ସମ୍ବଲପୁର

କୋକସରା ବ୍ଲକ: ମାତ୍ର ୩୦ଜଣକୁ ମିଳିଛି ୧୦୦ଦିନର କାମ

କୋକସରା ବ୍ଲକ: ମାତ୍ର ୩୦ଜଣକୁ ମିଳିଛି ୧୦୦ଦିନର କାମ


କୋକସରା,୧୩।୧୨(ଡି.ଏନ.ଏ.)-କଳାହାଣ୍ଡି ଜିଲା କୋକସରା ବ୍ଲକରେ ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମନିଯୁକ୍ତି ଯୋଜନା ୨୦୧୭-୧୮ର ଜନ ଶୁଣାଣି ଶିବିର ମଙ୍ଗଳବାର ଅନୁଷ୍ଠିତ ହୋଇଯାଇଛି ା ଅନୁଷ୍ଠିତ ଶିବିରରେ ସଂପୃକ୍ତ ଯୋଜନାରେ ବର୍ଷକ ମଧ୍ୟରେ କାର୍ଯ୍ୟକାରୀ ହୋଇଥିବା ବିଭିନ୍ନ ପ୍ରକଳ୍ପର ସଫଳତା ଓ ଶ୍ରମସୃଷ୍ଟି ଉପରେ ୨୨ଟି ପଞ୍ଚାୟତର ଅଧିକାରୀମାନେ ବିଶଦ ଭାବେ ଉପସ୍ଥାପନ ଓ ଆଲୋଚନା କରିଥିଲେ। କାର୍ଯ୍ୟନିର୍ବାହୀ ଅଧିକାରୀ ଓ ଗ୍ରାମ ରୋଜଗାର ସେବକମାନେ କାର୍ଯ୍ୟ ଖସଡା ଉପସ୍ଥାପନ କରିଥିଲେ। ଉପସ୍ଥାପନ ହୋଇଥିବା ତଥ୍ୟରେ କୋକସରା ବ୍ଲକରେ ୨୭୨.୫୮ଲକ୍ଷ ଖର୍ଚ୍ଚ ହୋଇଥିବା ଜଣାପଡିଥିଲା। ଲକ୍ଷ ଲକ୍ଷ ଟଙ୍କା ବ୍ୟୟ କରାଯାଇ ଶତାଧିକ ପ୍ରକଳ୍ପ କାର୍ଯ୍ୟକାରୀ ହୋଇଥିବା ସୂଚନା ମିଳିଥିବା ବେଳେ ମାତ୍ର ୩୦ଜଣ ବ୍ୟକ୍ତିକୁ ୧୦୦ଦିନର କାମ ଯୋଗାଇବା ସାଧାରଣରେ ଅସନ୍ତୋଷ ଦେଖା ଦେଇଛି। ଅନ୍ୟପଟେ ଏହି ଯୋଜନାରେ କୋଟି କୋଟି ଟଙ୍କା ବ୍ୟୟବରାଦ ହୋଇଥିଲେ ବି ବାହାର ରାଜ୍ୟକୁ ଶ୍ରମିକ ଚାଲାଣ ସମସ୍ୟା କିପରି ବଢିବାରେ ଲାଗୁଛି ତାହା ବୁଦ୍ଧିଜୀବୀ ମହଲରେ ଆଲୋଚନା ହେଉଛି। ଜିଲା ପ୍ରଶାସନ ସ୍ବତନ୍ତ୍ର ଦୃଷ୍ଟି ନ ଦେଲେ ଏହି ଯୋଜନା ଆସନ୍ତା ଦିନରେ ବେବଳ ସରକାରୀ ସ୍ଲୋଗାନରେ ରହିଯିବ ବୋଲି ଆଶଙ୍କା କରାଯାଉଛି। କୋକସରା ବ୍ଳକ ଅଧ୍ୟକ୍ଷା ଶବ୍ୟାରାଣୀ ବାଗଙ୍କ ସଭାପତିତ୍ୱରେ ଏହି ଶିବିର ଆୟୋଜିତ ହୋଇଥିଲା ା ଉକ୍ତ ଶିବିରରେ ବ୍ଲକ୍‌ ଉପାଧ୍ୟକ୍ଷ ଧିରାମଣି ଦାସ, ଜିଲା ଗ୍ରାମ୍ୟ ଉନ୍ନୟନ ପ୍ରକଳ୍ପର ବୈଷୟିକ ବିଭାଗ ଅତିରିକ୍ତ ପ୍ରକଳ୍ପ ନିର୍ଦ୍ଦେଶକ ହୃଷୀକେଶ ଦଣ୍ଡସେନା, ବ୍ଲକ ସହକାରୀ ଯନ୍ତ୍ରୀ ତିଳୋତ୍ତମା ମାଝି, ଏନଆରଇଜିଏସ ପ୍ରୋଗ୍ରାମ ସହାୟକ ଉପେନ୍ଦ୍ର ବାଗ, ବ୍ଲକ ସମାଜ ମଙ୍ଗଳ ଅଧିକାରୀ ଦୀପକ କୁମାର ବେହେରା, ବ୍ଲକ ପଞ୍ଚାୟତ ସଂପ୍ରସାରଣ ଅଧିକାରୀ ସଦାଶିବ ସାହୁ, ସ୍ବେଚ୍ଛାସେବୀ ସଂଗଠନ ’ମଦତ’ର ସୁବ୍ରତ ବେହେରା, ଘାସିରାମ ପାଟ୍ଟଯୋଷୀ, ବ୍ଲକ ଲେଭଲ ପବ୍ଲିକ ହିଅରିଂ କମିଟି ସଭ୍ୟ ପଞ୍ଚକ ପୋଡ ପ୍ରମୁଖ ଏଥିରେ ଉପସ୍ଥିତ ଥିଲେ ା ତେବେ ୨୦୧୬-୧୭ ଅର୍ଥିକ ବର୍ଷରେ ମୋଟ ୨୭୨.୫୮ଲକ୍ଷ ଟଙ୍କା ଅନୁଦାନ ପାଇ ଖର୍ଚ୍ଚ କରାଯାଇଥିଲା। ଉକ୍ତ ଅନୁଦାନରେ ୧୨୯୧ଟି ପ୍ରକଳ୍ପ କାର୍ଯ୍ୟ ଜାରି ରହିଛି ା ଏହା ସହ ୨୬୬୦ଟି ସେଲ୍‌ଫ ପ୍ରୋଜେକ୍ଟ ରହିବା ସହ ବିଭିନ୍ନ ବିଭାଗ ତରଫରୁ ତାହାର କାର୍ଯ୍ୟକାରିତା ଓ ବ୍ୟୟ କରାଯାଇଛି। ଫଳରେ ମୋଟ ୧୮୨ପ୍ରକଳ୍ପର କାର୍ଯ୍ୟ ସଂପୂର୍ଣ୍ଣ ହୋଇଛି। ୧୯୬୨୫ ପରିବାର ପାଇଁ ଜବ କାର୍ଡ ରେଜିଷ୍ଟ୍ରେସନ କରାଯାଇଛି। ୧୯୬୨୫ଜଣଙ୍କୁ ଜବକାର୍ଡ ପ୍ରଦାନ କରାଯାଇଛି ା ପୁଣି ଚଳିତ ବର୍ଷ ୬୪୪୨ ଜଣ ହିତାଧିକାରୀ କାମ ପାଇଁ ଆବେଦନ କରିଛନ୍ତି। ଏଥିରୁ ୬୪୩୪ ଜଣଙ୍କୁ କାମ ଯୋଗାଇ ଦେଇ ୧୬୦୫୧୪ ଶ୍ରମ ଦିବସ ସୃଷ୍ଟି ହୋଇଛି। ତେବେ ଶିବିରରେ ଶ୍ରମିକମାନଙ୍କର ଉପସ୍ଥିତି କମ ଥିବାରୁ ଯୋଜନାର କାର୍ଯ୍ୟ ଖସଡା ଓ କାର୍ଯ୍ୟକାରିତା ଉପରେ ପ୍ରଶ୍ନ ଉଠିଛି।

All Right Reserved By

Model This Week

Model This Week

ସମ୍ବଲପୁର

ପ୍ରବେଶିକା ପରୀକ୍ଷାରୁ ଛାତ୍ରୀଛାତ୍ର ବଞ୍ଚିତ ଘଟଣା:ଡିଇଓଙ୍କୁ ମିଳିନି ରିପୋର୍ଟ, କାର୍ଯ୍ୟାନୁଷ୍ଠାନ ବିଳମ୍ବ

ପ୍ରବେଶିକା ପରୀକ୍ଷାରୁ ଛାତ୍ରୀଛାତ୍ର ବଞ୍ଚିତ ଘଟଣା:ଡିଇଓଙ୍କୁ ମିଳିନି ରିପୋର୍ଟ, କାର୍ଯ୍ୟାନୁଷ୍ଠାନ ବିଳମ୍ବ

ବରଗଡ଼ ଅଫିସ୍‌,୨୫।୪:ବରଗଡ଼ ଜିଲା ଭେଡ଼େନ ବ୍ଲକ ଅନ୍ତର୍ଗତ ଲୁହାଖଣ୍ଡି, ଅରେଇଗୁଡ଼ି ଏବଂ ରେଶମ ସ୍କୁଲରେ ୮ଜଣ ଛାତ୍ରୀଛାତ୍ର ବିଭାଗୀୟ ଶିକ୍ଷା ଅଧିକାରୀଙ୍କ ଅବହେଳା ଯୋଗୁ ଆଦର୍ଶ ବିଦ୍ୟାଳୟ ପରୀକ୍ଷାରୁ ବଞ୍ଚିତ ହେବା ଘଟଣାକୁ ଜିଲା ଶିକ୍ଷା ବିଭାଗ ଗୁରୁତ୍ୱର ସହିତ ନେଇଛି । ଜିଲା ଶିକ୍ଷା ଅଧିକାରୀ(ଡିଇଓ) ପ୍ରକାଶ କୁମାର ଯୋଶୀ ଅତିରିକ୍ତ ଜିଲା ଶିକ୍ଷା ଅଧିକାରୀ କଳ୍ପନା ନାଏକଙ୍କୁ ଏହାର ତଦନ୍ତ ନିର୍ଦ୍ଦେଶ ଦେଇଛନ୍ତି । ଅତିରିକ୍ତ ଜିଲା ଶିକ୍ଷା ଅଧିକାରୀ ନାଏକ ଶନିବାର ଭେଡ଼େନ ବ୍ଲକ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟକୁ ପହଞ୍ଚି ଏହାର ତଦନ୍ତ କରିଥିଲେ ।

ହାଇଦ୍ରାବାଦରେ ଦାଦନ ଶ୍ରମିକଙ୍କୁ ନିର୍ଯାତନା

ହାଇଦ୍ରାବାଦରେ ଦାଦନ ଶ୍ରମିକଙ୍କୁ ନିର୍ଯାତନା

ବରଗଡ଼ ଅଫିସ୍‌,୨୫।୪:ବରଗଡ଼ ଜିଲାରେ ଦାଦନ ସମସ୍ୟା ବଢ଼ି ଚାଲିଛି । ଜିଲାର ଅଣଜଳସେଚିତ ତଥା ଚିର ମରୁଡ଼ି ପ୍ରପୀଡ଼ିତ ପଦ୍ମପୁର ଉପଖଣ୍ଡରେ ଏହି ସମସ୍ୟା ଅଧିକ ରହିଛି । କର୍ମ ଅନ୍ବେଷଣରେ ଜିଲା ତଥା ରାଜ୍ୟ ବାହାରକୁ ଅନେକ ଶ୍ରମିକ କାମ କରିବାକୁ ଯାଉଛନ୍ତି । ସେଠାକୁ ଯାଇ କିଏ ନିର୍ଯାତିତ ହେଉଛି ତ ସେଠାରୁ ଆଉ କାହାର ଶବ ଘରକୁ ଫେରୁଛି । ସେହିପରି କେତେକ ଗୋଡ଼, ହାତ ହରାଇ ଭିନ୍ନକ୍ଷମ ପାଲଟି ଯାଉଛନ୍ତି । ତଥାପି ପଦ୍ମପୁର ଉପଖଣ୍ଡରୁ ଦାଦନ ଚାଲାଣ ବନ୍ଦ ହୋଇ ପାରିନାହିଁ । ଅନ୍ୟପଟେ ସମ୍ପୃକ୍ତ ଅଞ୍ଚଳରେ ଦାଦନ ଦୁଃଖ ବୃଦ୍ଧି ପାଇବାରେ ଲାଗିଛି। ପଦ୍ମପୁର ଉପଖଣ୍ଡ ଗାଇସିଲେଟ ବ୍ଲକ ଅଞ୍ଚଳରୁ ହାଇଦ୍ରାବାଦର ଏକ ଇଟାଭାଟିକୁ ଦାଦନ ଖଟିବାକୁ ଯାଇ ସେଠାରେ ୧୭ଜଣ ନିର୍ଯାତିତ ହେଉଥିବା ଅଭିଯୋଗ ହୋଇଛି। କେବଳ ସେତିକି ନୁହେଁ, ସେଠାରେ ଶାଳୀ ବଦଳରେ ତାଙ୍କ ଭିଣୋଇ ବନ୍ଧା ପଡ଼ିଛନ୍ତି।

ଘରୋଇ ଇସ୍‌କୁଲେ ପିଲାକର ସମସିଆ: ପଢ଼ାବହି ଲାଗି ଯିବାକେ ପଡ଼ୁଛେ ସମ୍ବଲପୁର

ରେଢ଼ାଖୋଲ,୨୫।୪(ଡିଏନଏ) : ରେଢ଼ାଖୋଲ ଶିକ୍ଷାଜିଲା ଅଧିନ୍‌ରେ ଥିବାର ଘରୋଇ ଶିକ୍ଷାନୁଷ୍‌ଠାନ୍‌ରେ ପର୍‌ଥମ୍‌ରୁ ଅଷ୍‌ଟମ୍‌ ଶ୍ରେଣୀ ତକ୍‌ ଛାତ୍ରୀଛାତ୍ରକୁଁ ସରକାରକଁର ତରଫୁ ପଢ଼ାବହି ନାଇଁ ଯୁଗେଇ ଦିଆଯାଇ। ଇ ଶିକ୍ଷାଜିଲା ଅଧିନ୍‌ରେ ଥିବାର ଘରୋଇ ଶିକ୍ଷାନୁଷ୍‌ଠାନ୍‌ର ଚାତ୍ରୀଛାତ୍ରକଁର ଲାଗି ଚଲ୍‌ତି ବଛର ୨୦୧୮-୧୯ ଲାଗି ସମ୍ବଲପୁରର ଆଶାପାଲି ନୋଡାଲ ଉ.ପ୍ରା.ସ୍କୁଲ ଆର୍‌ ବିଆରସି କାର୍ଯ୍ୟାଳୟରେ ୨୦.୪.୨୦୧୮ରୁ ପଢ଼ାବହି ମିଲ୍‌ବା। ଇ ବାବ୍‌ଦେ ବିଦ୍ୟାଳୟ ଓ ଗଣ ଶିକ୍ଷା ବିଭାଗ ଓଡ଼ିଶା ସରକାରକଁର ତର୍‌ଫୁ ଗୁଟେ ବିଜ୍ଞପ୍ତି ଭିଲ୍‌ ପର୍‌କାଶ ପାଇଥିଲା। ହେଲେ ରେଢ଼ାଖୋଲ ଅଂଚଲକେ ଇଥ୍‌ରୁ ବାଦ୍‌ ଦିଆଯାଇଛେ।

ଅଜଣା ଗାଡ଼ି ଧକ୍କାରେ ଟ୍ରକ୍‌ ଡ୍ରାଇଭରଙ୍କ ମୃତ୍ୟୁ

ରେଢ଼ାଖୋଲ,୨୫।୪(ଡି.ଏନ.ଏ.) ୫୫ ନଂ ଜାତୀୟ ରାଜପଥର ବୈଷ୍ଣବଝୁଲି ଗ୍ରାମ ନିକଟରେ ଥିବା ଏକ ଢାବା ସମ୍ମୁଖରେ ସୋମବାର ରାତିରେ ଏକ ଅଜଣା ଗାଡି ଧକ୍କାରେ ଜଣେ ଟ୍ରକ୍‌ ଡ୍ରାଇଭରଙ୍କ ମୃତ୍ୟୁ ଘଟିଛି। ମୃତ ଟ୍ରକ୍‌ ଡ୍ରାଇଭର ହେଲେ କେନ୍ଦୁଝର ଜିଲା ହରିଚନ୍ଦନପୁରର ଦେବାନନ୍ଦ ନାଏକ (୩୦)। ପୋଲିସ ସୂତ୍ରରୁ ପ୍ରକାଶ ଯେ ଓଡି ୦୪ ଜେ ୬୫୮୮ ନଂ ଟ୍ରକଟି ଝାରସୁଗୁଡାରୁ କେନ୍ଦ୍ରାପଡା ଅଭିମୁଖେ ଯାଉଥିଲା।

ଅବକାରୀ ଚଢାଉ: ଜଣେ ମହିଳାଙ୍କ ସମେତ ୩ ଗିରଫ

ରେଢ଼ାଖୋଲ,୨୫।୪(ଡି.ଏନ.ଏ.) ରେଢ଼ାଖୋଲ ଅବକାରୀ ବିଭାଗ ପକ୍ଷରୁ ନାକ୍ଟିଦେଉଳ ଥାନା ଜାମଜୁରୀ ଓ ବୁଢାକଟା ଗ୍ରାମରେ ଚଢାଉ କରାଯାଇଛି। ବେଆଇନ ମଦ ଓ ତାଡି ବିକ୍ରି କରୁଥିବା ଅଭିଯୋଗରେ ୩ଜଣଙ୍କୁ ଗିରଫ କରାଯାଇଛି। ଗିରଫ ଅଭିଯୁକ୍ତମାନେ ହେଲେ ଜାମଜୁରୀ ଗ୍ରାମର ପଦ୍ମାବତୀ ବେହେରା (୬୦), ଶେଷଦେବ ବେହେରା (୪୭) ଓ ବୁଢାକାଟା ଗ୍ରାମର ପହଲି ମାଟିଆରି(୨୭)।

ମୋବାଇଲ ମରାମତି ଦୋକାନରୁ ଚୋରି କରି ଦୁଇ ଯୁବକ ଗିରଫ

ରେଙ୍ଗାଲି, ୨୫।୪ (ଡି.ଏନ.ଏ)- ସମ୍ବଲପୁର ଜିଲା କତରବଗା ଥାନା ଅନ୍ତର୍ଗତ ଲଇଡା ସାପ୍ତାହିକ ବଜାରଠାରେ ଥିବା ଏକ ମୋବାଇଲ ମରାମତି ଦୋକାନରୁ ଚୋରି କରି ଦୁଇ ଜଣ ଚୋର ଗିରଫ ହୋଇଛନ୍ତି।

ଚାପ ଖେଳିଲେ ସାକ୍ଷୀପଡା ରାଧାମଦନ ଗୋପାଳ ଠାକୁର

ଚାପ ଖେଳିଲେ ସାକ୍ଷୀପଡା ରାଧାମଦନ ଗୋପାଳ ଠାକୁର

ସମ୍ବଲପୁର, ୨୫।୪ (ବ୍ୟୁରୋ)- ସାକ୍ଷୀପଡା ରାଧାମଦନ ଗୋପାଳ ଠାକୁରଙ୍କ ଚନ୍ଦନ ଯାତ୍ରା ମଙ୍ଗଳବାର ଅନୁଷ୍ଠିତ ହୋଇଯାଇଛି । ସନ୍ଧ୍ୟା ୭ଟାରେ ଆଳତୀ ଓ ସ୍ବତନ୍ତ୍ର ପୂଜାର୍ଚ୍ଚନା କରାଯାଇଥିଲା । ଏହାପରେ ଠାକୁରଙ୍କୁ ସୁସଜ୍ଜିତ ନୌକାରେ ବସାଯାଇଥିଲା । ପୂଜକମାନେ ଠାକୁରଙ୍କୁ ପୁଷ୍କରିଣୀରେ ଚାପ ଖେଳାଇଥିଲେ। ଘଣ୍ଟ, ଶଙ୍ଖ, ହରିବୋଲ ହୁଳହୁଳିରେ ଉଛୁଳି ପଡିଥିଲା ଉତ୍ସବ ସ୍ଥଳ ।

୧୪ ଦିନ ପରେ ରାୟଗଡାରୁ ଘରକୁ ଫେରିଲେ ଶୁଭମ

୧୪ ଦିନ ପରେ ରାୟଗଡାରୁ ଘରକୁ ଫେରିଲେ ଶୁଭମ

ସମ୍ବଲପୁର, ୨୫।୪ (ବ୍ୟୁରୋ)- ସମ୍ବଲପୁର ମହାନଗର ନିଗମ ଅଧୀନ ସାହୁ କଲୋନୀରେ ରହୁଥିବା ୧୦ବର୍ଷର ଶୁଭମ ସାହୁ ଗତ ୧୦ ତାରିଖ ବାହାରକୁ ଖେଳିବାକୁ ଯାଇ ନିଖୋଜ ହୋଇଥିଲେ । ଏପ୍ରିଲ ୧୧ତାରିଖରେ ଛତିଶଗଡ ରାୟଗଡା ରେଳବାଇ ପୋଲିସ ଦ୍ୱାରା ଉଦ୍ଧାର ହେବା ପରେ ଘରକୁ ଫେରିଛନ୍ତି। ସେଠାରେ ତାଙ୍କୁ ପଚରାଉଚୁରା କରି ସମ୍ବଲପୁର ଟାଉନ ଥାନା ସହ ଯୋଗାଯୋଗ କରାଯାଇଥିଲା। ଏହାପରେ ରାୟଗଡା ଜିଲା ଶିଶୁ କଲ୍ୟାଣ ସମିତି ଏବଂ ସମ୍ବଲପୁର ଜିଲା ଶିଶୁ କଲ୍ୟାଣ ସମିତି ମଧ୍ୟରେ ଆଲୋଚନା ହୋଇଥିଲା।

ପୋଲିସ ଶାନ୍ତ ସ୍ବଭାବର ହେବା ଆବଶ୍ୟକ-ଏସ୍‌ପି

ପୋଲିସ ଶାନ୍ତ ସ୍ବଭାବର ହେବା ଆବଶ୍ୟକ-ଏସ୍‌ପି

ସମ୍ବଲପୁର,୨୫।୪(ବ୍ୟୁରୋ)- ପୋଲିସ ଅଧିକାରୀ ହେଉ କିମ୍ବା କର୍ମଚାରୀ, ନିଜ ସ୍ବଭାବକୁ ଶାନ୍ତ ରଖିବା ନିହାତି ଆବଶ୍ୟକ। ଅଭିଯୋଗ କରିବାକୁ ଆସୁଥିବା ମହିଳାମାନଙ୍କୁ ସମ୍ମାନର ସହ ବ୍ୟବହାର କଲେ ପୋଲିସ ପ୍ରତି ଲୋକଙ୍କ ବିଶ୍ୱାସ ବଢ଼ିବ। ପୀଡ଼ିତାଙ୍କୁ ସହାହନୁଭୂତି ଦେଖାଇ ତଦନ୍ତ କର ବୋଲି ସମ୍ବଲପୁର ଜିଲା ପୋଲିସ ପ୍ରେକ୍ଷାଳୟରେ ରେଞ୍ଜସ୍ତରୀୟ ଦିନିକିଆ ମହିଳା ଓ ଶିଶୁ ସୁରକ୍ଷା କର୍ମଶାଳାରେ ଯୋଗଦେଇ ଏସ୍‌ପି ସଞ୍ଜୀବ ଆରୋରା କହିଛନ୍ତି। ଏଥିରେ ମୁଖ୍ୟଅତିଥି ଭାବେ ଉତ୍ତରାଞ୍ଚଳ ପୋଲିସ ଡିଆଇଜି ସତ୍ୟବ୍ରତ ଭୋଇ ଯୋଗଦେଇ କହିଲେ,

ଟ୍ରେନ୍‌ରୁ ମିଳିଥିବା ଭ୍ୟାନିଟି ମହିଳାଙ୍କୁ ଫେରାଇଲା ଆରପିଏଫ୍‌

ଟ୍ରେନ୍‌ରୁ ମିଳିଥିବା ଭ୍ୟାନିଟି ମହିଳାଙ୍କୁ ଫେରାଇଲା ଆରପିଏଫ୍‌

ସମ୍ବଲପୁର,୨୫।୪(ବ୍ୟୁରୋ) ସମ୍ବଲପୁର ରେଳ ସୁରକ୍ଷା ବଳ (ଆରପିଏଫ) ମଙ୍ଗଳବାର ଭୁବନେଶ୍ୱର-ବଲାଙ୍ଗୀର ଇଣ୍ଟରସିଟି ଟ୍ରେନରୁ ଏକ ଭ୍ୟାନିଟି ବ୍ୟାଗ ଉଦ୍ଧାର କରି ସମ୍ପୃକ୍ତ ମହିଳାଙ୍କୁ ଫେରାଇଛି।

ବାକି ରହିଗଲା ମାନେଶ୍ୱର ମାନଧାତା ବାବାଙ୍କୁ ଦର୍ଶନ: ଜନ୍ମଦିନ ହେଲା ଶେଷ ଦିନ

ବାକି ରହିଗଲା ମାନେଶ୍ୱର ମାନଧାତା ବାବାଙ୍କୁ ଦର୍ଶନ: ଜନ୍ମଦିନ ହେଲା ଶେଷ ଦିନ

ସମ୍ବଲପୁର,୨୫।୪(ବ୍ୟୁରୋ)-ମଙ୍ଗଳବାର ଥିଲା ଜନ୍ମଦିନ। ଏଣୁ ସକାଳୁ ଉଠି ଗାଧୁଆପାଧୁଆ ସାରି ନୂଆ ଲୁଗା ପିନ୍ଧିଥିଲେ। ଏହାପରେ ସ୍କୁଟିରେ ମାନେଶ୍ୱର ମାନଧାତା ବାବା ମନ୍ଦିର ଦର୍ଶନ ପାଇଁ ବାହାରିଥିଲେ। ସାଙ୍ଗରେ ଯିବାକୁ ବାହାରିଥିଲେ ସାନ ଭଉଣୀ ଆଉ ଝିଆରୀ । ହେଲେ ଲକ୍ଷ୍ୟ ସ୍ଥଳରେ ପହଞ୍ଚି ହେଲାନି। ଦୁର୍ଘଟଣା ଯୋଗୁ ଜନ୍ମଦିନ ଜୀବନର ଶେଷ ଦିନ ପାଲଟିଗଲା। ସବୁ ଦିନ ପାଉଁ ଆରପାରିକୁ ଚାଲିଗଲେ। ହେଲେ ମରଣ ମୁହଁରୁ ଭଉଣୀ ଆଉ ଝିଆରୀ ବଞ୍ଚି ଯାଇଛନ୍ତି। ସମ୍ବଲପୁର ଜିଲା ଧନୁପାଲି ଛକରେ ମଙ୍ଗଳବାର ଏମିତି ଏକ ମର୍ମନ୍ତୁଦ ଦୁର୍ଘଟଣ ଘଟିଛି। ଜଣେ ଯୁବତୀଙ୍କ ମୃତ୍ୟୁ ଘଟିଥିବା ବେଳେ ୨ ଜଣ ମରଣ ମୁହଁରୁ ବର୍ତ୍ତି ଯାଇଛନ୍ତି।

କେନ୍ଦୁପତ୍ର ତୋଳିବାକୁ ମନା କରିଦେଲେ ତୋଳାଳି

କେନ୍ଦୁପତ୍ର ତୋଳିବାକୁ ମନା କରିଦେଲେ ତୋଳାଳି

ନାକଟିଦେଉଳ, ୨୫।୪ (ଡି.ଏନ.ଏ)- ସମ୍ବଲପୁର ଜିଲା ନାକଟିଦେଉଳ ବ୍ଲକ ଅନ୍ତର୍ଗତ ସାହେବୀ ଗ୍ରାମରେ କେନ୍ଦୁପତ୍ର ଶୁଖାଇବା ସ୍ଥାନକୁ କେତେଜଣ ଜବରଦଖଲ କରି ରଖିଛନ୍ତି । ଚଳିତ ବର୍ଷ କେନ୍ଦୁପତ୍ର ଶୁଖାଇବା ପାଇଁ ସ୍ଥାନର ଅଭାବ ଦେଖାଦେଇଛି ।