Dharitri News
ଅନଗୁଳ-ଢେଙ୍କାନାଳ

ହିଙ୍ଗୁଳା ଖଣି ବନ୍ଦ କଲେ ମଲ୍ଲୀବନ୍ଧବାସୀ

ହିଙ୍ଗୁଳା ଖଣି ବନ୍ଦ କଲେ ମଲ୍ଲୀବନ୍ଧବାସୀ ତାଳଚେର,୧୩ା୧୨(ନି.ପ୍ର.)- ନିଯୁକ୍ତି ଓ ଥଇଥାନ ଦାବିରେ ତାଳଚେର ବ୍ଲକ ଗୋପାଳପ୍ରସାଦ ପଞ୍ଚାୟତ ମଲ୍ଲୀବନ୍ଧ ଗ୍ରାମବାସୀ ବୁଧବାର ହିଙ୍ଗୁଳା ଖଣିବନ୍ଦ ଆନ୍ଦୋଳନ କରିଥିଲେ। ଫଳରେ ଖଣିରୁ କୋଇଲା ଉପତ୍ାଦନ ଓ ପରିବହନ ସମ୍ପୂୂର୍ଣ୍ଣ ବାଧାପ୍ରାପ୍ତ ହୋଇଥିଲା। ଗ୍ରାମବାସୀଙ୍କ ଅଭିଯୋଗ ମୁତାବକ, ଏମ୍‌ସିଏଲ ଦ୍ୱାରା ୧୯୯୪ ଓ ୨୦୧୦ ମସିହାରେ ୨ଟି ପର୍ଯ୍ୟାୟରେ ମଲ୍ଲୀବନ୍ଧ ଗ୍ରାମର ବାସଗୃହ ସହ ଜମି କୋଲ ବିୟରିଂ ଆକ୍ଟ ଅନୁଯାୟୀ ଅଧିଗ୍ରହଣ ହୋଇଥିଲା। ହେଲେ ଏଯାବତ୍‌ ଗ୍ରାମର ଶତକଡା ୫୦ ଭାଗ କ୍ଷତିଗ୍ରସ୍ତଙ୍କୁ ଏପର୍ଯ୍ୟନ୍ତ ଏମ୍‌ସିଏଲ୍‌ ପକ୍ଷରୁ ନିଯୁକ୍ତି ଦିଆଯାଇନାହିଁ। ଏ ଦିଗରେ ଖଣି କର୍ତ୍ତୃପକ୍ଷ ଟାଳଟୁଳ ନୀତି ଅବଲମ୍ବନ କରୁଛନ୍ତି। ଏହାର ପ୍ରତିବାଦରେ ଗ୍ରାମବାସୀ ବିଭିନ୍ନ ସମୟରେ ଆନ୍ଦୋଳନ କରିଥିଲେ ମଧ୍ୟ ଖଣି କର୍ତ୍ତୃପକ୍ଷ ନାନା ଆଳ ଦେଖାଇ ସମୟ ଗଡାଇ ଚାଲିଛନ୍ତି। ତେଣୁ ଏମ୍‌ସିଏଲ୍‌ ପକ୍ଷରୁ ଅବଶିଷ୍ଟ ଖଣି କ୍ଷତିଗ୍ରସ୍ତ ପ୍ରଜାମାନଙ୍କୁ ଯଥାଶୀଘ୍ର ଯୋଗ୍ୟତା ଭିତ୍ତିରେ ନିଯୁକ୍ତି ପ୍ରଦାନ କରିବାକୁ ଆନ୍ଦୋଳନକାରୀ ଦାବି କରିଛନ୍ତି। ଗ୍ରାମ ସଭାପତି ବଗାଧର ଗଡନାୟକଙ୍କ ନେତୃତ୍ୱରେ ଗ୍ରାମବାସୀ ହିଙ୍ଗୁଳା କୋଇଲା ଖଣି, ପ୍ରକଳ୍ପ ଅଧିକାରୀଙ୍କ କାର୍ଯ୍ୟାଳୟ ଓ ପରିବହନ ରାସ୍ତା ଅବରୋଧ କରି ଆନ୍ଦୋଳନ ଚଳାଇଥିଲେ। ପରେ ସମସ୍ୟାର ସମାଧାନ ନିମନ୍ତେ ଅପରାହ୍ନରେ ପ୍ରଶାସନିକ ଅଧିକାରୀ, ସ୍ଥାନୀୟ ପୋଲିସ ଓ ଖଣି କର୍ତ୍ତୃପକ୍ଷଙ୍କ ଉପସ୍ଥିତିରେ ଏକ ବୈଠକ ଅନୁଷ୍ଠିତ ହୋଇଥିଲା। ଗୁରୁବାରଠାରୁ ମଲ୍ଲୀବନ୍ଧ ଗ୍ରାମବାସୀଙ୍କ ନିଯୁକ୍ତି ସମ୍ବନ୍ଧୀୟ ଫାଇଲକୁ ଖଣି କର୍ତ୍ତୃପକ୍ଷ ତ୍ୱରାନ୍ବିତ କରି ଆସନ୍ତା ୩ ମାସ ମଧ୍ୟରେ ଏହାର ସମାଧାନ କରିବାକୁ ପ୍ରତିଶ୍ରୁତି ଦେବା ପରେ ଆନ୍ଦୋଳନ ପ୍ରତ୍ୟାହୃତ ହୋଇଥିଲା। ପରେ ଖଣି କାର୍ଯ୍ୟ ସ୍ବାଭାବିକ ହୋଇଥିଲା।

ଅନଗୁଳ-ଢେଙ୍କାନାଳ

ଟ୍ରକ-ବସ୍‌ ଧକ୍କା: ୨ ଆହତ

ଟ୍ରକ-ବସ୍‌ ଧକ୍କା: ୨ ଆହତ

ବଅଁରପାଳ,୧୭।୧(ଡି.ଏନ୍‌.ଏ.): ନାଲକୋ ଥାନା ଅନ୍ତର୍ଗତ କାଣ୍ଡସର ପିତାବଳୀ ପୀଠ ନିକଟରେ ବୁଧବାର ଭୋର ସମୟରେ ଏକ ଟ୍ରକ ଓ ବସ୍‌ ମଧ୍ୟରେ ଧକ୍କା ହୋଇଛି। ଦୁର୍ଘଟଣାରେ ୨ ଜଣ ଆହତ ହୋଇଛନ୍ତି। ଆହତଙ୍କ ପରିଚୟ ମିଳିପାରି ନାହିଁ।

ପୁଷ୍ପ ପ୍ରଦର୍ଶନୀ ଲାଗି ପ୍ରସ୍ତୁତି ବୈଠକ

ପୁଷ୍ପ ପ୍ରଦର୍ଶନୀ ଲାଗି ପ୍ରସ୍ତୁତି ବୈଠକ

ବଅଁରପାଳ,୧୭।୧(ଡି.ଏନ୍‌.ଏ.): ଚଳିତ ମାସ ଶେଷ ସପ୍ତାହରେ ହେବାକୁଥିବା ପୁଷ୍ପ ପ୍ରଦର୍ଶନୀ ଲାଗି ନାଲକୋ ଉଦ୍ୟାନ ବିଭାଗ ପକ୍ଷରୁ ବୁଧବାର ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି।

ବିପିଏମ୍‌ୟୁ ଅଫିସ ଛାର୍‌ଖାର

ବିପିଏମ୍‌ୟୁ ଅଫିସ ଛାର୍‌ଖାର

ଢେଙ୍କାନାଳ ଅଫିସ,୧୬।୧-ଢେଙ୍କାନାଳ ସଦର ବ୍ଲକ ବେଲଟିକିରି ସ୍ବାସ୍ଥ୍ୟକେନ୍ଦ୍ର ପରିସରରେ ଥିବା ବ୍ଲକ ପ୍ରୋଗ୍ରାମ ମ୍ୟାନେଜମେଣ୍ଟ ୟୁନିଟ୍‌ (ବିପିଏମ୍‌ୟୁ) କାର୍ଯ୍ୟାଳୟରେ ସୋମବାର ରାତିରେ ଭୟାବହ ଅଗ୍ନିକାଣ୍ଡ ଘଟିଛି। ଏଥିରେ ବହୁ କମ୍ପ୍ୟୁଟର ସାମଗ୍ରୀ, ଆସବାବପତ୍ର ଜଳିପୋଡ଼ି ଛାରଖାର ହୋଇଯାଇଛି। ସୂଚନାପାଇ ଢେଙ୍କାନାଳ ଅଗ୍ନିଶମ ସଂସ୍ଥା କର୍ମଚାରୀ ପହଞ୍ଚତ୍ ନିଆଁକୁ ଆୟତ୍ତ କରିଥିଲେ।

କପିଳାସ ଜାଗର: ପ୍ରାତଃ ୪ଟା୨୦ ସୁଦ୍ଧା ଉଠିବ ମହାଦୀପ

କପିଳାସ ଜାଗର: ପ୍ରାତଃ ୪ଟା୨୦ ସୁଦ୍ଧା ଉଠିବ ମହାଦୀପ

ଢେଙ୍କାନାଳ ଅଫିସ, ୧୬।୧-ଢେଙ୍କାନାଳର ପ୍ରସିଦ୍ଧ ଶୈବପୀଠ ତଥା କପିଳାସ ଅଧୀଶ୍ୱର ମହାପ୍ରଭୁ ଶ୍ରୀଚନ୍ଦ୍ରଶେଖରଜୀଉଙ୍କ ପବିତ୍ର ଜାଗରଯାତ୍ରା ଫେବୃୟାରୀ ୧୪ରେ ଅନୁଷ୍ଠିତ ହେବ। ପ୍ରସିଦ୍ଧ ଜାଗରଯାତ୍ରାକୁ ଶାନ୍ତିଶୃଙ୍ଖଳାର ସହ ସମାପନ କରିବାକୁ ଆରମ୍ଭ ହୋଇଛି ପ୍ରଶାସନିକ ପ୍ରସ୍ତୁତି। ଏ ନେଇ ମଙ୍ଗଳବାର ପୂର୍ବାହ୍ନରେ ଜିଲା କାର୍ଯ୍ୟାଳୟ ସଦ୍‌ଭାବନା ଗୃହରେ ଏକ ବୈଠକ ଅନୁଷ୍ଠିତ ହୋଇଥିଲା।

ଥୋରିଆଛନ୍ଦା ଚେଙ୍କ ଘଟଣା: ଚିକିତ୍ସିତ ହେଲେ ୧୦ ଶିଶୁ

ଥୋରିଆଛନ୍ଦା ଚେଙ୍କ ଘଟଣା: ଚିକିତ୍ସିତ ହେଲେ ୧୦ ଶିଶୁ

ଭୁବନ,୧୬।୧(ଡି.ଏନ.ଏ)-ଭୁବନ ବ୍ଲକ ଥୋରିଆଛନ୍ଦା ଚେଙ୍କ ଘଟଣା ପ୍ରଶାସନର ନିଦ ହଜାଇ ଦେଇଛି। ଅନ୍ଧବିଶ୍ୱାସର ବଶବର୍ତ୍ତୀ ହୋଇ ଗ୍ରାମର ୨୫ରୁ ଊର୍ଦ୍ଧ୍ୱ ଶିଶୁଙ୍କ ସମେତ ୫୦ ଜଣଙ୍କୁ ଚେଙ୍କ ଦିଆଯିବା ସମ୍ପର୍କରେ ଗଣମାଧ୍ୟମରେ ପ୍ରଚାରିତ ହେବାପରେ ଅଞ୍ଚଳର ବିକାଶ ପାଇଁ ଅଣ୍ଟା ଭିଡ଼ିଛି ପ୍ରଶାସନ।

ଜିଲା ମହୋତ୍ସବ ୧୮ରୁ ଆରମ୍ଭ

ଜିଲା ମହୋତ୍ସବ ୧୮ରୁ ଆରମ୍ଭ

ଅନୁଗୋଳ ଅଫିସ,୧୬।୧- ଅନୁଗୋଳ ଜିଲା ସଂସ୍କୃତି ପରିଷଦ ଆନୁକୂଲ୍ୟରେ ଷଷ୍ଠ ଜିଲା ମହୋତ୍ସବ ଆସନ୍ତା ୧୮ରୁ ୨୨ ତାରିଖ ପର୍ଯ୍ୟନ୍ତ ଅନୁଗୋଳ ଷ୍ଟାଡିୟମ ପରିସରରେ ଅନୁଷ୍ଠିତ ହେବ। ଏହି ଉପଲକ୍ଷେ ଏକ ପଲ୍ଲିଶ୍ରୀମେଳାର ଆୟୋଜନ କରାଯାଇଛି। ଓରମାସ୍‌ ମାଧ୍ୟମରେ ଅନୁଷ୍ଠିତ ଏହି ପଲ୍ଲିଶ୍ରୀମେଳା ୫ଦିନ ଧରି ଚାଲିବ। ମଙ୍ଗଳବାର ଅନୁଗୋଳ ସର୍କିଟହାଉସ୍‌ ଠାରେ ଜିଲା ପ୍ରଶାସନ ତରଫରୁ ଆୟୋଜିତ ଖବରଦାତା ସମ୍ମିଳନୀରେ ଏହି ମହୋତ୍ସବ ଆୟୋଜନ ସମ୍ପର୍କରେ ସୂଚନା ଦିଆଯାଇଛି।

୪୨୪ ହିତାଧିକାରୀଙ୍କୁ ଭତ୍ତା ବଣ୍ଟନ

୪୨୪ ହିତାଧିକାରୀଙ୍କୁ ଭତ୍ତା ବଣ୍ଟନ

ଛେଣ୍ଡିପଦା,୧୬।୧(ଡି.ଏନ.ଏ.)- ଛେଣ୍ଡିପଦା ବ୍ଲକ ପ୍ରଶାସନ ପକ୍ଷରୁ ସ୍ଥାନୀୟ ବ୍ଲକ ସଭାଗୃହଠାରେ ମଙ୍ଗଳବାର ବ୍ଲକସ୍ତରୀୟ ଭତ୍ତା ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଛି।

ଧାରଣା ପରେ ମିଳିଲା ଭତ୍ତା

ଧାରଣା ପରେ ମିଳିଲା ଭତ୍ତା

କଣିହାଁ,୧୬।୧(ଡି.ଏନ.ଏ.)- କଣିହାଁ ବ୍ଲକ ବଡ଼ଗୁଣ୍ଡୁରୀ ପଞ୍ଚାୟତର ମଧୁବାବୁ ପେନସନ ଯୋଜନାର ହିତାଧିକାରୀମାନେ ଭତ୍ତା ଦାବିରେ ମଙ୍ଗଳବାର କଣିହାଁ ବ୍ଲକ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଥିଲେ। ଏହାକୁ ସମର୍ଥନ କରି ସରପଞ୍ଚ, ନାଏବ ସରପଞ୍ଚ ଓ ଓ୍ବାର୍ଡ ସଭ୍ୟମାନେ ଧାରଣାରେ ସାମିଲ ହୋଇଥିଲେ।

ଥାନା ଅଧିକାରୀଙ୍କ ବଦଳି ଦାବି

ପାଲଲହଡ଼ା,୧୬।୧(ଡି.ଏନ.ଏ.)- ପାଲଲହଡ଼ା ଉପଖଣ୍ଡରେ ଚୋରି, ଡକାୟତି ଆଦି ଆପରାଧିକ କାର୍ଯ୍ୟକଳାପ ବଢ଼ୁଥିବା ବେଳେ ସ୍ଥାନୀୟ ପୋଲିସ ଏହା ଉପରେ ଅଙ୍କୁଶ ଲଗାଇବାରେ ବିଫଳ ହୋଇଥିବା ପାଲଲହଡ଼ା ଭାଜପା ପକ୍ଷରୁ ଅଭିଯୋଗ କରାଯାଇଛି।

କାର-ବାଇକ ଧକ୍କା: ଜଣେ ମୃତ, ୨ ଗୁରୁତର

କାର-ବାଇକ ଧକ୍କା: ଜଣେ ମୃତ, ୨ ଗୁରୁତର

ବଇଣ୍ଡା,୧୬।୧(ଡି.ଏନ.ଏ.)- କଟକ-ସମ୍ବଲପୁର ୫୫ ନଂ. ଜାତୀୟ ରାଜପଥର ହଣ୍ଡପା ଥାନା ନିକଟରେ ମଙ୍ଗଳବାର ରାତି ୮ଟାରେ ଏକ କାର ସହ ବାଇକର ମୁହାଁମୁହିଁ ଧକ୍କା ହୋଇଥିଲା।

ରାମେଶ୍ୱର ସ୍ପୋର୍ଟିଂ ଫାଇନାଲରେ

ତାଳଚେର,୧୬।୧(ନି.ପ୍ର.)- ତାଳଚେର ବ୍ଲକ ଗୋପାଳପ୍ରସାଦ ଗଜରାଜ ଷ୍ଟାଡିୟମଠାରେ ଚାଲିଥିବା ଅଲ ଓଡ଼ିଶା ୩୨ ତମ ମା’ ହିଙ୍ଗୁଳା କପ୍‌ କ୍ରିକେଟ ଟୁର୍ନାମେଣ୍ଟର ମଙ୍ଗଳବାର ମ୍ୟାଚରେ ଭୁବନେଶ୍ୱରର ରାମେଶ୍ୱର ସ୍ପୋର୍ଟିଂ କ୍ଲବ ଏସିସି ଅନୁଗୋଳକୁ ପରାସ୍ତ କରି ଫାଇନାଲରେ ପ୍ରବେଶ କରିଛି।

ଜର୍ମାନ ମିଳିମିଳା ସମ୍ପର୍କରେ ସଚେତନତା କାର୍ଯ୍ୟକ୍ରମ

ଜର୍ମାନ ମିଳିମିଳା ସମ୍ପର୍କରେ ସଚେତନତା କାର୍ଯ୍ୟକ୍ରମ

ବଇଣ୍ଡା,୧୬।୧(ଡି.ଏନ.ଏ.)- କିଶୋରନଗର ବ୍ଲକ ଲୁହାମୁଣ୍ଡା ଓ ପଞ୍ଚଗଡ଼ ଉଚ୍ଚ ପ୍ରାଥମିକ ବିଦ୍ୟାଳୟରେ ମଙ୍ଗଳବାର ଜର୍ମାନ ମିଳିମିଳା ରୋଗ ସମ୍ପର୍କରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।