଳିତ

ବନ୍ତଳା,୨୫।୪(ଡି.ଏନ୍‌.ଏ.): ଅନୁଗୋଳ ବ୍ଲକ ରନ୍ତଲେଇ ପଞ୍ଚାୟତ ହରିବେରଣୀ ଗାଁ କଲ୍ୟାଣ ସମିତି ପକ୍ଷରୁ ବୁଧବାର ବିଶ୍ୱ ମ୍ୟାଲେରିଆ ଦିବସ ପାଳିତ ହୋଇଯାଇଛି। ଏ ନେଇ ପୁରୁଣା ଗଡ଼ ସ୍ବାସ୍ଥ୍ୟକେନ୍ଦ୍ରର ନୂତନ ସ୍ବାସ୍ଥ୍ୟ ଅଧିକାରୀଙ୍କ ଅଧ୍ୟକ୍ଷତାରେ ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଥିଲା।

କୃଷକ ବଜାର ଭିତ୍ତିପ୍ରସ୍ତର ସ୍ଥାପିତ

କୃଷକ ବଜାର ଭିତ୍ତିପ୍ରସ୍ତର ସ୍ଥାପିତ

ଢେଙ୍କାନାଳ ଅଫିସ,୨୫।୪: ଢେଙ୍କାନାଳ ପୌରାଞ୍ଚଳ କୈବଲ୍ୟ ବଜାରଠାରେ ଢେଙ୍କାନାଳ ନିୟନ୍ତ୍ରିତ ବଜାର କମିଟି ପକ୍ଷରୁ ବୁଧବାର ସକାଳ ୯ଟାରେ ୧ କୋଟି ଟଙ୍କା ବ୍ୟୟରେ ହେବାକୁ ଥିବା କୃଷକ ବଜାରର ଭିତ୍ତିପ୍ରସ୍ତର ସ୍ଥାପିତ ହୋଇଯାଇଛି। ଜିଲାପାଳ ନିଖିଲ ପବନ କଲ୍ୟାଣ ଏହି ଭିତ୍ତିପ୍ରସ୍ତର ସ୍ଥାପନ କରିଛନ୍ତି।

ବିଶ୍ୱ ମ୍ୟାଲେରିଆ ଦିବସ ପାଳିତ

ବିଶ୍ୱ ମ୍ୟାଲେରିଆ ଦିବସ ପାଳିତ

ଢେଙ୍କାନାଳ ଅଫିସ,୨୫।୪: ଢେଙ୍କାନାଳ ଜିଲା କାର୍ଯ୍ୟାଳୟ ସଦ୍‌ଭାବନା ଗୃହରେ ବୁଧବାର ପୂର୍ବାହ୍ନରେ ବିଶ୍ୱ ମ୍ୟାଲେରିଆ ଦିବସ ପାଳିତ ହୋଇଯାଇଛି। ଏ ନେଇ ଆୟୋଜିତ କାର୍ଯ୍ୟକ୍ରମରେ ଜିଲାପାଳ ନିଖିଲ ପବନ କଲ୍ୟାଣ ଅଧ୍ୟକ୍ଷତା କରି ମ୍ୟାଲେରିଆ ନିରାକରଣ ପାଇଁ ସ୍ବାସ୍ଥ୍ୟ ବିଭାଗ ସମେତ ସମସ୍ତଙ୍କୁ ନିଷ୍ଠାର ସହ କାର୍ଯ୍ୟ କରିବାକୁ ପରାମର୍ଶ ଦେଇଥିଲେ।

ବ୍ଲକ୍‌ କାର୍ଯ୍ୟାଳୟ ଫାଟକରେ ତାଲା ପକାଇଲେ ସରପଞ୍ଚ

ବ୍ଲକ୍‌ କାର୍ଯ୍ୟାଳୟ ଫାଟକରେ ତାଲା ପକାଇଲେ ସରପଞ୍ଚ

କଣିହାଁ,୨୫।୪(ଡି.ଏନ୍‌.ଏ.): କଣିହାଁ ବ୍ଲକ ଓ ଆର୍‌ଡବ୍ଲ୍ୟୁଏସ୍‌ଏସ୍‌ କାର୍ଯ୍ୟାଳୟ ଫାଟକରେ ବୁଧବାର ସରପଞ୍ଚ ଦୁଖବନ୍ଧୁ ଭୁତିଆ ତାଲା ପକାଇଦେଇଥିଲେ। ୨ଟି ପାନୀୟଜଳ ପ୍ରକଳ୍ପ ନିର୍ମାଣ କାର୍ଯ୍ୟ ଶେଷ କରାଯାଉ ନ ଥିବାରୁ ସେ ଏହି ପଦକ୍ଷେପ ନେଇଥିବା ଜଣାପଡ଼ିଛି।

ଅଜଣା ଗାଡ଼ି ଧକ୍କାରେ ଯୁବକ ମୃତ

ଅଜଣା ଗାଡ଼ି ଧକ୍କାରେ ଯୁବକ ମୃତ

ପରଜଙ୍ଗ,୨୫।୪(ଡି.ଏନ୍‌.ଏ.): ଢେଙ୍କାନାଳ ଜିଲା ପରଜଙ୍ଗ ଥାନା ସରାଙ୍ଗ ଫାଣ୍ଡି ଅଧୀନ ୧୪୯ ନମ୍ବର ଜାତୀୟ ରାଜପଥର ପିତିରି ସ୍ବପ୍ନେଶ୍ୱର ମନ୍ଦିର ନିକଟରେ ମଙ୍ଗଳବାର ବିଳମ୍ବିତ ରାତିରେ ଏକ ଅଜଣା ଗାଡି ଧକ୍କାରେ ଜଣେ ଯୁବକଙ୍କ ମୃତ୍ୟୁ ହୋଇଛି। ସେ ହେଲେ ପରଜଙ୍ଗ ଗ୍ରାମର ଗଗନ ସାମଲ ଓରଫ ଚିଲୁ(୩୦)।

ଅଜଣା ଗାଡ଼ି ଧକ୍କାରେ ଜଣେ ମୃତ

ଅଜଣା ଗାଡ଼ି ଧକ୍କାରେ ଜଣେ ମୃତ

ବଅଁରପାଳ,୨୪।୪(ଡି.ଏନ.ଏ.)- ବଅଁରପାଳ ଥାନା ୧୪୯ ନଂ. ଜାତୀୟ ରାଜପଥର ଗୋତମୋରା ନିିକଟରେ ମଙ୍ଗଳବାର ପୂର୍ବାହ୍ନରେ ଏକ ଅଜଣା ଗାଡି ଧକାରେ ସୁଜନ ବରିହା(୪୫)ଙ୍କ ମୃତ୍ୟୁ ହୋଇଛି।

ଟ୍ରକ୍‌ ସହ କୋଇଲା ଜବତ

ଅନୁଗୋଳ ଅଫିସ,୨୪।୪- ଅନୁଗୋଳ ଥାନା ନତଡ଼ା ନିକଟରୁ ପୋଲିସ ସୋମବାର ବିଳମ୍ବିତ ରାତ୍ରିରେ ଏକ ୧୦ ଚକିଆ ଟ୍ରକ୍‌ ସହ ପ୍ରାୟ ୧୫ ଟନ୍‌ ଚୋରା କୋଇଲା ଜବତ କରିଛି। ଚଢ଼ାଉ ସମୟରେ ଘଟଣା ସ୍ଥଳରୁ ଟ୍ରକ୍‌ ଚାଳକ ଫେରାର ହୋଇଯାଇଛନ୍ତି।

ବନ ବିଭାଗ ବିଫଳ: ଆଖି ବୁଜିଲା ଆହତ ହାତୀ

ବନ ବିଭାଗ ବିଫଳ: ଆଖି ବୁଜିଲା ଆହତ ହାତୀ

ଢେଙ୍କାନାଳ ଅଫିସ୍‌, ୨୪ା୪-ଦୀର୍ଘ ୪ଦିନ ଯନ୍ତ୍ରଣାରେ ଛଟପଟ ହେବାପରେ ଶେଷରେ ଆଖି ବୁଜିଛି ଟ୍ରେନ୍‌ ଧକ୍କାରେ ଆହତ ମାଈହାତୀ। ହାତୀକୁ ବଞ୍ଚାଇବାରେ ବିଫଳ ହୋଇଛି ବନ ବିଭାଗ। ଠିକ୍‌ ସମୟରେ ଚିକିତ୍ସା ହୋଇ ନ ପାରିବାରୁ ହାତୀ ମୃତ୍ୟୁମୁଖରେ ପଡ଼ିଥିବା ଅଭିଯୋଗ କରିଛନ୍ତି ପରିବେଶବିତ୍‌। ଏହାପରେ ପଦାରେ ପଡ଼ିଛି ବନ ବିଭାଗ କର୍ତ୍ତୃପକ୍ଷଙ୍କ ଚରମ ଅବହେଳା।

‘ଦକ୍ଷତା ସମ୍ପନ୍ନ ପିଲା ରାଜ୍ୟର ପ୍ରମୁଖ ଆୟୁଧ’

‘ଦକ୍ଷତା ସମ୍ପନ୍ନ ପିଲା ରାଜ୍ୟର ପ୍ରମୁଖ ଆୟୁଧ’

ଅନୁଗୋଳ ଅଫିସ,୨୪।୪- ଓଡ଼ିଶା ଦକ୍ଷତା ବିକାଶ ପ୍ରାଧିକରଣ ଦ୍ୱାରା ଆସନ୍ତା ୨୯ ଓ ୩୦ ତାରିଖରେ ଭୁବନେଶ୍ୱର ୟୁନିଟ୍‌-୩ ସ୍ଥିତ ଇଡ୍‌କୋ ପ୍ରଦର୍ଶନୀ ପଡ଼ିଆରେ ରାଜ୍ୟସ୍ତରୀୟ ଦକ୍ଷତା ପ୍ରତିଯୋଗିତା ଅନୁଷ୍ଠିତ ହେବ। ଏ ସମ୍ପର୍କରେ ବ୍ୟାପକ ଜନସଚେତନତା ସୃଷ୍ଟି ଉଦ୍ଦେଶ୍ୟରେ ମଙ୍ଗଳବାର ପୂର୍ବାହ୍ନରେ ଜିଲା କାର୍ଯ୍ୟାଳୟ କୋର୍ଟରୁମ୍‌ ଠାରେ ଏକ ଖବରଦାତା ସମ୍ମିଳନୀ ଅନୁଷ୍ଠିତ ହୋଇଥିଲା। ଜିଲାପାଳ ଅନିଲ କୁମାର ସାମଲ ଏଥିରେ ଅଧ୍ୟକ୍ଷତା କରି ବ୍ୟାପକ ଜନସଚେତନତା ଉପରେ ଗୁରୁତ୍ୱାରୋପ କରିଥିଲେ।

ହକ୍‌ ପାଇଁ ଏକଜୁଟ ହେବେ ଠିକା ଶ୍ରମିକ

ତାଳଚେର,୨୪ା୪(ନି.ପ୍ର.)- ତାଳଚେର ରେଲୱେ ଷ୍ଟେଶନରେ କାର୍ଯ୍ୟରତ ଠିକା ଶ୍ରମିକ ମାନଙ୍କ ସମସ୍ୟା ସମାଧାନ ନିମନ୍ତେ ସୋମବାର ସ୍ଥାନୀୟ ତାଳେଶ୍ୱର ମନ୍ଦିରଠାରେ ଏକ ଜରୁରୀ ବୈଠକ ଅନୁଷ୍ଠିତ ହୋଇଯାଇଛି।

 ଅଥୟ କରୁଛି ବିଦ୍ୟୁତ୍‌ କାଟ ସମସ୍ୟା: ଆଠମଲ୍ଲିକ ଉପଖଣ୍ଡବାସୀ ହନ୍ତସନ୍ତ

ଅଥୟ କରୁଛି ବିଦ୍ୟୁତ୍‌ କାଟ ସମସ୍ୟା: ଆଠମଲ୍ଲିକ ଉପଖଣ୍ଡବାସୀ ହନ୍ତସନ୍ତ

ବଇଣ୍ଡା,୨୪।୪(ଡି.ଏନ.ଏ.)- ଅନୁଗୋଳ ଜିଲା ଆଠମଲ୍ଲିକ ଉପଖଣ୍ଡରେ ଏବେ ଅଘୋଷିତ ବିଦ୍ୟୁତ୍‌ କାଟ୍‌ ସମସ୍ୟା ଲୋକଙ୍କ ଚିନ୍ତା ବଢ଼ାଇ ଦେଇଛି। ସରକାରୀ ନିର୍ଦ୍ଦେଶ ନ ଥିଲେ ମଧ୍ୟ ଦିନକୁ ୨ରୁ ୫ ଘଣ୍ଟା ଯାଏ ପାଓ୍ବାର କଟ୍‌ କରାଯାଉଥିବା ଉପଭୋକ୍ତାମାନେ ଅଭିଯୋଗ କରୁଛନ୍ତି। ପ୍ରବଳ ଗ୍ରୀଷ୍ମ ପ୍ରବାହ ଓ ଗୁଳୁଗୁଳି ବଢ଼ୁଥିବା ବେଳେ ବିଦ୍ୟୁତ୍‌ ସେବାରେ ଏପରି ବାରମ୍ବାର ବ୍ୟାଘାତ ଫଳରେ ଜନ ଜୀବନ ଅସ୍ତବ୍ୟସ୍ତ ହୋଇପଡ଼ୁଛି।

ଠିକଣା ପାଇବେ ରାମିଆଳ, ଦଦରାଘାଟି ବିସ୍ଥାପିତ

ଠିକଣା ପାଇବେ ରାମିଆଳ, ଦଦରାଘାଟି ବିସ୍ଥାପିତ

କାମାକ୍ଷାନଗର, ୨୪ା୪(ଡି.ଏନ.ଏ.)-କ୍ଷତିପୂରଣରୁ ବାଦ୍‌ ପଡ଼ିଥିବା ଦଣ୍ଡାଧାର ଏବଂ ଦଦରାଘାଟି ବିସ୍ଥାପିତଙ୍କୁ ମିଳିବ ସ୍ଥାୟୀ ଠିକଣା। ହାଇକୋର୍ଟଙ୍କ ନିର୍ଦ୍ଦେଶ ପରେ ଏଥିଲାଗି ଆରମ୍ଭ ହୋଇଛି ପ୍ରକ୍ରିୟା। ଏ ସଂକ୍ରାନ୍ତରେ ମଙ୍ଗଳବାର କାମାକ୍ଷାନଗର ଉପଜିଲାପାଳଙ୍କ କାର୍ଯ୍ୟାଳୟରେ ଅନୁଷ୍ଠିତ ବୈଠକରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି। ଦୀର୍ଘଦିନ ପରେ କ୍ଷତିଗ୍ରସ୍ତ ପରିବାର ଘରଡ଼ିହ ଏବଂ ଜମିପଟ୍ଟା ପାଇବା ନିମନ୍ତେ ଆଶା ସଞ୍ଚାର ହୋଇଥିବାବେଳେ ଏହାକୁ ବିଭିନ୍ନ ମହଲରେ ସ୍ବାଗତ କରାଯାଇଛି।