ଅନଗୁଳ-ଢେଙ୍କାନାଳ

ଅବହେଳା ସତ୍ତ୍ୱେ ଥକିନାହାନ୍ତି ଗଣେଶ୍ୱର

ଅବହେଳା ସତ୍ତ୍ୱେ ଥକିନାହାନ୍ତି ଗଣେଶ୍ୱର
କାମାକ୍ଷାନଗର, ୧୨।୧୨(ଡି.ଏନ୍‌.ଏ.)-ଥରେ ଦିବ୍ୟାଙ୍ଗର ମୋହର ଲାଗିଗଲେ ଥକିପଡ଼େ ମଣିଷ। ଜୀବନ ଜଞ୍ଜାଳର ଗଣିତ କଷିବାକୁ ସାମର୍ଥ୍ୟ ଜୁଟାଇପାରେନା। ଅନ୍ୟମାନଙ୍କ ପାଇଁ ସେ ପାଲଟିଯାଏ ବୋଝ। ତଥାପି ଏପରି ପ୍ରତିକୂଳ ପରିସ୍ଥିତିରେ ଅନେକେ ଦେଖାଇଥାନ୍ତି ଅଦମ୍ୟ ସାହସ। ନିଜର ଦୃଢ଼ମନା ମନୋଭାବକୁ ପୁଞ୍ଜିକରି ସେମାନେ ଜିଇଁଥାନ୍ତି ଆଦର୍ଶ ଜୀବନ। ପାଲଟିଯାଆନ୍ତି ଅନ୍ୟମାନଙ୍କ ପାଇଁ ପ୍ରେରଣା। ଢେଙ୍କାନାଳ ଜିଲା କାମାକ୍ଷାନଗର ବ୍ଲକ ପଣ୍ଡୁଆ ଅଞ୍ଚଳର ଦିବ୍ୟାଙ୍ଗ ଯୁବକ ଗଣେଶ୍ୱର ନାଏକ(୪୦) ଏହାର ଏକ ଉଦାହରଣ। ବାରମ୍ବାର ଗୁହାରି କରିବା ସତ୍ତ୍ୱେ ତାଙ୍କ ଭାଗ୍ୟରେ ଜୁଟିନାହିଁ ଏକ ଟ୍ରାଇ ସାଇକେଲ୍‌। ସରକାରୀ ଅବହେଳା ସତ୍ତ୍ୱେ ସେ ଥକିପଡ଼ିନାହାନ୍ତି ବରଂ ଘରେ ଏକ ସିଲାଇ ମେଶିନ ପକାଇ ସେ ନିଜ ପାଇଁ ଦାନା ଯୋଗାଡ଼ କରିବାକୁ ସକ୍ଷମ ହୋଇଛନ୍ତି। ଜନ୍ମରୁ ପୋଲିଓ ଆକ୍ରାନ୍ତ ଗଣେଶ୍ୱରଙ୍କ ଶୈଶବ ଥିଲା ବେଶ୍‌ ସଂଘର୍ଷମୟ। ପିଲାଦିନ କଟିଥିଲା ମା’ବାପାଙ୍କ ସାହାଯ୍ୟ ଓ ସହଯୋଗରେ। ବୟସ ବଢ଼ିବା ସହିତ ଆବଶ୍ୟକତା ବି ବଢ଼ିଲା। ଏସବୁ ଭିତରେ ୭-୮ବର୍ଷ ତଳେ ପଛକୁ ପଛ ହୋଇ ମା’ବାପା ତାଙ୍କ ହାତ ଛାଡ଼ି ଆରପାରିକୁ ଚାଲିଗଲେ। ଗଣେଶ୍ୱରଙ୍କୁ ଘାରିଲା ପେଟ ଚିନ୍ତା। ଅଭାବୀ ପରିବାରର ଗୁଜୁରାଣ ମେଣ୍ଟାଇବାକୁ ସେ ଅଣ୍ଟାଭିଡ଼ିଲେ। ସେ ଏବେ ଘରେ ପୋଷାକ ସିଲାଇ ମେଶିନ ପକାଇଛନ୍ତି। ଗୋଟିଏ ଗୋଡ଼ରେ ମେଶିନ ଚଳାଇ ସିଲେଇ କାମ କରୁଥିବାବେଳେ ଏକ ବାଡ଼ି ସାଜିଛି ତାଙ୍କ ସାହାରା। ଏ ସମ୍ପର୍କରେ ଗଣେଶ୍ୱର କୁହନ୍ତି, ବହୁବାର ଦୌଡ଼ିବା ପରେ ଦୁଇବର୍ଷ ହେଲା ତାଙ୍କୁ ବ୍ଲକ ପ୍ରଶାସନ ପକ୍ଷରୁ ମାସିକ ୩୦୦ ଟଙ୍କା ଭତ୍ତା ମିଳୁଛି। ଭତ୍ତା ଏବଂ ସିଲେଇ କରି ପାଉଥିବା ଟଙ୍କାରେ ସେ ଗୁଜୁରାଣ ମେଣ୍ଟାଉଛନ୍ତି। ତେବେ ତାଙ୍କୁ ଅଦ୍ୟାବଧି ୩ଚକିଆ ସାଇକେଲ ମିଳୁନାହିଁ। ବାଡ଼ି ସହାୟତାରେ ଦୂରବାଟ ଯିବାରେ ସମସ୍ୟା ସୃଷ୍ଟି ହେଉଛି। ସବୁଥର ପ୍ରତିଶ୍ରୁତି ମିଳୁଛି କିନ୍ତୁ ସାଇକେଲ ମିଳୁନାହିଁ ବୋଲି ସେ କହିଛନ୍ତି। ସୋମବାର ନିଜର ସମସ୍ୟା ନେଇ ସେ ଧାଇଁ ଆସିଥିଲେ ଅଭିଯୋଗ ଶୁଣାଣି ପ୍ରକୋଷ୍ଠକୁ। ୩ଚକିଆ ସାଇକେଲଟିଏ ଯୋଗାଇଦେବାକୁ ସେ ଜିଲାପାଳଙ୍କୁ ଗୁହାରି କରିଥିଲେ। ଅଭିଯୋଗ ସମ୍ପର୍କରେ ଉଚିତ ପଦକ୍ଷେପ ନେବାକୁ ଜିଲାପାଳ ଭୂପେନ୍ଦ୍ର ସିଂ ପୁନିଆ ବିଡିଓ ପୀତାମ୍ବର ସାମଲଙ୍କୁ ନିର୍ଦ୍ଦେଶ ଦେଇଛନ୍ତି। ଏ ନେଇ ବିଡିଓ କୁହନ୍ତି, ଦିବ୍ୟାଙ୍ଗ ମାନଙ୍କୁ ସରକାରଙ୍କ ପକ୍ଷରୁ ମିଳୁଥିବା ସରଞ୍ଜାମ ଯୋଗାଇ ଦିଆଯାଉଛି। ନିକଟରେ ବ୍ଲକସ୍ତରୀୟ ଭିନ୍ନକ୍ଷମ ଚିହ୍ନଟ ଶିବିରରେ ଦିବ୍ୟାଙ୍ଗଙ୍କୁ ଚିହ୍ନଟ କରାଯାଇଛି। କେତେଜଣ ହିତାଧିକାରୀଙ୍କୁ ସାଇକେଲ ପ୍ରଦାନ କରାଯାଇଛି। ଗଣେଶ୍ୱରଙ୍କ କ୍ଷେତ୍ରରେ କିପରି ବ୍ୟତିକ୍ରମ ହୋଇଛି ତାହାର ତଦନ୍ତ ହେବ। ତାଙ୍କୁ ତୁରନ୍ତ ସାଇକେଲ ପ୍ରଦାନ ବ୍ୟବସ୍ଥା କରାଯିବ।
All Right Reserved By

ଅନଗୁଳ-ଢେଙ୍କାନାଳ

ନବବିବାହିତା ମହିଳାଙ୍କ ଆତ୍ମହତ୍ୟା

ନବବିବାହିତା ମହିଳାଙ୍କ ଆତ୍ମହତ୍ୟା

ଛେଣ୍ଡିପଦା,୨୨।୧୦(ଡିଏନଏ)-ଛେଣ୍ଡିପଦା ଥାନା ଅନ୍ତର୍ଗତ ବାଲିନାଳୀ ଗ୍ରାମରେ ପାରିବାରିକ କଳହକୁ କେନ୍ଦ୍ର କରି ରବିବାର ରାତିରେ ଜଣେ ନବବିବାହିତା ମହିଳା ବେକରେ ରଶି ଲଗାଇ ଆତ୍ମହତ୍ୟା କରିଥିବା ଜଣାପଡିଛି। 

ମଣିଷ ପରେ ‘ବଳଦ’ ଶିକାର କଲା ସୁନ୍ଦରୀ

ମଣିଷ ପରେ ‘ବଳଦ’ ଶିକାର କଲା ସୁନ୍ଦରୀ

ଅନୁଗୋଳ ଅଫିସ୍‌, ୨୨।୧୦: ମଣିଷ ଶିକାର କରିବାର ଦୁଇଦିନ ନ ପୂରୁଣୁ  ସୋମବାର ଏକ ବଳଦ ଶିକାର କରିଛି ବାଘୁଣୀ ସୁନ୍ଦରୀ। ଏହାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି।

ପୁଣି ମଣିଷ ମାରିଲା ସୁନ୍ଦରୀ

ପୁଣି ମଣିଷ ମାରିଲା ସୁନ୍ଦରୀ

ସାତକୋଶିଆରେ ପୁଣି ମଣିଷ ମାରିଛି ବାନ୍ଧବଗଡ଼ର ବାଘୁଣୀ ସୁନ୍ଦରୀ। ରବିବାର ସକାଳେ ଚାଷ ପାଇଁ ଯାଇଥିବା ଅନୁଗୋଳ ଜିଲା ପମ୍ପାସର ରେଞ୍ଜ ଟାଇଁସି ଗ୍ରାମର ତ୍ରିନାଥ ସାହୁ (୬୦)ଙ୍କ ଜୀବନ ନେଇଛି ସୁନ୍ଦରୀ। ଅନ୍ୟ ଦୁଇଜଣଙ୍କୁ ଆହତ ମଧ୍ୟ କରିଛି। ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ତୀବ୍ର ଉତ୍ତେଜନା ସୃଷ୍ଟି ହୋଇଛି। 

ପୂର୍ବ ଭୁଲର ହେଲା ପୁନରାବୃତ୍ତି

ପୂର୍ବ ଭୁଲର ହେଲା ପୁନରାବୃତ୍ତି

ବନ୍ତଳା/ଅନୁଗୋଳ ଅଫିସ,୨୨ା୧୦(ଡି.ଏନ.ଏ.)
ଦୁଇ ଦୁଇ ଜଣଙ୍କ ଜୀବନ ନେଇଥିବା ବାଘୁଣୀ ସୁନ୍ଦରୀକୁ ଜଗିବାରେ ବନ ବିଭାଗ ସମ୍ପୂର୍ଣ୍ଣ ଅକ୍ଷମ। ରବିବାର ଟାଇଁସି ଗ୍ରାମର ଚାଷୀ ତ୍ରିନାଥ ସାହୁଙ୍କ ମୃତ୍ୟୁ ଘଟଣା ପରେ ବନ ବିଭାଗର ଏହି ଅପାରଗତା ଓ ବିଫଳତା ପଦାକୁ ଆସିଥିବା ଚର୍ଚ୍ଚାର ବିଷୟ ହୋଇଛି। ଏହାକୁ ନେଇ କେବଳ ଅଭୟାରଣ୍ୟବାସୀ ନୁହନ୍ତି ବରଂ ଜିଲାର କୋଣ ଅନୁକୋଣରୁ ପ୍ରଶ୍ନବାଚୀ ସୃଷ୍ଟି ହୋଇଛି। ବନ ବିଭାଗ ଲୋକଙ୍କ ସୁରକ୍ଷା ନେଇ ଯେଉଁ ବଡ଼ ବଡ଼ କଥା କହୁଛି ତାହା ଯେ ଧୂଅଁାବାଣ ସେ ନେଇ ଆଲୋଚନା ଜୋର୍‌ ଧରିଛି। 

ଭୁବନ ଭସାଣି ଶୋଭାଯାତ୍ରାରେ ଗୋଷ୍ଠୀ ସଂଘର୍ଷ:  ଘରପୋଡ଼ି, ବ୍ଲେଡ୍‌ରେ ଅକ୍ରମଣ ଅଭିଯୋଗ, ପଥର ମାଡ଼ରେ ଏସ୍‌ଆଇଙ୍କ ମୁଣ୍ଡ ଫାଟିଲା

ଭୁବନ ଭସାଣି ଶୋଭାଯାତ୍ରାରେ ଗୋଷ୍ଠୀ ସଂଘର୍ଷ: ଘରପୋଡ଼ି, ବ୍ଲେଡ୍‌ରେ ଅକ୍ରମଣ ଅଭିଯୋଗ, ପଥର ମାଡ଼ରେ ଏସ୍‌ଆଇଙ୍କ ମୁଣ୍ଡ ଫାଟିଲା

ଭୁବନ,୨୧ା୧୦(ଡି.ଏନ.ଏ.)-ଐତିହାସିକ ବଳଦଯାତ୍ରା ଭସାଣି ଉତ୍ସବରେ ଗୋଷ୍ଠୀ ସଂଘର୍ଷକୁ ନେଇ ଅଶାନ୍ତି ହୋଇଉଠିଛି ଭୁବନ। ଦୁଇ ବଳଦିଆ କମିଟି ମଧ୍ୟରେ ବଚସାକୁ ନେଇ ଏପରି ଅପ୍ରୀତିକର ପରିସ୍ଥିତି ସୃଷ୍ଟି ହୋଇଥିଲା। ଉଭୟ ପକ୍ଷ ମଧ୍ୟରେ ପଥରମାଡ଼ରେ ଜଣେ ଏସ୍‌ଆଇଙ୍କ ସମେତ ୬ଜଣ ଗୁରୁତର ହୋଇଛନ୍ତି। ସେହିପରି ପୋଲିସର ଲାଠି ମାଡ଼ରେ ଜଣେ ସାଧାରଣ ନାଗରିକ ଜଖମ ହୋଇଛନ୍ତି। ଏହାକୁ ନେଇ ଦିନତମାମ ଅଞ୍ଚଳରେ ଉତ୍ତେଜନା ଲାଗି ରହିଥିଲା।

 ଭୁବନର ଐତିହାସିକ ବଳଦଯାତ୍ରାରେ ମହାବିଭ୍ରାଟ

ଭୁବନର ଐତିହାସିକ ବଳଦଯାତ୍ରାରେ ମହାବିଭ୍ରାଟ

ଭୁବନ,୨୧ା୧୦(ଡି.ଏନ.ଏ.)-ମହାବିଭ୍ରାଟ ମଧ୍ୟରେ ଶେଷ ହୋଇଛି ଭୁବନର ଐତିହାସିକ ବଳଦଯାତ୍ରା। ବଳଦିଆ ଏବଂ ଶାନ୍ତି କମିଟିର ଅସହଯୋଗ କାରଣରୁ ବିଭିନ୍ନ ସ୍ଥାନରେ ଗଣ୍ଡଗୋଳ, ମାରପିଟ୍‌ ଭଳି ଘଟଣା ଯାତ୍ରାପ୍ରେମୀଙ୍କ ଆଘାତ ଦେଇଛି। କେବଳ ଏତିକି ନୁହେଁ, ପ୍ରଶାସନ ପକ୍ଷରୁ କରାଯାଇଥିବା ଅସ୍ଥାୟୀ ପୋଖରୀ ବଦଳରେ ପୂଜା ପ୍ରତିଷ୍ଠାନଗୁଡ଼ିକ ନିଜ ଇଚ୍ଛା ମୁତାବକ ବିଭିନ୍ନ ଜଳାଶୟରେ ମେଢ଼ ବିସର୍ଜନ କରିଥିଲେ।

ଧଳପଡାରେ  ଜନସମ୍ପର୍କ ପଦଯାତ୍ରା

ଧଳପଡାରେ ଜନସମ୍ପର୍କ ପଦଯାତ୍ରା

ଭୁବନ,୨୧ା୧୦(ଡି.ଏନ.ଏ.)- ଭୁବନ ବ୍ଲକ ଧଳପଡା ପଞ୍ଚାୟତରେ ରବିବାର ବିଜେଡି ପକ୍ଷରୁ ପଦଯାତ୍ରା ଅନୁଷ୍ଠିତ ହୋଇଯାଇଛି। ମୁଖ୍ୟଅତିଥି ଭାବେ ଖଣି, ଇସ୍ପାତ ମନ୍ତ୍ରୀ ପ୍ରଫୁଲ କୁମାର ମଲ୍ଲିକ ଯୋଗଦେଇ ରାଜ୍ୟ ସରକାରଙ୍କ ବିଭିନ୍ନ ଜନହିତକର  ଯୋଜନା ସମ୍ପର୍କରେ ଜନସାଧାରଣଙ୍କୁ ଅବଗତ କରାଇଥିଲେ। ଏଥିସହ ଅଞ୍ଚଳରେ ଥିବା ବିଭିନ୍ନ ସମସ୍ୟା ସମ୍ପର୍କରେ ଗ୍ରାମବାସୀଙ୍କ ସହ ଆଲୋଚନା କରିଥିଲେ। 

ହାତୀ ଉପଦ୍ରବ, ଫସଲ ନଷ୍ଟ

ହାତୀ ଉପଦ୍ରବ, ଫସଲ ନଷ୍ଟ

ବଇଣ୍ଡା,୨୧।୧୦(ଡି.ଏନ.ଏ.)- କିଶୋରନଗର ବ୍ଲକ ହଣ୍ଡପା ରେଞ୍ଜର ବଡ଼ହୁଲା, ଧୁଣ୍ଡି, ଗାଁ ବଇଣ୍ଡା, ପାର୍ବତୀପୁର ଆଦି ଗ୍ରାମରେ ଗତ କିଛି ଦିନ ହେବ ହାତୀ ଉପଦ୍ରବ ଲାଗି ରହିଛି। ହାତୀମାନେ ନିକଟସ୍ଥ ଜଙ୍ଗଲରୁ ଗ୍ରାମାଭିମୁଖୀ ହୋଇ ଫସଲ ନଷ୍ଟ କରୁଛନ୍ତି। ବନ ବିଭାଗ ପକ୍ଷରୁ ହାତୀ ଘଉଡ଼ାଇବା ପାଇଁ କୌଣସି ପଦକ୍ଷେପ ଗ୍ରହଣ କରାଯାଉ ନ ଥିବା ଗ୍ରାମବାସୀ ଅଭିଯୋଗ କରିଛନ୍ତି। ତୁରନ୍ତ କ୍ଷତିଗ୍ରସ୍ତଙ୍କୁ ଚିହ୍ନଟ କରି କ୍ଷତିପୂରଣ ଯୋଗାଇଦେବାକୁ ସାଧାରଣରେ ଦାବି ହୋଇଛି।

ବାଘୁଣୀ ‘ସୁନ୍ଦରୀ’ ଆକ୍ରମଣରେ ଚାଷୀ ମୃତ:  ବିଟ୍‌ ହାଉସ ପୋଡ଼ି ଦେଲେ ଗ୍ରାମବାସୀ

ବାଘୁଣୀ ‘ସୁନ୍ଦରୀ’ ଆକ୍ରମଣରେ ଚାଷୀ ମୃତ: ବିଟ୍‌ ହାଉସ ପୋଡ଼ି ଦେଲେ ଗ୍ରାମବାସୀ

ବନ୍ତଳା,୨୧।୧୦(ଡି.ଏନ.ଏ.)- ଅନୁଗୋଳ ଜିଲା ସାତକୋଶିଆ ଅଭୟାରଣ୍ୟ ପୁରୁଣାକୋଟ ଥାନା ଟାଇଁସି ଗ୍ରାମର ତ୍ରିନାଥ ସାହୁ(୬୦) ରବିବାର ସକାଳେ ବାଘୁଣୀ ‘ସୁନ୍ଦରୀ’ ଆକ୍ରମଣରେ ପ୍ରାଣ ହରାଇଛନ୍ତି। 

ଜାମୁନାଳୀ ଓ ହାଣ୍ଡିଗୋଡା ଗ୍ରାମରେ  ଉତ୍ପାତ ଚଳାଇଛନ୍ତି ୧୬ ହାତୀ: ୨୦ ଏକର ଫସଲ ନଷ୍ଟ

ଜାମୁନାଳୀ ଓ ହାଣ୍ଡିଗୋଡା ଗ୍ରାମରେ ଉତ୍ପାତ ଚଳାଇଛନ୍ତି ୧୬ ହାତୀ: ୨୦ ଏକର ଫସଲ ନଷ୍ଟ

ଛେଣ୍ଡିପଦା,୨୧।୧୦(ଡି.ଏନ.ଏ.)- ଅନୁଗୋଳ ବନଖଣ୍ଡ ଜରପଡା ଫରେଷ୍ଟ ରେଞ୍ଜ ଅନ୍ତର୍ଗତ ଜାମୁନାଳୀ ଓ ହାଣ୍ଡିଗୋଡା ଗ୍ରାମର ରଙ୍ଗିଆ ନାଳୀ ଚକ ଇଲାକାରେ ଶନିବାର ବିଳମ୍ବିତ ରାତିରେ ହାତୀ ଉପଦ୍ରବ କରିଛନ୍ତି।  ପ୍ରାୟ ୧୫ ରୁ ୧୬ ହାତୀ ଦଳବଦ୍ଧ ହୋଇ ବ୍ୟାପକ ଫସଲ କ୍ଷୟକ୍ଷତି କରିଛନ୍ତି।

ହାତୀ ଆକ୍ରମଣରେ ବୃଦ୍ଧ ମୃତ ଘଟଣା: କ୍ଷତିପୂରଣ ଦାବି କଲେ ଗ୍ରାମବାସୀ

ହାତୀ ଆକ୍ରମଣରେ ବୃଦ୍ଧ ମୃତ ଘଟଣା: କ୍ଷତିପୂରଣ ଦାବି କଲେ ଗ୍ରାମବାସୀ

 ତାଳଚେର,୨୧।୧୦(ନି.ପ୍ର)- ତାଳଚେର ବ୍ଲକ ଲିଙ୍ଗିରକଟା ଗ୍ରାମରେ ଶନିବାର ରାତିରେ ହାତୀ ଆକ୍ରମଣରେ ବିକ୍ରମ ରାଉତ (୬୦)ଙ୍କ ମୃତ୍ୟୁ ହୋଇଥିଲା। ଏହି ଘଟଣାକୁ ନେଇ ଗ୍ରାମବାସୀଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି।

 ଗଣମାଧ୍ୟମ ପ୍ରତିନିଧିଙ୍କୁ ଆକ୍ରମଣ କଲା ସୁନ୍ଦରୀ ବାଘୁଣୀ

ଗଣମାଧ୍ୟମ ପ୍ରତିନିଧିଙ୍କୁ ଆକ୍ରମଣ କଲା ସୁନ୍ଦରୀ ବାଘୁଣୀ

ଅନୁଗୋଳ ଅଫିସ, ୨୧।୧୦: ବାଘୁଣୀ ଆକ୍ରମଣରେ ଜଣଙ୍କର ମୃତ୍ୟୁ ହେବା ଘଟଣାରେ ଖବର ସଂଗ୍ରହ କରିବା ପାଇଁ ଯାଇଥିବା ଏକ ଗଣମାଧ୍ୟମ ପ୍ରତିନିଧି ରଘୁନାଥ ସାହୁଙ୍କୁ  ବାଘୁଣୀ ସୁନ୍ଦରୀ ଆକ୍ରମଣ କରିଛି।