ରାୟଗଡା

ଦିବ୍ୟାଙ୍ଗଙ୍କୁ ସହାୟତା ଦେବାକୁ ପ୍ରଶାସନ,ବ୍ୟାଙ୍କ ବିମୁଖ

ଦିବ୍ୟାଙ୍ଗଙ୍କୁ ସହାୟତା ଦେବାକୁ ପ୍ରଶାସନ,ବ୍ୟାଙ୍କ ବିମୁଖ
ବୈପାରୀଗୁଡା,୧୨।୧୨ (ଡି.ଏନ୍‌.ଏ.)-ଦିବ୍ୟାଙ୍ଗମାନଙ୍କୁ ବିଭିନ୍ନ ସହାୟତା ଯୋଗାଇ ଦେବାକୁ ସରକାରୀ ବ୍ୟବସ୍ଥା ରହିଛି ା ମାତ୍ର ଏ ସବୁ କାର୍ଯ୍ୟକାରୀ ହେବାରେ ଅନିୟମିତତା ହେଉଥିବା ଅଭିଯୋଗ ହେଉଛି । ବୈପାରିଗୁଡା ବ୍ଲକର ୨ଜଣ ଦିବ୍ୟାଙ୍ଗଙ୍କ ପ୍ରତି ଅବିଚାର ହୋଇଥିବା ଏବେ ନଜରକୁ ଆସିଛି। ସେମାନେ ହେଲେ ଦିବ୍ୟାଙ୍ଗ ମଧୁ ମାଳି ଓ ଦଉନା ଖରା। ଦିବ୍ୟାଙ୍ଗମାନଙ୍କୁ ଆର୍ଥତ୍କ ସହାୟତା ଯୋଗାଇ ସ୍ବାବଲମ୍ବୀ କରିବା ଉଦ୍ଦେଶ୍ୟରେ ଖବରରୁ ଜଣାପଡିଛି ବ୍ଲକ ସାମାଜିକ ଅଧିକାରୀଙ୍କ ପକ୍ଷରୁ ଆବେଦନପତ୍ର ଆହ୍ବାନ କରାଯାଇଥିଲା । ଏହି ବୈପାରୀଗୁଡା ପଞ୍ଚାୟତ ଅନ୍ତର୍ଗତ ଲକ୍ଷ୍ମୀପୁର ମାଳିଗୁଡା ଗ୍ରାମର ଦିବ୍ୟାଙ୍ଗ ମଧୁ ମାଳି ଆବେଦନ କରିଥିଲେ । ତାଙ୍କ ଆବେଦନକୁ ମଞ୍ଜୁର କରି ୧୫ ହଜାର ଟଙ୍କାର ଋଣ ଯୋଗାଇ ଦେବାକୁ ବ୍ଲକ ସାମାଜିକ ଅଧିକାରୀ ଚନ୍ଦନ ବେହେରା ସ୍ଥାନୀୟ ଏକ ଜାତୀୟ ବ୍ୟାଙ୍କକୁ ସୁପାରିଶ କରିଥିଲେ । ତେବେ ମଧୁଙ୍କୁ ଋଣ ଯୋଗାଇ ଦେବାକୁ ଉକ୍ତ ବ୍ୟାଙ୍କ ମନା କରିଥିବା ସେ ଅଭିଯୋଗ କରିଛନ୍ତି । ତାଙ୍କ ବ୍ୟାଙ୍କ ଜମା ଖାତାରେ ମାତ୍ର ୫ ଶହ ଟଙ୍କା ଥିବାରୁ ବ୍ୟାଙ୍କ ପରିଚାଳକ ଋଣ ଦେବାକୁ ମନା କରିଦେଲେ ବୋଲି ସେ ଅଭିଯୋଗ କରିଛନ୍ତି।ବାର୍ଷିକ ୪ ପ୍ରତିଶତ ସୁଧ ହାରରେ ଏହି ଋଣ ନେଇ ମଧୁ ଗଁ।ରେ ଏକ ଛୋଟ ତେଜରାତି ଦୋକାନ କରିବାକୁ ଲକ୍ଷ୍ୟ ରଖଥିଲେ । ବ୍ୟାଙ୍କ ହତାଶ କରିବାରୁ ସେ ଭାଙ୍ଗିପଡିଛନ୍ତି। ତେବେ ଏ ସମ୍ପର୍କରେ ବ୍ଲକ ସମାଜିକ ଅଧିକାରୀ ବେହେରାଙ୍କ ସହ ଯୋଗାଯୋଗ କରିବାରୁ ଚଳିତ ବର୍ଷ ବ୍ଲକରେ ୭୫ ଜଣ ଦିବ୍ୟାଙ୍ଗଙ୍କୁ ବ୍ୟାଙ୍କ ଋଣ ଯୋଗାଇ ଦେବାକୁ ଲକ୍ଷ୍ୟ ଥିଲା । ଏଥିପାଇଁ ଆବେଦନ ଫର୍ମ ଦାଖଲ କରିବାକୁ ଆହ୍ବନ କରାଯାଇଥିଲା । ସ୍ଥାନୀୟ ଅଞ୍ଚଳର ୨ଟି ଜାତୀୟ ବ୍ୟାଙ୍କକୁ ଋଣ ପାଇଁ ଚୟନ କରାଯାଇ ପ୍ରଥମ ପର୍ଯ୍ୟାୟରେ ଗୋଟିଏ ବ୍ୟାଙ୍କକୁ ୨୫ଟି ଓ ଅନ୍ୟ ଗୋଟିଏ ବ୍ୟାଙ୍କକୁ ୨୧ଟି ଆବେଦନକୁ ସୁପାରିଶ କରି ପଠାଯାଇଥିଲା । ଦ୍ବିତୀୟ ପର୍ଯ୍ୟାୟରେ ପୁଣି ୨୧ଟି ଆବେଦନକୁ ସୁପାରିଶ କରି ଗୋଟିଏ ବ୍ୟାଙ୍କକୁ ପଠାଇବାରୁ ଉକ୍ତ ବ୍ୟାଙ୍କ ସେସବୁ ନ ରଖି ପ୍ରତ୍ୟାଖାନ କରିଦେଇଥିଲା ।ତେବେ କେଉଁ କାରଣ ପାଇଁ ହିତାଧିକାରୀଙ୍କ ଆବେଦନକୁ ବରଖାସ୍ତ କରାଯାଉଛି ସେ ସମ୍ପର୍କରେ ବ୍ୟାଙ୍କ କର୍ତ୍ତୃପକ୍ଷ ତାଙ୍କ କାର୍ଯ୍ୟାଳୟକୁ ଜଣାଇ ନାହାନ୍ତି ବୋଲି ବେହେରା କହିଛନ୍ତି। ସେହିପରି ଅନ୍ୟଜଣେ ଦିବ୍ୟାଙ୍ଗ ଯୁବତୀ ହେଉଛନ୍ତି ଦଉନା ଖରା (୨୦)। ବୈପାରୀଗୁଡା ବ୍ଲକ ଦମଶନ୍ତପୁର ପଞ୍ଚାୟତ ଚିଙ୍ଗଡାଗୁଡା ଗ୍ରାମରେ ତାଙ୍କ ଘର। ଦାଉନା ଜନ୍ମରୁ ହାତ ଗୋଡ ପୋଲିଓ ରୋଗରେ ଆକ୍ରାନ୍ତ । ଘର ଭିତରେ ଗୁରୁଣ୍ଡି ଗୁରୁଣ୍ଡି ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଯାଇଥାନ୍ତି । ନିଜର ନିତ୍ୟ କର୍ମ ପାଇଁ ସେ ମାଆ ବିମଳାଙ୍କ ଉପରେ ନିର୍ଭର କରିଥାନ୍ତି । ତାଙ୍କ ବାପା ଦୀର୍ଘଦିନ ତଳୁ ଆରପାରିକୁ ଚାଲିଯାଇଛନ୍ତି। ଅନ୍ୟ କୌଣସି ଭାଇଭଉଣୀ ନାହାନ୍ତି । ସରକାରୀ ନିୟମ ଅନୁସାରେ ଦିବ୍ୟାଙ୍ଗଙ୍କୁ ମାସିକ ଭତ୍ତା ଓ ଆବାସ ଯୋଜନାରେ ସାମିଲ କରାଯିବା କଥା । ମାତ୍ର ଦଉନାଙ୍କ ଉପରେ ଏଯାଏଁ ପ୍ରଶାସନର ଦୃଷ୍ଟି ପଡିନାହିଁ ା ମାସିକ ଭତ୍ତା ମିଳୁ ନ ଥିବା ବେଳେ ମୁଣ୍ଡ ଗୁଞ୍ଜିବାକୁ ଘର ଖଣ୍ଡିଏ ମଧ୍ୟ ନାହିଁ । ମାମୁ ଘରେ ମାଆଙ୍କ ସହ ଦଉନା ଆଶ୍ରୟ ନେଇଛନ୍ତି। ଉଭୟ ନିରାଶ୍ରୟଙ୍କୁ ପ୍ରଶାସନ ତୁରନ୍ତ ସହାୟତାର ହାତ ବଢାଇବାକୁ ସାଧାରଣରେ ଦାବି ହୋଉଛି।
All Right Reserved By

ରାୟଗଡା

ଗାଁକୁ ରାସ୍ତା ନାହିଁ: ଖଟିଆରେ ବୁହାହେଲେ ରୋଗୀ

ଗାଁକୁ ରାସ୍ତା ନାହିଁ: ଖଟିଆରେ ବୁହାହେଲେ ରୋଗୀ

ମାଲକାନଗିରି, ୧୯ା୧(ଡି.ଏନ୍‌.ଏ.)-ଗ୍ରାମକୁ ରାସ୍ତା ନ ଥିବାରୁ ଖଟିଆରେ ରୋଗୀ ବୁହାହେବା ଘଟଣାର ପୁନରାବୃତ୍ତି ଘଟିଛି ଆଦିବାସୀ ଅଧ୍ୟୁଷିତ ମାଲକାନଗିରି ଜିଲାରେ। ଏଭଳି ଦୃଶ୍ୟ ଦେଖିବାକୁ ମିଳିଛି ବଣ୍ଡା ସମ୍ପ୍ରଦାୟ ବାସ କରୁଥିବା ଅଣ୍ଡ୍ରାହାଲ ପଞ୍ଚାୟତର ଗୋଇଗୁଡା ଗ୍ରାମରେ। ଗାଁକୁ ରାସ୍ତା ସୁବିଧା ନ ଥିବାରୁ ଆମ୍ବୁଲାନ୍ସ ଯାଇପାରିନଥିଲା। 

ସୀତା ପାହାଡ଼ ମକର ମେଳାରେ ଲକ୍ଷାଧିକ ଶ୍ରଦ୍ଧାଳୁଙ୍କ ସମାଗମ

ସୀତା ପାହାଡ଼ ମକର ମେଳାରେ ଲକ୍ଷାଧିକ ଶ୍ରଦ୍ଧାଳୁଙ୍କ ସମାଗମ

ପାରଳାଖେମୁଣ୍ଡି, ୧୯ା୧(ସ୍ବ.ପ୍ର.)- ଆନ୍ଧ୍ର-ଓଡ଼ିଶା ସୀମାନ୍ତ ଗଜପତି ଜିଲା ଗାରବନ୍ଧ ଥାନା ଅନ୍ତର୍ଗତ ସାରିଆପଲ୍ଲୀ ଗ୍ରାମ ନିକଟ ଐତିହାସିକ ଶୈବପୀଠ ମହେନ୍ଦ୍ରଗିରି ପାଦଦେଶରେ ରହିଛି ସୀତା ପାହାଡ। ମକର ସଂକ୍ରାନ୍ତି ଅବସରରେ ଏହି ପାହାଡ ଉପରେ ଦୁଇଦିନ ଧରି ମକର ମେଳା ବସିଥିଲା। ଏଥିରେ ଓଡ଼ିଶା ଓ ଆନ୍ଧ୍ରର ଲକ୍ଷାଧିକ ଶ୍ରଦ୍ଧାଳୁଙ୍କ ସମାଗମ ହୋଇଥିଲା। ଉଭୟ ରାଜ୍ୟର ଲୋକଙ୍କ ସମାଗମ ଦ୍ୱାରା ଭାଇଚାରା ଓ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇପାରୁଛି।  

ବିକାଶ ବଦଳରେ ସମସ୍ୟାକୁ ପୁଞ୍ଜି କରିଛି ପୁଞ୍ଜିସିଲ

ବିକାଶ ବଦଳରେ ସମସ୍ୟାକୁ ପୁଞ୍ଜି କରିଛି ପୁଞ୍ଜିସିଲ

କୋରାପୁଟ,।୧୯।୧(ସ୍ବ.ପ୍ର.) ଗାଁର ବିକାଶ ପାଇଁ ରାସ୍ତା, ପାଣି, ଆବାସ, ସ୍କୁଲ ଭଳି ମୌଳିକ ସୁବିଧା ଦରକାର। କିନ୍ତୁ ଏସବୁ ପାଇବାରୁ ବଞ୍ଚତ୍ତ ହୋଇଛି ଗୋଟିଏ ଆଦିବାସୀ ପଡ଼ା। କୋରାପୁଟ ଜିଲା ଦଶମନ୍ତପୁର ବ୍ଲକ ମୁଜାଙ୍ଗ ପଞ୍ଚାୟତ ଦୁର୍ଗମ ପୁଞ୍ଜିସିଲ ହେଉଛି ସେହିଭଳି ଏକ ଗାଁ, ଯେଉଁଠି ଏଭଳି ନାନାଦି ମୌଳିକ ସମସ୍ୟା ଗାଁ ଲୋକଙ୍କ ଭିତରେ ପୁଞ୍ଜୀଭୂତ ଅସନ୍ତୋଷ ସୃଷ୍ଟି କରିଛି। 

ଗୁଣପୁର କୋର୍ଟରେ ହାଜର ହେଲେ ସବ୍ୟସାଚୀ

ଗୁଣପୁର କୋର୍ଟରେ ହାଜର ହେଲେ ସବ୍ୟସାଚୀ

ଗୁଣପୁର,୧୮।୧(ଡି.ଏନ.ଏ)-ରାୟଗଡା ଜିଲା ଗୁଣପୁର କୋର୍ଟରେ କଡ଼ା ସୁରକ୍ଷା  ମଧ୍ୟରେ ମାଓବାଦୀ ନେତା ସବ୍ୟସାଚୀ ପଣ୍ଡାଙ୍କୁ ଶୁକ୍ରବାର ହାଜର କରାଯାଇଥିଲା । ଗୁଣପୁର ସହକାରୀ ଦୌରା ଜଜ୍‌ଙ୍କ କୋର୍ଟରେ ତାଙ୍କ ନାମରେ ରହିଥିବା ମାମଲାଗୁଡ଼ିକର ସାକ୍ଷ୍ୟ ଗ୍ରହଣ କରାଯାଇଥିଲା ।

ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର

ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର

ବୈପାରୀଗୁଡ଼ା,୧୮।୧ (ଡି.ଏନ୍‌.ଏ)-ଶୁକ୍ରବାର ବୈପାରୀଗୁଡ଼ା ଗୌଡ଼ସାହି ନିକଟସ୍ଥ ଏକ ଶ୍ମଶାନ ନିକଟରେ ଜଣେ ଯୁବକଙ୍କ ମୃତଦେହ ଏକ ଗଛ ଡାଳରେ ଝୁଲୁଥିବା ଅବସ୍ଥାରେ ଉଦ୍ଧାର କରାଯାଇଛି। 

ବଣ୍ଡା ଜନଜାତି ଲୋକଙ୍କୁ ଭେଟିଲେ ପ୍ରଧାନ ମୁଖ୍ୟ ବନ ସଂରକ୍ଷକ

ବଣ୍ଡା ଜନଜାତି ଲୋକଙ୍କୁ ଭେଟିଲେ ପ୍ରଧାନ ମୁଖ୍ୟ ବନ ସଂରକ୍ଷକ

ଖଇରପୁଟ,୧୮। ୧(ଡି.ଏନ.ଏ.)- ପ୍ରଧାନ ମୁଖ୍ୟ ବନ ସଂରକ୍ଷକ ଦେବବ୍ରତ୍ତ ସ୍ବାଇଁ ମାଲକାନଗିରି ଜିଲାର ଦୁର୍ଗମ ଅଞ୍ଚଳ ବଣ୍ଡାଘାଟି ଗସ୍ତ  କରିଥିଲେ। ସେ ମୁଦୁଲିପଡ଼ା ପଞ୍ଚାୟତ ଯାଇ ମୁଦୁଲିପଡା ଗ୍ରାମ ନିକଟରେ ଥିବା ସୀତା କୁଣ୍ଡ ଦର୍ଶନ କରିଥିଲେ।

ନକଲି ମସଲା  କାରଖାନା ଠାବ ଘଟଣା: ଜଣେ ଗିରଫ, ମାନ ପରୀକ୍ଷା ପାଇଁ ଲାବୋରେଟୋରୀ ପଠାଗଲା ମସଲା

ନକଲି ମସଲା କାରଖାନା ଠାବ ଘଟଣା: ଜଣେ ଗିରଫ, ମାନ ପରୀକ୍ଷା ପାଇଁ ଲାବୋରେଟୋରୀ ପଠାଗଲା ମସଲା

ଜୟପୁର, ୧୮।୧(ନି.ପ୍ର.)-ନକଲି ମସଲା କାରଖାନାରେ ଗୁରୁବାର ଜୟପୁର ଟାଉନ ପୋଲିସ ଚଢ଼ାଉ କରି ବିଭିନ୍ନ ବ୍ରାଣ୍ଡର ଜରି ପ୍ୟାକେଟ ଏବଂ ମସଲା ଜବତ କରିଥିବାବେଳେ ଶୁକ୍ରବାର ଏଥିରେ ସମ୍ପୃକ୍ତି ଥିବା ଅଭିଯୋଗରେ ବ୍ରହ୍ମପୁରର ହରିହର ପାତ୍ରଙ୍କୁ ଗିରଫ କରିଛି। 

ବଂଶଧାରା ଆଁରେ ଲୀନ ହେବ ପାଲସିଂ ଗାଁ

ବଂଶଧାରା ଆଁରେ ଲୀନ ହେବ ପାଲସିଂ ଗାଁ

କାଶୀନଗର, ୧୮ା୧(ଡି.ଏନ.ଏ): ଗାଁକୁ ଲାଗିରହିଛି ବଂଶଧାରା ନଦୀ। ପ୍ରତିବର୍ଷ ବନ୍ୟାରେ ନଦୀ କୂଳ ଖାଇଚାଲିଛି। ଫଳରେ ଦିନେ ନଦୀ ଗର୍ଭରେ ଗ୍ରାମଟି ଲୀନ ହୋଇଯିବାର ଆଶଙ୍କା ସୃଷ୍ଟି ହେଲାଣି। ସେହିପରି କିଛିବର୍ଷ ହେଲା ଆନ୍ଧ୍ରର କାଟ୍ରାଗଡ ପ୍ରକଳ୍ପ ଚିନ୍ତା ବି ଘାରିଛି। ଏ ନେଇ ପ୍ରଶାସନ ଚୁପ୍‌ ବସିଥିବାରୁ ଗ୍ରାମବାସୀ ଆନ୍ଦୋଳନକୁ ଓହ୍ଲାଇବା ପାଇଁ ସଜବାଜ ହେଉଛନ୍ତି। ଏହାସତ୍ତ୍ୱେ ସରକାର ନ ଶୁଣିଲେ ସେମାନେ ଆନ୍ଧ୍ରରେ ମିଶିଯିବେ ବୋଲି ଚେତାବନୀ ଦେଇଛନ୍ତି ଗଜପତି ଜିଲା କାଶୀନଗର ବ୍ଲକର ପାଲସିଂ ଗ୍ରାମବାସୀ।

ଦୁଡୁକାବାହାଲ ଚେକ୍‌ଡ୍ୟାମକୁ ବିରୋଧ

ଦୁଡୁକାବାହାଲ ଚେକ୍‌ଡ୍ୟାମକୁ ବିରୋଧ

ଟିକିରି,୧୮।୧(ଡ଼ି.ଏନ.ଏ): କାଶୀପୁର ବ୍ଲକ ଦୁଡୁକାବାହାଲ ପଞ୍ଚାୟତ ଠାରୁ କିଛି ଦୂରରେ ନିର୍ମାଣାଧୀନ ଚେକ୍‌ଡ୍ୟାମକୁ ଚାଷୀମାନେ ବିରୋଧ କରିଛନ୍ତି ।  ଜିଲା ଖଣିଜ ପାଣ୍ଠିରୁ ଦଶଲକ୍ଷ ଟଙ୍କା ବ୍ୟୟରେ ଏହା ନିର୍ମାଣ ଚାଲିଛି।  ଏହି ଡ୍ୟାମଟି ଯେଉଁ ସ୍ଥାନରେ ନିର୍ମାଣ କରାଯାଉଛି ତାହାଦ୍ୱାରା ଅନ୍ୟ ଜମିକୁ ପାଣି ମାଡିବ ନାହିଁ । ଏହି ଚେକ୍‌ଡ୍ୟାମଟି ଉପରମୁଣ୍ଡରେ ନିର୍ମାଣ କରାଯିବା କଥା, କିନ୍ତୁ ଠିକାଦାର ଓ ଜେଇ ନିଜ ଇଚ୍ଛାରେ ତଳମୁଣ୍ଡରେ ଏହା ନିର୍ମାଣ କରୁଛନ୍ତି।  କିଛିବର୍ଷ ତଳେ ଏହାର ପ୍ରାୟ ପଚାଶ ମିଟର ଉପରେ ଏକ ଚେକ୍‌ଡ୍ୟାମ ନିର୍ମାଣ କରାଯାଇଥିଲା। ତାହା  କାର୍ଯ୍ୟକାରୀ ହେଉ ନ ଥିବାବେଳେ ବର୍ତ୍ତମାନ ପୁଣି ଏକ ଚେକ୍‌ଡ୍ୟାମ କାହା ସ୍ବାର୍ଥରେ ବୋଲି  ଡୁଡୁକାବାହାଲ ଗ୍ରାମର ଅଟାରି ନାଏକ, ଶଙ୍କର ନାଏକ, ଚାଟି ନାଏକ, ନରସିଂହ ପାଢି, ବିଜୟ ନାଏକ, ରାମେଶ୍ୱର ପ୍ରଧାନି, ହର ପ୍ରଧାନି, ପୀତବାସୀ ପ୍ରଧାନୀ ପ୍ରମୁଖ ଗ୍ରାମବାସୀ ପ୍ରଶ୍ନ କରିଛନ୍ତି ।

ଜୟପୁର ଉପକାରାଗାରରେ ଅବ୍ୟବସ୍ଥା: ୨ଗୁଣରୁ ଊର୍ଦ୍ଧ୍ୱ ବିଚାରାଧୀନ କଏଦୀ

ଜୟପୁର ଉପକାରାଗାରରେ ଅବ୍ୟବସ୍ଥା: ୨ଗୁଣରୁ ଊର୍ଦ୍ଧ୍ୱ ବିଚାରାଧୀନ କଏଦୀ

ଜୟପୁର,୧୮।୧(ଡି.ଏନ୍‌.ଏ.): କୋରାପୁଟ ଜିଲା ଜୟପୁର ଉପଖଣ୍ଡ କାରାଗାର ଉପରେ ୮ଟି ଥାନା ବିଭିନ୍ନ ମାମଲାରେ ନିର୍ଭର କରୁଛି। ଜୟପୁର ଉପକାରାଗାର ୧୯୫୮ରେ ସ୍ଥାପନ ହୋଇ ମାନ୍ୟତା ପାଇଛି। କିନ୍ତୁ ଅଧିକ ଥାନା, ସମସ୍ତ ଜିଲାଜଜ୍‌ ଓ ଅନ୍ୟ କୋର୍ଟ ଏଠାରେ ଥିବା ଯୋଗଁୁ  ଆବଶ୍ୟକଠାରୁ ଅଧିକ ବିଚାରାଧୀନ କଏଦୀ ରହୁଛନ୍ତି । କିନ୍ତୁ ଏହାକୁ ଉନ୍ନୀତ କରାଯାଇ ସ୍ବତନ୍ତ୍ର ଜେଲ କିମ୍ବା ଜିଲା ଜେଲ ଭାବେ ମାନ୍ୟତା ଦେବା ପାଇଁ ପଦକ୍ଷେପ ନିଆଯାଉ ନାହିଁ। ଏହାକୁ ଉନ୍ନୀତ କରାଗଲେ ୪୦୦ ଜଣ କଏଦୀ ରହିବାର ବ୍ୟବସ୍ଥା କରାଯିବ ଏବଂ  ଆବଶ୍ୟକ ଅନୁଯାୟୀ ସୁରକ୍ଷା କର୍ମଚାରୀ ଓ ଅନ୍ୟ ବ୍ୟବସ୍ଥା କରାଯିବ । ସେହିପରି ସୁରକ୍ଷା ଏବଂ ଅନ୍ୟ ସମସ୍ୟାକୁ ଆଖିଆଗରେ ରଖାଯାଇ ଏଠାରୁ ୧୦୦ ଜଣ ବିଚାରାଧୀନ କଏଦୀଙ୍କୁ କୋରାପୁଟ ସର୍କଲ ଜେଲକୁ ସ୍ଥାନାନ୍ତର ପାଇଁ ଉପକାରାଗାର କର୍ତ୍ତୃପକ୍ଷ ଉଚ୍ଚ ଅଧିକାରୀଙ୍କୁ ଅନୁରୋଧ କରିଛନ୍ତି ।

ଛାତ୍ରୀଛାତ୍ରଙ୍କ ମିଥ୍ୟା ଉପସ୍ଥାନ ଦେଖାଇ ଫସିଲେ ଶିକ୍ଷକ: ବିଇଓ ଜାରି କଲେ କାରଣ ଦର୍ଶାଅ ନୋଟିସ୍‌

ଛାତ୍ରୀଛାତ୍ରଙ୍କ ମିଥ୍ୟା ଉପସ୍ଥାନ ଦେଖାଇ ଫସିଲେ ଶିକ୍ଷକ: ବିଇଓ ଜାରି କଲେ କାରଣ ଦର୍ଶାଅ ନୋଟିସ୍‌

ମାଲକାନଗିରି, ୧୮।୧ (ଡି.ଏନ୍‌.ଏ.) ଛାତ୍ରୀଛାତ୍ରଙ୍କ ମିଥ୍ୟା ଉପସ୍ଥାନ ଦେଖାଇ ଜଣେ ଶିକ୍ଷକ ଏବେ ହରଡ଼ଘଣାରେ। ଏହା ଜଣାପଡିବା ପରେ ସମ୍ପୃକ୍ତ  ଶିକ୍ଷକଙ୍କୁ  ବ୍ଲକ  ଶିକ୍ଷାଧିକାରୀ(ବିଇଓ) କାରଣ ଦର୍ଶାଅ ନୋଟିସ୍‌ ଜାରି କରିଛନ୍ତି। ଏପରି ଘଟଣା ଘଟିଛି ମାଲକାନଗିରି ସଦର ବ୍ଲକ ଝରାପାଲ୍ଲୀ  ପଞ୍ଚାୟତ ସଦର ମହକୁମା ପ୍ରକଳ୍ପ ଉଚ୍ଚ ବିଦ୍ୟାଳୟରେ।

ଶଙ୍କରଡ଼ା ପଞ୍ଚାୟତ:  ପାଣି ପାଇଁ ଲୋକେ ଡ଼ହଳବିକଳ

ଶଙ୍କରଡ଼ା ପଞ୍ଚାୟତ: ପାଣି ପାଇଁ ଲୋକେ ଡ଼ହଳବିକଳ

ଟିକିରି, ୧୮ା୧ (ଡି.ଏନ୍‌.ଏ.)- ରାୟଗଡ଼ା ଜିଲା କାଶିପୁର ବ୍ଳକ ଶଙ୍କରଡା ପଞ୍ଚାୟତର ଅଧିକାଂଶ ଗ୍ରାମରେ ରାସ୍ତାଘାଟ ଓ ପାନୀୟ ଜଳ ସମସ୍ୟା ଲାଗି ରହିଛି। ଫଳରେ ଗ୍ରାମବାସୀ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଏନେଇ ବାରମ୍ବାର ଅଭିଯୋଗ କଲେ ମଧ୍ୟ କେହି ଶୁଣୁ ନାହାନ୍ତି।