ଅନଗୁଳ-ଢେଙ୍କାନାଳ

ପୋଲିସ-ମାଜିଷ୍ଟ୍ରେଟ୍‌ ସମନ୍ବୟ ବୈଠକ: ସୌଖୀନ ପାଇଁ ମିଳିବନି ବନ୍ଧୁକ ଲାଇସେନ୍ସ

ପୋଲିସ-ମାଜିଷ୍ଟ୍ରେଟ୍‌ ସମନ୍ବୟ ବୈଠକ: ସୌଖୀନ ପାଇଁ ମିଳିବନି ବନ୍ଧୁକ ଲାଇସେନ୍ସ
ଢେଙ୍କାନାଳ ଅଫିସ, ୧୩।୧୨-ଢେଙ୍କାନାଳ ଜିଲା କାର୍ଯ୍ୟାଳୟ ସଦ୍‌ଭାବନା ଗୃହରେ ବୁଧବାର ଅପରାହ୍ନରେ ଜିଲା ପୋଲିସ-ମାଜିଷ୍ଟ୍ରେଟ ସମନ୍ବୟ ବୈଠକ ଅନୁଷ୍ଠିତ ହୋଇଯାଇଛି । ଜିଲାପାଳ ଭୂପେନ୍ଦ୍ର ସିଂ ପୁନିଆ ଏଥିରେ ଅଧ୍ୟକ୍ଷତା କରି ତଫସିଲଭୁକ୍ତ ଜାତି (ଏସ୍‌ସି) ଏବଂ ଜନଜାତି (ଏସ୍‌ଟି) ମାମଲାଗୁଡ଼ିକୁ ଅଗ୍ରାଧିକାର ଭିତ୍ତିରେ ସମାଧାନ କରିବାକୁ ସମସ୍ତ ଥାନାଧିକାରୀ ଏବଂ ଏସ୍‌ଡିପିଓଙ୍କୁ ନିର୍ଦ୍ଦେଶ ଦେଇଛନ୍ତି। ଏଥିସହ ସରକାରୀ କର୍ମଚାରୀଙ୍କ ଉପରେ ହେଉଥିବା ଆକ୍ରମଣ, ଆଇନଶୃଙ୍ଖଳା ପରିସ୍ଥିତିକୁ ଗୁରୁତ୍ୱ ଦେଇ ଥାନାଧିକାରୀମାନେ ସମାଧାନ କରିବାକୁ ସେ ଗୁରୁତ୍ୱାରୋପ କରିଛନ୍ତି। ନିରୀହ ଲୋକଙ୍କୁ ଅଯଥା ହଇରାଣ ହରକତ ନ କରିବା, ସୌଖୀନ ପାଇଁ କୌଣସି ବ୍ୟକ୍ତିଙ୍କୁ ବନ୍ଧୁକ ଲାଇସେନ୍ସ ନ ଦେବାକୁ ଜିଲାପାଳ ପୋଲିସ ଅଧିକାରୀଙ୍କୁ ତାଗିଦ୍‌ କରିଛନ୍ତି। ସମାଜବିରୋଧୀ ବ୍ୟକ୍ତିଙ୍କୁ ଦୃଢ଼ହସ୍ତରେ ଦମନ କରିବାକୁ ସର୍ବସମ୍ମତି ମତ ପ୍ରକାଶ ପାଇଥିଲା। ଜିଲାରେ ଜମିବାଡି ସମ୍ପର୍କିତ ମାମଲାଗୁଡିକୁ ଥାନାରେ ସହୃଦୟତାର ସହ ଗ୍ରହଣ କରି ଏହାର ସମାଧାନ କରିବାକୁ ପରାମର୍ଶ ଦିଆଯାଇଥିଲା। ନିଖୋଜ ପିଲା ଓ ବାଲ୍ୟ ବିବାହ ବନ୍ଦ, ୫୫ନଂ. ଓ ୫୩ନଂ ଜାତୀୟ ରାଜପଥରେ ମଦ୍ୟପାନ କରି ଯାନବାହନ ଚାଳନା, ରାତି ୧୧ଟା ମଧ୍ୟରେ ସମସ୍ତ ଢାବା ବନ୍ଦ, ବ୍ରେଥ୍‌ ଅନାଲାଇଜର ବ୍ୟବହାର, ଅଭ୍ୟାସଗତ ଚୋରାମଦ ବିକ୍ରେତାଙ୍କ ବିରୋଧରେ କଡ଼ା ପଦକ୍ଷେପ ପାଇଁ ପୋଲିସ, ଅବକାରୀ ବିଭାଗ ଏବଂ ମାଜିଷ୍ଟ୍ରେଟ୍‌ଙ୍କ ସମନ୍ବୟ ରକ୍ଷା ଉପରେ ଗୁରୁତ୍ୱ ଦିଆଯାଇଛି। ସରକାରୀ ପ୍ରକଳ୍ପ ଯଥା କେନାଲ, ରାସ୍ତା, ରେଳଧାରଣା ଇତ୍ୟାଦି ଅବରୋଧ କରିବା ନେଇ ଅନେକ ମାମଲା ରୁଜୁ ହେଉଛି। ଏହାଦ୍ୱାରା ସରକାରୀ ରାଜକୋଷକୁ କୋଟି କୋଟି ଟଙ୍କା ଅପଚୟ ହେଉଛି। ଏପରି ମାମଲାଗୁଡ଼ିକୁ ପ୍ରାଥମିକତା ଦେବାକୁ ନିର୍ଦ୍ଦେଶ ଦିଆଯାଇଛି। ମାନବାଧିକାର ସମ୍ବନ୍ଧୀୟ ମାମଲାଗୁଡିକୁ ଗୁରୁତ୍ୱ ଦେବାର ଆବଶ୍ୟକତା ରହିଥିବା ବୈଠକରେ ଆଲୋଚନା ହୋଇଥିଲା। ପ୍ରଦୂଷଣ ରୋକିବାକୁ ରାସ୍ତାକଡ଼ରେ କୋଇଲା ବ୍ୟବହାର ବନ୍ଦ କରିବା ଏବଂ ଆଇନଶୃଙ୍ଖଳା ରକ୍ଷା ପାଇଁ ପୋଲିସ-ମାଜିଷ୍ଟ୍ରେଟ୍‌ମାନେ ଏକାଠି କାର୍ଯ୍ୟ କରିବାକୁ ନିଷ୍ପତ୍ତି ନିଆଯାଇଛି। ବୈଠକରେ ଏସ୍‌ପି ବସନ୍ତ କୁମାର ପାଣିଗ୍ରାହୀ, ଅତିରିକ୍ତ ଜିଲାପାଳ ଜ୍ୟୋତିରଞ୍ଜନ ପ୍ରଧାନ, ଉପଜିଲାପାଳ ଶିଳ୍ପା ଶର୍ମା, କଳ୍ପତରୁ ବେହେରା, ଭବେଶ ନାୟକ, ସମସ୍ତ ଏସ୍‌ଡିପିଓ, ଥାନାଧିକାରୀ, ଅବକାରୀ ଅଧୀକ୍ଷକ, ଆଞ୍ଚଳିକ ପରିବହନ ଅଧିକାରୀ, ତହସିଲଦାର ଏବଂ ଜିଲାସ୍ତରୀୟ ଅଧିକାରୀ ଉପସ୍ଥିତ ଥିଲେ।
All Right Reserved By

ଅନଗୁଳ-ଢେଙ୍କାନାଳ

କେନ୍ଦ୍ରୀୟ ବିଦ୍ୟାଳୟର ବାର୍ଷିକ ଉତ୍ସବ:   ଶିଖିଲେ, ଶିଖାଇଲ ଜ୍ଞାନ ବଢ଼େ

କେନ୍ଦ୍ରୀୟ ବିଦ୍ୟାଳୟର ବାର୍ଷିକ ଉତ୍ସବ: ଶିଖିଲେ, ଶିଖାଇଲ ଜ୍ଞାନ ବଢ଼େ

ଢେଙ୍କାନାଳ ଅଫିସ, ୧୩ା୧୨-ଢେଙ୍କାନାଳ ସହର ଉପକଣ୍ଠ ବନମାଳୀପ୍ରସାଦସ୍ଥିତ କେନ୍ଦ୍ରୀୟ ବିଦ୍ୟାଳୟର ୨୩ତମ ବାର୍ଷିକ ଉତ୍ସବ ଗୁରୁବାର ମହାସମାରୋହରେ ପାଳିତ ହୋଇଯାଇଛି ା ମୁଖ୍ୟଅତିଥି ଭାବେ ଜିଲାପାଳ ନିଖିଲ ପଓ୍ବନ କଲ୍ୟାଣ ଯୋଗଦେଇ କାର୍ଯ୍ୟକ୍ରମକୁ ଉଦ୍‌ଘାଟନ କରି କହିଲେ, ପିଲାଙ୍କ ମଧ୍ୟରେ ଆଗ୍ରହ ଶକ୍ତି ବଢ଼ାଇବା ଦରକାର। ଶିଖିବା ସହ ଅନ୍ୟକୁ ଶିଖାଇଲେ ଜ୍ଞାନ ବଢ଼େ। ଆଜିକାର ପିଲାମାନେ ମୋବାଇଲରେ ଅଧିକ ସମୟ ବିତାଉଛନ୍ତି। ଫଳରେ ସାମାଜିକସ୍ତରରେ ଭାବର ଆଦାନପ୍ରଦାନ କମିଗଲାଣି। 

ମଠକରଗୋଳାରେ ମଣ୍ଡି ଆରମ୍ଭ:  ପ୍ରଥମ ଦିନ ଧାନ ବିକିଲେ ୮ ଚାଷୀ

ମଠକରଗୋଳାରେ ମଣ୍ଡି ଆରମ୍ଭ: ପ୍ରଥମ ଦିନ ଧାନ ବିକିଲେ ୮ ଚାଷୀ

ଭୁବନ, ୧୩।୧୨(ଡି.ଏନ୍‌.ଏ.)-ଢେଙ୍କାନାଳ ଜିଲା ଭୁବନ ବ୍ଲକ ମଠକରଗୋଳା ସେବା ସମବାୟ ସମିତି ପକ୍ଷରୁ ଗୁରୁବାର ଧାନମଣ୍ଡି ଆରମ୍ଭ ହୋଇଛି। ଅନୁଗୋଳ କେନ୍ଦ୍ରୀୟ ସମବାୟ ବ୍ୟାଙ୍କ ନିର୍ଦ୍ଦେଶକ ଅଭିମନ୍ୟୁ ବେହେରା, ସେବା ସମବାୟ ସମିତି ସଭାପତି ନିରଞ୍ଜନ ବେହେରା ଅତିଥି ଭାବେ ଯୋଗଦେଇ ଏହାକୁ ଉଦ୍‌ଘାଟନ କରିଥିଲେ। ପ୍ରଥମ ପର୍ଯ୍ୟାୟରେ ୧୧,୦୦୦ କୁଇଣ୍ଟାଲ ଧାନ କିଣିବାକୁ ଅନୁମତି ମିଳିଛି। ପ୍ରଥମ ଦିନରେ ୮ଚାଷୀଙ୍କଠାରୁ ୨୨୦.୫୬ କୁଇଣ୍ଟାଲ ଧାନ କିଣାଯାଇଛି। ହେଲେ ଧାନକ୍ରୟ ଦାୟିତ୍ୱ ନେଇଥିବା ମା’ କାମାକ୍ଷୀ ଫୁଡ଼ ପ୍ରୋସେଶର ମିଲର କୁଇଣ୍ଟାଲ ପିଛା ୪କେଜି ଧାନ କାଟିବାକୁ ନେଇ ଅସନ୍ତୋଷ ଦେଖାଦେଇଥିଲା।

ପୁଣେରେ ଓଡ଼ିଆ ଯୁବକଙ୍କ ମୃତ୍ୟୁ

ପୁଣେରେ ଓଡ଼ିଆ ଯୁବକଙ୍କ ମୃତ୍ୟୁ

ପରଜଙ୍ଗ, ୧୩।୧୨(ଡି.ଏନ୍‌.ଏ.)-ଢେଙ୍କାନାଳ ଜିଲା ପରଜଙ୍ଗ ବ୍ଲକ ରୋଡ଼ ଗ୍ରାମର ପରମାନନ୍ଦ ନାୟକଙ୍କ ପୁଅ ଚନ୍ଦନ ନାୟକ(୧୯)ଙ୍କ ଗୁରୁବାର ପୁଣେରେ ମୃତ୍ୟୁ ଘଟିଛି। ଚନ୍ଦନ କିଛିଦିନ ହେଲା ମାନସିକ ଚାପରେ ଥିଲେ। ସେ ରଶି ଲଗାଇ ଆତ୍ମହତ୍ୟା କରିଥିବା ତାଙ୍କ ସାଙ୍ଗମାନେ କହିଛନ୍ତି। 

‘କ୍ରୀଡ଼ା ଶିକ୍ଷାର ଏକ ଅଙ୍ଗ’

‘କ୍ରୀଡ଼ା ଶିକ୍ଷାର ଏକ ଅଙ୍ଗ’

ପରଜଙ୍ଗ, ୧୩।୧୨(ଡି.ଏନ୍‌.ଏ.)-ପରଜଙ୍ଗ ମହାବିଦ୍ୟାଳୟ ପକ୍ଷରୁ ଭାରତୀ ଷ୍ଟାଡିୟମ୍‌ରେ ଦୁଇଦିନ ଧରି ଚାଲିଥିବା ୩୯ତମ ବାର୍ଷିକ କ୍ରୀଡ଼ା ଗୁରୁବାର ଉଦ୍‌ଯାପିତ ହୋଇଯାଇଛି। ଉଦ୍‌ଯାପନୀ ସମାରୋହରେ ମୁଖ୍ୟଅତିଥିଭାବେ ବାଣିଜ୍ୟ ଓ ପରିବହନ ମନ୍ତ୍ରୀ ଡା. ନୃସିଂହ ଚରଣ ସାହୁ ଯୋଗଦେଇ କହିଲେ, କ୍ରୀଡ଼ା ହେଉଛି ଶିକ୍ଷାର ଏକ ଅଙ୍ଗ। ଖେଳକୁ ନେଇ ଅନେକ ସମ୍ଭାବନା ସୃଷ୍ଟି ହୋଇଛି। ଆଜିର ସମୟରେ ଶିକ୍ଷା ସହ କ୍ରୀଡ଼ା ମଧ୍ୟ ସେତିକି ଜରୁରୀ।

ପିସିସି ସଭାପତିଙ୍କୁ  ସ୍ବାଗତ ସମ୍ବର୍ଦ୍ଧନା

ପିସିସି ସଭାପତିଙ୍କୁ ସ୍ବାଗତ ସମ୍ବର୍ଦ୍ଧନା

ବନ୍ତଳା,୧୩।୧୨(ଡି.ଏନ.ଏ.)- ପିସିସି(ପ୍ରଦେଶ କଂଗ୍ରେସ କମିଟି)ସଭାପତି ନିରଞ୍ଜନ ପଟ୍ଟନାୟକ ଗୁରୁବାର ଅନୁଗୋଳ ଜିଲା ଗସ୍ତ କରିଛନ୍ତି। 

ଶେଲଟର ହୋମ ଯୌନଶୋଷଣ ମାମଲା: ତଦନ୍ତ ପାଇଁ ଢେଙ୍କାନାଳରେ ପହଞ୍ଚିଲା ଏନ୍‌ସିପିସିଆର  ପ୍ରତିନିଧି ଦଳ

ଶେଲଟର ହୋମ ଯୌନଶୋଷଣ ମାମଲା: ତଦନ୍ତ ପାଇଁ ଢେଙ୍କାନାଳରେ ପହଞ୍ଚିଲା ଏନ୍‌ସିପିସିଆର ପ୍ରତିନିଧି ଦଳ

ଢେଙ୍କାନାଳ ଅଫିସ, ୧୩।୧୨- ଢେଙ୍କାନାଳ ସଦର ଥାନା ବେଲଟିକିରିସ୍ଥିତ ‘ଗୁଡ୍‌ ନ୍ୟୁଜ ଇଣ୍ଡିଆ ଡ୍ରିମ ସେଣ୍ଟର’ ଶେଲଟର ହୋମ ଯୌନଶୋଷଣ ଏବଂ ଶିଶୁ ନିର୍ଯାତନା ମାମଲାର ତଦନ୍ତ ପାଇଁ କେନ୍ଦ୍ର ଶିଶୁ  ଅଧିକାର ସୁରକ୍ଷା ଆୟୋଗର(ଏନ୍‌ସିପିସିଆର) ପ୍ରତିନିଧି ଦଳ ଗୁରୁବାର  ଢେଙ୍କାନାଳରେ ପହଞ୍ଚିଛନ୍ତି।  

ବାଇକରୁ ପଡି ୩ ଗୁରୁତର

ବାଇକରୁ ପଡି ୩ ଗୁରୁତର

ପରଜଙ୍ଗ, ୧୩।୧୨(ଡି.ଏନ.ଏ):ଢ଼େଙ୍କାନାଳ ଜିଲା ପରଜଙ୍ଗ ଥାନା ମହାବିରୋଡ଼ ଫାଣ୍ଡି ଅଧିନ ମହାବିରୋଡ଼ ଛକଠାରୁ ଅଳ୍ପ ଦୂରରେ ଗୁରୁବାର ସକାଳେ ଏକ ବାଇକ ଭାରସାମ୍ୟ ହରାଇ ଦୁର୍ଘଟଣା ଘଟିବାରୁ ସେଥିରେ ଯାଉଥିବା ମହାବିରୋଡ଼ ଗ୍ରାମର ନୀତିଆ ମୁଣ୍ଡା, ଶ୍ୟାମ ମୁଣ୍ଡା ଓ ଦଶୀପୁର ଗ୍ରାମର ପଦିଆ ମୁଣ୍ଡା ଗୁରୁତର ଆହତ ହୋଇଛନ୍ତି।

ଘର ଭାଙ୍ଗିଲା ଦନ୍ତା: ଅଳ୍ପକେ ବର୍ତ୍ତିଲେ ପରିବାର

ଘର ଭାଙ୍ଗିଲା ଦନ୍ତା: ଅଳ୍ପକେ ବର୍ତ୍ତିଲେ ପରିବାର

ପରଜଙ୍ଗ, ୧୩।୧୨(ଡି.ଏନ.ଏ): ଢ଼େଙ୍କାନାଳ ବନଖଣ୍ଡ ମହାବିରୋଡ଼ ରେଞ୍ଜ ଡିହଡୋଳ ଫରେଷ୍ଟ ସେକ୍ସନ ଅଧିନ ଲୋଧଣୀ ପଞ୍ଚାୟତ ଦଳିତ ବସ୍ତିରେ ବୁଧବାର ବିଳମ୍ବିତ ରାତିରେ ରବି ନାଏକ ଓ ବିରଞ୍ଚି ନାଏକଙ୍କ ଘର ଦନ୍ତା ଭାଙ୍ଗି ଦେଇଛି। ତେବେ ଦୁଇ ପରିବାର ଘରେ ଶୋଇଥିବା ବେଳେ ଅଳ୍ପକେ ବର୍ତ୍ତି ଯାଇଛନ୍ତି।

ବିଦ୍ୟୁତ ତାର ଲାଗି ଜଳିଗଲା ଧାନ ବୋଝେଇ ଟ୍ରାକ୍ଟର

ବିଦ୍ୟୁତ ତାର ଲାଗି ଜଳିଗଲା ଧାନ ବୋଝେଇ ଟ୍ରାକ୍ଟର

ଛେଣ୍ଡିପଦା,୧୩।୧୨(ଡି.ଏନ୍‌.ଏ./ସ୍ବ.ପ୍ର.): ଅନୁଗୋଳ ଜିଲା ଛେଣ୍ଡିପଦା ବ୍ଲକ ଅନ୍ତର୍ଗତ ବରପଦା ଗ୍ରାମରେ ଗୁରୁବାର ବିଦ୍ୟୁତ୍‌ ତାର ସସ୍ପର୍ଶରେ ଆସି ଏକ ଧାନ ବୋଝେଇ ଟ୍ରାକ୍ଟର ପୋଡ଼ି ଯାଇଛି। ଉକ୍ତ ଗ୍ରାମର ନେଙ୍କୁରୀ ସାହୁ ଟ୍ରାକ୍ଟର ଯୋଗେ ବିଲରୁ ଧାନ ଖଳାକୁ ଆଣୁଥିଲେ। ବରପଦା କେନ୍ଦୁପଶି ସାହି ନିକଟରେ ଗାଡ଼ିର ଡାଲାଟି ବିଦ୍ୟୁତ ତାରରେ ଲାଗି ଯାଇଥିଲା।

ମୂଲ୍ୟବୋଧଭିତ୍ତିକ ଆଧ୍ୟାତ୍ମିକ ସଶକ୍ତୀକରଣ କାର୍ଯ୍ୟକ୍ରମ: ‘ସକାରାତ୍ମକ ଭାବନା ସୁସ୍ଥ ସମାଜ ଗଢ଼ିବ’

ମୂଲ୍ୟବୋଧଭିତ୍ତିକ ଆଧ୍ୟାତ୍ମିକ ସଶକ୍ତୀକରଣ କାର୍ଯ୍ୟକ୍ରମ: ‘ସକାରାତ୍ମକ ଭାବନା ସୁସ୍ଥ ସମାଜ ଗଢ଼ିବ’

ଢେଙ୍କାନାଳ ଅଫିସ, ୧୩ା୧୨: ପିଲାଙ୍କୁ କେବଳ ପାଠକ୍ରମ ଅନୁଯାୟୀ ଶିକ୍ଷା ଦେଲେ ପରିବର୍ତ୍ତନ ଆସେନାହିଁ। ସେମାନଙ୍କୁ ଭଲ ମଣିଷ ଭାବେ ଗଢ଼ି ତୋଳିବାକୁ ହେଲେ ମୂଲ୍ୟବୋଧଭିତ୍ତିକ ଶିକ୍ଷା, ଚିନ୍ତାମୁକ୍ତ ଜୀବନ, ବ୍ୟକ୍ତିତ୍ୱ ବିକାଶ, ରାଜଯୋଗ ଅଭ୍ୟାସ, ନିଶାମୁକ୍ତ ସମାଜ ଗଠନ ସମ୍ପର୍କରେ ସଚେତନ କରାଯିବା ଜରୁରୀ। 

ଅଣ-ଅର୍ଦ୍ଧକୁଶଳୀକୁ ନେଇ କେଁ: ଅସନା ଦିଶିଲାଣି ଅନୁଗୋଳ ସହର

ଅଣ-ଅର୍ଦ୍ଧକୁଶଳୀକୁ ନେଇ କେଁ: ଅସନା ଦିଶିଲାଣି ଅନୁଗୋଳ ସହର

ଅନୁଗୋଳ ଅଫିସ, ୧୩।୧୨: ଅନୁଗୋଳ ସହରର ଅଳିଆ କେଉଁଠି ପଡ଼ିବ ତାହାକୁ ନେଇ ଦୀର୍ଘ ବର୍ଷ ହେଲା ବାଦ ବିବାଦ ଚାଲିଥିବା ବେଳେ ସଫେଇ କର୍ମଚାରୀଙ୍କ ଘନ ଘନ କାର୍ଯ୍ୟବନ୍ଦ ଆନ୍ଦୋଳନ ପୌର ପ୍ରଶାସନ ପାଇଁ ଏବେ ନୂଆ ଅଡ଼ୁଆ ସୃଷ୍ଟି କରିଛି। 

ଶେଲଟର ହୋମ୍‌ ଯୌନଶୋଷଣ ମାମଲା; ଫୟାଜ୍‌ଙ୍କ ଜାମିନ ଆବେଦନ ଖାରଜ

ଶେଲଟର ହୋମ୍‌ ଯୌନଶୋଷଣ ମାମଲା; ଫୟାଜ୍‌ଙ୍କ ଜାମିନ ଆବେଦନ ଖାରଜ

ଢେଙ୍କାନାଳ ଅଫିସ, ୧୨ା୧୨-ଢେଙ୍କାନାଳ ସଦର ଥାନା ବେଲଟିକିରିସ୍ଥିତ ‘ଗୁଡ୍‌ ନ୍ୟୁଜ୍‌ ଇଣ୍ଡିଆ ଡ୍ରିମ୍‌ ସେଣ୍ଟର’ ଶେଲ୍‌ଟର ହୋମ୍‌  ଯୌନଶୋଷଣ ଏବଂ ଶିଶୁ ନିର୍ଯାତନା ମାମଲାରେ ଗିରଫ ହୋଇଥିବା ଅନୁଷ୍ଠାନର ଚେୟାରମ୍ୟାନ ଫୟାଜ୍‌ ରେହମାନଙ୍କର ଜାମିନ ଆବେଦନ ଖାରଜ ହୋଇଯାଇଛି। ସ୍ବତନ୍ତ୍ର ପୋକ୍‌ସୋ ଅଦାଲତ ବିଚାରପତି ଦାୟିତ୍ୱରେ ଥିବା ଅତିରିକ୍ତ ଜିଲା ଦୌରାଜଜ୍‌ କ୍ଷୀରୋଦ କୁମାର ଦାସ ଜାମିନ ଆବେଦନକୁ ଖାରଜ କରିଦେଇଛନ୍ତି।