ସମ୍ବଲପୁର

ଜିଲାସ୍ତରୀୟ ବିଜ୍ଞାନ, ଗଣିତ ଓ ପରିବେଶ ପ୍ରଦର୍ଶନୀ: ୧୦୪ ପ୍ରକଳ୍ପ ପ୍ରଦର୍ଶିତ

ଜିଲାସ୍ତରୀୟ ବିଜ୍ଞାନ, ଗଣିତ ଓ ପରିବେଶ ପ୍ରଦର୍ଶନୀ: ୧୦୪ ପ୍ରକଳ୍ପ ପ୍ରଦର୍ଶିତ

ସମ୍ବଲପୁର, ୧୪।୧୨(ବ୍ୟୁରୋ)- ଭଗବାନକୁ ବିଶ୍ୱାସ ରଖ। କିନ୍ତୁ ଅନ୍ଧ ବିଶ୍ୱାସ ରଖ ନାହିଁ। ବିଜ୍ଞାନ ସମ୍ବତ ହୁଅ, ଚିନ୍ତା ଧାରାରେ ନିଶ୍ଚୟ ଉନ୍ନତି ହେବ। ଯଦ୍ୱାରା ଛାତ୍ରୀଛାତ୍ରମାନେ ପ୍ରୋକ୍ଟିକାଲ ହୋଇପାରିବେ। ବୁଧବାର ଜିଲା ଶିକ୍ଷା ଅଫିସ ଆୟୋଜିତ ଜିଲାସ୍ତରୀୟ ବିଜ୍ଞାନ, ଗଣିତ ଓ ପରିବେଶ ପ୍ରଦର୍ଶନୀ ୨୦୧୭ରେ ବକ୍ତାମାନେ ଏହି କହିଛନ୍ତି। ଏହି ପ୍ରଦର୍ଶନୀରେ ଖଣ୍ଡୁଆଲ ୟୁଜି ହାଇସ୍କୁଲର ତନୁଜ କୁମ୍ଭାର, ରେଢ଼ାଖୋଲ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ରର ଅରୋଶ୍ରୀ ମହାନ୍ତି, କୁଚିଣ୍ଡା ସରକାରୀ ହାଇସ୍କୁଲର ହିମାଂଶୁ ବାଗ, ମହୁଲପାଲି ୟୁଜି ହାଇସ୍କୁଲର ଅନୀଲ ରୋହିଦାସ, ତବଲା ଆଞ୍ଚଳିକ ହାଇସ୍କୁଲର ଆଶିଷ ବଢ଼ାଇ ଏବଂ ଅର୍ଡାବାହାଲ ସରକାରୀ ଏସ୍‌ଏସଡି ହାଇସ୍କୁଲର ସୁନିତା ସୁରିନ୍‌ ଶ୍ରେଷ୍ଠତ୍ୱ ହାସଲ କରି ରାଜ୍ୟସ୍ତରୀୟ ପ୍ରତିଯୋଗିତାରେ ଭାଗ ନେବାକୁ ମନୋନୀତ ହୋଇଛନ୍ତି। ଆସନ୍ତା ୨୨ ଓ ୨୩ ତାରିଖ ପୁରୀ ଜିଲା ସ୍କୁଲଠାରେ ରାଜ୍ୟସ୍ତରୀୟ ପ୍ରଦର୍ଶନୀ ହେବ। ଜିଲାର ୯ଟି ବ୍ଲକର ୧୦୪ଟି ପ୍ରକଳ୍ପ ପ୍ରଦର୍ଶିତ ହୋଇଥିଲା। ମୁଖ୍ୟତଃ କୁନି ବିଜ୍ଞାନୀମାନେ ନର୍ଦ୍ଦମା ଜଳର ପରିଚାଳନା ଉପଚାର, ପ୍ଲାଣ୍ଟ ଆବର୍ଜନାର ସଦୁପଯୋଗ, ଜଳ ସଂରକ୍ଷଣ ଓ ତାର ସୁବିନିଯୋଗ, ଘରେ ଘରେ ଶୀତଳ ଭଣ୍ଡାର, ସ୍ମାଟ୍‌ ପଦ୍ଧତିରେ ପୋକ ଦାଉରୁ ରକ୍ଷା, ସହଜ ପନିପରିବା ସଂରକ୍ଷଣ ପ୍ରଣାଳୀ, ଜୀବଜନ୍ତୁ ଠାରୁ ଫସଲ ସୁରକ୍ଷା, ପ୍ରଦୂଷଣ ମୁକ୍ତ ଜଳସେଚନ, ଜୈବିକ କୀଟନାଶକ, ଔଷଧିୟ ବୃକ୍ଷ, ଅଂଶୁଘାତରୁ ରକ୍ଷା ପାଇବା ଉପକରଣ ପ୍ରଭୃତି ପ୍ରକଳ୍ପ ପ୍ରଦର୍ଶନୀରେ ସାମିଲ କରିଥିଲେ। ଏଥିରେ ବିଚାରକଭାବେ ଝରଣା ମହାନ୍ତି, ଡା. ରେଣୁକା ସାହୁ, ସୁବାଷ ଚନ୍ଦ୍ର ରାଉତ, ରାଣି ଦାସ, ସୁବୋଧ ମିଶ୍ର, ସମୀର କୁମାର ଜେନା ଯୋଗଦେଇଥିଲେ। ସମ୍ବଲପୁର ବୁଢ଼ାରଜା ନୋଡାଲ ସ୍କୁଲ ପରିସରରେ ଜିଲା ଶିକ୍ଷା ଅଧିକାରୀ ଡ. ପ୍ରମୋଦ କୁମାର ପଣ୍ଡାଙ୍କ ଅଧ୍ୟକ୍ଷତାରେ କାର୍ଯ୍ୟକ୍ରମ ହୋଇଥିଲା। ଉତ୍ତରାଞ୍ଚଳ ରାଜସ୍ବ କମିଶନର ଡିଭି ସ୍ବାମୀ ମୁଖ୍ୟଅତିଥି, ଶିକ୍ଷାବିତ ଡ. ସନ୍ତୋଷ କୁମାର ଦାଶ ମୁଖ୍ୟବକ୍ତା ଏବଂ ଜିଲାପାଳ ସମର୍ଥ ବର୍ମା ସମ୍ମାନିତ ଅତିଥି ଭାବେ ଯୋଗଦେଇ କୁନି ବିଜ୍ଞାନୀମାନଙ୍କୁ ବାର୍ତ୍ତା ଦେଇଥିଲେ। ଜିଲା ବିଜ୍ଞାନ ନିରୀକ୍ଷିକା ଦିପାଲି ଚୌଧୁରୀ ସୂଚନା ପ୍ରଦାନ କରିଥିଲେ। ସର୍ବଶିକ୍ଷା ଅଭିଯାନ ପ୍ରକଳ୍ପ ସଂଯୋଜିକା କଳ୍ପନା ପଣ୍ଡା ଧନ୍ୟବାଦ ଅର୍ପଣ କରିଥିଲେ। ଅତିରିକ୍ତ ଜିଲା ଶିକ୍ଷାଅଧିକାରୀ ଦୟାନିଧି ପୂଜାରୀ, ବ୍ଲକ ଶିକ୍ଷା ଅଧିକାରୀ ସୁଧାଂଶୁ ଶେଖର ମିଶ୍ର ଏବଂ ବୁଢ଼ାରଜା ନୋଡାଡ ହାଇସ୍କୁଲ ପ୍ରଧାନ ଶିକ୍ଷକ ଯଶୋବନ୍ତ ସାହୁ ବକ୍ତବ୍ୟ ରଖିଥିଲେ। ସନ୍ଧ୍ୟାରାଣୀ ପୃଷ୍ଟି ଓ ସୁମିତା ପତ୍ରିଙ୍କ ସଂଯୋଜନାରେ ଉତ୍ସବ ହୋଇଥିଲା। ସେହିପରି ଶିକ୍ଷକ ହରନାରାୟଣ ପଣ୍ଡାଙ୍କ ରଚନାରେ ବୁଢ଼ାରଜା ସ୍କୁଲର ୧୫ଜଣ ଛାତ୍ରୀଛାତ୍ର ଆମେ ତ କୁନି ଶିଶୁ ବିଜ୍ଞାନୀ, ଭବିଷ୍ୟତ କାରିଗର.... ଶୀର୍ଷକ ସ୍ବାଗତ ସଙ୍ଗୀତ ଗାନ କରିଥିଲେ ।

All Right Reserved By

ସମ୍ବଲପୁର

ସମ୍ବଲପୁର ସ୍ବେରେଜ ପ୍ରକଳ୍ପ : ନିମ୍ନମାନର ପାଇପ ବ୍ୟବହାର ଅଭିଯୋଗ

ସମ୍ବଲପୁର ସ୍ବେରେଜ ପ୍ରକଳ୍ପ : ନିମ୍ନମାନର ପାଇପ ବ୍ୟବହାର ଅଭିଯୋଗ

ସମ୍ବଲପୁର,୧୬।୭(ବ୍ୟୁରୋ) ସମ୍ବଲପୁର ସହରରେ ନିର୍ମାଣାଧୀନ ସ୍ବେରେଜ ପ୍ଳାଣ୍ଟ (ଏଟିପି)ପ୍ରକଲ୍ପରେ ନିମ୍ନମାନର ହ୍ୟୁମ୍‌ ପାଇପ ବ୍ୟବହାର କରାଯାଉଥିବା ଅଭିଯୋଗ ହେଉଛି। ହ୍ୟୁମ ପାଇପର ଗ୍ରେଡ ଠିକ୍‌ ରହୁନାହିଁ । ବ୍ୟୟ ଅଟକଳ ଅନୁସାରେ ଏନପି-୩ ଗ୍ରେଡ୍‌ର ପାଇପ ବ୍ୟବହାର କରାଯିବା ନିୟମ ଥିଲେ ମଧ୍ୟ ଏଥିରେ ବ୍ୟତିକ୍ରମ ଘଟୁଛି। ଏପରି କି ପାଇପଗୁଡ଼ିକ ବ୍ୟବହାର ପୂର୍ବରୁ ଭାଙ୍ଗିଯାଉଛି। ପାଇପ ନିର୍ମାଣ ସମୟରେ ଉପଯୁକ୍ତ ସିମେଣ୍ଟ, ବାଲି, ଳୁହା ଓ ଜେଇ ତାର ବ୍ୟବହାର ହେଉ ନ ଥିବାରୁ ପାଇପ୍‌ ଫାଟିଯାଉଥିବା ଅଭିଯୋଗ ହେଉଛି ।

ଫେଲ୍‌ ମାରିଲା ଜଳସେଚନ ଯୋଜନା : ୨୫୦ ହେକ୍ଟର ଚାଷ ଜମି ପଡ଼ିଆ

ସମ୍ବଲପୁର,୧୬।୭(ବ୍ୟୁରୋ) ସମ୍ବଲପୁର ଜିଲା ଜୁଜୁମୁରା ବ୍ଳକ ଦେବଝରନ ଜଳପ୍ରପାତର ପ୍ରବାହିତ ପାଣିକୁ ଡ୍ୟାମ ନିର୍ମାଣ କରି ଚାଷ କାର୍ଯ୍ୟରେ ବ୍ୟବହାର କରିବା ପାଇଁ ହୋଇଥିଲା ଯୋଜନା। ପ୍ରାୟ ୪୫ ବର୍ଷ ତଳେ ଡ୍ୟାମ ସହ କେନାଲ ନିର୍ମାଣ କରାଯାଇ ଜୁଜୁମୁରା ଅଞ୍ଚଳର ଚାଷୀମାନଙ୍କ ଜମିରେ ପାଣି ବ୍ୟବହାର କରାଯିବାକୁ ଲକ୍ଷ୍ୟ ରଖାଯାଇଥିଲା। ହେଲେ ପ୍ରକଳ୍ପ ଆରମ୍ଭରୁ ଲକ୍ଷ୍ୟଧାର୍ଯ୍ୟ ଜମିରେ ଚାଷ ହୋଇପାରିନାହିଁ। ବର୍ଷତମାମ୍‌ ଡ୍ୟାମରେ ପାଣି ଥିବା ବେଳେ କେନାଲଗୁଡ଼ିକ ଶୁଖିଲା ପଡ଼ିଛି। ଫଳରେ ଜୁଜୁମୁରା ଅଞ୍ଚଳରେ ୨୫୦ ହେକ୍ଟର ଜମି ପଡ଼ିଆ ପଡ଼ିଛି। ପ୍ରାୟ ୫୫୦ରୁ ଅଧିକ ଛୋଟବଡ଼ ଚାଷୀ ପ୍ରଭାବିତ ହୋଇଛନ୍ତି। ଚାଷୀମାନେ ପ୍ରତିବର୍ଷ ଜଳକର ଦେଉଛନ୍ତି ହେଲେ ଜଳ ତାଙ୍କ ପାଖରେ ପହଞ୍ଚତ୍ପାରୁନାହିଁ। ଚାଷ ଜମିରେ ପାଣି ନ ମାଡ଼ିଲେ ମଧ୍ୟ ଜଳକର ଦେଉଥିବାରୁ ଅଞ୍ଚଳରେ ଚାଷୀମାନଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି।

ସ୍ବାମୀଙ୍କ ଋଣ ବୋଝ, ୩ ପିଲାଙ୍କ ଭରଣପୋଷଣ ଚିନ୍ତା : ଅସହାୟା ସୁଜାତାଙ୍କୁ ସରକାରୀ ସହାୟତା ଲୋଡ଼ା

ସ୍ବାମୀଙ୍କ ଋଣ ବୋଝ, ୩ ପିଲାଙ୍କ ଭରଣପୋଷଣ ଚିନ୍ତା : ଅସହାୟା ସୁଜାତାଙ୍କୁ ସରକାରୀ ସହାୟତା ଲୋଡ଼ା

ପଡିଆବାହାଲ,୧୬।୭(ଡି.ଏନ.ଏ.) ଦୁହିତା ଦୁଇ କୂଳକୁ ହିତା। ଏହି ଉକ୍ତିଟି କିନ୍ତୁ ସ୍ବାମୀଙ୍କୁ ହରାଇଥିବା ଜଣେ ଅସହାୟା ମହିଳା ସୁଜାତାଙ୍କ ପକ୍ଷେ ଓଲଟା ହୋଇଛି। ସ୍ବାମୀ ଆରପାରିକୁ ଗଲାପରଠୁ ସେ ଶାଶୁଘର ଓ ବାପଘର ପାଇଁ ଅଲୋଡ଼ା ହୋଇଯାଇଛନ୍ତି। ଶାଶୁଘର ଲୋକେ ଦୂର୍‌ଦୂର୍‌ ଭାଗ୍‌ଭାଗ୍‌ କରିବା ପରେ ୩ ପାଠପଢ଼ୁଆ ପିଲାଙ୍କୁ ଧରି ସୁଜାତା ବାପଘର କବରାପାଲି ପଞ୍ଚାୟତ କୁଟୁରାଜୁରୀ ଗଁ।କୁ ଚାଲିଆସିଛନ୍ତି। ସେଠାରେ ବାପା ଦେଇଥିବା ଏକ ମାଟିର କୁଡ଼ିଆ ଘରେ ମୁଣ୍ଡ ଗେଞ୍ଜିଛନ୍ତି। ବିନା କାହାର ସହାୟତାରେ ଏକୁଟିଆ ଜୀବନର ପ୍ରତିଟି ମୁହୂର୍ତ୍ତ ସହ ସଂଗ୍ରାମ ଚଳାଇଛନ୍ତି। ହତଭାଗା ସୁଜାତା ଜୟନ୍ତପୁର ପଞ୍ଚାୟତ ଫଟାବାହାଲ ଗାଁର ବିଦେଶୀ ବଢ଼େଇଙ୍କୁ ବିବାହ କରିଥିଲେ। ବୈବାହିକ ଜୀବନରେ କୌଣସି ସମସ୍ୟା ନଥିଲା। ଦୁଃଖେ କଷ୍ଟେ ଦୁହେଁ ସଂସାର ଡଙ୍ଗା ଚଳାଇଥିଲେ। ତାଙ୍କ ୩ ସନ୍ତାନ ମଧ୍ୟ ସ୍କୁଲ ଯାଉଥିଲେ। ହେଲେ ଜୀବନଯାତ୍ରାର ଝଡ଼ଝଞ୍ଜା ଭିତରେ ଅର୍ଥାଭାବ କଣ୍ଟକ ସାଜିଥିଲା। ମୁଣ୍ଡ ଉପରେ ପରିବାର ବୋଝ ଯୋଗୁ ବିଦେଶୀ ଋଣଗ୍ରସ୍ତ ହେଲେ। ଶେଷରେ ଶୁଝି ନ ପାରି କୀଟନାଶକ ଖାଇ ସୁବଦିନ ପାଇଁ ଆଖି ବୁଜିଦେଲେ। ଆଉ ସୁଜାତା ଶାଶୁଘର ପାଇଁ ଯେପରି ଅଭିଶାପ ପାଲଟିଗଲେ। ସେ ହେଲେ ନିର୍ଯାତିତା।

ଶକ୍ତି ସଂରକ୍ଷଣ ମିଶନ ପ୍ରହସନ: ଦିନରାତି ଷ୍ଟ୍ରିଟ ଲାଇଟ ଜଳୁଛି

ଶକ୍ତି ସଂରକ୍ଷଣ ମିଶନ ପ୍ରହସନ: ଦିନରାତି ଷ୍ଟ୍ରିଟ ଲାଇଟ ଜଳୁଛି

ରାଜଗାଙ୍ଗପୁର, ୧୬।୭ (ଡି.ଏନ.ଏ)- ସୁନ୍ଦରଗଡ଼ ଜିଲା ରାଜଗାଙ୍ଗପୁର ସହରରେ ପୌରପରିଷଦ ପକ୍ଷରୁ ଶକ୍ତିସଂରକ୍ଷଣ ପାଇଁ କରାଯାଉଥିବା ମିଶନ ଏଠାରେ ପ୍ରହସନରେ ପରିଣତ ହୋଇଛି। ବିଭିନ୍ନ ସ୍ଥାନରେ ଦିନରାତି ଷ୍ଟ୍ରିଟ ଲାଇଟ ଜଳୁଥିବା, ପାଇପରୁ ପାଣି ଲିକେଜ ହେଉଥିବା ଏହାର ଏକ ଜ୍ୱଳନ୍ତ ଉଦାହରଣ।

ଯୁବପିଢିଙ୍କୁ ସଶକ୍ତ କରିବା ପାଇଁ ଦକ୍ଷତା ବୃଦ୍ଧି ଜରୁରୀ

ଯୁବପିଢିଙ୍କୁ ସଶକ୍ତ କରିବା ପାଇଁ ଦକ୍ଷତା ବୃଦ୍ଧି ଜରୁରୀ

ସୋନପୁର,୧୬।୭((ଡି.ଏନ.ଏ.) ବିଶ୍ୱ ଯୁବ ଦକ୍ଷତା ଦିବସ ସୋନପୁର ସରକାରୀ ଆଇଟିଆଇ(ଶିଳ୍ପ ତାଲିମ ଅନୁଷ୍ଠାନ) କ୍ୟାମ୍ପସ ପରିସରରେ ରବିବାର ପାଳିତ ହୋଇଯାଇଛି। ଜିଲା ନିୟୋଜନ କାର୍ଯ୍ୟାଳୟ ପକ୍ଷରୁ ପ୍ରଥମ ଏଜୁକେଶନ ଫାଉଣ୍ଡେସନ ସହାୟତାରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା।

ଛତୁଆ ବଦଳରେ ଦିଆଯାଉଛି ଜହର

ଗୋଲାମୁଣ୍ଡା,୧୬। ୭(ଡି.ଏନ.ଏ.) ସରକାର ରାଜ୍ୟର କୌଣସି ଶିଶୁ ଅପପୃଷ୍ଟିର ଶିକାର ନ ହେଉ ତେଣୁ ସମସ୍ତ ଶିଶୁଙ୍କୁ ପୃଷ୍ଟିକର ଖାଦ୍ୟ ଯୋଗାଇ ଦେବା ପାଇଁ ଅଙ୍ଗନୱାଡି କେନ୍ଦ୍ର ମାଧ୍ୟମରେ ଛତୁଆ ବଣ୍ଟନ କରୁଛନ୍ତି ।

ହୋମଗାର୍ଡଙ୍କୁ ଫଲସାରେ ହାଣି ହତ୍ୟା: ଗ୍ରାମଦେବୀଙ୍କ ପୂଜାସ୍ଥଳ ନିକଟରୁ ମୃତଦେହ ଉଦ୍ଧାର

ବାଲିଶଙ୍କରା, ୧୫।୭ (ଡି.ଏନ.ଏ)-ସୁନ୍ଦରଗଡ଼ ଜିଲା ତଳସରା ଥାନା ଅନ୍ତର୍ଗତ ତଳସରା ଗ୍ରାମରେ ରବିବାର ଏକ ହତ୍ୟାକାଣ୍ଡ ଘଟିଛି। ତଳସରା ଥାନାର ହୋମଗାର୍ଡ ନବୀନ ଚନ୍ଦ୍ର ମହାକୁଳ (୫୯)ଙ୍କୁ ନିର୍ମମ ଭାବେ ଫଲସାରେ ହାଣି ହତ୍ୟା କରାଯାଇଥିବା ଜଣାପଡିଛି। ତେବେ କିଏ, କାହିଁକି ହତ୍ୟା କରିଛନ୍ତି, ତାହା ସ୍ପଷ୍ଟ ହୋଇନାହିଁ। ପୋଲିସ ଗ୍ରାମଦେବୀ ପୂଜାସ୍ଥଳ ନିକଟରୁ ମୃତଦେହ ଉଦ୍ଧାର କରି ତଦନ୍ତ ଚଳାଇଛି।

ସ୍ତ୍ରୀ ତଣ୍ଟିଚିପି ହତ୍ୟାକଲେ ସ୍ବାମୀ

ସ୍ତ୍ରୀ ତଣ୍ଟିଚିପି ହତ୍ୟାକଲେ ସ୍ବାମୀ

ହେମଗିର, ୧୫।୭ (ଡି.ଏନ.ଏ.) ସୁନ୍ଦରଗଡ଼ ଜିଲା ହେମଗିର ଥାନା ଅନ୍ତର୍ଗତ ତୁଲିଙ୍ଗା ଗ୍ରାମରେ ଶନିବାର ରାତିରେ ଏକ ହତ୍ୟାକାଣ୍ଡ ଘଟିଛି। ଏହି ଗ୍ରାମର ଶୁଶାନ୍ତ ଭୋଇ ନାମକ ଯୁବକ ତାଙ୍କ ସ୍ତ୍ରୀ ମଞ୍ଜରୀ ସାହୁ (୨୩)ଙ୍କୁ ତଣ୍ଟିଚିପି ହତ୍ୟା କରିଛନ୍ତି। ପୋଲିସ ଏକ ହତ୍ୟା ମାମଲା ରୁଜୁକରି ଘଟଣାର ତଦନ୍ତ ଚଳାଇଛି। ପ୍ରକାଶ ଯେ, ଗତ ୧୨ ଡିସେମ୍ବର, ୨୦୧୫ରେ ଝାରସୁଗୁଡା ଜିଲା ଲଖନପୁର ଥାନା ଅନ୍ତର୍ଗତ ବାଘମୁଣ୍ଡା ଗ୍ରାମର ସ୍ବର୍ଗତ ଶ୍ରୀରାମ ସାହୁଙ୍କର କନ୍ୟା ମଞ୍ଜରୀ (୨୩)ଙ୍କୁ ଶୁଶାନ୍ତ ବୈଦିକ ରୀତିରେ ବିବାହ କରିଥିଲେ। ବର୍ତ୍ତମାନ ତାଙ୍କର ୧୯ ମାସର ଶିଶୁ କନ୍ୟା ରହିଛି।

କାନ୍ଥ ପଡ଼ି ଯୁବକ ମୃତ

କାନ୍ଥ ପଡ଼ି ଯୁବକ ମୃତ

ବରଗଡ଼ ଅଫିସ୍‌,୧୫।୭- ବରଗଡ଼ ଜିଲା ପାଇକମାଳ ଥାନା ମିଠାପାଲି ଗ୍ରାମରେ ରବିବାର ବର୍ଷା ଯୋଗୁ ଘରକାନ୍ଥ ପଡ଼ିଯିବାରୁ ଜଣେ ଯୁବକଙ୍କ ମୃତ୍ୟୁ ହୋଇଛି । ମୃତକ ହେଲେ ଟେକଧର ବରିହା ।

ଚାଷକୁ ବର୍ଷା ନିଅଣ୍ଟ, ଚାଷୀ ହତାଶ

ଚାଷକୁ ବର୍ଷା ନିଅଣ୍ଟ, ଚାଷୀ ହତାଶ

ବରଗଡ଼ ଅଫିସ୍‌,୧୫।୭ -ଜୁନ୍‌ ପରେ ଜୁଲାଇ ମାସର ଅଧା ସମୟ ବିତିଗଲାଣି । ମାତ୍ର ଆଶାନୁରୂପ ବୃଷ୍ଟିପାତ ହୋଇନାହିଁ । ବରଗଡ଼ ଜିଲା ଚାଷୀଙ୍କୁ ଏବେ ଏଭଳି ସ୍ବଳ୍ପ ବୃଷ୍ଟିପାତ ଚିନ୍ତା ଘାରିଛି।

ତୁଡାଲଗାରେ ଫୁଟବଲ ଟୁର୍ନାମେଣ୍ଟ ୧୦ରୁ ଆରମ୍ଭ

ତୁଡାଲଗାରେ ଫୁଟବଲ ଟୁର୍ନାମେଣ୍ଟ ୧୦ରୁ ଆରମ୍ଭ

ବଡ଼ଗାଁ, ୧୫।୭ (ଡି.ଏନ.ଏ)- ସୁନ୍ଦରଗଡ ଜିଲା ବଡଗାଁ ବ୍ଲକ ଅନ୍ତର୍ଗତ ତୁଡାଲଗା ଗ୍ରାମ ସ୍ଥିତ କନ୍ୟାଶ୍ରମ ପଛପଟ ଗ୍ରୀନ୍‌ ପାର୍କ ଫୁଟବଲ ଫିଲ୍ଡଠାରେ ଆସନ୍ତା ମାସ ୧୦ ତାରିଖଠାରୁ ହେବାକୁ ଥିବା ମିନି ୱାଲ୍ଡ କପ୍‌ ଫୁଟବଲ ଟୁର୍ନାମେଣ୍ଟ ପାଇଁ ପ୍ରସ୍ତୁତ ବୈଠକ ଅନୁଷ୍ଠିତ ହୋଇଛି । ଟୁର୍ନାମେଣ୍ଟର ଆୟୋଜକ ସ୍ଥାନୀୟ ଜୟଶ୍ରୀରାମ କ୍ଲବର ସଭାପତି କାର୍ତ୍ତିକ ବାଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉକ୍ତ ବୈଠକରେ ପୂର୍ଣ୍ଣଚନ୍ଦ୍ର ମାଝୀ, ଅମର ମାଝୀ, ଜଗ ମାଝୀ, ରାଜକୁମାର ମାଝୀ, ଅନିଲ କୁଜୁର, କୃଷ୍ଣ ମାଝୀ, ମୁନୁ ନାଏକ, ସୁନିଲ କୁଜୁର, ଅର୍ଜୁନ ବାଗ, ଅଜିତ ମାଝୀ, କପିଲ ଟପ୍ପୋ ପ୍ରମୁଖ କ୍ଲବ ସଦସ୍ୟ ତଥା ଖେଳାଳିମାନେ ଟୁର୍ନାମେଣ୍ଟକୁ କିପରି ପରିଚାଳନା କରାଯିବ ସେନେଇ

ନାଗରାଗଡ଼ ରଥଯାତ୍ରାରେ ହଜିଥିବା ଶିଶୁ ମା’ କୋଳକୁ ଫେରିଲା

କୁଆଁରମୁଣ୍ଡା,୧୫।୭(ଡି.ଏନ.ଏ.)-ସୁନ୍ଦରଗଡ଼ ଜିଲାର ସର୍ବପ୍ରାଚୀନ ନାଗରାଗଡ଼ ରଥଯାତ୍ରା ଶନିବାର ନିର୍ଦ୍ଧାରିତ ସମୟରେ ଅନୁଷ୍ଠିତ ହୋଇ ସନ୍ଧ୍ୟା ୭ଟାରେ ବଜରଙ୍ଗଛକସ୍ଥିତ ମାଉସୀମା’ ମନ୍ଦିରରେ ପହଞ୍ଚିଥିଲା। ପଣ୍ଡିତ ନେତ୍ରାନନ୍ଦ ଦୁବେ, କୈଳାସ ତ୍ରିପାଠୀ ପ୍ରମୁଖ ସମସ୍ତ ପୂଜା କାର୍ଯ୍ୟ ସମ୍ପନ୍ନ କରିବା ପରେ ପ୍ରବୀର ସିଂ ଛେରା ପହଁରା କରିଥିଲେ। ଏହା ପରେ ରଥଟଣା କାର୍ଯ୍ୟ ଆରମ୍ଭ ହୋଇଥିଲା। ଜିଲାର ସର୍ବପ୍ରାଚୀନ ଏହି ରଥଯାତ୍ରା ଦେଖିବାକୁ ବିଭିନ୍ନ ଅଞ୍ଚଳରୁ ଶ୍ରଦ୍ଧାଳୁମାନଙ୍କ ଭିଡ଼ ଜମିଥିଲା।

Model This Week

ରୂପେଶ