ଅନଗୁଳ-ଢେଙ୍କାନାଳ

ରବି ଫସଲକୁ ବିହନ ବାଧକ

ରବି ଫସଲକୁ ବିହନ ବାଧକ
ଅନୁଗୋଳ ଅଫିସ,୧୩।୧୨- ଅନୁଗୋଳ କୃଷି ଜିଲା ଅନ୍ତର୍ଗତ ୮ଟି ବ୍ଲକ ଅଞ୍ଚଳରେ ଚଳିତବର୍ଷ ମୋଟ୍‌ ୮୭,୦୦୭ ହେକ୍ଟର ଜମିରେ ରବି ଫସଲ ପାଇଁ ସରକାରୀ ସ୍ତରରେ ଲକ୍ଷ୍ୟ ଧାର୍ଯ୍ୟ କରାଯାଇଛି। ସେଥିମଧ୍ୟରୁ ୭୫୮ହେକ୍ଟରରେ ଧାନ, ୪୪,୭୩୫ ହେକ୍ଟର ଜମିରେ ଡାଲିଜାତୀୟ, ୨୦,୮୮୮ ହେକ୍ଟରରେ ତୈଳବୀଜ ଜାତୀୟ, ୧୪,୨୫୦ରେ ପରିବା ଓ ୪୯୫୮ ହେକ୍ଟର ଜମିରେ ମସଲାଜାତୀୟ ଫସଲ କରାଯିବା ପାଇଁ ସ୍ଥିର ହୋଇଛି। ମାତ୍ର ଏବେ ସୁଦ୍ଧା ୨୨,୫୨୦ ହେକ୍ଟରରେ ମୁଗ, ବିରି, କୋଳଥ ଆଦି ଡାଲିଜାତୀୟ ଫସଲ ଚାଷ କରାଯାଇଛି। ସେହିଭଳି ୮୦୦ ହେକ୍ଟରରେ ବୁଟ, ମଟର ଚାଷ ହୋଇଛି। ୮୮୩୦ ହେକ୍ଟରରେ ତୈଳବୀଜ, ୧୯୨୦ ହେକ୍ଟରରେ ପରିବା ଚାଷ କରାଯାଇଛି। କିନ୍ତୁ ଏ ପର୍ଯ୍ୟନ୍ତ ଧାନଚାଷ ଆରମ୍ଭ ହୋଇ ନ ଥିବା କୃଷି ବିଭାଗ ସୂତ୍ରରୁ ଜଣାପଡ଼ିଛି। ଅକ୍ଟୋବରଠାରୁ ଚାଷୀମାନେ ରବି ଫସଲ ଆରମ୍ଭ କରି ମାର୍ଚ୍ଚ ସୁଦ୍ଧା ସମାପ୍ତ କରିଥାନ୍ତି। ୨୦୧୬-୧୭ ରବି ଋତୁରେ ୯୬,୮୫୩ ହେକ୍ଟରରେ ରବି ଫସଲ ନିମନ୍ତେ ଲକ୍ଷ୍ୟ ରଖାଯାଇଥିଲା। ସେଥିରୁ ୯୬,୫୮୩ ହେକ୍ଟର ଜମିରେ ଚାଷ କାର୍ଯ୍ୟ ହୋଇଥିଲା। ଚଳିତବର୍ଷ ଚାଷୀମାନେ ରବି ଫସଲ ଆରମ୍ଭ କରିଥିଲେ ହେଁ ଜିଲାରେ ଥିବା କୃଷି ସମବାୟ ସମିତିଗୁଡ଼ିକୁ ଏ ପର୍ଯ୍ୟନ୍ତ ସରକାରଙ୍କ ପକ୍ଷରୁ ବିହନ ଯୋଗାଣ ହୋଇପାରି ନାହିଁ। ଜିଲାର ଅନୁଗୋଳ, ବଅଁରପାଳ, କଣିହଁା, ତାଳଚେର, ପାଲଲହଡ଼ା, କିଶୋରନଗର, ଛେଣ୍ଡିପଦା ଓ ଆଠମଲ୍ଲିକ ଆଦି ୮ଟି ବ୍ଲକରେ ମୋଟ୍‌ ୧୦୩ଟି କୃଷି ସମବାୟ ସମିତି ରହିଛି। ଚାଷୀମାନଙ୍କୁ ସରକାରଙ୍କ ତରଫରୁ ଉକ୍ତ ସମିତି ଜରିଆରେ ବିହନ ଯୋଗାଇ ଦିଆଯାଇଥାଏ। ମାତ୍ର ଚଳିତବର୍ଷ ରବି ଋତୁରେ ଏଥିରେ ବ୍ୟତିକ୍ରମ ଦେଖାଦେଇଛି। ୧୦୩ଟିରୁ କେବଳ ଜରାସିଂହା ସମିତିରେ ବିହନ ମହଜୁଦ ଥିବାବେଳେ ଅନ୍ୟ ୧୦୨ଟି ସମିତିକୁ ବିହନ ଯୋଗାଣ ହୋଇପାରି ନାହିଁ। ଜରାସିଂହା ସମିତିକୁ କେବଳ ୧୦ କୁଇଣ୍ଟାଲ ଧାନ ବିହନ ସରକାର ଯୋଗାଇ ଦେଇଛନ୍ତି। ଡାଲି ଓ ତୈଳବୀଜ ଜାତୀୟ ବିହନର ଆବଶ୍ୟକତା ଥିଲେ ବି ତାହା ଆସିପାରି ନାହିଁ। ରାଜ୍ୟ ବିହନ ନିଗମରେ ସମିତି ଗୁଡ଼ିକ ଟଙ୍କା ଜମା କରିବା ପରେ ସେମାନଙ୍କୁ ବିହନ ଦିଆଯାଇଥାଏ। ହେଲେ ଅଳ୍ପ କେତୋଟି ସମିତିକୁ ଛାଡ଼ିଦେଲେ ଜିଲାରେ ଥିବା ଅଧିକାଂଶ ସମିତି ଏପର୍ଯ୍ୟନ୍ତ ଟଙ୍କା ଜମା କରି ନ ଥିବା ଜଣାପଡ଼ିଛି। ବିହନ ପାଇବା ଆଶାରେ ବହୁ ଚାଷୀ ସମିତିଗୁଡ଼ିକୁ ବାରମ୍ବାର ଦୌଡ଼ୁଥିଲେ ମଧ୍ୟ ସେମାନଙ୍କୁ ହତାଶ ହେବାକୁ ପଡ଼ୁଛି। ଅନ୍ୟପକ୍ଷରେ ଚଳିତବର୍ଷ ଯେଉଁ ଅଞ୍ଚଳରେ ମରୁଡ଼ି ପରିସ୍ଥିତି ସୃଷ୍ଟି ହୋଇଛି ସେଠାକାର କ୍ଷତିଗ୍ରସ୍ତ ଚାଷୀଙ୍କୁ ସ୍ବତନ୍ତ୍ର ଭାବେ କୃଷି ବିଭାଗ ପକ୍ଷରୁ ବିହନ କିଟ୍‌ ଯୋଗାଇ ଦିଆଯାଉଛି। କିନ୍ତୁ ଏଠାକାର ସମସ୍ତ କ୍ଷତିଗ୍ରସ୍ତ ଚାଷୀ ଉକ୍ତ ସୁବିଧା ପାଇପାରୁ ନ ଥିବା ଅଭିଯୋଗ ହେଉଛି। କୃଷି ବିଭାଗକୁ ୪୦୦ କୁଇଣ୍ଟାଲ ମୁଗ, ୩୬୭ କୁଇଣ୍ଟାଲ ବିରି, ୬୦୦ କୁଇଣ୍ଟାଲ ଚିନାବାଦାମ ଓ ୨୦ କୁଇଣ୍ଟାଲ ରାଶି ବିହନ କିଟ୍‌ ଆସିଛି। ମାତ୍ର ଗ୍ରାମାଞ୍ଚଳର ଚାଷୀମାନଙ୍କୁ ସରକାରଙ୍କ ଏହି ସୁବିଧା ସମ୍ପର୍କରେ ଠିକ୍‌ ଭାବେ ସୂଚନା ମିଳୁ ନ ଥିବାରୁ ସେମାନେ ଜାଣିପାରୁ ନାହାନ୍ତି। ଫଳରେ ବହୁ ଚାଷୀ ଘରେ ରଖିଥିବା ପୁରୁଣା ବିହନକୁ ବ୍ୟବହାର କରି ଚାଷକାର୍ଯ୍ୟ ଆରମ୍ଭ କରିଥିବା ବେଳେ ଅନେକ ଚାଷୀ ବିହନ ଅଭାବରୁ ଜମି ପଡ଼ିଆ ପକାଇଥିବା ଦେଖାଯାଇଛି। ଏ ସମ୍ପର୍କରେ ବଅଁରପାଳ ଅଞ୍ଚଳର ଚାଷୀ ବିପିନ ସାହୁ, ରଘୁ ଦେହୁରୀ ଓ ଛକଡ଼ି ସାହୁ ପ୍ରମୁଖ କୁହନ୍ତି, ଆମେ ଧାନ ସହିତ ପରିବା ଓ ଡାଲିଜାତୀୟ ଫସଲ କରିଥାଉ। ମାତ୍ର ସରକାରଙ୍କ ପକ୍ଷରୁ ଏ ପର୍ଯ୍ୟନ୍ତ ଆମକୁ ବିହନ ଯୋଗାଇ ଦିଆଯାଇ ନାହିଁ। ସମିତିକୁ ବିହନ ପାଇଁ ଯାଇଥିଲେ ସୁଦ୍ଧା ସେଠାରେ ବିହନ ମହଜୁଦ ନାହିଁ। ଏ ନେଇ ଅନୁଗୋଳ ଜିଲା କୃଷି ଉପନିର୍ଦ୍ଦେଶକ ସୁବାସ ଚନ୍ଦ୍ର ବିଶ୍ୱାଳ କହିଛନ୍ତି, କ୍ଷତିଗ୍ରସ୍ତ ମରୁଡ଼ି ଅଞ୍ଚଳର ଚାଷୀମାନଙ୍କୁ ମାଗଣାରେ କୃଷି ବିଭାଗ ତରଫରୁ ବିହନ କିଟ୍‌ ଯୋଗାଇ ଦିଆଯାଉଛି। ଯେପରି ବିହନ ଅଭାବ ନ ରହିବ ସେଥିପ୍ରତି ଧ୍ୟାନ ଦିଆଯାଇଛି। ମାତ୍ର ଚଳିତବର୍ଷ କୃଷି ସମବାୟ ସମିତି ଗୁଡ଼ିକୁ ବିହନ ଯୋଗାଇ ଦିଆଯାଇ ନାହିଁ। ସହକାରୀ ବିହନ ଯୋଗାଣ ଅଧିକାରୀ ଆଶିଷ ପ୍ରଧାନ କୁହନ୍ତି, ଖରିଫ ଋତୁ ପାଇଁ ସମସ୍ତ ସମିତିରେ ଯଥେଷ୍ଟ ବିହନ ମହଜୁଦ ଥିଲା। କିନ୍ତୁ ରବି ଋତୁରେ ଏ ପର୍ଯ୍ୟନ୍ତ କେବଳ ଗୋଟିଏ ସମିତିରେ ବିହନ ରହିଛି। ରବି ଋତୁରେ ଭଲ ବିହନ ବିକ୍ରି ହେଉ ନ ଥିବାରୁ ସମିତିକୁ ସେତେଟା ଆସେନାହିଁ। ସମିତିଗୁଡ଼ିକ ବିହନ ନିଗମରେ ଟଙ୍କା ଜମା କଲେ ସେମାନଙ୍କୁ ବିହନ ଯୋଗାଇ ଦିଆଯିବ।
All Right Reserved By

ଅନଗୁଳ-ଢେଙ୍କାନାଳ

ବିଭିନ୍ନ ସ୍ଥାନରେ ଦୁର୍ଗାପୂଜା, ଗ୍ରାମାଞ୍ଚଳ ଚଳଚଞ୍ଚଳ

ବିଭିନ୍ନ ସ୍ଥାନରେ ଦୁର୍ଗାପୂଜା, ଗ୍ରାମାଞ୍ଚଳ ଚଳଚଞ୍ଚଳ


ବଇଣ୍ଡା,୧୬।୧୦(ଡି.ଏନ.ଏ.)- କିଶୋରନଗର ବ୍ଲକ ବଇଣ୍ଡା, ଡେବେରାପାଲି, ବାମୁର ଆଦି ଗ୍ରାମ ଗୁଡ଼ିକରେ ଦୁର୍ଗାପୂଜା ଆରମ୍ଭ ହୋଇଛି। ପ୍ରଥମେ କଳସରୁ ପାଣି ଆଣିବା ପରେ ଯଥାରୀତିରେ ପୂଜାର୍ଚ୍ଚନା କରାଯାଇଥିଲା। 

ଭୁଲ ଇନ୍‌ଜେକ୍ସନରୁ  ରୋଗୀ ମୃତ୍ୟୁ ଅଭିଯୋଗ:  ଘଟଣାସ୍ଥଳରେ  ଉତ୍ତେଜନା

ଭୁଲ ଇନ୍‌ଜେକ୍ସନରୁ ରୋଗୀ ମୃତ୍ୟୁ ଅଭିଯୋଗ: ଘଟଣାସ୍ଥଳରେ ଉତ୍ତେଜନା


ଅନୁଗୋଳ ଅଫିସ, ୧୬।୧୦- ଅନୁଗୋଳ ହୁଲୁରିସିହାଂ ଅଞ୍ଚଳରେ ଥିବା ଏକ ଘରୋଇ ନର୍ସିଂହୋମରେ ମଙ୍ଗଳବାର ଜଣେ ରୋଗୀଙ୍କ ମୃତ୍ୟୁକୁ ନେଇ ଉତ୍ତେଜନା ଦେଖାଦେଇଛି।

ବିନା ସଂଯୋଗରେ ବିଦ୍ୟୁତ୍‌ ବିଲ:  କାର୍ଯ୍ୟାଳୟରେ ପ୍ରତିବାଦ କଲେ ଉପଭୋକ୍ତା

ବିନା ସଂଯୋଗରେ ବିଦ୍ୟୁତ୍‌ ବିଲ: କାର୍ଯ୍ୟାଳୟରେ ପ୍ରତିବାଦ କଲେ ଉପଭୋକ୍ତା

ପରଜଙ୍ଗ, ୧୬।୧୦(ଡି.ଏନ.ଏ.)-ଘରକୁ ବିଦ୍ୟୁତ୍‌ ସଂଯୋଗ ଦିଆଯାଇନି। ଅଥଚ ଆସିଛି ବିଲ୍‌। ଏହାର ପ୍ରତିବାଦ କରିଛନ୍ତି ପରଜଙ୍ଗ ବ୍ଲକ ଜୟପୁରାକାଟେଣୀ ପଞ୍ଚାୟତ ଅଧୀନ ଶୁଣ୍ଢିକାଟେଣୀ ଗ୍ରାମରେ ୩୦ରୁ ଊର୍ଦ୍ଧ୍ୱ ଉପଭୋକ୍ତା। ତୁରନ୍ତ ବିଦ୍ୟୁତ୍‌ ସଂଯୋଗ ପ୍ରଦାନ ଏବଂ ବିଲ୍‌ ସଂଶୋଧନ କରିବାକୁ ସମ୍ପୃକ୍ତ ଉପଭୋକ୍ତାମାନେ ମଙ୍ଗଳବାର ବିଭାଗୀୟ କାର୍ଯ୍ୟାଳୟ ଆଗରେ ପ୍ରତିବାଦ କରିଥିଲେ।

ଭାଙ୍ଗିଲା ରେଙ୍ଗାଳି ଶାଖା କେନାଲ: ଗ୍ରାମ ଭିତରକୁ ପଶିଲା ପାଣି

ଭାଙ୍ଗିଲା ରେଙ୍ଗାଳି ଶାଖା କେନାଲ: ଗ୍ରାମ ଭିତରକୁ ପଶିଲା ପାଣି


କାମାକ୍ଷାନଗର,୧୬।୧୦(ଡି.ଏନ.ଏ.)- ଢେଙ୍କାନାଳ ଜିଲା  କାମାକ୍ଷାନଗର ସୋଗର ପଞ୍ଚାୟତ ବାଇସିଙ୍ଘା ଗ୍ରାମରେ ମଙ୍ଗଳବାର ପାଣି ପଶିଯାଇଛି। 

ବେଆଇନ ପଥର ଖାଦାନ ଉପରେ ଚଢାଉ

ବେଆଇନ ପଥର ଖାଦାନ ଉପରେ ଚଢାଉ


ଢେଙ୍କାନାଳ ଅଫିସ,୧୬।୧୦- ଢେଙ୍କାନାଳ ସଦର ଥାନା ପାରିଖେଦା ଅଞ୍ଚଳରେ ଥିବା ବେଆଇନ ପଥର ଖାଦାନ ଉପରେ ମଙ୍ଗଳବାର ଚଢାଉ କରାଯାଇଛି। 

ଭାରସାମ୍ୟ ହରାଇ ବିଲକୁ ଓଲଟିଲା କାର୍‌

ଭାରସାମ୍ୟ ହରାଇ ବିଲକୁ ଓଲଟିଲା କାର୍‌

ଭାପୁର, ୧୬।୧୦ (ଡି.ଏନ୍‌.ଏ.): ଢେଙ୍କାନାଳ ଜିଲା ସଦର ଥାନା ଭାପୁର ଫାଣ୍ଡି ଅନ୍ତର୍ଗତ ପୁରୁଣା କଟକ ସମ୍ବଲପୁର ରାସ୍ତାର ଭାପୁର ନୁଆ ସାହି ନିକଟରେ ମଙ୍ଗଳବାର ସକାଳେ ଭାରସାମ୍ୟ ହରାଇ ଏକ କାର(ଓଡି୧୩ବି ୬୧୯୧) ବିଦ୍ୟୁତ୍‌ ଖୁଣ୍ଟରେ ପିଟି ହୋଇ ବିଲ ମଧ୍ୟକୁ ଓଲଟି ପଡ଼ିଛି। ଫଳରେ କାରରେ ଥିବା ୪ ଜଣ ଆହତ ହୋଇଛନ୍ତି।

ମା’ ଦୁର୍ଗାଙ୍କ ସପ୍ତମୀ ପୂଜା

ମା’ ଦୁର୍ଗାଙ୍କ ସପ୍ତମୀ ପୂଜା

ବଅଁରପାଳ, ୧୬ା୧୦(ଡି.ଏନ.ଏ.): ନାଲକୋ ସିପିପି ନିକଟସ୍ଥ ଆଦର୍ଶ ବିହାରରେ ସୋମବାର ମା’ଙ୍କ ସପ୍ତମୀ ପୂଜା ଅନୁଷ୍ଠିତ ହୋଇଯାଇଛିି। 

ପାର୍ବଣ ଆଗମନରେ ତାଳଚେର ଚଳଚଞ୍ଚଳ

ପାର୍ବଣ ଆଗମନରେ ତାଳଚେର ଚଳଚଞ୍ଚଳ

ତାଳଚେର୧୬ା୧୦(ନି.ପ୍ର.)ପାର୍ବଣ ଆଗମନରେ ଚଳଚଞ୍ଚଳ ହୋଇ ଉଠିଛି କୋଇଲା ନଗରୀ ତାଳଚେର। ମା’ ଦୁର୍ଗାଙ୍କ ଧରାବତରଣକୁ ନେଇ ଶ୍ରଦ୍ଧାଳୁ ଉତ୍ସାହିତ ହୋଇଥିବାବେଳେ ଦୁର୍ଗାପୂଜାକୁ ଅଧିକ ଆକର୍ଷଣୀୟ ଢଙ୍ଗରେ ପାଳନ ପାଇଁ ବିଭିନ୍ନ ପୂଜା ମଣ୍ଡପ, ଶକ୍ତି ପୀଠରେ ସମସ୍ତ ପ୍ରସ୍ତୁତି ଚୂଡାନ୍ତ ହୋଇଛି। 

ତହସିଲ କାର୍ଯ୍ୟାଳୟ ଘେରିଲା ଆର୍‌ପିଆଇ

ତହସିଲ କାର୍ଯ୍ୟାଳୟ ଘେରିଲା ଆର୍‌ପିଆଇ

ହିନ୍ଦୋଳ, ୧୬।୧୦ (ଡି.ଏନ.ଏ.)ହିନ୍ଦୋଳ ବ୍ଲକ ଆର୍ଥିକ ଅନଗ୍ରସର ବର୍ଗ ଏବଂ ଜନସାଧାରଣଙ୍କ ବିଭିନ୍ନ ସମସ୍ୟା ନେଇ ରିପବ୍ଲିକାନ୍‌ ପାର୍ଟି ଅଫ୍‌ ଇଣ୍ଡିଆ (ଆର୍‌ପିଆଇ) ପକ୍ଷରୁ ସୋମବାର ତହସିଲ କାର୍ଯ୍ୟାଳୟ ସମ୍ମୁଖରେ ଧାରଣା ଦିଆଯାଇଥିଲା। 

ବିଭିନ୍ନ ପ୍ରକଳ୍ପ ଭୂମିପୂଜନ କଲେ ଏମ୍‌ପିଙ୍କ ପ୍ରତିନିଧି

ବିଭିନ୍ନ ପ୍ରକଳ୍ପ ଭୂମିପୂଜନ କଲେ ଏମ୍‌ପିଙ୍କ ପ୍ରତିନିଧି

ଅନୁଗୋଳ ଅଫିସ,୧୬ା୧୦ଆମ ଗାଁ ଆମ ବିକାଶ ଯୋଜନାରେ ଢେଙ୍କାନାଳ-ଅନୁଗୋଳ ଏମ୍‌ପି ତଥାଗତ ସତପଥୀଙ୍କ ଜିଲା ପ୍ରତିନିଧି ଭକ୍ତି ପ୍ରସାଦ ଦାସ ସୋମବାର ଅନୁଗୋଳ ବ୍ଲକ ଧୋକୁଟା ପଞ୍ଚାୟତର କହ୍ନେଇ ନଗର ଗ୍ରାମରେ ମହିଳା କର୍ମଶାଳାର ଭୂମିପୂଜନ କରିଛନ୍ତି। 

ପ୍ରଦର୍ଶନୀରେ ଗାନ୍ଧୀଙ୍କ ଶହେ ଫଟୋଚିତ୍ର

ପ୍ରଦର୍ଶନୀରେ ଗାନ୍ଧୀଙ୍କ ଶହେ ଫଟୋଚିତ୍ର


ଅନୁଗୋଳ ଅଫିସ,୧୫ା୧୦- ଅନୁଗୋଳ ସ୍ଥିତ ସ୍ଥାନୀୟ ସଭାଘରଠାରେ ଅନୁଗୋଳ ସାଂସ୍କୃତିକ ଅନୁଷ୍ଠାନ ପକ୍ଷରୁ ଗାନ୍ଧିଜୀଙ୍କ ଉପରେ ଏକ ଫଟୋଚିତ୍ର ପ୍ରଦର୍ଶନୀ ‘ସବୁଠାରୁ ବଡ଼ ମଣିଷ’ ଅନୁଷ୍ଠିତ ହୋଇଯାଇଛି।

ଟ୍ରକ୍‌ ଡ୍ରାଇଭରଙ୍କୁ ଭୁଜାଲି ଦେଖାଇ ଲୁଟିନେଲେ ଟଙ୍କା

ଟ୍ରକ୍‌ ଡ୍ରାଇଭରଙ୍କୁ ଭୁଜାଲି ଦେଖାଇ ଲୁଟିନେଲେ ଟଙ୍କା


ଅନୁଗୋଳ ଅଫିସ,୧୫ା୧୦- କଟକରୁ ଅନୁଗୋଳ ଗାନ୍ଧୀ ମାର୍ଗ ଅଭିମୁଖେ ଆସୁଥିବା ଏକ ଟ୍ରକ୍‌ର ଡ୍ରାଇଭରଙ୍କଠାରୁ ରବିବାର ବିଳମ୍ବିତ ରାତିରେ ଲୁଟ୍‌ ହୋଇଥିବା ସୋମବାର  ଅନୁଗୋଳ ଥାନାରେ ଅଭିଯୋଗ ହୋଇଛି। ଦୁର୍ବୃତ୍ତମାନେ ଡ୍ରାଇଭର କନ୍ଦର୍ପ ବିଶ୍ୱାଳଙ୍କୁ ୩ ଜଣ ଦୁର୍ବୃତ୍ତ ଆକ୍ରମଣ କରି ୫ ହଜାର ୨ଶହ ଟଙ୍କା ସହ ଦୁଇଟି ମୋବାଇଲ ନେଇଯାଇଥିବା ଅଭିଯୋଗରେ ଦର୍ଶାଯାଇଛି।