ଉପକୂଳ ଓଡିଶା

ଜଗତ୍‌ସିଂହପୁରରେ ଖୋଲିଲା ଧାନ ମଣ୍ଡି

ଜଗତ୍‌ସିଂହପୁରରେ ଖୋଲିଲା ଧାନ ମଣ୍ଡି
ଜଗତ୍‌ସିଂହପୁର ଅଫିସ, ୧୩।୧୨ ଚାଟଣା କୃଷକ ବଜାରରେ କଣ୍ଟାବଲ୍ଲଭପୁର ଆନୁକୂଲ୍ୟରେ ବୁଧବାର ଧାନ ମଣ୍ଡି ଅତିରିକ୍ତ ଜିଲାପାଳ ସଚ୍ଚିଦାନନ୍ଦ ସାହୁଙ୍କ ଦ୍ୱାରା ଉଦ୍‌ଘାଟିତ ହୋଇଛି। ଜିଲାରେ ମଣ୍ଡି ଖୋଲିବା ଆରମ୍ଭ ହୋଇଛି ଏବଂ ଏହା ଅମଳ ଶେଷ ହେବା ପର୍ଯ୍ୟନ୍ତ ଏହି ପ୍ରକ୍ରିୟା ଜାରି ରହିବ ବୋଲି ଅତିରିକ୍ତ ଜିଲାପାଳ ସୂଚନା ଦେଇଛନ୍ତି। ସରକାରଙ୍କ ପକ୍ଷରୁ ସାଧାରଣ ଏଫଏକ୍ୟୁ ଧାନର କୁଇଣ୍ଟାଲ ପ୍ରତି ମୂଲ୍ୟ ୧,୫୫୦ ଟଙ୍କା ଧାର୍ଯ୍ୟ କରିଥିବାବେଳେ ଗ୍ରେଡ୍‌ ଏ’ ୧,୫୯୦ ଟଙ୍କା ଧାର୍ଯ୍ୟ କରାଯାଇଛି। ଜିଲାରେ ଚଳିତବର୍ଷ ୧୦୧ଟି ଧାନ ମଣ୍ଡି ଜରିଆରେ ଧାନ ସଂଗ୍ରହ ପାଇଁ ଲକ୍ଷ୍ୟଧାର୍ଯ୍ୟ କରାଯାଇଛି। ସେଥିମଧ୍ୟରୁ ଏରସମା ୧୪, କୁଜଙ୍ଗ ୧୪, ଜଗତ୍‌ସିଂହପୁର ୧୬, ତିର୍ତ୍ତୋଲ ୧୫, ନାଉଗାଁ ୬, ବାଲିକୁଦା ୨୧ ଓ ରଘୁନାଥପୁର ବ୍ଲକରେ ୯ଟି ଧାନମଣ୍ଡି ଖୋଲାଯିବ। ଜିଲାରେ ସହଜରେ କିପରି ଧାନ ସଂଗ୍ରହ ହୋଇପାରିବ ସେନେଇ ଜିଲା ଯୋଗାଣ ବିଭାଗ, ପ୍ରାଥମିକ କୃଷି ସମବାୟ ସମିତି, ସେଣ୍ଟ୍ରାଲ କୋ-ଅପରେଟିଭ୍‌ ବ୍ୟାଙ୍କ, ନିୟନ୍ତ୍ରିତ ବଜାର କମିଟି ଚାଷୀଙ୍କୁ ସଚେତନ କରିବା ପାଇଁ ଅତିରିକ୍ତ ଜିଲାପାଳ ନିର୍ଦ୍ଦେଶ ଦେଇଥିଲେ। କାର୍ଯ୍ୟକ୍ରମରେ ଜିଲା ଯୋଗାଣ ଅଧିକାରୀ ଦିଲ୍ଲୀପ କୁମାର ପାତ୍ର ୧୨୧୬୫୫୩.୪୫ କୁଇଣ୍ଟାଲ ବଳକା ଧାନ ସଂଗ୍ରହର ଲକ୍ଷ୍ୟ ରଖାଯାଇଥିବା କହିଥିଲେ। ପ୍ରଥମ ପର୍ଯ୍ୟାୟରେ ୬୩୯୩୦୫.୮୮୨କୁଇଣ୍ଟାଲ ଧାନ ସଂଗ୍ରହ ନିମନ୍ତେ ସରକାର ଲକ୍ଷ୍ୟଧାର୍ଯ୍ୟ କରିଛନ୍ତି। ବର୍ତ୍ତମାନ ସୁଦ୍ଧା ୩୦,୮୮୧ ଜଣ ଚାଷୀ ଅନ୍‌ଲାଇନ ମାଧ୍ୟମରେ ପଞ୍ଜିକୃତ ହୋଇଛନ୍ତି । ବରଗଡ଼ ଜିଲାରୁ ୨୪ ଓ ଜଗତ୍‌ସିଂହପୁରରୁ ଜଣେ ମାତ୍ର ମିଲର ଧାନ କ୍ରୟ କରିବେ। ଚାଷୀଙ୍କୁ ୩ରୁ ୭ ଦିନ ମଧ୍ୟରେ ବ୍ୟାଙ୍କ ଆକାଉଣ୍ଟ ମାଧ୍ୟମରେ ଅର୍ଥରାଶି ପ୍ରଦାନ କରାଯିବ। ଏହି କାର୍ଯ୍ୟକ୍ରମରେ କେନ୍ଦ୍ର ସମବାୟ ବ୍ୟାଙ୍କ ମ୍ୟାନେଜର କୈଳାସ ପାଲ, ସମାଜସେବୀ ବିନାୟକ ପଟ୍ଟନାୟକ, କଣ୍ଟାବଲ୍ଲଭପୁର ସୋସାଇଟି ସଭାପତି ଜଗନ୍ନାଥ ମୁଦୁଲି, ନିୟନ୍ତ୍ରିତ ବଜାର କମିଟି ସମ୍ପାଦକ ଅନିଲ ରାଉତ, ସହକାରୀ ଯୋଗାଣ ଅଧିକାରୀ ବ୍ରଜେନ୍ଦ୍ର କୁମାର ମହାନ୍ତି ପ୍ରମୁଖ ଉପସ୍ଥିତ ଥିଲେ। ଶେଷରେ କୋ-ଅପରେଟିଭ ସୋସାଇଟି ଆସିଷ୍ଟାଣ୍ଟ ରେଜିଷ୍ଟ୍ରାର ରଞ୍ଜନ କୁମାର ମିଶ୍ର ଧନ୍ୟବାଦ ଦେଇଥିଲେ।
All Right Reserved By

ଉପକୂଳ ଓଡିଶା

ସାପ ଗ୍ୟାଙ୍ଗ ମୁଖ୍ୟ ବାବୁ ବିଶ୍ୱାଳଙ୍କୁ ଏନକାଉଣ୍ଟର

ସାପ ଗ୍ୟାଙ୍ଗ ମୁଖ୍ୟ ବାବୁ ବିଶ୍ୱାଳଙ୍କୁ ଏନକାଉଣ୍ଟର

କେନ୍ଦ୍ରାପଡା ଅଫିସ/ରାଜନଗର, ୨୨।୧: ଅପରାଧ ଦୁନିଆରେ ନୂଆକରି ପାଦ ଥାପିଥିବା ସାପ ଗ୍ୟାଙ୍ଗର ମୁଖ୍ୟ ସଞ୍ଜୟ ବିଶ୍ୱାଳ ଓରଫ ବାବୁ (୩୨)ଙ୍କୁ ଜିଲା କେନ୍ଦ୍ରାପଡା ପୋଲିସ ମଙ୍ଗଳବାର ଭୋର ସମୟରେ ଏନକାଊଣ୍ଟର କରିଛିା

କୁହୁଡ଼ି ନେଲା ୭ ଜୀବନ

କୁହୁଡ଼ି ନେଲା ୭ ଜୀବନ

ପାରାଦୀପ/ଡେରାବିଶ (ସ୍ବ.ପ୍ର.)/ ରାଜନଗର/ ରଘୁନାଥପୁର,୨୨।୧( ଡି.ଏନ.ଏ.): କେନ୍ଦ୍ରାପଡ଼ା ଜିଲା ପାଇଁ ଅଶୁଭ ପାଲଟିଛି ୨୦୧୯। ନୂଆବର୍ଷ ଆରମ୍ଭରୁ ହିଁ ଜିଲାରେ ଏକାଧିକ ଦୁର୍ଘଟଣା ଘଟି ୧୫ ଲୋକଙ୍କ ଜୀବନ ଯାଇଥିବା ବେଳେ ସୋମବାର ସକାଳୁ କୁହୁଡ଼ି ୭ଜଣଙ୍କ ଜୀବନ ନେଇଛି ଓ ୬ଜଣ ଗୁରୁତର ହୋଇଛନ୍ତି। 

ମା’ ହେଲେ ଦଶମ ଶ୍ରେଣୀ ଛାତ୍ରୀ

ମା’ ହେଲେ ଦଶମ ଶ୍ରେଣୀ ଛାତ୍ରୀ

ପାଟକୁରା, ୨୨।୧ (ଡି.ଏନ୍‌.ଏ.): କନ୍ଧମାଳ ଓ ଢେଙ୍କାନାଳରେ ନାବାଳିକା ମା’ ହେବା ପରେ ରାଜ୍ୟରେ ଲଜ୍ଜାଜନକ ପରିସ୍ଥିତି ସୃଷ୍ଟି ହୋଇଛି। ଏବେ କେନ୍ଦ୍ରାପଡ଼ା ଜିଲାରେ ସମାନ ଏକ ଘଟଣା ନଜରକୁ ଆସିଛି। 

ଭିଭିପ୍ୟାଟ୍‌ ଭୋଟିଂ ସଚେତନତା

ଭିଭିପ୍ୟାଟ୍‌ ଭୋଟିଂ ସଚେତନତା

ଟାଙ୍ଗୀ(ଖୋର୍ଦ୍ଧା),୨୨ା୧(ଡି.ଏନ.ଏ.)-ଖୋର୍ଦ୍ଧା ନିର୍ବାଚନ ମଣ୍ଡଳୀ ଅନ୍ତର୍ଗତ ଟାଙ୍ଗୀ ବ୍ଲକର ୨୬ଟି ପଞ୍ଚାୟତରେ ଚଳିତ ସପ୍ତାହରୁ ଭିଭିପ୍ୟାଟ୍‌ ଭୋଟିଂ ସମ୍ପର୍କରେ ଭୋଟରମାନଙ୍କୁ ସଚେତନତା କାର୍ଯ୍ୟକ୍ରମ ଚାଲୁ ରହିଛି । 

ଛାତ୍ରୀଙ୍କୁ ଅସଦାଚରଣ ଅଭିଯୋଗ :ପ୍ରଧାନ ଶିକ୍ଷକ ଥାନାରେ ଅଟକ

ଛାତ୍ରୀଙ୍କୁ ଅସଦାଚରଣ ଅଭିଯୋଗ :ପ୍ରଧାନ ଶିକ୍ଷକ ଥାନାରେ ଅଟକ

ନୟାଗଡ଼ ଅଫିସ,୨୨ା୧-ନୟାଗଡ଼ ଜିଲା ଶରଣକୁଳ ଥାନା ଅଞ୍ଚଳର ଏକ ବିଦ୍ୟାଳୟର ଜଣେ ସପ୍ତମ ଶ୍ରେଣୀ ଛାତ୍ରୀଙ୍କୁ  ପ୍ରଧାନ ଶିକ୍ଷକ ଅସଦାଚରଣ କରିଥିବା ନେଇ ଅଭିଯୋଗ ହୋଇଛି।

 ଗ୍ରାମ୍ୟ ସଂରକ୍ଷିତ ଜଙ୍ଗଲରୁ  କାଟି ନେଉଛନ୍ତି ଗଛ:ଜିଲାପାଳଙ୍କଠାରେ ଅଭିଯୋଗ କଲେ  ଗ୍ରାମବାସୀ

ଗ୍ରାମ୍ୟ ସଂରକ୍ଷିତ ଜଙ୍ଗଲରୁ କାଟି ନେଉଛନ୍ତି ଗଛ:ଜିଲାପାଳଙ୍କଠାରେ ଅଭିଯୋଗ କଲେ ଗ୍ରାମବାସୀ

ନୟାଗଡ଼ ଅଫିସ,୨୨ା୧-ଗ୍ରାମ୍ୟ ସଂରକ୍ଷିତ ଜଙ୍ଗଲରୁ କେତେକ ଲୋକ ଗଛ କାଟି ନେଉଥିବା ଜିଲାପାଳଙ୍କଠାରେ ଡମସାହି ଗ୍ରାମ ତଲାରିବନ୍ଧ ପଡ଼ାର ଲୋକମାନେ ଅଭିଯୋଗ କରିଛନ୍ତି। 

ବିପଜ୍ଜନକ ନୌଯାତ୍ରା, ଲୋକ ଦେଖାଣିଆ ଯାଞ୍ଚ କରି ପ୍ରଶାସନ ନୀରବ

ବିପଜ୍ଜନକ ନୌଯାତ୍ରା, ଲୋକ ଦେଖାଣିଆ ଯାଞ୍ଚ କରି ପ୍ରଶାସନ ନୀରବ

ପାରାଦୀପ,୨୨ା୧(ସ୍ବ.ପ୍ର.): କେନ୍ଦ୍ରାପଡ଼ା ଜିଲା ମହାକାଳପଡ଼ା ଥାନା ଅଧୀନ ନିପାଣିଆଠାରେ ଗତ ୨ ତାରିଖରେ ଏକ ଡଙ୍ଗା ବୁଡ଼ି ଜଗତ୍‌ସିଂହପୁର ଜିଲା କୁଜଙ୍ଗ ଅଞ୍ଚଳର ୧୦ ଜଣଙ୍କ ମୃତ୍ୟୁ ହୋଇଥିଲା। 

ପିଠା ଟଙ୍କା ଚୋରି

ପିଠା ଟଙ୍କା ଚୋରି

ରାଜନଗର, ୨୧।୧(ଡି.ଏନ.ଏ):  ରାଜନଗର ବ୍ଲକ ଓସ୍ତିଆ ପଞ୍ଚାୟତ କାର୍ଯ୍ୟାଳୟରୁ ରବିବାର ରାତିରେ ଦୁର୍ବୃତ୍ତ ଗ୍ରିଲ୍‌ ଭାଙ୍ଗି ନଗଦ ପିଠା କାର୍ଯ୍ୟକ୍ରମ ପାଇଁ ଆସିଥିବା ୫୪ ହଜାର ଟଙ୍କା ଓ କଲର ଟିଭି ଚୋରି କରିନେଇଛନ୍ତି। 

ଗୁଳିକାଣ୍ଡରେ ଜଣେ ମୃତ

ଗୁଳିକାଣ୍ଡରେ ଜଣେ ମୃତ

ରାଜନଗର, ୨୧।୧(ଡି.ଏନ.ଏ): ରାଜନଗର ଥାନା ଅନ୍ତର୍ଗତ କଣ୍ଡିରା ଗ୍ରାମରେ ଚିଙ୍ଗୁଡି ଘେରିକୁ ନେଇ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳରୁ ଗୁଳିକାଣ୍ଡ ଘଟି ଜଣଙ୍କ ମୃତ୍ୟୁ ହୋଇଛି।

 ବୋଲେରୋକୁ ଧକ୍କା ଦେଲା ଟ୍ରକ: ୩ ମୃତ, ଜଣେ ଗୁରୁତର

ବୋଲେରୋକୁ ଧକ୍କା ଦେଲା ଟ୍ରକ: ୩ ମୃତ, ଜଣେ ଗୁରୁତର

ଡେରାବିଶ, ୨୧।୧(ସ୍ବ.ପ୍ର): ଡେରାବିଶ ବ୍ଲକ ଅଧିନ କଟକ-ଚାନ୍ଦବାଲି ରାସ୍ତାର କାକତିଆଠାରେ ସୋମବାର ସକାଳେ ଏକ ବୋଲେରୋକୁ ଟ୍ରକ ଧକ୍କା ଦେବାରୁ ଘଟଣାସ୍ଥଳରେ ୩ଜଣଙ୍କ ମୃତ୍ୟୁ ହୋଇଥିବାବେଳେ ଜଣେ ଗୁରୁତର ଆହତ ହୋଇଛନ୍ତି।

ଠିକାରେ ଚାଲିଛି ଓଡ଼ିଶା ମୁକ୍ତ ବିଶ୍ୱବିଦ୍ୟାଳୟ

ଠିକାରେ ଚାଲିଛି ଓଡ଼ିଶା ମୁକ୍ତ ବିଶ୍ୱବିଦ୍ୟାଳୟ

ଭୁବନେଶ୍ୱର, ୨୧ା୧(ବ୍ୟୁରୋ):ଓଡ଼ିଶା ରାଜ୍ୟ ମୁକ୍ତ ବିଶ୍ୱବିଦ୍ୟାଳୟ(ଓଏସ୍‌ଓୟୁ) ସମ୍ପର୍କିତ ବିଲ୍‌ ବିଧାନସଭାରେ ଗୃହୀତ ହେଲା। ରାଜ୍ୟ ସରକାରଙ୍କ ଉଚ୍ଚଶିକ୍ଷା ବିଭାଗ ଦ୍ୱାରା ଉକ୍ତ ବିଶ୍ୱବିଦ୍ୟାଳୟ ପ୍ରତିଷ୍ଠା କରାଗଲା। ହେଲେ ବିଶ୍ୱବିଦ୍ୟାଳୟ ପ୍ରତିଷ୍ଠା ହେବାର ସାଢେ ତିନି ବର୍ଷ ବିତିଯାଇଥିଲେ ମଧ୍ୟ ଏହାର  ନିଜସ୍ବ ଗୃହ, ଲାବୋରେଟୋରି ଏବଂ ସ୍ଥାୟୀ ଅଧ୍ୟାପକ ଓ କର୍ମଚାରୀ ନିଯୁକ୍ତ ହୋଇନାହାନ୍ତି। 

ରଣପୁର ତହସିଲରେ ଜାଲିଆତି: ବିନା ଦଲିଲରେ ମିଳୁଛି ଜମିପଟ୍ଟା, ଦୋଷ ଛଡ଼ାଇଲେ ତହସିଲଦାର

ରଣପୁର ତହସିଲରେ ଜାଲିଆତି: ବିନା ଦଲିଲରେ ମିଳୁଛି ଜମିପଟ୍ଟା, ଦୋଷ ଛଡ଼ାଇଲେ ତହସିଲଦାର

ରଣପୁର,୨୧ା୧ (ସ୍ବ.ପ୍ର.)- ସରକାର ଜମି କିମ୍ବା ଘରବାରି କିଣାବିକାରେ ସ୍ବଚ୍ଛତା ଆଣିବା ପାଇଁ ନୂଆ ନୀତି ଲାଗୁ କରୁଛନ୍ତି। ହେଲେ ବିଭାଗର କେତେକ କର୍ମଚାରୀ ଓ ଅଧିକାରୀଙ୍କ ଅପାରଗତା ଯୋଗୁ ଏହାର ଫାଇଦା ଅସାଧୁ ଲୋକମାନେ ଉଠାଉଛନ୍ତି।