ସମ୍ପାଦକୀୟ |

ସମ୍ପାଦକୀୟ/ ଅନିୟମିତତାର ବିଜୟ

ସମ୍ପାଦକୀୟ/ ଅନିୟମିତତାର ବିଜୟ
ଏମ୍‌ପି ଓ ବିଧାୟକଙ୍କ ବିରୋଧରେ ଥିବା ମାମଲାର ବିଚାର ସକାଶେ ସ୍ବତନ୍ତ୍ର ଅଦାଲତ ଗଠନ ପାଇଁ ସୁପ୍ରିମକୋର୍ଟ ଦେଇଥିବା ପ୍ରସ୍ତାବରେ କେନ୍ଦ୍ର ସରକାର ରାଜି ହୋଇଛନ୍ତି। ଏଥିପାଇଁ ଅତିକମ୍‌ରେ ୧୨ଟି ସ୍ବତନ୍ତ୍ର କୋର୍ଟ ଗଠନ ସକାଶେ କେନ୍ଦ୍ର ସରକାର ନିଷ୍ପତ୍ତି ନେଇ ଡିସେମ୍ବର ୧୨ରେ ସର୍ବୋଚ୍ଚ ଅଦାଲତକୁ ଜଣାଇଛନ୍ତି। ଗୋଟିଏ ପଟେ ବଳାତ୍କାର ଓ ହତ୍ୟା ଭଳି ସଙ୍ଗିନ ମାମଲାରେ ଲୋକଙ୍କୁ ନ୍ୟାୟ ମିଳିପାରୁ ନାହିଁ। ଜମିବାଡିକୁ ନେଇ ମାମଲା ଦୁଇ ପୁରୁଷ ଯାଏ ଗଡ଼ି ଚାଲିଛି। ଅଦାଲତଗୁଡିକରେ ବିଚାରପତି ଅଭାବ ଏହାର ମୁଖ୍ୟ କାରଣ ବୋଲି ଦର୍ଶାଯାଉଛି। ଅଧସ୍ତନ ଅଦାଲତଗୁଡ଼ିକରେ ପ୍ରଶିକ୍ଷଣ, ଦକ୍ଷତା ଏବଂ ସଂଖ୍ୟାର ଅଭାବ ମଧ୍ୟ ରହୁଛି। ଏସବୁ କଥା ଜାଣିବା ସତ୍ତ୍ୱେ ସୁପ୍ରିମକୋର୍ଟଙ୍କ ତରଫରୁ ବିଧାୟକ ଏବଂ ଏମ୍‌ପିମାନଙ୍କ ସମ୍ପର୍କିତ ମାମଲାଗୁଡ଼ିକର ଅତିଶୀଘ୍ର ବିଚାର କରାଯିବା ସମ୍ପର୍କରେ ଆଗ୍ରହ ନିଶ୍ଚିତ ଭାବେ ସ୍ବାଗତଯୋଗ୍ୟ। ଦେଶର କୌଣସି ନାଗରିକ ଅସହମତ ହେବେ ନାହିଁ ଯେ, ନିର୍ବାଚିତ ପ୍ରତିନିଧିମାନେ ନିଷ୍କଳଙ୍କ ରହିବା ଦରକାର। ସେମାନେ ଯେତେ ସ୍ବଚ୍ଛ ରହିଲେ ବି ତାହା କେବେହେଲେ ଯଥେଷ୍ଟ ହେବ ନାହିଁ। ସେଥିପାଇଁ ସୁପ୍ରିମକୋର୍ଟଙ୍କର ଏ ଦିଗରେ ତତ୍ପରତା ଗୋଟିଏ ପଟେ ଆକର୍ଷଣୀୟ ମନେହେଉଥିବା ବେଳେ ଅନ୍ୟପଟେ ତାହା ମନକୁ ଅନେକ ପ୍ରଶ୍ନ ଆଣିଦେଉଛି। ଉଦାହରଣ ସ୍ବରୂପ ପୂର୍ବରୁ ଯାହା ଆମେ କହୁଛୁ ତାହା ଦୋହରା ଯାଇପାରିବ। ଏଠାରେ ସାଧାରଣ ନାଗରିକଙ୍କର ଆଇନ ବ୍ୟବସ୍ଥା ବିଳମ୍ବରେ କାର୍ଯ୍ୟ କରୁଥିବାରୁ ତାହା ଉପରେ ବିଶ୍ୱାସ ତୁଟିଯାଉଛି, ଏ ଦିଗରେ ପ୍ରତିକାରର ଚିନ୍ତା କେହି କରୁନାହାନ୍ତି। ସେହିଭଳି ‘ଲୋକ ପ୍ରତିନିଧି’ ଶବ୍ଦର ବିଶ୍ଳେଷଣ କରାଯିବା ଦରକାର। ଦେଶର ନାଗରିକ ନିର୍ବାଚନରେ ଭୋଟ ଦେଇ ନିଜର ପ୍ରତିନିଧି ବାଛୁଛନ୍ତି। ଭାରତର ସର୍ବୋଚ୍ଚ ପାଠୁଆ ଭୋଟରଙ୍କଠାରୁ ଆରମ୍ଭକରି ଅପାଠୁଆ ଭୋଟରଙ୍କ ପର୍ଯ୍ୟନ୍ତ ସମସ୍ତେ ନିଜର ଭଲମନ୍ଦ ବୁଝିପାରୁଛନ୍ତି ବୋଲି ବାରମ୍ବାର ରାଜନୈତିକ ପରିବର୍ତ୍ତନ ଆଣି ପ୍ରମାଣ କରିଆସୁଛନ୍ତି। ସେଥିପାଇଁ ଏହି ମାଟିରେ ଏଭଳି କୌଣସି ସନ୍ତାନ ଜନ୍ମ ନେଇନାହିଁ ଯାହାର ଲୋକଙ୍କ ମତକୁ ଭୁଲ ପ୍ରମାଣିତ କରିବାର ଆସ୍ପର୍ଦ୍ଧା ହେବ। ସାଧାରଣ ଭୋଟର ଯେତେବେଳେ ନିଜର ତ୍ରୁଟି ବୁଝୁଛି, ପାଞ୍ଚବର୍ଷ ମିଆଦ ପରେ ସେହି ତ୍ରୁଟିକୁ ସଜାଡି ଦେଉଛି। ସେଥିପାଇଁ ଯେତେ ଜଘନ୍ୟ ହେଲେ ବି ଲୋକପ୍ରତିନିଧିଙ୍କ ମୁଣ୍ଡରେ ସବୁ କଳଙ୍କ ଏବଂ ଅସଫଳତା ଅଜାଡି ଦେବାର ଅନ୍ୟ ଏକ ଅର୍ଥହେଉଛି ଯେ, ସେହି ଲୋକପ୍ରତିନିଧିଙ୍କୁ ବାଛିଥିବା ଜନସାଧାରଣ ଅତ୍ୟନ୍ତ କଳଙ୍କିତ ଏବଂ ଅପାରଗ। ଏଭଳି ଦାବି ଏକ ଗଣତାନ୍ତ୍ରିକ ବ୍ୟବସ୍ଥାରେ କରିବା କେବେହେଲେ ଗ୍ରହଣୀୟ ହୋଇପାରିବ ନାହିଁ। ଅନ୍ୟ ଶବ୍ଦରେ କହିଲେ, ଭୋଟର ବାଛିଥିବା ଲୋକପ୍ରତିନିଧି ହେଉଛନ୍ତି ସେହି ଭୋଟରଙ୍କ ପ୍ରତିନିଧି। ସେଭଳି ପ୍ରତିନିଧିଙ୍କୁ ଦଣ୍ଡ ଦେବା ପାଇଁ ସାଧାରଣ ନାଗରିକର ଯଥେଷ୍ଟ କ୍ଷମତା ରହିଛି। ସେହି ପ୍ରତିନିଧିର ଭୁଲ ତ୍ରୁଟି ବାଛିବା ପାଇଁ ଅନ୍ୟ କୌଣସି ବ୍ୟବସ୍ଥା ମାଧ୍ୟମରେ କାର୍ଯ୍ୟ କରାଇଲେ ତାହା ଅଗଣତାନ୍ତ୍ରିକ ହେବାର ଯଥେଷ୍ଟ ସମ୍ଭାବନା ରହିଛି। ଏହି ପ୍ରଚ୍ଛଦପଟରେ ଭାରତୀୟ ସମାଜକୁ ଦେଖାଯିବା ଦରକାର। ସରକାରୀ ଚାକିରି କରୁଥିବା ପୋଲିସ ଅଫିସର ଥାନା ଭିତରେ ପିଟିପିଟି ନିର୍ଦ୍ଦୋଷଙ୍କୁ ହତ୍ୟା କରିଦେଉଛି। ଲୋକଲୋଚନ ଏବଂ ଗଣମାଧ୍ୟମର ଦୃଷ୍ଟି ପଡ଼ିଲେ ସେହି କର୍ମଚାରୀଙ୍କୁ ଅତିବେଶିରେ ନିଲମ୍ବିତ କରାଯାଉଛି, କିଛିମାସ ପାଇଁ ବଦଳି କରି ଭିନ୍ନ ସ୍ଥାନକୁ ପଠାଇ ଦିଆଯାଉଛି, ଲୋକଙ୍କ ଦୃଷ୍ଟି ଘୁଞ୍ଚି ଗଲାପରେ ସେହି ନିର୍ମମ ହତ୍ୟାକାରୀ ପୁନର୍ବାର ନିଜ ପଦବୀକୁ ଫେରି ନିଲମ୍ବନ ସମୟର ଦରମା ମଧ୍ୟ ଦାବି କରି ଫେରସ୍ତ ପାଉଛି। ଏଭଳି କ୍ଷୁଦ୍ର ଉଦାହରଣଠାରୁ ଏକ ବୃହତ୍‌ ଉଦାହରଣ ଦେଖିବା। ରିଲାଏନ୍ସ କମ୍ୟୁନିକେଶନ (ଆର.କମ୍‌)ର ମାଲିକ ହେଉଛନ୍ତି ଅନିଲ ଅମ୍ବାନୀ। କିଛିମାସ ପୂର୍ବରୁ ଏହି କମ୍ପାନୀ ତରଫରୁ ବିଜ୍ଞପ୍ତି ଜାରି କରାଯାଇ ଘୋଷଣା କରାଗଲା ଯେ, ନଭେମ୍ବର ଶେଷରେ କମ୍ପାନୀ ସମ୍ପୂର୍ଣ୍ଣଭାବେ ବନ୍ଦ ହୋଇଯିବ। କାରଣ ଦର୍ଶାଇବାକୁ ଯାଇ କୁହାଗଲା ଯେ, କମ୍ପାନୀର ଅତ୍ୟଧିକ କ୍ଷତି ଘଟୁଥିବାରୁ ଏଭଳି ପଦକ୍ଷେପ ନେବାକୁ ମାଲିକ ବାଧ୍ୟହେଲେ। ଏହି ଘଟଣାରେ କୌଣସି ରାଜନେତା, ବିଚାରପତି କିମ୍ବା ସରକାରରେ ଥିବା କର୍ମକର୍ତ୍ତା ପ୍ରଶ୍ନ କରିବାକୁ ଉଚିତ ଭାବିଲେନି ଯେ, ଆର.କମ୍‌ ଉପରେ ବକେୟା ପଡିଥିବା ପ୍ରାୟ ୪୨ ହଜାର କୋଟି ଟଙ୍କାକୁ ଭରଣା କରିବ କିଏ। ଏହି ଅର୍ଥ ହେଲା ବ୍ୟାଙ୍କ ଜମାକାରୀ ଏବଂ ଭାରତରେ ଟିକସ ଦେଉଥିବା ଗରିବ ଜନସାଧାରଣଙ୍କର। ୬୦ ଦିନ ନ ପୂରୁଣୁ କେନ୍ଦ୍ର ସରକାରଙ୍କ ତରଫରୁ ଘୋଷଣା କରାଯାଇଛି ଯେ, ପ୍ରଧାନମନ୍ତ୍ରୀ ଦସ୍ତଖତ କରିଥିବା ରାଫାଲ ଯୁଦ୍ଧବିମାନ ଚୁକ୍ତି ଅନୁଯାୟୀ ସେହି ବିମାନ ଭାରତରେ ନିର୍ମାଣ କରିବ ଅନିଲ ଅମ୍ବାନୀଙ୍କର ଏକ ଭିନ୍ନ କମ୍ପାନୀ। ଏଭଳି ଗଭୀର ଅର୍ଥନୈତିକ ଅନିୟମିତତା ବିରୋଧରେ କେହି ସ୍ବର ଉତ୍ତୋଳନ ନ କରିବା ପଛରେ ଥିବା କାରଣ ସମସ୍ତଙ୍କୁ ଜଣା। ସିନେମା ଜଗତରେ ଅମିତାଭ ବଚ୍ଚନଙ୍କୁ ସମସ୍ତେ ଜାଣନ୍ତି। ଏହି ଦେଶର ଆଇନ ବ୍ୟବସ୍ଥା ଆଖିରେ ଆଙ୍ଗୁଠି ଗେଞ୍ଜି ହିରୋ ହୋଇଥିବା ଅମିତାଭ ବଚ୍ଚନ ଏବଂ ତାଙ୍କ ବୋହୂ ଐଶ୍ୱର୍ଯ୍ୟା ଉଭୟଙ୍କ ନାମରେ କଳାଧନ ଜମା ଥିବା ବିଷୟରେ ପାନାମା ପେପର୍ସ ଏବଂ ପାରାଡାଇଜ୍‌ ପେପର୍ସରେ ସ୍ପଷ୍ଟ ପ୍ରକାଶିତ ହୋଇଛି। ସେହିଭଳି ତ୍ରୁଟି ପାଇଁ ପାକିସ୍ତାନର ପ୍ରଧାନମନ୍ତ୍ରୀ ନଓ୍ବାଜ ଶରିଫଙ୍କୁ ଇସ୍ତଫା ଦେବାକୁ ସେହି ଦେଶର ସର୍ବୋଚ୍ଚ ନ୍ୟାୟାଳୟ ବାଧ୍ୟ କଲା। କିନ୍ତୁ ଆମ ଦେଶରେ କୌଣସି ବ୍ୟବସ୍ଥା ଚାଲୁ ନ ଥିବାରୁ ସବୁ ସ୍ତରରେ ନିୟମ ଉଲ୍ଲଂଘନକାରୀ ସଫଳତା ଦେଖିପାରୁଛନ୍ତି। କେବଳ ସେତିକି ନୁହେଁ, ସାମାଜିକ ସ୍ତରରେ ସେମାନଙ୍କୁ ଯଥେଷ୍ଟ ସମ୍ମାନ ମଧ୍ୟ ମିଳୁଛି। ଦୁର୍ନୀତିଗ୍ରସ୍ତ ହତ୍ୟାକାରୀ ପୋଲିସ ଅଫିସର, ଅନିଲ ଏବଂ ଅମିତାଭଙ୍କ ଭଳି ଅଗଣିତ ଉଦାହରଣ ଭାରତବର୍ଷର ପ୍ରତ୍ୟେକ ରାଜ୍ୟରେ ଦେଖିବାକୁ ମିଳୁଛି। ଏଭଳି ସାମାଜିକ ଏବଂ ଅର୍ଥନୈତିକ ସଫଳତା ଦେଖି, ସମ୍ଭବତଃ, ରାଜନେତା ମଧ୍ୟ ସେହି ପଥରେ ଯାଇ ସଫଳତା ହାସଲ କରିପାରିବେ ବୋଲି ଭାବି ଆସୁଛନ୍ତି। ଅନିୟମିତତାର ବିଜୟ ଘଟୁଛି।
All Right Reserved By

ସମ୍ପାଦକୀୟ |

ପ୍ରାଣୀଙ୍କ ଲାଟରାଲିଟି

ପ୍ରାଣୀଙ୍କ ଲାଟରାଲିଟି

ପରିବେଶ ପରିଚିନ୍ତା/ ମାନେକା ଗାନ୍ଧୀ

ଏ ପୃଥିବୀର ଅନ୍ୟ ସମସ୍ତ ପ୍ରାଣୀଙ୍କଠାରୁ ମଣିଷ ନିଜକୁ ଅଲଗା ଭାବେ। କିନ୍ତୁ ସମୟକ୍ରମେ ବୈଜ୍ଞାନିକମାନେ ପ୍ରମାଣ କଲେଣି ଯେ, ଯେଉଁସବୁ ବିଶେଷ ଗୁଣ ଓ ବୁଦ୍ଧିମତ୍ତାକୁ ନେଇ ମଣିଷ ନିଜକୁ ଶ୍ରେଷ୍ଠ ଭାବୁଛି, ସେସବୁ ଗୁଣ ପ୍ରାଣୀମାନଙ୍କଠାରେ ମଧ୍ୟ ଅଛି। ଉଦାହରଣସ୍ବରୂପ କୀଟପତଙ୍ଗ, ମାଛ, କୁଆ ଓ ବଣମଣିଷ ମଧ୍ୟ ବିଭିନ୍ନ ଉପକରଣର ଉପଯୋଗ କରନ୍ତି। ଏଥିମଧ୍ୟରୁ ଗୋଟି..

 ଉଚ୍ଚଶିକ୍ଷାରେ ପ୍ରତାରଣା

ଉଚ୍ଚଶିକ୍ଷାରେ ପ୍ରତାରଣା

ଡ. ସୁବାସ ଚନ୍ଦ୍ର ପାତ୍ର

ଜାତୀୟ ପରିପ୍ରେକ୍ଷୀରେ ଯାହାହେଉ ଆପାତତଃ ଓଡ଼ିଶାରେ ଉଚ୍ଚଶିକ୍ଷାର ସ୍ଥିତି ଦେଖିଲେ ଜଣାଯାଏ, ଏଠାରେ ଶୈକ୍ଷିକ ବ୍ୟବସ୍ଥାର ପରିବର୍ତ୍ତନ ଚିନ୍ତା କେବଳ ଉଚ୍ଚାକାଂକ୍ଷାକୈନ୍ଦ୍ରିକ। ଉଚ୍ଚଶିକ୍ଷାକୁ କିପରି ଜାତୀୟ ଅବା ଅନ୍ତର୍ଜାତୀୟ ସ୍ତରକୁ ନିଆଯାଇଛି ଏବଂ ସେହି କ୍ରମରେ ପ୍ରାରମ୍ଭିକ ପଦକ୍ଷେପ ହିସାବରେ ପାଠ୍ୟକ୍ରମର କିପରି ବୈପ୍ଳବିକ ପରିବର୍ତ୍ତନ କରାଯାଇଛି, ଜନସାଧାରଣଙ୍କ ମନରେ ବିଶ୍ୱାସ ଜନ୍ମେଇବା ପାଇଁ ସେ କଥାର ବହୁଳ ପ୍ରଚାର କରାଯାଏ। କିନ୍ତୁ ତା’ ପଛରେ ଲୁକ୍କାୟିତ ବିଫଳତାର କରୁଣ କାହାଣୀ ..

ଆଧୁନିକ ଶିକ୍ଷା ଓ ସମାଜ

ଆଧୁନିକ ଶିକ୍ଷା ଓ ସମାଜ

ଲଲାଟ କେଶରୀ ନାୟକ

ସ୍ବାମୀ ବିବେକାନନ୍ଦ ତାଙ୍କର ଶିକାଗୋ ଅଭିଭାଷଣରେ କହିଥିଲେ, କୋଟି କୋଟି ଅଦୃଶ୍ୟ ଶିଶିରବିନ୍ଦୁ ଯେମିତି ରାଶି ରାଶି ଗୋଲାପ କଢ଼ିକୁ ପ୍ରସ୍ଫୁଟିତ କରେ, ଠିକ୍‌ ସେହିଭଳି ଜଣେ ବ୍ୟକ୍ତିର ମାନସିକତା ଏକ ସୁସ୍ଥ ଏବଂ ବିକାଶଶୀଳ ରାଷ୍ଟ୍ର ଗଠନର ମୂଳମନ୍ତ୍ର ହୋଇଥାଏ। ଆଇନଶୃଙ୍ଖଳାରେ ଯେତେ ବି ପରିବର୍ତ୍ତନ ହେଉ ନା କାହିଁକି ବା ଶାସନ ଖସଡା ଯେତେ କଠୋର ହେଉ ନା କାହିଁକି, ଯଦି ବ୍ୟକ୍ତିର ମାନସିକତାରେ ପରିବର୍ତ୍ତନ ନ ହୋଇଛି ତେବେ ବିକାଶଶୀଳ ରାଷ୍ଟ୍ର ଗଠନ ଅସମ୍ଭବ। ..

ଏଇ ଭାରତରେ

ଏଇ ଭାରତରେ

ଭାଇ ଭଉଣୀ ମଧ୍ୟରେ ସାଧାରଣତଃ ସ୍ନେହ ମମତା ଅତୁଟ ଥାଏ। ଗୋଟିଏ ମା’ର ସନ୍ତାନ ହୋଇଥିବାରୁ ଦୁହିଁଙ୍କ ମନୋଭାବ ମଧ୍ୟ ପ୍ରାୟତଃ ଏକାପ୍ରକାର ହୋଇଥାଏ। କିନ୍ତୁ ଏକ ଘଟକ୍ରମରେ ଭାଇ ଭଉଣୀ ଗୋଟିଏ ଘରେ ଏକତ୍ର ମୃତ୍ୟୁବରଣ କରିବା ଘଟଣା ସ୍ଥାନୀୟ ଅଞ୍ଚଳ ଲୋକଙ୍କୁ ଚକିତ କରିଛି। ଏପରି ଏକ ଘଟଣା ଘଟିଛି ନାଗପୁରର ତାନ୍ତ୍ୟା ଟୋପେ ନଗର ଅଞ୍ଚଳରେ। ମୋହନ ଓଟଓ୍ବାନି ଏବଂ ..

ସମ୍ପାଦକୀୟ/ସେହି ପୁରୁଣା ଖେଳ

ସମ୍ପାଦକୀୟ/ସେହି ପୁରୁଣା ଖେଳ

ଗତ ଶତାବ୍ଦୀର ଷାଠିଏ-ସତୁରି ଦଶକରେ ଭାରତୀୟ ରାଜନୀତିରେ ‘ଆୟାରାମ ଗୟାରାମ’ ପରିସ୍ଥିତି ଦେଖାଦେଇଥିଲା। କୌଣସି ନିର୍ବାଚିତ ସରକାରକୁ ଗଡ଼ାଇବା ପାଇଁ ଘୋଡ଼ାବେପାର ପ୍ରମୁଖ ଅସ୍ତ୍ର ଭାବେ ବ୍ୟବହାର କରାଯାଉଥିଲା। ଧୀରେ ଧୀରେ ରାଜନୈତିକ ଦଳଗୁଡ଼ିକ ମଧ୍ୟରେ ସେହି ମାନସିକତା ଲୋପ ପାଇଆସୁଥିଲା। ଭାଜପା ଜାତୀୟ ଦଳ ହୋଇ ମଧ୍ୟ ଏହାକୁ ଏବେ ପୁନର୍ଜନ୍ମ ଦେବା ଭଳି ମନେହେଉଛି। ଏହାର ସଦ୍ୟ ଦୃଷ୍ଟାନ୍ତ କର୍ନାଟକରେ ଦେଖିବାକୁ ମିଳିଛି। ଏଚ୍‌.ଡି. କୁମାରସ୍ବାମୀଙ୍କ ନେତୃତ୍ୱାଧୀନ ୭ ମାସ ପୁରୁଣା ଧର୍ମନିରପେକ୍ଷ ଜନତା ଦଳ (ଜେଡିଏସ୍‌)-କଂଗ୍ରେସ ମେଣ୍ଟ ସରକାର ପ୍ରତି ବିପଦ ସୃଷ୍ଟି ହୋଇଛି। ୧୫ ଜାନୁୟାରୀ ୨୦୧୯ରେ ୨ ଜଣ ସ୍ବାଧୀନ ବିଧାୟକ ସରକାରରୁ ସମର୍ଥନ ପ୍ରତ୍ୟାହାର କରି ଭାଜପା ଆଡ଼କୁ ଢଳିଛନ୍ତି। ୨୨୪ ସଂଖ୍ୟା ବିଶିଷ୍ଟ କର୍ନାଟକ ..

 ବାର୍ଦ୍ଧକ୍ୟର ବିଭାବନା

ବାର୍ଦ୍ଧକ୍ୟର ବିଭାବନା

ଅରୁଣ କୁମାର ପଣ୍ଡା

ପରିବର୍ତ୍ତନ ହିଁ ସଂସାରର ଅପରିବର୍ତ୍ତନୀୟ ନିୟମ। ପ୍ରତ୍ୟେକ ଜୀବ ଏବଂ ବସ୍ତୁ ଧୀରେ ଧୀରେ ପୁରୁଣା ହୁଅନ୍ତି। ବୟସ ବଢ଼ିବା ସଙ୍ଗେ ସଙ୍ଗେ ମଣିଷ ଦେହରେ ଏହାର ଭିନ୍ନ ଭିନ୍ନ ଚିହ୍ନ ଦେଖାଯାଏ। ଜନ୍ମଠାରୁ ମୃତ୍ୟୁ ପର୍ଯ୍ୟନ୍ତ ଯେପରି ଆୟୁ ବୃଦ୍ଧି ହୁଏ ସେହି ଅନୁସାରେ ବାଲ୍ୟାବସ୍ଥା, ଯୁବାବସ୍ଥା, ବୃଦ୍ଧାବସ୍ଥା ଇତ୍ୟାଦିର ଲକ୍ଷଣ ପ୍ରକଟ ହୁଏ। ବୃଦ୍ଧାବସ୍ଥାରେ ଏପରି ଏକ ଦିନ ଆସେ ଯେତେବେଳେ ଶରୀର ଦୁର୍ବଳ, ଅଙ୍ଗ ଶିଥିଳ ଏବଂ ମନ ଉତ୍ସାହହୀନ ହୋଇଯାଏ ତଥା ମନୁଷ୍ୟ ଥୁଣ୍ଟା ବରଗଛ ପରି ପଡ଼ି ରହେ। ନିଜ ସମୟର ଖୁ..

ଭାରତୀୟ ଜନଜୀବନ ଓ ବିଳମ୍ବ

ଭାରତୀୟ ଜନଜୀବନ ଓ ବିଳମ୍ବ

ରୁଦ୍ର ପ୍ରସନ୍ନ ରଥ

ପିଲାଦିନେ ଗୁରୁଜନମାନେ ଆମକୁ ଉପଦେଶ ଦେଲାବେଳେ ସବୁବେଳେ କର୍ମଠ ଆଉ ସମୟାନୁବର୍ତ୍ତୀ ହେବାକୁ କହିଥାନ୍ତି। ବଡ଼ ହେଲା ପରେ ଅଫିସ୍‌ରେ ମଧ୍ୟ ଆମକୁ ଆମ ଅଫିସର ଠିକ୍‌ ସମୟରେ ଆସିବା ପାଇଁ ତାଗିଦ କରିଥାନ୍ତି। ମାତ୍ର ଏହି ସାମାନ୍ୟ ସମୟାନୁବର୍ତ୍ତିତା ଗୁଣର ଅଭାବ ଯୋଗୁ ଆମେ ଅନେକ ସମୟରେ ହଇରାଣରେ ପଡିଥାଉ। କେତେବେଳେ ଆମେ ଶ୍ରେଣୀ..

ଏଇ ଭାରତରେ

ଏଇ ଭାରତରେ

ଦୁନିଆରେ ଅନେକ ବିସ୍ମୟ ସୃଷ୍ଟିକାରୀ ବ୍ୟକ୍ତି ଅଛନ୍ତି। ସେମାନେ କିଛି ଅସାଧାରଣ କାର୍ଯ୍ୟ କରି ଅନ୍ୟମାନଙ୍କ ଦୃଷ୍ଟି ଆକର୍ଷଣ କରିବା ସହିତ ଉଦାହରଣ ପାଲଟିଯାଆନ୍ତି। ଏପରି ଜଣେ ବିରଳ ବ୍ୟକ୍ତିତ୍ୱର ଅଧିକାରୀ ହେଉଛନ୍ତି ମଧ୍ୟପ୍ରଦେଶର ମୈନା ଗଁାର କୈଳାସ। ସଭିଏଁ ତାଙ୍କୁ ବିଷପୁରୁଷ ବୋଲି ସମ୍ବୋଧନ କରିଥାଆନ୍ତି। କୈଳାସ ପ୍ରତିଦିନ ୧୦ଟି ଝିଟିପିଟି ଖାଆନ୍ତି। ଅନ୍ୟମାନଙ୍କ ପାଇଁ ଏହା ଏକ ଘୃଣାର ବିଷୟ ହୋଇପାରେ। କିନ୍ତୁ ସେ ଏଗୁଡିକୁ ଆନନ୍ଦରେ ଭକ୍ଷଣ କରିଥାଆନ୍ତି। ଏହା ତାଙ୍କର ଅଭ୍ୟାସରେ ପରିଣତ ହୋଇଗଲାଣି। ଘରେ ବାହାରେ ଯେଉଁଠି ହେଲେ ମଧ୍ୟ ଝିଟିପିଟି ଦେଖିଲେ ସେ ଏହାକୁ ଧରି ଅତି ଆନନ୍ଦରେ ଖାଇଥାଆନ୍ତି। ଗତ ୨୦ବର୍ଷ ଧରି ସେ ଏହି ଅଭ୍ୟାସ ଜାରି ରଖିଆସିଛନ୍ତି। ସେ ଇତିମଧ୍ୟରେ ୬୦ରୁ ଅଧିକ ପ୍ରଜାତିର ବିଷାକ୍ତ ପ୍ରାଣୀଙ୍କୁ ଖାଇ ସାରିଲେଣି। ଯେଉଁଦିନ ସେ କୌଣସି ବିଷାକ୍ତ ଜୀବ ନ ଖାଆନ୍ତି ତାଙ୍କ ମନରେ ଏକ ଅଦ୍ଭୁତ ଅନୁଭବ ସୃଷ୍ଟି ହୋଇଥାଏ ବୋଲି କୈଳାସ କହିଥାଆନ୍ତି। ଗଁାରେ କାହାକୁ ସାପ କାମୁଡ଼ିଲେ ଏଥିପାଇଁ ଚିନ୍ତା ନ ଥାଏ। କୈଳାସକୁ ତୁରନ୍ତ ଡକାଯାଏ। କାମୁଡା ଅଂଶରେ ସେ ପାଟି ଲଗାଇ ବିଷ ଶୋଷି ବାହାର କରିଥାଆନ୍ତି। ଏଥିପାଇଁ ଗଁା ଲୋକେ କୈଳାସଙ୍କ ଏପରି ଅଭ୍ୟାସକୁ ନିନ୍ଦା ନ କରି ବରଂ ପସନ୍ଦ କରିଥାଆନ୍ତି। ବାସ୍ତବରେ କୈଳାସ ବିରଳ ବ୍ୟକ୍ତିମାନଙ୍କ ମଧ୍ୟରୁ ଅନ୍ୟତମ।


ସିକ୍ରି ବିକ୍ରି

ସିକ୍ରି ବିକ୍ରି

ସମ୍ପାଦକୀୟ/ତଥାଗତ ସତପଥୀ

ଗତବର୍ଷ ଜାନୁୟାରୀ ୧୨ରେ ସୁପ୍ରିମକୋର୍ଟର ୪ଜଣ ବରିଷ୍ଠ ବିଚାରପତି ତତ୍କାଳୀନ ପ୍ରଧାନ ବିଚାରପତି ଦୀପକ ମିଶ୍ରଙ୍କ ବିରୋଧରେ ସଙ୍ଗିନ ଅଭିଯୋଗ ଆଣିଥିଲେ। ସେହି ଅଭିଯୋଗକାରୀଙ୍କ ମଧ୍ୟରେ ଆଜିର ପ୍ରଧାନ ବିଚାରପତି ରଞ୍ଜନ ଗୋଗୋଇ ଥିଲେ ଅନ୍ୟତମ। ଦେଶର ସର୍ବୋଚ୍ଚ ନ୍ୟାୟ ବ୍ୟବସ୍ଥାରେ ଖୋଲାଖୋଲି ବିଦ୍ରୋହକୁ ନେଇ ସେତେବେଳେ ଦେଶବ୍ୟାପୀ ଚହଳ ପଡ଼ିଯାଇଥିଲା। ଏହାର ଠିକ୍‌ ବର୍ଷେ ପରେ ଅର୍ଥାତ୍‌ ୧୩ ଜାନୁୟାରୀ ୨୦୧୯ରେ ନ୍ୟାୟପାଳିକାର ଚରିତ୍ର ଉପରେ ପୁଣି ପ୍ରଶ୍ନ ଉଠିଛି। ସୁପ୍ରିମକୋର୍ଟ ବିଚାରପତି ଅର୍ଜନ କୁମାର ସିକ୍ରିଙ୍କୁ କମନ୍‌ଓ୍ବେଲ୍‌ଥ ସେକ୍ରେଟାରିଏଟ୍‌ ଆର୍ବିଟ୍ରାରି ଟ୍ରିବ୍ୟୁନାଲ (ସିଏସ୍‌ଏଟି)କୁ ..

ଆମ ଭିଆଇପି ସଂସ୍କୃତି

ଆମ ଭିଆଇପି ସଂସ୍କୃତି

ବୈକୁଣ୍ଠ ନାଥ ମିଶ୍ର

ଭାରତ ସ୍ବାଧୀନ ହେବା ସହ ଏ ଦେଶରୁ ରାଜତନ୍ତ୍ରର ବିଲୋପ ଘଟି ଗଣତନ୍ତ୍ର ପ୍ରତିଷ୍ଠିତ ହୋଇଛି। ୧୯୫୦ ଜାନୁୟାରୀ ୨୬ ତାରିଖଠାରୁ ଏଯାବତ୍‌ ସାତ ଦଶନ୍ଧି ଧରି ଭାରତୀୟ ଜନତା ଗଣତନ୍ତ୍ରକୁ ପ୍ରତ୍ୟକ୍ଷ କରି ଆସୁଛନ୍ତି। କିନ୍ତୁ ଗଣତନ୍ତ୍ରର ଅର୍ଥ ଓ ବାସ୍ତବତା ମଧ୍ୟରେ ଥିବା ବ୍ୟବଧାନ ଭାରତୀୟ ଜନଗଣଙ୍କୁ ବିସ୍ମିତ କରିଛି ଯେ ଏ କ’ଣ ସେହି ଶାସନ ବ୍ୟବସ୍ଥା, ଯାହାର ପ୍ରାପ୍ତି ପାଇଁ ଏତେ ସଂଗ୍ରାମ ଓ ରକ୍ତଦାନ କରିବାକୁ ପଡିଥିଲା? କାରାଗାରର ଅନ୍ଧକାରାଚ୍ଛନ୍ନ କୋଠରିରେ ଜିଅନ୍ତା ଶବର ଅନୁଭୂତି ନେଇ ବିଦେଶୀ ..

ଭାଷା ବଞ୍ଚିବ ବ୍ୟବହାରରେ

ଭାଷା ବଞ୍ଚିବ ବ୍ୟବହାରରେ

ଅରୁଣ ଦାସ

କଥାରେ ଅଛି- ସମସ୍ତେ କାନ୍ଦୁଛନ୍ତି, ହେଲେ କାହା ଆଖିରେ ଲୁହ ନାହିଁ। ସେହିପରି କିଛି ଶିକ୍ଷିତ ଓଡ଼ିଆ ମାତୃଭାଷା ସୁରକ୍ଷା, ଭାଷା ବଞ୍ଚାଅ ପରି ଅଭିଯାନ ଚଳାଇଛନ୍ତି। ସଭାସମିତିରେ ଆବେଗପୂର୍ଣ୍ଣ ଭାଷଣ ଦେଇ ଗଳା ଫଟାଉଛନ୍ତି। ହେଲେ ଅସଲରେ ‘କହି ଦେଉଥାଏ ପରକୁ, ବୁଦ୍ଧି ନ ଦିଶଇ ଘରକୁ’ ଭଳି ଆମ ନିଜ ଘରେ ହିଁ ସବୁଯାକ ଅଶୁଦ୍ଧି। ଅଧିକାଂଶ ଘରେ ପିଲା ବାପା, ବୋଉ ବଦଳରେ ଡାଡି, ମମି ବା ଡାଡ୍‌, ମମ୍‌ ଶବ୍ଦ ଉଚ୍ଚାରଣ କରୁଛନ୍ତି। ମଉସା, ମାଉସୀ, ମାମୁ, ମାଈଁ, କକା, ଖୁଡ଼ୀ ଆଦି ଶବ୍ଦର ସ୍ଥାନ ..

ଏଇ ଭାରତରେ

ଏଇ ଭାରତରେ

ଚିତାବାଘ ଏକ ମାଂସାଶୀ ଓ ଶିକାରୀ ପ୍ରାଣୀ। ଏହା କୁକୁର ଭଳି ନିରୀହ ପ୍ରାଣୀଙ୍କୁ ମାରି ଖାଏ। କିନ୍ତୁ ଉଭୟ ପ୍ରାଣୀ ମଧ୍ୟରେ ଖାଦ୍ୟ-ଖାଦକ ସମ୍ପର୍କ ଥିଲେ ବି ବିପଦରେ ପଡିଲେ ଖାଦକ ପ୍ରାଣୀ ଆଉ ଶିକାର ନ କରି ଦୟାବାନ୍‌ ପାଲଟିଯାଏ। ଏପରି ଏକ ଉଦାହରଣ ..