ରାଜ୍ୟ |

ମେହେକଙ୍କ ପଦାର୍ପଣରେ ମହକିଲା ବସୁନ୍ଧରା

ମେହେକଙ୍କ ପଦାର୍ପଣରେ ମହକିଲା ବସୁନ୍ଧରା
କଟକ ଅଫିସ, ୧୩।୧୨-ଜନ୍ମ ଦେଇ ମା’ ରାସ୍ତାକଡରେ ଛାଡ଼ି ପଳାଇଥିଲେ। ଚାଇଲ୍ଡଲାଇନ ପକ୍ଷରୁ ଉକ୍ତ ନବଜାତ ଶିଶୁଙ୍କୁ ଉଦ୍ଧାର କରାଯାଇ ବସୁନ୍ଧରା ମୁକ୍ତାଶ୍ରୟ କେନ୍ଦ୍ରରେ ଥଇଥାନ କରାଯାଇଥିଲା। ଉଦ୍ଧାର ସମୟରେ ଶିଶୁକନ୍ୟାଙ୍କ ମୁଣ୍ଡର ବାମପଟରେ ଏକ ଘା ସୃଷ୍ଟି ହୋଇଥିଲା। ଶିଶୁକନ୍ୟାଙ୍କୁ ଚିକିତ୍ସା ପରେ ସୁସ୍ଥ କରାଯାଇଥିଲା। ବସୁନ୍ଧରାରର ହାଉସମଦର ଶାନ୍ତିଙ୍କ ହେପାଜତରେ ରହିଥିଲେ ଏହି ଶିଶୁକନ୍ୟା। ଶିଶୁକନ୍ୟାଙ୍କ ମୁଣ୍ଡରେ ହୋଇଥିବା ଘାକୁ ଶାନ୍ତି ମଲମ ଲଗାଇବା ବେଳେ ବିଭିନ୍ନ ଗୀତ ଗାଇଥାନ୍ତି। ତୋ ଘା ଶୁଖିଯିବ। ତୁ ଦିନେ ମହକିବୁ। ତୋ ମହକରେ ଚାରିଆଡ ମହକିବ ବୋଲି କହି ଶାନ୍ତି ଉକ୍ତ ଶିଶୁକନ୍ୟାଙ୍କୁ ଶୋଇପକାଇଥାନ୍ତି। ଶାନ୍ତିଙ୍କ ଡାକ ଅନୁଯାୟୀ ଶିଶୁକନ୍ୟା ନାମ ମହକ ରଖାଯାଇଥିଲା। ୨୦୦୩ରେ ମହକ ଉଦ୍ଧାର ହୋଇଥିଲେ। ମାତ୍ର ୧ବର୍ଷ ପାଇଁ ବସୁନ୍ଧରାର ହାଉସମଦର ଶାନ୍ତିଙ୍କ କୋଳରେ କାଟିବା ପରେ ତାଙ୍କୁ ପୋଷ୍ୟରେ ପଠାଇବା ନିମନ୍ତେ ବ୍ୟବସ୍ଥା କରାଯାଇଥିଲା। ମହକଙ୍କୁ ଲିଗାଲ ଫ୍ରି ଘୋଷଣା କରାଯାଇ କାରା(ସେଣ୍ଟ୍ରାଲ ଆଡପସନ ରିସୋର୍ସ ଅଥରିଟି)ଙ୍କ ସହାୟତାରେ ପୋଷ୍ୟରେ ଦେବା ନିମନ୍ତେ ଆଇନଗତ ବ୍ୟବସ୍ଥା କରାଯାଇଥିଲା। ଏହାପରେ ଅଷ୍ଟ୍ରେଲିଆର ମେଲବୋର୍ନ ଅଧିବାସୀ ତ୍ରାସୀ ଓ ଜୋଷୀ ଗ୍ରୀନଉଡ ମହକଙ୍କୁ ପୋଷ୍ୟକନ୍ୟାଭାବେ ଗ୍ରହଣ କରିବା ପାଇଁ କାରା ଜରିଆରେ ଆବେଦନ କରିଥିଲେ। ସେମାନଙ୍କ ଆବେଦନ ମଞ୍ଜୁରୀଲାଭ କରିବା ପରେ ୨୦୦୪ରେ ମହକ ଶାନ୍ତିଙ୍କ କୋଳରୁ ଗ୍ରୀନଉଡ ଦମ୍ପତ୍ତିଙ୍କ କୋଳକୁ ଯାଇଥିଲେ। ବସୁନ୍ଧରାରୁ ମହକ ଚାଲି ଯାଇଥିଲେ ମେଲବୋର୍ନ ସହରକୁ। ଇତିମଧ୍ୟରେ ବିତିଯାଇଛି ୧୪ବର୍ଷ। ଗ୍ରୀନଉଡ ଦମ୍ପତ୍ତିଙ୍କ ସହିତ ମହକ ବୁଲିବାକୁ ଆସିଥିଲେ ବସୁନ୍ଧରା। ବୁଧବାର ସେମାନେ ବସୁନ୍ଧରାରେ ପହଞ୍ଚିବା ପରେ ସେଠାରେ ଏକ ଭିନ୍ନ ପରିବେଶ ସୃଷ୍ଟି ହୋଇଥିଲା। ମହକ ଆସିଥିବା ଜାଣି ଦୌଡ଼ି ଆସିଥିଲେ ହାଉସମଦର ଶାନ୍ତି। ଜନ୍ମ ସମୟରେ ମହକଙ୍କ ମୁଣ୍ଡରେ ସୃଷ୍ଟି ହୋଇଥିବା କ୍ଷତ ଚିହ୍ନକୁ ଶାନ୍ତି ଅଣ୍ଡାଳି ପକାଇ କୋଳକୁ ଆଉଜେଇ ନେଇ ଭୋ ଭୋ ହୋଇ କାନ୍ଦି ପକାଇଥିଲେ। ଶାନ୍ତିଙ୍କ ଠାରୁ ମାତ୍ର ୧ବର୍ଷର ମା’ ସ୍ନେହ ପାଇଥିବା ମହକ ମଧ୍ୟ ନିଜର କୋହ ସମ୍ଭାଳି ନ ପାରି କାନ୍ଦି ପକାଇଥିଲେ। ଭୋଜି ଭାତର ଆୟୋଜନ ହୋଇଥିଲା। ବସୁନ୍ଧରା ସମ୍ପାଦିକା ଶୈଳ ବେହେରା, ପ୍ରୋଗ୍ରାମ ଅଫିସର ଅକ୍ଷୟ ସ୍ବାଇଁ ଓ ଅତିରିକ୍ତ ଜିଲାପାଳ ରଘୁରାମ ଆର. ଆୟାରଙ୍କ ଗହଣରେ ଗ୍ରୀନଉଡ ଦମ୍ପତ୍ତିଙ୍କ ସହିତ ମହକଙ୍କ ଉପସ୍ଥିତି ଏକ ଉତ୍ସବର ବାତାବରଣ ସୃଷ୍ଟି କରିଥିଲା। ଅଷ୍ଟ୍ରେଲିଆରୁ ସାଙ୍ଗରେ ଆଣିଥିବା ଡ୍ରଇଂ ଖାତା, ପେନସିଲ ଓ ବଲ୍‌ପେନ୍‌ ପ୍ରଭୃତିକୁ ମହକ ବସୁନ୍ଧରାରର ଅନ୍ୟ ଅନ୍ତେବାସୀଙ୍କ ମଧ୍ୟରେ ବାଣ୍ଟିଥିଲେ। ମହକ ଏବେ ନବମ ଶ୍ରେଣୀର ଛାତ୍ରୀ। ଗ୍ରୀନଉଡ ଦମ୍ପତ୍ତିଙ୍କ ଏକମାତ୍ର ଅଲିଅଳି ଝିଅ। ସେଠାରେ କେବଳ ତାଙ୍କ ନାମ ମହକରୁ ମେହେକ ଭାବେ ପରିବର୍ତ୍ତନ ହୋଇଛି। ଅପରାହ୍ନରେ ମା, ବାପାଙ୍କ ସହିତ ମହକ ପୁରୀ ଅଭିମୁଖେ ଯାଇଥିଲେ। ସେଠାରୁ ଡେରାଡୁନ୍‌ ହୋଇ ଅଷ୍ଟ୍ରେଲିଆ ଫେରିଯିବାର କାର୍ଯ୍ୟକ୍ରମ ରହିଛି। ପ୍ରତ୍ୟେକ ଶିଶୁଙ୍କ କ୍ଷେତ୍ରରେ ସୁନେଲି ଭବିଷ୍ୟତର ସମ୍ଭାବନା ରହିଛି। ତେଣୁ ଏଥିପ୍ରତି ସମସ୍ତେ ଯତ୍ନବାନ ହେବା ଆବଶ୍ୟକ ବୋଲି ବସୁନ୍ଧରା ପ୍ରୋଗ୍ରାମ ଅଫିସର ସ୍ବାଇଁ କହିଛନ୍ତି।
All Right Reserved By

ରାଜ୍ୟ |

ବିଧାନସଭା ଗୃହ କମିଟି ନିକଟରେ ହାଜର ହେଲେ ଆୟର

ବିଧାନସଭା ଗୃହ କମିଟି ନିକଟରେ ହାଜର ହେଲେ ଆୟର

ଭୁବନେଶ୍ୱର, ୨୩।୧୦(ବ୍ୟୁରୋ): କୋଣାର୍କ ଓ ପୁରୀ ଶ୍ରୀମନ୍ଦିର ଉପରେ ଆପତ୍ତିଜନକ ମନ୍ତବ୍ୟ ଦେଇଥିବା ଅଭିଜିତ ଆୟର ମିତ୍ର ମଙ୍ଗଳବାର ଓଡ଼ିଶା ବିଧାନସଭା ଗୃହ କମିଟି ନିକଟରେ ହାଜର ହୋଇଛନ୍ତି। ବିଧାନସଭାସ୍ଥିତ ୫୪ ନଂ. ପ୍ରକୋଷ୍ଠରେ ବିରୋଧୀ ଦଳ ନେତା ନରସିଂହ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଗୃହ କମିଟି ବୈଠକରେ ଆୟର ନିଜର ପକ୍ଷ ରଖୁଛନ୍ତି। 

ମଦ୍ୟପ ଫାଣ୍ଡି ଅଧିକାରୀଙ୍କ ଉନ୍ମତ୍ତକାଣ୍ଡ, ଫାଣ୍ଡି ଘେରିଲେ ଲୋକେ

ମଦ୍ୟପ ଫାଣ୍ଡି ଅଧିକାରୀଙ୍କ ଉନ୍ମତ୍ତକାଣ୍ଡ, ଫାଣ୍ଡି ଘେରିଲେ ଲୋକେ

କୃଷ୍ଣପ୍ରସାଦ, ୨୩।୧୦(ଡି.ଏନ୍‌.ଏ.): ପୁରୀ ଜିଲା କୃଷ୍ଣପ୍ରସାଦ ଥାନା ଅଧୀନ ମାଲୁଦ ଫାଣ୍ଡି ଅଧିକାରୀ ମଦ୍ୟପାନ କରି ଜନସାଧାରଣଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରିବା ମହଙ୍ଗା ପଡିଛି। 

ବିଜେଡିରେ ଯୋଗଦେଲେ ୧୬ ଭାଜପା କର୍ମୀ

ବିଜେଡିରେ ଯୋଗଦେଲେ ୧୬ ଭାଜପା କର୍ମୀ

ପରଜଙ୍ଗ, ୨୩।୧୦(ଡି.ଏନ୍‌.ଏ.): ଢେଙ୍କାନାଳ ଜିଲା ପରଜଙ୍ଗ ନିର୍ବାଚନମଣ୍ଡଳୀ କଙ୍କଡାହାଡ଼ ବ୍ଲକ ଘାଗରାମୁଣ୍ଡା ପଞ୍ଚାୟତ ଭେଜିଆ ଗ୍ରାମର ୧୬ ଭାଜପା କର୍ମୀ ଧର୍ମାନନ୍ଦ ଦାସଙ୍କ ନେତୃତ୍ୱରେ ବିଜେଡିରେ ଯୋଗ ଦେଇଛନ୍ତି। ବାଣିଜ୍ୟ ଓ ପରିବହନ ମନ୍ତ୍ରୀ ଡା. ନୃସିଂହ ଚରଣ ସାହୁଙ୍କ ଡିହଡୋଳସ୍ଥିତ ବାସଭବନରେ ମଙ୍ଗଳବାର ସେମାନେ ପହଞ୍ଚି ମନ୍ତ୍ରୀଙ୍କ ଉପସ୍ଥିତିରେ ବିଜେଡିରେ ଯୋଗ ଦେଇଛନ୍ତି। 

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ୨୮ ଅଭିଯୋଗର ସମାଧାନ ପାଇଁ ନିର୍ଦ୍ଦେଶ

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ୨୮ ଅଭିଯୋଗର ସମାଧାନ ପାଇଁ ନିର୍ଦ୍ଦେଶ

ଗଣିଆ,୨୩।୧୦(ଡି.ଏନ.ଏ.)-ଗଣିଆ ବ୍ଲକ କାର୍ଯ୍ୟାଳୟ ସଭାଗୃହ ପରିସରରେ ସୋମବାର ନୟାଗଡ ଜିଲାପାଳଙ୍କ ଜନଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ନୟାଗଡ ଜିଲାପାଳ ଏନ୍‌.ତିରୁମାଲା ନାୟକ ମୋଟ ୨୮ ଅଭିଯୋଗର ଶୁଣାଣି କରି ବିଭାଗୀୟ ଅଧିକାରୀମାନଙ୍କୁ ତୁରନ୍ତ ଏହାର ସମାଧାନ ପାଇଁ ନିର୍ଦ୍ଦେଶ ଦେଇଥିଲେ। 

ମା’ ଗୌରୀ ପୂଜା ମହୋତ୍ସବ

ମା’ ଗୌରୀ ପୂଜା ମହୋତ୍ସବ

ଟାଙ୍ଗୀ(ଖୋର୍ଦ୍ଧା),୨୩ା୧୦(ଡି.ଏନ.ଏ.)-ଟାଙ୍ଗୀ ବ୍ଲକ୍‌ ଅନ୍ତର୍ଗତ ରତନପୁର ଗ୍ରାମରେ ତେଲ୍‌ଗୁ ସମ୍ପଦାୟର ମହାନ ପର୍ବ ଭାବେ ପରିଚିତ ମା’ ଗୌରୀ ପୂଜା ମହୋତ୍ସବ ରବିବାର ସନ୍ଧ୍ୟାରେ ପାଳିତ ହୋଇଯାଇଛି। ଉତ୍ସାହୀ ତେଲ୍‌ଗୁ ଯୁବକମାନେ ଏକ ସଂଘ ଗଠନ କରି ଦୀର୍ଘ ୧୮ ବର୍ଷ ଧରି ଏହି ପୂଜାକୁ ଧୁମ୍‌ଧାମରେ ପାଳନ କରିବା ସହ ବହୁ କଳାକାରଙ୍କୁ ସମ୍ବର୍ଦ୍ଧିତ କରୁଛନ୍ତି ।

 ସ୍ବାସ୍ଥ୍ୟକେନ୍ଦ୍ର ସମ୍ମୁଖରେ ଆଶାକର୍ମୀ ସଂଘର ପ୍ରତିବାଦ ସଭା

ସ୍ବାସ୍ଥ୍ୟକେନ୍ଦ୍ର ସମ୍ମୁଖରେ ଆଶାକର୍ମୀ ସଂଘର ପ୍ରତିବାଦ ସଭା

ରାଜକନିକା,୨୩ା୧୦(ଡି.ଏନ୍‌.ଏ.)- ନିଖିଳ ଓଡ଼ିଶା ଆଶାକର୍ମୀ ସଂଘ, ରାଜକନିକା ସିଏଚ୍‌ସି କମିଟି ପକ୍ଷରୁ ସୋମବାର ରାଜକନିକା ସ୍ବାସ୍ଥ୍ୟ କେନ୍ଦ୍ର ଆଗରେ ଏକ ପ୍ରତିବାଦ ସଭା ଅନୁଷ୍ଠିତ ହୋଇଯାଇଛି। 

ଜିଲା ମହିଳା ଭାଜପାର ଖବରଦାତା ସମ୍ମିଳନୀ:ମହିଳାଙ୍କୁ ଅବହେଳା କରାଯାଉଥିବା ଅଭିଯୋଗ

ଜିଲା ମହିଳା ଭାଜପାର ଖବରଦାତା ସମ୍ମିଳନୀ:ମହିଳାଙ୍କୁ ଅବହେଳା କରାଯାଉଥିବା ଅଭିଯୋଗ

କେନ୍ଦ୍ରାପଡା ଅଫିସ, ୨୩ା୧୦- କେନ୍ଦ୍ରାପଡା ସହରର ଗୋପସ୍ଥିତ ଭାଜପା କାର୍ଯ୍ୟାଳୟରେ ଜିଲା ମହିଳା ଭାଜପା ପକ୍ଷରୁ ଏକ ଖବରଦାତା ସମ୍ମିଳନୀ ସୋମବାର ଆୟୋଜିତ ହୋଇଯାଇଛି ା

ଅବଧି ପରେ ମଧ୍ୟ ସରୁନି ରାସ୍ତା କାମ:ଆନ୍ଦୋଳନ ପାଇଁ ଅଞ୍ଚଳବାସୀଙ୍କ ଚେତାବନୀ

ଅବଧି ପରେ ମଧ୍ୟ ସରୁନି ରାସ୍ତା କାମ:ଆନ୍ଦୋଳନ ପାଇଁ ଅଞ୍ଚଳବାସୀଙ୍କ ଚେତାବନୀ

ଡୁବୁରୀ,୨୩ା୧୦(ଡି.ଏନ୍‌.ଏ.)- ମଙ୍ଗରାଜପୁର ପଞ୍ଚାୟତରେ ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନାରେ ନିର୍ମିତ ରାସ୍ତା ଅଧାପନ୍ତରିଆ ହୋଇ ପଡିରହିଛି ା ଏକ ବର୍ଷରୁ ଊର୍ଦ୍ଧ୍ୱ ହେବ ରାସ୍ତା କାମର ଅବଧି ପୂରିଥିବାବେଳେ ବର୍ତ୍ତମାନ ପର୍ଯ୍ୟନ୍ତ ରାସ୍ତା ଓ କଲର୍ଭଟ ନିର୍ମାଣ କାମ ସମ୍ପୂର୍ଣ୍ଣ ହୋଇ ପାରି ନାହଁି।

ବଜ୍ରପଲ୍ଲୀ ଫୁଟବଲ ଟୁର୍ନାମେଣ୍ଟ ଉଦ୍‌ଯାପିତ

ବଜ୍ରପଲ୍ଲୀ ଫୁଟବଲ ଟୁର୍ନାମେଣ୍ଟ ଉଦ୍‌ଯାପିତ

ଡୁବୁରୀ, ୨୩ା୧୦(ଡି.ଏନ୍‌.ଏ.)- ଜୟ ମା’ ଦୁର୍ଗା ଆଦିବାସୀ କ୍ଲବ ଓ ବଜ୍ରପଲ୍ଲୀ କ୍ଲବ ଆନୁକୂଲ୍ୟରେ ସ୍ଥାନୀୟ ସ୍କୁଲ ଖେଳ ପଡ଼ିଆରେ ଆୟୋଜିତ ୨୬ତମ ଫୁଟବଲ ଟୁର୍ନାମେଣ୍ଟ ରବିବାର ଉଦ୍‌ଯାପିତ ହୋଇଯାଇଛି ା 

ଦାମଙ୍କ ବିରୋଧରେ ବିଷୋଦ୍‌ଗାର କଲେ ଉଲ୍ଲାସ

ଦାମଙ୍କ ବିରୋଧରେ ବିଷୋଦ୍‌ଗାର କଲେ ଉଲ୍ଲାସ

ପାରାଦୀପ,୨୩ା୧୦(ସ୍ବ.ପ୍ର.): ପାରାଦୀପ ବିଧାୟକ ଦାମୋଦର ରାଉତ ବିଜେଡିରୁ ବହିଷ୍କାର ହେବା ପରଠାରୁ ଜଣଙ୍କ ପରେ ଜଣେ ଅନୁଗତ ତାଙ୍କ ହାତ ଛାଡିବାରେ ଲାଗିଛନ୍ତି। ଏହି କ୍ରମରେ ୩୦ ବର୍ଷ ଧରି ଦାମଙ୍କ ସହ ରାଜନୈତିକ, ପାରିବାରିକ ଓ ବ୍ୟକ୍ତିଗତ ସମ୍ପର୍କରେ ଥିବା ଉଲ୍ଲାସ ବିଶ୍ୱାଳ ତାଙ୍କ ହାତ ଛାଡିଦେଇଛନ୍ତି। 

ନକଲି ଆର୍ମି ଅଫିସର ଗିରଫ

ନକଲି ଆର୍ମି ଅଫିସର ଗିରଫ

ଭୁବନେଶ୍ୱର,୨୩ା୧୦(ବ୍ୟୁରୋ)- ନିଜକୁ ଜଣେ ଆର୍ମି ଅଫିସର କହୁଥିଲେ। ଆର୍ମିରେ ଚାକିରି ଦେବାକୁ କହି ବେକାର ଯୁବତୀଯୁବକଙ୍କଠାରୁ ବହୁ ଲକ୍ଷ ଟଙ୍କା ନେଇଥିଲେ। ନକଲି କାର୍ଡ ତିଆରି କରି ଆର୍ମି ଅଫିସର ଭଳି ସମସ୍ତ ସୁବିଧା ସୁଯୋଗ ବି ହାତଉଥିଲେ। 

ପୋଲିସର ଦାୟିତ୍ୱହୀନତା, ଚାଲିଗଲା ଜୀବନ:ବାଃ ବାଃରେ କମିଶନରେଟ ପୋଲିସ...

ପୋଲିସର ଦାୟିତ୍ୱହୀନତା, ଚାଲିଗଲା ଜୀବନ:ବାଃ ବାଃରେ କମିଶନରେଟ ପୋଲିସ...

ଭୁବନେଶ୍ୱର,୨୩ା୧୦ (ବ୍ୟୁରୋ) - ଦୁର୍ଘଟଣାରେ ଆହତ ଲୋକଙ୍କୁ ହସ୍ପିଟାଲରେ ପହଞ୍ଚାଇଲେ ମିଳିବ ପୁରସ୍କାର। ଏପରି ବହୁ ଯୋଜନା କରି କମିଶନରେଟ ପୋଲିସ ବାଃ ବାଃ ନେବାକୁ ଚେଷ୍ଟା କରୁଥିବାବେଳେ ନିଜ ଅଧିକାରୀ ଓ କର୍ମଚାରୀଙ୍କୁ ସେତିକି ସଚେତନ କରିପାରି ନ ଥିବା ଭଳି ମନେ ହେଉଛି।