Dharitri News
ରାଜ୍ୟ |

ବିଦ୍ୟାଳୟକୁ ମିଳିବ ସୌରଶକ୍ତି: ୧୦ହଜାର ଇକୋ-କ୍ଲବ ଥିବା ବିଦ୍ୟାଳୟକୁ ପ୍ରାଥମିକତା

ବିଦ୍ୟାଳୟକୁ ମିଳିବ ସୌରଶକ୍ତି: ୧୦ହଜାର ଇକୋ-କ୍ଲବ ଥିବା ବିଦ୍ୟାଳୟକୁ ପ୍ରାଥମିକତା ଭୁବନେଶ୍ୱର, ୧୪।୧୨(ବ୍ୟୁରୋ)- ଶକ୍ତି ସଂରକ୍ଷଣ କ୍ଷେତ୍ରରେ ଓଡ଼ିଶା ବହୁ ଆଗରେ ରହିଛି। ଅନ୍ୟ ରାଜ୍ୟ ତୁଳନାରେ ଓଡ଼ିଶାରେ ଅଧିକ ଶକ୍ତି ସଂରକ୍ଷଣ କରାଯାଉଛି। ସୋଲାର ଏନର୍ଜି ତଥା ସୌରଶକ୍ତିର ବ୍ୟବହାର ଉପରେ ରାଜ୍ୟ ସରକାର ଗୁରୁତ୍ୱ ଦେଉଛନ୍ତି। ଇକୋ କ୍ଲବ୍‌ ଥିବା ରାଜ୍ୟର ୧୦ ହଜାର ବିଦ୍ୟାଳୟକୁ ସୌରଶକ୍ତିରେ ପରିଚାଳିତ କରିବା ଲାଗି ଆଲୋଚନା ଚାଲିଛି। ଜଙ୍ଗଲ ଓ ପରିବେଶ ବିଭାଗ ସହ ମିଶି ଶକ୍ତି ବିଭାଗ ଆଗାମୀ ଦିନରେ ଏହି କାର୍ଯ୍ୟ ହାତକୁ ନେବ। ସେହିଭଳି ରାଜ୍ୟରେ ଏବେ ୬୬ଲକ୍ଷ ବିଜୁଳି ଉପଭୋକ୍ତା ରହିଥିବା ବେଳେ ଆଗାମୀ ଦିନରେ ଏହାକୁ ୧କୋଟିରେ ପହଞ୍ଚାଇବାକୁ ଲକ୍ଷ୍ୟ ରଖାଯାଇଥିବା କହିଛନ୍ତି ଶକ୍ତି ମନ୍ତ୍ରୀ ପ୍ରଫୁଲ୍ଲ କୁମାର ମଲ୍ଲିକ। ଜାତୀୟ ଶକ୍ତି ସଂରକ୍ଷଣ ଦିବସ ଅବସରରେ ଗୁରୁବାର ସୂଚନାଭବନଠାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟଅତିଥିଭାବେ ଯୋଗଦେଇ ମନ୍ତ୍ରୀ ମଲ୍ଲିକ କହିଥିଲେ, ଶକ୍ତି ସଂରକ୍ଷଣ ପାଇଁ ସଚେତନତା କାର୍ଯ୍ୟକ୍ରମ କରାଯାଉଛି। ଲୋକଙ୍କ ମନୋଭାବରେ ପରିବର୍ତ୍ତନ ଅଣାଯାଉଛି। ଏଥିପାଇଁ ବ୍ଲକ ଓ ଜିଲାସ୍ତରରେ କାର୍ଯ୍ୟକ୍ରମ ହେଉଛି। ପରିବେଶ ଅନୁକୂଳ ଶକ୍ତିଉତ୍ସର ଉଦାହରଣ ଦେଇ ମନ୍ତ୍ରୀ କହିଥିଲେ, ୧୦ବର୍ଷ ତଳେ ଜର୍ମାନରେ ୯୦% ଥର୍ମାଲ ଏନର୍ଜି ଏବଂ ମାତ୍ର ୧୦% ଗ୍ରୀନ୍‌ ଏନର୍ଜି ବ୍ୟବହାର ହେଉଥିଲା। ଏବେକିନ୍ତୁ ସେଠାରେ ୯୦% ବିଦ୍ୟୁତ୍‌ ଗ୍ରୀନ୍‌ ଏନର୍ଜି ଉତ୍ସରୁ ଆସୁଛି। ଜର୍ମାନ ଭଳି ଓଡ଼ିଶାରେ କିଭଳି ଅଧିକରୁ ଅଧିକ ଗ୍ରୀନ୍‌ ଏନର୍ଜି ବ୍ୟବହାର କରାଯାଇପାରିବ ରାଜ୍ୟ ସରକାର ତାହା ଉପରେ ଗୁରୁତ୍ୱ ଦେଉଛନ୍ତି। ଶକ୍ତି ବିଭାଗ ସଚିବ ହେମନ୍ତ ଶର୍ମା ସମ୍ମାନିତ ଅତିଥିଭାବେ ଯୋଗଦେଇ କହିଲେ, ସୌରଶକ୍ତି ଓ ପବନଶକ୍ତି ଉପରେ ଗୁରୁତ୍ୱ ଦେବାର ସମୟ ଆସିଛି। ବିଦ୍ୟୁତ୍‌ ଅପଚୟ ରୋକିବା ଦିଗରେ ସମସ୍ତେ ସଚେତନ ହେବା ଜରୁରୀ। ସେଣ୍ଟର ଫର୍‌ ଏନଭାଇରନ୍‌ମେଣ୍ଟାଲ ଷ୍ଟଡିଜ୍‌ର ନିର୍ଦ୍ଦେଶକ ଆଶୁତୋଷ ଦେବତା କହିଥିଲେ, ଦେଶ ଲାଗି ପ୍ରଦୂଷଣ, ଜନସଂଖ୍ୟା ବୃଦ୍ଧି ଏବଂ ଶକ୍ତି ଅଭାବ ପ୍ରମୁଖ ସମସ୍ୟାଭାବେ ଉଭାହୋଇଛି। ୨୦୩୦ ସୁଦ୍ଧା କୋଇଲା ଏବଂ ୨୦୫୦ ସୁଦ୍ଧା ପେଟ୍ରୋଲ ସରିଯିବାର ଆଶଙ୍କା ରହିଛି। ତାହାକୁ ଦୃଷ୍ଟିରେ ରଖି ଏବେଠାରୁ ସଚେତନ ହେବାକୁ ପଡିବ। ୨୦୧୮ ମଧ୍ୟରେ ଇକୋ କ୍ଲବ୍‌ ଥିବା ୧୦ ହଜାର ବିଦ୍ୟାଳୟରେ ସୋଲାର ବ୍ୟବସ୍ଥା କରିବାକୁ ସେ ପ୍ରସ୍ତାବ ଦେଇଥିଲେ। ଶକ୍ତି ବିଭାଗ ଅଧିକାରୀ ଡ. ସି. ସାହୁ ସ୍ବାଗତଭାଷଣ ଦେଇଥିବା ବେଳେ ଜେ.ପି. ସ୍ବାଇଁ ଧନ୍ୟବାଦ ଅର୍ପଣ କରିଥିଲେ। ୪୫ ହଜାର ଛାତ୍ରୀଛାତ୍ରଙ୍କୁ ନେଇ ବ୍ଲକ୍‌, ଜିଲା ଓ ରାଜ୍ୟସ୍ତରରେ ଆୟୋଜିତ ପ୍ରତିଯୋଗିତାର କୃତି ପ୍ରତିଯୋଗୀ ଏବଂ ରାଜ୍ୟର ଶକ୍ତି ସଂରକ୍ଷଣ କ୍ଷେତ୍ରରେ କାର୍ଯ୍ୟ କରିଥିବା ବିଭିନ୍ନ ସଂସ୍ଥାକୁ ପୁରସ୍କୃତ କରାଯାଇଥିଲା। ଶକ୍ତି ସଂରକ୍ଷଣ ଦିବସ ଅବସରରେ ସକାଳେ ଛାତ୍ରୀଛାତ୍ରଙ୍କୁ ନେଇ ଏକ ଶୋଭାଯାତ୍ରା କଳିଙ୍ଗ ଷ୍ଟାଡିୟମ୍‌ରୁ ବାହାରି ସୂଚନାଭବନ ପର୍ଯ୍ୟନ୍ତ ଆସିଥିଲା।

ରାଜ୍ୟ |

ଭାଜପାରେ ସାମିଲ ହେଲେ ମିହିର, ଅନୁ, ରମାରଞ୍ଜନ

ଭାଜପାରେ ସାମିଲ ହେଲେ ମିହିର, ଅନୁ, ରମାରଞ୍ଜନ

ଭୁବନେଶ୍ୱର, ୨୦।୧(ବ୍ୟୁରୋ): ସାଧାରଣ ନିର୍ବାଚନକୁ ଦେଢ଼ ବର୍ଷରୁ କମ୍‌ ସମୟ ଥିବାରୁ ବିଭିନ୍ନ ରାଜନୈତିକ ଦଳରେ କର୍ମୀ ମିଶିବା, ଛାଡିବା ପର୍ବ ଆରମ୍ଭ ହୋଇଛି। ଅଭିନେତା ମିହିର ଦାସ, ଅଭିନେତ୍ରୀ ଅନୁ ଚୌଧୁରୀ ଏବଂ ସତ୍ୟବାଦୀ ପୂର୍ବତନ ବିଧାୟକ ରମାରଞ୍ଜନ ବଳିଆରସିଂ ବିଧିବଦ୍ଧ ଭାବେ ଶନିବାର ଭାଜପାରେ ଯୋଗଦାନ କରିଛନ୍ତି।

ଏମ୍‌ଆର୍‌ ଟିକାକରଣ ଅଭିଯାନ ପ୍ରସ୍ତୁତି ବୈଠକ

ଏମ୍‌ଆର୍‌ ଟିକାକରଣ ଅଭିଯାନ ପ୍ରସ୍ତୁତି ବୈଠକ

ଭୁବନେଶ୍ୱର, ୨୦।୧(ବ୍ୟୁରୋ): ରାଜ୍ୟର ସମସ୍ତ ଜିଲାରେ ମିଳିମିଳା ଓ ଜର୍ମାନ୍‌ ମିଳିମିଳା ଟିକାକରଣ ଅଭିଯାନ ଆସନ୍ତା ୨୯ ତାରିଖରୁ ଆରମ୍ଭ ହେବ। ଏହି ଟିକା ୯ ମାସରୁ ୧୫ ବର୍ଷ ବୟସର ପିଲାମାନଙ୍କୁ ଦିଆଯିବ। ପ୍ରଥମ ଥର ପାଇଁ ଏହି ଗୁରୁତ୍ୱପୂର୍ଣ୍ଣ ଟିକାକରଣ କରାଯାଉଥିବାରୁ ଶନିବାର ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ କମିଶନର ତଥା ଶାସନ ସଚିବ ଡ. ପ୍ରମୋଦ କୁମାର ମେହେର୍ଦ୍ଦାଙ୍କ ଅଧ୍ୟକ୍ଷତାରେ ଏହାର ପ୍ରସ୍ତୁତିକୁ ନେଇ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଛି।

୨୪ ପୋଲିସ ଅଧିକାରୀ ସମ୍ବର୍ଦ୍ଧିତ

କଟକ ଅଫିସ, ୨୦।୧: ୨୪ ପୋଲିସ ଅଧିକାରୀଙ୍କୁ ଶନିବାର କ୍ରାଇମବ୍ରାଞ୍ଚର ମୁଖ୍ୟ କାର୍ଯ୍ୟାଳୟରେ ସମ୍ବର୍ଦ୍ଧିତ କରାଯାଇଛି। ପୋଲିସ ଡିଜି ଆର୍‌. ପି ଶର୍ମା ଉପସ୍ଥିତ ରହି ଏହି ସମ୍ବର୍ଦ୍ଧନା କରିଛନ୍ତି। ଗୁରୁତ୍ୱପୂର୍ଣ୍ଣ ମାମଲାଗୁଡିକର ଉନ୍ନତମାନର ତଦନ୍ତ ପାଇଁ ଏହି ସମ୍ବର୍ଦ୍ଧନା ଦିଆଯାଇଛି।

ଖୁବ୍‌ଶୀଘ୍ର ରିପୋର୍ଟ ଦେବେ ପ୍ରମିଳା

ଖୁବ୍‌ଶୀଘ୍ର ରିପୋର୍ଟ ଦେବେ ପ୍ରମିଳା

ଭୁବନେଶ୍ୱର, ୨୦।୧(ବ୍ୟୁରୋ): କେନ୍ଦ୍ରାପଡା ସାଂସଦ ବୈଜୟନ୍ତ ପଣ୍ଡା ଏବଂ କର୍ମୀମାନଙ୍କ ମଧ୍ୟରେ ଦେଖାଦେଇଥିବା ବିବାଦର ଶିଘ୍ର ହେବ ସମାଧାନ। ଏ ନେଇ ସୂଚନା ଦେଇଛନ୍ତି କେନ୍ଦ୍ରାପଡ଼ା ପର୍ଯ୍ୟବେକ୍ଷକ ପ୍ରମିଳା ମଲ୍ଲିକ।

ଜଣଙ୍କ ମୃତଦେହ ଉଦ୍ଧାର, ଜଣେ ନିଖୋଜ

ଜଣଙ୍କ ମୃତଦେହ ଉଦ୍ଧାର, ଜଣେ ନିଖୋଜ

ପୁରୀ ଅଫିସ, ୨୦।୧: ପୁରୀ ସମୁଦ୍ରରେ ଗାଧୋଉଥିବା ବେଳେ ନିଖୋଜ ଥିବା ୨ କ୍ରିକେଟ ଖେଳାଳିଙ୍କ ମଧ୍ୟରୁ ଜଣଙ୍କ ମୃତଦେହ ଶନିବାର ଉଦ୍ଧାର କରାଯାଇଛି।

ଆଠ ଧାଡ଼ିର ରିପୋର୍ଟ ପାଇଁ ୪୦ ସପ୍ତାହ ସମୟ

କଟକ ଅଫିସ, ୧୯।୧- କନ୍ଧମାଳ ଜିଲାର ଆଶ୍ରମ ସ୍କୁଲଗୁଡିକରେ ମ୍ୟାଲେରିଆ ବ୍ୟାପୁଥିବା ନେଇ ଦାଏର ହୋଇଥିବା ଏକ ମାମଲାରେ ଓଡ଼ିଶା ମାନବାଧିକାର କମିଶନ ରିପୋର୍ଟ ତଲବ କରିଥିଲେ। ୪ ସପ୍ତାହ ମଧ୍ୟରେ ରିପୋର୍ଟ ଦାଖଲ ପାଇଁ କମିଶନ କନ୍ଧମାଳ ଜିଲାପାଳ ଓ ଜିଲା ମୁଖ୍ୟ ଚିକିତ୍ସା ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ । କିନ୍ତୁ ଏତେବଡ଼ ସମ୍ବେଦନଶୀଳ ମାମଲାରେ ଏଇ ଦୁଇ ଅଫିସର ୪ ସପ୍ତାହ ବଦଳରେ ୧୦ ମାସ ଅର୍ଥାତ୍‌ ୪୦ ସପ୍ତାହରୁ ଅଧିକ ସମୟ ନେଇଛନ୍ତି।

୧୨୧ଟି ଟେଣ୍ଡରକୁ ଅସିଦ୍ଧ କଲେ ହାଇକୋର୍ଟ

୧୨୧ଟି ଟେଣ୍ଡରକୁ ଅସିଦ୍ଧ କଲେ ହାଇକୋର୍ଟ

କଟକ ଅଫିସ, ୧୯।୧- କୋରାପୁଟ ଜିଲାରେ ପ୍ରଧାନମନ୍ତ୍ରୀ ଗ୍ରାମ ସଡ଼କ ନିର୍ମାଣ ଯୋଜନାରେ ହୋଇଥିବା ଟେଣ୍ଡର ପ୍ରକ୍ରିୟାରେ ବ୍ୟାପକ ଜାଲିଆତି କରାଯାଇଛି। ଏ ସମ୍ପର୍କିତ ଆଗତ ମାମଲାର ବିଚାର କରି ହାଇକୋର୍ଟ ୧୨୧ଟି ଟେଣ୍ଡରକୁ ଅସିଦ୍ଧ ଘୋଷଣା କରିଛନ୍ତି।

ପ୍ରାଚୀକୂଳରେ ୪ ହଜାର ବର୍ଷ ତଳ ସଭ୍ୟତାର ସନ୍ଧାନ

ପ୍ରାଚୀକୂଳରେ ୪ ହଜାର ବର୍ଷ ତଳ ସଭ୍ୟତାର ସନ୍ଧାନ

ଭୁବନେଶ୍ୱର, ୧୯।୧(ବ୍ୟୁରୋ)- ନିଆଳି ନିକଟ ପ୍ରାଚୀନଦୀ କୂଳ ଭାରତୀହୁଡାରେ ପୁରାତନ ସଭ୍ୟତାର ଅନୁସନ୍ଧାନ କରୁଥିବା ଭୁବନେଶ୍ୱରସ୍ଥିତ ପ୍ରନତ୍ତାତ୍ତ୍ବିକ ସର୍ବେକ୍ଷଣ ସଂସ୍ଥା(ଏଏସ୍‌ଆଇ) ଉତ୍‌ଖନନ ଶାଖା-୪କୁ ମିଳିଛି ସଫଳତା।

କମ୍ପ୍ୟୁଟରୀକରଣ ହେବ ସ୍ବାସ୍ଥ୍ୟସେବା ସମ୍ପର୍କିତ ତଥ୍ୟ

କମ୍ପ୍ୟୁଟରୀକରଣ ହେବ ସ୍ବାସ୍ଥ୍ୟସେବା ସମ୍ପର୍କିତ ତଥ୍ୟ

ଭୁବନେଶ୍ୱର, ୧୯।୧(ବ୍ୟୁରୋ)- ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ରାଜ୍ୟରେ ଥିବା ସ୍ବାସ୍ଥ୍ୟକେନ୍ଦ୍ରଗୁଡିକରେ ଓଡ଼ିଶା ଇ-ହସ୍ପିଟାଲ ମ୍ୟାନେଜମେଣ୍ଟ୍‌ ଇନ୍‌ଫର୍ମେଶନ୍‌ ସିଷ୍ଟମ(ଓଇଏଚ୍‌ଏମ୍‌ଆଇଏସ୍‌) ବ୍ୟବସ୍ଥା କାର୍ଯ୍ୟକାରୀ ହେବ।

ଆସିବ ପର୍ଯ୍ୟଟନ ଆଇନ

ଆସିବ ପର୍ଯ୍ୟଟନ ଆଇନ

ଭୁବନେଶ୍ୱର, ୧୯।୧(ବ୍ୟୁରୋ)- ପର୍ଯ୍ୟଟକଙ୍କୁ ଦୁର୍ବ୍ୟବହାର କଲେ ନିଆଯିବ କଠୋର କାର୍ଯ୍ୟାନୁଷ୍ଠାନ। ଜେଲ୍‌ଦଣ୍ଡ ସହ ଜରିମାନା ଆଦାୟ ହେବ। ବିଦେଶୀ ପର୍ଯ୍ୟଟକଙ୍କୁ ହଇରାଣ ହରକତ କିମ୍ବା ଠକିଲେ କଠୋର ଦଣ୍ଡ ଦିଆଯିବ।

ପଦ୍ମ ଧରିବେ ମିହିର, ଅନୁ, ରମାରଞ୍ଜନ

ପଦ୍ମ ଧରିବେ ମିହିର, ଅନୁ, ରମାରଞ୍ଜନ

ଭୁବନେଶ୍ୱର, ୧୯।୧(ବ୍ୟୁରୋ): ଅଭିନେତା ମିହିର ଦାସ, ଅଭିନେତ୍ରୀ ଅନୁ ଚୌଧୁରୀ ଏବଂ ସତ୍ୟବାଦୀ ପୂର୍ବତନ ବିଧାୟକ ରମାରଞ୍ଜନ ବଳିଆର ସିଂହ ଭାଜପାରେ ଯୋଗଦେବେ।

ଭାଜପାର ମିଶନ ଓଡ଼ିଶାରେ ସାମିଲ ହେଲେ ରମାରଞ୍ଜନ

ଭାଜପାର ମିଶନ ଓଡ଼ିଶାରେ ସାମିଲ ହେଲେ ରମାରଞ୍ଜନ

ସାକ୍ଷୀଗୋପାଳ, ୧୯।୧(ଡି.ଏନ୍‌.ଏ.): ପୁରୀ ଜିଲା ସତ୍ୟବାଦୀର ପୁର୍ବତନ ବିଧାୟକ ରମାରଞ୍ଜନ ବଳିୟାରସିଂହ ବିଜେଡି ଛାଡ଼ିବା ପରେ ଭାଜପାରେ ମିଶିବା ନିଶ୍ଚିତ ହୋଇଛି। ଶନିବାର ଭାଜପାର ରାଜ୍ୟ କାର୍ଯ୍ୟାଳୟରେ ମିଶ୍ରଣ ପର୍ବ ଅନୁଷ୍ଠିତ ହେବ।