ଖେଳ |

ରେକର୍ଡ ବ୍ରେକର ରୋହିତ

ରେକର୍ଡ ବ୍ରେକର ରୋହିତ

ମୋହାଲି, ୧୩।୧୨(ପି.ଟି.)- ଏକଦିବସୀୟ କ୍ରିକେଟରେ ୩ ଦ୍ୱିଶତକ। ଏହା ଅସମ୍ଭବ ମନେ ହେଉଥିଲେ ବି ସତ କରି ଦେଖାଇଛନ୍ତି ଭାରତର ରୋହିତ ଶର୍ମା। ବିରାଟ କୋହଲିଙ୍କ ଅନୁପସ୍ଥିତିରେ ଏବେ ଅଧିନାୟକର ଗୁରୁଦାୟିତ୍ୱ ବହନ କରୁଥିବା ରୋହିତ କ୍ୟାରିୟରର ତୃତୀୟ ଦ୍ୱିଶତକ ହାସଲ କରି ଭାରତକୁ ବୃହତ ବିଜୟ ପ୍ରଦାନ କରିଛନ୍ତି। ଚଳିତ ସିରିଜର ବୁଧବାର ଏଠାରେ ଅନୁଷ୍ଠିତ ଦ୍ୱିତୀୟ ଦିନିକିଆ ମ୍ୟାଚରେ ରୋହିତଙ୍କ ଅବିସ୍ମରଣୀୟ ଇନିଂସ ସହାୟତାରେ ଶ୍ରୀଲଙ୍କାକୁ ୧୪୧ ରନରେ ପରାସ୍ତ କରିଛି ଟିମ୍‌ ଇଣ୍ଡିଆ। ଭାରତ ପକ୍ଷରୁ ଧାର୍ଯ୍ୟ ୩୯୩ ରନ ବିଜୟ ଲକ୍ଷ୍ୟର ପିଛା କରି ଶ୍ରୀଲଙ୍କା ଆଞ୍ଜେଲୋ ମାଥ୍ୟୁସଙ୍କ ଅପରାଜିତ ଶତକ ସତ୍ତ୍ୱେ ୫୦ ଓଭରରେ ୮ ଉଇକେଟ ହରାଇ ୨୫୧ ରନ କରିବାକୁ ସକ୍ଷମ ହୋଇଛି। ଏଥିସହ ପ୍ରଥମ ଦିନିକିଆରେ ଶୋଚନୀୟ ପରାଜୟ ବରଣ କରିଥିବା ଭାରତ ସିରିଜକୁ ଧମାକାଦାର ପ୍ରତ୍ୟାବର୍ତ୍ତନ କରିଛି। ୩ ମ୍ୟାଚ ବିଶିଷ୍ଟ ସିରିଜ ଏବେ ୧-୧ ସ୍ଥିତିରେ ପହଞ୍ଚତ୍ ଯାଇଛି। ତୃତୀୟ ତଥା ସିରିଜ ନିର୍ଣ୍ଣାୟକ ଦିନିକିଆ ୧୭ ତାରିଖରେ ବିଶାଖାପାଟଣାରେ ଅନୁଷ୍ଠିତ ହେବ। ଟସ୍‌ ହାରି ପ୍ରଥମେ ବ୍ୟାଟିଂ ଆମନ୍ତ୍ରଣ ପାଇଥିବା ଭାରତ ଓପନିଂ ଯୋଡ଼ିରେ ୧୧୫ ରନ ସଂଗ୍ରହ କରି ବଡ଼ ସ୍କୋର ପାଇଁ ପ୍ଲାଟ୍‌ଫର୍ମ ପ୍ରସ୍ତୁତ କରିଥିଲା। ଶିଖର ଧାଓ୍ବନ ୬୭ ବଲ୍‌ରୁ ୬୮(୯ ଚୌକା) ରନ କରି ଆଉଟ ହୋଇଥିଲେ। ରୋହିତଙ୍କ ସହ ଶ୍ରେୟାସ ଆୟାର ଯୋଗ ଦେବାପରେ ଭାରତର ରନହାର ଦ୍ରୁତ ଗତିରେ ବୃଦ୍ଧି ପାଇଥିଲା। ଭାରତୀୟ ଆକ୍ରମଣର ନେତୃତ୍ୱ ନେଇଥିଲେ ରୋହିତ। ସେ ୧୧୫ ବଲ୍‌ରୁ ଶତକ ପୂରଣ କରିଥିବା ରୋହିତ ପରବର୍ତ୍ତୀ ୧୦୦ ରନ ପୂରଣ ପାଇଁ ମାତ୍ର ୩୬ ବଲ୍‌ର ସହାୟତା ନେଇଥିଲେ। ୫୦ତମ ଓଭରରେ ଦ୍ୱିତଶକ ହାସଲ କରିଥିବା ରୋହିତ ଶେଷରେ ୨୦୮ ରନରେ ଅପରାଜିତ ରହିଥିଲେ। କୌଣସି ଶ୍ରୀଲଙ୍କା ବୋଲର ତାଙ୍କ ଉପରେ ଅଙ୍କୁଶ ଲଗାଇ ପାରି ନ ଥିଲେ। ନିଜ ଇନିଂସ ମଧ୍ୟରେ ସେ ୧୩ ଚୌକା ଓ ୧୨ ଛକା ମାରିଥିଲେ। ୭୦ ବଲ୍‌ରୁ ୮୮ (୯ ଚୌକା, ୨ ଛକା) ରନ କରି ଆଉଟ ହୋଇଥିଲେ ଆୟାର। ରୋହିତ ଓ ଆୟାରଙ୍କ ଦ୍ୱିତୀୟ ଉଇକେଟ ଭାଗୀଦାରିରେ ୨୧୩ ରନ ସଂଗୃହୀତ ହୋଇଥିଲା। ଶେଷଭାଗରେ ମହେନ୍ଦ୍ର ସିଂ ଧୋନୀ (୭) ଓ ହାର୍ଦ୍ଦିକ ପାଣ୍ଡ୍ୟା (୮) ବିଫଳ ହୋଇଥିଲେ ହେଁ ରୋହିତଙ୍କ ଇନିଂସ ଏସବୁକୁ ଭରଣା କରି ନେଇଥିଲା। ଶେଷ ୧୦ ଓଭରରେ ରନବର୍ଷା ହୋଇଥିଲା। ଏହି ସମୟ ମଧ୍ୟରେ ଭାରତ ୩ ଉଇକେଟ ହରାଇ ୧୪୭ ରନ ସଂଗ୍ରହ କରିଥିଲା। ୪୩ତମ ଓଭରରେ ବୋଲିଂ କରିଥିବା ସୁରଙ୍ଗ ଲକମଲଙ୍କ ଓଭରରରୁ କେବଳ ରୋହିତ ୪ ଛକା ସହ ୨୬ ରନ ସ୍କୋର କରିଥିଲେ। ଶ୍ରୀଲଙ୍କା ବୋଲରଙ୍କ ମଧ୍ୟରେ ଅଧିନାୟକ ଥିସାରା ପେରେରା ୩ଟି ଓ ସଚିଥ ପଥିରାଣା ଗୋଟିଏ ଉଇକେଟ ନେଇଥିଲେ। ଦିନିକିଆ କ୍ରିକେଟରେ ରୋହିତଙ୍କର ଏହାଥିଲା ତୃତୀୟ ଦ୍ୱିଶତକ। ପୂର୍ବରୁ ସେ ୩ ବର୍ଷ ପୂର୍ବେ କଲିକତାର ଇଡେନ ଗାର୍ଡେନ୍ସରେ ଶ୍ରୀଲଙ୍କା ବିପକ୍ଷରେ ୨୬୪ ଓ ୨୦୧୩ରେ ବାଙ୍ଗାଲୋରଠାରେ ଅଷ୍ଟ୍ରେଲିଆ ବିପକ୍ଷରେ ୨୦୯ ରନ ସ୍କୋର କରିଥିଲେ। ୫୦ ଓଭର କ୍ରିକେଟରେ ଦ୍ୱିଶତକ କ୍ଲବର ଅନ୍ୟ ସଦସ୍ୟମାନେ ହେଲେ ସଚିନ ତେନ୍ଦୁଲକର, ବୀରେନ୍ଦ୍ର ସେହ୍ବାଗ, କ୍ରିସ୍‌ ଗେଲ୍‌ ଓ ମାର୍ଟିନ ଗୁପଟିଲ। ବଡ଼ ସ୍କୋରର ପିଛା କରି ଶ୍ରୀଲଙ୍କା ଆରମ୍ଭରୁ କ୍ରମାଗତ ଉଇକେଟ ହରାଇଥିଲା। ମିଡିଲ ଅର୍ଡରରେ କେବଳ ମାଥ୍ୟୁସଙ୍କୁ ଛାଡ଼ିଦେଲେ ଅନ୍ୟ କୌଣସି ବ୍ୟାଟ୍ସମ୍ୟାନ ଭାରତୀୟ ବୋଲରଙ୍କୁ ସଫଳ ମୁକାବିଲା କରିପାରି ନ ଥିଲେ। ୧୩୨ଟି ବଲ୍‌ର ସମ୍ମୁଖୀନ ହୋଇଥିବା ମାଥ୍ୟୁସ ୯ ଚୌକା ଓ ୩ ଛକା ସହାୟତାରେ ୧୧୧ ରନ କରି ଶେଷ ପର୍ଯ୍ୟନ୍ତ ଅପରାଜିତ ରହିଥିଲେ। ଶ୍ରୀଲଙ୍କା ୫୦ ଓଭରରେ ୮ ଉଇକେଟ ହରାଇ ୨୫୧ ରନ କରିବାକୁ ସକ୍ଷମ ହୋଇଥିଲା। ଅସେଲା ଗୁଣରନେତ୍ ଦ୍ୱିତୀୟ ସର୍ବାଧିକ ୩୪ ରନ କରିଥିଲେ। ଭାରତ ପକ୍ଷରୁ ୟୁଜବେନ୍ଦ୍ର ଚହଲ ୩ଟି, ଯଶପ୍ରୀତ ବୁମ୍‌ରା ୨ଟି ଏବଂ ଭୁବନେଶ୍ୱର କୁମାର, ହାର୍ଦ୍ଦିକ ପାଣ୍ଡ୍ୟା ଓ କ୍ୟାରିୟର ପଦାର୍ପଣକାରୀ ଓ୍ବାଶିଂଶନ ସୁନ୍ଦର ଗୋଟିଏ ଲେଖାଏ ଉଇକେଟ ପାଇଥିଲେ। ସଂକ୍ଷିପ୍ତ ସ୍କୋର- ଭାରତ ୫୦ ଓଭରରେ ୩୯୨/୪(ରୋହିତ ଶର୍ମା-୨୦୮*, ଶିଖର ଧାଓ୍ବନ-୬୮, ଶ୍ରେୟାସ ଆୟାର-୮୮, ଥିସାରା ପେରେରା-୩/୮୦, ସଚିଥ ପଥିରାଣା-୧/୬୩)। ଶ୍ରୀଲଙ୍କା ୫୦ ଓଭରରେ ୨୫୧/୮(ଆଞ୍ଜେଲୋ ମାଥ୍ୟୁସ-୧୧୧*, ୟୁଜବେନ୍ଦ୍ର ଚହଲ-୩/୬୦, ଯଶପ୍ରୀତ ବୁମ୍‌ରା-୨/୪୩, ଭୁବନେଶ୍ୱର କୁମାର-୧/୪୦, ହାର୍ଦ୍ଦିକ ପାଣ୍ଡ୍ୟା-୧/୩୯, ଓ୍ବାଶିଂଟନ ସୁନ୍ଦର-୧/୬୫)।

All Right Reserved By

Model This Week

ନିକିତା

ଖେଳ |

ତେଲାଙ୍ଗାନା ସରକାରଙ୍କ ଘୋଷଣା ସରକାରୀ ଚାକରିରେ ଖେଳାଳିଙ୍କ ପାଇଁ ୨ ପ୍ରତିଶତ ସଂରକ୍ଷଣ

ହାଇଦ୍ରାବାଦ,୨୧।୪(ପି.ଟି.)- ସରକାରୀ ଚାକିରିରେ ଖେଳାଳିଙ୍କ ପାଇଁ ୨ ପ୍ରତିଶତ ସଂରକ୍ଷଣ କରାଯିବା ନେଇ ତେଲାଙ୍ଗାନା ମୁଖ୍ୟମନ୍ତ୍ରୀ କେ. ଚନ୍ଦ୍ରସେଖର ରାଓ ଶନିବାର ଘୋଷଣା କରିଛନ୍ତି। ରାଜ୍ୟଗୋଷ୍ଠୀ କ୍ରୀଡ଼ାରେ ଅଂଶଗ୍ରହଣ କରିଥିବା ରାଜ୍ୟର ୧୮ ଜଣିଆ ଦଳ ସହ ଆଲୋଚନା ପରେ ମୁଖ୍ୟମନ୍ତ୍ରୀ ଏହି ଘୋଷଣା କରିଛନ୍ତି।

କାଉଣ୍ଟି କ୍ରିକେଟ୍‌ ଖେଳିବା ମୋତେ ସାହାଯ୍ୟ କରିବ-କୋହଲି

ନୂଆଦିଲ୍ଲୀ,୨୧।୪- କାଉଣ୍ଟି କ୍ରିକେଟ ଖେଳିବା ଦ୍ୱାରା ମୁଁ ଜଣେ ବ୍ୟାଟ୍ସମ୍ୟାନ ଭାବେ ଉନ୍ନତର ହେବି ବୋଲି ାରତୀୟ ଅଧିନାୟକ ବିରାଟ କୋହଲି କହିଛନ୍ତି। ଭାରତୀୟ ଦଳ ଇଂଲଣ୍ଡ ଗସ୍ତ କରିବା ପୂର୍ବରୁ ଭାରତୀୟ ଅଧିନାୟକ କୋହଲି ସେଠାରେ ପହଞ୍ଚତ୍ କାଉଣ୍ଟି କ୍ରିକେଟ୍‌ ଖେଳିବେ। ଏ ନେଇ ବିସିସିଆଇ ପକ୍ଷରୁ ତାଙ୍କୁ ଗତ ମାସରେ ଅନୁମତି ମିଳିଛି। କିନ୍ତୁ ଶରେ ଦଳ ପକ୍ଷରୁ ଏ ସମ୍ପର୍କରେ ସ୍ପଷ୍ଟ କରାଯାଇନାହିଁ।

ଦିବାରାତ୍ର ଟେଷ୍ଟ ଖେଳିବ ନାହିଁ ଭାରତ

ଦିବାରାତ୍ର ଟେଷ୍ଟ ଖେଳିବ ନାହିଁ ଭାରତ

ବମ୍ବେ,୨୧।୪- ଚଳିତ ବର୍ଷ ହେବାକୁ ଥିବା ଅଷ୍ଟ୍ରେଲିଆ ଗସ୍ତରେ ଭାରତୀୟ ଦଳ ଆଡିଲେଡ୍‌ଠାରେ ଦିବାରାତ୍ର ଟେଷ୍ଟ ଖେଳିବା ନାହିଁ ବୋଲି ଭାରତୀୟ କ୍ରିକେଟ୍‌ କଣ୍ଟ୍ରୋଲ ବୋର୍ଡ(ବିସିସିଆଇ) ସ୍ପଷ୍ଟ କରିଛି। ଏଥି ନେଇ କ୍ରିକେଟ ଅଷ୍ଟ୍ରେଲିଆ (ସିଏ) ଇଚ୍ଛା ପ୍ରକାଶ କରିଥିଲା। କିନ୍ତୁ ଏହି ଯୋଜନାରେ ବିସିସିଆଇ ଇଚ୍ଛୁକ ନୁହେଁ। କାରଣ ଏହି ଫର୍ମାଟର କୌଣସି ଭବିଷ୍ୟତ ନାହିଁ।

ପୁଣି ଦେଖିବାକୁ ମିଳିଲା ଧୋନୀଙ୍କ କ୍ରେଜ

ପୁଣି ଦେଖିବାକୁ ମିଳିଲା ଧୋନୀଙ୍କ କ୍ରେଜ

ପୁଣେ,୨୧।୪- ମ୍ୟାଚ୍‌ ବେଳେ ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ କ୍ରେଜ ଦେଖିବାକୁ ମିଳିବା କିଛି ନୂଆ ଘଟଣା ନୁହେଁ। ସ୍ଥାନୀୟ ଏମ୍‌ସିଏ ଷ୍ଟାଡିୟମ୍‌ରେ ରାଜସ୍ଥାନ ରୟାଲ୍ସ ଓ ଚେନ୍ନାଇ ସୁପର କିଙ୍ଗ୍ସ (ସିଏସ୍‌କେ) ମଧ୍ୟରେ ଶୁକ୍ରବାର ଖେଳାଯାଇଥିବା ମୁକାବିଲାରେ ସମାନ ଘଟଣା ଦେଖିବାକୁ ମିଳିଛି।

ଓ୍ବର୍ନଙ୍କ କ୍ଷମାପ୍ରାର୍ଥନା

ଓ୍ବର୍ନଙ୍କ କ୍ଷମାପ୍ରାର୍ଥନା

ପୁଣେ,୨୧।୪- ଚଳିତ ଆଇପିଏଲ୍‌ରେ ରାଜସ୍ଥାନ ରୟାଲ୍ସ ଦଳର କୋଚ୍‌ ଦାୟିତ୍ୱରେ ଥିବା ଶେନ ଓ୍ବର୍ନ ଦଳର ପ୍ରଶଂସକଙ୍କୁ କ୍ଷମାପ୍ରାର୍ଥନ କରିଛନ୍ତି। ସ୍ଥାନୀୟ ଏମ୍‌ସିଏ ଷ୍ଟାଡିୟମ୍‌ରେ ଶୁକ୍ରବାର ଖେଳାଯାଇଥିବା ମୁକାବିଲାରେ ଚେନ୍ନାଇ ସୁପର କିଙ୍ଗ୍ସ(ସିଏସ୍‌କେ) ୬୪ ରନ୍‌ରେ ରାଜସ୍ଥାନକୁ ପରାସ୍ତ କରିଛି। ଦଳର ଏଭଳି ଦୁର୍ବଳ ପ୍ରଦର୍ଶନ ଯୋଗୁ ଓ୍ବର୍ନ ଟୁଇଟର ଜରିଆରେ କ୍ଷମା ମାଗିଛନ୍ତି।

ଅର୍ଜୁନ ସମ୍ମାନ ପାଇଁ ସୁପାରିସ ତାଲିକାରେ ହରମିତ

ଅର୍ଜୁନ ସମ୍ମାନ ପାଇଁ ସୁପାରିସ ତାଲିକାରେ ହରମିତ

ନୂଆଦିଲ୍ଲୀ,୨୧।୪- ରାଜ୍ୟଗୋଷ୍ଠୀ କ୍ରୀଡ଼ାରେ ସର୍ବାଧିକ ୪ଟି ପଦକ ଜିତିଥିବା ମନିକା ବାତ୍ରାଙ୍କ ପରେ ଟେବୁଲ ଟେନିସ୍‌ ଫେଡେରେଶନ୍‌ ଅଫ୍‌ ଇଣ୍ଡିଆ (ଟିଟିଏଫ୍‌ଆଇ) ପକ୍ଷରୁ ହରମିତ ଦେଶାଇଙ୍କ ନାମକୁ ଅର୍ଜୁନ ସମ୍ମାନ ପାଇଁ ସୁପାରିସ କରାଯାଇଛି।

‘୨୦୧୯ ବିଶ୍ୱକପ୍‌ରେ ଭାରତ ଫେଭରାଇଟ୍‌’

‘୨୦୧୯ ବିଶ୍ୱକପ୍‌ରେ ଭାରତ ଫେଭରାଇଟ୍‌’

କଲିକତା,୨୧।୪- ଆଗାମୀ ବର୍ଷ ଇଂଲଣ୍ଡରେ ହେବାକୁ ଥିବା ଆଇସିସି ବିଶ୍ୱକପ୍‌ରେ ଭାରତ ଫେଭରାଇଟ୍‌। ଏଭଳି ମନ୍ତବ୍ୟ ଦେଇଛନ୍ତି ପୂର୍ବତନ ବିସ୍ଫୋରକ ଓପନିଂ ବ୍ୟାଟ୍ସମ୍ୟାନ ବିରେନ୍ଦ୍ର ସେହ୍ବାଗ।

ମଣ୍ଟେ କାର୍ଲୋ ମାଷ୍ଟର୍ସ: ସେମିରେ ଜାଭରେଭ

ମଣ୍ଟେ କାର୍ଲୋ ମାଷ୍ଟର୍ସ: ସେମିରେ ଜାଭରେଭ

ମଣ୍ଟେ କାର୍ଲୋ,୨୧।୪- ଟେନିସ୍‌ ଜଗତର ଉଦୀୟମାନ ଖେଳାଳି ଆଲେକଜାଣ୍ଡର ଜାଭରେଭ ଚଳିତ ମଣ୍ଟେ କାର୍ଲୋ ମାଷ୍ଟର୍ସ ଟୁର୍ନାମେଣ୍ଟର ସେମିଫାଇନାଲରେ ପ୍ରବେଶ କରିଛନ୍ତି। ସେ ଫ୍ରେଞ୍ଚ ଖେଳାଳି ରିଚାର୍ଡ ଗାସକ୍ୟୁଟଙ୍କୁ ପରାସ୍ତ କରି ନିଜ ୨୧ତମ ଜନ୍ମ ଦିବସ ପାଳନ କରିଛନ୍ତି।

ଅଲ୍‌ ଓଡ଼ିଶା ଓପନ୍‌ ହ୍ୟାଣ୍ଡିକ୍ୟାପ୍‌ ସ୍ନୁକର:ଆକାଶ, ଜିତେନ୍‌, ସୁବ୍ରତଙ୍କ ଦମ୍‌ଦାର ପ୍ରଦର୍ଶନ

ଅଲ୍‌ ଓଡ଼ିଶା ଓପନ୍‌ ହ୍ୟାଣ୍ଡିକ୍ୟାପ୍‌ ସ୍ନୁକର:ଆକାଶ, ଜିତେନ୍‌, ସୁବ୍ରତଙ୍କ ଦମ୍‌ଦାର ପ୍ରଦର୍ଶନ

ଭୁବନେଶ୍ୱର, ୨୧।୪(ସ୍ପୋଟର୍‌ସ ବ୍ୟୁରୋ)- ସ୍ଥାନୀୟ ଭିଣ୍ଟେଜ କ୍ଲବ ଆନୁକୂଲ୍ୟରେ ଗୁରୁବାରଠାରୁ ଆରମ୍ଭ ହୋଇଥିବା ଅଲ୍‌ ଓଡ଼ିଶା ଓପନ୍‌ ହ୍ୟାଣ୍ଡିକ୍ୟାପ୍‌ ସ୍ନୁକର ଚାମ୍ପିୟନଶିପ୍‌ ଦ୍ୱିତୀୟ ଦିବସରେ ପହଞ୍ଚିଛି। ଆକାଶ ମହାପାତ୍ର, ଜିତେନ୍‌ ଷଡଙ୍ଗୀ ଓ ସୁବ୍ରତ ଦାସ ଏକାଧିକ ମ୍ୟାଚରେ ବିଜୟୀ ହୋଇ ଦମ୍‌ଦାର ପ୍ରଦର୍ଶନ କରିଛନ୍ତି। ଆକାଶ ମହାପାତ୍ର ପ୍ଲେୟାର ଅଫ୍‌ ଦି ଡେ’ ବିବେଚିତ ହୋଇଛନ୍ତି। ଶୁକ୍ରବାର ଅନୁଷ୍ଠିତ ମ୍ୟାଚଗୁଡିକରେ ଚନ୍ଦ୍ର ମହାନ୍ତି ୨-୧ରେ ରୋହିତ ଶର୍ମାଙ୍କୁ ହରାଇଛନ୍ତି।

ରେଲଓ୍ବେ କର୍ମଚାରୀଙ୍କ ପାଇଁ ବିସିସିଆଇର ନୂଆ ନିୟମ

ରେଲଓ୍ବେ କର୍ମଚାରୀଙ୍କ ପାଇଁ ବିସିସିଆଇର ନୂଆ ନିୟମ

ନୂଆଦିଲ୍ଲୀ, ୨୧।୪ (ପି.ଟି.)- ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଭାରତୀୟ ରେଲଓ୍ବେ କର୍ମଚାରୀଙ୍କ ପାଇଁ ନୂଆ ନିୟମ ଲାଗୁ କରିଛି। କେବଳ ସ୍ଥାୟୀ କର୍ମଚାରୀମାନେ ବୋର୍ଡର ୧୯ ବର୍ଷରୁ କମ୍‌ ଟୁର୍ନାମେଣ୍ଟ କୁଚ୍‌କ ବିହାର ଟ୍ରଫିରେ ଅଂଶଗ୍ରହଣ କରିବାକୁ ଅନୁମତି ପାଇବେ ବୋଲି ବିସିସିଆଇ ତରଫରୁ କୁହାଯାଇଛି। ବିସିସିଆଇ ଟେକ୍‌ନିକାଲ କମିଟିର ଏହି ନିୟମ ଲାଗୁ ହେଲେ ରେଲଓ୍ବେକୁ ନିଜ ୧୯ ବର୍ଷରୁ କମ୍‌ ଦଳକୁ ବାତିଲ କରିବାକୁ ପଡିବ। ନିକଟରେ କୋଲକାତାରେ ଅନୁଷ୍ଠିତ ଟେକନିକାଲ କମିଟି ବୈଠକରେ ଏ ସଂକ୍ରାନ୍ତରେ ଆଲୋଚନା ହୋଇଥିଲା। ରେଲଓ୍ବେ ବିସିସିଆଇର ଏକମାତ୍ର ୟୁନିଟ୍‌, ଯାହାର ୧୯ ବର୍ଷରୁ କମ୍‌ ଦଳ ଯେଉଁଥିରେ କର୍ମଚାରୀଙ୍କ ପିଲାମାନେ ଖେଳିବାର ସୁଯୋଗ ପାଇଥାନ୍ତି।

ଓ୍ବାଟସନଙ୍କ ଶତକରେ ଚେନ୍ନାଇ ବିଜୟୀ

ଓ୍ବାଟସନଙ୍କ ଶତକରେ ଚେନ୍ନାଇ ବିଜୟୀ

ପୁନେ, ୨୧।୪(ପି.ଟି.)- ଅଭିଜ୍ଞ ଓପନର ଶେନ ଓ୍ବାଟସନଙ୍କ ଧୂଆଁଧାର ଶତକ ଓ ପରେ ବୋଲରମାନଙ୍କ ଉଚ୍ଚକୋଟୀର ପ୍ରଦର୍ଶନ ସହାୟତାରେ ମହେନ୍ଦ୍ର ସିଂ ଧୋନୀଙ୍କ ନେତୃତ୍ୱାଧୀନ ଚେନ୍ନାଇ ସୁପର କିଙ୍ଗ୍ସ ଚଳିତ ଇଣ୍ଡିଆନ୍‌ ପ୍ରିମିୟର ଲିଗ୍‌ (ଆଇପିଏଲ୍‌)ର ୧୭ତମ ମ୍ୟାଚରେ ୬୪ ରନରେ ରାଜସ୍ଥାନ ରୟାଲ୍ସକୁ ପରାସ୍ତ କରିଛି। ଏଥିସହ ଚେନ୍ନାଇ ଲିଗ୍‌ରେ ତା’ର ତୃତୀୟ ବିଜୟ ହାସଲ କରିଛି। ଟସ୍‌ ଜିତି ରାଜସ୍ଥାନ ଫିଲ୍ଡିଂ କରିବାକୁ ନିଷ୍ପତ୍ତି ନେଇଥିଲା। ପ୍ରଥମେ ବ୍ୟାଟିଂ କରି ଚେନ୍ନାଇ ନିର୍ଦ୍ଧାରିତ ୨୦ ଓଭରରେ ୫ ଉଇକେଟ ହରାଇ ୨୦୪ ରନ ସଂଗ୍ରହ କରିଥିଲା। ଜବାବରେ ରାଜସ୍ଥାନ ୧୮.୩ ଓଭରରେ ୧୪୦ ରନ କରି ଅଲଆଉଟ ହୋଇ ଏକ୍‌ପ୍ରକାର ଆତ୍ମସମର୍ପଣ କରିଥିଲା। ୫୭ ବଲରୁ ୯ ଚୌକା ଓ ୬ ଛକା ସହ ୧୦୬ରନର ଶତକୀୟ ପାଳି ଖେଳିଥିବା ଓ୍ବାଟସନ ମ୍ୟାନ ଅଫ୍‌ ଦି ମ୍ୟାଚ ବିବେଚତ କରାଯାଇଛି।

ଦର୍ଶକରେ ଭରିଲା ଷ୍ଟାଡିୟମ

ଦର୍ଶକରେ ଭରିଲା ଷ୍ଟାଡିୟମ

ଭୁବନେଶ୍ୱର, ୨୧।୪(କ୍ରୀଡ଼ା ପ୍ରତିନିଧି)-ସୁପର କପ୍‌ ଫୁଟବଲ ଟୁର୍ନାମେଣ୍ଟ ମାର୍ଚ୍ଚ ୩୧ ତାରିଖରେ ଆରମ୍ଭ ହୋଇଥିଲା। ଏପ୍ରିଲ ୨୦ ତାରିଖରେ ଫାଇନାଲ ମ୍ୟାଚ ଖେଳାଗଲା। ଇତିମଧ୍ୟରେ ୮ଟି ପ୍ରି-କ୍ବାର୍ଟର ଫାଇନାଲ, ୪ଟି କ୍ବାର୍ଟର ଫାଇନାଲ, ୨ ସେମିଫାଇନାଲ ଓ ଗୋଟିଏ ଫାଇନାଲ ମ୍ୟାଚ ଅନୁଷ୍ଠିତ ହୋଇଥିଲା। ପୂର୍ବ ୧୪ଟି ମ୍ୟାଚରେ ଷ୍ଟାଡିୟମ ଦର୍ଶକ ଗ୍ୟାଲେରିର ଅଧିକାଂଶ ଭାଗ ଫାଙ୍କା ରହିଥିବାବେଳେ ପ୍ରଥମଥର ପାଇଁ ଫାଇନାଲରେ ଷ୍ଟାଡିୟମ ଦର୍ଶକ ଭରା ରହିଥିଲା। ଇଷ୍ଟ ବେଙ୍ଗଲକୁ ସମର୍ଥନ ଜଣାଇବା ପାଇଁ କଲିକତାରୁ ମଧ୍ୟ ଅନେକ ଦର୍ଶକ ଆସିଥିଲେ। ପୂରା ମ୍ୟାଚରେ ବେଙ୍ଗଲି ଦର୍ଶକମାନେ ନିଜ ଦଳକୁ ଭରପୂର ସମର୍ଥନ ଜଣାଇଥିଲେ ମାତ୍ର ଓଡ଼ିଶା ଦର୍ଶକଙ୍କ ସମର୍ଥନ ପାଇଥିଲା ବେଙ୍ଗାଲୁରୁ ଏଫସି। ଦର୍ଶକଙ୍କ କୋଳାହଳରେ ଉତ୍ସାହିତ ହୋଇ ବେଙ୍ଗାଲୁରୁ ଚମତ୍କାର ଖେଳି ଚାମ୍ପିୟନ ମଧ୍ୟ ହୋଇଥିଲା।