ରାଜ୍ୟ |

ପିଉସୀ ଗିରଫ, ଜେଲ ଗଲେ

ପିଉସୀ ଗିରଫ, ଜେଲ ଗଲେ
କଟକ ଅଫିସ, ୧୩।୧୨- ଚାରି ବର୍ଷର ଶିଶୁକନ୍ୟାଙ୍କୁ ନିଜ ପିଉସୀ ଅକଥନୀୟ ଶାରୀରିକ ନିର୍ଯାତନା ଦେବା ଅଭିଯୋଗରେ ଗିରଫ ହୋଇଛନ୍ତି। ଅଭିଯୁକ୍ତ ପିଉସୀ ଜଣକ ହେଉଛନ୍ତି ପ୍ରଣତି ରାଉଳ। ସେ ସିଡିଏ ସେକ୍ଟର-୧୧ ଅଞ୍ଚଳରେ ରୁହନ୍ତି। ଶିଶୁକନ୍ୟାଙ୍କୁ ନିର୍ଯାତନା ଦେଉଥିବା ଅଭିଯୋଗରେ ଚାଇଲ୍ଡ ଲାଇନ ପକ୍ଷରୁ ଫେଜ-୨ ଥାନାରେ ମଙ୍ଗଳବାର ରାତିରେ ଏତଲା ଦିଆଯାଇଥିଲା। ଏତଲାକୁ ଆଧାର କରି ପୋଲିସ ପ୍ରଣତିଙ୍କୁ ବୁଧବାର ଗିରଫ କରି କଟକ ସଦର ଏସ୍‌ଡିଜେଏମ୍‌ଙ୍କ ଅଦାଲତରେ ହାଜର କରିଥିଲା। ଏସ୍‌ଡିଜେଏମ୍‌ ପ୍ରଣତିଙ୍କ ଜାମିନ ଆବେଦନକୁ ଖାରଜ କରିବା ସହିତ ତାଙ୍କୁ ବିଚାର ବିଭାଗୀୟ ଜେଲ ହାଜତକୁ ପଠାଇ ଦେଇଛନ୍ତି। ଅନ୍ୟପକ୍ଷରେ ଉକ୍ତ ମାମଲାଟି ଅତ୍ୟନ୍ତ ସମ୍ବେଦନଶୀଳ। ତେଣୁ କିଶୋର ନ୍ୟାୟ ଆଇନର ଧାରା ୭୫ ଅନୁଯାୟୀ ମାମଲା ରୁଜୁ କରିବାକୁ ଜିଲା ଶିଶୁ ମଙ୍ଗଳ କମିଟି ପକ୍ଷରୁ ପୋଲିସକୁ କୁହାଯାଇଛି। ପ୍ରାଥମିକ ତଦନ୍ତରୁ ଆମେ ନିର୍ଯାତନା ସମ୍ପର୍କରେ ଅନେକ ପ୍ରମାଣ ପାଇଛୁ। ତେଣୁ ଏଭଳି ଅପରାଧ ପାଇଁ ଧାରା ୭୫ରେ ୩ ବର୍ଷ ସଶ୍ରମ ଜେଲ୍‌ ଓ ୧ ଲକ୍ଷ ଟଙ୍କା ଜରିମାନା ବ୍ୟବସ୍ଥା ରହିଛି। ତେଣୁ ଉକ୍ତ ମାମଲାରେ ଦୋଷୀଙ୍କୁ ଯେପରି ଜେଲ୍‌ ଓ ଜରିମାନା ହେବ ସେ ନିମନ୍ତେ ଗୁରୁତ୍ୱ ଦିଆଯିବ ବୋଲି ଶିଶୁମଙ୍ଗଳ କମିଟି ଅଧ୍ୟକ୍ଷ ବିକାଶ ମହାପାତ୍ର ସୂଚନା ଦେଇଛନ୍ତି। ଅନ୍ୟପକ୍ଷରେ ଶିଶୁକନ୍ୟାଙ୍କ ମା’ବାପା ନୂଆଦିଲ୍ଲୀରେ ରହୁନ୍ତି। ସେମାନେ କଟକ ଆସୁଛନ୍ତି। ସେମାନେ ଏଠାରେ ଆସି ପହଞ୍ଚତ୍ବା ପରେ ଘଟଣାର ବାସ୍ତବ ରୂପରେଖ ଜଣାପଡ଼ିବ। କାହିଁକି ମା’ବାପା ଶିଶୁକନ୍ୟାଙ୍କୁ ନୂଆଦିଲ୍ଲୀ ନ ନେଇ କଟକରେ ଛାଡ଼ି ଯାଇଥିଲେ। ପ୍ରଣତି ପ୍ରକୃତରେ ଶିଶୁକନ୍ୟାଙ୍କ ପିଉସୀ ଅଟନ୍ତି କି ନାହିଁ ସେ ସବୁର ତଥ୍ୟ ଉନ୍ମୋଚନ ହୋଇପାରିବ ବୋଲି ଚାଇଲ୍ଡ ଲାଇନ ସଂଯୋଜକ ନାରାୟଣ ଶୁକ୍ଳା କହିଛନ୍ତି। ଶିଶୁକନ୍ୟାଙ୍କୁ ବସୁନ୍ଧରା ଚିଲ୍‌ଡ୍ରେନ୍ସ ହୋମରେ ଅସ୍ଥାୟୀ ଭାବେ ଥଇଥାନ କରାଯାଇଛି। ସୂଚନାଥାଉ କି, ସମ୍ବେଦନଶୀଳ ଘଟଣାଟି ମଙ୍ଗଳବାର ଘଟିଥିଲା। ସିଡିଏ ସେକ୍ଟର-୧୧ ଅଞ୍ଚଳରେ ଜଣେ ମହିଳା ଦୀର୍ଘଦିନ ହେବ ଜଣେ ଶିଶୁକନ୍ୟାଙ୍କୁ ଅକଥନୀୟ ନିର୍ଯାତନା ଦେଉଥିବା ନେଇ ଶିଶୁ ମଙ୍ଗଳ କମିଟି ସଦସ୍ୟା ଡଲି ଦାସଙ୍କୁ ଫୋନ ଆସିଥିଲା। ଦାସ ଶିଶୁକନ୍ୟାଙ୍କୁ ଉଦ୍ଧାର ନିମନ୍ତେ ଚାଇଲ୍ଡ ଲାଇନକୁ ଅବଗତ କରାଇଥିଲେ। ଚାଇଲ୍ଡ ଲାଇନ ସଂଯୋଜକ ଶୁକ୍ଳା ଘଟଣାସ୍ଥଳରେ ପହଞ୍ଚତ୍ ଶିଶୁକନ୍ୟାଙ୍କୁ ଉଦ୍ଧାର କରି ଶିଶୁ ମଙ୍ଗଳ କମିଟି ନିକଟକୁ ଆଣିଥିଲେ। କମିଟି ଆଗରେ ଶିଶୁକନ୍ୟା ଜଣକ ତାଙ୍କ ଉପରେ ଘଟିଥିବା ଅମାନବୀୟ ବର୍ବରୋଚିତ କାହାଣୀ ବର୍ଣ୍ଣନା କରିଥିଲେ। ଦେହସାରା ଥିଲା ମାଡ଼ ଦାଗ। ମାଡ଼ରେ ମୁଣ୍ଡରେ ଏକ ଆବୁ ଭଳି ଫୁଲି ରହିଥିବା କମିଟି ଅଧ୍ୟକ୍ଷ ଓ ସଦସ୍ୟମାନେ ଦେଖିବାକୁ ପାଇଥିଲେ। ଶିଶୁକନ୍ୟାଙ୍କ ବୟାନ ଅନୁଯାୟୀ ତାଙ୍କ ମା’ ବାପା ଓ ଭାଇ ନୂଆଦିଲ୍ଲୀରେ ରୁହନ୍ତି। ୯ ମାସ ତଳେ ସେମାନେ ତାଙ୍କୁ (ଶିଶୁକନ୍ୟାଙ୍କୁ) ପ୍ରଣତିଙ୍କ ଘରେ ଛାଡ଼ି ନୂଆଦିଲ୍ଲୀ ପଳାଇଥିଲେ। ହେଲେ ମା’ବାପା ଛାଡ଼ିଯିବା ପରଦିନଠାରୁ ପିଉସୀ ତାଙ୍କ ଉପରେ ଆରମ୍ଭ କରିଥିଲେ ଅକଥନୀୟ ନିର୍ଯାତନା। ପିଉସୀ ତାଙ୍କ ଲୁଗା ସଫା କରିବାକୁ କୁହନ୍ତି। ଖଟ ଉପରେ ପିଉସୀ ଓ ତାଙ୍କ ଝିଅ ଶୋଉଥିବା ବେଳେ ଶିଶୁକନ୍ୟାଙ୍କୁ ତଳେ ଶୋଇବାକୁ କୁହନ୍ତି। କଥା ନ ମାନିଲେ ସେ ଝାଡୁ ଓ ବାଡିରେ ଜୋର୍‌ରେ ପିଟନ୍ତି। ରାତି ଶୋଇବା ସମୟରେ ଯଦି ପ୍ୟାଣ୍ଟରେ ପରିସ୍ରା ହୋଇଯାଏ ତେବେ ତାଙ୍କ ଉପରେ ପିଉସୀ ପାଣି ଢାଳି ନିସ୍ତୁକ ମାଡ଼ ମାରନ୍ତି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ନିଜ ମା’ ବାପାଙ୍କ ପାଖରେ ମଧ୍ୟ ଉକ୍ତ ଶିଶୁକନ୍ୟା ଜଣକ ରହିବା ପାଇଁ ରାଜି ନ ଥିବା ଚାଇଲ୍ଡ ଲାଇନ ସଂଯୋଜକ ଶୁକ୍ଳା କହିଛନ୍ତି। ସେମାନେ ବି କୁଆଡେ ଏହି ଶିଶୁକନ୍ୟାଙ୍କୁ ମାରଧର କରନ୍ତି ବୋଲି ତାଙ୍କ ବୟାନରୁ ଜଣାପଡ଼ିଛି। ତେଣୁ ଘଟଣାଟି ସମ୍ପୂର୍ଣ୍ଣ ରହସ୍ୟମୟ ହୋଇରହିଛି। ମା’ ବାପା ନୂଆଦିଲ୍ଲୀରୁ ଫେରିବା ପରେ ସତ୍ୟାସତ୍ୟ ଉନ୍ମୋଚନ ହୋଇପାରିବ।
All Right Reserved By

ରାଜ୍ୟ |

ମହିଳା ସ୍ବାସ୍ଥ୍ୟକର୍ମୀ ସଂଘର ସିଡିଏମଓଙ୍କୁ ଦାବିପତ୍ର

ମହିଳା ସ୍ବାସ୍ଥ୍ୟକର୍ମୀ ସଂଘର ସିଡିଏମଓଙ୍କୁ ଦାବିପତ୍ର

ଭବାନୀପାଟଣା,୨୫।୯(ଡି.ଏନ.ଏ.)
ଏନ୍‌ଏଚ୍‌ଏମ୍‌ ଅଧୀନରେ ଅସ୍ଥାୟୀ ଭାବେ କାମ କରୁଥିବା ସ୍ବାସ୍ଥ୍ୟ କର୍ମୀଙ୍କୁ ସ୍ଥାୟୀ ଚାକିରି, ପେନସନ, ସମସ୍ତ ସରକାରୀ ସୁବିଧା ଦାବିରେ କଳାହାଣ୍ଡି ଜିଲା ଏନଏଚଏମ ମହିଳା ସ୍ବାସ୍ଥ୍ୟ କର୍ମୀ ସଂଘ ପକ୍ଷରୁ ସ୍ବାସ୍ଥ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ସିଡିଏମଓ ଡାକ୍ତର ସରୋଜ ତିହାଡିଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି ।
ମହିଳା ସ୍ବାସ୍ଥ୍ୟକର୍ମୀମାନେ ଚାକିରିରେ ଯୋଗଦେବାର ୧୩ ବର୍ଷ ପରେ ମଧ୍ୟ କୌଣସି ସୁବିଧା ପାଇପାରି ନାହାନ୍ତି । ଏମାନେ ଅସ୍ଥାୟୀ ଭାବେ କାମ କରୁଛନ୍ତି । କମ୍‌ ଦରମା ପାଉ ଥିବାରୁ ପରିବାର 

ପୁରୀରୁ ଫେରୁଥିବା ଭାଜପା ମହିଳା ମୋର୍ଚ୍ଚା ଭ୍ୟାନ ଦୁର୍ଘଟଣା: ୨୫ ଗୁରୁତର

ପୁରୀରୁ ଫେରୁଥିବା ଭାଜପା ମହିଳା ମୋର୍ଚ୍ଚା ଭ୍ୟାନ ଦୁର୍ଘଟଣା: ୨୫ ଗୁରୁତର

ଭବାନୀପାଟଣା,୨୫।୯(ଡି.ଏନ.ଏ.)
ଭାଜପା ମହିଳା ମୋର୍ଚ୍ଚା ପକ୍ଷରୁ ପୁରୀଠାରେ ଆୟୋଜିତ କାର୍ଯ୍ୟକ୍ରମରେ ଯୋଗଦେଇ ଫେରୁଥିବା ପିକ୍‌ଅପ୍‌ ଭ୍ୟାନ୍‌ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ କଳାହାଣ୍ଡି ଜିଲା ସଦର ବ୍ଲକ ଛେଲିଆମାଲ ଗ୍ରାମର ୨୫ ଜଣ ଗୁରୁତର ଆହତ ହୋଇଛନ୍ତ। ପ୍ରଥମେ ସେମାନଙ୍କୁ ଭବାନୀପାଟଣା ଜିଲା ମୁଖ୍ୟଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେମାନଙ୍କ ମଧ୍ୟରୁ ୬ ଜଣଙ୍କ ଅବସ୍ଥା ଅଧିକ ଗୁରୁତର ହେବାରୁ ବୁର୍ଲା ଓ କଟକ ପଠାଯାଇଛି। ସୋମବାର ପୁରୀରେ ଅନୁଷ୍ଠିତ ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହଙ୍କ କାର୍ଯ୍ୟକ୍ରମରେ ଯୋଗଦେଇ କଳାହାଣ୍ଡି ଭାଜପା ମହିଳା ମୋର୍ଚ୍ଚା ସଦସ୍ୟାମାନେ 

ନାବାଳିକାଙ୍କୁ ବଳାତ୍କାର ଘଟଣାର ରାୟ ପ୍ରକାଶ: ଅଭିଯୁକ୍ତଙ୍କୁ ୧୦ବର୍ଷ ଜେଲଦଣ୍ଡ, ୫ ହଜାର ଟଙ୍କା ଜରିମାନା

ନାବାଳିକାଙ୍କୁ ବଳାତ୍କାର ଘଟଣାର ରାୟ ପ୍ରକାଶ: ଅଭିଯୁକ୍ତଙ୍କୁ ୧୦ବର୍ଷ ଜେଲଦଣ୍ଡ, ୫ ହଜାର ଟଙ୍କା ଜରିମାନା

ଭବାନୀପାଟଣା,୨୫।୯(ଡି.ଏନ.ଏ.)
ଜଣେ ନାବାଳିକାଙ୍କୁ ୫ ବର୍ଷ ପୂର୍ବେ ବଳାତ୍କାର କରିବା ଘଟଣାର ରାୟ ମଙ୍ଗଳବାର ପ୍ରକାଶ ପାଇଛି। କଳାହାଣ୍ଡି ଅତିରିକ୍ତ ଦୌରାଜଜ୍‌ ତଥା ସ୍ବତନ୍ତ୍ର ଜଜ୍‌ ରଶ୍ମିତା ଦଳେଇ ଏହି ଘଟଣାରେ ଗିରଫ ଅଭିଯୁକ୍ତଙ୍କୁ ୧୦ ବର୍ଷ ଜେଲ ଦଣ୍ଡ ସହ ୫ ହଜାର ଟଙ୍କା ଜରିମାନା ଦଣ୍ଡରେ ଦଣ୍ଡିତ କରିଛନ୍ତି। ଘଟଣାର ପ୍ରକାଶ ଯେ, କେସିଙ୍ଗା ଥାନା ଅନ୍ତର୍ଗତ ଏକ ଗ୍ରାମର ଜଣେ ନାବାଳିକା ଶୌଚ ହେବା ପାଇଁ ସନ୍ଧ୍ୟାରେ ଗ୍ରାମ ନିକଟସ୍ଥ ନାଳକୁ ଯାଇଥିଲାବେଳେ କଶୃପଡା ଗ୍ରାମର ଅରୁଣ ମାଝି (୩୫) ଜୋର କରି ସାଇକେଲରେ ବସାଇ ଏକ ପଥର କ୍ରଶର ନିକଟକୁ ଉଠାଇ ନେଇ ବଳାତ୍କାର କରିଥିଲେ। ଏ

ଭାଜପାରେ ମିଶିଲେ ଲୋକପ୍ରତିନିଧି, କାର୍ଯ୍ୟକର୍ତ୍ତା

ଭାଜପାରେ ମିଶିଲେ ଲୋକପ୍ରତିନିଧି, କାର୍ଯ୍ୟକର୍ତ୍ତା

ବାଲେଶ୍ୱର ଅଫିସ, ୨୫।୯-ବାଲେଶ୍ୱରସ୍ଥିତ ଭାଜପା କାର୍ଯ୍ୟାଳୟରେ ମଙ୍ଗଳବାର ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି। ଏଥିରେ ବାଲେଶ୍ୱର ସଦର ବ୍ଲକ ଅନ୍ତର୍ଗତ ଛାନୁଆ ପଞ୍ଚାୟତର  ୧୦ ନମ୍ବର ଓାର୍ଡ଼ସଭ୍ୟା ମୋନାଲିସା ମାଝି ଓ ତାଙ୍କ ସ୍ବାମୀ ବିଶ୍ୱନାଥ ମାଝି, ୧୧ ନମ୍ବର ଓାର୍ଡ଼ସଭ୍ୟା ଜୟନ୍ତୀ ଦଳାଇ ଓ ତାଙ୍କ ସ୍ବାମୀ ଗୌରାଙ୍ଗ ଦଳାଇ, ବିଜୁ ଜନତା ଦଳର ବରିଷ୍ଠ କାର୍ଯ୍ୟକର୍ତ୍ତାଙ୍କ ମଧ୍ୟରେ ଗଣେଶ ପାତ୍ର, ଅଭିମନ୍ୟୁ ପଟ୍ଟାୟତ, ଗୁରୁପଦ ଖଟୁଆ, ଓଡ଼ଙ୍ଗି ପଞ୍ଚାୟତର ରାଜେନ୍ଦ୍ର ନାୟକ, ବାହାବଳପୁର ପଞ୍ଚାୟତର ପରମେଶ୍ୱର ପଟ୍ଟାୟତ, ଗୋପାଳ ମଣ୍ଡଳ, ମ୍ତ୍ୟୁଞ୍ଜୟ ମଣ୍ଡଳ, ପ୍ରଦୀପ ମଣ୍ଡଳ, ପ୍ରଦୀପ କୁମାର ପତ୍ର ପ୍ରମୁଖ ଶତାଧିକ ଯୁବପିଢ଼ି ମଙ୍ଗଳବାର ଜିଲା ସଭାପତି ମଦନମୋହନ ଦତ୍ତଙ୍କ ଉପସ୍ଥିତିରେ ବାଲେଶ୍ୱର ବିଧିବଦ୍ଧ ଭାବେ ବିଜେଡି ଛାଡି ଭାଜପାରେ ଯୋଗଦାନ କରିଛନ୍ତି। 

ଡାକ୍ତରଙ୍କ ଅବହେଳା ଯୋଗୁ ଗର୍ଭବତୀଙ୍କ ମୃତ୍ୟୁ ଅଭିଯୋଗ:  ଜିଲାମୁଖ୍ୟ ଚିକିତ୍ସାଳୟରେ ଉତ୍ତେଜନା

ଡାକ୍ତରଙ୍କ ଅବହେଳା ଯୋଗୁ ଗର୍ଭବତୀଙ୍କ ମୃତ୍ୟୁ ଅଭିଯୋଗ: ଜିଲାମୁଖ୍ୟ ଚିକିତ୍ସାଳୟରେ ଉତ୍ତେଜନା

କୋରାପୁଟ, ୨୫।୯(ସ୍ବ.ପ୍ର./ଡି.ଏନ୍‌.ଏ.)-ଜଣେ ଗର୍ଭବତୀଙ୍କ ମୃତ୍ୟୁକୁ ନେଇ କୋରାପୁଟ ଜିଲାମୁଖ୍ୟ ଚିକିତ୍ସାଳୟରେ ମଙ୍ଗଳବାର ଉତ୍ତେଜନା ଦେଖାଦେଇଛି। ମୃତକ ଜଣଙ୍କ ହେଲେ ସ୍ଥାନୀୟ ମର୍ଶିପୁଟ ଗ୍ରାମର ସୁନିଆ ଭୋଇଙ୍କ ସ୍ତ୍ରୀ ସାବି  (୨୦)। ଡାକ୍ତରଙ୍କ ଅବହେଳା ଯୋଗୁ ଗର୍ଭବତୀଙ୍କ ମୃତ୍ୟୁ ହୋଇଥିବା ଅଭିଯୋଗ କରି ମୃତକଙ୍କ ସମ୍ପର୍କିୟମାନେ ଜିଲା ମୁଖ୍ୟ ଚିକିତ୍ସାଳୟର ମହିଳା ଓ ଶିଶୁ ବିଭାଗ ମୁଖ୍ୟ ଫାଟକ ବନ୍ଦ କରି ତା ଆଗରେ ଧାରଣା ଦେଇଛନ୍ତି। 

ପ୍ରେମରେ ବିଫଳ ହୋଇ ଛାତ୍ରୀଙ୍କୁ ଭୁଜାଲିରେ ହାଣିଲେ ପ୍ରେମିକ

ପ୍ରେମରେ ବିଫଳ ହୋଇ ଛାତ୍ରୀଙ୍କୁ ଭୁଜାଲିରେ ହାଣିଲେ ପ୍ରେମିକ

କଟକ ଅଫିସ/କଣ୍ଟାପଡା, ୨୫।୯(ଡି.ଏନ୍‌.ଏ.): ଓଲଟପୁର ଥାନା ଅନ୍ତର୍ଗତ ଅଡ଼ଶପୁର ମହାବିଦ୍ୟାଳୟର ଜଣେ କଲେଜ ଛାତ୍ରୀଙ୍କୁ ଏକପାଖିଆ ପ୍ରେମକରି ବିଫଳ ହୋଇଥିବା ଜଣେ ଯୁବକ ମଙ୍ଗଳବାର ଦିନ ୧୨ଟାରେ ଭୁଜାଲିରେ ହାଣି ଫେରାର ହୋଇଯାଇଛନ୍ତି। 

କୃଷିମନ୍ତ୍ରୀଙ୍କ ବହିଷ୍କାର ଦାବି

କୃଷିମନ୍ତ୍ରୀଙ୍କ ବହିଷ୍କାର ଦାବି

ପୁରୀ ଅଫିସ୍‌, ୨୫।୯: ମହିଳାଙ୍କ ପ୍ରତି ଅସମ୍ମାନସୂଚକ ମନ୍ତବ୍ୟ ସମ୍ବଳିତ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଉକ୍ତ ଭିଡିଓରେ କୃଷି ଓ ପଞ୍ଚାୟତିରାଜ ମନ୍ତ୍ରୀ ପ୍ରଦୀପ ମହାରଥୀ ଅସମ୍ମାନଜନକ ମନ୍ତବ୍ୟ ଦେଇଛନ୍ତି।

ହତ୍ୟା ଅଭିଯୋଗରେ ସ୍ବାମୀ ଗିରଫ

ହତ୍ୟା ଅଭିଯୋଗରେ ସ୍ବାମୀ ଗିରଫ

ଢେଙ୍କାନାଳ ଅଫିସ, ୨୫ା୯- ଢେଙ୍କାନାଳ ଜିଲା ଗଁଦିଆ ଥାନା ଯୋରନ୍ଦା ଫାଣ୍ଡି ମୁକୁନ୍ଦପୁର ଗ୍ରାମରେ ବିଦ୍ୟୁତ୍‌ ମେକାନିକ ରଣଜିତ ପଣ୍ଡା(୨୫)ଙ୍କ ସ୍ତ୍ରୀ ବର୍ଷା ବାଗମିତା ମିଶ୍ର(୨୦)ଙ୍କ ମୃତଦେହ ସୋମବାର ତାଙ୍କ ଶ୍ୱଶୁର ଘରୁ ଉଦ୍ଧାର କରାଯାଇଛି। ଯୌତୁକ ଦାବିକୁ କେନ୍ଦ୍ରକରି ବର୍ଷାଙ୍କୁ ଶ୍ୱଶୁର ଘର ଲୋକ ହତ୍ୟା କରିଥିବା ନେଇ ବର୍ଷାଙ୍କ ବାପା ମଦନ ମୋହନ ମିଶ୍ର ଥାନାରେ ଅଭିଯୋଗ କରିଛନ୍ତି।

ଶ୍ରୀମନ୍ଦିରରେ ମରିସସ୍‌ର ପୂର୍ବତନ ରାଷ୍ଟ୍ରପତି

ଶ୍ରୀମନ୍ଦିରରେ ମରିସସ୍‌ର ପୂର୍ବତନ ରାଷ୍ଟ୍ରପତି

ପୁରୀ ଅଫିସ,୨୫।୯: ମରିସସ୍‌ର ପୂର୍ବତନ ରାଷ୍ଟ୍ରପତି ରାଜକେଶ୍ୱର ପୂର଼୍ୟାଗ ସପତ୍ନୀଙ୍କ ସହ ମହାପ୍ରଭୁଙ୍କୁ ଦର୍ଶନ କରିଛନ୍ତି । 

ବିଜେଡିରେ ମିଶିଲେ ଭାଜପା କର୍ମୀ

ବିଜେଡିରେ ମିଶିଲେ ଭାଜପା କର୍ମୀ

କାମାକ୍ଷାନଗର,୨୫।୯(ଡି.ଏନ.ଏ.)- ଢେଙ୍କାନାଳ ଜିଲା ପରଜଙ୍ଗ ନିର୍ବାଚନ ମଣ୍ଡଳୀ କଙ୍କଡ଼ାହାଡ଼ ଦଶୀପୁର  ଅଞ୍ଚଳର  ଶତାଧିକ  ଭାଜପା କର୍ମୀ ସୋମବାର ବିଜେଡିରେ ଯୋଗ ଦେଇଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଦର୍ଶରେ ଅନୁପ୍ରାଣିତ ହୋଇ   ସେମାନେ ଦଳରେ ସାମିଲ ହୋଇଥିବା ପ୍ରକାଶ କରିଛନ୍ତି। 

କୋରଡାରେ କଲରାପତରିଆ ବାଘ

କୋରଡାରେ କଲରାପତରିଆ ବାଘ

ଛେଣ୍ଡିପଦା,୨୫ା୯(ଡି.ଏନ.ଏ.)- ଅନୁଗୋଳ ବନଖଣ୍ଡ ଛେଣ୍ଡିପଦା ଫରେଷ୍ଟ ରେଞ୍ଜ ଅନ୍ତର୍ଗତ କୋରଡା ଗ୍ରାମ ନିକଟରେ ଦୁଇ ଦିନ ଧରି କଲରାପତରିଆ ବାଘ ଚଳପ୍ରଚଳ କରୁଥିବା ଜଣାପଡିଛି। 

ବାଳ ସୁଧାର ଗୃହରେ ନିର୍ଯାତନା ଅଭିଯୋଗ: ଅଗ୍ନିକାଣ୍ଡ ଘଟାଇଲେ ଅନ୍ତେବାସୀ

ବାଳ ସୁଧାର ଗୃହରେ ନିର୍ଯାତନା ଅଭିଯୋଗ: ଅଗ୍ନିକାଣ୍ଡ ଘଟାଇଲେ ଅନ୍ତେବାସୀ

ଅନୁଗୋଳ ଅଫିସ, ୨୫।୯: ଅନୁଗୋଳ ଜିଲା ଜୁଭେନାଇଲ ଜେଲ(ବାଳ ସୁଧାର ଗୃହ)ରେ ପ୍ରାୟ ୭୯ ପିଲା ରହୁଛନ୍ତି। ସେମାନଙ୍କୁ ବିଭିନ୍ନ ସମୟରେ ଶାରୀରିକ ଓ ମାନସିକ ନିର୍ଯାତନା ଦିଆଯାଉଛି।