ଅପରାଧ |

ଝାରପଡାରେ ବୋମାମାଡ଼: ଉନ୍ନୟନ କମିଟି ସମ୍ପାଦକଙ୍କ ଘରକୁ ୪ ବୋମା ଫିଙ୍ଗିଲେ ଦୁର୍ବୃତ୍ତ

ଝାରପଡାରେ ବୋମାମାଡ଼: ଉନ୍ନୟନ କମିଟି ସମ୍ପାଦକଙ୍କ ଘରକୁ ୪ ବୋମା ଫିଙ୍ଗିଲେ ଦୁର୍ବୃତ୍ତ

କଟକରୋଡ, ୧୩।୧୨(ଡି.ଏନ୍‌.ଏ.)- ଦେଢ଼ଶହ ମିଟର ଦୂରରେ ଲକ୍ଷ୍ମୀସାଗର ଥାନା। ଦୁଇଶହ ମିଟର ଦୂରରେ ଝାରପଡ଼ା ଜେଲ୍‌। ତଥାପି ହାଇ ସିକ୍ୟୁରିଟି ଜୋନ୍‌ ଭାବେ ପରିଚିତ ଏହି ଇଲାକାରେ ଦୁର୍ବୃତ୍ତ ବୋମାମାଡ଼ କରି ଅନ୍ୟାୟାସରେ ଫେରାର ହୋଇଗଲେ। ପୋଲିସକୁ ବି ସେମାନଙ୍କର କୌଣସି ପତ୍ତା ମିଳିଲା ନାହିଁ। ଏଭଳି ରହିଛି ରାଜଧାନୀର ସୁରକ୍ଷା ବ୍ୟବସ୍ଥା। ୨ସପ୍ତାହ ତଳେ ଏହି ଅଞ୍ଚଳରେ ଅନୁରୂପ ବୋମାମାଡ଼ ଘଟଣା ଘଟିଥିଲେ ବି ପୋଲିସ ହାତ ଖାଲି। ଏସ୍‌ଆଇ, ଆଇଆଇସିମାନଙ୍କୁ ପଦୋନ୍ନତି ଦିଆଚାଲିଥିବାବେଳେ ସେମାନଙ୍କ କାର୍ଯ୍ୟ ଦକ୍ଷତାକୁ ନେଇ ଏବେ ସହରବାସୀଙ୍କ ମନରେ ପ୍ରଶ୍ନ ଉଠିଲାଣି।
ବୁଧବାର ରାତି ପ୍ରାୟ ୮ଟା। ଲକ୍ଷ୍ମୀସାଗର ଥାନା ଅଧୀନ ଝାରପଡା ଦୋଳମଣ୍ଡପ ନିକଟରେ ରହୁଥିବା ଝାଡପଡା ଉନ୍ନୟନ କମିଟି ସମ୍ପାଦକ ସଞ୍ଜୀବ କୁମାର ହରିଚନ୍ଦନଙ୍କ ଘର ଉପରକୁ ଲଗାତାର ଭାବେ ଦୁର୍ବୃତ୍ତମାନେ ବୋମାମାଡ଼ କରିଥିଲେ। ବିସ୍ଫୋରଣ ଶବ୍ଦରେ ସ୍ଥାନୀୟ ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଥିଲା। ଏକ କଳା ପଲ୍‌ସର ବାଇକ୍‌ରେ ଦୁର୍ବୃତ୍ତମାନେ ଆସି ଏହି କାଣ୍ଡ ଘଟାଇ ଚାଲିଯାଇଥିଲେ। ସେତେବେଳେ ସଞ୍ଜୀବ ତାଙ୍କ ଘରର ଉପର ମହଲାରେ ଥିଲେ। ଦୁର୍ବୃତ୍ତମାନେ ପ୍ରଥମେ ସଞ୍ଜୀବଙ୍କ ଏକ ସ୍କର୍ପିଓ(ଓଡି-୦୨ଏକ୍ସ-୩୦୦୬) ଓ ଅନ୍ୟ ଏକ ଅଲ୍‌ଟୋ କାର(ଓଆର୍‌-୦୨ଜେଡ୍‌-୭୦୮୧)କୁ ଲକ୍ଷ୍ୟ କରି ୩ଟି ବୋମା ଫିଙ୍ଗିଥିଲେ। ଏହାପରେ ସଞ୍ଜୀବ ରହୁଥିବା ଘରକୁ ଏକ ବୋମା ଫିଙ୍ଗିଥିଲେ। ବୋମାମାଡ଼ରେ ସ୍କର୍ପିଓ ଏବଂ ଅଲଟୋ କାର କ୍ଷତିଗ୍ରସ୍ତ ହୋଇଛି। ବୋମାର କିଛି ଟୁକୁରା ଅଂଶ ସହ ଲୁହା କଣ୍ଟା ବିଛାଡି ହୋଇ ପଡିଥିଲା। ଘଟଣା ପରେ ସଞ୍ଜୀବଙ୍କ ଘରର ତଳ ମହଲାରେ ଭଡାରେ ରହୁଥିବା ଜଣେ ବ୍ୟକ୍ତି ଦୁର୍ବୃତ୍ତଙ୍କ ପିଛା କରିଥିଲେ ମଧ୍ୟ ସେମାନଙ୍କ ଟେର ପାଇ ନ ଥିଲେ। ଖବର ପାଇ ଲକ୍ଷ୍ମୀସାଗର ଥାନା ଅଧିକାରୀ ଭରତ ସାହୁ ଓ ଜୋନ୍‌-୪ ଏସିପି ଶୁଭେନ୍ଦୁ ସିହ୍ନା ଘଟଣା ସ୍ଥଳରେ ପହଞ୍ଚିଥିଲେ। ସଞ୍ଜୀବଙ୍କ ଘରେ ଲାଗିଥିବା ସିସିଟିଭି କ୍ୟାମେରାର ଫୁଟେଜକୁ ପୋଲିସ ସଂଗ୍ରହ କରି ଯାଞ୍ଚ କରୁଛି।
ସଞ୍ଜୀବଙ୍କ କହିବା ଅନୁଯାୟୀ, ପୂର୍ବରୁ ତାଙ୍କ ସହ କାହାର ବ୍ୟକ୍ତିଗତ ଶତ୍ରୁତା ଥିବା ନଜରରେ ନାହିଁ। କିଛିଦିନ ଧରି ଝାରପଡା ଅଞ୍ଚଳରେ କେତେକ ଉନ୍ନୟନ କାର୍ଯ୍ୟ ଚାଲିଛି। ଏଥିରେ ଅସନ୍ତୁଷ୍ଟ ହୋଇ କେହି ବାରମ୍ବାର ଏଭଳି ବୋମା ମାଡ କରି ଭୟଭୀତ କରାଇବା ପାଇଁ ଉଦ୍ୟମ କରୁଛି। ଝାରପଡା ଉନ୍ନୟନ କମିଟି ସଭାପତି ଶ୍ରୀଧର ଜେନା କହିଛନ୍ତି, ଗତ ନଭେମ୍ବର ୩୦ ରାତିରେ ମଧ୍ୟ ଝାରପଡାର ଜଣେ ପୁରୁଖା ନାଗରିକଙ୍କ ଘର ଉପରକୁ ବୋମାମାଡ ହୋଇଥିଲା। ଦୁଇ ଦୁର୍ବୃତ୍ତ ଏକ ପଲ୍‌ସର ବାଇକ୍‌ରେ ଆସି ତାଙ୍କ ଘର ଉପରକୁ ଲଗାତାର ୪ଟି ବୋମା ମାଡ କରିଥିଲେ। ଏନେଇ ଲକ୍ଷ୍ମୀସାଗର ଥାନାରେ ଅଭିଯୋଗ ହୋଇଥିଲେ ମଧ୍ୟ ପୋଲିସ କୌଣସି ଅଭିଯୁକ୍ତଙ୍କୁ ଧରିବାରେ ସକ୍ଷମ ହୋଇପାରି ନାହିଁ। ଏହି ଘଟଣାରେ ପୋଲିସ ନିଷ୍କ୍ରିୟ ରହିବା ଫଳରେ ପୁଣି ଦୁର୍ବୃତ୍ତମାନେ ଏଭଳି କାଣ୍ଡ ଘଟାଇ ଗ୍ରାମରେ ଅଶାନ୍ତିର ବାତାବରଣ ସୃଷ୍ଟି କରିଛନ୍ତି। ତୁରନ୍ତ ଅଭିଯୁକ୍ତମାନଙ୍କୁ ଗିରଫ କରା ନ ଗଲେ ସମସ୍ତ ଗ୍ରାମବାସୀ ପୋଲିସ କମିଶନର ଯୋଗେଶ ବାହାଦୁର ଖୁରାନିଆ ଓ ଡିସିପି ସତ୍ୟବ୍ରତ ଭୋଇଙ୍କୁ ଭେଟିବେ ବୋଲି ଜେନା କହିଛନ୍ତି।

All Right Reserved By

Model This Week

Model This Week

ଅପରାଧ |

ପେଟ୍ରୋଲ ଢାଳି ଘର ଜାଳିଦେଲେ ଦୁର୍ବୃତ୍ତ

ପେଟ୍ରୋଲ ଢାଳି ଘର ଜାଳିଦେଲେ ଦୁର୍ବୃତ୍ତ

କୁଜଙ୍ଗ,୨୫।୪(ସ୍ବ.ପ୍ର.): ସୋମବାର ବିଳମ୍ବିତ ରାତିରେ କୁଜଙ୍ଗ ଥାନା ଗୋପିଆକୁଦ (ତାଳଦଣ୍ଡା) ଗ୍ରାମରେ କେତେଜଣ ଦୁର୍ବୃତ୍ତ ଗ୍ରାମର ଯଜ୍ଞେଶ୍ୱର ପଣ୍ଡାଙ୍କ ଘରକୁ ପେଟ୍ରୋଲ୍‌ ଢାଳି ନିଅଁ। ଲଗାଇ ଦେଇଛନ୍ତି। ମାତ୍ର ପରିବାର ଲୋକେ ଅଳ୍ପକେ ବର୍ତ୍ତି ଯାଇଛନ୍ତି। ତେବେ ଘରର ସମସ୍ତ ଆସବାବପତ୍ର ପୋଡ଼ି ପାଉଁଶ ହୋଇଯାଇଛି। ଏ ନେଇ କ୍ଷତିଗ୍ରସ୍ତ ପରିବାର ଥାନାର ଦ୍ୱାରସ୍ଥ ହୋଇଛନ୍ତି। ହେଲେ ପୋଲିସ ଏ ପର୍ଯ୍ୟନ୍ତ କାହାରିକୁ ଗିରଫ କରି ପାରିନାହିଁ। ସୂଚନା ଅନୁସାରେ, ଯଜ୍ଞେଶ୍ୱରଙ୍କ ପରିବାରଲୋକେ ଶୋଇଥିବାବେଳେ ଦୁର୍ବୃତ୍ତ ତାଙ୍କ ଘରେ ନିଅଁ। ଲଗାଇ ଦେଇଥିଲେ। ଏହାଦେଖି ପରିବାରର ସମସ୍ତ ସଦସ୍ୟ ଉଠି ପଡ଼ିଥିଲେ। ଏହି ସମୟରେ ସ୍ଥାନୀୟ ଅଞ୍ଚଳର ଜଣେ ବ୍ୟକ୍ତି ଓ ତାଙ୍କ ସହଯୋଗୀ ନିଅଁ। ଲଗାଉଥିବା ଯଜ୍ଞେଶ୍ୱରଙ୍କ ଝିଅ ଦେଖିଥିଲେ। ପରେ ସେମାନଙ୍କୁ ଯଜ୍ଞେଶ୍ୱରଙ୍କ ପରିବାର ଲୋକେ କାବୁ କରିବାକୁ ଚେଷ୍ଟା କରିଥିଲେ। ହେଲେ ତାହା ସମ୍ଭବ ହୋଇ ପାରି ନ ଥିଲା। ଦୁର୍ବୃତ୍ତ ଏମାନଙ୍କୁ ଆକ୍ରମଣ କରି ଘଟଣାସ୍ଥଳରୁ ଫେରାର ହୋଇ ଯାଇଥିଲେ। ଏ ସମ୍ପର୍କରେ କୁଜଙ୍ଗ ଥାନା ଅଧିକାରୀ ଦିଲୀପ କୁମାର ସାହୁ କହିଛନ୍ତି, ଆମ ନିକଟରେ ଅଭିଯୋଗ ହୋଇଛି। ଘଟଣାର ତଦନ୍ତ ଚାଲିଛି। ତୁରନ୍ତ ଦୋଷୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

ଯୌତୁକଜନିତ ବଧୂ ହତ୍ୟା ଅଭିଯୋଗ

ଯୌତୁକଜନିତ ବଧୂ ହତ୍ୟା ଅଭିଯୋଗ

ଜଳେଶ୍ୱର, ୨୪। ୪ (ଡି.ଏନ.ଏ)-ଜଳେଶ୍ୱର ଥାନା ଆରୁହା ପଞ୍ଚାୟତ ଅନ୍ତର୍ଗତ ନିମପୁର ଗ୍ରାମର ଅନୀଲ ସିଂଙ୍କ ସ୍ତ୍ରୀ ଗୀତାରାଣୀଙ୍କୁ ଯୌତୁକ ପାଇଁ ହତ୍ୟା କରାଯାଇଥିବା ସୋମବାର ଗୀତାରାଣୀଙ୍କ ବାପା ବିଜୟାନନ୍ଦ ପରିଡ଼ା ଜଳେଶ୍ୱର ଥାନାରେ ଅଭିଯୋଗ କରିଛନ୍ତି। ଏହି ହତ୍ୟାକାଣ୍ଡରେ ତାଙ୍କ ଶାଶୁ, ଶ୍ୱଶୁର ଓ ସ୍ବାମୀ ସମ୍ପୃକ୍ତ ଥିବା ଏତଲାରେ ଦର୍ଶାଯାଇଛି। ଅଭିଯୋଗକୁ ଭିତ୍ତି କରି ପୋଲିସ ଏକ ଯୌତୁକଜନିତ ବଧୂହତ୍ୟା ମାମଲା (ନଂ.୧୧୩/୨୦୧୮) ରୁଜୁ କରିଛି। ସ୍ବାମୀ, ଶାଶୁ ଓ ଶ୍ୱଶୁରଙ୍କୁ ପୋଲିସ ଅଟକ ରଖି ପଚରାଉଚୁରା କରୁଛି।

ଚଳନ୍ତା ଟ୍ରେନରୁ ୨ ନାବାଳକଙ୍କୁ ଠେଲିଦେଲେ ମଦ୍ୟପ

ଚଳନ୍ତା ଟ୍ରେନରୁ ୨ ନାବାଳକଙ୍କୁ ଠେଲିଦେଲେ ମଦ୍ୟପ

ରାୟଗଡ଼ା ଅଫିସ, ୨୪।୪- ରାୟଗଡା-କୋରାପୁଟ ଇଣ୍ଟରସିଟି ଚଳନ୍ତା ଟ୍ରେନରୁ ଜଣେ ମଦ୍ୟପ ୨ଜଣ ବାଳକଙ୍କୁ ଠେଲିଦେବାରୁ ସେମାନେ ଗୁରୁତର ଆହତ ହୋଇଛନ୍ତି। ଆହତମାନେ ହେଲେ ରାୟଗଡ଼ା ଜିଲା କାଶୀପୁର ବ୍ଲକ ରେଙ୍ଗା ପଞ୍ଚାୟତ ଡାବାଡିଗୁଡା ଗ୍ରାମର ସନ୍ତୋଷ ନାୟକ ଓ ଲଛମନ ନାୟକ।

ବ୍ରଜରାଜନଗର ହତ୍ୟାକାଣ୍ଡ ଘଟଣା: ୩ ଜଣଙ୍କୁ ଆଜୀବନ ଜେଲ

ବ୍ରଜରାଜନଗର ହତ୍ୟାକାଣ୍ଡ ଘଟଣା: ୩ ଜଣଙ୍କୁ ଆଜୀବନ ଜେଲ

ଝାରସୁଗୁଡା ଅଫିସ,୨୪। ୪: ଝାରସୁଗୁଡା ଜିଲା ବ୍ରଜରାଜନଗରରେ ଘଟିଥିବା ଏକ ହତ୍ୟାକାଣ୍ଡର ରାୟ ମଙ୍ଗଳବାର ପ୍ରକାଶ ପାଇଛି।

ତେଣ୍ଟଲୋଇ ନରୋତ୍ତମ ହତ୍ୟା ମାମଲା, ୩ କୋର୍ଟଚାଲାଣ

ବଅଁରପାଳ,୨୪।୪(ଡି.ଏନ.ଏ.)- ବଅଁରପାଳ ଥାନା ତେଣ୍ଟଲୋଇ ଗ୍ରାମରେ ରବିବାର ପୂର୍ବ ଶତ୍ରୁତାକୁ କେନ୍ଦ୍ରକରି ନରୋତ୍ତମ ନାୟକଙ୍କୁ ହତ୍ୟା କରାଯାଇଥିବା ଥାନାରେ ଅଭିଯୋଗ ହୋଇଥିଲା।

ମହିଳା ସରପଞ୍ଚଙ୍କୁ ଅସଦାଚରଣ

ଗୋପବନ୍ଧୁନଗର, ୨୪।୪ (ଡି.ଏନ୍‌.ଏ) -ଜଣେ ମହିଳା ସରପଞ୍ଚଙ୍କୁ ଅସଦାଚରଣ କରିବା ଅଭିଯୋଗ ନେଇ ଗୋପବନ୍ଧୁନଗର ବ୍ଲକ କୁଆମରା ପଞ୍ଚାୟତ ସିକିଡିଆ ଗାଁରେ ଉତ୍ତେଜନା ଦେଖାଦେଇଛି। ଏନେଇ ଗ୍ରାମସଭା ବସିଥିବା ବେଳେ ସମ୍ପୃକ୍ତ ସରପଞ୍ଚଜଣକ ଉକ୍ତ ଯୁବକଙ୍କୁ ମାଡ ମାରିଥିବା ଅଭିଯୋଗ ହୋଇଛି। ଉଭୟ ପକ୍ଷଙ୍କ ଅଭିଯୋଗକୁ ଭିତ୍ତି କରି ଗୋପବନ୍ଧୁନଗର ଥାନାରେ ୨ଟି ମାମଲା ରୁଜୁ ହୋଇଛି।

ହତ୍ୟା ଘଟଣାର ରାୟ ପ୍ରକାଶ : ଅଭିଯୁକ୍ତଙ୍କୁ ଆଜୀବନ କରାଦଣ୍ଡ

ହତ୍ୟା ଘଟଣାର ରାୟ ପ୍ରକାଶ : ଅଭିଯୁକ୍ତଙ୍କୁ ଆଜୀବନ କରାଦଣ୍ଡ

ନବରଙ୍ଗପୁର, ୨୪ା୪(ବି.ପ୍ର.)- ନବରଙ୍ଗପୁର ଜିଲା ଜଜ୍‌ ରାଜେନ୍ଦ୍ର ମହାପାତ୍ର ମଙ୍ଗଳବାର ଏକ ହତ୍ୟା ଘଟଣାର ବିଚାର କରି ଅଭିଯୁକ୍ତ ପ୍ରଭୂଧର ବାଣୁଆଙ୍କୁ ଆଜୀବନ ଜେଲ୍‌ଦଣ୍ଡ ସହ ୫ ହଜାରଟଙ୍କା ଜରିମନା ରାୟ ପ୍ରକାଶ କରିଚନ୍ତି। ଜରିମନା ଅନାଦେୟ ଅଧିକ ୬ ମାସ ଜେଲ ଦଣ୍ଡ ଭୋଗିବେ ବୋଲି ରାୟ ଦେଇଛନ୍ତି।

ଭିଜିଲାନ୍ସ ଜାଲରେ ସେସୁ କନିଷ୍ଠ ଯନ୍ତ୍ରୀ

ଭିଜିଲାନ୍ସ ଜାଲରେ ସେସୁ କନିଷ୍ଠ ଯନ୍ତ୍ରୀ

ନିମାପଡ଼ା, ୨୪।୪(ଡି.ଏନ୍‌.ଏ.): ନିମାପଡ଼ା ସେସୁ ଉପଖଣ୍ଡ ବାମନାଳ ସେକ୍ସନ(୨)ର କନିଷ୍ଠ ଯନ୍ତ୍ରୀ ଗ୍ରାହକଙ୍କଠାରୁ ୫ ହଜାର ଟଙ୍କା ଲାଞ୍ଚ ନେଉଥିବା ବେଳେ ମଙ୍ଗଳବାର ଭିଜିଲାନ୍ସ ହାତରେ ଧରାପଡ଼ିଛନ୍ତି। ସେ ହେଲେ ବାସୁଦେବ ମହାରଣା।

ଅବକାରୀ ବିଭାଗର ଚଢ଼ାଉ

ଅବକାରୀ ବିଭାଗର ଚଢ଼ାଉ

ଅନୁଗୋଳ ଅଫିସ,୨୪।୪: ଅନୁଗୋଳ ଜିଲା ଅବକାରୀ ଏସ୍‌ପିଙ୍କ ନିର୍ଦ୍ଦେଶ କ୍ରମେ ମଙ୍ଗଳବାର ଛେଣ୍ଡିପଦା ଥାନା ବାଗେଡ଼ିଆରେ ଅବକାରୀ ବିଭାଗ ଚଢ଼ାଉ କରିଛି। ୧ ସେକ୍ସସନ ପୋଲିସ ଫୋର୍ସ ଏବଂ ମାଜିଷ୍ଟ୍ରେଟଙ୍କ ଉପସ୍ଥିତରେ ଏହି ଚଢ଼ାଉ କରାଯାଇ ୧୨୦ ଲିଟର ଦେଶୀ ମହୁଲି ଓ ୧୩୦ କେଜି ପୋଚ ଜବତ ହୋଇଛି।

ସମ୍ବଲପୁରରେ ଲଜ୍ଜା: ୫ବର୍ଷର ଶିଶୁ କନ୍ୟାଙ୍କୁବଳାତ୍କାର ଅଭିଯୋଗ

ସମ୍ବଲପୁରରେ ଲଜ୍ଜା: ୫ବର୍ଷର ଶିଶୁ କନ୍ୟାଙ୍କୁବଳାତ୍କାର ଅଭିଯୋଗ

ସମ୍ବଲପୁର,୨୪।୪(ବ୍ୟୁ.ରୋ.): ସମ୍ବଲପୁର ଜିଲା ବୁର୍ଲା ଥାନା ଅଧିନରେ ମଙ୍ଗଳବାର ଏକ ୫ବର୍ଷର ନାବାଳିକାଙ୍କୁ ବଳାତ୍କାର ହୋଇଥିବା ଅଭିଯୋଗ ହୋଇଛି ।

୩ ଛାତ୍ରୀଙ୍କୁ ପ୍ରଧାନଶିକ୍ଷକଙ୍କ ଅସଦାଚରଣ ଅଭିଯୋଗ: ବିଦ୍ୟାଳୟରେ ତାଲା ପକାଇଲେ ଗ୍ରାମବାସୀ

୩ ଛାତ୍ରୀଙ୍କୁ ପ୍ରଧାନଶିକ୍ଷକଙ୍କ ଅସଦାଚରଣ ଅଭିଯୋଗ: ବିଦ୍ୟାଳୟରେ ତାଲା ପକାଇଲେ ଗ୍ରାମବାସୀ

କାକଟପୁର, ୨୪।୪(ଡି.ଏନ୍‌.ଏ.): ପୁରୀ ଜିଲା କାକଟପୁର ବ୍ଲକ ଜଳେଶ୍ୱରପଡ଼ା ପଞ୍ଚାୟତର ସୁନାରିବସ୍ତ ପ୍ରକଳ୍ପ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ମାନସ ମିଶ୍ର ବିଦ୍ୟାଳୟର ୩ ଛାତ୍ରୀଙ୍କୁ ଅସଦାଚରଣ କରିଥିବା ମଙ୍ଗଳବାର କାକଟପୁର ଥାନାରେ ଲିଖିତ ଅଭିଯୋଗ ହୋଇଛି।

ପାର୍ସଲ ବୋମା ବିସ୍ଫୋରଣ: ମାଷ୍ଟର ମାଇଣ୍ଡ ପୁଞ୍ଜିଲାଲ

ପାର୍ସଲ ବୋମା ବିସ୍ଫୋରଣ: ମାଷ୍ଟର ମାଇଣ୍ଡ ପୁଞ୍ଜିଲାଲ

କଟକ ଅଫିସ୍‌,୨୪।୪: ପାଟଣାଗଡ଼ ପାର୍ସଲ ବୋମା ବିସ୍ଫୋରଣରେ ୨ଜଣଙ୍କ ମୃତ୍ୟୁ ଘଟଣାର ମାଷ୍ଟର ମାଇଣ୍ଡ ପୁଞ୍ଜିଲାଲ ମେହେର। ଏ ନେଇ ପୋଲିସ ମହାନିର୍ଦ୍ଦେଶକ ରାଜେନ୍ଦ୍ର ପ୍ରସାଦ ଶର୍ମା ମଙ୍ଗଳବାର ସୂଚନା ଦେଇଛନ୍ତି।