ବ୍ରହ୍ମପୁର

ଘରୋଇ ଶିକ୍ଷାନୁଷ୍ଠାନରେ ଛାତ୍ରଙ୍କୁ ନିର୍ଯାତନା ଅଭିଯୋଗ

ଘରୋଇ ଶିକ୍ଷାନୁଷ୍ଠାନରେ ଛାତ୍ରଙ୍କୁ ନିର୍ଯାତନା ଅଭିଯୋଗ
ବିଇଓଙ୍କ କାର୍ଯ୍ୟାଳୟକୁ ଆସିଲା ତଦନ୍ତ ନିର୍ଦ୍ଦେଶ ଦିଗପହଣ୍ଡି/ବାଲିପଡ଼ା,୧୪ା୧୨ (ଡି.ଏନ.ଏ.)- କୁକୁଡ଼ାଖଣ୍ଡି ବ୍ଲକ ଆଦିବାସୀ ଅଧ୍ୟୁଷିତ କଙ୍କିଆ ପଞ୍ଚାୟତର କଙ୍କିଆ ଗ୍ରାମରେ ଥିବା ଏକ ଘରୋଇ ଶିକ୍ଷାନୁଷ୍ଠାନ ବିରୋଧରେ ଛାତ୍ର ନିର୍ଯାତନା ଅଭିଯୋଗ ଆସିଛି। ଅଭିଯୋଗ ଆଣିଛନ୍ତି ୯ମ ଶ୍ରେଣୀ ଛାତ୍ର ରଞ୍ଜନ ମଲ୍ଲିକଙ୍କ ବାପା ପୂର୍ଣ୍ଣଚନ୍ଦ୍ର ମଲ୍ଲିକ। ଏନେଇ ଜିଲାପାଳଙ୍କ କାର୍ଯ୍ୟାଳୟର ଦ୍ୱାରସ୍ଥ ହେବା ସହ ଏକ ଅଭିଯୋଗ ପ୍ରଦାନ କରିଛନ୍ତି। ଯେଉଁଥିରେ ଦର୍ଶାଯାଇଛି, ରଞ୍ଜନ ସ୍କୁଲ ଛାତ୍ରାବାସରେ ରହି ପାଠ ପଢ଼ୁଥିବା ବେଳେ ଛାତ୍ରାବାସ ଅଧ୍ୟକ୍ଷ ଦେବେନ୍ଦ୍ର ଦାସ ଗାଳିଗୁଲଜ କରିବା ସହ ନିର୍ଯାତନା ଦେଉଥିଲେ। ଛାତ୍ରାବାସରେ ଛାତ୍ରମାନଙ୍କୁ ଠିକ ଭାବେ ଖାଇବାକୁ ଦିଆଯାଉନାହିଁ। ଖେଳ ସାମଗ୍ରୀ ଏବଂ ପୋଷାକ ପିଲାମାନଙ୍କୁ ଦିଆଯାଉ ନ ଥିବା ବେଳେ ଷ୍ଟାଇପେଣ୍ଟ ଅର୍ଥ ଆତ୍ମସାତ କରାଯାଉଛି। ଏହା ବିରୋଧରେ ପ୍ରତିବାଦ କରିବାରୁ ଆଦିବାସୀ ପିଲା ହୋଇ ଆମ ବିରୋଧରେ ଅଭିଯୋଗ କରୁଛୁ କହି ମାଡ ମାରିଥିଲେ। ଏପରି କି ଟିସି ଦେଇ ସ୍କୁଲରୁ ବାହାର କରିଦେଲେ। ବର୍ଷର ମଧ୍ୟଭାଗରେ ସ୍କୁଲରୁ ବାହାର କରି ଦିଆଯାଇଥିବାରୁ ଅନ୍ୟ କୌଣସି ବିଦ୍ୟାଳୟରେ ସେ ନାମ ଲେଖାଇ ପାରୁନାହାନ୍ତି। ତାଙ୍କ ସମେତ ଅନ୍ୟମାନଙ୍କୁ ମଧ୍ୟ ଧମକ ଦିଆଯାଉଥିବା ରଞ୍ଜନ ଅଭିଯୋଗ କରିଛନ୍ତି। କୁକୁଡ଼ାଖଣ୍ଡି ବ୍ଲକ ଅଧ୍ୟକ୍ଷ କାମାକ୍ଷା ପ୍ରସାଦ ପାତ୍ର ଉକ୍ତ ପଞ୍ଚାୟତର ସମିତିସଭ୍ୟ। ସେ ମଧ୍ୟ ଖୋଦ୍‌ ସ୍ବୀକାର କରିଛନ୍ତି ଗ୍ରାମ ବିକାଶ ବିଦ୍ୟାଳୟରେ ସ୍ଥାନୀୟ ପିଲାମାନେ ନାମ ଲେଖାଇବାରେ ସ୍କୁଲ କର୍ତ୍ତୃପକ୍ଷ ସାହାଯ୍ୟ କରୁନାହାନ୍ତି। ପ୍ରାୟ ପିଲା ବାହାର ବ୍ଲକରୁ ଆସି ପଢ଼ୁଛନ୍ତି। ଏ ସମ୍ପର୍କରେ ମୁଁ ବ୍ୟକ୍ତିଗତ ଭାବେ ଜିଲା ଶିକ୍ଷାଧିକାରୀଙ୍କୁ ଜଣାଇବି ବୋଲି ସେ କହିଛନ୍ତି। ଏନେଇ ଛାତ୍ରାବାସ ଅଧ୍ୟକ୍ଷ ଦେବେନ୍ଦ୍ର ଦାସ କହିଛନ୍ତି, ରଞ୍ଜନ ଆଗରୁ ଶ୍ରେଣୀ ଗୃହରେ ଶିକ୍ଷୟିତ୍ରୀ ଓ ଛାତ୍ରୀମାନଙ୍କୁ ଦୁର୍ବ୍ୟବହାର କରୁଥିଲେ। ତାଙ୍କ ବାପାଙ୍କୁ ଡ଼ାକି ଏ ବିଷୟରେ ଆମେ କହିଥିଲୁ। ସେ ଏଭଳି ଭୁଲ କରିବି ନାହିଁ ବୋଲି ଏକ ଲେଖା ଦେଇଥିଲେ। କିନ୍ତୁ ତା ଉଦ୍ଧତ ପଣିଆ ବନ୍ଦ ହେଲା ନାହିଁ। ଫଳରେ ଆମେ ପୁନର୍ବାର ବୁଝାଇଲୁ। ତାଙ୍କ ପରିବାରବର୍ଗ ଟିସି ଦେବା ପାଇଁ ଆବେଦନ କରିବାରୁ ଆମେ ଦେଇଛୁ ବୋଲି ସେ କହିଛନ୍ତି। ଜିଲା ଶିକ୍ଷାଧିକାରୀ ସନାତନ ପଣ୍ଡା କହିଛନ୍ତି, ମୁଁ ଏ ବିଷୟରେ କୌଣସି ଖବର ପାଇ ନାହିଁ। ବିଇଓଙ୍କଠାରୁ ବୁଝି ମୁଁ ଉଚିତ ପଦକ୍ଷେପ ଗ୍ରହଣ କରିବି। ଘଟଣା ଜିଲାପାଳଙ୍କ ନିକଟରେ ପହଞ୍ଚତ୍ବା ପରେ ତଦନ୍ତ ନିର୍ଦ୍ଦେଶ ବ୍ଲକ ଶିକ୍ଷାଧିକାରୀଙ୍କ ନିକଟରେ ପହଞ୍ଚତ୍ଥିବା କାର୍ଯ୍ୟାଳୟ ତରଫରୁ ଜଣାପଡ଼ିଛି।
All Right Reserved By

ବ୍ରହ୍ମପୁର

ନଦୀରେ ଭାସି ଯାଇଥିବା ଯୁବକଙ୍କ ମୃତଦେହ ଉଦ୍ଧାର

ନଦୀରେ ଭାସି ଯାଇଥିବା ଯୁବକଙ୍କ ମୃତଦେହ ଉଦ୍ଧାର

ବାଲିଗୁଡା,୨୧।୧୦(ଡି.ଏନ୍‌.ଏ.)- କନ୍ଧମାଳ ଜିଲା ବାଲିଗୁଡା ବ୍ଲକ ଅଧିନସ୍ଥ ବାଲିଗୁଡା-ସିନ୍ଦ୍ରିଗଁା ରାସ୍ତା ନିକଟସ୍ଥ ଖଡଗନଦୀରେ ଗତ ୧୭ ତାରିଖରେ ଚମ୍ପାସାହିର ଭଞ୍ଜ କିଶୋର ପଣ୍ଡାଙ୍କ ପୁଅ ଗୁଡୁ ଭାସି ଯାଇଥିଲେ। ପରିବାର ଲୋକେ ଓ ଦମକଳ ବାହିନୀ ବହୁ ଖୋଜାଖୋଜି କରିଥିଲେ ମଧ୍ୟ ତାଙ୍କର ପତ୍ତା ମିଳି ନ ଥିଲା। ରବିବାର ଖବର ପାଇ ବୁଡୁକିଆ ନିକଟସ୍ଥ ଖଡଗନଦୀ ପଠାରୁ ଦମକଳବାହିନୀ ମୃତଦେହ ଉଦ୍ଧାର କରିଛି। ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି। ପ୍ରକାଶ ଯେ, ଗୁଡୁ ଜେଜେ ମା’ଙ୍କ ଦଶାହ କାମ ପାଇଁ ନଦୀକୁ ଯାଇଥିବାବେଳେ ଗୋଡ ଖସି ଯିବାରୁ ଭାସି ଯାଇଥିଲେ।

ମନ୍ତ୍ରୀ, ବିଧାୟକଙ୍କ ବାତ୍ୟାଞ୍ଚଳ ପରିଦର୍ଶନ

ମନ୍ତ୍ରୀ, ବିଧାୟକଙ୍କ ବାତ୍ୟାଞ୍ଚଳ ପରିଦର୍ଶନ

ଧରାକୋଟ,୨୧।୧୦(ଡି.ଏନ୍‌.ଏ.)- ଧରାକୋଟ ବ୍ଲକର ବାତ୍ୟା ଓ ବନ୍ୟାରେ କ୍ଷତିଗ୍ରସ୍ତ ଗଁା ଗୁଡିକୁ ରାଜ୍ୟ ସରକାରଙ୍କ ମନ୍ତ୍ରୀ ଓ ବିଧାୟକମାନଙ୍କ ଏକ ଦଳ ଗସ୍ତ କରିଛନ୍ତି। ଏହି ଦଳରେ ଗଞ୍ଜାମ ଜିଲାର ବହୁ ବିଜେଡି ନେତୃବୃନ୍ଦ ମଧ୍ୟ ସାମିଲ ଥିଲେ।

ଅଷ୍ଟମ ବାଟାଲିୟନ୍‌ ପକ୍ଷରୁ ଶହୀଦ ଦିବସ ପାଳିତ

ଅଷ୍ଟମ ବାଟାଲିୟନ୍‌ ପକ୍ଷରୁ ଶହୀଦ ଦିବସ ପାଳିତ

ଗଞ୍ଜାମ, ୨୧।୧୦(ଡି.ଏନ.ଏ.): ଅଗସ୍ତି ନୂଆଗାଁଠାରେ ଥିବା ଅଷ୍ଟମ ବାଟାଲିୟନ ପକ୍ଷରୁ ରବିବାର ୫୯ତମ ଶହୀଦ ଦିବସ ପାଳନ କରାଯାଇଥିଲା।

ପୋଲିସ ଶହୀଦ ଦିବସ ପାଳିତ

ପୋଲିସ ଶହୀଦ ଦିବସ ପାଳିତ

ବ୍ରହ୍ମପୁର ଅଫିସ,୨୧।୧୦: ଆଜି ଦେଶ ବ୍ୟାପୀ ପାଳିତ ହେଉଛି ୫୯ତମ ପୋଲିସ ସହୀଦ ଦିବସ। ଏହି ଅବସରରେ ବ୍ରହ୍ମପୁର ପୋଲିସ ଜିଲା ପକ୍ଷରୁ ଆମ୍ବପୁଆ ରିଜର୍ଭ ପୋଲିସ ପଡିଆରେ ମିଳିତ ପ୍ୟାରେଡ଼ ସହ ସହୀଦଙ୍କ ସ୍ମୃତିଚାରଣ କରାଯାଇଥିଲା। 

ମହୁଲି ମଦ, ଛେଳି ପହଞ୍ଚିବା ପରେ ପୂଜା ପାଆନ୍ତି ମା’

ମହୁଲି ମଦ, ଛେଳି ପହଞ୍ଚିବା ପରେ ପୂଜା ପାଆନ୍ତି ମା’

ଦାରିଙ୍ଗବାଡ଼ି,୨୧।୧୦ (ଡି.ଏନ.ଏ.)-ଦାରିଙ୍ଗବାଡ଼ି ବ୍ଲକ ଅଞ୍ଚଳରେ ଶାରଦୀୟ ଦୁର୍ଗାପୂଜା ଧୁମ୍‌ଧାମ୍‌ରେ ପାଳନ କରାଯାଇଛି। ଦାରିଙ୍ଗବାଡ଼ି ଥାନାରେ ପାରମ୍ପରିକ ତଥା ଲୋକ ସଂସ୍କୃତିକୁ ନେଇ ନିଆରା ଢଙ୍ଗରେ ପୂଜାର୍ଚ୍ଚନା କରାଯାଇଛି। 

ବନ୍ୟା ଭାଙ୍ଗିଦେଲା ଚାଷୀ ମେରୁଦଣ୍ଡ

ବନ୍ୟା ଭାଙ୍ଗିଦେଲା ଚାଷୀ ମେରୁଦଣ୍ଡ

ବ୍ରହ୍ମପୁର ଅଫିସ୍‌,୨୧ା୧୦-ଗଞ୍ଜାମ ଜିଲାରେ ବାତ୍ୟା ‘ତିତ୍‌ଲି’ ପରବର୍ତ୍ତୀ ବନ୍ୟାର ଭୟାବହତା ବ୍ୟାପକ ଭାବେ ପ୍ରଭାବ ପକାଇଛି। ବନ୍ୟା ଜଳ ଚାଷ ଜମିରେ ଜମି ମାଡିଯିବା ଫଳରେ ଫସଲ ବରବାଦ୍‌ ହୋଇଯାଇଛି। ତଳ ଅଞ୍ଚଳଗୁଡ଼ିକରେ ବ୍ୟାପକ କ୍ଷତି ହୋଇଛି। 

ପାହାଡ଼ ମଝି ରାସ୍ତାରେ ପ୍ରସବ

ପାହାଡ଼ ମଝି ରାସ୍ତାରେ ପ୍ରସବ

ପାତ୍ରପୁର,୨୧ା୧୦(ଡି.ଏନ୍‌.ଏ.) -ବୁରାତାଲ ପଞ୍ଚାୟତର ପାହାଡ଼ ଉପରେ ଥିବା ବାଦୁଆ ଗ୍ରାମର ଗୋବିନ୍ଦ ନାଇକଙ୍କ ସ୍ତ୍ରୀ ହୀରାମଣି ନାଇକଙ୍କୁ  ଶନିବାର ପ୍ରସବ ପାଇଁ ସ୍ବାସ୍ଥ୍ୟ କେନ୍ଦ୍ରକୁ ଭାର ସାହାଯ୍ୟରେ ଆଣୁଥିବା ବେଳେ ପାହାଡ ମଝି ରାସ୍ତାରେ ସେ ଏକ ଶିଶୁପୁତ୍ର ଜନ୍ମ ଦେଇଛନ୍ତି। 

ଅଭିଯୁକ୍ତ ଗିରଫ: ମାଉଜର, ଗୁଳି ଓ ବାଇକ୍‌ ଜବତ

ଅଭିଯୁକ୍ତ ଗିରଫ: ମାଉଜର, ଗୁଳି ଓ ବାଇକ୍‌ ଜବତ

ଦିଗପହଣ୍ଡି,୨୧ା୧୦(ଡି.ଏନ.ଏ.): ଦିଗପହଣ୍ଡି ଥାନା ମହୁଡ଼ା ଚାଞ୍ଚଡ଼ାପଲ୍ଲୀ ଗ୍ରାମର ପାଣ୍ଡା ଓରଫ ମିଥୁନ ପ୍ରଧାନଙ୍କୁ ଶନିବାର ପୋଲିସ ଗିରଫ କରି ସନ୍ଧ୍ୟାରେ କୋର୍ଟଚାଲାଣ କରିଛି। ତାଙ୍କ ନିକଟରୁ ଦେଶୀ ମାଉଜର, ୨ଟି ଜୀବନ୍ତ ଗୁଳି ସମେତ ଏକ ନମ୍ବର ବିହୀନ ବାଇକ ଜବତ କରାଯାଇଛି। 

ପୂର୍ବତନ ସରପଞ୍ଚଙ୍କ ଧାରଣା ଚେତାବନୀ

ରାମଗିରି,୨୧ା୧୦- ଗଜପତି ଜିଲା ଆର.ଉଦୟଗିରି ବ୍ଲକ ରାମଗିରି ପଞ୍ଚାୟତ ସହ ଆଖପାଖ ପଞ୍ଚାୟତରେ ତାରପୋଲିନ୍‌ ବଣ୍ଟନରେ ଅନିୟମିତତା ଅଭିଯୋଗ ହୋଇଛି। ସାମୁଦ୍ରିକ ଝଡ ତିତ୍‌ଲି ପରବର୍ତ୍ତୀ କ୍ଷତିଗ୍ରସ୍ତଙ୍କୁ ଚିହ୍ନଟ କରି କ୍ଷତିପୂରଣ ସହାୟତା ପ୍ରଦାନରେ ପାତର ଅନ୍ତର ହୋଇଛି ବୋଲି ଅଭିଯୋଗ ହୋଇଛି ା 

ଯୁବକଙ୍କୁ ହତ୍ୟା, ପୋଲିସର ତଦନ୍ତ ଆରମ୍ଭ

ଯୁବକଙ୍କୁ ହତ୍ୟା, ପୋଲିସର ତଦନ୍ତ ଆରମ୍ଭ

ବ୍ରହ୍ମପୁର ଅଫିସ୍‌,୨୧।୧୦-ବ୍ରହ୍ମପୁର ଗୋଷାଣୀ ନୂଆଗାଁ ଥାନା ଅଧୀନ ହଳଦିଆପଦର ରେଲୱେ ଫ୍ଲାଏ ଓଭର ବ୍ରିଜ୍‌ ନିକଟରୁ ଶୁକ୍ରବାର ଜଣେ ଯୁବକଙ୍କୁ ହତ୍ୟା କରାଯାଇଥିବା ପୋଲିସ ସ୍ପଷ୍ଟ କରିଛି। ମୃତକ ହେଲେ ବଡବଜାର ଥାନା ଅଧୀନ ଧାନମେରା ସାହିର ସୋନୁ ଘଡାଇ (୩୦)। ମୃତକଙ୍କ ମା’ ରୋହିଣୀଙ୍କ ଏତଲାକୁ ଭିତ୍ତିକରି ଶନିବାର ପୋଲିସ ନଂ. ୧୨୮/୧୮ରେ ଏକ ହତ୍ୟା ମାମଲା ରୁଜୁ କରିଛି। ମୃତଦେହ ଉଦ୍ଧାର କରି ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ବଡ ଡାକ୍ତରଖାନାକୁ ପଠାଇଛି। ବ୍ୟବଚ୍ଛେଦ ରିପୋର୍ଟ ଆସିବା ପରେ ଅଧିକ ତଥ୍ୟ ଜଣାପଡିବ ବୋଲି ଆଇଆଇସି କୁଳମଣୀ ସେଠୀ ସୂଚନା ଦେଇଛନ୍ତି। 

ଷ୍ଟୋଭଫାଟି ନାବାଳିକା ଗୁରୁତର

ବ୍ରହ୍ମପୁର ଅଫିସ୍‌,୨୦ା୧୦: ବ୍ରହ୍ମପୁର ବୈଦ୍ୟନାଥପୁର ଥାନା ଲାଞ୍ଜିପଲ୍ଲୀ ରେଡିକା ସାହିରେ ଶୁକ୍ରବାର ପୂର୍ବାହ୍ନରେ ଘଟିଥିବା ଅଗ୍ନିକାଣ୍ଡରେ ଜଣେ ନାବାଳିକା ଗୁରୁତର ହୋଇଛନ୍ତି। ପରିବାର ବର୍ଗ ତାଙ୍କୁ ଉଦ୍ଧାର କରି  ବ୍ରହ୍ମପୁର ବଡ ମେଡିକାଲରେ ଭର୍ତ୍ତି କରିଛନ୍ତି।

ଦୁର୍ଦ୍ଦାନ୍ତ ଅପରାଧୀ ଅଜୟ ଗିରଫ

ଦୁର୍ଦ୍ଦାନ୍ତ ଅପରାଧୀ ଅଜୟ ଗିରଫ

ବ୍ରହ୍ମପୁର ଅଫିସ୍‌,୨୧ା୧୦-ବ୍ରହ୍ମପୁର ସଦରଥାନା ପୋଲିସ ଜଣେ ଦୁର୍ଦ୍ଦାନ୍ତ ଅପରାଧୀଙ୍କୁ ଗିରଫ କରି ଶୁକ୍ରବାର କୋର୍ଟ  ଚାଲାଣ କରିଛି। ଜାମିନ ନାମଞ୍ଜୁର ହେବାରୁ ବିଚାର ବିଭାଗ  ହାଜତକୁ ପଠାଇ ଦିଆଯାଇଛି।