ଉପକୂଳ ଓଡିଶା

ପିଏମ୍‌ଇଜିପିରେ ବ୍ୟାଙ୍କର ଅସହଯୋଗ

ପିଏମ୍‌ଇଜିପିରେ ବ୍ୟାଙ୍କର ଅସହଯୋଗ
ଯାଜପୁର ଅଫିସ,୧୩।୧୨ ଯାଜପୁର ଜିଲାରେ ଥିବା ବ୍ୟାଙ୍କଗୁଡ଼ିକ ଜିଲାସ୍ତରୀୟ ଟାସ୍କଫୋର୍ସ କମିଟିର ନିଷ୍ପତ୍ତିକୁ ମାନୁ ନାହାନ୍ତି। ଯଦ୍ୱାରା ଜିଲାରେ ପ୍ରଧାନମନ୍ତ୍ରୀ କର୍ମନିଯୁକ୍ତି ସୃଷ୍ଟି କାର୍ଯ୍ୟକ୍ରମ(ପିଏମ୍‌ଇଜିପି) ଏକ ପ୍ରକାର ଲକ୍ଷ୍ୟଭ୍ରଷ୍ଟ ହୋଇଥିବା ଜଣାପଡ଼ିଛି। ଜିଲାରେ ଶିଳ୍ପ ବିକାଶ ପାଇଁ ଗୁରୁଦାୟିତ୍ୱ ବହନ କରୁଥିବା ଆଞ୍ଚଳିକ ଶିଳ୍ପକେନ୍ଦ୍ର, ବ୍ୟାଙ୍କ/ଆର୍‌ଆର୍‌ବି ଏବଂ କେଭିଆଇସି(ଖଦି ଓ ଗ୍ରାମୀଣ ଶିଳ୍ପ ପରିଷଦ) ଆବଶ୍ୟକ ଅନୁଯାୟୀ ସକ୍ରିୟ ହେଉ ନ ଥିବା ଯୋଗୁ ଶିଳ୍ପ ବିକାଶର ଗତି ଦିନକୁ ଦିନ ମନ୍ଥର ହେବାରେ ଲାଗିଛି। ଚଳିତ ୨୦୧୭-୧୮ ଆର୍ଥତ୍କ ବର୍ଷରେ ଯାଜପୁର ଜିଲା ଆଞ୍ଚଳିକ ଶିଳ୍ପକେନ୍ଦ୍ର(ଆର୍‌ଆଇସି) ଓ କେଭିଆଇସି ଜରିଆରେ ୩୬୧ଟି ଆବେଦନ ପତ୍ର ବ୍ୟାଙ୍କଗୁଡ଼ିକୁ ପ୍ରେରଣ ହୋଇଥିଲା। କିନ୍ତୁ ସେଥିମଧ୍ୟରୁ ମାତ୍ର ୨୯ଟି ଆବେଦନ ମଞ୍ଜୁର ହୋଇଥିବାବଳେ ୨୮୩ଟି ଆବେଦନ ବ୍ୟାଙ୍କଗୁଡ଼ିକର ଫାଇଲ ତଳେ ଚପି ହୋଇ ଯାଇଛି। ସେହିପରି ଶିଳ୍ପି ଉନ୍ନତି ଯୋଜନାରେ ମଧ୍ୟ ୧୫୬ ଆବେଦନକାରୀଙ୍କ ମଧ୍ୟରୁ ମାତ୍ର ୧୭ଟି ଆବେଦନ ମଞ୍ଜୁର ହୋଇଛି। ପିଏମ୍‌ଇଜିପି ଅନ୍‌ଲାଇନ ପୋର୍ଟାଲ ୨୦୧୬ଜୁଲାଇ ୧ତାରିଖରୁ ଆରମ୍ଭ ହୋଇଛି। ପିଏମ୍‌ଇଜିପିର କାର୍ଯ୍ୟକାରୀକୁ ନେଇ ବିଭିନ୍ନ ପ୍ରକ୍ରିୟା ଯଥା ଆବେଦନ, ଋଣ ମଞ୍ଜୁର ଆଦି ଅନ୍‌ଲାଇନ ମାଧ୍ୟମରେ ସମ୍ପନ୍ନ ହେଉଛି। ଜିଲାସ୍ତରୀୟ ଟାସ୍କଫୋର୍ସ କମିଟିର ମଞ୍ଜୁର ପରେ ଆବେଦନଗୁଡିକୁ ବ୍ୟାଙ୍କ ନିକଟକୁ ପରବର୍ତ୍ତି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦିଆଯାଉଛି। ଆରଆଇସି ଦ୍ୱାରା ୧୭୪ ଆବେଦନ ଜିଲାର ବିଭିନ୍ନ ବ୍ୟାଙ୍କକୁ ପ୍ରେରଣ ହୋଇଛି । ସେଥିରୁ ମାତ୍ର ୧୫ଟି ଆବେଦନ ମଞ୍ଜୁର କରାଯାଇଛି । ବାକି ୧୫୯ଟି ଆବେଦନ ପଡି ରହିଛି । ସେହିପରି କେଭିଆଇସି ଦ୍ୱାରା ୧୮୭ ଆବେଦନ ଦିଆଯାଇଥିବାବେଳେ ମାତ୍ର ୧୪ ଆବେଦନ ମଞ୍ଜୁର ହୋଇଛି। ବାକି ୧୭୪ ଆବେଦନ ପଡ଼ି ରହିଛି। ଆର୍‌ଆଇସି ଓ କେଭିଆଇସି ଦ୍ୱାରା ପ୍ରେରିତ ଆବେଦନ ମଧ୍ୟରୁ ଆହ୍ଲାବାଦ ବ୍ୟାଙ୍କରେ ୨୭, ଆନ୍ଧ୍ରବ୍ୟାଙ୍କରେ ୧୦, କାନାଡ଼ା ବ୍ୟାଙ୍କରେ ୩୧, ଇଣ୍ଡିଆ ବ୍ୟାଙ୍କରେ ୧୧, ଓଡିଶା ଗ୍ରାମ୍ୟ ବ୍ୟାଙ୍କରେ ୫୦, ୟୁକୋ ବ୍ୟାଙ୍କରେ ୮, ୟୁନିୟନ ବ୍ୟାଙ୍କରେ ୧୪, ୟୁବିଆଇ ବ୍ୟାଙ୍କରେ ୧୧, କର୍ପୋରେଶନ ବ୍ୟାଙ୍କରେ ୮, ଆଇଓବିରେ ୮, ବିଓଆଇରେ ୯ଟି ଏଭଳି ୨୮୩ ଆବେଦନ ମଞ୍ଜୁର ଅପେକ୍ଷାରେ ରହିଛି। ରାଜ୍ୟର ଅନ୍ୟ ୨୧ ଜିଲାରେ ପିଏମଇଜିପିର ଅଗ୍ରଗତି ସନ୍ତୋଷଜନକ ଥିବାବେଳେ ଯାଜପୁର ସମେତ ବଲାଙ୍ଗୀର, ପୁରୀ ଓ କୋରାପୁଟ ଜିଲାରେ ନୈରାଶ୍ୟଜନକ ହୋଇଥିବା ଜଣାପଡିଛି। ରାଜ୍ୟ ଶିଳ୍ପ ନିର୍ଦ୍ଦେଶକ ନିରଞ୍ଜନ ସାହୁ ଏନେଇ ଉଦ୍‌ବେଗ ପ୍ରକାଶ କରିବା ସହିତ ଧାର୍ଯ୍ୟଲକ୍ଷ୍ୟକୁ ପୂରଣ କରିବାକୁ ଜିଲା ଆଞ୍ଚଳିକ ଶିଳ୍ପ କେନ୍ଦ୍ରର ଅଧିକାରୀଙ୍କୁ ଚେତାବନୀ ଦେଇଛନ୍ତି। ତେବେ ଏହି ଯୋଜନାକୁ ସଫଳତାର ସହ କାର୍ଯ୍ୟକାରୀ କରିବାକୁ ବ୍ୟାଙ୍କ କର୍ତ୍ତୃପକ୍ଷଙ୍କ ଅବହେଳା ଯୋଗୁ ଦିନକୁ ଦିନ କାର୍ଯ୍ୟକ୍ରମ ମୂଳ ଲକ୍ଷ୍ୟଠାରୁ ଦୂରେଇ ଯିବାରେ ଲାଗିଛି। ସାମଗ୍ରିକ ଶିଳ୍ପ ବିକାଶକୁ ତ୍ୱରାନ୍ବିତ କରିବା ପରିବର୍ତ୍ତେ ଆବେଦନକାରୀଙ୍କୁ ବିଭିନ୍ନ ଆଳ ଦେଖାଇ ଭୁଆଁ ବୁଲାଯାଉଛି। ପିଏମ୍‌ଇଜିପି ଯୋଜନାରେ ଋଣ ପରିମାଣ ଓ ରିହାତିକୁ ବୃଦ୍ଧି କରାଯାଇଛି ସତ ହେଲେ ଏଥିରେ କେବଳ ଧନୀ ଶ୍ରେଣୀର ହିତାଧିକାରୀ ସୁଯୋଗ ପାଉଥିବାବେଳେ ଗରିବ ଶ୍ରେଣୀର ଆଶାୟୀ ଯୁବତୀଯୁବକ ବଞ୍ଚିତ ରହୁଛନ୍ତି ବୋଲି ଅଭିଯୋଗ ହୋଇଆସୁଛି। ମିଳିଥିବା ତଥ୍ୟ ଅନୁସାରେ ଚଳିତବର୍ଷ ଶିଳ୍ପୀ ଉନ୍ନତି ଯୋଜନାରେ ମଧ୍ୟ ବ୍ୟାଙ୍କଗୁଡ଼ିକର ସହଯୋଗ ରହୁନାହିଁ। ଏହି ଯୋଜନାରେ ୨୮ଟି ଆବେଦନ ପ୍ରାୟୋଜିତ ହୋଇଛି। ସେଥିରୁ ମାତ୍ର ୧୧ଟି ଆବେଦନ ନାମଞ୍ଜୁର ହୋଇଥିବାବେଳେ ୧୭ଟି ଆବେଦନ ମଞ୍ଜୁର ହୋଇଛି । ଛତିଆ ଓଜିବିରେ ୩ଟି, ଗଡ଼ମଧୁପୁର ଓଜିବିରେ ୪ଟି, ଜେନାପୁର ଓଜିବିରେ ୪ଟି ଆବେଦନକୁ ନାମଞ୍ଜୁର କରି ଫେରାଇ ଦିଆଯାଇଛି। ଚଳିତ ବର୍ଷ ୧୫୬ ଜଣଙ୍କୁ ଶିଳ୍ପୀ ଉନ୍ନତି ଯୋଜନାରେ ସାମିଲ କରାଯାଇଛି । ହେଲେ ସେଥିରୁ ମାତ୍ର ୧୭ଟି ଆବେଦନ ମଞ୍ଜୁର ହେବା ଯୋଜନାର ସଫଳତାକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି । ଏହାଦ୍ୱାରା କର୍ମନିଯୁକ୍ତି ସୃଷ୍ଟି ହେବା ତ ଦୂରର କଥା କ୍ରମଶଃ କର୍ମନିଯୁକ୍ତି ସଙ୍କୁଚିତ ହେବାରେ ଲାଗିଛି । ଜିଲାସ୍ତରୀୟ ଟାସ୍କଫୋର୍ସ କମିଟିର ଅଧ୍ୟକ୍ଷ ତଥା ଜିଲାପାଳ ରଞ୍ଜନ କୁମାର ଦାସ ତାଙ୍କ ପତ୍ରସଂଖ୍ୟା ୨୭୨୨/୭।୧୨।୨୦୧୭ରେ ଏହି ଦୁର୍ବଳ ଅଗ୍ରଗତି ଉପରେ କ୍ଷୋଭ ପ୍ରକାଶ କରିବା ସହିତ ଜିଲା ବ୍ୟାଙ୍କ ସଂଯୋଜକଙ୍କୁ ଏନେଇ ତାଗିଦ କରିଛନ୍ତି। ଉପଯୁକ୍ତ ଆବେଦନଗୁଡିକୁ ତୁରନ୍ତ ଅନ୍‌ଲାଇନ ମାଧ୍ୟମରେ ମଞ୍ଜୁର କରି ସଂପୃକ୍ତ ତାଲିମ କେନ୍ଦ୍ରଗୁଡ଼ିକୁ ଅବଗତ କରିବାକୁ ନିର୍ଦ୍ଦେଶ ଦେଇଛନ୍ତି। ତାଲିମ ଶେଷ ପରେ ଆବଶ୍ୟକ ଅର୍ଥ ତୁରନ୍ତ ପୈଠ କରାଯାଉ ବୋଲି ଜିଲାପାଳ ପରାମର୍ଶ ଦେଇଛନ୍ତି।
All Right Reserved By

ଉପକୂଳ ଓଡିଶା

ରାସ୍ତା ପାଇଁ ରାସ୍ତାରେ ବସିଲେ ଗ୍ରାମବାସୀ

ରାସ୍ତା ପାଇଁ ରାସ୍ତାରେ ବସିଲେ ଗ୍ରାମବାସୀ

ନିଶ୍ଚିନ୍ତକୋଇଲି,୧୯।୧(ସ୍ବ.ପ୍ର.): କଟକ ଜିଲା ନିଶ୍ଚିନ୍ତକୋଇଲି ତହସିଲ ଅଧୀନସ୍ଥ  ରାମକୃଷ୍ଣପୁର ଗ୍ରାମର ମଳିକସହିକୁ ରାସ୍ତା ନଥିବାରୁ ଏହାର ପ୍ରତିବାଦରେ ଶନିବାର ଗ୍ରାମବାସୀ ତହସିଲ କାର୍ଯ୍ୟାଳୟ ସମ୍ମୁଖ ରାସ୍ତାରେ ଧାରଣାରେ ବସିଛନ୍ତି । 

୨ମାସ ହେଲା ବିଦ୍ୟୁତ୍‌ ଆଲୋକରୁ ବଞ୍ଚିତ ରଣପୁର ବ୍ଲକର  ୮ ଗ୍ରାମ

୨ମାସ ହେଲା ବିଦ୍ୟୁତ୍‌ ଆଲୋକରୁ ବଞ୍ଚିତ ରଣପୁର ବ୍ଲକର ୮ ଗ୍ରାମ

ରଣପୁର,୧୯ା୧ (ସ୍ବ.ପ୍ର.)- ରଣପୁର ବ୍ଲକର ଆଦିବାସୀ ଅଧ୍ୟୁଷିତ ଅଞ୍ଚଳ ଭାବେ ପରିଚିତ ବନ୍ଧମୁଣ୍ଡା ପଞ୍ଚାୟତ। ୨୦୧୨ରେ ଏଠାକୁ ବିଦ୍ୟୁତ୍‌ ସଂଯୋଗ ଦେବା ପଇଁ ରାଜୀବ ଗାନ୍ଧୀ ବିଦ୍ୟୁତ୍‌ ଯୋଜନାରେ କାର୍ଯ୍ୟ ଆରମ୍ଭ ହୋଇଥିଲା। ପରେ ୨୦୧୭ରେ ପଞ୍ଚାୟତର କେତେକ ଗ୍ରାମକୁ ବିଦ୍ୟୁତ୍‌ ସଂଯୋଗ ଦିଆଯାଇଥିଲା। ପ୍ରଥମ କରି ବିଦ୍ୟୁତ୍‌ ଆଲୋକ ପାଇ ସ୍ଥାନୀୟ ଗ୍ରାମବାସୀ ଖୁସି ପ୍ରକଟ କରିଥିଲେ।

ଗ୍ୟାରେଜରେ ଅଗ୍ନିକାଣ୍ଡ: ୨ ଗାଡ଼ି ପୋଡିଗଲା

ଗ୍ୟାରେଜରେ ଅଗ୍ନିକାଣ୍ଡ: ୨ ଗାଡ଼ି ପୋଡିଗଲା

ନୂଆଗାଁ,୧୯ା୧ (ଡି.ଏନ.ଏ.)- ନୟାଗଡ଼ ଜିଲା ନୂଆଗାଁ ବ୍ଲକ ଡିମିରିଝରୀ ଗ୍ରାମରେ ଥିବା ଏକ ଗ୍ୟାରେଜରେ ଶୁକ୍ରବାର ରାତି ୧୦ଟାରେ ନିଆଁ ଲାଗି ବହୁ ସାମଗ୍ରୀ ପୋଡି ଯାଇଛି। ଗ୍ରାମର ୫୭ନଂ. ଜାତୀୟ ରାଜପଥ କଡରେ ଥିବା ବ୍ରଜ ଭାଇ ଗ୍ୟାରେଜରେ ନିଆଁ ଲାଗିଯାଇ ସେଠାରେ ଥିବା ଦୁଇଟି ଗ୍ୟାସ୍‌ ସିଲିଣ୍ଡର ଫାଟି ଯାଇଥିଲା।

ଓଡ଼ଗାଁରେ ଯୁବକଙ୍କ ଆକ୍ରମଣରେ ୨ ମୃତ,୨ ଗୁରୁତର ମାମଲା: ଉନ୍ମତ୍ତ ଯୁବକ ଜେଲ ଗଲେ

ଓଡ଼ଗାଁରେ ଯୁବକଙ୍କ ଆକ୍ରମଣରେ ୨ ମୃତ,୨ ଗୁରୁତର ମାମଲା: ଉନ୍ମତ୍ତ ଯୁବକ ଜେଲ ଗଲେ

ଓଡ଼ଗାଁ,୧୯।୧(ସ୍ବ.ପ୍ର.)-ଓଡ଼ଗାଁ ଥାନା ଅଞ୍ଚଳରେ ଯୁବକଙ୍କ ଉନ୍ମତ୍ତ କାଣ୍ଡରେ ୨ଜଣଙ୍କ ମୃତ୍ୟୁ ଘଟିବା ଓ ୨ଗୁରୁତର ହେବା ଘଟଣାରେ ପୋଲିସ ହେପାଜତରେ ଥିବା ଆକ୍ରମଣକାରୀ ଯୁବକଙ୍କୁ ଶୁକ୍ରବାର ଗିରଫ କରାଯାଇ କୋର୍ଟ ଚାଲାଣ କରାଯାଇଥିଲା। ଜାମିନ ନାମଞ୍ଜୁର ହେବାରୁ ତାଙ୍କୁ ଜେଲ ହାଜତକୁ ପଠାଇ ଦିଆଯାଇଛି। ଏହି ଘଟଣାକୁ ନେଇ ଉତ୍ତ୍ୟକ୍ତ ଲୋକେ ରାସ୍ତା ଅବରୋଧ କରିଥିଲେ।

ନୟାଗଡ଼ ଜିଲାର ଚାଷୀଙ୍କୁ ହତୋତ୍ସାହ କରୁଛି ଉଦ୍ୟାନ ବିଭାଗ,  ୭ ଦିନ ଭିତରେ ସମାଧାନ କରିବାକୁ ଜିଲା ପ୍ରଶାସନକୁ ନିର୍ଦ୍ଦେଶ

ନୟାଗଡ଼ ଜିଲାର ଚାଷୀଙ୍କୁ ହତୋତ୍ସାହ କରୁଛି ଉଦ୍ୟାନ ବିଭାଗ, ୭ ଦିନ ଭିତରେ ସମାଧାନ କରିବାକୁ ଜିଲା ପ୍ରଶାସନକୁ ନିର୍ଦ୍ଦେଶ

ନୟାଗଡ଼ ଅଫିସ,୧୯।୧-ନୟାଗଡ଼ ଜିଲା ଉଦ୍ୟାନ ବିଭାଗ ଚାଷୀଙ୍କ ଉନ୍ନତି ନିମନ୍ତେ କାମ ନ କରି ଅବନତି ପାଇଁ କାର୍ଯ୍ୟ  କରୁଥିବା ଚାଷୀମାନେ ଅଭିଯୋଗ କରିଛନ୍ତି। ବିଭିନ୍ନ ସମୟରେ ଚାଷୀମାନେ ଉଦ୍ୟାନ ବିଭାଗଠାରୁ କାର୍ଯ୍ୟାଦେଶ ପାଇ ଚାଷ କାର୍ଯ୍ୟ କରୁଥିଲେ ମଧ୍ୟ ସେମାନଙ୍କୁ ସହାୟତା ରାଶି ପ୍ରଦାନ କରାଯାଉ ନାହିଁ। ।

ପାରା, ସୁନା ଗହଣା ଚୋରି ୨ ଗିରଫ

ପାରା, ସୁନା ଗହଣା ଚୋରି ୨ ଗିରଫ

ମାର୍ଶାଘାଇ, ୧୮।୧ (ଡି.ଏନ୍‌.ଏ.): ମାର୍ଶାଘାଇ ଥାନା ଶିଳିପୁର ଗ୍ରାମର ପବିତ୍ର ମୋହନ ସାହୁଙ୍କ ଘରୁ କବାଟ ଭାଙ୍ଗି ସୁନା ଅଳଙ୍କାର ଓ ୪୦ଟି ପାରା ଚୋରି ଅଭିଯୋଗରେ ପୋଲିସ ଶୁକ୍ରବାର ୨ ଜଣଙ୍କୁ ଗିରଫ କରିଛି। ସେମାନେ ହେଲେ ଆଠବାଟିଆ ଗ୍ରାମର ପ୍ରଭାତ ବେହେରା(୨୭) ଓ ସିପୁନି ନାୟକ(୨୦)।

୩ ହଜାର ଲାଞ୍ଚ ନେବା ମହଙ୍ଗା ପଡ଼ିଲା: ଭିଜିଲାନ୍ସ ଜାଲରେ ଦର୍ପନାରାୟଣପୁର ଫାଣ୍ଡି ଅଧିକାରୀ

୩ ହଜାର ଲାଞ୍ଚ ନେବା ମହଙ୍ଗା ପଡ଼ିଲା: ଭିଜିଲାନ୍ସ ଜାଲରେ ଦର୍ପନାରାୟଣପୁର ଫାଣ୍ଡି ଅଧିକାରୀ

ରଣପୁର,୧୮।୧(ସ୍ବ.ପ୍ର.):  ନୟାଗଡ଼ ଜିଲା ରଣପୁର ଥାନା ଅଧୀନରେ କାର୍ଯ୍ୟ କରୁଥିବା ଦର୍ପନାରାୟଣପୁର ଫାଣ୍ଡି ଅଧିକାରୀ ବାଳକୃଷ୍ଣ ଦାସଙ୍କୁ ଶୁକ୍ରବାର ଲାଞ୍ଚ ନେଉଥିବା ବେଳେ  ଭୁବନେଶ୍ୱର  ଭିଜିଲାନ୍ସ ହାତରେ ଧରାପଡ଼ିଛନ୍ତି। ଭିଜିଲାନ୍ସର ୬ ଜଣିଆ ଟିମ୍‌ ତାଙ୍କୁ ଗିରଫ କରିଛନ୍ତି।

ବିଦ୍ୟାଳୟ ମିଶ୍ରଣରେ ଜଗତ୍‌ସିଂହପୁର ପଛୁଆ, ଶିକ୍ଷା ଅପେକ୍ଷା ଥଇଥାନକୁ ଗୁରୁତ୍ୱ

ବିଦ୍ୟାଳୟ ମିଶ୍ରଣରେ ଜଗତ୍‌ସିଂହପୁର ପଛୁଆ, ଶିକ୍ଷା ଅପେକ୍ଷା ଥଇଥାନକୁ ଗୁରୁତ୍ୱ

ପାରାଦୀପ,୧୮ା୧(ସ୍ବ.ପ୍ର.): ବିକଶିତ ଓ ବିକାଶଶୀଳ ରାଷ୍ଟ୍ରାର ପ୍ରଥମ ପାହାଚ ହେଉଛି ଶିକ୍ଷା। ଶିକ୍ଷା ବ୍ୟବସ୍ଥା ସ୍ବଚ୍ଛ ଓ ସୁଦୃଢ ହେଲେ ବିକାଶର ଦ୍ୱାର ଉନ୍ମୁକ୍ତ ହୁଏ। କିନ୍ତୁ ଆମ ରାଜ୍ୟରେ ଶିକ୍ଷା ବ୍ୟବସ୍ଥା ବହୁ ପଛରେ ପଡ଼ିଛି। ଶିକ୍ଷାର ଉନ୍ନତି ତ ଦୂରର କଥା, ବିଭିନ୍ନ କ୍ଷେତ୍ରରେ ହେଉଥିବା ଦୁର୍ନୀତି ଯୋଜନା ଫଳପ୍ରଦ ହେବାକୁ ଦେଉନାହିଁ। 

ଅର୍ଦ୍ଧନିର୍ମିତ ପୋଲରେ ବାଉଁଶ ଚାର

ଅର୍ଦ୍ଧନିର୍ମିତ ପୋଲରେ ବାଉଁଶ ଚାର

ନାଉଗଁା,୧୮ା୧(ସ୍ବ.ପ୍ର.): ନାଉଗଁା ବ୍ଲକରେ ପ୍ରବାହିତ ଗୋବରୀ ନଦୀରେ ଏକାଧିକ ପୋଲ ନିର୍ମିତ ହୋଇଛି। ତେବେ ସେସବୁ ଅର୍ଦ୍ଧନିର୍ମିତ ଅବସ୍ଥାରେ ଥିବାରୁ ଲୋକଙ୍କ କାମରେ ଲାଗିପାରୁନାହିଁ। କେଉଁଠି ପୋଲର ବାଡା ନାହିଁ ତ ଆଉ କେଉଁଠି ସଂଯୋଗୀକରଣ ରାସ୍ତା ହୋଇନି। ସେହିପରି କେତେକ କୋଲ କେବଳ ପିଲରରେ ସୀମିତ ରହିଛି। ତେଣୁ କେତେକ ସ୍ଥାନରେ ଲୋକେ ଅର୍ଦ୍ଧନିର୍ମିତ ପୋଲ ଉପରେ ବାଉଁଶ ପକାଇ ଯାତାୟାତ କରୁଛନ୍ତି।

ଭତ୍ତା ଟଙ୍କା ଆଣିବାକୁ ମା’ଙ୍କ ସହ ୩ କି.ମି. ଚାଲିଚାଲି ଯାଉଛନ୍ତି ଦିବ୍ୟାଙ୍ଗ

ଭତ୍ତା ଟଙ୍କା ଆଣିବାକୁ ମା’ଙ୍କ ସହ ୩ କି.ମି. ଚାଲିଚାଲି ଯାଉଛନ୍ତି ଦିବ୍ୟାଙ୍ଗ

ନୟାଗଡ଼ ଅଫିସ,୧୮।୧-ନୟାଗଡ଼ ଜିଲାର ବିଭିନ୍ନ ସ୍ଥାନରେ ଭତ୍ତା ଟଙ୍କା ଆଣିବାକୁ ଯାଇ ଦିବ୍ୟାଙ୍ଗମାନେ ହଇରାଣ ହେଉଥିବା ଦେଖିବାକୁ ମିଳୁଛି। ଅନୁରୂପ ଭାବେ ବୃଦ୍ଧାବୃଦ୍ଧ ମଧ୍ୟ ହଇରାଣ ହେଉଛନ୍ତି। ଚାଲିବାକୁ ସକ୍ଷମ ନ ଥିବା ବ୍ୟକ୍ତିମାନେ ଘରଠାରୁ ୩/୪କିମି ଦୂର ପଞ୍ଚାୟତ କାର୍ଯ୍ୟାଳୟକୁ ଭତ୍ତା ପାଇଁ ଯାଉଥିବାରୁ ଏପରି ସମସ୍ୟା ଉପୁଜୁଛି।

ନଦୀକୂଳ ଡମ୍ପିଂ ପ୍ୟାକିଂ ଖସୁଛି: ଦୀର୍ଘଦିନର ଦାବି ପରେ କାର୍ଯ୍ୟ ଆରମ୍ଭ

ଖଣ୍ଡପଡା,୧୮।୧(ସ୍ବ.ପ୍ର.)- ମହାନଦୀ ଦକ୍ଷିଣପାର୍ଶ୍ୱ ମାଳବନ୍ଧର ସୁରକ୍ଷା ପାଇଁ ଦୀର୍ଘବର୍ଷ ପୂର୍ବେ ନିର୍ମାଣ କରାଯାଇଥିବା ପଥର ପ୍ୟାକିଂ ଓ ଡମ୍ପିଂ ବନ୍ୟା ସମୟରେ ଭୁଷୁଡି ପଡୁଥିବା ପରିଲକ୍ଷିତ ହୋଇଥାଏ। ଏ ସମ୍ପର୍କରେ ଧରିତ୍ରୀରେ ଖବର ପ୍ରକାଶ ପାଇବା ପରେ ବିଭାଗ ପକ୍ଷରୁ କାର୍ଯ୍ୟ ଆରମ୍ଭ ହୋଇଛି। 

ମୋଷ୍ଟ ଓ୍ବାଣ୍ଟେଡ୍‌ ଆଲୋକ ଗିରଫ : ୨୨ ଆପରାଧିକ ମାମଲାରେ ସମ୍ପୃକ୍ତ

ମୋଷ୍ଟ ଓ୍ବାଣ୍ଟେଡ୍‌ ଆଲୋକ ଗିରଫ : ୨୨ ଆପରାଧିକ ମାମଲାରେ ସମ୍ପୃକ୍ତ

ଓଡ଼ଗାଁ,୧୮।୧(ସ୍ବ.ପ୍ର.)-ନୟାଗଡ଼ ସମେତ ଖୋର୍ଦ୍ଧା ଓ ଗଞ୍ଜାମ ଜିଲାର ବିଭିନ୍ନ ଥାନାରେ ମୋଷ୍ଟ ୱାଣ୍ଟେଡ୍‌ ତାଲିକାରେ ଥିବା ଆଲୋକ ସାହୁ(୨୨)ଙ୍କୁ ଓଡଗଁା ଥାନା ପୋଲିସ ବୁଧବାର ଗିରଫ କରିଛି । ଆଲୋକଙ୍କ ଘର ଏହି ଥାନା ଅନ୍ତର୍ଗତ ରଙ୍ଗଣୀପାଟଣା ଗ୍ରାମରେ ହୋଇଥିବା ବେଳେ ସେ ମାତ୍ର ୨୨ ବର୍ଷ ବୟସରେ ୨୨ ଆପରାଧିକ ମାମଲାରେ ସମ୍ପୃକ୍ତ ଥିବା ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି।