ସମ୍ବଲପୁର

ବିଷ ପିଇ ପୁଣି ଜଣେ ଚାଷୀ ଜୀବନ ହାରିଲେ: କ୍ଷତିପୂରଣ ଦାବିରେ ରାସ୍ତାରୋକୋ

ବିଷ ପିଇ ପୁଣି ଜଣେ ଚାଷୀ ଜୀବନ ହାରିଲେ: କ୍ଷତିପୂରଣ ଦାବିରେ ରାସ୍ତାରୋକୋ

ପାଇକମାଳ,୧୪।୧୨(ଡି.ଏନ.ଏ.)
ବରଗଡ଼ ଜିଲାରେ ଚାଷୀ ଆତ୍ମହତ୍ୟା ଥମିବାର ନାଁ ନେଉନି। ବିଷ ପିଇ ଗୁରୁତର ଅବସ୍ଥାରେ ଚିକିତ୍ସାଧୀନ ଥିବା ଅବସ୍ଥାରେ ବୁଧବାର ବିଳମ୍ବିତ ରାତିରେ ବୁର୍ଲା ଡାକ୍ତରଖାନାରେ ପାଇକମାଳ ବ୍ଲକ କାଂସଡ଼ା ପଞ୍ଚାୟତ ଅଧୀନ ବରପାଲି ଗ୍ରାମର ଚାଷୀ ଦୈତାରୀ ରଣା(୪୫)ଙ୍କ ମୃତ୍ୟୁ ହୋଇଛି ା ଫସଲହାନୀ, ଋଣବୋଝ ଚିନ୍ତାରୁ ସେ ଆତ୍ମହତ୍ୟା କରିଥିବା ମୃତ ଚାଷୀଙ୍କ ପୁଅ ହୃଷୀକେଶ ଅଭିଯୋଗ କରିଛନ୍ତି। ତେବେ ବୁର୍ଲାରୁ ବ୍ୟବଚ୍ଛେଦ ହୋଇ ଘରକୁ ଫେରିବା ବାଟରେ କ୍ଷତିପୂରଣ ଦାବିରେ ସ୍ଥାନୀୟ ଲୋକେ ମୃତଚାଷୀଙ୍କ ଶବକୁ ରଖି ରାସ୍ତାରୋକୋ କରିଥିଲେ। ପ୍ରଶାସନିକ ଅଧିକାରୀମାନେ ସେଠାରେ ପହଞ୍ଚତ୍ ଆନ୍ଦୋଳନକାରୀଙ୍କ ସହିତ ଆଲୋଚନା କରିଥିଲେ। ସେମାନଙ୍କ ଦାବିକୁ ବିଚାର କରି ବିହିତ ପଦକ୍ଷେପ ନିଆଯିବ ବୋଲି ପ୍ରତିଶ୍ରୁତି ଦେଇଥିଲେ। ଏହାପରେ ରାସ୍ତାରୋକୋରୁ ଆନ୍ଦୋଳନକାରୀମାନେ ଓହରିଥିଲେ।
ସୂଚନା ଅନୁଯାୟୀ, ଗତ ଖରିଫ୍‌ରେ ମୃତଚାଷୀ ଦୈତାରୀ ନିଜର ୩୦ ଏକର ଜମିରୁ ୧୫ ଏକର ଜମିରେ ଚାଷ କରିଥିଲେ। ବିଭିନ୍ନ ସୂତ୍ରରୁ ଋଣ, କରଜ କରି ସେ ଚାଷ କାର୍ଯ୍ୟରେ ବିନିଯୋଗ କରିଥିଲେ। ସ୍ବଳ୍ପ ବୃଷ୍ଟିପାତ ତଥା ମରୁଡ଼ି ଯୋଗୁ ସବୁ ଫସଲ ଉଜୁଡ଼ି ଯାଇଥିଲା। ଫଳରେ ସେ ଋଣ ପରିଶୋଧ ଚିନ୍ତାରେ ରହୁଥିଲେ ବୋଲି ପୁଅ ହୃଷୀକେଶ କହିଛନ୍ତି। ଗତ ୫ ତାରିଖ ଦୈତାରୀ ଘରେ ଥିବା କୀଟନାଶକ ପିଇ ଦେଇଥିଲେ। ସେ ଗୁରୁତର ଅବସ୍ଥାରେ ପଡ଼ି ବାନ୍ତି କରୁଥିବା ଦେଖି ସ୍ତ୍ରୀ ତାରା, ପୁଅ ହୃଷୀକେଶ ଏବଂ ଅନ୍ୟ ଆତ୍ମୀୟ ସ୍ବଜନ ତାଙ୍କୁ ଉଦ୍ଧାର କରି ପ୍ରଥମେ ପଦ୍ମପୁର ଡାକ୍ତରଖାନାକୁ ନେଇଥିଲେ। ପ୍ରାଥମିକ ଚିକିତ୍ସା ପରେ ସେଠାରୁ ପୁଣି ତାଙ୍କୁ ନୂଆପଡ଼ା ଡାକ୍ତରଖାନା ନିଆଯାଇଥିଲା। ମାତ୍ର ସ୍ବାସ୍ଥ୍ୟାବସ୍ଥାରେ ଉନ୍ନତି ପରିଲକ୍ଷିତ ନ ହେବାରୁ ଦୈତାରୀଙ୍କୁ ବୁର୍ଲା ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଥିଲା। ବୁଧବାର ରାତି ୧୨ଟା ୧୫ରେ ଚିକିତ୍ସାଧୀନ ଅବସ୍ଥାରେ ତାଙ୍କ ମୃତ୍ୟୁ ହୋଇଥିଲା। ଗୁରୁବାର ବୁର୍ଲାରେ ବ୍ୟବଚ୍ଛେଦ ହେବା ପରେ ପରିବାର ଲୋକେ ଶବ ଧରି ଘରକୁ ଫେରୁଥିଲେ। ତେବେ ମୃତଚାଷୀଙ୍କ ପରିବାର ଲୋକଙ୍କୁ ୨୦ ଲକ୍ଷ ଟଙ୍କା କ୍ଷତିପୂରଣ, ଇନ୍ଦିରା ଆବାସ ପ୍ରଦାନ, ବିଧବା ଭତ୍ତା, ଇନପୁଟ୍‌ ସବ୍‌ସିଡ଼ି ଏବଂ ନଗଦ ୫୦ହଜାର ଟଙ୍କା ତତ୍କାଳ କ୍ଷତିପୂରଣ ଦାବିକରି ସ୍ଥାନୀୟ ଲୋକେ ସନ୍ଧ୍ୟା ୬ଟାରେ ପାଇକମାଳ ଛକରେ ରାସ୍ତାରୋକୋ କରିଥିଲେ। ପାଇକମାଳ ଥାନା ଆଇଆଇସି ଅଭିମନ୍ୟୁ ନାୟକ, ଅତିରିକ୍ତ ତହସିଲଦାର ପୂର୍ଣ୍ଣାନନ୍ଦ ପଟେଲ ପ୍ରମୁଖ ସେଠାରେ ପହଞ୍ଚି ଆନ୍ଦୋଳନକାରୀଙ୍କ ସହିତ ଆଲୋଚନା କରିବା ସହିତ ମୃତଚାଷୀଙ୍କ ପରିବାର ଲୋକଙ୍କୁ ରେଡ଼କ୍ରସ ପାଣ୍ଠିରୁ ୧୦ ହଜାର ଟଙ୍କା ପ୍ରଦାନ କରିଥିଲେ। ଏହା ସହିତ ଶୁକ୍ରବାର ଆତ୍ମହତ୍ୟା ଘଟଣାର ଅନୁସନ୍ଧାନ କରାଯାଇ ପରବର୍ତ୍ତୀ ପଦକ୍ଷେପ ନିଆଯିବ ବୋଲି ଉପରୋକ୍ତ ଅଧିକାରୀମାନେ ନିର୍ଭର ପ୍ରତିଶ୍ରୁତି ଦେଇଥିଲେ। ଏହାପରେ ରାତି ୭ଟାରେ ଆନ୍ଦୋଳନରୁ ଲୋକେ ଓହରିଥିଲେ। ପ୍ରକାଶଥାଉ କି, ଚଳିତବର୍ଷ ବର୍ତ୍ତମାନ ସୁଦ୍ଧା ଜିଲାର ୧୮ଜଣ ଚାଷୀ ଏଭଳି ଫସଲକ୍ଷତି ଯୋଗୁ ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ସେଥିମଧ୍ୟରୁ ଗତ ଅଢ଼େଇ ମାସ ମଧ୍ୟରେ ୧୧ଜଣ ଚାଷୀଙ୍କ ଆତ୍ମହତ୍ୟା ଜିଲାରେ ଚର୍ଚ୍ଚାର ବିଷୟ ହୋଇଛି।

All Right Reserved By

ସମ୍ବଲପୁର

ମହିଳା, ଶିଶୁ ଡେକ୍ସର ଉନ୍ନତି ଦାବି

ମହିଳା, ଶିଶୁ ଡେକ୍ସର ଉନ୍ନତି ଦାବି

ରାଉରକେଲା ଅଫିସ୍‌ ୧୭।୭ - ଭାଜପା ମହିଳା ମୋର୍ଚ୍ଚା ପୂର୍ବତନ ସଭାନେତ୍ରୀ ସ୍ମିତା ନାୟକଙ୍କ ନେତୃତ୍ୱରେ ଏକ ପ୍ରତିନିଧି ମଣ୍ଡଳୀ ଉଦିତନଗର ଥାନା ଅଧିକାରୀ ସଂଗ୍ରାମ କେଶରୀ ସ୍ବାଇଁଙ୍କୁ ସାକ୍ଷାତ କରି ମହିଳା, ଶିଶୁ ଡେକ୍ସର ଉନ୍ନତି ପାଇଁ ଦାବି କରିଛନ୍ତି। ଉଦିତନଗର ଥାନା ପାର୍ଶ୍ୱରେ ରାଉରକେଲାର ସମସ୍ତ ସରକାରୀ ପ୍ରଶାସନିକ କାର୍ଯ୍ୟାଳୟ ଥିବାରୁ ଏହାର ମହିଳା ଓ ଶିଶୁ ଡେକ୍ସ ପ୍ରକୋଷ୍ଠରେ ଟେବୁଲ, ଚେୟାରର ବ୍ୟବସ୍ଥା କରିବା ସହ ଫ୍ୟାନ୍‌ ଲଗାଇବା ପାଇଁ ଥାନା ଅଧିକାରୀଙ୍କ ଦୃଷ୍ଟି ଆକର୍ଷଣ କରିଥିଲେ।

ସ୍ବଧାର ଗୃହକୁ ଗଲେ ପ୍ରତାରିତା ନାବାଳିକା

ଲୋଇସିଂହା,୧୭।୭(ଡି.ଏନ.ଏ)- ଗୋଟିଏ କମ୍ପାନୀରେ ୬ ମାସ ଏକାଠି କାମ କଲୁ।ଏହି ସମୟରେ ଉଭୟଙ୍କ ମଧ୍ୟରେ ଭଲ ବନ୍ଧୁତା ସ୍ଥାପନ ହୋଇଥିଲା ା ବିବାହ ପ୍ରତିଶ୍ରୁତି ଦେଇ ମୋତେ ତାଙ୍କ ଗାଁକୁ ଆଣୁଥିଲେ। କିନ୍ତୁ ଲୋଇସିଂହା ରେଲୱେ ଷ୍ଟେଶନରେ ଓହ୍ଲାଇବା ପରେ ମୋବାଇଲ ଲୁଟି ଚାଲି ଯାଇଥିବା ରାୟଗଡା ଜିଲା କୁଟସିଂ ଥାନା ଅନ୍ତର୍ଗତ ଜନୈକା ନାବାଳିକା ଲୋଇସିଂହା ଥାନାରେ ଅଭିଯୋଗ କରିଛନ୍ତି। ପୋଲିସ ସୂଚନା ମୁତାବକ, ରାୟଗଡ଼ା ଜିଲା କୁଟସିଂ ଥାନା ଅଧୀନ ଏକ ଗ୍ରାମର ଜନୈକା ନାବାଳିକା ୬ ମାସ ତଳେ ତାମିଲନାଡୁକୁ ଦାଦନ ଖଟିବାକୁ ଯାଇଥିଲେ।

ଫସଲବୀମା ପ୍ରଦାନରେ ବିଳମ୍ବ, ଚାଷୀଙ୍କ ଜାତୀୟ ରାଜପଥ ଅବରୋଧ

ଫସଲବୀମା ପ୍ରଦାନରେ ବିଳମ୍ବ, ଚାଷୀଙ୍କ ଜାତୀୟ ରାଜପଥ ଅବରୋଧ

ସୋହେଲା,୧୭।୭(ଡି.ଏନ୍‌.ଏ.)- ଫସଲ ବୀମା ରାଶି ପ୍ରଦାନ ଦାବି କରି ଜୟ କିଷାନ ଆନ୍ଦୋଳନର କର୍ମକର୍ତ୍ତା ଏବଂ ପଶ୍ଚିମ ଓଡ଼ିଶା କୃଷକ ସଂଗଠନ ସମନ୍ବୟ ସମିତିର ମିଳିତ ଉଦ୍ୟମରେ ସୋହେଲା-ବରଗଡ଼ ୬ନମ୍ବର ଜାତୀୟ ରାଜପଥ ଦଶମାଇଲ ଛକଠାରେ ମଙ୍ଗଳବାର ସକାଳ ପ୍ରାୟ ୮ଟାରେ ରାସ୍ତାରୋକୋ ଆନ୍ଦୋଳନ କରାଯାଇଥିଲା। ଫଳରେ ଗାଡି ଚଳାଚଳ ବାଧାପ୍ରାପ୍ତ ହୋଇଥିଲା। ବର୍ଷା ସତ୍ତ୍ୱେ ଶତାଧିକ ଚାଷୀ ରାସ୍ତାରେ ବସି ଧାରଣା ଦେଇଥିଲେ। ଗତବର୍ଷ ମରୁଡି କ୍ଷୟକ୍ଷତି ଆକଳନ ରିପୋର୍ଟ ସରକାର ବୀମା କମ୍ପାନୀକୁ ଦେଇଥିଲେ ମଧ୍ୟ ଆଜି ପର୍ଯ୍ୟନ୍ତ ଚାଷୀମାନଙ୍କୁ ଫସଲ ବୀମା ରାଶି ଦେବାରେ ବୀମା କମ୍ପାନୀ ଅହେତୁକ ବିଳମ୍ବ କରୁଥିବାରୁ ଚାଷୀମାନଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିଲା।

ବୁର୍ଡା-ନଅଗାଁ(ଖ) ରାସ୍ତା ଶୋଚନୀୟ

ବୁର୍ଡା-ନଅଗାଁ(ଖ) ରାସ୍ତା ଶୋଚନୀୟ

ଲୋଇସିଂହା,୧୭।୭(ଡି.ଏନ.ଏ)-ବଲାଙ୍ଗୀର ଜିଲା ଲୋଇସିଂହା ବ୍ଲକ ଅଧୀନ ବୁର୍ଡାରୁ ନଆଗାଁ(ଖ)କୁ ଯାଇଥିବା ରାସ୍ତା ବିପଦସଙ୍କୁଳ ହୋଇପଡିଛି। ଅଞ୍ଚଳବାସୀଙ୍କ ପାଇଁ ଯାତାୟତ ଅନୁପଯୋଗୀ ହୋଇପଡିଛି। ଏହି ରାସ୍ତାର ଉନ୍ନତୀକରଣ ପାଇଁ ଜିଲା ପ୍ରଶାସନଠାରୁ ରାଜନେତାଙ୍କ ପର୍ଯ୍ୟନ୍ତ ଦୃଷ୍ଟି ଆକର୍ଷଣ କରିଥିଲେ ମଧ୍ୟ କୌଣସି ପଦକ୍ଷେପ ଗ୍ରହଣ କରାଯାଉ ନ ଥିବାରୁ ଅଞ୍ଚଳବାସୀଙ୍କ ମଧ୍ୟରେ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ବଲାଙ୍ଗୀର-ବରଗଡ଼ ୨୬ ନଂ ଜାତୀୟ ରାଜପଥ ବୁର୍ଡାଠାରୁ ଆଗଲପୁର ବ୍ଲକ ନଅଗାଁ(ଖ)କୁ ମାତ୍ର ୨ କି.ମି. ରାସ୍ତା। ଗ୍ରାମାଞ୍ଚଳ ଲୋକଙ୍କ ସାମାଜିକ, ଅର୍ଥନୈତିକ ବୃଦ୍ଧି ପାଇଁ ଉନ୍ନତ ରାସ୍ତାର ଅବଶ୍ୟକ ରହିଛି। କିନ୍ତୁ ସ୍ବାଧିନତାର ଦୀର୍ଘ ବର୍ଷ ପରେ ମଧ୍ୟ ଏହି ରାସ୍ତା ଅବହେଳିତ ହୋଇପଡିଛି।

ସ୍ବାମୀର ଟାଙ୍ଗିଆ ଚୋଟରେ ସ୍ତ୍ରୀ ମୃତ

ସ୍ବାମୀର ଟାଙ୍ଗିଆ ଚୋଟରେ ସ୍ତ୍ରୀ ମୃତ

ପାଟଣାଗଡ, ୧୭।୭ (ଡି.ଏନ.ଏ.)- ବଲାଙ୍ଗୀର ଜିଲା ପାଟଣାଗଡ ଉପଖଣ୍ଡ ଲରମ୍ଭା ଥାନା ଅଧୀନ ଇନ୍ଦପୁର ଗ୍ରାମରେ ସୋମବାର ରାତିରେ ଏକ ଅଘଟଣ ଘଟିଛି। ସ୍ବାମୀର ଟାଙ୍ଗିଆ ଚୋଟରେ ସ୍ତ୍ରୀ କିଆଫୁଲ ବରିହାଙ୍କ ମୃତ୍ୟୁ ଘଟିଛି। ମିଳିଥିବା ସୂଚନା ମୁତାବକ, ସୋମବାର ରାତିରେ କିଆଫୁଲ ଘରେ ଥିବା ବେଳେ କୋଣସି କାରଣକୁ କେନ୍ଦ୍ର କରି ସ୍ବାମୀ ବାଳକୃଷ୍ଣ ବରିହା ଏକ ଟାଙ୍ଗିଆରେ ସ୍ତ୍ରୀ କିଆଫୁଲଙ୍କୁ ଆକ୍ରମଣ କରିଥିଲେ। ଫଳରେ କିଆଫୁଲଙ୍କ ବେକରେ ଗଭୀର ଆଘାତ ଲାଗି ପ୍ରବଳ ରକ୍ତ ସ୍ରାବ ହୋଇ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା।

କେନ୍ଦୁପତ୍ର କର୍ମଚାରୀ ସଂଘ ପକ୍ଷରୁ ସ୍ମାରକପତ୍ର: ଦାବି ପୂରଣ ନ ହେଲେ ଆନ୍ଦୋଳନ

କେନ୍ଦୁପତ୍ର କର୍ମଚାରୀ ସଂଘ ପକ୍ଷରୁ ସ୍ମାରକପତ୍ର: ଦାବି ପୂରଣ ନ ହେଲେ ଆନ୍ଦୋଳନ

ଝାରସୁଗୁଡ଼ା ଅଫିସ୍‌/ଲଖନପୁର,୧୭।୭(ଡି.ଏନ୍‌.ଏ)- ଓଡ଼ିଶା କେନ୍ଦୁପତ୍ର କର୍ମଚାରୀ ସଂଘ ନିର୍ଦ୍ଦେଶ କ୍ରମେ ଝାରସୁଗୁଡ଼ା କେନ୍ଦୁପତ୍ର ଡିଭିଜନ ପକ୍ଷରୁ ସମ୍ପାଦକ ଦୀନବନ୍ଧୁ ବେହେରାଙ୍କ ନେତୃତ୍ୱରେ ଏକ ସ୍ମାରକପତ୍ର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଡିଏଫ୍‌ଓ ସୁଶାନ୍ତ କୁମାରଙ୍କୁ ପ୍ରଦାନ କରାଯାଇଛି। ଏଥିରେ ଦର୍ଶାଯାଇଛି, କାର୍ଯ୍ୟରତ ଜଗୁଆଳି(ଓାଚରମ୍ୟାନ୍‌)ମାନେ ଦୀର୍ଘବର୍ଷ ହେଲାଣି ଗୋଦାମ ଜଗିବା ସାଙ୍ଗକୁ ପତ୍ରକିଣା ମୂଲ୍ୟାଙ୍କନ କାମ ସୁଚାରୁ ରୂପେ କରିଆସୁଛନ୍ତି। ସେମାନଙ୍କ ମଧ୍ୟରୁ କେତେକ କର୍ମଚାରୀ ସ୍ଥାୟୀ ଭାବେ କାର୍ଯ୍ୟରତ ଥିବା ବେଳେ ଆଉ କେତେଜଣଙ୍କୁ ଦିନମଜୁରିଆଭାବେ ନିୟୋଜିତ କରାଯାଇଛି।

ଆଦିବାସୀ ଶାସନ ପାଇଁ ଆହ୍ବାନ: ୨୨ରେ‘ରାଜୀ ପାଡ୍‌ହା’ପକ୍ଷରୁ ଗଣ ବିକ୍ଷୋଭ

ରାଉରକେଲା ଅଫିସ୧୭।୭ - ପାରମ୍ପରିକ ସାମାଜିକ, ଧାର୍ମିକ ଓ ନ୍ୟାୟିକ ସଙ୍ଗଠନ ରାଜୀ ପାଡ୍‌ହା, ଭାରତର ତତ୍ତ୍ୱାବଧାନରେ ଅଣ ଆଦିବାସୀମାନଙ୍କ ଦ୍ୱାରା ଦଖଲ କରାଯାଇଥିବା ଆଦିବାସୀ ଜମିକୁ ଫେରାଇ ଆଣିବା ଓ ସମ୍ବିଧାନର ପଞ୍ଚମ ଅନୁସୂଚୀର ଧାରା୨୪୪(୧) ଅନୁସାରେ ଆଦିବାସୀ ବହୁଳ ଅଞ୍ଚଳ ସୁନ୍ଦରଗଡ଼ ଜିଲାରେ ଆଦିବାସୀ ଶାସନ ବ୍ୟବସ୍ଥା ପ୍ରଚଳନ ପାଇଁ ଦାବି କରାଯାଇଛି। ଏ ନେଇ ରାଉରକେଲାରେ ଆସନ୍ତା ୨୨ ତାରିଖରେ ବିଶାଳ ଶୋଭାଯାତ୍ରା ବାହାରିବ। ଏଥିସହିତ ଗଣବିକ୍ଷୋଭ ଅନୁଷ୍ଠିତ ହେବ ବୋଲି ଚେତାବନୀ ଦିଆଯାଇଛି।

୯ମ,୧୦ମ ଶ୍ରେଣୀ ଛାତ୍ରୀଛାତ୍ରଙ୍କ ପାଇଁ ମଧ୍ୟାହ୍ନ ଭୋଜନ କାର୍ଯ୍ୟକ୍ରମ ଆରମ୍ଭ

୯ମ,୧୦ମ ଶ୍ରେଣୀ ଛାତ୍ରୀଛାତ୍ରଙ୍କ ପାଇଁ ମଧ୍ୟାହ୍ନ ଭୋଜନ କାର୍ଯ୍ୟକ୍ରମ ଆରମ୍ଭ

ଲଖନପୁର,୧୭।୭(ଡି.ଏନ୍‌.ଏ.)- ସରକାରଙ୍କ ପକ୍ଷରୁ ପ୍ରଥମରୁ ଅଷ୍ଟମଶ୍ରେଣୀ ପର୍ଯ୍ୟନ୍ତ ସମସ୍ତ ଛାତ୍ରୀଛାତ୍ରଙ୍କୁ ମଧ୍ୟାହ୍ନ ଭୋଜନ(ଏମ୍‌ଡିଏମ୍‌) ଦିଆଯାଉଛି । ଏହି ଯୋଜନାରୁ ନବମ ଓ ଦଶମଶ୍ରେଣୀର ଛାତ୍ରୀଛାତ୍ର ବାଦ ପଡୁଥିଲେ ା ଏବେ ସେହି ଶ୍ରେଣୀର ଛାତ୍ରୀଛାତ୍ରଙ୍କୁ ଏଥିରେ ସାମିଲ କରାଯାଇଛି। ଏହି ଛାତ୍ରୀଛାତ୍ରଙ୍କୁ ମଧ୍ୟାହ୍ନ ଭୋଜନ ଜିଲା ଖଣିଜ ପାଣ୍ଠିରୁ ଦିଆଯିବାପାଇଁ ନିଷ୍ପତ୍ତି ହୋଇଛି।

ବଗାଡ ଗ୍ରାମରେ ଝାଡ଼ାବାନ୍ତି ଆତଙ୍କ

ବଗାଡ ଗ୍ରାମରେ ଝାଡ଼ାବାନ୍ତି ଆତଙ୍କ

ଧର୍ମଗଡ,୧୭।୭(ଡି.ଏନ୍‌.ଏ.)- କଳାହାଣ୍ଡି ଜିଲା ଧର୍ମଗଡ ବ୍ଲକ ଅଧୀନ ବଗାଡ ଗ୍ରାମରେ ଝାଡ଼ାବାନ୍ତି ଦେଖାଦେଇଛି । ୧୦ ଜଣ ଆକ୍ରାନ୍ତ ହୋଇ ଧର୍ମଗଡ ଉପଖଣ୍ଡ ଚିକିତ୍ସାଳୟରେ ଚିକିତ୍ସତ ହେଉଥିବା ବେଳେ ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି। ଡାକ୍ତରଖାନାରେ ଚିକିତ୍ସିତ ହେଉଥିବା ୧୦ ଜଣଙ୍କ ସ୍ବାସ୍ଥ୍ୟବସ୍ଥାରେ ଉନ୍ନତି ପରିଲିକ୍ଷିତ ହେଉଥିବା ଧର୍ମଗଡ ଉପଖଣ୍ଡ ଚିକିତ୍ସାଧିକାରୀ ଡାକ୍ତର ଅଶୋକ ପୁରୋହିତଙ୍କଠାରୁ ପ୍ରକାଶ। ଜଳରେ ବ୍ୟାକ୍ଟେରିଆ ଜନିତ କାରଣରୁ ଏହା ହୋଇଥିବା ଅନୁମାନ କରାଯାଇଛି ।

ଡାକ୍ତର ପଦବି ପୂରଣ ଦାବି, ଆନ୍ଦୋଳନ ଚେତାବନୀ

ଡାକ୍ତର ପଦବି ପୂରଣ ଦାବି, ଆନ୍ଦୋଳନ ଚେତାବନୀ

ଖଡ଼ିଆଳ,୧୭।୭ (ଡି.ଏନ୍‌.ଏ.)- ନୂଆପଡ଼ା ଜିଲା ଖଡ଼ିଆଳସ୍ଥିତ ଉନ୍ନୀତ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଅଭାବ ନେଇ ସାଧାରଣରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଏହା ଉପଖଣ୍ଡସ୍ତରୀୟ ସ୍ବାସ୍ଥ୍ୟକେନ୍ଦ୍ରର ମାନ୍ୟତା ପାଇଥିଲେ ମଧ୍ୟ ଆବଶ୍ୟକ ସଂଖ୍ୟକ ଡାକ୍ତର ପଦବୀ ଖାଲି ପଡ଼ିଛି। ବିଭିନ୍ନ ବିଭାଗରେ ବିଶେଷଜ୍ଞ ନ ଥିବାରୁ ଜରୁରୀକାଳୀନ ଚିକିତ୍ସା ଓ ଅସ୍ତ୍ରୋପଚାରରେ ସମସ୍ୟା ଦେଖାଦେଇଛି। ରୋଗୀମାନେ ଉପଯୁକ୍ତ ଚିକିତ୍ସାରୁ ବଞ୍ଚିତ ହେଉଛନ୍ତି। ଡାକ୍ତରଙ୍କ ଅଭାବରୁ ବିଭିନ୍ନ ସମସ୍ୟା ଦେଇ ସ୍ବାସ୍ଥ୍ୟକେନ୍ଦ୍ର ଗତି କରୁଛି। ବିଭିନ୍ନ ଅନୁଷ୍ଠାନ, ରାଜନୈତିକ ଦଳ ପକ୍ଷରୁ ଡାକ୍ତର ନିଯୁକ୍ତି ନେଇ ବାରମ୍ବାର ଦାବି ଓ ଅଭିଯୋଗ ହୋଇଆସୁଥିଲେ ମଧ୍ୟ କୌଣସି ସୁଫଳ ମିଳିପାରିନାହିଁ।

ସଙ୍କୁଳସ୍ତରୀୟ ଦଳଗତ ଖେଳକୁଦ ପ୍ରତିଯୋଗିତା

ସଙ୍କୁଳସ୍ତରୀୟ ଦଳଗତ ଖେଳକୁଦ ପ୍ରତିଯୋଗିତା

ସିନାପାଲି,୧୭।୭(ଡି.ଏନ.ଏ.)- ନୂଆପଡ଼ା ଜିଲା ସିନାପାଲି ବ୍ଲକ ସିଙ୍ଗଝର ସରସ୍ବତୀ ଶିଶୁ ମନ୍ଦିରଠାରେ ସଙ୍କୁଳସ୍ତରୀୟ ଦଳଗତ କବାଡି ଓ ଖୋକୋ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଉଦ୍‌ଘାଟନୀ ଉତ୍ସବରେ ମୁଖ୍ୟଅତିଥି ଭାବେ ପଶ୍ଚିମ ଓଡ଼ିଶା ବିକାଶ ପରିଷଦ ସଦସ୍ୟ ତଥା ଜିଲା ପରିଷଦ ସଦସ୍ୟ ଲମ୍ବୋଦର ନିଆଲ, ସମ୍ମାନିତ ଅତିଥି ଭାବେ ଜିଲା ପରିଷଦ ସଦସ୍ୟ ପ୍ରିୟରଞ୍ଜନ ମେହେର, ନୂଆପଡ଼ା ଜିଲା ଯୋଜନା ବୋର୍ଡ ବିଶେଷଜ୍ଞ ସଦସ୍ୟ ରମେଶ ତିୱାରୀ, ସିଙ୍ଗଝର ଉଚ୍ଚ ବିଦ୍ୟାଳୟ ପୂର୍ବତନ ପ୍ରଧାନଶିକ୍ଷକ ଚନ୍ଦ୍ରଭାନୁ କଶ୍ୟପ, ସଙ୍କୁଳ ପ୍ରମୁଖ ଉଦୟନାଥ ପଣ୍ଡା, ଶିଶୁ ମନ୍ଦିର ସଭାପତି ଶତ୍ରୁଘ୍ନ ପ୍ରଧାନ, ସମ୍ପାଦକ କଳିଙ୍ଗ ବୈଠାରୁ, ରମେଶ ଅଗ୍ରୱାଲ ପ୍ରମୁଖ ଉପସ୍ଥିତ ଥିଲେ।

ଉଦନ୍ତୀ ନଦୀରେ ପ୍ରଥମ ବନ୍ୟା: ଟାପୁରେ ଫସିଲେ ୫୦ରୁ ଊର୍ଦ୍ଧ୍ୱ

ଉଦନ୍ତୀ ନଦୀରେ ପ୍ରଥମ ବନ୍ୟା: ଟାପୁରେ ଫସିଲେ ୫୦ରୁ ଊର୍ଦ୍ଧ୍ୱ

ସିନାପାଲି,୧୭।୭(ଡି.ଏନ.ଏ.)- ଲଗାଣ ବର୍ଷା ଯୋଗୁ ଉଦନ୍ତୀ ନଦୀରେ ବନ୍ୟା ପରସ୍ଥିତି ଦେଖାଦେଇଛି । ବନ୍ୟା ଯୋଗୁ ଜୀବନ ଯାତ୍ରା ବ୍ୟାହତ ହୋଇଥିବା ବେଳେ ୫୦ରୁ ଊର୍ଦ୍ଧ୍ୱ ଗାଈଗୋରୁ ପାଣି ସୁଅ ମୁହଁରୁ ଅଳ୍ପକେ ବର୍ତ୍ତି ଯାଇଛନ୍ତି । ଉଦନ୍ତୀ ନଦୀରେ ହଠାତ୍‌ ବନ୍ୟା ଜଳ ମାଡି ଆସିଥିଲା। ଏହା ପୂର୍ବରୁ ସିନାପାଲି ବ୍ଲକ୍‌ ଚଲନା ଗ୍ରାମଠାରେ ନଦୀ ଗର୍ଭସ୍ଥ ଉଚୁକୁଭଟା ଟାପୁକୁ ଚରିବାକୁ ଯାଇଥିବା ୫୦ରୁ ଊର୍ଦ୍ଧ୍ୱ ଗୋରୁ ଦୀର୍ଘ ସମୟ ଧରି ଫସି ରହିଥିଲେ। ପରେ ଗ୍ରାମବାସୀ ସ୍ଥାନୀୟ ଅଗ୍ନିଶମ ବାହିନୀଙ୍କୁ ଖବର ଦେଇଥିଲେ। ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚତ୍ ଗୋରୁଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲେ। ହେଲେ ଆବଶ୍ୟକ ଉଦ୍ଧାର ସାମଗ୍ରୀ ନ ଥିବାରୁ ଉଦ୍ଧାର କାର୍ଯ୍ୟରେ ବିଳମ୍ବ ପରିଲକ୍ଷିତ ହୋଇଥିଲା। ପରବର୍ତ୍ତୀ ସମୟରେ ଉଦନ୍ତୀ ନଦୀର ଶାଖା ନାଳ ଦେଇ ବନ୍ୟା ଜଳ କମିବା ପରେ ଗୋରୁଙ୍କୁ ଉଦ୍ଧାର କରାଯାଇଥିଲା

Model This Week

ରୂପେଶ