ରାୟଗଡା

ବନ୍ଧୁପତ୍ନୀଙ୍କ ଅଶ୍ଳୀଳ ଫଟୋ ଉଠାଇ ବ୍ଲାକମେଲିଂ:ଯୁବକ ଗିରଫ

ବନ୍ଧୁପତ୍ନୀଙ୍କ  ଅଶ୍ଳୀଳ ଫଟୋ ଉଠାଇ ବ୍ଲାକମେଲିଂ:ଯୁବକ ଗିରଫ
ଗୁଣପୁର, ୧୨।୧୨(ଡି.ଏନ.ଏ)- ବନ୍ଧୁ ପତ୍ନୀଙ୍କୁ ଅସଦ୍‌ ବ୍ୟବହାର କରିବା ସହ ମୋବାଇଲରେ ଅଶ୍ଳୀଳ ଫଟୋ ଉଠାଇ ବ୍ଲାକମେଲ କରିବା ଘଟଣାରେ ଗୁଣପୁର ପୋଲିସ ଜଣେ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି। ଗୁଣପୁର ଥାନା ଅଧୀନ କାରିଣିଗୁଡା ଗ୍ରାମରେ ଏଭଳି ଅଶୋଭନୀୟ ଘଟଣା ଘଟିଛି । ସ୍ବାମୀଙ୍କ ଉପସ୍ଥିତିରେ ତାଙ୍କର ଜଣେ ବନ୍ଧୁ ଜି. ସନ୍ତୋଷ ମହିଳା ଜଣଙ୍କ ସହ ଶାରୀରିକ ସମ୍ପର୍କ ରଖିବାକୁ ଉଦ୍ୟମ କରିଥିଲେ । ଏହାକୁ ବାରଣ କରିବାରୁ ଅଜାଣତରେ ସନ୍ତୋଷ ତାଙ୍କ ଫଟୋ ଉଠାଇଥିଲେ । ଏହି ଫୋଟ ଦେଖାଇ ମୋତ ବ୍ଲାକମେଲିଂ କରୁଥିବା ମହିଳା ଜଣଙ୍କ ଅଭିଯୋଗ କରିଥିଲେ । ଶାରୀରିକ ସଂପର୍କ ନ ରଖିଲେ ଫଟୋଗୁଡିକ ବାହାରକୁ ଛାଡିଦେବାକୁ ସନ୍ତୋଷ ଧମକ ଦେଉଥିଲେ । ଏପରିକି ଫଟୋ ଗୁଡିକ ଡିଲିଟ କରିବା ପାଇଁ ୧୫ହଜାର ଟଙ୍କା ମଧ୍ୟ ସେ ଦାବି କରିଥିଲେ । ବାଧ୍ୟହୋଇ ମହିଳା ଜଣଙ୍କ ରବିବାର ଗୁଣପୁର ଥାନାର ଆଶ୍ରୟ ନେଇଥିଲେ । ତାଙ୍କ ଅଭିଯୋଗକୁ ଆଧାର କରି ସୋମବାର ସନ୍ତୋଷଙ୍କୁ ଗିରଫ କରାଯାଇଥିବା ନେଇ ଗୁଣପୁର ଆଇଆଇସି ନିର୍ମଳଚନ୍ଦ୍ର ପାଣିଗ୍ରାହୀ ସୂଚନା ଦେଇଛନ୍ତି ।
All Right Reserved By

ରାୟଗଡା

ଉପାନ୍ତ ଅଞ୍ଚଳର ସମସ୍ୟା, ଶିକ୍ଷା ବ୍ୟବସ୍ଥା ତଦାରଖ କଲେ ବ୍ଲକ ଅଧ୍ୟକ୍ଷା

ଉପାନ୍ତ ଅଞ୍ଚଳର ସମସ୍ୟା, ଶିକ୍ଷା ବ୍ୟବସ୍ଥା ତଦାରଖ କଲେ ବ୍ଲକ ଅଧ୍ୟକ୍ଷା

ମାଥିଲି, ୨୦।୯ (ଡି.ଏନ.ଏ) - ମାଲକାନଗିରି ଜିଲା ମାଥିଲି ବ୍ଲକ ଅନ୍ତର୍ଗତ ଦୁର୍ଗମ ଗ୍ରାମକୁ  ବ୍ଲକ ଅଧ୍ୟକ୍ଷା ଲକ୍ଷ୍ମୀପ୍ରିୟା ନାୟକ ଗସ୍ତ କରି ଗ୍ରାମ ସମସ୍ୟା ସହ ଶିକ୍ଷା ବ୍ୟବସ୍ଥା ତଦାରଖ କରିଛନ୍ତି । ସେ ବ୍ଲକର କମାରପାଲି, ମହୁପଦର ପଞ୍ଚାୟତ ଗସ୍ତ କରି ପଞ୍ଚାୟତବାସୀଙ୍କ ସମସ୍ୟା ସମ୍ପର୍କରେ ପଚାରି ବୁଝିଥିଲେ। ଗ୍ରାମରେ ଶିକ୍ଷା ବ୍ୟବସ୍ଥାର ତଦାରଖ କରି ଛାତ୍ରୀଛାତ୍ରଙ୍କ ସମସ୍ୟା ସମ୍ପର୍କରେ ଆଲୋଚନା କରିଥିଲେ । ଉପାନ୍ତ ଗ୍ରାମଗୁଡିକରେ ବିକାଶ ସ୍ବପ୍ନ ପାଲଟିଛି । ବିଭିନ୍ନ ସମସ୍ୟାରେ ରହି ଗ୍ରାମବାସୀ ଅସୁବିଧାର ସମ୍ମୁଖୀନ ହେଉଛନ୍ତି ।

ସୁରକ୍ଷାରେ ରହିଲା ଇ.ଭି.ଏମ, ଭି.ଭି ପ୍ୟାଡ୍‌ ମେଶିନ

ସୁରକ୍ଷାରେ ରହିଲା ଇ.ଭି.ଏମ, ଭି.ଭି ପ୍ୟାଡ୍‌ ମେଶିନ

ମାଲକାନଗିରି,୨୦।୯ (ଡି.ଏନ୍‌.ଏ.)- ମାଲକାନଗିରି ଜିଲା ସଦର ମହକୁମାରେ  ୩ଟି କ୍ୟାଣ୍ଟିନର୍‌ରେ ହରିୟାଣାରୁ ଆସିଥିବା ଇ.ଭି.ଏମ୍‌. ଓ ଭି.ଭି.ପ୍ୟାଡ୍‌ ମେଶିନ୍‌  ଆସି ପହଞ୍ଚତ୍ଛି ।  ଏହି ମେଶିନ୍‌ଗୁଡିକୁ  ସ୍ଥାନୀୟ ବାଳିକା ମହାବିଦ୍ୟାଳୟ ପରିସରରେ ଥିବା ଏକ କଠୋରିରେ  କଡା ସୁରକ୍ଷା ବଳୟରେ ରଖାଯାଇଛି । ନିର୍ବାଚନ ଅଧିକାରୀ ତଥା ଉପ ଜିଲାପାଳ ରାମେଶ୍ୱର ପ୍ରଧାନ ଓ ବିଭିନ୍ନ ପଦାଧିକାରୀଙ୍କ ଉପସ୍ଥିତିରେ ଏହି ମେଶିନ୍‌ଗୁଡିକୁ  ଯାଞ୍ଚ କରାଯାଇ ରଖାଯାଇଥିଲା। ପରେ ଏହି କୋଠରିକୁ ସିଲ୍‌ କରାଯାଇଥିଲା।

ଆମ ଗାଁ ଆମ ବିକାଶ କାର୍ଯ୍ୟକ୍ରମରେ ଅଣଦେଖା : ଜିଲାପାଳଙ୍କ ଉଦ୍ଦେଶ୍ୟରେ ସ୍ମାରକପତ୍ର ଦେଲେ ୫ ସରପଞ୍ଚ

ଆମ ଗାଁ ଆମ ବିକାଶ କାର୍ଯ୍ୟକ୍ରମରେ ଅଣଦେଖା : ଜିଲାପାଳଙ୍କ ଉଦ୍ଦେଶ୍ୟରେ ସ୍ମାରକପତ୍ର ଦେଲେ ୫ ସରପଞ୍ଚ

ପାରଳାଖେମୁଣ୍ଡି, ୨୦।୯(ସ୍ବ.ପ୍ର.)-ଗଜପତି ଜିଲା ଗୋଷାଣି ବ୍ଲକର ୫ଜଣ ସରପଞ୍ଚ ଓ ସମିତିସଭ୍ୟ ଆମ ଗାଁ ଆମ ବିକାଶ କାର୍ଯ୍ୟକ୍ରମରେ ସେମାନଙ୍କ ଅଞ୍ଚଳ ପ୍ରତି ଅଣଦେଖା ଅଭିଯୋଗ ଆଣିଛନ୍ତି। ଏ ନେଇ ସେମାନେ  ଜିଲାପାଳଙ୍କ ଉଦ୍ଦେଶ୍ୟରେ ଏକ ସ୍ମାରକପତ୍ର ଦେଇଛନ୍ତି। ଗୋଷାଣୀ ବ୍ଲକର ମଧୂସୁଦନପୁର, ବୋମିକା, ରମ୍ପା, ଭୁଷୁକୁଡି ଏବଂ କତଲକଇଠା ପଞ୍ଚାୟତର ସରପଞ୍ଚ ଓ ସମିତିସଭ୍ୟମାନେ କହିଛନ୍ତି ଯେ, ସେମାନଙ୍କୁ ଅଣଦେଖା କରାଯାଇ ଅନ୍ୟ ପଞ୍ଚାୟତର ସଦସ୍ୟମାନଙ୍କ ଦ୍ୱାରା ବିଭିନ୍ନ ଉନ୍ନୟନ କାର୍ଯ୍ୟ ସମ୍ପାଦନ କରାଯାଉଛି। 

ନୂତନ ପୌର କାର୍ଯ୍ୟାଳୟ ଉଦ୍‌ଘାଟନକୁ ନେଇ ବିବାଦ ଘଟଣା: ଉପଜିଲାପାଳଙ୍କ ପାଖରେ ମତ ରଖିଲେ ୨ଦଳର କାଉନସିଲର

ନୂତନ ପୌର କାର୍ଯ୍ୟାଳୟ ଉଦ୍‌ଘାଟନକୁ ନେଇ ବିବାଦ ଘଟଣା: ଉପଜିଲାପାଳଙ୍କ ପାଖରେ ମତ ରଖିଲେ ୨ଦଳର କାଉନସିଲର

ପାରଳାଖେମୁଣ୍ଡି, ୨୦।୯ (ସ୍ବ.ପ୍ର.)-
ଗଜପତି ଜିଲା ପାରଳାଖେମୁଣ୍ଡିର ନୂତନ ପୌର କାର୍ଯ୍ୟାଳୟ ଉଦ୍‌ଘାଟନକୁ ନେଇ ବିବାଦ ଘଟଣାରେ  କଂଗ୍ରେସ ଓ ବିଜେଡିର କାଉନସିଲରମାନେ ଉପଜିଲାପାଳଙ୍କ ନିକଟରେ ନିଜର ଯୁକ୍ତି ଉପସ୍ଥାପନ କରିଛନ୍ତି । ଘଟଣାର ତ୍ୱରିତ ସମାଧାନ ପାଇଁ ସେମାନେ ନିବେଦନ ଜଣାଇଛନ୍ତି। ସୂଚନାଯୋଗ୍ୟ, ନୂତନ କାର୍ଯ୍ୟାଳୟ ଉଦଘାଟନକୁ ବିଜେଡି କାଉନସିଲରମାନେ ବେଆଇନ ଦର୍ଶାଇ ବିରୋଧ କରିଥିଲେ। ସେମାନଙ୍କୁ ଉଦ୍‌ଘାଟନ କାର୍ଯ୍ୟକ୍ରମରେ ଅଣଦେଖା କରାଯାଇଥିବା ମଧ୍ୟ ଅଭିଯୋଗ ଆଣିଥିଲେ।ଫଳରେ ବିବାଦ ସୃଷ୍ଟି ହୋଇଥିଲା। ଏନେଇ ଉଭୟ ଗୋଷ୍ଠୀ ପୋଲିସର ଦ୍ୱାରସ୍ଥ ହୋଇଥିଲେ। ଘଟଣାକ୍ରମେ କୋର୍ଟଙ୍କ ନିର୍ଦ୍ଦେଶାନୁଯାୟୀ ନୂତନ କାର୍ଯ୍ୟାଳୟ ପରିସରରେ ୧୪୪ ଧାରା ଜାରି ହୋଇଛି ।

କୁଜାସିଂ ପଞ୍ଚାୟତରେ ସରକାରୀ ଯୋଜନା ହରିଲୁଟ  ଅଭିଯୋଗ

କୁଜାସିଂ ପଞ୍ଚାୟତରେ ସରକାରୀ ଯୋଜନା ହରିଲୁଟ ଅଭିଯୋଗ

ପାରଳାଖେମୁଣ୍ଡି, ୨୦।୯(ସ୍ବ.ପ୍ର.)-
ଗଜପତି ଜିଲା ଗୁମ୍ମା ବ୍ଲକର କୁଜାସିଂ ପଞ୍ଚାୟତରେ ବିଭିନ୍ନ ସରକାରୀ ଯୋଜନା ହରିଲୁଟ ହେଉଥିବା ଅଭିଯୋଗ ଆଣିଛି ଭାଜପା। ଉକ୍ତ ପଞ୍ଚାୟତକୁ ଭାଜପାର ଏକ ଟିମ୍‌ ଗସ୍ତ କରିଥିଲା। ସେଥିରେ ଜିଲା ଭାଜପା ସାଧାରଣ ସମ୍ପାଦକ ଜଗନ୍ନାଥ ପ୍ରସାଦ ମହାପାତ୍ର, ପୂର୍ବତନ ସଭାପତି ସିଦ୍ଧେଶ୍ୱର ମିଶ୍ର, କୃଷକ ମୋର୍ଚ୍ଚା ସଭାପତି ପ୍ରଶାନ୍ତ କୁମାର ପାଳ, ଗୁମ୍ମା ମଣ୍ଡଳ ସଭାପତି ରାମକୃଷ୍ଣ ପାଇକ ପ୍ରମୁଖ ରହିଥିଲେ। ଏମାନେ ଅଭିଯୋଗ କରିଛନ୍ତି ଯେ, କୁଜାସିଂ ପଞ୍ଚାୟତର ମଣ୍ଡଳ ସାହି ଓ ଗମାଙ୍ଗ ସାହିରେ ବାସ କରୁଥିବା ପ୍ରାୟ ୧୦୦ ପରିବାର ୨ବର୍ଷ ହେବ କିରୋସିନି ପାଇନାହାନ୍ତି। ସେହିପରି କେନ୍ଦ୍ର ସରକାରଙ୍କ ଉଜ୍ୱାଲା ଯୋଜନା ଏଠାରେ ଠିକ୍‌ ଭାବେ କାର୍ଯ୍ୟକାରୀ କରାଯାଇ ନାହିଁ।

କଇଠପଦର ଆଦର୍ଶ ବିଦ୍ୟାଳୟରେ ୭ ନୂତନ ଶିକ୍ଷକ ନିଯୁକ୍ତ

କଇଠପଦର ଆଦର୍ଶ ବିଦ୍ୟାଳୟରେ ୭ ନୂତନ ଶିକ୍ଷକ ନିଯୁକ୍ତ

ରାୟଗଡ଼ (ଗଜପତି), ୨୦।୯(ଡି.ଏନ.ଏ.) - 
ଗଜପତି ଜିଲା ରାୟଗଡ ବ୍ଲକର କଇଠପଦର ଆଦର୍ଶ ବିଦ୍ୟାଳୟରେ ନବନିଯୁକ୍ତ ୭ଜଣ ଶିକ୍ଷୟିତ୍ରୀ ଶିକ୍ଷକଙ୍କୁ ସ୍ବାଗତ ସମ୍ବର୍ଦ୍ଧନା ଦିଆଯାଇଛି। ଏହି ଉପଲକ୍ଷେ  ଆୟୋଜିତ କାର୍ଯ୍ୟକ୍ରମରେ ଭାରପ୍ରାପ୍ତ ଅଧ୍ୟକ୍ଷ ସୁମନ୍ତ କୁମାର ଶତପଥି ଅଧ୍ୟକ୍ଷତା କରିଥିଲେ। ନୂତନ ଭାବେ କାର୍ଯ୍ୟରେ ଯୋଗଦେଇଥିବା ଗଣିତ ଶିକ୍ଷକ ଜି. ରାମକୃଷ୍ଣ, ସନ୍ତୋଷିନୀ ପାଢୀ, ବିଜ୍ଞାନ ଶିକ୍ଷକ ଅକ୍ଷୟ କୁମାର ମଲ୍ଲିକ, ନମିତା ପ୍ରଧାନ, ଓଡ଼ିଆ ଭାଷା ଶିକ୍ଷକ ବିଭୁଦତ୍ତ ଭୋଇ, ହିନ୍ଦି ଶିକ୍ଷୟିତ୍ରୀ ସୋନାଲି ମଲ୍ଲିକ, ସାମାଜିକ ବିଜ୍ଞାନ ଶିକ୍ଷକ ଇନ୍ଦ୍ରମଣି ଭୋଇଙ୍କ ସମେତ ଅନ୍ୟ ଶିକ୍ଷଞିତ୍ରୀ ଶିକ୍ଷକମାନେ ଉପସ୍ଥିତ ଥିଲେ।

ଭୁଶୁକୁଡ଼ିରେ ସ୍ବାସ୍ଥ୍ୟ ଶିବିର

ଭୁଶୁକୁଡ଼ିରେ ସ୍ବାସ୍ଥ୍ୟ ଶିବିର

ଗୋଷାଣି, ୨୦।୯(ଡି.ଏନ.ଏ.)-
ଗଜପତି ଜିଲା ଗୋଷାଣି ବ୍ଲକର ଭୁଶୁକୁଡି ପଞ୍ଚାୟତରେ   ବିଜୁ ଯୁବ ବାହିନୀ ପକ୍ଷରୁ ସ୍ବାସ୍ଥ୍ୟ ଶିବିର ଆୟୋଜିତ ହୋଇଯାଇଛି। ଏଥିରେ ୨୩୪ଜଣଙ୍କ ସ୍ବାସ୍ଥ୍ୟ ପରୀକ୍ଷା କରାଯାଇ ଔଷଧ ଯୋଗାଇ ଦିଆଯାଇଥିଲା। ଗୁରାଣ୍ଡି ସ୍ବାସ୍ଥ୍ୟକେନ୍ଦ୍ରର ଡାକ୍ତର ପତିତପାବନ ବାରିକ ଯୋଗଦେଇ ରୋଗୀମାନଙ୍କ ସ୍ବାସ୍ଥ୍ୟ ପରୀକ୍ଷା କରିଥିଲେ। ବିଜୁ ଯୁବ ବାହିନୀର ଜିଲା ସଭାପତି ଚିନୁରାଜ, କେ. ଲିଙ୍ଗରାଜୁ, କେ. ପ୍ରଦୀପ ପ୍ରମୁଖ ଏହାକୁ ପରିଚାଳନା କରିଥିଲେ। ସେହିପରି ବଡକତୁରୁ ପଞ୍ଚାୟତରେ ବିଜୁ ଯୁବ ବାହିନୀର ସଦସ୍ୟମାନେ ଗାଁ ଗାଁ ବୁଲି ଆବର୍ଜନା ସଫେଇ କରିଥିଲେ। 

ଓମସା ବୈଠକ:  କ୍ୟାଡର ରୁଲକୁ ବିରୋଧ

ଓମସା ବୈଠକ: କ୍ୟାଡର ରୁଲକୁ ବିରୋଧ

ନବରଙ୍ଗପୁର,୨୦।୯(ବି.ପ୍ର.)-ଓମସା ନବରଙ୍ଗପୁର ଜିଲା ଶାଖା କମିଟି ପକ୍ଷରୁ ନବରଙ୍ଗପୁର ସଦର ମହକୁମା ଡାକ୍ତରଖାନା ପରିସର ବୈଠକ ଗୃହରେ ରାଜ୍ୟ ସଭାପତି ଡାକ୍ତର ନିରାକାର ଭଟ୍ଟଙ୍କ ଅଧ୍ୟକ୍ଷତାରେ ଏକ  ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ଓମସାର ଡାକ୍ତର ସତ୍ୟବ୍ରତ ଛୋଟରାୟ, ଡାକ୍ତର ଶୁଭକାନ୍ତ  ଦାଶ, ଲିଲା ମିଶ୍ର, ବିଦ୍ୟୁତ ମିଶ୍ର, ସନ୍ତୋଷ କୁମାର ପଣ୍ଡା, ବିଜୟ କୁମାର ପଣ୍ଡା, ସୁକାନ୍ତ ରଥ, ପ୍ରିୟ ରଞ୍ଜନ ବାହାଲି ପ୍ରମୂଖ  ଯୋଗ ଦେଇ ଆଲୋଚନା କରିଥିଲେ। ଓମସାକୁ ଅନ୍ଧକାରରେ ରଖି ସରକାର ୨୦୧୮ କ୍ୟାଡର ରୁଲ କ୍ୟାବିନେଟରେ ପାସ କରିଛନ୍ତି । ତୁରନ୍ତ  ଏହାର ପ୍ରତ୍ୟାହାର କରାଯାଉ ବୋଲି ସଂଘ ପକ୍ଷରୁ ଦାବି କରାଯାଇଛି । ୨୦୧୦ ଏପ୍ରିଲ ୭ ତାରିଖରୁ ଦୀର୍ଘ ୮ ବର୍ଷ ଧରି ମୁଖ୍ୟମନ୍ତ୍ରୀଙ୍କ ଦ୍ୱାରା ପ୍ରସ୍ତୁତ ମିନିଷ୍ଟ୍ରିଆଲ କମିଟି ଡିଏସିପି ପ୍ରଦାନ ପାଇଁ ନିଷ୍ପତ୍ତି ନେବାର ଟାଳଟୁଳ ନୀତୀ ଅବଲମ୍ବନ କରୁଛି । ଏହି ଘଟଣାକୁ ଓମସା ଗୁରୁତ୍ୱର ଭାବେ ନେଇଛି ା ଓଡିଶାରେ ୮ ଶହ ଡାକ୍ତର ଓ କଣ୍ଟ୍ରାଚ୍ୟୁଆଲ ଡାକ୍ତର ନିରବଚ୍ଛିନ୍ନ ଭାବେ ସେବା ପ୍ରଦାନ କରିଆସୁଛନ୍ତି । ସେମାନଙ୍କୁ ସ୍ଥାୟୀ ନିଯୁକ୍ତି ପ୍ରଦାନ ପାଇଁ ଓମସା ପକ୍ଷରୁ ଦାବି ହୋଇଛି । ସ୍ବାସ୍ଥ୍ୟ ବିଭାଗ ସେମାନଙ୍କୁ ସ୍ଥାୟୀ କରିବା ପରିବର୍ତ୍ତେ କେବଳ ବର୍ଷକୁ ୩ ମାର୍କ ହିସାବରେ ଓପିଏଏସସି ପରୀକ୍ଷାରେ  ଉକ୍ତ ଡାକ୍ତର ମାନଙ୍କୁ ଗ୍ରେସ ମାର୍କ ଦେବା ପାଇଁ ନିଷ୍ପତ୍ତିି ନେଇଛି। କଣ୍ଟ୍ରାଚ୍ୟୁଆଲ ଡାକ୍ତରଙ୍କୁ ଏଥିରେ ଅଣ ଦେଖା କରାଯାଇଥିବାରୁ  ଏହାର ତୀବ୍ର ପ୍ରତିବାଦ କରାଯାଇଥିଲା । 

ନବରଙ୍ଗପୁର ପଞ୍ଚାୟତ ସମିତିର ଜନଶୁଣାଣି

ନବରଙ୍ଗପୁର ପଞ୍ଚାୟତ ସମିତିର ଜନଶୁଣାଣି

ନବରଙ୍ଗପୁର,୨୦।୯(ବି.ପ୍ର.)-ନବରଙ୍ଗପୁର ବ୍ଲକ କାର୍ଯ୍ୟାଳୟ ବୈଠକ ଗୃହରେ ୨୦୧୭-୧୮ ବର୍ଷ ଏମଜିଏନଆରଇଜିଏସ  ଯୋଜନାର ଜନଶୁଣାଣି କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି। ଜନଶୁଣାଣି କାର୍ଯ୍ୟ କାରିଣି କମିଟି ସଭାପତି ତଥା ଜିଲାପାଳ ଡଃ. ଅଜିତ କୁମାର ମିଶ୍ର ଯୋଗ ଦେଇ ପ୍ରଥମେ ବୈଠକ ଗୃହର ଦୂରାବସ୍ଥା ଦେଖି ବିରକ୍ତ ପ୍ରକାଶ କରିଥିଲେ । ଦୀର୍ଘ ଦିନରୁ ଗୃହ ମରାମତି ପାଇଁ ଦାବୀ ହୋଇ ଆସୁଥିଲେ ମଧ୍ୟ ଗୁରୁତ୍ୱ ଦିଆଯାଉନଥିଲା ବୋଲି ସମିତି ସଭ୍ୟା ସଭ୍ୟ ମାନେ ଅଭିଯୋଗ କରିଥିଲେ । ତୁରନ୍ତ ଏହାର ମରାମତି ଆକଳନ କରି ଦେବାକୁ ଜିଲାପାଳ କହିଥିଲେ । ଏମଜିଏନଆରଇଜିଏସର ଅଗ୍ରଗତି ଓ ଶ୍ରମିକ କେତେ ଟଙ୍କା ପାଇ ନାହାନ୍ତି,  ବକେୟା ଟଙ୍କା କଣ ରହିଛି ଜାଣିବା ପାଇଁ ଜିଲାପାଳ ତଥ୍ୟ ମାଗିଥିଲେ । ତେବେ ଏସମସ୍ତ କାଗଜ ପତ୍ର ତାଲାପଡି ରହିଛି । ତତ କାଳିନ ବିଡିଓ ଓ  ଏପିଇଓ ତହା ଦେଇ ନଥିବା ଅଭିଯୋଗ ହୋଇଥିଲା । 

ବିଜେଡି ସାଙ୍ଗଠନିକ ବୈଠକ

ବିଜେଡି ସାଙ୍ଗଠନିକ ବୈଠକ

 କୋରାପୁଟ, ୨୦।୯( ସ୍ବ.ପ୍ର.): କୋରାପୁଟ ସଦର ବ୍ଲକ ବଡ଼କେରେଙ୍ଗା ପଞ୍ଚାୟତ ତଥା ଦେବୀଘାଟ ପଞ୍ଚାୟତରେ  ବିଜେଡି ପକ୍ଷରୁ ଆମ ଗାଁ ଆମ ବିକାଶ ପଞ୍ଚାୟତସ୍ତରୀୟ କର୍ମଶାଳା ଅନୁଷ୍ଠିତ ହୋଇଛି । ଏଥିରେ ପଞ୍ଚାୟତର ଶତାଧିକ ବିଜେଡି କର୍ମୀ ଯୋଗ ଦେଇଥିବାବେଳେ ଆଗାମୀ ସାଧାରଣ ନିର୍ବାଚନରେ ଦଳର ପ୍ରାର୍ଥୀମାନେ କିପରି ସଫଳତା ପାଇପାରିବେ ଏବଂ ରାଜ୍ୟ ସରକାରଙ୍କ ବିଭିନ୍ନ ଲୋକଭିମୁଖୀ ଯୋଜନା କିପରି ଲୋକଙ୍କ ପାଖରେ ପହଞ୍ଚତ୍ବ ସେ ନେଇ ପ୍ରଶିଷଣ ଦିଆଯାଇଥିଲା 

ପାନାବେଡା ଉଚ୍ଚ ବିଦ୍ୟାଳୟର ସୁବର୍ଣ୍ଣ ଜୟନ୍ତୀ ପାଳିତ

ପାନାବେଡା ଉଚ୍ଚ ବିଦ୍ୟାଳୟର ସୁବର୍ଣ୍ଣ ଜୟନ୍ତୀ ପାଳିତ

ଚନ୍ଦାହାଣ୍ଡି,୨୦।୯(ଡି.ଏନ.ଏ)- ନବରଙ୍ଗପୁର ଜିଲା ଚନ୍ଦାହାଣ୍ଡିସ୍ଥିତ ସରକାରୀ ପାନାବେଡା ଉଚ୍ଚ ବିଦ୍ୟାଳୟର ସୁବର୍ଣ୍ଣ ଜୟନ୍ତୀ ଏକ ନିଆରା ଢଙ୍ଗରେ  ପାଳିତ ହୋଇଯାଇଛି । ଉକ୍ତ ବିଦ୍ୟାଳୟ ୧୯ା୯ା୧୯୬୮ ମସିହାରେ ସ୍ଥାପିତ ହୋଇଥିଲା । ଏହି ଅବସରରେ ଏକ ସଭାର ଆୟୋଜନ କରାଯାଇଥିଲା । ଉକ୍ତ ସଭାରେ ସମ୍ମାନିତ ଅତିଥି ଭାବେ  ଚନ୍ଦାହାଣ୍ଡି ଗ୍ରାମପଞ୍ଚାୟତର ପୂର୍ବତନ ସରପଞ୍ଚ ତଥା ବିଦ୍ୟାଳୟର ପ୍ରତିଷ୍ଠାତା ସଦସ୍ୟ ସୁପେତ ପୂଜାରୀ, ବିଦ୍ୟାଳୟର ପୂର୍ବତନ କ୍ରୀଡା ଶିକ୍ଷକ ସୁମନ୍ତ କୁମାର କୁଣ୍ଡୁ ,ପୂର୍ବତନ ସଂସ୍କୃତ ଶିକ୍ଷକ ପଞ୍ଚାନନ ସାହୁ ଯୋଗ ଦେଇଥିଲେ।

ସ୍ବାଧୀନତା ସଂଗ୍ରାମୀ ଦାୟାଦଙ୍କ ବୈଠକ

ସ୍ବାଧୀନତା ସଂଗ୍ରାମୀ ଦାୟାଦଙ୍କ ବୈଠକ

ଡାବୁଗାଁ,୨୦।୯(ଡି.ଏନ.ଏ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ସରଗୁଡା ଗ୍ରାମ ସ୍ଥିତ  ସ୍ବାଧୀନତା ସଂଗ୍ରାମୀ ସନୁ ମାଝୀ ସେବା ସଂଘ ଠାରେ ସ୍ବାଧୀନତା ସଂଗ୍ରାମୀ ଦାୟାଦମାନଙ୍କ ଏକ ବୈଠକ ଅନୁଷ୍ଠିତ ହୋଇଯାଇଛି । ସଂଘ ସଭାପତି ସରାଦୁ ଭତ୍ରା ଏଥିରେ  ଅଧ୍ୟକ୍ଷତା କରିଥିଲେ। ଡାବୁଗାଁ, ଝରିଗାଁ, ଚନ୍ଦାହାଣ୍ଡି , ରାଇଘର ଓ ଉମରକୋଟ ବ୍ଲକରୁ ଶତାଧିକ ସ୍ବାଧୀନତା ସଂଗ୍ରାମୀ ଦାୟାଦମାନେ ଉପସ୍ଥିତ ଥିଲେ । ରାଜ୍ୟ ସରକାର ଦାବି ଗୁଡିକ ପୂରଣ କରିବାକୁ ଯାଉଥିବାରୁ ସମସ୍ତ ଦାୟାଦ ମାନେ ମନ୍ତ୍ରୀ ରମେଶ ଚନ୍ଦ୍ର ମାଝୀଙ୍କୁ କୃତଜ୍ଞତା ଜଣାଇଥିଲେ । ଦାବିଗୁଡିକ ହେଲା ସ୍ବାଧୀନତା ସଂଗ୍ରାମୀଙ୍କ ଦାୟାଦମାନଙ୍କୁ ପେନସନ ପ୍ରଦାନ, ପରିଚୟ ପତ୍ର ପ୍ରଦାନ, ଭୂମିହିନଙ୍କୁ ଜମି ପ୍ରଦାନ ଓ ଗୃହ ପ୍ରଦାନ ଭଳି ୧୦ ଦଫା ଦାବି ପୂର୍ବରୁ ସରକାରଙ୍କୁ ପ୍ରଦାନ କରାଯାଇଥିଲା ।