ମେଟ୍ରୋ |

ସ୍ବର୍ଗଦ୍ୱାରରେ ହରିଶ୍ଚନ୍ଦ୍ର ଯୋଜନା : ତଦନ୍ତ କଲେ ସିଏମ୍‌ଆର୍‌ଏଫ୍‌ ନୋଡାଲ ଅଧିକାରୀ

ସ୍ବର୍ଗଦ୍ୱାରରେ ହରିଶ୍ଚନ୍ଦ୍ର ଯୋଜନା : ତଦନ୍ତ କଲେ ସିଏମ୍‌ଆର୍‌ଏଫ୍‌ ନୋଡାଲ ଅଧିକାରୀ
ପୁରୀ ଅଫିସ, ୧୪। ୧୨: ପୁରୀ ସ୍ବର୍ଗଦ୍ୱାର ଶ୍ମଶାନରେ କାର୍ଯ୍ୟକାରୀ ହରିଶ୍ଚନ୍ଦ୍ର ଯୋଜନାରେ ଅନିୟମିତତା ହେଉଥିବା ଅଭିଯୋଗ ହୋଇଆସୁଛି। ଗୁରୁବାର ରାଜ୍ୟ ସରକାରଙ୍କ ମୁଖ୍ୟମନ୍ତ୍ରୀ ରିଲିଫ ପାଣ୍ଠି (ସିଏମ୍‌ଆରଏଫ୍‌) ନୋଡାଲ ଅଫିସର ନନ୍ଦ ସେଠୀ ପୁରୀ ଆସି ତଦନ୍ତ କରିଛନ୍ତି। ପୌରସଂସ୍ଥା କାର୍ଯ୍ୟାଳୟକୁ ଯାଇ ଏନ୍‌ଫୋର୍ସମେଣ୍ଟ ଅଫିସରଙ୍କ ପ୍ରକୋଷ୍ଠରେ ହରିଶ୍ଚନ୍ଦ୍ର ଯୋଜନାର ରେକର୍ଡକୁ ଯାଞ୍ଚ କରିଛନ୍ତି। ଏହାପରେ ସ୍ବର୍ଗଦ୍ୱାରକୁ ଯାଇ ସେଠାରେ ରେକର୍ଡ ପତ୍ର ତନଖି କରିଛନ୍ତି। ମୃତକଙ୍କ ସମ୍ପର୍କୀୟଙ୍କୁ ହରିଶ୍ଚନ୍ଦ୍ର ଯୋଜନାରେ ଶବ ସତ୍କାର ନିମନ୍ତେ ୨ହଜାର ଟଙ୍କା ଦେବାର ବ୍ୟବସ୍ଥା ରହିଛି। ଏହି ଯୋଜନା ସ୍ବର୍ଗଦ୍ୱାର ଶ୍ମଶାନରେ କାର୍ଯ୍ୟକାରୀ ହେଉଛି। କିନ୍ତୁ ସ୍ବର୍ଗଦ୍ୱାରରେ ହିତାଧିକାରୀଙ୍କୁ ଏହି ଯୋଜନାରେ ସମୁଦାୟ ୨ହଜାର ଟଙ୍କା ନଗଦ ଦିଆଯାଉନାହିଁ। ୧୭ଶହ ଟଙ୍କା ମଧ୍ୟରେ ହିତାଧିକାରୀଙ୍କୁ ଦେଢ କୁଇଣ୍ଟାଲ କାଠ, ପଥଶ୍ରାଦ୍ଧ ସାମଗ୍ରୀ ଆଦି ଯୋଗାଇ ଦିଆଯାଉଛି। କେବଳ ୩ଶହ ଟଙ୍କା ହିତାଧିକାରୀଙ୍କୁ ଦିଆଯାଉଛି। ତେବେ ପୌର ନିର୍ବାହୀ ଅଧିକାରୀ ସଞ୍ଜୟ ମିଶ୍ରଙ୍କ ବଦଳି ପରେ ନଭେମ୍ବର ୧ତାରିଖରେ ଶ୍ରୀକାନ୍ତ ତରେଇ କାର୍ଯ୍ୟରେ ଯୋଗଦେଇଥିଲେ। କିନ୍ତୁ ତାଙ୍କୁ ଆର୍ଥିକ କ୍ଷମତା ମିଳିବାରେ ବିଳମ୍ବ ହେବାରୁ ବ୍ୟାଙ୍କରୁ ଅର୍ଥ ଉଠାଣ ହୋଇ ପାରି ନ ଥିଲା। ହରିଶ୍ଚନ୍ଦ୍ର ଯୋଜନା ପ୍ରଭାବିତ ହୋଇଥିଲା। ପ୍ରାୟ ୧୦ଦିନ ଧରି ହିତାଧିକାରୀଙ୍କୁ ନଗଦ ୩ଶହ ଟଙ୍କା ଦିଆଯାଉ ନ ଥିଲା। ଏପରି କି ଓଏଫଡିସିଠାରୁ ବାକିରେ କାଠ ଯୋଗାଯାଉଥିଲା। ପୂଜା ସାମଗ୍ରୀ ଦୋକାନୀ ମଧ୍ୟ ଏକରକମ ବାକିରେ ଯୋଗାଉଥିଲେ। ଏହାପରଠାରୁ ସ୍ବର୍ଗଦ୍ୱାର ହରିଶ୍ଚନ୍ଦ୍ର ଯୋଜନାରେ ଅନିୟମିତତା ଲାଗି ରହିଛି। ଦିନେ ହିତାଧିକାରୀଙ୍କୁ ନଗଦ ଅର୍ଥ ଦିଆଗଲେ ଦିନେ ବନ୍ଦ ରହୁଛି। ସ୍ବର୍ଗଦ୍ୱାର ଶ୍ମଶାନକୁ ଓଡିଶା ବନ ଉନ୍ନୟନ ନିଗମ କାଠ ଯୋଗାଉଛି। କିନ୍ତୁ ପୌରସଂସ୍ଥା ଠିକ ସମୟରେ ଅର୍ଥ ଦେଉନାହିଁ। ସେପ୍ଟେମ୍ବର ମାସର ୧୬ଲକ୍ଷ ୩୭ହଜାର ୧ଶହ, ଅକ୍ଟୋବର ମାସର ୧୭ଲକ୍ଷ ୬୫ହଜାର ୧୨୫ ଏବଂ ନଭେମ୍ବର ମାସର ୧୮ଲକ୍ଷ ୨୧ହଜାର ୬୭୫ଟଙ୍କା ବାକି ପଡିଥିଲା। ଏହି ଅର୍ଥ ଦେବାରେ ପୌରସଂସ୍ଥା ବିଳମ୍ବ କରିବାରୁ ବିବାଦୀୟ ପରିସ୍ଥିତି ଉପୁଜିଥିଲା। ସିଏମ୍‌ଆରଏଫ୍‌ ନୋଡାଲ ଅଫିସର ଏ ସବୁର ତଦନ୍ତ କରିଛନ୍ତି। ଗତ ୩ ବର୍ଷ ମଧ୍ୟରେ ପୌରସଂସ୍ଥା ହରିଶ୍ଚନ୍ଦ୍ର ଯୋଜନାରେ ୯କୋଟି ୪୮ଲକ୍ଷ ଟଙ୍କା ପାଇଛି। ସିଏମ୍‌ଆରଏଫ ନୋଡାଲ ଅଫିସର ସେଠୀ ଗଣମାଧ୍ୟମକୁ କହିଛନ୍ତି ଯେ, ଇତିମଧ୍ୟରେ ପୌରସଂସ୍ଥା ଓଏଫ୍‌ଡିସିକୁ ବକେୟା ଅର୍ଥ ପ୍ରଦାନ କରିସାରିଛି। କିନ୍ତୁ ଯୋଜନା କାର୍ଯ୍ୟକାରିତା ଏବଂ ପରିଚାଳନାଗତ ତ୍ରୁଟି ରହିଛି। ସ୍ବର୍ଗଦ୍ୱାରରେ ଯେଉଁ କାଉଣ୍ଟର କରାଯାଉଛି ସେଠାରେ ରେକର୍ଡ ପରିଚାଳନା କରାଯାଉଛି। ଏହାକୁ କମ୍ପ୍ୟୁଟରୀକରଣ କରିବାର ଆବଶ୍ୟକତା ରହିଛି। ଅନ୍ୟପକ୍ଷରେ ହିତାଧିକାରୀଙ୍କୁ କିଭଳି ଏକକାଳୀନ ନଗଦ ୨ହଜାର ଟଙ୍କା ଦିଆଯାଇପାରିବ ତାହା ମଧ୍ୟ ଚିନ୍ତା କରାଯାଉଛି ବୋଲି ସେ କହିଛନ୍ତି। ପୌରସଂସ୍ଥା ଏନ୍‌ଫୋର୍ସମେଣ୍ଟ ଅଫିସର ଶ୍ୟାମସୁନ୍ଦର ମହାପାତ୍ର କହିଛନ୍ତି, କୌଣସି ଅନିୟମିତତା ହୋଇନାହିଁ। ନିର୍ବାହୀ ଅଧିକାରୀଙ୍କ ଆର୍ଥିକ କ୍ଷମତା ନ ଥିବାରୁ କିଛି ଦିନ ହିତାଧିକାରୀଙ୍କୁ ନଗଦ ଅର୍ଥ ୩ ଶହ ଦିଆଯାଇପାରୁ ନ ଥିଲା। ବର୍ତ୍ତମାନ ଦିଆଯାଉଛି। ବ୍ରାହ୍ମଣଙ୍କ ଦକ୍ଷିଣା ଏବଂ ଶବ ସତ୍କାର ପାଇଁ ହିତାଧିକାରୀଙ୍କୁ ନଗଦ ୩ଶହ ଟଙ୍କା ଦିଆଯାଉଛି। ବର୍ତ୍ତମାନ ନଗଦ ଅର୍ଥ କିଛି ହିତାଧିକାରୀଙ୍କୁ ନ ଦେବା ଲାଗି ଚିନ୍ତା କରାଯାଉଛି। ବ୍ରାହ୍ମଣ ଓ ଶବଦାହ କରୁଥିବା ବ୍ୟକ୍ତି ହିତାଧିକାରୀଙ୍କୁ ଅର୍ଥ ମାଗିବେନି। ସେମାନଙ୍କୁ ଏହି ଯୋଜନାରୁ ଅର୍ଥ ଦେବା ଲାଗି ଚିନ୍ତା କରାଯାଉଛି। ସେମାନଙ୍କୁ ଡାକି ଆଲୋଚନା ପରେ ନିଷ୍ପତ୍ତି ନିଆଯିବ। ସ୍ବର୍ଗଦ୍ୱାର କାଉଣ୍ଟରକୁ କମ୍ପ୍ୟୁଟରୀକରଣ କରାଯିବାର ଆବଶ୍ୟକତା ରହିଛି ବୋଲି ସେ କହିଛନ୍ତି।
All Right Reserved By

ମେଟ୍ରୋ |

ଜଙ୍ଗଲରୁ ଯୁବକଙ୍କ ମୃତଦେହ ଉଦ୍ଧାର

ଜଙ୍ଗଲରୁ ଯୁବକଙ୍କ ମୃତଦେହ ଉଦ୍ଧାର

କାକଟପୁର, ୨୨।୧୦(ଡି.ଏନ.ଏ.): ଅସ୍ତରଙ୍ଗ ଉପକୂଳର ଡାଳୁଅକଣି ଝାଉଁ ଜଙ୍ଗଲରୁ ଝୁଲନ୍ତା ଅବସ୍ଥାରେ ଜଣେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି। 

କରମଙ୍ଗା ଗଛରେ ଜଗନ୍ନାଥ

କରମଙ୍ଗା ଗଛରେ ଜଗନ୍ନାଥ

ଫୁଲନଖରା, ୨୨।୧୦(ଡି.ଏନ.ଏ.): ବ୍ରାହ୍ମଣ ଝରିଲୋ ନର ନାରାୟଣ ମଠରେ ଥିବା ଏକ କରମଙ୍ଗା ଗଛରେ ଜଗନ୍ନାଥ ଙ୍କ ମୂର୍ତ୍ତି ସଦୃଶ ଏକ ଆକୃତି ଥିବା ଜଣାପଡ଼ିଛି।

କ୍ୟାପିଟାଲ ହସ୍ପିଟାଲ ସମ୍ମୁଖରେ ହାଇଡ୍ରାମା: ପ୍ରେମିକାଙ୍କୁ ନେଇ ସ୍ବାମୀ-ସ୍ତ୍ରୀ ହାତାହାତି

କ୍ୟାପିଟାଲ ହସ୍ପିଟାଲ ସମ୍ମୁଖରେ ହାଇଡ୍ରାମା: ପ୍ରେମିକାଙ୍କୁ ନେଇ ସ୍ବାମୀ-ସ୍ତ୍ରୀ ହାତାହାତି

ଭୁବନେଶ୍ୱର, ୨୨।୧୦(ବ୍ୟୁରୋ)- ପରକୀୟା ପ୍ରୀତିକୁ କେନ୍ଦ୍ରକରି ରବିବାର ଅପରାହ୍ନରେ କ୍ୟାପିଟାଲ ହସ୍ପିଟାଲ ସମ୍ମୁଖରେ ଏକ ହାଇଡ୍ରାମା ଦେଖିବାକୁ ମିଳିଛି।

କମୁଛି ଚିଲିକା ମାଛ ଉତ୍ପାଦନ: ଅନ୍ତର୍ଜାତୀୟ ବଜାରକୁ ରପ୍ତାନି ବଢ଼ାଉଛି ଦର

କମୁଛି ଚିଲିକା ମାଛ ଉତ୍ପାଦନ: ଅନ୍ତର୍ଜାତୀୟ ବଜାରକୁ ରପ୍ତାନି ବଢ଼ାଉଛି ଦର

ଖୋର୍ଦ୍ଧା ଅଫିସ,୨୨।୧୦: ସରୁଜାଲ ପକାଇ ସବୁବେଳେ ମାଛ ଯାଅଁାଳ ଧରିବା ଦ୍ୱାରା ଚିଲିକାରେ ମାଛ, ଚିଙ୍ଗୁଡି ଓ କଙ୍କଡା ଉତ୍ପାଦନ କମିବାରେ ଲାଗିଛି। ଫଳରେ ସମୁଦ୍ରରୁ ଆସୁଥିବା ମାଛ ଚିଲିକାକୁ ନ ଆସି  ମୁହାଣ ନିକଟରେ ଅଟକି ରହି ଯାଉଛନ୍ତି।

ପୁରୀ ସରକାରୀ ମେଡିକାଲ କଲେଜ: ଆସନ୍ତା ଶିକ୍ଷାବର୍ଷରୁ ପାଠପଢ଼ା ହେବାନେଇ ଅନିଶ୍ଚିତତା

ପୁରୀ ସରକାରୀ ମେଡିକାଲ କଲେଜ: ଆସନ୍ତା ଶିକ୍ଷାବର୍ଷରୁ ପାଠପଢ଼ା ହେବାନେଇ ଅନିଶ୍ଚିତତା

ପୁରୀ ଅଫିସ,୨୨।୧୦ : ପୁରୀ ସରକାରୀ ମେଡିକାଲ କଲେଜରେ ପାଠପଢ଼ା ଆରମ୍ଭ ହେବାନେଇ ସମୟ ଗଡ଼ି ଚାଲିଛି। ନିର୍ମାଣ କାର୍ଯ୍ୟ ଏ ପର୍ଯ୍ୟନ୍ତ ଶେଷ ହୋଇ ନ ଥିବାବେଳେ ଆହୁରି ୨୦ ପ୍ରତିଶତ ବାକି ରହିଛି। 

୫୯ତମ ପୋଲିସ ଶହୀଦ ଦିବସ: ‘ଶହୀଦଙ୍କ ନିଷ୍ଠାପର ତ୍ୟାଗ ପ୍ରେରଣାର ଉତ୍ସ’

ପୁରୀ ଅଫିସ,୨୧ା୧୦ : ଶହୀଦଙ୍କ ନିଷ୍ଠା ଓ ତ୍ୟାଗ ଆମ ପାଇଁ ପ୍ରେରଣାର ଉତ୍ସ। ଦେଶ ମାତୃକା ଲାଗି ବଳିଦାନ ଦେଇଥିବା ଶହୀଦମାନେ ହେଉଛନ୍ତି ଦେଶର ଆଦର୍ଶ। 

ପୁରୀ ହିଂସା : ଗିରଫ ସଂଖ୍ୟା ୮୬ ଟପିଲା

ପୁରୀ ହିଂସା : ଗିରଫ ସଂଖ୍ୟା ୮୬ ଟପିଲା

ପୁରୀ ଅଫିସ,୨୨।୧୦ : ପୁରୀ ହିଂସା ମାମଲାରେ ବର୍ତ୍ତମାନ ସୁଦ୍ଧା ୮୬ଜଣ ଗିରଫ ହୋଇଛନ୍ତି। ଏଥିମଧ୍ୟରେ ସିଂହଦ୍ୱାର ଥାନା ପକ୍ଷରୁ ୪୫ ଓ ଟାଉନଥାନା ପୋଲିସ ୪୧ଜଣଙ୍କୁ ଗିରଫ କରିଥିବା ଏସ୍‌ପି ଡା.ସାର୍ଥକ ଷଡ଼ଙ୍ଗୀ କହିଛନ୍ତି।

୨୪ରୁ କୁମାର ଉତ୍ସବ: ନୃତ୍ୟ, ଗୀତରେ ଝୁମିବ ପୁରୀ ସହର

ପୁରୀ ଅଫିସ,୨୨।୧୦: ଆସନ୍ତା ୨୪ ତାରିଖରେ କୁମାର ପୂର୍ଣ୍ଣିମା। ଓଡ଼ିଶାର ଏହି ବିଶେଷ ପର୍ବ ଉପଲକ୍ଷେ  ପୁରୀର ବଡ଼ଦାଣ୍ଡ, ବେଳାଭୂମି ସମେତ ବିଭିନ୍ନ ସ୍ଥାନରେ କୁମାର ଉତ୍ସବ ବେଶ୍‌ ଧୁମ୍‌ଧାମରେ ଅନୁଷ୍ଠିତ ହେବ। 

ଉଦ୍ଧାର ବେଳେ ଫରେଷ୍ଟରଙ୍କୁ ଚୋଟ ମାରିଲା ନାଗ

ଉଦ୍ଧାର ବେଳେ ଫରେଷ୍ଟରଙ୍କୁ ଚୋଟ ମାରିଲା ନାଗ

ପୁରୀ ଅଫିସ,୨୨।୧୦: ପୁରୀ ସହର ଉପକଣ୍ଠ ଛଇତନା ନିକଟ ପୁଟୁପଡ଼ା ଗଁାର ଜଣେ ବ୍ୟକ୍ତି ଗାଈଗୋରୁ ଦାଉରୁ ଫସଲକୁ ରକ୍ଷା କରିବା ପାଇଁ ଜମି ଚାରିପଟେ ଜାଲ ଘେରାଇଥିଲେ।

ଦାଦାବଟି ନେଇ ଅଭିଯୋଗ କରିବାରୁ ଥାନା ନିକଟରେ ସିରିଜ ବୋମାମାଡ଼

ଦାଦାବଟି ନେଇ ଅଭିଯୋଗ କରିବାରୁ ଥାନା ନିକଟରେ ସିରିଜ ବୋମାମାଡ଼

ପୁରୀ ଅଫିସ, ୨୨।୧୦ : ଦାଦା ବଟିକୁ ନେଇ ଥାନାରେ ଅଭିଯୋଗ କରିବାରୁ ଦୁର୍ବୃତ୍ତମାନେ ପୁରୀ ବଳିଆପଣ୍ଡା ଥାନା ଅନ୍ତର୍ଗତ ମଙ୍ଗଳା ବସ୍ତିରେ ପଶି ଆତଙ୍କ ଖେଳାଇଛନ୍ତି। 

କୋଣାର୍କରେ ବିଜେଡିର ଜନ ସମ୍ପର୍କ ପଦଯାତ୍ରା

କୋଣାର୍କରେ ବିଜେଡିର ଜନ ସମ୍ପର୍କ ପଦଯାତ୍ରା

କୋଣାର୍କ,୨୧।୧୦(ଡି.ଏନ୍‌.ଏ.): କାକଟପୁର  ନିିର୍ବାଚନ ମଣ୍ଡଳୀ ଅଧୀନ କୋଣାର୍କ ଏନ୍‌ଏସିରେ ବିଜୁ ଜନତା ଦଳ ପକ୍ଷରୁ ରବିବାର ଜନ ସମ୍ପର୍କ ପଦଯାତ୍ରା ଅନୁଷ୍ଠିତ ହୋଇଯାଇଛି।

ତିତ୍‌ଲି ଦ୍ୱାରା କ୍ଷତିଗ୍ରସ୍ତ ବିଦ୍ୟୁତ୍‌ ଭିତ୍ତିଭୂମିର ପୁନଃସ୍ଥାପନା ଜାରି, ୨୦୦୦ କର୍ମଚାରୀ ନିୟୋଜିତ

ତିତ୍‌ଲି ଦ୍ୱାରା କ୍ଷତିଗ୍ରସ୍ତ ବିଦ୍ୟୁତ୍‌ ଭିତ୍ତିଭୂମିର ପୁନଃସ୍ଥାପନା ଜାରି, ୨୦୦୦ କର୍ମଚାରୀ ନିୟୋଜିତ

ଭୁବନେଶ୍ୱର,୨୧।୧୦(ବ୍ୟୁରୋ)-ତିତ୍‌ଲି ଦ୍ୱାରା କ୍ଷତିଗ୍ରସ୍ତ ହୋଇଥିବା ଦକ୍ଷିଣ ଓଡ଼ିଶାର ବିଦ୍ୟୁତ୍‌ ଭିତ୍ତିଭୂମିକୁ ଯୁଦ୍ଧକାଳୀନ ଭିତ୍ତିରେ ସଜାଡିବା ପାଇଁ ଶକ୍ତି ବିଭାଗ ଉଦ୍ୟମ ଅବ୍ୟାହତ ରଖିଛି। ଯେଉଁଭଳି ଭାବେ କ୍ଷତିଗ୍ରସ୍ତ ହୋଇଥିଲା, ସାଧାରଣ ଭାବେ ତାହାର ପୁନରୁଦ୍ଧାର ପାଇଁ ୬ ମାସ ସମୟ ଲାଗିଥାନ୍ତା।