Dharitri News
ଉପକୂଳ ଓଡିଶା

ଆସିଲାନି ୧୦୮ ଆମ୍ବୁଲାନ୍ସ: ବାପାଙ୍କୁ ୩ କି.ମି. ଟ୍ରଲିରେ ମେଡିକାଲ ନେଲେ ପୁଅ

ଆସିଲାନି ୧୦୮ ଆମ୍ବୁଲାନ୍ସ: ବାପାଙ୍କୁ ୩ କି.ମି. ଟ୍ରଲିରେ ମେଡିକାଲ ନେଲେ ପୁଅ ନୟାଗଡ ଅଫିସ,୧୪।୧୨-ନୟାଗଡ ଜିଲାରେ ସ୍ବାସ୍ଥ୍ୟବିଭାଗର ପାରିଲାପଣିଆ ପୁଣି ପଦାରେ ପଡିଛି । ଆମ୍ବୁଲାନ୍ସ ନ ଆସିବାରୁ ଜଣେ ଆହତ ରୋଗୀଙ୍କୁ ୩ କିଲୋମିଟର ଟ୍ରଲିରେ ବୋହି ମେଡିକାଲ ଆଣିଛନ୍ତି ତାଙ୍କ ପୁଅ । ଘଟଣା ଘଟିଛି ନୟାଗଡ ଜିଲା ଦଶପଲ୍ଲା ଏନଏସିର କୃଷ୍ଣଚନ୍ଦ୍ରପୁରପାଟଣା ଗ୍ରାମରେ । ଉକ୍ତ ଗ୍ରାମର ମୂଷା ନାହାକ (୬୦) ଗୁରୁବାର ସକାଳେ ନିକଟସ୍ଥ ଯୌବନ ତୋଟାରେ ଥିବା ତାଙ୍କ ବିଲକୁ କାମ କରିବାକୁ ଯାଇଥିଲେ । କୌଣସି କାରଣରୁ ତାଙ୍କ ମୁଣ୍ଡ ବୁଲାଇବାରୁ ସେ ସେଠାରେ ଅଚେତ ହୋଇ ପଡି ଯାଇଥିଲେ । ଆଖପାଖର ଲୋକେ ଏ ନେଇ ତାଙ୍କ ପରିବାର ଲୋକଙ୍କୁ ଜଣାଇବା ସହ ୧୦୮ ଆମ୍ବୁଲାନ୍ସକୁ ଡକାଯାଇଥିଲା । ମାତ୍ର ମୂଷାଙ୍କ ପୁଅ ୧ ଘଣ୍ଟା ଅପେକ୍ଷା କରିବା ପରେ ମଧ୍ୟ ଆମ୍ବୁଲାନ୍ସ ନ ଆସିବାରୁ ସେ ବାଧ୍ୟ ହୋଇ ଟ୍ରଲିରେ ୩ କି.ମି ଦୂର ଦଶପଲ୍ଲା ମେଡିକାଲକୁ ବାପାଙ୍କୁ ନେଇଥିଲୋ ସେଠାରେ ମୂଷା ଚିକିତ୍ସାଧୀନ ଅଛନ୍ତି । ଏ ନେଇ ଆମ୍ବୁଲାନ୍ସ କର୍ମଚାରୀଙ୍କୁ ପଚାରିବାରୁ ସେ ସେହି ସମୟରେ ନିକଟସ୍ଥ ଚଢିଆପଲ୍ଲୀ ଗ୍ରାମକୁ ଯାଉଥିବା କହିଥିଲେ ।

ଉପକୂଳ ଓଡିଶା

ଲକ୍ଷାଧିକ ଟଙ୍କାର ଚୋରି, ଘର ମାଲିକଙ୍କୁ ଛୁରାମାଡ଼

ଲକ୍ଷାଧିକ ଟଙ୍କାର ଚୋରି, ଘର ମାଲିକଙ୍କୁ ଛୁରାମାଡ଼

ରାଜକନିକା, ୨୪।୧ (ଡି.ଏନ୍‌.ଏ.) - ରାଜକନିକା ଥାନା ଅଧୀନ ଓଳାଭର ବଜାର ନିକଟସ୍ଥ ବବୁଲ ପୃଷ୍ଟିଙ୍କ ଘରୁ ମଙ୍ଗଳବାର ରାତିରେ ଲକ୍ଷାଧିକ ଟଙ୍କାର ଚୋରି ହୋଇଛି। ଦୁର୍ବୃତ୍ତମାନେ ବିଳମ୍ବିତ ରାତିରେ ତାଙ୍କ ଘରେ ପଶି ଆଲମିରା ତାଡ଼ି ସେଥିରୁ ନଗଦ ୭୦ ହଜାର ଟଙ୍କା ସମେତ ଲକ୍ଷାଧିକ ଟଙ୍କାର ସୁନା ଓ ରୁପା ଗହଣା ଲୁଟି ନେଇଛନ୍ତି।

କଂଗ୍ରେସର ବନ୍ଦ ପାଳନ: ଅସ୍ବଭାବିକ ଜୀବନଯାତ୍ରା

କଂଗ୍ରେସର ବନ୍ଦ ପାଳନ: ଅସ୍ବଭାବିକ ଜୀବନଯାତ୍ରା

ନିଶ୍ଚିନ୍ତକୋଇଲି,୨୪।୧(ସ୍ବ.ପ୍ର.): କଟକ ଜିଲା ନିଶ୍ଚିନ୍ତକୋଇଲି ବ୍ଲକ କଂଗ୍ରେସ ପକ୍ଷରୁ କୁନ୍ଦୁଲି ପୀଡ଼ିତାଙ୍କ ଆତ୍ମହତ୍ୟା ଘଟଣା ପ୍ରତିବାଦରେ ବୁଧବାର ୧୨ ଘଣ୍ଟିଆ ବନ୍ଦ ପାଳନ କରାଯାଇଛି।

ମିଳିମିଳା ଟିକାକରଣ ଅଭିଯାନ କର୍ମଶାଳା

ରାଜନଗର, ୨୪।୧ (ଡି.ଏନ୍‌.ଏ.)- ରାଜନଗର ପଞ୍ଚାୟତ ସମିତି ସମ୍ମିଳନୀ କକ୍ଷରେ ମିଳିମିଳା ଓ ଜର୍ମାନ ମିଳିମିଳାର ନିରକରଣ ପାଇଁ ଏକ ଟିକାକରଣ କର୍ମଶାଳା ବୁଧବାର ଅନୁଷ୍ଠିତ ହୋଇଯାଇଛି।

ରାଷ୍ଟ୍ରପତି ପୁରସ୍କାର ପାଇଲେ ମମତା

ରାଷ୍ଟ୍ରପତି ପୁରସ୍କାର ପାଇଲେ ମମତା

କେନ୍ଦ୍ରାପଡ଼ା ଅଫିସ/ରାଜନଗର,(ଡି.ଏନ୍‌.ଏ.) ୨୪।୧- ବଡ଼ ଭଉଣୀକୁ କୁମ୍ଭୀର ମୁହଁରୁ ବଞ୍ଚାଇ ସାହସିକତା ପରିଚୟ ଦେଇଥିଲେ ରାଜନଗରର କୁନି ଝିଅ ମମତା ଦଳାଇ। ଏ ନେଇ ତାଙ୍କୁ ସାଧାରଣତନ୍ତ୍ର ଦିବସ ଅବସରରେ ଜାତୀୟ ସାହସିକତା ପୁରସ୍କାର ମିଳିବାକୁ ଯାଉଛି। ଏଥିପାଇଁ ମମତା ଦିଲ୍ଲୀରେ ପହଞ୍ଚତ୍ଥିବା ବେଳେ ବୁଧବାର ରାଷ୍ଟ୍ରପତି ରାମନାଥ କୋବିନ୍ଦଙ୍କଠାରୁ ପୁରସ୍କୃତ ହୋଇଛନ୍ତି।

ରାଜନଗରରେ କଂଗ୍ରେସ ଓ ଭାଜପା ପକ୍ଷରୁ ବନ୍ଦ ପାଳନ

ରାଜନଗରରେ କଂଗ୍ରେସ ଓ ଭାଜପା ପକ୍ଷରୁ ବନ୍ଦ ପାଳନ

ରାଜନଗର, ୨୪।୧ (ଡି.ଏନ୍‌.ଏ.)- କୁନ୍ଦୁଲି ଗଣ ବଳାତ୍କାର ପୀଡ଼ିତାଙ୍କୁ ନ୍ୟାୟ ଦେବା ଦାବିରେ କଂଗ୍ରେସ ଓ ଭାଜପା ପକ୍ଷରୁ ବୁଧବାର ବନ୍ଦ ପାଳନ କରାଯାଉଛି।

ଏପଟେ ବନ୍ଦ, ସେପଟେ ବଣଭୋଜି

ଜଗତ୍‌ସିଂହପୁର ଅଫିସ,୨୩।୧: କୁନ୍ଦୁଲି ପୀଡିତାଙ୍କ ଆତ୍ମହତ୍ୟା ଭଳି ସମ୍ବେଦନଶୀଳ ଘଟଣାକୁ ନେଇ ରାଜ୍ୟବ୍ୟାପୀ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଭାଜପା ଓ କଂଗ୍ରେସ ଶାସକ ବିଜେଡିକୁ ଘେରିଛନ୍ତି। ପ୍ରଦେଶ କଂଗ୍ରେସ କମିଟି ସଭାପତି ପ୍ରସାଦ ହରିଚନ୍ଦନଙ୍କ ଡାକରାରେ ବୁଧବାର ରାଜ୍ୟବ୍ୟାପୀ ବନ୍ଦ ପାଳନ କରାଯିବାକୁ ନିଷ୍ପତ୍ତି ହୋଇଛି। ତେଣୁ ବନ୍ଦକୁ ସଫଳ କରିବା ପାଇଁ ମଙ୍ଗଳବାର ଜଗତ୍‌ସିଂହପୁର ଜିଲା କଂଗ୍ରେସ ତରଫରୁ ଜୋରଦାର ପ୍ରସ୍ତୁତି ଚାଲିଛି। ବିଶେଷକରି ଜଗତ୍‌ସିଂହପୁର ସହରରେ ବନ୍ଦ ଯେପରି ଶତପ୍ରତିଶତ ପ୍ରଭାବଶାଳୀ ହେବ ସେନେଇ ପୌରାଧ୍ୟକ୍ଷ ବିପ୍ଳବ ଚୌଧୁରୀଙ୍କ ନେତୃତ୍ୱରେ ଶତାଧିକ ଯୁବକ ଖସଡା ପ୍ରସ୍ତୁତ କରିଛନ୍ତି। କିନ୍ତୁ ଅନ୍ୟପଟେ ଯୁବ ଓ ଛାତ୍ର କଂଗ୍ରେସ ପକ୍ଷରୁ ନିକଟବର୍ତ୍ତୀ ଧଳତଙ୍ଗଗଡ଼ ଜଙ୍ଗଲରେ ବଣଭୋଜି କରାଯିବାର କାର୍ଯ୍ୟକ୍ରମ ରହିଛି। ଗୋଟିଏ ପଟେ କୁନ୍ଦୁଲି ପୀଡିତାଙ୍କ ଆତ୍ମହତ୍ୟା ଯୋଗୁ କଂଗ୍ରେସ ଦୁଃଖପ୍ରକାଶ କରିବା ସହ ଆନ୍ଦୋଳନକୁ ଓହ୍ଲାଉଛି ବୋଲି କହୁଥିବାବେଳେ ଅନ୍ୟପଟେ ଦଳର ଯୁବ ଓ ଛାତ୍ର ବାହିନୀ ବନ୍ଧୁମିଳନ କରିବା କେତେଦୂର ସମୀଚିନ ତାହାକୁ ନେଇ ଚର୍ଚ୍ଚା ଜୋର ଧରିଛି। ଯେହେତୁ ପୂର୍ବରୁ ଜଗତ୍‌ସିଂହପୁର ବିଧାୟକ ଓ ପୌରାଧ୍ୟକ୍ଷଙ୍କ ମଧ୍ୟରେ କୌଣସି କାରଣରୁ ବ୍ୟବଧାନ ବଢିଯାଇଛି, ସେ ଦୃଷ୍ଟିରୁ ଜଗତ୍‌ସିଂହପୁର କଂଗ୍ରେସ ରାଜନୀତି ଦୋଛକିରେ ଥିବା ଆଲୋଚନା ହେଉଛି। ତେଣୁ ବଣଭୋଜିରେ ପୌରାଧ୍ୟକ୍ଷ ଯୋଗ ଦେଉଛନ୍ତି କି ନାହିଁ ତାହା ଦେଖିବାକୁ ବାକି ରହିଛି ।

ବିଶୋଧନାଗାରକୁ ଜମି ଦେଇ ନିଜେ ରାସ୍ତାରେ

ବିଶୋଧନାଗାରକୁ ଜମି ଦେଇ ନିଜେ ରାସ୍ତାରେ

ପାରାଦୀପ,୨୩।୧(ସ୍ବ.ପ୍ର.) ପାରାଦୀପ ଭଳି ଶିଳ୍ପାଞ୍ଚଳରେ ଜମି ଖଣ୍ଡିଏ ଥିଲା। ନିଜେ ଭିନ୍ନକ୍ଷମ ହୋଇଥିଲେ ମଧ୍ୟ କୌଣସି ପ୍ରକାରେ ୫ ପ୍ରାଣୀ କୁଟୁମ୍ବଙ୍କୁ ଚଳାଇ ନେଉଥିଲେ। ହେଲେ ସରକାର ବିକାଶର ଯେଉଁ ଲମ୍ବା ସ୍ବପ୍ନ ଦେଖାଇଲେ, ତାହାରି ମଧ୍ୟରେ ସବୁ ସୁଖ କେଉଁଆଡେ ନିଶ୍ଚିହ୍ନ ହୋଇଗଲା। ଅନେକ ଆଶା ଓ ପ୍ରତିଶ୍ରୁତିର ପାହାଡ଼ ଉପରେ ଛିଡ଼ା କରାଇ ଶିଳ୍ପ ସଂସ୍ଥା ତାଙ୍କ ଜମି ନେଇଗଲା। ଏବେ ନିଜ ଜମି ଖଣ୍ଡକ ଟେକି ଦେଇ ସେ ପରିବାର ସହ ରାସ୍ତାରେ। ଏହା ହେଉଛି ପାରାଦୀପ ତୈଳ ବିଶୋଧନାଗାର ଦ୍ୱାରା ଜମି ହରାଇଥିବା ପ୍ରଶାନ୍ତ ସାହୁଙ୍କ କଥା। ବର୍ତ୍ତମାନର କେନ୍ଦ୍ର ସରକାର ସବୁବେଳେ ବିକାଶର ସ୍ବପ୍ନ ବାଣ୍ଟି ଚାଲିଛନ୍ତି। ୨୦୧୬ ଫେବୃୟାରୀ ୭ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପାରାଦୀପ ତୈଳ ବିଶୋଧନାଗାର ଲୋକାର୍ପଣ ଅବସରରେ କହିଥିଲେ ଯେ, ଏହି ପ୍ରକଳ୍ପ ହେଉଛି ପୂର୍ବ ଭାରତର ବିକାଶର ପଥ। ୩୩୪୪ ଏକର ଜାଗାରେ ପ୍ରତିଷ୍ଠିତ ୩୫ ହଜାର କୋଟି ଟଙ୍କାର ଏହି ପ୍ରକଳ୍ପ ପାଇଁ ପାରାଦୀପ ହେବ ଶକ୍ତି କ୍ଷେତ୍ର। ଲକ୍ଷାଧିକ ଲୋକଙ୍କୁ ନିଯୁକ୍ତି ମିଳିବ। ଅଞ୍ଚଳର ମାନଚିତ୍ର ବଦଳିଯିବ ଆଦି ଏମିତି ଅନେକ କଥା। ୨୦୧୬ରୁ ଏପର୍ଯ୍ୟନ୍ତ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ସମାନ କଥାକୁ ଦୋହରାଇ ଚାଲିଛନ୍ତି। ସେମାନଙ୍କ କହିବା ଅନୁଯାୟୀ ବିକାଶ ହେଲା। ଯେଉଁ ବିକାଶ ହେଲା ତାହା ବିଶୋଧନାଗାର ଦ୍ୱାରା ଜମିହରାଙ୍କର ନୁହେଁ, ବରଂ ପ୍ରଶାନ୍ତଙ୍କ ଭଳି ଅନେକ ଜମିହରାଙ୍କ ଦ୍ୱାରା ବିଶୋଧନାଗାରର। କାରଣ ତୈଳ ବିଶୋଧନାଗାର ପାଇଁ ଜମି ହରାଇଥିବା ୧୭୫୨ ପରିବାର ଓ ୧୪୩ ବିସ୍ଥାପିତଙ୍କୁ ଅଦ୍ୟାବଧି କର୍ମ ସଂସ୍ଥାନ ମିଳିନାହିଁ। ଯେଉଁ କେତେଜଣଙ୍କୁ ବିଭିନ୍ନ ଠିକା ସଂସ୍ଥା ଅଧୀନରେ କାମ ମିଳିଥିଲା, ସେମାନଙ୍କୁ ବିଭିନ୍ନ କାରଣ ଦର୍ଶାଇ କାମରୁ ବାହାର କରାଯାଉଛି।

ପାଉଣା ପାଇଁ ୧୮ଘଣ୍ଟା ବନ୍ଧା ପଡ଼ିଲା ମୃତଦେହ

ପାଉଣା ପାଇଁ ୧୮ଘଣ୍ଟା ବନ୍ଧା ପଡ଼ିଲା ମୃତଦେହ

କଳିଙ୍ଗନଗର,୨୪।୧(ଡି.ଏନ୍‌.ଏ.)- ଟାଟା ମେଡିକାରେ ୧ ଡିସେମ୍ବର ୨୦୧୭ରୁ ୩୧ଜାନୁଆରୀ ୨୦୧୮ ପର୍ଯ୍ୟନ୍ତ ମାଗଣାରେ ୨ମାସ ଧରି ସମସ୍ତ ପ୍ରକାରର ଅସ୍ତ୍ରୋପଚାର କରାଯିବ। ଏନେଇ ଗତ ନଭେମ୍ବର ମାସର ଶେଷ ସପ୍ତାହରେ ଯାଜପୁର ଜିଲାର ସହରଠାରୁ ଗାଁ ଗହଳି ସବୁ ଯାଗାରେ ପୋଷ୍ଟର ଛାଇଗଲା। ବାସ୍ତବ ଚିତ୍ର କିନ୍ତୁ ଭିନ୍ନ। ବ୍ୟବସାୟ ନାମରେ ଟାଟା ମେଡିକା କିଭଳି ଲୁଟୁଛି ତାର ଏକ ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ମଙ୍ଗଳବାର ହସ୍ପିଟାଲ ପରିସରରେ। ଅସ୍ତ୍ରୋପଚାର ପରେ ମୃତ୍ୟୁବରଣ କରିଥିବା ଜଣେ ଗରିବ ଦିନ ମଜୁରିଆଙ୍କ ଶବକୁ ଚିକିତ୍ସା ଖର୍ଚ୍ଚ ବାବଦରେ ୧ଲକ୍ଷ ୩୮ହଜାର ୮ଶହ ଟଙ୍କା ଦାବି କରି ୧୮ଘଣ୍ଟା ବନ୍ଧା ରଖିଲେ ମେଡିକା କର୍ତ୍ତୃପକ୍ଷ। ଏହା ଗଣମାଧ୍ୟମ ପ୍ରତିନିଧି ଜାଣି ହସ୍ତକ୍ଷେପ କରିବା ପରେ ମାଗଣାରେ ଅସ୍ତ୍ରୋପଚାର ନାମରେ ଡାକ୍ତରଖାନା ଖୋଲି ଲାଭଖୋର ବ୍ୟବସାୟର ଗୁମର ଫିଟିଛି। ଚିକିତ୍ସା ଖର୍ଚ୍ଚ ପଇଠ ଦାବି କରି ମୃତଦେହ ଅଟକ ରଖାଯାଇଥିବା ଖବର ପାଇ କଳିଙ୍ଗନଗରର ଧରିତ୍ରୀ ପ୍ରତିନିଧି ଡୁବୁରୀସ୍ଥିତ ମେଡିକା ହସପିଟାଲରେ ପହଞ୍ଚତ୍ ଘଟଣା ବିଷୟରେ ତଥ୍ୟ ସଂଗ୍ରହ କରିଥିଲେ। ଏନେଇ ହସ୍ପିଟାଲ୍‌ କର୍ତ୍ତୃପକ୍ଷଙ୍କ ସହ ଆଲୋଚନା କରିବା ପରେ ପରିବାର ଲୋକଙ୍କୁ ମୃତଦେହ ହସ୍ତାନ୍ତର କରାଯାଇଥିବା ଜଣାପଡ଼ିଛି।

ପାଉଣା ପାଇଁ ୧୮ଘଣ୍ଟା ବନ୍ଧା ପଡ଼ିଲା ମୃତଦେହ

ପାଉଣା ପାଇଁ ୧୮ଘଣ୍ଟା ବନ୍ଧା ପଡ଼ିଲା ମୃତଦେହ

କଳିଙ୍ଗନଗର,୨୪।୧(ଡି.ଏନ୍‌.ଏ.)- ଟାଟା ମେଡିକାରେ ୧ ଡିସେମ୍ବର ୨୦୧୭ରୁ ୩୧ଜାନୁଆରୀ ୨୦୧୮ ପର୍ଯ୍ୟନ୍ତ ମାଗଣାରେ ୨ମାସ ଧରି ସମସ୍ତ ପ୍ରକାରର ଅସ୍ତ୍ରୋପଚାର କରାଯିବ। ଏନେଇ ଗତ ନଭେମ୍ବର ମାସର ଶେଷ ସପ୍ତାହରେ ଯାଜପୁର ଜିଲାର ସହରଠାରୁ ଗାଁ ଗହଳି ସବୁ ଯାଗାରେ ପୋଷ୍ଟର ଛାଇଗଲା। ବାସ୍ତବ ଚିତ୍ର କିନ୍ତୁ ଭିନ୍ନ। ବ୍ୟବସାୟ ନାମରେ ଟାଟା ମେଡିକା କିଭଳି ଲୁଟୁଛି ତାର ଏକ ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ମଙ୍ଗଳବାର ହସ୍ପିଟାଲ ପରିସରରେ। ଅସ୍ତ୍ରୋପଚାର ପରେ ମୃତ୍ୟୁବରଣ କରିଥିବା ଜଣେ ଗରିବ ଦିନ ମଜୁରିଆଙ୍କ ଶବକୁ ଚିକିତ୍ସା ଖର୍ଚ୍ଚ ବାବଦରେ ୧ଲକ୍ଷ ୩୮ହଜାର ୮ଶହ ଟଙ୍କା ଦାବି କରି ୧୮ଘଣ୍ଟା ବନ୍ଧା ରଖିଲେ ମେଡିକା କର୍ତ୍ତୃପକ୍ଷ। ଏହା ଗଣମାଧ୍ୟମ ପ୍ରତିନିଧି ଜାଣି ହସ୍ତକ୍ଷେପ କରିବା ପରେ ମାଗଣାରେ ଅସ୍ତ୍ରୋପଚାର ନାମରେ ଡାକ୍ତରଖାନା ଖୋଲି ଲାଭଖୋର ବ୍ୟବସାୟର ଗୁମର ଫିଟିଛି। ଚିକିତ୍ସା ଖର୍ଚ୍ଚ ପଇଠ ଦାବି କରି ମୃତଦେହ ଅଟକ ରଖାଯାଇଥିବା ଖବର ପାଇ କଳିଙ୍ଗନଗରର ଧରିତ୍ରୀ ପ୍ରତିନିଧି ଡୁବୁରୀସ୍ଥିତ ମେଡିକା ହସପିଟାଲରେ ପହଞ୍ଚତ୍ ଘଟଣା ବିଷୟରେ ତଥ୍ୟ ସଂଗ୍ରହ କରିଥିଲେ। ଏନେଇ ହସ୍ପିଟାଲ୍‌ କର୍ତ୍ତୃପକ୍ଷଙ୍କ ସହ ଆଲୋଚନା କରିବା ପରେ ପରିବାର ଲୋକଙ୍କୁ ମୃତଦେହ ହସ୍ତାନ୍ତର କରାଯାଇଥିବା ଜଣାପଡ଼ିଛି।

ପାଉଣା ପାଇଁ ୧୮ଘଣ୍ଟା ବନ୍ଧା ପଡ଼ିଲା ମୃତଦେହ

ପାଉଣା ପାଇଁ ୧୮ଘଣ୍ଟା ବନ୍ଧା ପଡ଼ିଲା ମୃତଦେହ

କଳିଙ୍ଗନଗର,୨୪।୧(ଡି.ଏନ୍‌.ଏ.)- ଟାଟା ମେଡିକାରେ ୧ ଡିସେମ୍ବର ୨୦୧୭ରୁ ୩୧ଜାନୁଆରୀ ୨୦୧୮ ପର୍ଯ୍ୟନ୍ତ ମାଗଣାରେ ୨ମାସ ଧରି ସମସ୍ତ ପ୍ରକାରର ଅସ୍ତ୍ରୋପଚାର କରାଯିବ। ଏନେଇ ଗତ ନଭେମ୍ବର ମାସର ଶେଷ ସପ୍ତାହରେ ଯାଜପୁର ଜିଲାର ସହରଠାରୁ ଗାଁ ଗହଳି ସବୁ ଯାଗାରେ ପୋଷ୍ଟର ଛାଇଗଲା। ବାସ୍ତବ ଚିତ୍ର କିନ୍ତୁ ଭିନ୍ନ। ବ୍ୟବସାୟ ନାମରେ ଟାଟା ମେଡିକା କିଭଳି ଲୁଟୁଛି ତାର ଏକ ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ମଙ୍ଗଳବାର ହସ୍ପିଟାଲ ପରିସରରେ। ଅସ୍ତ୍ରୋପଚାର ପରେ ମୃତ୍ୟୁବରଣ କରିଥିବା ଜଣେ ଗରିବ ଦିନ ମଜୁରିଆଙ୍କ ଶବକୁ ଚିକିତ୍ସା ଖର୍ଚ୍ଚ ବାବଦରେ ୧ଲକ୍ଷ ୩୮ହଜାର ୮ଶହ ଟଙ୍କା ଦାବି କରି ୧୮ଘଣ୍ଟା ବନ୍ଧା ରଖିଲେ ମେଡିକା କର୍ତ୍ତୃପକ୍ଷ। ଏହା ଗଣମାଧ୍ୟମ ପ୍ରତିନିଧି ଜାଣି ହସ୍ତକ୍ଷେପ କରିବା ପରେ ମାଗଣାରେ ଅସ୍ତ୍ରୋପଚାର ନାମରେ ଡାକ୍ତରଖାନା ଖୋଲି ଲାଭଖୋର ବ୍ୟବସାୟର ଗୁମର ଫିଟିଛି। ଚିକିତ୍ସା ଖର୍ଚ୍ଚ ପଇଠ ଦାବି କରି ମୃତଦେହ ଅଟକ ରଖାଯାଇଥିବା ଖବର ପାଇ କଳିଙ୍ଗନଗରର ଧରିତ୍ରୀ ପ୍ରତିନିଧି ଡୁବୁରୀସ୍ଥିତ ମେଡିକା ହସପିଟାଲରେ ପହଞ୍ଚତ୍ ଘଟଣା ବିଷୟରେ ତଥ୍ୟ ସଂଗ୍ରହ କରିଥିଲେ। ଏନେଇ ହସ୍ପିଟାଲ୍‌ କର୍ତ୍ତୃପକ୍ଷଙ୍କ ସହ ଆଲୋଚନା କରିବା ପରେ ପରିବାର ଲୋକଙ୍କୁ ମୃତଦେହ ହସ୍ତାନ୍ତର କରାଯାଇଥିବା ଜଣାପଡ଼ିଛି।

ଡକାୟତଙ୍କ ଆକ୍ରମଣରେ ପରିବାରର ୩ ସଦସ୍ୟ ଗୁରୁତର

ଡକାୟତଙ୍କ ଆକ୍ରମଣରେ ପରିବାରର ୩ ସଦସ୍ୟ ଗୁରୁତର

ବିଞ୍ଝାରପୁର,୨୪।୧(ଡି.ଏନ୍‌.ଏ) ବିଞ୍ଝାରପୁର ବ୍ଲକ ଅନ୍ତର୍ଗତ ଘଣ୍ଟିଆଳି ପଞ୍ଚାୟତ ବଣିଆପାଳ ଗ୍ରାମରେ ଡକାୟତଙ୍କ ଆକ୍ରମଣରେ ତାପସ ରଞ୍ଜନ ପ୍ରଧାନଙ୍କ ପରିବାରର ୩ଜଣ ସଦସ୍ୟ ଗୁରୁତର ଭାବେ ଆହତ ହୋଇଛନ୍ତି। ଘଣ୍ଟିଆଳି ଅନତୀ ଦୂରରେ କଡ଼ା ପୋଲିସ ସୁରକ୍ଷା ମଧ୍ୟରେ ବରୁଣେଶ୍ୱର ମେଳା ଚାଲିଥିବାବେଳେ ୫ଜଣ ଡକାୟତ ଡକାୟତି ଉଦ୍ଦେଶ୍ୟରେ ତାପସ ରଞନ ପ୍ରଧାନଙ୍କ ଛାତ ସିଡିଘର କବାଟ ଭାଙ୍ଗି ଘରେ ପଶିଥିଲେ। ଡକାୟତମାନେ ସିଡିଘର ଭାଙ୍ଗୁଥିବାବେଳେ ପ୍ରଧାନଙ୍କ ପରିବାର ପାଟି କରିବାରୁ ଡକାୟତମାନେ ତାପସ ପ୍ରଧାନ (୪୫) ତାଙ୍କ ସ୍ତ୍ରୀ ନମିତା ପ୍ରଧାନ ଓ ତାଙ୍କ ମା’ କଳ୍ପନା ପ୍ରଧାନ (୬୨)ଙ୍କୁ ମରଣାନ୍ତକ ଆକ୍ରମଣ କରିବା ସହ ଲୁଟପାଟ କରିଥିଲେ। ପ୍ରଧାନଙ୍କ ପରିବାର ଡକାୟତଙ୍କ ଆକ୍ରମଣରେ ଆହତ ହୋଇ ଚିକତ୍ସାର କଜନ ଆସିବାରୁ ଡକାୟତମାନେ ପଳାଇ ଯାଇଥିଲେ।

ରବୀନ୍ଦ୍ର ହତ୍ୟା ଘଟଣାର ଖୋଲୁଛି ଗୁମର

ବିରଜାକ୍ଷେତ୍ର, ୨୪।୧(ଡି.ଏନ୍‌.ଏ) ସରସ୍ବତୀ ପୂଜା ପ୍ରାତଃରୁ ଯାଜପୁର ବ୍ଲକ୍‌ ସିମିଳିଆ ପଞ୍ଚାୟତ ମଇଦପୁର ଛକ ତଥା ଯାଜପୁର-ବରୁଆଁ ରାସ୍ତାର ମଇଦପୁର ଛକର ଡାହାଣପଟେ ପରିତ୍ୟକ୍ତ ଅଳିଆ ଗଦାରେ ଜଣେ ବ୍ୟକ୍ତିଙ୍କ ଅର୍ଦ୍ଧଦଗ୍ଧ ଅବସ୍ଥାରେ ମରି ପଡ଼ିଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଅନୁସନ୍ଧାନ ଜାରି ରଖିଥିଲା। ଅର୍ଦ୍ଧଦଗ୍ଧ ମୃତଦେହର ଅନତି ଦୂରରେ ପଡ଼ିଥିବା ପ୍ୟାଣ୍ଟ, କପଡ଼ା ଓ ଚପଲକୁ ଦେଖିବା ପରେ ମୃତଦେହ ବିଚିତ୍ରପୁର ପଞ୍ଚାୟତ ଅବଦଲପୁର ଗ୍ରାମର ରବୀନ୍ଦ୍ର ନାୟକଙ୍କ ବୋଲି ସ୍ଥାନୀୟ ଲୋକେ ଚିହ୍ନଟ କରିଥିଲେ। ଘଟଣାସ୍ଥଳରେ ରକ୍ତ ପଡ଼ିଥିବା ଦେଖି ପରିବାର ଏହାକୁ ଏକ ହତ୍ୟାକାଣ୍ଡ ବୋଲି ଅଭିଯୋଗ କରିଥିଲେ। ହତ୍ୟା ପରେ ପୋଡ଼ି ଦିଆଯାଇଛି ବୋଲି ପୋଲିସ ପ୍ରାଥମିକ ତଦନ୍ତ ଆରମ୍ଭ କରିଥିବାବେଳେ ସିମିଳିଆ ଗ୍ରାମର ଅଟୋ ଡ୍ରାଇଭର ଦୀପକ କୁମାର ପତିଙ୍କ ଅଟୋରେ ରବିବାର ରାତ୍ର ୧୧ଟାରେ ରବୀନ୍ଦ୍ର ବୁଲୁଥିବା ଅବଦଲପୁର ଓ ସାନତ୍ରିଲୋଚନପୁର ଗ୍ରାମର କେତେକ ଲୋକ ଦେଖିଥିବା ପୋଲିସକୁ ଜଣାଇଥିଲେ। ଏହା ଶୁଣିବା ପରେ ପୋଲିସ ଅଟୋ ଡ୍ରାଇଭର ଦୀପକଙ୍କୁ ଥାନାରେ ଅଟକ ରଖି ପଚରାଉଚରା ଜାରି ରଖିଥିଲା।