ଅନଗୁଳ-ଢେଙ୍କାନାଳ

ବିଇଓ ଅଫିସରେ ଶିକ୍ଷୟିତ୍ରୀଙ୍କ ହଙ୍ଗାମା; ବରିଷ୍ଠ କିରାଣିଙ୍କୁ ଚପଲ ମାଡ଼

ବିଇଓ ଅଫିସରେ ଶିକ୍ଷୟିତ୍ରୀଙ୍କ ହଙ୍ଗାମା; ବରିଷ୍ଠ କିରାଣିଙ୍କୁ ଚପଲ ମାଡ଼
ଅନୁଗୋଳ ଅଫିସ,୧୧।୧୨- ବଦଳି ଓ ଦରମା ବନ୍ଦକୁ ନେଇ ଉତ୍ତ୍ୟକ୍ତ ହୋଇଯାଇଥିବା ଜଣେ ଶିକ୍ଷୟିତ୍ରୀ ସୋମବାର ଅନୁଗୋଳ ବ୍ଲକ ଶିକ୍ଷା ଅଧିକାରୀ (ବିଇଓ)ଙ୍କ କାର୍ଯ୍ୟାଳୟରେ ପାଟିତୁଣ୍ଡ କରିବା ସହ ବରିଷ୍ଠ କିରାଣିଙ୍କୁ ଚପଲରେ ପିଟିଥିବା ଥାନାରେ ଅଭିଯୋଗ ହୋଇଛି। ଅଭିଯୋଗ ପାଇ ଅନୁଗୋଳ ପୋଲିସ ନଂ. ୬୨୭ରେ ଏକ ମାମଲା ରୁଜୁ କରି ସମ୍ପୃକ୍ତା ଶିକ୍ଷୟିତ୍ରୀଙ୍କୁ ଗିରଫ ପରେ କୋର୍ଟଚାଲାଣ କରିଛି। ତେବେ ଡାକ୍ତରଖାନା ନିଆଯାଇଥିବା ବେଳେ ଶିକ୍ଷୟିତ୍ରୀ ଜଣଙ୍କ ୨ ମହିଳା କନଷ୍ଟେବଳଙ୍କୁ ଗୋଇଠା ମାରିଥିବା ଅଭିଯୋଗ ହୋଇଛି। କିରାଣି ରୋହିତ କୁମାର ନାଥ ଅଭିଯୋଗ କରିଛନ୍ତି ଯେ, ହୁଲୁରିସିଂହା ଘାସିସାହି ପ୍ରାଥମିକ ବିଦ୍ୟାଳୟର ଶିକ୍ଷୟିତ୍ରୀ ଅନୁପମା ବିଶ୍ୱାଳଙ୍କ କାବୁଲିପାଳ ପ୍ରାଥମିକ ବିଦ୍ୟାଳୟକୁ ବଦଳି ହୋଇଥିଲା। ଉକ୍ତ ବିଦ୍ୟାଳୟରେ ପୂର୍ବରୁ ସମ୍ପୃକ୍ତ ଶିକ୍ଷୟିତ୍ରୀଙ୍କ ସ୍ବାମୀ ଶିକ୍ଷକତା କରୁଛନ୍ତି। ତେବେ ଶିକ୍ଷୟିତ୍ରୀ ଜଣକ ସେଠାରେ ଯୋଗ ନ ଦେବାରୁ ଦରମା ବନ୍ଦ କରାଯାଇଥିଲା। ଏଥିରେ ଉତ୍‌କ୍ଷିପ୍ତ ହୋଇ ବିଇଓ କାର୍ଯ୍ୟାଳୟରେ ପହଞ୍ଚି ପାଟିତୁଣ୍ଡ କରିଥିଲେ। କାହିଁକି ବିନା ନୋଟିସ୍‌ରେ ବଦଳି କରାଗଲା ଏବଂ ଦରମା ବନ୍ଦ ହୋଇଛି ବୋଲି କହିବା ସହ ତାଙ୍କୁ ଚପଲରେ ମାଡ଼ ମାରିଥିଲେ। ଘଟଣା ପରେ ବ୍ଲକ ଶିକ୍ଷା ଅଧିକାରୀ ସମ୍ପୃକ୍ତ ଶିକ୍ଷୟିତ୍ରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଜିଲା ଶିକ୍ଷା ଅଧିକାରୀଙ୍କୁ ଚିଠି କରିଛନ୍ତି। ଏ ନେଇ କିରାଣି ରୋହିତ କହିଛନ୍ତି, କନିଷ୍ଠ କିରାଣିଙ୍କ ସହ ୧୦ଟା ୩୦ରେ ସେ କାର୍ଯ୍ୟାଳୟରେ ବ୍ୟସ୍ତ ଥିଲେ। ସେହି ସମୟରେ ଶିକ୍ଷୟିତ୍ରୀ ଅନୁପମା ଆସି କ’ଣ ପାଇଁ ଦରମା ବନ୍ଦ ହୋଇଛି ବୋଲି ପାଟିକରି ଗାଳିଗୁଲଜ କରିଥିଲେ। କାହିଁକି ପାଟି କରୁଛ ବୋଲି କହିବାରୁ ସମ୍ପୃକ୍ତ ଶିକ୍ଷୟିତ୍ରୀ ତାଙ୍କୁ ଚପଲରେ ପିଟିଥିଲେ। ଅପରପକ୍ଷରେ ଶିକ୍ଷୟିତ୍ରୀ ଅନୁପମା କହିଛନ୍ତି, ବିନା ନୋଟିସ୍‌ରେ ତାଙ୍କୁ ବଦଳି କରାଯାଇଛି। ଦରମା ବନ୍ଦ କରାଯାଇଛି। ବରିଷ୍ଠ କିରାଣିଙ୍କୁ ମାଡ଼ ମାରିନାହିଁ। କିରାଣି ତାଙ୍କୁ ମାଡ଼ ମାରିବା ସହ ଅସଦାଚରଣ କରିବାକୁ ଉଦ୍ୟମ କରିଥିବା ସେ କହିଛନ୍ତି। ଏ ବିଷୟରେ ବ୍ଲକ ଶିକ୍ଷା ଅଧିକାରୀ ଦାୟିତ୍ୱରେ ଥିବା ଡିପିସି ନିରଞ୍ଜନ ସାହୁ କୁହନ୍ତି, କିରାଣିଙ୍କୁ ମାଡ଼ ମାରିବା ନେଇ ଶିକ୍ଷୟିତ୍ରୀଙ୍କ ବିରୋଧରେ ଜିଲା ଶିକ୍ଷା ଅଧିକାରୀଙ୍କୁ ରିପୋର୍ଟ ଦିଆଯାଇଛି। ଅନୁଗୋଳ ଥାନା ଆଇଆଇସି ସୁକୁମାର ତ୍ରିପାଠୀ କହିଛନ୍ତି, ସ୍ବାସ୍ଥ୍ୟକେନ୍ଦ୍ରରେ ସମ୍ପୃକ୍ତା ଶିକ୍ଷୟିତ୍ରୀଜଣଙ୍କ ୨ ମହିଳା କନଷ୍ଟେବଳଙ୍କୁ ଚାପୁଡ଼ା ଓ ଗୋଇଠା ମାରିବା ସହ ଥାନାକୁ ନ ଆସିବାକୁ ଉଦ୍ୟମ କରିଥିଲେ।
All Right Reserved By

ଅନଗୁଳ-ଢେଙ୍କାନାଳ

ଘରୋଇ କମ୍ପାନୀ ସର୍ଭେ କାର୍ଯ୍ୟକୁ ବିରୋଧ

ଘରୋଇ କମ୍ପାନୀ ସର୍ଭେ କାର୍ଯ୍ୟକୁ ବିରୋଧ


ଛେଣ୍ଡିପଦା,୧୯।୧୦(ଡି.ଏନ.ଏ.)- ଛେଣ୍ଡିପଦା ବ୍ଲକ ଅନ୍ତର୍ଗତ ଶିମିଳିପାଳ ପଞ୍ଚାୟତରେ ଶୁକ୍ରବାର ଏକ ଘରୋଇ କମ୍ପାନୀ ଦ୍ୱାରା ବିଭିନ୍ନ ସର୍ଭେ କାର୍ଯ୍ୟ ଚାଲିଥିବାବେଳେ ସ୍ଥାନୀୟ ଅଞ୍ଚଳବାସୀ ଏହାକୁ ତୀବ୍ର ବିରୋଧ କରିଛନ୍ତି। ଏପରିକି ଲୋକମାନେ ଉତ୍ତେଜିତ ହୋଇ ସମ୍ପୃକ୍ତ କମ୍ପାନୀ କର୍ମଚାରୀଙ୍କୁ ସର୍ଭେ ବିଷୟରେ ପଚାରିଥିଲେ। 

କଳାସଂସ୍କୃତି ପାଇଁ ଓଡ଼ିଶା ଗର୍ବିତ

କଳାସଂସ୍କୃତି ପାଇଁ ଓଡ଼ିଶା ଗର୍ବିତ


ବଇଣ୍ଡା,୧୯।୧୦(ଡି.ଏନ.ଏ.)- କିଶୋରନଗର ବ୍ଲକ ବଇଣ୍ଡା ହାଇସ୍କୁଲଠାରେ ଚାଲିଥିବା ଦୁର୍ଗାପୂଜା ଅବସରରେ ଗୁରୁବାର ଅନୁଷ୍ଠିତ ସାଂସ୍କୃତିକ କାର୍ଯ୍ୟକ୍ରମରେ କଳାକାରଙ୍କୁ ପୁରସ୍କୃତ କରାଯାଇଛି। 

ବ୍ୟାଟେରୀ ଚୋରି ଅଭିଯୋଗ: ଜଣେ ଅଟକ

ବ୍ୟାଟେରୀ ଚୋରି ଅଭିଯୋଗ: ଜଣେ ଅଟକ

ବଇଣ୍ଡା,୧୯।୧୦(ଡି.ଏନ.ଏ.)-ଅନୁଗୋଳ ଜିଲା ହଣ୍ଡପା ଥାନା ବଡ଼ହୁଲା ଗ୍ରାମରେ ଛିଡ଼ା ହୋଇଥିବା  ଏକ ମିନି ଟ୍ରକ(ନଂ.ଓଡି୦୨ଏଲ୯୧୫୩)ରୁ ଗୁରୁବାର ରାତିରେ କେତେକ ଦୁର୍ବୃତ୍ତ ବ୍ୟାଟେରୀଟି ଚୋରି କରି ନେଇଯାଇଛନ୍ତି। ଏ ନେଇ ଟ୍ରକ ଚାଳକ ବଡ଼ହୁଲାର ଗ୍ରାମର  ଚାଳକ ଚନ୍ଦ୍ରାହାସ୍ୟ ଦେହୁରୀ ଶୁକ୍ରବାର ହଣ୍ଡପା ଥାନାରେ ଅଭିଯୋଗ କରିଛନ୍ତି। 

ବୀରତ୍ୱ ପ୍ରଦର୍ଶନ କଲେ  ପାଇକ ପୁଅ

ବୀରତ୍ୱ ପ୍ରଦର୍ଶନ କଲେ ପାଇକ ପୁଅ


ଛେଣ୍ଡିପଦା,୧୯।୧୦(ସ୍ବ.ପ୍ର)- ଅନୁଗୋଳ ଜିଲା ଛେଣ୍ଡିପଦା ବ୍ଲକ ବରସାହି ପଞ୍ଚାୟତ ଖମାର ଗ୍ରାମରେ ଶୁକ୍ରବାର ମହା ଆଡମ୍ବରରେ ଦଶହରା ପର୍ବ ପାଳିତ ହୋଇଛି। 

ଅନୁଗୋଳ ଟ୍ରକ ମାଲିକ ସଂଘ ଉପସଭାପତିଙ୍କ ବିୟୋଗ

ଅନୁଗୋଳ ଟ୍ରକ ମାଲିକ ସଂଘ ଉପସଭାପତିଙ୍କ ବିୟୋଗ

ବଅଁରପାଳ,୧୯।୧୦(ଡି.ଏନ.ଏ.)-ଅନୁଗୋଳ ଜିଲା ଟ୍ରକ ମାଲିକ ସଂଘର ଉପସଭାପତି ନରେନ୍ଦ୍ର ପ୍ରଧାନଙ୍କ ଶୁକ୍ରବାର ପରଲୋକ ହୋଇଯାଇଛି। 

କଂଗ୍ରେସର ମିଶ୍ରଣ ପର୍ବ

କଂଗ୍ରେସର ମିଶ୍ରଣ ପର୍ବ


ଅନୁଗୋଳ ଅଫିସ,୧୯।୧୦- ଅନୁଗୋଳ ଜିଲା ଛେଣ୍ଡିପଦା ନିର୍ବାଚନ ମଣ୍ଡଳୀର ବଡହିଂସର ମା’ ଖମ୍ବେଶ୍ବରୀ ମନ୍ଦିର ନିକଟରେ ଶୁକ୍ରବାର କଂଗ୍ରେସର ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି।

ଗୋଷ୍ଠୀ କେନ୍ଦ୍ରର ଭୂମିପୂଜନ କଲେ ଏମ୍‌ପିଙ୍କ ପ୍ରତିନିଧି

ଗୋଷ୍ଠୀ କେନ୍ଦ୍ରର ଭୂମିପୂଜନ କଲେ ଏମ୍‌ପିଙ୍କ ପ୍ରତିନିଧି

ଅନୁଗୋଳ ଅଫିସ,୧୯।୧୦- ଆମ ଗାଁ ଆମ ବିକାଶ ଯୋଜନାରେ ଢେଙ୍କାନାଳ-ଅନୁଗୋଳ ଏମ୍‌ପି ତଥାଗତ ସତପଥୀଙ୍କ ଜିଲା ପ୍ରତିନିଧି ଭକ୍ତି ପ୍ରସାଦ ଦାସ ଗୁରୁବାର ଅନୁଗୋଳ ବ୍ଲକ ନୂଆମୌଜା ପଞ୍ଚାୟତ ଶରଧାପୁର ପିତାବଳୀ ସାହି ଗୋଷ୍ଠୀ କେନ୍ଦ୍ରର ଭୂମିପୂଜନ କରିଛନ୍ତି।

ଗଜଲକ୍ଷ୍ମୀଙ୍କ ପୂଜା ପାଇଁ ପ୍ରସ୍ତୁତି ବୈଠକ


ତାଳଚେର,୧୯।୧୦(ନି.ପ୍ର)- ତାଳଚେର ବ୍ଲକ ଅନ୍ତର୍ଗତ କମଳଛୁଇଁ ଗ୍ରାମରେ ଗଜଲକ୍ଷ୍ମୀଙ୍କ ପୂଜା ପାଇଁ  କେନ୍ଦ୍ରୀୟ ଲକ୍ଷ୍ମୀ ପୂଜା କମିଟି ପକ୍ଷରୁ  ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି। କମିଟିର ସଭାପତି ଗଗନ ବିହାରୀ ସାହୁ ଏଥିରେ  ଅଧ୍ୟକ୍ଷତା କରିଥିଲେ। 

ଲୁଟ୍‌ ଘଟଣାରେ ଅଭିଯୁକ୍ତ ଗିରଫ

ଲୁଟ୍‌ ଘଟଣାରେ ଅଭିଯୁକ୍ତ ଗିରଫ

କଣିହାଁ,୧୯।୧୦(ଡି.ଏନ.ଏ.)- କଣିହାଁ ବ୍ଲକ ରେଙ୍ଗାଳି ଥାନା ପୋଲିସ ପୂର୍ବରୁ ଲୁଟ୍‌ ଘଟଣାକୁ ନେଇ ଜଣକୁ ଗିରଫ କରି କୋର୍ଟଚାଲାଣ କରିଛି।

ଚୋର ଅଟକ

ଚୋର ଅଟକ

ବଅଁରପାଳ,୧୯।୧୦(ଡି.ଏନ.ଏ.)-ବଅଁରପାଳ ବଜାରର ଏକ ପାନ ଦୋକାନରୁ ଚୋରି କରୁଥିବା ସମୟରେ ଜଣେ ଯୁବକଙ୍କୁ କାବୁ କରିଛନ୍ତି ଦୋକାନୀ।

ବିଜେଡି  ପକ୍ଷରୁ ଜନସମ୍ପର୍କ ପଦଯାତ୍ରା

ବିଜେଡି ପକ୍ଷରୁ ଜନସମ୍ପର୍କ ପଦଯାତ୍ରା


ଛେଣ୍ଡିପଦା,୧୯।୧୦(ଡି.ଏନ.ଏ.)- ଛେଣ୍ଡିପଦା ବ୍ଲକ ବିଜେଡି ପକ୍ଷରୁ ଜନସମ୍ପର୍କ ପଦଯାତ୍ରା ଅନୁଷ୍ଠିତ ହୋଇଯାଇଛି। ସ୍ଥାନୀୟ ବିଧାୟକ ସୁଶାନ୍ତ କୁମାର ବେହେରାଙ୍କ ନେତୃତ୍ୱରେ ଆୟୋଜିତ ଏହି ପଦଯାତ୍ରା ଜରପଡା, ତୁକୁଡା, ପରା, ଓଗୀ ପଞ୍ଚାୟତର ସମସ୍ତ ଗ୍ରାମ ପରିକ୍ରମା କରିଥିଲା। ପରେ  ଓଗୀ ଗ୍ରାମଠାରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା।

୪  ଗିରଫ, ୯ଏମ୍‌ଏମ ବନ୍ଧୁକ, ୫ରାଉଣ୍ଡ ଜୀବନ୍ତ ଗୁଳି ଜବତ

୪ ଗିରଫ, ୯ଏମ୍‌ଏମ ବନ୍ଧୁକ, ୫ରାଉଣ୍ଡ ଜୀବନ୍ତ ଗୁଳି ଜବତ

ଅନୁଗୋଳ ଅଫିସ, ୧୮।୧୦- ଅନୁଗୋଳ ପୋଲିସ  ୪ ଡକାୟତଙ୍କୁ   ଗିରଫ କରି କୋର୍ଟଚାଲାଣ କରିଛି। ସେମାନେ ହେଲେ  ତାଳଚେର ଥାନା ନାକେଇପଶି ଅଞ୍ଚଳର ରଣଜିତ ନାଏକ ଓରଫ ଜିତୁ, ତାଙ୍କ ଭାଇ ରତ୍ନାକର ଓରଫ ରାଜ ନାଏକ, ନୂଆପଡ଼ାର ପପୁ ନାଏକ ଏବଂ ଅନୁଗୋଳ ଥାନା ପଞ୍ଚମହଲା ଅଞ୍ଚଳର ଅନିଲ ବେହେରା।