ସମ୍ବଲପୁର

ଦର୍ଲିପାଲି ଗ୍ରାମ ଚାଷଜମିକୁ ଅକ୍ତିଆର କଲା ଏମ୍‌ସିଏଲ୍‌: ବିରୋଧ କରି ୬୬ ଗ୍ରାମବାସୀ ଗିରଫ

ଦର୍ଲିପାଲି ଗ୍ରାମ ଚାଷଜମିକୁ ଅକ୍ତିଆର କଲା ଏମ୍‌ସିଏଲ୍‌: ବିରୋଧ କରି ୬୬ ଗ୍ରାମବାସୀ ଗିରଫ
ଲଖନପୁର,୧୪।୧୨(ଡି.ଏନ୍‌.ଏ.)- ମହାନଦୀ କୋଲ୍‌ ଫିଲ୍‌ଡ ଲିମିଟେଡ୍‌ (ଏମ୍‌ସିଏଲ୍‌) ଲଖନପୁର କୋଇଲାକ୍ଷେତ୍ର ପକ୍ଷରୁ ଖଣି ଉଦ୍ଦେଶ୍ୟରେ ଗୁରୁବାର ଦର୍ଲିପାଲି ଗ୍ରାମ ଚାଷଜମିକୁ ବୁଲ୍‌ଡୋଜର ଲଗାଇ ସଶସ୍ତ୍ର ପୋଲିସ ଉପସ୍ଥିତିରେ ଅକ୍ତିଆର କରାଯାଇଛି। ଏହାକୁ ବିରୋଧ କରିବାରୁ ପୋଲିସ ଗ୍ରାମର ୬୬ଜଣ ମହିଳା ଓ ପୁରୁଷଙ୍କୁ ଗିରଫ କରିଛି। ଗିରଫ ଗ୍ରାମବାସୀଙ୍କ ମଧ୍ୟରେ ସୁଦାମ ପ୍ରଧାନ, ଦଶରଥ ପଟେଲ, କୁଶ ବୁଡ଼ା, ବେଣୁ ସାଗର ସା, ବୁଦ୍ଧରାମ ସା, ଦେବେନ୍ଦ୍ର ସା ପ୍ରମୁଖ ରହିଛନ୍ତି। ପ୍ରଥମେ ଗିରଫ ଗ୍ରାମବାସୀଙ୍କୁ ବନ୍ଧବାହାଲ ଇନ୍ଦ୍ରଧନୁଷ୍‌ କ୍ଲବ୍‌ରେ ରଖାଯାଇଥିଲା। ପରେ ବନହରପାଲି ଥାନାକୁ ଅଣାଯାଇଛି। ସେମାନଙ୍କୁ ଥାନାରେ ନ ରଖି କୋର୍ଟ ଚାଲଣ କରିବାକୁ ଗ୍ରାମବାସୀ ଅଡ଼ିବସିଛନ୍ତି। ଯାହାକି ପୋଲିସ ପାଇଁ ମୁଣ୍ଡବିନ୍ଧାର କାରଣ ହୋଇଛି। ଏ ନେଇ ଗ୍ରାମରେ ଚାପା ଉତ୍ତେଜନା ଲାଗିରହିଛି। ସୁରକ୍ଷା ଦୃଷ୍ଟିକୋଣରୁ ଘଟଣାସ୍ଥଳରେ ସଶସ୍ତ୍ର ପୋଲିସ ମୁତୟନ କରାଯାଇଛି। ଏହି ଅପରେଶନ୍‌ରେ ଉପଜିଲାପାଳ ଅଜୟ ଜେନା ମାଜିଷ୍ଟ୍ରେଟ୍‌ ଦାୟିତ୍ୱରେ ରହିଥିଲେ। ଗୁରୁବାର ପୂର୍ବାହ୍ନ ସାଢ଼େ ୬ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଏହି ଅପରେଶନ୍‌ ଚାଲିଥିଲା। ଲଖନପୁର ତହସିଲଦାର ହେମସାଗର ଭୋଇ ଏସ୍‌ଡିପିଓ ନୃପଚରଣ ଦଣ୍ଡସେନା, ବନହରପାଲି ଥାନା ଆଇଆଇସି ପୁରୁଷୋତ୍ତମ ଭୋଇ, ବେଲପାହାଡ଼ ଥାନା ଆଇଆଇସି ସୁରେଶ ସାହୁ, ଲଖନପୁର ଥାନା ଆଇଆଇସି ବୈକୁଣ୍ଠନାଥ ସେଠ, ରେଙ୍ଗାଲି ଥାନା ଆଇଆଇସି ପ୍ରତାପ ରଣା ପ୍ରମୁଖ ୪ ପ୍ଲାଟୁନ୍‌ ସଶସ୍ତ୍ର ପୋଲିସ ବାହିନୀ ସହିତ ଉପସ୍ଥିତ ଥିଲେ। ଏମ୍‌ସିଏଲ୍‌ ପକ୍ଷରୁ ଜିଏମ୍‌ ରାଜେନ୍ଦ୍ର ପ୍ରସାଦ ଗୁପ୍ତା, ପିଓ ଏମ୍‌.ଏସ୍‌.ଏସ୍‌. ରେଡ୍ଡୀ, ମ୍ୟାନେଜର୍‌ ଏସ୍‌.ବି. ବାରିକ, ଏସ୍‌.ଜେ. ଜେନୋ ଓ ଦଶରଥ ମିଶ୍ର ପ୍ରମୁଖ ଉପସ୍ଥିତ ଥିଲେ। ଖବର ପାଇ ସରଣ୍ଡାମାଲ ସରପଞ୍ଚ ପାର୍ବତୀ ବେହେରା, ସମିତିସଭ୍ୟ ଦେବାନନ୍ଦ ପ୍ରଧାନ, ବାସୁଦେବ ଭୋଇ, ସାଲେଗ୍ରାମ ନାୟକ ପ୍ରମୁଖ ଜନପ୍ରତିନିଧି ଓ ସାମାଜିକ କର୍ମୀ ଘଟଣାସ୍ଥଳରେ ପହଞ୍ଚି ଉପଜିଲାପାଳଙ୍କ ସହ ଆଲୋଚନା କରିଥିଲେ। ଏ ନେଇ ଉପଜିଲାପାଳ ଜେନା କହିଛନ୍ତି, ଏମ୍‌ସିଏଲ୍‌ କୋଇଲା ଖଣି ଉଦ୍ଦେଶ୍ୟରେ ୧୯୯୫ ମସିହାରେ ୨୫୭ ଏକର ରୟତ ଜମି ଅଧିଗ୍ରହଣ କରିଥିଲା। ଏଥିମଧ୍ୟରୁ ୧୫୭ ଏକର ରୟତ ଜମିରେ ଖଣି ସମ୍ପ୍ରସାରଣ ଚାଲିଛି। ଅବଶିଷ୍ଟ ଶହେ ଏକର ଜମି ମଧ୍ୟରେ ଚାଷଜମି ଓ ଗ୍ରାମର ବସ୍ତି ରହିଛି। ଏଥିମଧ୍ୟରୁ ଏବେ ୫୭ଏକର ରୟତ ଚାଷଜମିକୁ କମ୍ପାନୀ ନିଜ ଅକ୍ତିଆରକୁ ନେଇଛି। ଏହି ଚାଷଜମି ଗ୍ରାମ ନିକଟରୁ ୫୦ମିଟର ଦୂରରେ ରହିଛି। ଗ୍ରାମ ବିସ୍ଥାପିତ ହେବାପର୍ଯ୍ୟନ୍ତ ଏବେ ଖଣି ସମ୍ପ୍ରସାରଣ ସମୟରେ ସାବଧାନତା ଅବଲମ୍ବନ କରି କାର୍ଯ୍ୟ କରିବାକୁ ପଡ଼ିବ ବୋଲି ଉପଜିଲାପାଳ ଜେନା କହିଛନ୍ତି। ଏ ନେଇ ଜମି ମାଲିକଙ୍କୁ କ୍ଷତିପୂରଣ ବାବଦ ୧୮ଲକ୍ଷ ଟଙ୍କା ପ୍ରଦାନ କରାଯାଇଛି। କେତେକ ଜମି ମାଲିକ କ୍ଷତିପୂରଣ ଅର୍ଥ ଗ୍ରହଣ କରି ନ ଥିବାରୁ ଏ ବାବଦରେ ୧୪ଲକ୍ଷ ଟଙ୍କା ଏବେ ମଧ୍ୟ ଜମା ରହିଛି। ଏ ନେଇ ଜମି ମାଲିକଙ୍କୁ ଜିଲା ପ୍ରଶାସନ ପକ୍ଷରୁ ବାରମ୍ବାର ନୋଟିସ୍‌ ହେଉଛି। କିନ୍ତୁ କେହି ଶୁଣୁନାହାନ୍ତି ବୋଲି ସେ କହିଛନ୍ତି। ସେହିଭଳି ଗ୍ରାମବାସୀ କହିଛନ୍ତି, କମ୍ପାନୀ ପକ୍ଷରୁ ସେମାନଙ୍କୁ ଉପଯୁକ୍ତ କ୍ଷତିପୂରଣ, ସ୍ଥାୟୀ ନିଯୁକ୍ତି, ଅନ୍ୟତ୍ର ଥଇଥାନ ପାଇଁ ଘରଡିହ ଜମି ଆଦି ଯୋଗାଇ ଦିଆଯାଇନାହିଁ। ଗ୍ରାମବାସୀ ଦୀର୍ଘ ୨୨ ବର୍ଷ ହେଲା କମ୍ପାନୀ ବିରୋଧରେ ଲଢ଼େଇ କରିଆସୁଛନ୍ତି। ନ୍ୟାୟ ପାଇଁ ଗ୍ରାମବାସୀ କୋର୍ଟର ଆଶ୍ରୟ ମଧ୍ୟ ନେଇଥିବା କହିଛନ୍ତି। ଏଭଳି ସ୍ଥିତିରେ କମ୍ପାନୀ ଗ୍ରାମବାସୀଙ୍କ ବିରୋଧର ସମ୍ମୁଖୀନ ହେଉଛି। ଫଳରେ ଖଣି ସମ୍ପ୍ରସାରଣରେ ବାଧା ସୃଷ୍ଟିହୋଇ କୋଇଲା ଉପତ୍ାଦନ ବାଧାପ୍ରାପ୍ତ ହେବାରେ ଲାଗିଛି। ଏଥିପାଇଁ କମ୍ପାନୀର ମୁଣ୍ଡବିନ୍ଧା ବଢ଼ିଯାଇଛି।
All Right Reserved By

ସମ୍ବଲପୁର

ଟ୍ରକ୍‌ ଧକ୍କାରେ ବାଇକ୍‌ ଚାଳକ ମୃତ

ଟ୍ରକ୍‌ ଧକ୍କାରେ ବାଇକ୍‌ ଚାଳକ ମୃତ

ଜମନକିରା,୨୩।୧(ଡି.ଏନ୍‌.ଏ):ସମ୍ବଲପୁର ଜିଲା ଜମନକିରା ଥାନା ଅଧୀନ ଟିକିଲିପଡ଼ା ନିକଟରେ ବୁଧବାର ଅପରାହ୍ନ ସାଢ଼େ ୨ଟାରେ ଦୁର୍ଘଟଣା ଘଟି ଜଣକର ମୃତ୍ୟୁ ଘଟିଛି। ଏକ ଟ୍ରକ୍‌ ଜଣେ ବାଇକ୍‌ ଚାଳକଙ୍କୁ ଧକ୍କା ଦେଇ ଖସି ପଳାଇଛି। 

ଭୟାବହ ଅଗ୍ନିକାଣ୍ଡ: ଯୁବକ ଜୀବନ୍ତ ଦଗ୍ଧ

ଭୟାବହ ଅଗ୍ନିକାଣ୍ଡ: ଯୁବକ ଜୀବନ୍ତ ଦଗ୍ଧ

ବୀରମହାରାଜପୁର,୨୩।୧(ଡି.ଏନ୍‌.ଏ.): ସୁବର୍ଣ୍ଣପୁର ଜିଲା ବୀରମହାରାଜପୁର ବ୍ଲକରେ ଲୁଟୁପଙ୍କ ପଞ୍ଚାୟତ ଘିଚାପାଲି ଗ୍ରାମରେ ମଙ୍ଗଳବାର ରାତିରେ ଏକ ଅଭାବନୀୟ ଘଟଣା ଘଟିଛି। ଗ୍ରାମର  ରଞ୍ଜନ ବିଭାର(୨୯) ଶୋଇଥିବା ବେଳେ କୌଣସି କାରଣରୁ  ଘରେ ନିଆଁ ଲାଗିଯାଇଥିଲା।

ମଠଖାଇ ମହୋତ୍ସବ: ନାଟକ ଏକ ଧୋତ୍ରାଚି ଗୋଷ୍ଠ ମଞ୍ଚସ୍ଥ

ମଠଖାଇ ମହୋତ୍ସବ: ନାଟକ ଏକ ଧୋତ୍ରାଚି ଗୋଷ୍ଠ ମଞ୍ଚସ୍ଥ

ବଲାଙ୍ଗୀର ଅଫିସ, ୨୩ା୧-ବଲାଙ୍ଗୀର କୋଶଳକଳା ମଣ୍ଡଳ ନୂଆ ରଙ୍ଗମଞ୍ଚରେ ଅନୁଷ୍ଠିତ ସର୍ବଭାରତୀୟ ବହୁଭାଷୀ ନାଟକ ସମାରୋହ ମଠଖାଇ ମହୋତ୍ସବର ମଙ୍ଗଳବାର  ତୃତୀୟ ସନ୍ଧ୍ୟାରେ  ମୁମ୍ବାଇର ସଲାମ ବମ୍ବେ ଫାଉଣ୍ଡେଶନ୍‌ ରଙ୍ଗମଣ୍ଡଳ ଏବଂ ସୃଜନ ଫାଉଣ୍ଡେଶନ୍‌ ତରଫରୁ ମରାଠୀ ଓ ହିନ୍ଦୀ ନାଟକ ଏକ ଧୋତ୍ରାଚି ଗୋଷ୍ଠ ମଞ୍ଚସ୍ଥ ହୋଇଥିଲା| 

ସଫଳତା ପାଇଁ କଠିନ ପରିଶ୍ରମର ବିକଳ୍ପ ନାହିଁ

ସଫଳତା ପାଇଁ କଠିନ ପରିଶ୍ରମର ବିକଳ୍ପ ନାହିଁ

ବୀରମହାରାଜପୁର, ୨୩।୧ (ଡି.ଏନ.ଏ.)- ସୁବର୍ଣ୍ଣପୁର ଜିଲା ବୀରମହାରାଜପୁର କଲେଜର ୩୭ତମ ବାର୍ଷିକ ଉତ୍ସବ ମଙ୍ଗଳବାର ପାଳିତ ହୋଇଯାଇଛି । ଏଥିରେ ଯୋଗଦେଇଥିବା ଅତିଥିମାନେ ଉଦ୍‌ବୋଧନ ପ୍ରସଙ୍ଗରେ ମତପ୍ରକାଶ କରିଥିଲେ ଯେ, କଠିନ ପରିଶ୍ରମର ବିକଳ୍ପ ନାହିଁ। 

ଜୋଙ୍କ ଜଳ ବିବାଦ ଘଟଣା  ଜିଲାପାଳ, ଏସପିଙ୍କ ମାରାଥନ ବୈଠକ  ଆଗକୁ ଆସିଛନ୍ତି ଦୁଇ ପକ୍ଷ

ଜୋଙ୍କ ଜଳ ବିବାଦ ଘଟଣା ଜିଲାପାଳ, ଏସପିଙ୍କ ମାରାଥନ ବୈଠକ ଆଗକୁ ଆସିଛନ୍ତି ଦୁଇ ପକ୍ଷ

ନୂଆପଡା ଅଫିସ,୨୩ା୧-ଜୋଙ୍କ ଜଳ ସେଚନ ପ୍ରକଳ୍ପରୁ ରବି ଚାଷ ସକାଶେ ପାଣି ବଣ୍ଟନ ବିବାଦ ଚରମ ସୀମାରେ ପହଞ୍ଚତ୍ଥିବା ବେଳେ ଜିଲା ପ୍ରଶାସନ ତରଫରୁ ଜିଲାପାଳ  ଏବଂ ଏସପି ତପତ୍ରତା ପ୍ରକାଶ କରି ମାରାଥନ ବୈଠକ ଚଳାଇଛନ୍ତି। 

ପରିବାରକେ ଆହାର ଯୁଗଉଛନ୍‌ ନାବାଲିକା ଚନ୍ଦ୍ରକଳା

ପରିବାରକେ ଆହାର ଯୁଗଉଛନ୍‌ ନାବାଲିକା ଚନ୍ଦ୍ରକଳା

ଳଡୁଗାଁ,୨୩।୧(ଡି.ଏନ.ଏ):  କଳାହାଣ୍ଡି ଜିଲା କୋକସରା ବ୍ଲକ ଲଡୁଗାଁ ଭିରକାପଡ଼ାର ଚନ୍ଦ୍ରକଳା ଧଙ୍ଗଡାମାଝୀ(୧୭)। 

ସୁଖାମୁଣ୍ଡା, ଗୋଛାଗୋରାରେ ପୁଷ୍‌ପୁନି ଯାତ୍‌ରା

ସୁଖାମୁଣ୍ଡା, ଗୋଛାଗୋରାରେ ପୁଷ୍‌ପୁନି ଯାତ୍‌ରା

ଘଣ୍ଟାପଡା,୨୩ା୧(ଡି.ଏନ.ଏ): ବୌଦ୍ଧ ଜିଲା କଣ୍ଟାମାଲ ବ୍ଲକ ଖୁଣ୍ଟିଗୋରା ପଁଚେତ୍‌ ସୁଖାମୁଣ୍ଡାରେ କୃଷି ଭିତିକ୍‌ ଗଣପରବ୍‌ ଭୀମ ଯାତ୍‌ରା ଆର ଥାନୀୟ ଭାଷାରେ ପୁଷ୍‌ପୁନି ପରବ୍‌ ଜାକ୍‌ଜମକ୍‌ରେ ପାଲିତ ହେଇଯାଇଛେ। 

ସବୁଜ ପତ୍ରିକାଧାରୀ ପରିବାର କନ୍‌ଠେସା

ସବୁଜ ପତ୍ରିକାଧାରୀ ପରିବାର କନ୍‌ଠେସା

ଲାଠୋର,୨୩ା୧(ଡି.ଏନ.ଏ.):  ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ଲାଠୋର ଗଁାର ସବୁଜ ପ୍ରତିକାଧାରୀ ପରିବାରମାନକୁ ସରକାରୀ ହିସାବେ ଯେନ୍‌ସବୁ ସୁବିଧା ସୁଯୋଗ ମିଲବାର କଥା ନାଇଁ ମିଲୁଥିବାର ଅଭିଯୋଗ ହେଇଛେ।

ସୁସ୍ଥ ସମାଜ ଗଠନରେ ଶିକ୍ଷକଙ୍କ ଭୂମିକା ଗୁରୁତ୍ୱପୂର୍ଣ୍ଣ

ସୁସ୍ଥ ସମାଜ ଗଠନରେ ଶିକ୍ଷକଙ୍କ ଭୂମିକା ଗୁରୁତ୍ୱପୂର୍ଣ୍ଣ

ବଲାଙ୍ଗୀର ଅଫିସ, ୨୨ା୧: ବଲାଙ୍ଗୀର ଆର୍ଯ୍ୟ ମନ୍ଦିର ପରିସରରେ ନିଖିଳ ଉତ୍କଳ ଶିକ୍ଷକ କଂଗ୍ରେସ ବଲାଙ୍ଗୀର ଶାଖା ସମ୍ମିଳନୀ ଅନୁଷ୍ଠିତ ହୋଇଛି । ଧର୍ମବ୍ରତ ରଥଙ୍କ ସଭାପତିତ୍ୱରେ ଅନୁଷ୍ଠିତ ସମ୍ମିଳନୀରେ ମୁଖ୍ୟଅତିଥିଭାବେ ବଲାଙ୍ଗୀର ବିଧାୟକ ତଥା ବିରୋଧୀଦଳ ନେତା ନରସିଂହ ମିଶ୍ର ଯୋଗଦାନ କରିଥିଲେ । ସମ୍ମିଳନୀ ଆବାହକ ତଥା ସଂଯୋଜକ ବାମଦେବ ମିଶ୍ର ସଭାରେ  ସଂଯୋଜନା କରିଥିଲେ। 

ଜୈବିକ କୃଷି ସମୟର ଆହ୍ବାନ

ଜୈବିକ କୃଷି ସମୟର ଆହ୍ବାନ

ସୋନପୁର,୨୨।୨(ନି.ପ୍ର.)ଖାଦ୍ୟ ସଙ୍କଟକୁ ଦୂର କରିବା ତଥା ଚାଷୀର ଅର୍ଥନୈତିକ ସ୍ଥିତିର ଉନ୍ନତି ପାଇଁ ଆଧୁନିକ ପ୍ରଣାଳୀରେ ଚାଷ କରାଯାଉଛି। କମ୍‌ ଜମିରୁ ଅଧିକ ଅମଳ ପାଇଁ ପ୍ରତିଯୋଗିତା ଚାଲିଛି। 

ଜୋଙ୍କ ସେଚ ପ୍ରକଳ୍ପ

ଜୋଙ୍କ ସେଚ ପ୍ରକଳ୍ପ

ନୂଆପଡା ଅଫିସ,୨୨ା୧ଜୋଙ୍କ ଜଳ ସେଚନ ପ୍ରକଳ୍ପରୁ ତଳମୁଣ୍ଡ ଚାଷୀଙ୍କୁ ପାଣି ଯୋଗାଇଦେବା ପାଇଁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ଏହି ନିର୍ଦ୍ଦେଶକୁ କାର୍ଯ୍ୟକାରୀ କରିବାକୁ ନୂଆପଡା ଜିଲା ପୋଲିସ ପ୍ରଶାସନ ଡ୍ୟାମକୁ ସଦଳବଳ ଯାଇଥିଲେ ହେଁ ଆନ୍ଦୋଳନକାରୀଙ୍କ ଅହିଂସା ନୀତି ନିକଟରେ ନଇଁଯାଇଛି । 

ଧଂଗଡା ଧାଂଗଡିକର ଉସ୍‌ନାକ୍‌ର ଦିନ ଧାଙ୍ଗଡି ଦୋଲା

ଧଂଗଡା ଧାଂଗଡିକର ଉସ୍‌ନାକ୍‌ର ଦିନ ଧାଙ୍ଗଡି ଦୋଲା

କଲମପୁର,୨୨।୧(ଡି.ଏନ.ଏ.): କଳାହାଣ୍ଡି ଜିଲା କଲମପୁର ବ୍ଲକ ବରଦୋଳି ଗଁାରେ ରଏବାର ଟୋକି ପରବ୍‌ ପାଲନ ହେଇଥିଲା। ସେନ୍‌ତା ଧୁମଧାମରେ ସୋମବାର ଦାଙ୍ଗଡି ଦୋଲା ପାଲନ କରାଯାଇଛେ।