ଉପକୂଳ ଓଡିଶା

ପ୍ରତିମାସରେ ୨୫ ହଜାର ଲିଟର କିରୋସିନ ବାଟମାରଣା

ପ୍ରତିମାସରେ ୨୫ ହଜାର ଲିଟର କିରୋସିନ ବାଟମାରଣା
ଚଣ୍ଡିଖୋଲ,୧୩।୧୨(ଡି.ଏନ.ଏ) ବଡ଼ଚଣା ପଞ୍ଚାୟତ ସମିତି ୪୩ଟି ପଞ୍ଚାୟତକୁ ନେଇ ଗଠିତ । ଖାଦ୍ୟ ସୁରକ୍ଷା ଯୋଜନାରେ ୧ ଲକ୍ଷ ୮୨ ହଜାର ୬୯୮ ଜଣ ହିତାଧିକାରୀ ଅନ୍ତର୍ଭୁକ୍ତ ହୋଇଛନ୍ତି। ଏହି ହିତାଧିକାରୀଙ୍କ ନିମନ୍ତେ ପ୍ରତ୍ୟେକ ମାସରେ ୧ ଲକ୍ଷ ୧୫ ହଜାର ୧୦୦ ଲିଟର କିରୋସିନ ଆସୁଛି। ଚଣ୍ଡିଖୋଲସ୍ଥିତ ସିଟି କିରୋସିନ ଡିପୋରୁ ହୋଲସେଲର ଭାବେ ନିଯୁକ୍ତି ହୋଇଥିବାବେଳେ ୭୮ ଜଣ ରିଟେଲରଙ୍କ ଜରିଆରେ ଖାଉଟିଙ୍କୁ କିରୋସିନ ବଣ୍ଟନ କରାଯାଉଅଛି। ଏହି କିରୋସିନରୁ ପ୍ରତ୍ୟେକ ମାସରେ ୨୫ ହଜାର ଲିଟର କିରୋସିନ ବାଟମାରଣା ହୋଇଥିବା ନେଇ ଅଭିଯୋଗ ହୋଇଛି। ସରକାରଙ୍କ ନିୟମାନୁଯାୟୀ, ପ୍ରତ୍ୟେକ ହିତାଧିକାରୀଙ୍କୁ ମୁଣ୍ଡପିଛା ୬୩୦ ମିଲି ପ୍ରଦାନ ପାଇଁ ନିର୍ଦ୍ଦେଶ ଥିବାବେଳେ ଏହାକୁ ଅମାନ୍ୟ କରି ପ୍ରତ୍ୟେକ ହିତାଧିକାରୀଙ୍କୁ ୫୦୦ ମି.ଲି ପ୍ରଦାନ କରାଯାଉଅଛି। ପ୍ରତ୍ୟେକ ହିତାଧିକାରୀଙ୍କର ୧୩୦ ମିଲି ହଡପ କରାଯାଉଛି। ଫଳରେ ମାସିକ ବଡ଼ଚଣାରେ ସିଧାସଳଖ ଭାବେ ୨୫ ହଜାର ଲିଟର କିରୋସିନ ହିତାଧିକାରୀଙ୍କ ନିକଟକୁ ଯାଇପାରୁନାହିଁ। ବସ୍ତୁ ଓ ସେବା ଟିକସ (ଜିଏସ୍‌ଟି) ଲାଗୁହେଲା ପରେ ହୋଲସେଲରମାନେ କମ୍ପ୍ୟୁଟରାଇଜ ବିଲ ରିଟେଲରଙ୍କୁ ପ୍ରଦାନ କରିବାର ନିୟମ ଥିବାବେଳେ ଅଦ୍ୟାବଧି ହୋଲସେଲର ସିଟି କିରୋସିନ ହାତଲେଖା ବିଲ ରିଟେଲରଙ୍କୁ ପ୍ରଦାନ କରୁଛନ୍ତି। ସେହିଭଳି ସରକାରୀ ନିୟମ ଅନୁଯାୟୀ ୨୦ ଟଙ୍କା ୨୪ ପଇସା ମୂଲ୍ୟ ପରେ କେନ୍ଦ୍ର ଓ ରାଜ୍ୟ ସରକାରଙ୍କର ୨.୫ ଜିଏସ୍‌ଟି ନେବାର ବ୍ୟବସ୍ଥା ରହିଛି । ଏହି ଅନୁସାରେ ଜିଏସ୍‌ଟିକୁ ମିଶାଇବା ପରେ ହୋଲସେଲର ରିଟେଲରଙ୍କ ନିକଟରୁ ୨୧ ଟଙ୍କା ୨୫ ପଇସା ମୂଲ୍ୟରେ ନେବା କଥା। ତେବେ ପ୍ରତି ଲିଟରରେ ୩୦ ପଇସା ଅଧିକ ହୋଲସେଲର ରିଟେଲରଙ୍କ ନିକଟରୁ ନେଉଥିବା ନେଇ କେତେକ ରିଟେଲର ଅଭିଯୋଗ କରିଛନ୍ତି। ଅଧିକ ନେଉଥିବା ଏହି ୩୦ ପଇସା ବିଲରେ ପଡ଼ୁନାହିଁ। ଯଦି କୌଣସି ରିଟେଲର ଏଥିପ୍ରତି ଅଭିଯୋଗ କରୁଛନ୍ତି ତେବେ ସେମାନଙ୍କୁ ହଇରାଣ କରାଯାଉଛି। ଏହାପରେ ପ୍ରତ୍ୟେକ ବ୍ୟାରେଲରେ ୨ ଶହ ୨୦ ଲିଟର କିରୋସିନ ରହିବାର ନିୟମ ଥିଲାବେଳେ ବ୍ୟାରେଲ ପିଛା ୨୦ ଲିଟର କମ୍‌ କିରୋସିନ ରହୁଛି। ଏଥିପାଇଁ ରିଟେଲରମାନେ ୨୪ ଟଙ୍କା ମୂଲ୍ୟରେ ବିକ୍ରୟ କରୁଛନ୍ତି। ଏପରିକି ଚଣ୍ଡିଖୋଲ ଠାରୁ ଦୀର୍ଘ ୪୦ କିମି ଦୂର ସମିଆ, କୋଲଣଗିରି, ବଡ଼ବାଲିକୁଦା ଆଦି ପଞ୍ଚାୟତଗୁଡ଼ିକୁ ପରିବହନ ଖର୍ଚ୍ଚ ଅଧିକ ଲାଗୁଥିଲାବେଳେ ବାଟରେ ଥିବା ଶ୍ରୀରାମପୁର ଟୋଲଗେଟରେ ଟୋଲ ଦେଇ ରିଟେଲରମାନେ ଯାଉଛନ୍ତି। ରିଟେଲରମାନେ ମଧ୍ୟ ଏହି ଖର୍ଚ୍ଚକୁ ଭରଣା କରିବା ପାଇଁ କେତେକ ହିତାଧିକାରୀଙ୍କୁ ନଦେଇ ଏହାକୁ କଳା ବଜାରରେ ବିକ୍ରୟ କରୁଛନ୍ତି। ଏହି ଡିପୋ ନିକଟରେ ୨ ଜଣ ଚୋରା କିରୋସିନ ବ୍ୟବସାୟୀ ରହୁଛନ୍ତି। ସେମାନେ ଏଠାରୁ କିରୋସିନ ନେଇ ପାରାଦୀପକୁ ଚାଲାଣ କରୁଛନ୍ତି। ସିଧାସଳଖ ଭାବେ କରାଯାଉଥିବା କିରୋସିନ କଳାବଜାର ବିଷୟରେ ଜ୍ଞାତ ଥିଲେ ମଧ୍ୟ ପ୍ରଶାସନିକ ଅଧିକାରୀମାନେ ଏହା ଦେଖି କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁ ନ ଥିବା ଅଭିଯୋଗ ହେଉଛି। ଏ ସମ୍ପର୍କରେ ବଡ଼ଚଣା ବ୍ଲକ ଯୋଗାଣ ଅଧିକାରୀ ବିଶ୍ୱଜିତ୍‌ ମିଶ୍ରଙ୍କୁ ପଚାରିବାରେ କିରୋସିନ କଳାବଜାର ସମ୍ପର୍କରେ କୌଣସି ଖବର ନାହିଁ। ତେଲ ଢାଳି ହେଉଥିବା ଯୋଗୁ ହିତାଧିକାରୀଙ୍କୁ କିଛି ତେଲ କମ୍‌ ଦିଆଯାଉଛି। କମ୍ପ୍ୟୁଟର ବିଲ ପ୍ରସ୍ତୁତ ହୋଇ ନ ଥିବାରୁ ଦିଆଯାଇପାରିନାହିଁ। ବିଲ ଠାରୁ ଅଧିକ ମୂଲ୍ୟ ନେଉଥିବା ନେଇ କୌଣସି ଅଭିଯୋଗ ହୋଇନାହିଁ। ଅଭିଯୋଗ ଆସିଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି।
All Right Reserved By

ଉପକୂଳ ଓଡିଶା

ଶିବ ମନ୍ଦିରରୁ  ଚୋରି

ଶିବ ମନ୍ଦିରରୁ ଚୋରି

ରଣପୁର, ୨୩।୧୦(ସ୍ବ.ପ୍ର.)-ନୟାଗଡ ଜିଲା ରଣପୁର ଥାନା ଅନ୍ତର୍ଗତ ନରସିଂହପୁର ପଞ୍ଚାୟତର ନରସିଂହପୁର ଗ୍ରାମରେ ଥିବା ବାଲୁଙ୍କେଶ୍ୱର ଦେବ ଶିବ ମନ୍ଦିରରୁ ରବିବାର ମଧ୍ୟରାତ୍ରରେ ଚୋରି ହୋଇଛି। 

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ୨୮ ଅଭିଯୋଗର ସମାଧାନ ପାଇଁ ନିର୍ଦ୍ଦେଶ

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ୨୮ ଅଭିଯୋଗର ସମାଧାନ ପାଇଁ ନିର୍ଦ୍ଦେଶ

ଗଣିଆ,୨୩।୧୦(ଡି.ଏନ.ଏ.)-ଗଣିଆ ବ୍ଲକ କାର୍ଯ୍ୟାଳୟ ସଭାଗୃହ ପରିସରରେ ସୋମବାର ନୟାଗଡ ଜିଲାପାଳଙ୍କ ଜନଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ନୟାଗଡ ଜିଲାପାଳ ଏନ୍‌.ତିରୁମାଲା ନାୟକ ମୋଟ ୨୮ ଅଭିଯୋଗର ଶୁଣାଣି କରି ବିଭାଗୀୟ ଅଧିକାରୀମାନଙ୍କୁ ତୁରନ୍ତ ଏହାର ସମାଧାନ ପାଇଁ ନିର୍ଦ୍ଦେଶ ଦେଇଥିଲେ। 

ବଜରଙ୍ଗ ବିକାଶ ପରିଷଦର ବନ୍ଧୁମିଳନ

ବଜରଙ୍ଗ ବିକାଶ ପରିଷଦର ବନ୍ଧୁମିଳନ

ଖଣ୍ଡପଡା,୨୩ା୧୦(ସ୍ବ.ପ୍ର.)-ଖଣ୍ଡପଡା ବ୍ଲକ୍‌ ଅନ୍ତର୍ଗତ ସିଧାମୂଳା ପଞ୍ଚାୟତ ସ୍ଥିତ ବଜରଙ୍ଗ ବିକାଶ ପରିଷଦର ଏକ ପାରିବାରିକ ବନ୍ଧୁମିଳନ ଉସତ୍ବ ଅନୁଷ୍ଠିତ ହୋଇଛି। 

ମା’ ଗୌରୀ ପୂଜା ମହୋତ୍ସବ

ମା’ ଗୌରୀ ପୂଜା ମହୋତ୍ସବ

ଟାଙ୍ଗୀ(ଖୋର୍ଦ୍ଧା),୨୩ା୧୦(ଡି.ଏନ.ଏ.)-ଟାଙ୍ଗୀ ବ୍ଲକ୍‌ ଅନ୍ତର୍ଗତ ରତନପୁର ଗ୍ରାମରେ ତେଲ୍‌ଗୁ ସମ୍ପଦାୟର ମହାନ ପର୍ବ ଭାବେ ପରିଚିତ ମା’ ଗୌରୀ ପୂଜା ମହୋତ୍ସବ ରବିବାର ସନ୍ଧ୍ୟାରେ ପାଳିତ ହୋଇଯାଇଛି। ଉତ୍ସାହୀ ତେଲ୍‌ଗୁ ଯୁବକମାନେ ଏକ ସଂଘ ଗଠନ କରି ଦୀର୍ଘ ୧୮ ବର୍ଷ ଧରି ଏହି ପୂଜାକୁ ଧୁମ୍‌ଧାମରେ ପାଳନ କରିବା ସହ ବହୁ କଳାକାରଙ୍କୁ ସମ୍ବର୍ଦ୍ଧିତ କରୁଛନ୍ତି ।

‘ଶିକ୍ଷା ହିଁ ବିକାଶର ଚାବିକାଠି’

‘ଶିକ୍ଷା ହିଁ ବିକାଶର ଚାବିକାଠି’

ଖଣ୍ଡପଡା,୨୩ା୧୦(ସ୍ବ.ପ୍ର.)-ଶିକ୍ଷା ହିଁ ବିକାଶର ଚାବିକାଠି। ପୁରପଲ୍ଲୀଠାରୁ ଆରମ୍ଭ କରି ସହର ପର୍ଯ୍ୟନ୍ତ ସମସ୍ତଙ୍କ ପାଇଁ ଶିକ୍ଷା ଅପରିହାର୍ଯ୍ୟ ।  

 ସ୍ବାସ୍ଥ୍ୟକେନ୍ଦ୍ର ସମ୍ମୁଖରେ ଆଶାକର୍ମୀ ସଂଘର ପ୍ରତିବାଦ ସଭା

ସ୍ବାସ୍ଥ୍ୟକେନ୍ଦ୍ର ସମ୍ମୁଖରେ ଆଶାକର୍ମୀ ସଂଘର ପ୍ରତିବାଦ ସଭା

ରାଜକନିକା,୨୩ା୧୦(ଡି.ଏନ୍‌.ଏ.)- ନିଖିଳ ଓଡ଼ିଶା ଆଶାକର୍ମୀ ସଂଘ, ରାଜକନିକା ସିଏଚ୍‌ସି କମିଟି ପକ୍ଷରୁ ସୋମବାର ରାଜକନିକା ସ୍ବାସ୍ଥ୍ୟ କେନ୍ଦ୍ର ଆଗରେ ଏକ ପ୍ରତିବାଦ ସଭା ଅନୁଷ୍ଠିତ ହୋଇଯାଇଛି। 

ଜିଲା ମହିଳା ଭାଜପାର ଖବରଦାତା ସମ୍ମିଳନୀ:ମହିଳାଙ୍କୁ ଅବହେଳା କରାଯାଉଥିବା ଅଭିଯୋଗ

ଜିଲା ମହିଳା ଭାଜପାର ଖବରଦାତା ସମ୍ମିଳନୀ:ମହିଳାଙ୍କୁ ଅବହେଳା କରାଯାଉଥିବା ଅଭିଯୋଗ

କେନ୍ଦ୍ରାପଡା ଅଫିସ, ୨୩ା୧୦- କେନ୍ଦ୍ରାପଡା ସହରର ଗୋପସ୍ଥିତ ଭାଜପା କାର୍ଯ୍ୟାଳୟରେ ଜିଲା ମହିଳା ଭାଜପା ପକ୍ଷରୁ ଏକ ଖବରଦାତା ସମ୍ମିଳନୀ ସୋମବାର ଆୟୋଜିତ ହୋଇଯାଇଛି ା

ମହିଳା ସଶକ୍ତୀକରଣ ରାଜ୍ୟକୁ ସମୃଦ୍ଧ କରିଛି

ମହିଳା ସଶକ୍ତୀକରଣ ରାଜ୍ୟକୁ ସମୃଦ୍ଧ କରିଛି

କେନ୍ଦ୍ରାପଡ଼ା ଅଫିସ, ୨୩ା୧୦- ରାଜ୍ୟର ବିଜେଡି ସରକାର ମହିଳାଙ୍କୁ ସର୍ବଦା ଗୁରୁତ୍ୱ ଦେଇଛି ା ବିଭିନ୍ନ ଯୋଜନା ପ୍ରଣୟନ କରି ମହିଳାଙ୍କୁ ସ୍ବାବଲମ୍ବୀ କରିଛି ା ଏହା ଦ୍ୱାରା ରାଜ୍ୟ ସମୃଦ୍ଧ ହୋଇଥିବା କେନ୍ଦ୍ରାପଡା ବିଧାନସଭା ମଣ୍ଡଳୀସ୍ତରୀୟ ବିଜେଡିର ମହିଳା ସମାବେଶରେ ମତ ପ୍ରକାଶ ପାଇଛି ା

ଅବଧି ପରେ ମଧ୍ୟ ସରୁନି ରାସ୍ତା କାମ:ଆନ୍ଦୋଳନ ପାଇଁ ଅଞ୍ଚଳବାସୀଙ୍କ ଚେତାବନୀ

ଅବଧି ପରେ ମଧ୍ୟ ସରୁନି ରାସ୍ତା କାମ:ଆନ୍ଦୋଳନ ପାଇଁ ଅଞ୍ଚଳବାସୀଙ୍କ ଚେତାବନୀ

ଡୁବୁରୀ,୨୩ା୧୦(ଡି.ଏନ୍‌.ଏ.)- ମଙ୍ଗରାଜପୁର ପଞ୍ଚାୟତରେ ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନାରେ ନିର୍ମିତ ରାସ୍ତା ଅଧାପନ୍ତରିଆ ହୋଇ ପଡିରହିଛି ା ଏକ ବର୍ଷରୁ ଊର୍ଦ୍ଧ୍ୱ ହେବ ରାସ୍ତା କାମର ଅବଧି ପୂରିଥିବାବେଳେ ବର୍ତ୍ତମାନ ପର୍ଯ୍ୟନ୍ତ ରାସ୍ତା ଓ କଲର୍ଭଟ ନିର୍ମାଣ କାମ ସମ୍ପୂର୍ଣ୍ଣ ହୋଇ ପାରି ନାହଁି।

ବଜ୍ରପଲ୍ଲୀ ଫୁଟବଲ ଟୁର୍ନାମେଣ୍ଟ ଉଦ୍‌ଯାପିତ

ବଜ୍ରପଲ୍ଲୀ ଫୁଟବଲ ଟୁର୍ନାମେଣ୍ଟ ଉଦ୍‌ଯାପିତ

ଡୁବୁରୀ, ୨୩ା୧୦(ଡି.ଏନ୍‌.ଏ.)- ଜୟ ମା’ ଦୁର୍ଗା ଆଦିବାସୀ କ୍ଲବ ଓ ବଜ୍ରପଲ୍ଲୀ କ୍ଲବ ଆନୁକୂଲ୍ୟରେ ସ୍ଥାନୀୟ ସ୍କୁଲ ଖେଳ ପଡ଼ିଆରେ ଆୟୋଜିତ ୨୬ତମ ଫୁଟବଲ ଟୁର୍ନାମେଣ୍ଟ ରବିବାର ଉଦ୍‌ଯାପିତ ହୋଇଯାଇଛି ା 

ଦାମଙ୍କ ବିରୋଧରେ ବିଷୋଦ୍‌ଗାର କଲେ ଉଲ୍ଲାସ

ଦାମଙ୍କ ବିରୋଧରେ ବିଷୋଦ୍‌ଗାର କଲେ ଉଲ୍ଲାସ

ପାରାଦୀପ,୨୩ା୧୦(ସ୍ବ.ପ୍ର.): ପାରାଦୀପ ବିଧାୟକ ଦାମୋଦର ରାଉତ ବିଜେଡିରୁ ବହିଷ୍କାର ହେବା ପରଠାରୁ ଜଣଙ୍କ ପରେ ଜଣେ ଅନୁଗତ ତାଙ୍କ ହାତ ଛାଡିବାରେ ଲାଗିଛନ୍ତି। ଏହି କ୍ରମରେ ୩୦ ବର୍ଷ ଧରି ଦାମଙ୍କ ସହ ରାଜନୈତିକ, ପାରିବାରିକ ଓ ବ୍ୟକ୍ତିଗତ ସମ୍ପର୍କରେ ଥିବା ଉଲ୍ଲାସ ବିଶ୍ୱାଳ ତାଙ୍କ ହାତ ଛାଡିଦେଇଛନ୍ତି। 

ଦୀର୍ଘଦିନ ଧରି ତହସିଲଦାର ପଦବୀ ଖାଲି

ଡେରାବିଶ, ୨୨।୧୦ (ସ୍ବ.ପ୍ର): ଡେରାବିଶ ତହସିଲ କାର୍ଯ୍ୟାଳୟରେ ଦୀର୍ଘଦିନ ଧରି ତହସିଲଦାର ପଦବୀ ଖାଲି ପଡ଼ିଥିବା ଯୋଗୁ ସାଧରଣ ଲୋକେ ଅସୁବିଧା ଭୋଗୁଛନ୍ତି। ଡେରାବିଶ ତହସିଲ ଅଧୀନରେ ୨୬ଗୋଟି ପଞ୍ଚାୟତ ଥିବା ବେଳେ ଅନେକ ସମୟରେ ଲୋକମାନେ ବିଭିନ୍ନ କାର୍ଯ୍ୟ ପାଇଁ ହଇରାଣ ହେଉଥିବା ଦେଖାଯାଉଛି।