ସମ୍ପାଦକୀୟ |

ଅଜ୍ଞାତରେ ମାଂସାହାର

ଅଜ୍ଞାତରେ ମାଂସାହାର
ପରିବେଶ ପରିଚିନ୍ତା/ ମାନେକା ଗାନ୍ଧୀ କେବଳ ମାଂସ ନ ଖାଇବାକୁ ଶାକାହାର କୁହାଯାଇପାରିବ ନାହିଁ। ଆମିଷ ତାଲିକାରେ କ୍ଷୀରକୁ ବି ରଖିବାକୁ ହେବ କାରଣ ତାହା ହେଉଛି ତରଳ ପ୍ରାଣୀ ମାଂସ। ଆପଣ ବି ଅଜ୍ଞାତରେ ମାଂସାହାର କରୁଥାଇପାରନ୍ତି। ପ୍ରାଣୀମାନଙ୍କ ଅଙ୍ଗପ୍ରତ୍ୟଙ୍ଗ ଓ ବିଭିନ୍ନ ଗ୍ରନ୍ଥିରୁ ସଂଗୃହୀତ ଉପାଦାନ ଆକାରରେ ବିଭିନ୍ନ ଶିଳ୍ପ ଆପଣମାନଙ୍କୁ କ’ଣ ଖାଇବାକୁ ଦେଉଛନ୍ତି, ତାହା ଜାଣନ୍ତି କି? ଅନେକ ଶିଳ୍ପ ପ୍ରାଣୀମାନଙ୍କ ମସ୍ତିଷ୍କ, ସୁଷୁମ୍ନା କାଣ୍ଡ, ଅଗ୍ନ୍ୟାଶୟ, ପାକସ୍ଥଳୀ, ଯକୃତ, ଫୁସ୍‌ଫୁସ୍‌, ବୃକ୍କ ଓ ଜରାୟୁ ଏବଂ ଅନ୍ତଃସ୍ରାବୀ ଗ୍ରନ୍ଥି, ଶ୍ଳୈଷ୍ମିକ (ପିଟୁଇଟାରୀ) ଗ୍ରନ୍ଥି, ଗଳଗ୍ରନ୍ଥି, ପାରାଥାଇରଏଡ୍‌ (ଗଳଗ୍ରନ୍ଥି ଭିତରେ ଥିବା ଅନ୍ୟତମ ଅନ୍ତଃସ୍ରାବୀ ଗ୍ରନ୍ଥି) ଓ ଆଡ୍ରେନାଲ (ମୂତ୍ରାଶୟ ନିକଟରେ ଥିବା ଅନ୍ତଃସ୍ରାବୀ ଗ୍ରନ୍ଥି) ପ୍ରଭୃତି ବ୍ୟବହାର କରନ୍ତି। ପ୍ରାଣୀମାନଙ୍କ ଶରୀରରୁ ଗ୍ରନ୍ଥିଗୁଡ଼ିକ ବାହାର କରି ତାକୁ ଶୀତଳୀକରଣ ପଦ୍ଧତିରେ ରଖାଯାଏ। ଗ୍ରନ୍ଥିଗୁଡ଼ିକର ପାର୍ଶ୍ୱରେ ଲାଗିଥିବା ଚର୍ବି ଓ ସଂଯୋଗକାରୀ ପେଶୀଗୁଡ଼ିକୁ କାଟି ବାହାର କରିଦିଆଯାଏ। ତାକୁ ମହମଲଗା କାଗଜରେ ବିଯୁକ୍ତ ୧୮ଂ ସେଣ୍ଟିଗ୍ରେଡ୍‌ ଉତ୍ତାପରେ ରଖାଯାଏ। ଯେତେବେଳେ ଗ୍ରନ୍ଥିଗୁଡ଼ିକ ଔଷଧ ତିଆରି କାରଖାନାରେ ପହଞ୍ଚେ, ସେତେବେଳେ ତାକୁ କାଟି ବିଭିନ୍ନ ଦ୍ରବଣରେ ମିଶାଇ ସେଥିରୁ ରସ ବାହାର କରାଯାଏ ବା ତାକୁ ଭାକ୍ୟୁମ୍‌ ଡ୍ରାୟର୍‌ରେ ରଖାଯାଏ। ଶୁଖିଗଲା ପରେ ତାକୁ ଗୁଣ୍ଡ କରି କ୍ୟାପ୍‌ସୁଲ ଭିତରେ ରଖାଯାଏ ବା ତରଳ ପଦାର୍ଥରେ ମିଶାଇ ତରଳ ଔଷଧରେ ପରିଣତ କରାଯାଏ। ମସ୍ତିଷ୍କ ଓ ସୁଷୁମ୍ନା କାଣ୍ଡରେ କୋଲେଷ୍ଟରଲ ଥାଏ। ଏହା ହେଉଛି ଭିଟାମିନ୍‌ ଡି କୋଲେକ୍ୟାଲ୍‌ସିଫେରଲ ତିଆରି ପାଇଁ ଆବଶ୍ୟକ କଞ୍ଚାମାଲ। ଏହି ଭିଟାମିନ୍‌ ଡିକୁ କ୍ଷୀରଜାତ ଦ୍ରବ୍ୟ, ଜୁସ୍‌ ଓ ଶସ୍ୟରୁ ପ୍ରସ୍ତୁତ ଖାଦ୍ୟରେ ମିଶାଯାଏ, ଯାହା ଉପରେ ମରାଯାଏ ‘ଫର୍ଟିଫାଏଡ୍‌ ଉଇଥ୍‌ ଭିଟାମିନ୍‌ ଡି’। କୋଲେଷ୍ଟରଲ ହେଉଛି ଏକ ଅଠାଳିଆ ଚର୍ବି ପରି ପଦାର୍ଥ, ଯାହା ଆଖି ଓ ମୁହଁର ମେକ୍‌ଅପ୍‌, ଶେଭିଂ (ଦାଢ଼ି ଖିଅର) ଉପକରଣ ଏବଂ ଶାମ୍ପୁରେ ବ୍ୟବହୃତ ହୁଏ। ପ୍ରାଣୀମାନଙ୍କ ଗଲ୍‌ ବ୍ଲାଡର୍‌ (ପିତ୍ତାଶୟ)ରୁ ପିତ୍ତରସ (ବାଇଲ) ମିଳିଥାଏ। ବଦହଜମି, କୋଷ୍ଠକାଠିନ୍ୟ ଓ ପିତ୍ତାଶୟରେ ବିଶୃଙ୍ଖଳା ପାଇଁ ଏବଂ ଯକୃତର କାର୍ଯ୍ୟକ୍ଷମତା ବୃଦ୍ଧି କରିବା ପାଇଁ ଏହା ବ୍ୟବହୃତ ହୁଏ। ଗୋରୁ ବା ଘୁଷୁରିଙ୍କ ପିତ୍ତରସକୁ ଶୁଖିଲା ବା ତରଳ ଆକାରରେ ବିକ୍ରି କରାଯାଏ। ପିତ୍ତରସର କେତେକ ଉପାଦାନ ଯଥା ପ୍ରେଡ୍‌ନିସୋନ୍‌ ଓ କର୍ଟିସୋନ୍‌କୁ ଅଲଗା କଢ଼ାଯାଏ, ଯାହାକୁ ଔଷଧରେ ବ୍ୟବହାର କରାଯାଏ। ଯକୃତ ହେଉଛି ପ୍ରାଣୀମାନଙ୍କର ସବୁଠାରୁ ବଡ଼ ଗ୍ରନ୍ଥି। ଗୋଟିଏ ବୟସ୍କ ଗୋରୁର ଯକୃତ ପ୍ରାୟ ୫ କେଜି ଏବଂ ଘୁଷୁରିର ପ୍ରାୟ ୧.୪ କେଜି ହୋଇଥାଏ। କଞ୍ଚା ପ୍ରାଣୀ ଯକୃତକୁ ବାଟି ସେଥିରେ ଈଷତ୍‌ ଅମ୍ଳୀକୃତ ଗରମ ପାଣି ମିଶାଇ ଯକୃତ ରସ ପ୍ରସ୍ତୁତ କରାଯାଏ। ଏହାକୁ ଅଳ୍ପ ତାପମାତ୍ରାରେ ମାରି ଘନୀକୃତ ପେଷ୍ଟ ପ୍ରସ୍ତୁତ କରାଯାଏ, ଯାହାକୁ ଔଷଧ ଶିଳ୍ପଗୁଡ଼ିକ ଭିଟାମିନ୍‌ ବି୧୨ ପ୍ରସ୍ତୁତି ପାଇଁ କଞ୍ଚାମାଲ ଭାବେ ବ୍ୟବହାର କରନ୍ତି। ଏହି ଔଷଧ ରକ୍ତହୀନତା ରୋଗୀଙ୍କୁ ଦିଆଯାଏ। ରକ୍ତକୁ ପତଳା କରିବା ପାଇଁ ହେପାରିନ୍‌ ବ୍ୟବହାର କରାଯାଏ। ଏହାକୁ ଯକୃତ, ଫୁସ୍‌ଫୁସ୍‌ ଓ କ୍ଷୁଦ୍ରାନ୍ତ୍ରରୁ ପ୍ରସ୍ତୁତ କରାଯାଏ। ପ୍ରେଜେଷ୍ଟେରନ୍‌ ଓ ଏଷ୍ଟ୍ରୋଜେନ୍‌ ହେଉଛି ଘୁଷୁରି ଜରାଶୟରୁ ସଂଗୃହୀତ ହର୍ମୋନ୍‌। ମହିଳାମାନଙ୍କ ଗର୍ଭ ସମସ୍ୟା ଦୂର ପାଇଁ ଏବଂ ମୁହଁର ଧୁଡ଼ୁଧୁଡ଼ିଆ ଚର୍ମକୁ ମସୃଣ କରିବା ପାଇଁ ଫେସ୍‌ କ୍ରିମ୍‌ରେ ଏହାକୁ ବ୍ୟବହାର କରାଯାଏ। ରିଲାକ୍ସିନ୍‌ ହେଉଛି ଏକ ହର୍ମୋନ୍‌ ଯାହାକୁ ଗର୍ଭବତୀ ଗାଈଙ୍କଠାରୁ ସଂଗ୍ରହ କରାଯାଏ ଏବଂ ପିଲା ଜନ୍ମ ସମୟରେ ଔଷଧ ଆକାରରେ ମହିଳାମାନଙ୍କୁ ଦିଆଯାଏ। ଡାଇବେଟିସ୍‌ ରୋଗରେ ବ୍ୟବହାର କରାଯାଉଥିବା ଇନ୍‌ସୁଲିନ୍‌ ଗୋରୁ ଓ ଘୁଷୁରିମାନଙ୍କ ଅଗ୍ନ୍ୟାଶୟରୁ ସଂଗ୍ରହ କରାଯାଏ। ୧୯୨୧ ମସିହାରୁ ଏହା ଡାଇବେଟିସ୍‌ ଚିକିତ୍ସାରେ ବ୍ୟବହାର ହୋଇଆସୁଛି। ମାତ୍ର ୮ ଆଉନ୍ସ (୧ ଆଉନ୍ସ ପ୍ରାୟ ୨୮ ଗ୍ରାମ୍‌) ଶୁଦ୍ଧ ଇନ୍‌ସୁଲିନ୍‌ ତିଆରି ପାଇଁ ୨ ଟନ୍‌ରୁ ଅଧିକ ଘୁଷୁରି ଦେହାଂଶ (ଅଗ୍ନ୍ୟାଶୟ) ଦରକାର। ଅଗ୍ନ୍ୟାଶୟ କୋଷରୁ ଗ୍ଲୁକାଗୋନ୍‌ ନାମକ ଆଉ ଏକ ଜିନିଷ ତିଆରି କରାଯାଏ, ଯାହା ଅଧିକ ଇନ୍‌ସୁଲିନ୍‌ ନେବା ଜନିତ ବିଶୃଙ୍ଖଳା କ୍ଷେତ୍ରରେ ରକ୍ତଶର୍କରା ବୃଦ୍ଧି ପାଇଁ ବ୍ୟବହାର କରାଯାଏ। କିମୋଟ୍ରିପ୍ସିନ୍‌ ଓ ଟ୍ରିପ୍ସିନ୍‌ ହେଉଛି ପ୍ରାଣୀ ବା ମାଛଙ୍କ ଅଗ୍ନ୍ୟାଶୟରୁ ସଂଗୃହୀତ ଏଞ୍ଜାଇମ୍‌ (ବିପାଚକ)। ସର୍ଜରୀ ପରେ ଓ ଆଘାତ କ୍ଷତ ଜନିତ ଅସୁସ୍ଥତା ପରେ ଶୀଘ୍ର ସୁସ୍ଥ ହୋଇଉଠିବା ପାଇଁ ଏହାକୁ ବ୍ୟବହାର କରାଯାଏ। ଜମାଟ ବାନ୍ଧିଥିବା ରକ୍ତକୁ ତରଳାଇବା ପାଇଁ, ସାଧାରଣ ଥଣ୍ଡା ରୋଗରେ ଏବଂ ଖାଦ୍ୟ ଶିଳ୍ପରେ ଟ୍ରିପ୍ସିନ୍‌ ବ୍ୟବହାର କରାଯାଏ। ଘୁଷୁରି, ଗୋରୁ ବା ମେଣ୍ଢାଙ୍କ ଅନ୍ତଃସ୍ରାବୀ ଗ୍ରନ୍ଥିରୁ ଆଡ୍ରେନାଲାଇନ୍‌ ବା ଏପିନେଫ୍ରାଇନ୍‌ ନିଷ୍କାସନ କରାଯାଏ। ଏହାକୁ ଇଞ୍ଜେକ୍ସନ ଆକାରରେ ନେଲେ ମାଂସପେଶୀକୁ ରକ୍ତ ପ୍ରବାହ ବଢ଼େ ଏବଂ ହୃଦ୍‌ଯନ୍ତ୍ରର କ୍ରିୟାରେ ଉନ୍ନତି ହୁଏ। ଆରାକିଡୋନିକ୍‌ ଏସିଡ୍‌ ହେଉଛି ଏକ ଫ୍ୟାଟି ଏସିଡ୍‌, ଯାହାକୁ ପ୍ରାଣୀଙ୍କ ଯକୃତରୁ ସଂଗ୍ରହ କରାଯାଇଥାଏ ଏବଂ ଏକ ବଡ଼ି-ବିଲ୍‌ଡିଂ ଉପାଦାନ ଭାବେ ବଜାରରେ ବିକ୍ରି କରାଯାଏ। ଏକ୍‌ଜିମା (ବିଇଞ୍ଚ), ଚମଦଳା ଓ ମଚଳା କ୍ଷେତ୍ରରେ ଚମକୁ ନରମ କରିବା ପାଇଁ ଏହାକୁ ମଧ୍ୟ କ୍ରିମ୍‌ ଭାବରେ ବ୍ୟବହାର କରାଯାଏ। ଇଲାଷ୍ଟେନ୍‌ ଓ କୋଲାଜେନ୍‌ ହେଉଛି ଏକପ୍ରକାର ପ୍ରୋଟିନ୍‌ ଯାହାକୁ ଗୋରୁ ଓ ଘୁଷୁରିଙ୍କ ବେକର ଲିଗାମେଣ୍ଟ ଓ ଏଓର୍ଟା (ହୃଦୟର ବାମ ଅଳିନ୍ଦରୁ ଶୁଦ୍ଧରକ୍ତ ସଂଚାଳିକା ନଳୀ)ରୁ ସଂଗ୍ରହ କରାଯାଇଥାଏ। ବଜାରରେ ଏହାକୁ ବୟୋବୃଦ୍ଧିଜନିତ ଶ୍ଳଥ ଚର୍ମକୁ ଚିକ୍କଣ କରିବା ନାମରେ ବିକ୍ରି କରାଯାଏ, ଯାହା ପ୍ରକୃତରେ ଏକ ପ୍ରବଞ୍ଚନା ଛଡ଼ା କିଛି ନୁହେଁ। ଲିପେଜ୍‌ ଓ ରେନିଟ୍‌ ହେଉଛି ଦୁଇଟି ବିପାଚକ ଯାହାକୁ ବାଛୁରି, ଛେଳି ଓ ମେଣ୍ଢା ଛୁଆଙ୍କ ପାକସ୍ଥଳୀ ଓ ଜିଭରୁ ଅଣାଯାଇଥାଏ। ଏହାକୁ ଛେନା ତିଆରି, କ୍ଲଟିଂ ଏଜେଣ୍ଟ ଏବଂ ହଜମ ସହାୟକ ଭାବେ ବ୍ୟବହାର କରାଯାଏ। ଘୁଷୁରିର ପାକସ୍ଥଳୀରୁ ପେପ୍‌ସିନ୍‌ ସଂଗ୍ରହ କରାଯାଏ, ଯାହାକୁ ରେନିଟ୍‌ ପରି ବ୍ୟବହାର କରାଯାଏ। ପାମିଟିକ୍‌ ଏସିଡ୍‌ ଓ ଓଲିକ୍‌ ଏସିଡ୍‌ ହେଉଛି ଏକପ୍ରକାର ଫ୍ୟାଟି ଏସିଡ୍‌, ଯାହା ଉଭୟ ପ୍ରାଣିଜ ଓ ଉଦ୍ଭିଜ୍ଜ ଚର୍ବିରୁ ସଂଗ୍ରହ କରାଯାଇପାରେ। ଓଲିକ୍‌ ଏସିଡ୍‌ ଏକ ପ୍ରକାର ପ୍ରାଣିଜ ଚର୍ବି ଟାଲୋରୁ ସଂଗ୍ରହ କରାଯାଏ, ଯାହାକୁ ସାବୁନ୍‌ ଓ ମହମବତି ତିଆରିରେ ବ୍ୟବହାର କରାଯାଏ। ଏହାକୁ ମଧ୍ୟ ଆପଣ ଚକୋଲୋଟ୍‌, ଆଇସ୍‌କ୍ରିମ୍‌, କେତେକ ମୃଦୁ ପାନୀୟ, କଣ୍ଡିମେଣ୍ଟ, ଶାମ୍ପୁ, କ୍ରିମ୍‌, ନେଲ୍‌ପଲିଶ୍‌, ଲିପ୍‌ଷ୍ଟିକ୍‌ ଓ ଚର୍ମରେ ଲଗାଯାଉଥିବା କ୍ରିମ୍‌ରେ ଦେଖିବାକୁ ପାଇବେ। ଓସେନଲ ନାମରେ ବିକ୍ରି କରାଯାଉଥିବା ଓଲେଲ୍‌ ଆଲକୋହଲ ହେଉଛି ମାଛତେଲରେ ଥିବା ଏକ ଚର୍ବି। ଲୁଗାପଟାର ତନ୍ତୁକୁ ନରମ କରିବା ପାଇଁ ପ୍ଲାଷ୍ଟିସାଇଜର ଭାବେ ଡିଟର୍ଜେଣ୍ଟରେ ଏହା ବ୍ୟବହାର କରାଯାଏ। ପାନ୍ଥେନୋଲର ଅନ୍ୟ ନାମ ପ୍ରୋ ଭିଟାମିନ୍‌ ବି୫, ଯାହା ଏକ ମଏଶ୍ଚରାଇଜିଙ୍ଗ୍‌ ଉପାଦାନ ଭାବେ ବିଭିନ୍ନ ପ୍ରସାଧନ ସାମଗ୍ରୀ, କଣ୍ଡିଶନର, ନାଜାଲ ସ୍ପ୍ରେ, ଆଇଡ୍ରପ୍‌ ଏବଂ କଣ୍ଟାକ୍ଟ ଲେନ୍ସ ସଫା କରିବାରେ ବ୍ୟବହୃତ ତରଳ ପଦାର୍ଥରେ ବ୍ୟବହାର କରାଯାଏ। ଏହାକୁ ପ୍ରାଣୀଙ୍କ ଯକୃତ, ବୃକ୍କ, ଲବ୍‌ଷ୍ଟର, ମାଛ, କୁକୁଡ଼ା ପ୍ରଭୃତିଙ୍କଠାରୁ ସଂଗ୍ରହ କରାଯାଏ। ଏହାକୁ ମଧ୍ୟ ବିଭିନ୍ନ ପନିପରିବା, ଛତୁ, ଶିମ୍ବ ଜାତୀୟ ମଞ୍ଜି ପ୍ରଭୃତିରୁ ସଂଗ୍ରହ କରାଯାଇପାରିବ। ଯଦି ଏହା ଉଦ୍ଭିଜ୍ଜ ଉପାଦାନରୁ ସଂଗୃହୀତ ବୋଲି ଲେଖା ନ ଥିବ, ତେବେ ଏହା ପ୍ରାଣୀଙ୍କଠାରୁ ସଂଗୃହୀତ ବୋଲି ଧରିନେବାକୁ ହେବ। Email: gandhim@nic.in
All Right Reserved By

ସମ୍ପାଦକୀୟ |

ମାଛଦ୍ୱାରା ପାଦ ଚିକିତ୍ସା

ମାଛଦ୍ୱାରା ପାଦ ଚିକିତ୍ସା

ପରିବେଶ ପରିଚିନ୍ତା/ ମାନେକା ଗାନ୍ଧୀ

କିଛିମାସ ତଳେ ଜଣେ ଯୁବତୀ ନ୍ୟୁୟର୍କରେ ତାଙ୍କ ଡାକ୍ତରଙ୍କ ପାଖକୁ ଯାଇଥିଲେ। ଛଅମାସ ହେଲା ତାଙ୍କ ପାଦ ନଖଗୁଡ଼ିକ କଳାପଡ଼ି ଝଡ଼ିଯାଉଥିଲା। ତାଙ୍କ ପରିବାରରେ ଏମିତି ସମସ୍ୟା ଆଉ କାହାର ନାହିଁ ଏବଂ ତାଙ୍କର ମଧ୍ୟ ଅନ୍ୟ କୌଣସି ରୋଗ ନାହିଁ ବା ଏପରି ଭାବେ ନଖ ପଚିବାର ପାରିବାରିକ ଇତିହାସ ନାହିଁ। ପରୀକ୍ଷାରୁ ଜଣାପଡ଼ିଲା ଯେ, ଛଅମାସ ତଳେ ସେ ମାଛ ଦ୍ୱାରା ପାଦ ଚିକିତ୍ସା (ଫିଶ୍‌ ପେଡିକିଓର) କରାଇଥିଲେ। ମାଛ ହିଁ ତାଙ୍କ ନଖର ମଞ୍ଜଭାଗରେ (ଯେଉଁଠୁ ନଖ କଅଁଳେ) କ୍ଷତ ସୃଷ୍ଟି କରିଛି। ଫଳରେ ଓନିକୋମାଡେସିସ୍‌ (ନଖପଚା ରୋଗ) ସୃଷ୍ଟି ହୋଇଛି ଓ ନଖ କଳାପଡ଼ି ଝଡ଼ିଯାଉଛି। ଆଗକୁ ପରିସ୍ଥିତି ଆହୁରି ଖରାପ ହୋଇପାରେ। ପଚାନଖ ତଳେ ...

ରାଜନେତା ଓ ନାଗରିକ ସମାଜ

ରାଜନେତା ଓ ନାଗରିକ ସମାଜ

ଡ. ସୁବାସ ଚନ୍ଦ୍ର ପାତ୍ର

ଓଡ଼ିଶାର ରାଜନେତାମାନେ ଏକ ସୁସ୍ଥ, ସୁନ୍ଦର ନାଗରିକ ସମାଜ ଗଠନ ସେମାନଙ୍କର ଦାୟିତ୍ୱ ବୋଲି କେବେ ଭାବନ୍ତି ନାହିଁ। କରତାଳି, ପତାକା ଧାରଣ, ମାଗଣା ଇନ୍ଧନରେ ମୋଟର ସାଇକେଲ ଚାଳନା ପାଇଁ ଯୁବଗୋଷ୍ଠୀ ସଂଗ୍ରହ ଏବଂ ଏ ସବୁ ମାଧ୍ୟମରେ ଭୋଟ ସଂଗ୍ରହ ଓ କ୍ଷମତା ଦଖଲ ସେମାନଙ୍କ ମୁଖ୍ୟ କାମ ବୋଲି ସେମାନେ ବିଚାର କରନ୍ତି। ସଂହତିପୂର୍ଣ୍ଣ, ଆଦର୍ଶଭରା ଏକ ତ୍ୟାଗପୂତ ସମାଜ ନିର୍ମାଣ ମଧ୍ୟ ଏକ ରାଜନୈତିକ କର୍ତ୍ତବ୍ୟ ବୋଲି ସେମାନେ ଚିନ୍ତା କରନ୍ତି ନାହିଁ। ତା’ର ପ୍ରମୁଖ କାରଣ କ୍ଷମତାମନସ୍କତା, ସମାଜମନସ୍କତା ବା ରାଷ୍ଟ୍ରମନସ୍କତା ନୁହେଁ।...

ଚନ୍ଦ୍ରରେ ଚିତ୍ରକର

ଚନ୍ଦ୍ରରେ ଚିତ୍ରକର

ଡ. ତୁଷାରକାନ୍ତି ଦାସ

ଦୁଇ ହାତ ପାପୁଲିରେ ଆଞ୍ଜୁଳାଏ ପାଣିରେ ଜହ୍ନକୁ ସେ ଧରିଛି। ସତେ ବା ସେ ଆଞ୍ଜୁଳାଏ ପାଣିରେ ଜହ୍ନଟା ଚିକ୍‌ମିକ୍‌ କରୁଛି- ଚିତ୍ରକରଟିଏ ଆଞ୍ଜୁଳାଏ ପାଣିରେ ଜହ୍ନର ପ୍ରତିବିମ୍ବକୁ କାନ୍‌ଭାସରେ ଉତାରୁଥିବାବେଳେ କେବେ ବି କ’ଣ ଭାବିଥିବ ଜହ୍ନକୁ ଯାଇ ସେଠାରେ ଜହ୍ନର ଛବି ଆଙ୍କିବ ବୋଲି? ହଁ ଆଜ୍ଞା, ଚିତ୍ରକରର ଏ ଭାବନା ସତ୍ୟ ହେବାକୁ ଯାଉଛି। ଆଉ ଆପଣ କହିପାରିବେନି ‘କବି କଳପନା ସରଗ ସିନା ଲୋ ମନ ଭୁଲାଇବା ପାଇଁ’। କାରଣ ଏ କଳ୍ପନା ବାସ୍ତବରେ ପରିଣତ ହେବାକୁ ଯାଉଛି। ଜାପାନୀ କୋଟିପତି ବ୍ୟବସାୟୀ ୟୁସାକୁ ମେଜାଓ୍ବା ୬ ...

ଏଇ ଭାରତରେ

ଏଇ ଭାରତରେ

ଧର୍ମନିରପେକ୍ଷ ଗଣତନ୍ତ୍ର ଦେଶ ଭାରତ । ଏହାର ପ୍ରତିଟି ପର୍ବପର୍ବାଣିରେ ଦେଖିବାକୁ ମିଳେ ସାମ୍ପ୍ରଦାୟିକ ସଦ୍‌ଭାବନାର ନିଆରା ନମୁନା। ବର୍ତ୍ତମାନ ଦେଶର କୋଣ ଅନୁକୋଣରେ ଦଶହରା ଯାକଜମକରେ ପାଳନ କରାଯାଉଛି। ଏଭଳି ସମୟରେ ସର୍ବଧର୍ମ ସମନ୍ବୟର ବାର୍ତ୍ତାବାହକ ସାଜିଛନ୍ତି ପୂର୍ବୋତ୍ତର ରାଜ୍ୟ ଆସାମରେ ହାସିମ୍‌ ଅଲି। ଡାରାଙ୍ଗ୍‌ ଜିଲାର ଡାଲଗାଓଁ ଅଞ୍ଚଳର ହାସିମ୍‌ ଇସଲାମ ଧର୍ମାବଲମ୍ବୀ...

ସମ୍ପାଦକୀୟ/ଚନ୍ଦକା ବଞ୍ଚାଅ

ସମ୍ପାଦକୀୟ/ଚନ୍ଦକା ବଞ୍ଚାଅ

କଟକ ମୁଣ୍ଡଳୀ ନିକଟ ମହାନଦୀରେ ୫ଟି ହାତୀ ଭାସି ଯାଉଥିବା ଖବର ଅକ୍ଟୋବର ୧୫ ସକାଳୁ ବ୍ୟାପିଯିବା ପରେ ଏହି ଦୃଶ୍ୟ ଦେଖିବାକୁ ସ୍ଥାନୀୟ ଅଞ୍ଚଳର ଲୋକଙ୍କ ମଧ୍ୟରେ ଭିଡ଼ ହୋଇଥିଲା। ଏ ବିଷୟରେ ସୂଚନା ପାଇବାରୁ ଆଠଗଡ଼ ଓ ଚନ୍ଦକା ବନଖଣ୍ଡ କର୍ମଚାରୀମାନେ ଘଟଣାସ୍ଥଳରେ ପହଞ୍ଚତ୍ଥିଲେ। ସଙ୍ଗେ ସଙ୍ଗେ ମୁଣ୍ଡଳୀ ବ୍ୟାରେଜ୍‌ର ୪ଟି ଗେଟ୍‌ ବନ୍ଦ କରିଦିଆଯିବାରୁ ଜଳସ୍ରୋତ ହ୍ରାସ ପାଇଥିଲା ଓ ପାଣିରେ ଭାସୁଥିବା ହାତୀ ଉପରକୁ ଉଠି ଆସିଥିଲେ। ...

ପଶୁବଳି : ଏକ ଅମାନବୀୟ ପରମ୍ପରା

ପଶୁବଳି : ଏକ ଅମାନବୀୟ ପରମ୍ପରା

ଡ. ପ୍ରଫୁଲ୍ଲ କୁମାର ସାହୁ

ଆମ ରାଜ୍ୟରେ ପ୍ରମୁଖ ଦେବୀମନ୍ଦିରଗୁଡ଼ିକରେ ଶାରଦୀୟ ପୂଜାର ଏକ ବିଶେଷ ଅଙ୍ଗ ଥିଲା ପଶୁବଳିପ୍ରଥା। ପ୍ରତିବର୍ଷ ଦଶହରା ବେଳେ ଏସବୁ ଶକ୍ତିପୀଠରେ ଲକ୍ଷ ଲକ୍ଷ ପଶୁପକ୍ଷୀଙ୍କୁ ହତ୍ୟା କରାଯାଉଥିଲା ଅତି ବୀଭତ୍ସ ଭାବରେ। ଏଭଳି ଏକ ଅମାନବୀୟ ପରମ୍ପରା ଉପରେ ନ୍ୟାୟାଳୟର ପ୍ରତିବନ୍ଧକ ଲାଗିବା ପରେ ଅଧିକାଂଶ ଦେବୀ ପୀଠରେ ଏବେ ସମ୍ପୂର୍ଣ୍ଣ ବନ୍ଦ ହୋଇଯାଇଛି ପଶୁବଳି। ଅନ୍ୟ କେତେକ ସ୍ଥାନରେ ଏହା ଲୁଚାଛପାରେ ଚାଲିଛି ପରମ୍ପରା ଦାୟରେ। କାରଣ ସଭ୍ୟତା ଯେତେ ଆଗକୁ ଗଲେ ବି ଅନ୍ଧବିଶ୍ୱାସର ଅନ୍ଧଗଳିରୁ ମୁକୁଳିପାରୁନି ...

ଆସ ମା’ ଦୁର୍ଗେ

ଆସ ମା’ ଦୁର୍ଗେ

ଡ. ଭାଗ୍ୟଲିପି ମଲ୍ଲ

କାଶତଣ୍ଡୀର ଶୁଭ୍ର ମେଳଣରେ ଏବେ ସୃଜନର ମୂର୍ଚ୍ଛନା। ପତଳା କୁହୁଡ଼ିଆ ଆକାଶରେ ଜହ୍ନ ପିନ୍ଧିଛି ଧଳାବଉଦର ମାଳ। ଅଧା ଛାଇ ଅଧା ଆଲୁଅର ଖେଳରେ ଆସକ୍ତ ଧରିତ୍ରୀର ଛାତି। ଆକାଶ ଦେଖୁଛି ମୁହଁ ମାଟିଦର୍ପଣରେ। ଠିକ୍‌ ଏଇ ସମୟରେ ଧରାବତରଣ କରୁଛନ୍ତି ମା’ ଦୁର୍ଗା, ଦୁର୍ଗତିନାଶିନୀ। ତାଙ୍କ ଆଗମନର ଆବାହନୀରେ ଭୂମିରୁ ଆକାଶ, ସବୁଠି ଶୁଭ୍ରତାର ସମାରୋହ। ସକଳ ସୃଷ୍ଟିରେ ଶରତର ମଧୁର ଆଶ୍ଳେଷ। ସେହି ଆଶ୍ଳେଷରେ ସମାହିତ ଶକ୍ତି ଏକ ଦିବ୍ୟ ଅନୁଭବ। ସେ ଶକ୍ତି ଜନ୍ମ ଓ ମୃତ୍ୟୁ, ଯନ୍ତ୍ରଣା ଓ ଆନନ୍ଦର କାରଣ। ତା’ ବିନା କିଛି ସମ୍ଭବ ନୁହେଁ। ତେଣୁ କୁହାଯାଏ ସେ ଜନ୍ମ ଓ ମୃତ୍ୟୁର ଊର୍ଦ୍ଧ୍ୱସ୍ଥ ଏକ ଦିବ୍ୟ ସତ୍ତା। ସକଳ ଚେତନାର ଉତ୍ସ। ଆମେ ଆଜି ସେଇ ଉତ୍ସକୁ ଆହ୍ବାନ କରୁଛୁ। ...

ଏଇ ଭାରତରେ

ଏଇ ଭାରତରେ

ଅନ୍ନଚିନ୍ତା ଚମତ୍କାରା। କ୍ଷୁଧା ଓ ଦାରିଦ୍ର୍ୟରେ ପେଷି ହେଉଥିବା ବ୍ୟକ୍ତି ହିତାହିତ ଜ୍ଞାନ ହରାଇବସେ। କ୍ଷୁଧା ପ୍ରପୀଡ଼ିତ ମା’ ପାଖରେ ସ୍ନେହମମତାର ମୂଲ୍ୟ କିଛି ନାହିଁ। ପିଲାଙ୍କ ଭୋକିଲା ପେଟକୁ ଆହାର ଯୋଗାଇପାରୁ ନ ଥିବା ମା’ ସେମାନଙ୍କ ଦୁଃଖକଷ୍ଟ ସହ୍ୟ କରି ନ ପାରି ବିନାଶ କରିଦେବାକୁ ବି ଇଚ୍ଛାକରେ। ଏପରି ଏକ ଦୁଃଖଦ ଘଟଣା ଗୁଜରାଟର ଅହମଦାବାଦଠାରେ ଘଟିଛି। ଗୁଜରାଟର ଭାବନଗର...

ସମ୍ପାଦକୀୟ/ #ମିଟୂ ସପକ୍ଷରେ

ସମ୍ପାଦକୀୟ/ #ମିଟୂ ସପକ୍ଷରେ

ଆମେରିକୀୟ ଅଭିନେତ୍ରୀ ଆଲିସା ମିଲାନୋ ୨୦୧୭ ଅକ୍ଟୋବରରେ  ସୋସିଆଲ ମିଡିଆରେ #ମିଟୂ ନାମରେ ଯେଉଁ ଅଭିଯାନ ଆରମ୍ଭ କରିଥିଲେ ତାହା ଏବେ ଆନ୍ଦୋଳନର ରୂପ ନେଇଛି। କର୍ମସ୍ଥଳୀ ବା ଅତୀତରେ ଯେକୌଣସି ସ୍ଥାନରେ ଯଦି ଜଣେ ମହିଳା ଯୌନ ଶୋଷଣର ଶିକାର ହୋଇଥିବେ, ସେଥିରେ ନିର୍ଯାତନା ଦେଇଥିବା ପୁରୁଷଙ୍କ ମୁଖା ଖୋଲିଦେବା ହେଉଛି ଏହି ଅଭିଯାନର ମୂଳ ଲକ୍ଷ୍ୟ। ଇତିମଧ୍ୟରେ ଶହ ଶହ ଭାରତୀୟ ମହିଳା ସେମାନଙ୍କ ପ୍ରତି ହୋଇଥିବା ଦୁର୍ବ୍ୟବହାରକୁ ସାଧାରଣରେ ପ୍ରକାଶ କରି ରାଜନୀତି, ଗଣମାଧ୍ୟମ ଓ ମନୋରଞ୍ଜନ ଶିଳ୍ପ ସହ ଜଡ଼ିତ  ବିଶିଷ୍ଟ ବ୍ୟକ୍ତିଙ୍କ ଅସଲ ଚେହେରା ଖୋଲିଦେଲେଣି। ସେମାନଙ୍କ ମଧ୍ୟରେ ସାମ୍ବାଦିକରୁ ରାଜନେତା ପାଲଟିଥିବା ବହିର୍ବ୍ୟାପାର ରାଷ୍ଟ୍ରମନ୍ତ୍ରୀ ଏମ୍‌.ଜେ. ଆକବର, ସିନେମା ଦୁନିଆର ନାମକରା ବ୍ୟକ୍ତିତ୍ୱ ନାନା ପାଟେକର, ଆଲୋକ ନାଥଙ୍କ...

ନବୀନ ଆହ୍ବାନ

ନବୀନ ଆହ୍ବାନ

ଜିତେନ୍ଦ୍ର କୁମାର ନାୟକ

ନବୀନ ଏକ ଆହ୍ବାନ। ତାଙ୍କୁ ମାପିବା କଷ୍ଟକର। ଅଳ୍ପ କହୁଥିବାରୁ ଭୁଲ ବାଛି ହେଉନି। ସରଳ ଜୀବନ ବିତାଉଥିବାରୁ ବିବାଦରୁ ଦୂରରେ ଅଛନ୍ତି। ରାଜନୀତିରେ ନବୀନ ଭାବେ ପ୍ରବେଶ କରିଥିଲେ ମଧ୍ୟ ଏକନିଷ୍ଠ କର୍ମ ତାଙ୍କୁ କରିଦେଇଛି ପ୍ରବୀଣ। ପୋଖତ ଓ ପୁରୁଖା ରାଜନେତା ତାଙ୍କ ସଫଳତା ଦେଖି ତଟସ୍ଥ। ପିତା ବିଜୁ ପଟ୍ଟନାୟକଙ୍କଠାରୁ ରାଜନୀତି ଶିକ୍ଷା ପାଇବାର ସୁଯୋଗ ପାଇ ନ ଥିଲେ। ତଥାପି କେମିତି ବିରୋଧୀଙ୍କ ଆଖିରୁ ନିଦ ହଜେଇ ଦେଇପାରୁଛନ୍ତି, ତାହା ଏବେ ଓଡ଼ିଶାବାସୀଙ୍କ ମନରେ ପ୍ରଶ୍ନ ସୃଷ୍ଟି କରିଛି। ଦିନେ ଓଡ଼ିଆ ଓ ଓଡ଼ିଶାର ଲୋକଙ୍କୁ ଜାତୀୟ ଗଣମାଧ୍ୟମରେ ସେଭଳି ଦେଖିବାକୁ ମିଳୁ ନ ଥିଲା। ଆଜି ଅଧିକାଂଶ ସର୍ଭେରେ ସଫଳ ରାଜନେତା, ଶ୍ରେଷ୍ଠ ପ୍ରଶାସ...

ଓଡ଼ିଶାରେ ଶକ୍ତିପୂଜା

ଓଡ଼ିଶାରେ ଶକ୍ତିପୂଜା

ଡ. କିଶୋର ମହାନ୍ତି

ଓଡ଼ିଶା ସର୍ବଧର୍ମ ଓ ସଂସ୍କୃତିର ମହାମିଳନ ପୀଠ।  କିନ୍ତୁ ନିଜସ୍ବ ସଂସ୍କୃତି ଓ ପରମ୍ପରାକୁ ଓଡ଼ିଆ ଜାତି କେବେ ଭୁଲି ଯାଇନାହିଁ। ଓଡ଼ିଶାର ଶାକ୍ତ ପରମ୍ପରା ସୁପ୍ରାଚୀନ। ଓଡ଼ିଶାରେ ରହିଥିବା ଶକ୍ତିପୀଠଗୁଡିକ ତା’ର ଜ୍ୱଳନ୍ତ ପ୍ରମାଣ। ମାତୃକା ପୂଜା ମାନବ ସମାଜ ଯୁଗେ ଯୁଗେ କରିଆସିଛି। ‘ଜନନୀ ଜନ୍ମଭୂମିଶ୍ଚ ସ୍ବର୍ଗାଦପି ଗରୀୟସୀ’କୁ ମୂଳମନ୍ତ୍ର କରି ନିଜ ଜୀବନଧାରାରେ ମା’ର ଅମାପ ସ୍ନେହ ଓ ଶ୍ରଦ୍ଧାଳୁ ...

ଏଇ ଭାରତରେ

ଏଇ ଭାରତରେ

ପକେଟମାରଙ୍କର ବି ପରୋପକାରୀ ଗୁଣ ରହିଛି। ଟଙ୍କାପଇସା ହାତେଇବା ପରେ ଅନ୍ୟ ସାମଗ୍ରୀରେ କୌଣସି ଆବଶ୍ୟକତା ନ ଥିବାରୁ କେତେକେ ସମ୍ପୃକ୍ତ ଲୋକଙ୍କୁ ଏ ସବୁ ଫେରାଇ ଦିଅନ୍ତି। ଏଥିପାଇଁ ସେମାନେ ସିଧାସଳଖ ଯୋଗାଯୋଗ କରନ୍ତି ନାହିଁ। ବରଂ ବିଭିନ୍ନ ମାଧ୍ୟମ ଖୋଜିଥାଆନ୍ତି। ଆଉ ସବୁ ଅପେକ୍ଷା ଡାକବାକ୍ସ ହେଉଛି ସହଜ ଓ ସରଳ ମାଧ୍ୟମ। ଚେନ୍ନାଇର ପକେଟମାରମାନେ ଏହି ସହଜ ମାଧ୍ୟମକୁ...