ମେଟ୍ରୋ |

ସ୍ପେଶ୍‌ ମାର୍କେଟରେ ଭାରତର ସହଭାଗିତା ନାହିଁ: ସୁସ୍ମିତା ମହାନ୍ତି

ସ୍ପେଶ୍‌ ମାର୍କେଟରେ ଭାରତର ସହଭାଗିତା ନାହିଁ:  ସୁସ୍ମିତା ମହାନ୍ତି

ଭୁବନେଶ୍ୱର, ୧୩।୧୨(ବ୍ୟୁରୋ)- ସ୍ପେସ୍‌ ରିସର୍ଚ୍ଚ ଓ ସ୍ପେସ୍‌ ସାଇନ୍ସ କ୍ଷେତ୍ରରେ ଜଣେ ପରିଚିତ ଚେହେରା ସୁସ୍ମିତା ମହାନ୍ତି। ସ୍ପେସ୍‌ଶିପ୍‌ ଡିଜାଇନର୍‌, ସ୍ପେସ୍‌ ଆର୍କିଟେକ୍ଟ ଏବଂ ସ୍ପେସ୍‌ ଏଣ୍ଟରପ୍ରିନ୍ୟୁୟର୍‌ ଭାବେ ଖ୍ୟାତି ଅର୍ଜନ କରିଥିବା ଏହି ମହିଳା ଭାରତର ପ୍ରଥମ ପ୍ରାଇଭେଟ୍‌ ସ୍ପେସ୍‌ ଷ୍ଟାର୍ଟଅପ୍‌ ସଂସ୍ଥା ‘ଆର୍ଥ ଟୁ ଅରବିଟ୍‌’ କରି ଚର୍ଚ୍ଚାକୁ ଆସିଥିଲେ। ଆମେରିକା, ଜାପାନ୍‌, ୟୁରୋପ, ରୁଷ ଭଳି ରାଷ୍ଟ୍ରର ମହାକାଶ ସଂସ୍ଥା ସହ କାମ କରିଥିବା ସୁସ୍ମିତା ଏକାଧିକ ଡିଗ୍ରୀ ସହ କାର୍ଲିଫର୍ନିଆର ଇଣ୍ଟନ୍ୟାଶନାଲ ସ୍ପେସ୍‌ ଷ୍ଟେଶନ ପ୍ରୋଗ୍ରାମ ଏବଂ ନାସାର ଜନସନ୍‌ ସ୍ପେସ୍‌ ସେଣ୍ଟରରେ ମଧ୍ୟ କାମ କରିବାର ଦକ୍ଷତା ରଖିଛନ୍ତି। ବର୍ତ୍ତମାନ ସ୍ୟାଟେଲାଇଟ୍‌ ମାଧ୍ୟମରେ ‘ବିଗ୍‌ ଡାଟା ଆନାଲିସିସ୍‌’ ଜରିଆରେ ସେ ଜଳବାୟୁ ପରିବର୍ତ୍ତନରୁ ବିଶ୍ୱକୁ ରକ୍ଷା କରିବାର ପ୍ରୟାସ କରୁଛନ୍ତି। ଟାଟା ଷ୍ଟିଲ୍‌ ପକ୍ଷରୁ ଆୟୋଜିତ ୟଙ୍ଗ୍‌ ଆଷ୍ଟାନୋମର୍‌ ଟ୍ୟାଲେଣ୍ଟ ସର୍ଚ୍ଚ କାର୍ଯ୍ୟକ୍ରମରେ ଯୋଗଦେବାକୁ ଓଡ଼ିଶା ଆସିଥିବା ଅବସରରେ ତାଙ୍କ ସହ ସାକ୍ଷାତକାର।
ପ୍ର- ଜଳବାୟୁ ପରିବର୍ତ୍ତନର ପ୍ରମୁଖ କାରଣ କ’ଣ ରହୁଛି?
ଉ- ୩ଟି ପ୍ରମୁଖ କାରଣ ରହିଛି। ସବୁଠାରୁ ଅଧିକ ପ୍ରଦୂଷଣ କରୁଥିବା ଇଣ୍ଡଷ୍ଟ୍ରି ହେଲା ତୈଳ ଏବଂ ଗ୍ୟାସ୍‌ ଇଣ୍ଡଷ୍ଟ୍ରି। ଦ୍ୱିତୀୟରେ ଫ୍ୟାଶନ୍‌ ଇଣ୍ଡଷ୍ଟ୍ରି। ଶସ୍ତା ପୋଷାକର ଲାଇଫ୍‌ସାଇକଲ୍‌କୁ ଦେଖିଲେ ଜଣାପଡେ ଏହା ବହୁଳଭାବେ ପରିବେଶ ଉପରେ କୁପ୍ରଭାବ ପକାଉଛି। ହେଲେ ବର୍ତ୍ତମାନ ସମୟରେ ସବୁଠାରୁ ଚିନ୍ତାଜନକ ହେଉଛି ଇ-କମର୍ସ ଇଣ୍ଡଷ୍ଟ୍ରି। ଇ-କମର୍ସ ମାଧ୍ୟମରେ ଯେତେବେଳେ କମ୍ପାନୀଗୁଡିକ କୋଟି କୋଟି ଟଙ୍କା ରୋଜଗାର କରୁଛନ୍ତି ସେତେବେଳେ ସେମାନେ ପରିବେଶକୁ ସର୍ବାଧିକ ନଷ୍ଟ କରୁଛନ୍ତି। ପଲିଥିନ୍‌ ପ୍ୟାକେଜିଂ ଯୋଗୁ ଯେଉଁମାତ୍ରାରେ ସଲିଡ୍‌ ଓ୍ବେଷ୍ଟ ବାହାରୁଛି ତାହା ଚିନ୍ତାର ବିଷୟ। ଏବେଠାରୁ ନ ସୁଧୁରିଲେ ପରିସ୍ଥିତି ଭୟଙ୍କର ହେବ।
ପ୍ର- ଜଳବାୟୁ ପରିବର୍ତ୍ତନ ରୋକିବା ଦିଗରେ ମହାକାଶ ବିଜ୍ଞାନର କ’ଣ ଭୂମିକା ରହୁଛି?
ଉ- ୨ବର୍ଷ ପୂର୍ବେ ପ୍ୟାରିସ୍‌ ଜଳବାୟୁ ଚୁକ୍ତିରେ ବିଶ୍ୱର ତାପମାତ୍ରାକୁ ୨ଡିଗ୍ରୀ କମେଇବାକୁ ସବୁରାଷ୍ଟ୍ର ମିଳିତ ପ୍ରୟାସ କରିବେ ବୋଲି ନିଷ୍ପତ୍ତି ନେଇଥିଲେ। ଏହାପରେ ୨୦୧୬ରେ ନୂଆଦିଲ୍ଲୀରେ ବିଶ୍ୱର ବିଭିନ୍ନ ରାଷ୍ଟ୍ରର ମହାକାଶ ଏଜେନ୍ସିମାନଙ୍କର ଏକ ବୈଠକ ବସିଥିଲା। ଇସ୍ରୋ ସମେତ ପ୍ରତ୍ୟେକ ରାଷ୍ଟ୍ରର ଏଜେନ୍ସି ମୁଖ୍ୟମାନେ ଏଥିରେ ଯୋଗଦେଇଥିଲେ। ଜଳବାୟୁ ପରିବର୍ତ୍ତନ ରୋକିବାକୁ ସମସ୍ତେ ଏକାଠି ହୋଇ ସ୍ବତନ୍ତ୍ର ସ୍ପେସ୍‌ ‌କ୍ରାଫ୍ଟ ଲଞ୍ଚ୍‌ କରି ଏକ ମିଶନ ଆରମ୍ଭ କରିବାକୁ ନିଷ୍ପତ୍ତି ନିଆଯାଇଥିଲା।
ପ୍ର- ପିଏସ୍‌ଏଲ୍‌ଭି କ୍ଷେତ୍ରରେ ଆପଣ ଅଧିକ କାମ କରିଛନ୍ତି? ଏହା ପଛରେ କିଛି ନିର୍ଦ୍ଦିଷ୍ଟ କାରଣ ରହିଛି କି?
ଉ- ୧୯୯୯ରୁ ୨୦୦୮ ମଧ୍ୟରେ କେବଳ ୟୁରୋପ ପିଏସ୍‌ଏଲ୍‌ଭି ବା ରିମୋଟ ସେନ୍ସିଂ ସ୍ୟାଟେଲାଇଟ୍‌ ଲଞ୍ଚ କରୁଥିଲା। ଜିଏସ୍‌ଏଲ୍‌ଭିର ଅଧିକ ଲୋକପ୍ରିୟତା ଥିଲା। ହେଲେ ପୃଥିବୀ ପୃଷ୍ଠର ବିଭିନ୍ନ ତଥ୍ୟ ହାସଲ ପାଇଁ ପିଏସ୍‌ଏଲ୍‌ଭିର ଆବଶ୍ୟକତା ରହିଥିଲା। ତେଣୁ ମୋ ଲକ୍ଷ୍ୟ ଥିଲା ପିଏସ୍‌ଏଲ୍‌ଭିକୁ ଅଧିକ ଲୋକପ୍ରିୟ କରାଇବା।
ପ୍ର- ଯେତେବେଳେ ସମସ୍ତେ ମଙ୍ଗଳ ଓ ଚନ୍ଦ୍ର ଅଭିଯାନ କଥା ଚିନ୍ତା କରୁଛନ୍ତି, ସେତେବେଳେ ଆପଣ ପୃଥିବୀ ଉପରେ କ’ଣ ପାଇଁ ଫୋକସ୍‌ କରୁଛନ୍ତି?
ଉ- ଗତ ଜୁଲାଇରେ ‘ଲାର୍ସେନ୍‌ ସି’ ଆଇସ୍‌ବର୍ଗରୁ ୧ ଟ୍ରିଲିୟନ୍‌ ଟନ୍‌ ଆଇସବର୍ଗ ତରଳିଯାଇ ବିଚ୍ଛିନ୍ନ ହୋଇଯାଇଥିଲା। କେବଳ ଲାର୍ସେନ୍‌ ସି ନୁହେଁ, ଜଳବାୟୁ ପରିବର୍ତ୍ତନ ଯୋଗୁ ଆଣ୍ଟାର୍କାଟିକା, ପାଥାଗୋନିଆ, ହିମାଳୟ, ଗ୍ରୀନ୍‌ଲାଣ୍ଡ ସବୁଠାରେ ଏଭଳି ସ୍ଥିତିରହିଛି। ପରିସ୍ଥିତି ଏଭଳି ହେଲାଣି ଯେ ପରବର୍ତ୍ତୀ ପିଢିଙ୍କୁ ଆଇସ୍‌ବର୍ଗ ଦେଖାଇବାକୁ ଆଉ ନ ଥିବ। ତେଣୁ ଏବେଠାରୁ ଆଇସ୍‌ବର୍ଗର ଏକ ଡିଜିଟାଲ ମ୍ୟୁଜିୟମ୍‌ ପ୍ରସ୍ତୁତ ହେଉଛି। ଏହା ମୋତେ ବିଚଳିତ କରିଛି। ତେଣୁ ବିଗ୍‌ ଡାଟା ଆନାଲିସିସ୍‌ ମାଧ୍ୟମରେ ପୃଥିବୀ ପାଇଁ କିଛି କରିବାକୁ ଭାବିଥିଲି।
ପ୍ର- ବିଗ୍‌ ଡାଟା ଆନାଲିସିସ୍‌ କ’ଣ ଓ ଏହା କିଭଳି ବିଶ୍ୱରେ ପରିବର୍ତ୍ତନ ଆଣିପାରିବ?
ଉ- ରିମୋଟ ସେନ୍ସିଂ ସ୍ୟାଟେଲାଇଟ୍‌ ଦ୍ୱାରା ନିଆଯାଇଥିବା ଫଟୋକୁ ଆଧାରକରି ଆମେ ବିଭିନ୍ନ ଡିଜାଇନ୍‌ ପ୍ରସ୍ତୁତ କରୁଛୁ। ୪୦ବର୍ଷର ତଥ୍ୟକୁ ତୁଳନା କରି ଭବିଷ୍ୟତରେ କ’ଣ ହୋଇପାରିବ ଓ କ’ଣ ହେବାର ସମ୍ଭାବନା ରହିଛି ତାହାର ଆକଳନ କରୁଛୁ। କୃଷି, ପାଣିପାଗ ଭଳି ବିଭିନ୍ନ ବିଷୟ ଉପରେ ଫୋକସ୍‌ କରୁଛୁ। କ୍ଲାଉଡ୍‌ କମ୍ପ୍ୟୁଟିଂ ସହ ଆର୍ଥ ଅବ୍‌ଜରଭେଶନ ଡାଟା ଏବଂ ଯେଉଁ ସମସ୍ୟାର ସମାଧାନ କରିବାକୁ ଚାହୁଁଛୁ ତାହାକୁ ମିଶାଇ ଅନୁଧ୍ୟାନ କରାଯାଉଛି। ଏହାକୁ ପ୍ରେଡିକ୍ଟିଭ୍‌ ଆନାଲିସିସ୍‌ ମଧ୍ୟ କୁହାଯାଏ।
ପ୍ର- ଭାରତରେ କେଉଁ କ୍ଷେତ୍ରରେ ଆପଣଙ୍କ କମ୍ପାନୀ କାମ କରୁଛି?
ଉ- ସୋଲାର ଏନର୍ଜି, ଜଳ, ସ୍ମାର୍ଟ ସିଟି ଏବଂ କୃଷି ଭଳି ୪ଟି ବିଭାଗରେ ଆମେ କାମକରୁଛୁ। ସରକାର ଏବଂ ବିଭିନ୍ନ ବେଶରକାରୀ ସଂସ୍ଥା ସହ ମିଶି କିଭଳି ପରିବେଶ ଉପଯୋଗୀ କାମ କରାଯାଇପାରିବ ସେଥିପାଇଁ ନୂଆ ଦିଶା ଦେଉଛୁ।
ପ୍ର- ସ୍ପେସ୍‌ ଏଣ୍ଟରପ୍ରିନ୍ୟୁୟରଶିପ୍‌ରେ ଭାରତର ସ୍ଥିତି ଏବେ କିଭଳି ରହିଛି। ଆଗାମୀ ୧୦ବର୍ଷରେ ଏହା କେତେ ପରିବର୍ତ୍ତନ ହେବ ବୋଲି ଭାବୁଛନ୍ତି?
ଉ- ସ୍ପେସ୍‌ ଏଣ୍ଟରପ୍ରିନ୍ୟୁୟରଶିପ୍‌ ପାଇଁ ନାସା ବିଲିୟନ୍‌ ଡଲାର ଖର୍ଚ୍ଚକରୁଛି। ୟୁରୋପୀୟ ରାଷ୍ଟ୍ରଗୁଡିକ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି। ହେଲେ ଭାରତରେ ଟଙ୍କାଏ ବି ଖର୍ଚ୍ଚ ହେଉନି। ମୋ ଭଳି ଜଣେ ଉଦ୍ୟୋଗୀ ପାଇଁ ଏଠାରେ ତିଷ୍ଠିବା କଷ୍ଟକର। ବିଶ୍ୱ ସ୍ପେସ୍‌ ମାର୍କେଟ୍‌ ୩୪୦ ବିଲିୟନ୍‌ ଡଲାର ହୋଇଥିବା ବେଳେ ଏଥିରେ ଭାରତର ୧% ବି ଅଂଶନାହିଁ। ଆସନ୍ତା ୧୦ବର୍ଷରେ ଏହା ପରିବର୍ତ୍ତନ ହେବାଭଳି ଲାଗୁନି।
ପ୍ର- ସ୍ପେସ୍‌ ଆର୍କିଟେକ୍ଟ କନ୍‌ସେପ୍ଟ କ’ଣ?
ଏହା ଏକ ଇନ୍‌ଭେଣ୍ଟେଡ୍‌ କନ୍‌ସେପ୍ଟ। ସେଭଳି ନିର୍ଦ୍ଦିଷ୍ଟ କନ୍‌ସେପ୍ଟ ନାହିଁ। ସ୍ପେସ୍‌ ହାବିଟାଟ୍‌, ପ୍ରଡକ୍ଟ ଏବଂ ସିଷ୍ଟମ ଡିଜାଇନ୍‌ କରିବା ହେଉଛି ସ୍ପେସ୍‌ ଆର୍କିଟେକ୍ଟ। ହେଲେ ଇଞ୍ଜିନିୟରମାନେ ସ୍ପେସ୍‌କ୍ରାଫ୍ଟ ଡିଜାଇନ୍‌ କରୁଛନ୍ତି।
ପ୍ର- ଓଡ଼ିଶା ସରକାରଙ୍କ ସହ କୌଣସି ଆଲୋଚନା କରିଛନ୍ତି କି?
ଉ- ଏପର୍ଯ୍ୟନ୍ତ କଥାହୋଇନି। କିନ୍ତୁ ବିଗ୍‌ ଡାଟା ଆନାଲିସିସ୍‌ ଦ୍ୱାରା ଓଡ଼ିଶା ପାଇଁ ଅନେକ କିଛି କରିହେବ। ସବୁଠାରୁ ବଡକଥା ହେଲା ପ୍ରାକୃତିକ ବିପର୍ଯ୍ୟୟରୁ ରକ୍ଷା ପାଇବା ପାଇଁ ପଦକ୍ଷେପ ନିଆଯାଇପାରିବ। ଗ୍ରାଉଣ୍ଡ ଡାଟାକୁ ସ୍ପେସ୍‌ ଡାଟା ସହ ତୁଳନା କରି ଉପକୂଳ ଓଡ଼ିଶା କିଭଳି ପରିବେଶ ଅନୁକୂଳ ହୋଇପାରିବ ଏବଂ ବାତ୍ୟା, ବନ୍ୟାରୁ ରକ୍ଷା ପାଇହେବ, ତାହାଉପରେ କାମ କରାଯାଇପାରିବ।
 
ରିପୋର୍ଟ: ସସ୍ମିତା ପାଇକରାୟ

All Right Reserved By

ମେଟ୍ରୋ |

ଜନ୍ମବେଦୀରେ ଚତୁର୍ଦ୍ଧାବିଗ୍ରହ

ଜନ୍ମବେଦୀରେ ଚତୁର୍ଦ୍ଧାବିଗ୍ରହ

ପୁରୀ ଅଫିସ, ୧୬ା୭: ଘୋଷଯାତ୍ରାରେ ବାହାରିଥିବା ଚତୁର୍ଦ୍ଧାବିଗ୍ରହ ଏବେ ଜନ୍ମବେଦୀରେ। ବଡ଼ଦାଣ୍ଡରେ ତିନିଦିନ ଧରି ଭକ୍ତଙ୍କୁ ଦର୍ଶନ ଦେବା ପରେ ସୋମବାର ଆଡପମଣ୍ଡପକୁ ବିଜେ କରିଛନ୍ତି ମହାପ୍ରଭୁ। ମଙ୍ଗଳବାରଠାରୁ ଜନ୍ମବେଦୀରେ ଦାରୁଦିଅଁଙ୍କ ଦର୍ଶନ ପାଇବେ ଭକ୍ତ। ମିଳିବ ଆଡପ ଅବଢ଼ା। ଏଥିସହ ଗୁଣ୍ଡିଚା ମନ୍ଦିରରେ ମହାପ୍ରଭୁଙ୍କ ବନକଲାଗି ନୀତି ଅନୁଷ୍ଠିତ ହେବ।

ଟ୍ରେନରୁ ମୋବାଇଲ, ଟଙ୍କା ଲୁଟ: ୨ ଅଭିଯୁକ୍ତ ଗିରଫ

ଭୁବନେଶ୍ୱର, ୧୬ା୭(ବ୍ୟୁରୋ)- ଟ୍ରେନରେ ଯାତ୍ରୀଙ୍କଠାରୁ ମୋବାଇଲ ଫୋନ ଓ ଟଙ୍କା ଲୁଟ କରିଥିବା ୨ ଅଭିଯୁକ୍ତଙ୍କୁ ଜିଆରପି ଥାନା ପୋଲିସ ସୋମବାର ଗିରଫ କରିଛି।

ଗୁଣ୍ଡିଚା ମନ୍ଦିରରେ ମହାପ୍ରଭୁଙ୍କ ବନକଲାଗି: ରାତି ୮ଟାଠାରୁ ଦର୍ଶନ ବନ୍ଦ

ପୁରୀ ଅଫିସ,୧୬ା୭: ମଙ୍ଗଳବାର ଗୁଣ୍ଡିଚା ମନ୍ଦିରରେ ମହାପ୍ରଭୁଙ୍କ ବନକଲାଗି ନୀତି ଅନୁଷ୍ଠିତ ହେବ। ଏଥିପାଇଁ ପ୍ରାୟ ରାତି ୮ଟାରୁ ବିଳମ୍ବିତ ରାତି ପର୍ଯ୍ୟନ୍ତ ଶ୍ରଦ୍ଧାଳୁଙ୍କ ଦର୍ଶନ ବନ୍ଦ ରହିବ ବୋଲି ଶ୍ରୀମନ୍ଦିର ଲୋକ ସମ୍ପର୍କ ଅଧିକାରୀ ଲକ୍ଷ୍ମୀଧର ପୂଜାପଣ୍ଡା କହିଛନ୍ତି।

ଐତିହ୍ୟ ଅବହେଳିତ, ବିପଦରେ ପଞ୍ଚତୀର୍ଥ: ଭୁଶୁଡିଲା ମାର୍କଣ୍ଡେୟ ପୁଷ୍କରିଣୀ ପାଚେରି

ଐତିହ୍ୟ ଅବହେଳିତ, ବିପଦରେ ପଞ୍ଚତୀର୍ଥ: ଭୁଶୁଡିଲା ମାର୍କଣ୍ଡେୟ ପୁଷ୍କରିଣୀ ପାଚେରି

ପୁରୀ ଅଫିସ,୧୬ା୭: ବିପଦରେ ପୁରୀର ପଞ୍ଚତୀର୍ଥ। ପ୍ରଶାସନର ଆନ୍ତରିକତା ଅଭାବରୁ ସହରର ତୀର୍ଥ ପୁଷ୍କରିଣୀଗୁଡ଼ିକ ଦୟନୀୟ ଅବସ୍ଥାରେ ରହିଛି। ସୋମବାର ମାର୍କଣ୍ଡେୟ ପୁଷ୍କରିଣୀ ପାଚେରି ଭୁଶୁଡି ପଡିବା ଘଟଣା ଏହାକୁ ସ୍ପଷ୍ଟ କରିଛି।

ଶ୍ରୀମନ୍ଦିରରେ ଯୁଗ୍ମ କମିଟିର ଯାଞ୍ଚ: ମୁଖ୍ୟମନ୍ଦିର ପ୍ରଥମ ମହଲାରୁ ଗଳୁଛି ପାଣି

ଶ୍ରୀମନ୍ଦିରରେ ଯୁଗ୍ମ କମିଟିର ଯାଞ୍ଚ: ମୁଖ୍ୟମନ୍ଦିର ପ୍ରଥମ ମହଲାରୁ ଗଳୁଛି ପାଣି

ପୁରୀ ଅଫିସ,୧୬ା୭: ୧୯୯୩ ମସିହାରେ ଶ୍ରୀମନ୍ଦିର ଗର୍ଭଗୃହରୁ ପଥର ଖସିଥିଲା। ସେତେବେଳେ ଠାକୁରଙ୍କୁ ସ୍ଥାନାନ୍ତରିତ କରାଯାଇ ଏହାର ମରାମତି କରାଯାଇଥିଲା। ଏହା ପରଠାରୁ ପ୍ରତିବର୍ଷ ଗର୍ଭଗୃହର ଯାଞ୍ଚ କରାଯାଉଛି।

ଲଘୁଚାପ ସକ୍ରିୟ, ରାଜ୍ୟର ବିଭିନ୍ନ ସ୍ଥାନରେ ବର୍ଷା

ଲଘୁଚାପ ସକ୍ରିୟ, ରାଜ୍ୟର ବିଭିନ୍ନ ସ୍ଥାନରେ ବର୍ଷା

ଭୁବନେଶ୍ୱର, ୧୬।୭(ବ୍ୟୁରୋ): ଉତ୍ତର-ପଶ୍ଚିମ ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଅଧିକ ଘନୀଭୂତ ହୋଇଛି। ଏହାର ପ୍ରଭାବରେ ରାଜ୍ୟର ବିଭିନ୍ନ ସ୍ଥାନରେ ବର୍ଷା ଲାଗି ରହିଛି। ଉପକୂଳ ଓଡ଼ିଶାର ଅନେକ ସ୍ଥାନରେ ପ୍ରବଳରୁ ଅତିପ୍ରବଳ ବର୍ଷା ହେଉଥିବା ଜଣାପଡ଼ିଛି।

ମହିମା ମିଶ୍ରଙ୍କୁ ସର୍ତ୍ତମୂଳକ ଜାମିନ

ମହିମା ମିଶ୍ରଙ୍କୁ ସର୍ତ୍ତମୂଳକ ଜାମିନ

କଟକ ଅଫିସ, ୧୬।୭: ଶିଳ୍ପପତି ମହିମା ନନ୍ଦ ମିଶ୍ରଙ୍କୁ ହାଇକୋର୍ଟରୁ ସର୍ତ୍ତମୂଳକ ଜାମିନ ମିଳିଛି। ସୋମବାର ୨ଟି ମାମଲାରେ ଜାମିନ ପ୍ରଦାନ କରିଛନ୍ତି ହାଇକୋର୍ଟ।

ଡକାୟତି ଯୋଜନା ପଣ୍ଡ, ୨ ଗିରଫ

ଡକାୟତି ଯୋଜନା ପଣ୍ଡ, ୨ ଗିରଫ

କଟକ ଅଫିସ, ୧୬।୭: କଟକ ଅଞ୍ଚଳରେ ଡକାୟତି ଯୋଜନା କରୁଥିବା ବେଳେ ମଙ୍ଗଳାବାଗ ପୋଲିସ ଚଢ଼ାଉ କରି ସୋମବାର ୨ ଅଭିଯୁକ୍ତଙ୍କୁ ଗିରଫ କରିଛି। ସେମାନେ ହେଲେ ବାଲେଶ୍ୱର ରେମୁଣା ଅଞ୍ଚଳର ସନ୍ତୋଷ ଦାସ ଓରଫ୍‌ ସନ୍ତୁ ଏବଂ କ୍ୟାଣ୍ଟନମେଣ୍ଟ ଅଞ୍ଚଳର ଅଭିଷେକ ନାଇଡୁ ଓରଫ ରାଜା।

ସାକ୍ଷୀଗୋପାଳ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ବର୍ଷାପାଣି

ସାକ୍ଷୀଗୋପାଳ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ବର୍ଷାପାଣି

ସାକ୍ଷୀଗୋପାଳ, ୧୬।୭( ଡି.ଏନ୍‌.ଏ.): ଦୁଇଦିନ ଧରି ଲଘୁଚାପଜନିତ ପ୍ରବଳ ବର୍ଷା ଯୋଗୁ ପୁରୀ ଜିଲା ସାକ୍ଷୀଗୋପାଳ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପରିସରରେ ବର୍ଷା ପାଣି ଜମି ରହିଛି।

ସବୁଆଡେ ଜଳାର୍ଣ୍ଣବ, ରାସ୍ତା ଉପରେ ଆଣ୍ଠୁଏ ପାଣି

ସବୁଆଡେ ଜଳାର୍ଣ୍ଣବ, ରାସ୍ତା ଉପରେ ଆଣ୍ଠୁଏ ପାଣି

ଚନ୍ଦ୍ରଶେଖରପୁର,୧୬।୭(ଡି.ଏନ୍‌.ଏ.): ଲଗାଣ ବର୍ଷା ଯୋଗୁ ସୋମବାର ଭୁବନେଶ୍ୱରର ଚନ୍ଦ୍ରଶେଖରପୁର ଅଞ୍ଚଳ ଜଳାର୍ଣ୍ଣବ ହୋଇଛି। କଲୋନୀଠାରୁ ଆରମ୍ଭ କରି ବସ୍ତିବାସିନ୍ଦାଙ୍କ ଘର ଭିତରେ ପାଣି ପଶିଯାଇଛି। ଫଳରେ ଛୋଟ ଛୋଟ ପିଲାଙ୍କୁ ଧରି ପ୍ରବଳ ବର୍ଷାରେ ବାଧ୍ୟହୋଇ ଲୋକେ ରାସ୍ତା ଉପରେ ଛିଡା ହୋଇଛନ୍ତି।

ଜଣେ ଭକ୍ତଙ୍କ ଅନୁଭୂତି: କାଳିଆର ପ୍ରେମ ନିଆରା

ଜଣେ ଭକ୍ତଙ୍କ ଅନୁଭୂତି: କାଳିଆର ପ୍ରେମ ନିଆରା

ପୁରୀ ଅଫିସ,୧୬।୭ : ଗତ କିଛି ବର୍ଷ ହେବ ମୁଁ ପ୍ରଭୁ ଶ୍ରୀଜଗନ୍ନାଥଙ୍କୁ ରଥ ଉପରେ ଦର୍ଶନ କରିବାକୁ ପୁରୀ ଆସୁଛି। ଯେତେ ଅସୁବିଧା ହେଉ ପଛେ ରଥଯାତ୍ରାରେ ମହାପ୍ରଭୁମାନଙ୍କୁ ନ ଦେଖିଲେ ମୋତେ ସାରା ବର୍ଷ ଭଲ ଲାଗେ ନାହିଁ। ଚଳିତବର୍ଷ ଘୋଷଯାତ୍ରାରେ ଆସିପାରିଲି ନାହିଁ। କିନ୍ତୁ ମନ ମାନିଲା ନାହିଁ। ତା’ ପର ଦିନ ସକାଳୁ ସକାଳୁ ପୁରୀରେ ପହଞ୍ଚତ୍ ଯାଇଥିଲି।

ଆହୁରି ୨ଦିନ ବର୍ଷିବ

ଆହୁରି ୨ଦିନ ବର୍ଷିବ

ଭୁବନେଶ୍ୱର,୧୬।୭(ବ୍ୟୁରୋ): ଉତ୍ତର ପଶ୍ଚିମ ବଙ୍ଗୋପସାଗର ଏବଂ ପାର୍ଶ୍ୱବର୍ତ୍ତୀ ଅଞ୍ଚଳରେ ସୃଷ୍ଟି ହୋଇଥିବା ଲଘୁଚାପ ପ୍ରଭାବରେ ରବିବାର ରାୟଗଡା, କଳାହାଣ୍ଡି ଏବଂ ଗଞ୍ଜାମ ଜିଲାରେ ପ୍ରବଳରୁ ଅତି ପ୍ରବଳ ବର୍ଷା ହୋଇଛି। ରାୟଗଡାର ନାଗାବଳୀ ନଦୀରେ ବର୍ଷାପାଣି ମାଡି ଆସିିବାରୁ ଗାଧୋଉ ଥିବାବେଳେ ଜଣେ ବ୍ୟକ୍ତି ଭାସି ଯାଇଥିବା ଜଣାପଡିଛି।

Model This Week

ରୂପେଶ