ଉପକୂଳ ଓଡିଶା

ବିନା ଅନୁମତିରେ ଚାଲିଛି ପିଚୁ ପ୍ଲାଣ୍ଟ

ବିନା ଅନୁମତିରେ ଚାଲିଛି ପିଚୁ ପ୍ଲାଣ୍ଟ
ଯାଜପୁର ଅଫିସ,୧୨। ୧୨ ଶିଳ୍ପ ପ୍ରଦୂଷଣ ରୋକିବାକୁ ଦୃଢ ପଦକ୍ଷେପ ନିଆଯାଉଥିବା ଓ ପ୍ରଦୂଷଣ ନିୟନ୍ତ୍ରଣ ପାଇଁ ସରକାର ବଦ୍ଧ ପରିକର ବୋଲି ଘୋଷଣା ଉପରେ ଘୋଷଣା ହେଉଛି। ହେଲେ ଯାଜପୁର ଜିଲା ଅନ୍ତର୍ଗତ ଧର୍ମଶାଳା ବ୍ଲକ ତରଙ୍ଗିଆ ପଞ୍ଚାୟତ ଅଞ୍ଚଳରେ ଏମ୍‌ଡିଏସ୍‌ ପ୍ରି-ମିକ୍ସ ପିଚୁ ପ୍ଲାଣ୍ଟ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ(ଏସ୍‌ପିସିବି)ର କେତେକ ଅଧିକାରୀଙ୍କ ସଲାସୁତୁରାରେ ଗତ ପ୍ରାୟ ୧ବର୍ଷ ହେଲା ବିନା ଅନୁମତିରେ ଚାଲିଛି। ସମ୍ପୃକ୍ତ ଅଞ୍ଚଳବାସୀଙ୍କ ଅଭିଯୋଗ ପରେ ଏସ୍‌ପିସିବି ଆଞ୍ଚଳିକ କାର୍ଯ୍ୟାଳୟରୁ ବନ୍ଦ ନୋଟିସ ଦେବାପରେ ମଧ୍ୟ ପିଚୁ ପ୍ଲାଣ୍ଟ ମାଲିକ ତାକୁ ଖାତିର କରୁନାହାନ୍ତି। ଦିନ ଦ୍ୱିପ୍ରହରରେ ପିଚୁ ଉପତ୍ାଦନ ଜାରି ରହିଛି। ଏହାପରେ ବି ଏସ୍‌ପିସିବି ନୀରବ ରହିବା ଘଟଣା ପରିବେଶ ବିଭାଗର କାର୍ଯ୍ୟ ସ୍ବଚ୍ଛତା ଉପରେ ଅଙ୍ଗୁଳି ନିର୍ଦ୍ଦେଶ କରୁଛି। ଜାତୀୟ ରାଜପଥ ଓ ଜନବସତି ଅଞ୍ଚଳରେ କେତେକ ପ୍ରଭାବଶାଳୀ ଲୋକ ପିଚୁ ପ୍ଲାଣ୍ଟ ସ୍ଥାପନ କରି ପରିବେଶଗତ ସମସ୍ୟାକୁ ଦ୍ୱିଗୁଣିତ କରୁଛନ୍ତି। ଗତ ଏପ୍ରିଲ ଓ ମେ ମାସରେ ପରିବେଶ ପ୍ରଦୂଷଣ କରୁଥିବା ଯୋଗୁ ଜିଲା ପ୍ରଶାସନ ୧୪୧ଟି ବେଆଇନ କ୍ରଶରଗୁଡିକୁ ସିଲ୍‌ କରି ଦେଇଥିଲା। ତେବେ ୧୦ଟି କ୍ରଶର ଯେତେ ପରିମାଣର ପ୍ରଦୂଷଣ ସୃଷ୍ଟି କରିଥାଏ ଗୋଟିଏ ପିଚୁ ପ୍ଲାଣ୍ଟ ତାଠାରୁ ବହୁ ଗୁଣରେ ଅଧିକ ପ୍ରଦୂଷଣ ସୃଷ୍ଟି କରୁଛି। ଖରା ମାସରେ ପିଚୁ ପ୍ଲାଣ୍ଟଗୁଡିକରୁ ସୃଷ୍ଟି ହେଉଥିବା ଉତ୍ତାପ ଅଞ୍ଚଳବାସୀଙ୍କୁ ତତଲା ହାୱାରେ ପକାଇ ଭଳି ପରିସ୍ଥିତି ସୃଷ୍ଟି କରିଥାଏ। ଏନେଇ ଅଞ୍ଚଳବାସୀ ଗତ ମେ ମାସ ୧୫ତାରିଖରେ ଜିଲାପାଳଙ୍କ ଦୃଷ୍ଟି ଆକର୍ଷଣ କରିଥିଲେ। ଏହାର ୨୪ଘଣ୍ଟା ନ ପୁରୁଣୁ ଜିଲାପାଳଙ୍କ ନିର୍ଦ୍ଦେଶରେ ଗତ ୧୬। ୫। ୨୦୧୭ ତାରିଖରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା। କଳିଙ୍ଗନଗର ପରିବେଶ ବିଭାଗର ଅଧିକାରୀ ଓ ଶ୍ରମ ବିଭାଗ ଅଧିକାରୀମାନେ ମିଳିତ ଭାବେ ଚଢାଉ କରି ତଦନ୍ତ କରିଥିଲେ। ସହକାରୀ ପରିବେଶ ବୈଜ୍ଞାନିକ ଭୀମଚରଣ ମାରାଣ୍ଡି, ଶ୍ରମ ନୀରିକ୍ଷକ ଗୋପାଳ ଚନ୍ଦ୍ର ମଙ୍ଗରାଜ ରଥିଆ, ସାରୋଇ, ମାଣ୍ଡିଆ, ବାଲିସାହି ଆଦି ସ୍ଥାନଗୁଡ଼ିକରେ ଚାଲିଥିବା ୫ଟି ପିଚୁ ପ୍ଲାଣ୍ଟ ପରିଦର୍ଶନ କରିଥିଲେ। ଜିଲାପାଳଙ୍କ ନିକଟରେ ରିପୋର୍ଟ ପ୍ରଦାନ କରିବାପରେ ତଦନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଏହି ତଦନ୍ତକାରୀ ଦଳ ସେତେବେଳେ ସୂଚନା ଦେଇଥିଲେ। ହେଲେ ଏହି ତଦନ୍ତ କେବଳ ବଳ କଷିବା ପାଇଁ ଉଦ୍ଦିଷ୍ଟ ଥିଲା ବୋଲି ଏବେ ସ୍ପଷ୍ଟ ହୋଇଛି। ବିନା ଅନୁମତିରେ କେତେକ ପିଚୁ ପ୍ଲାଣ୍ଟ ଚାଲିଥିବା ଘଟଣା ଏବେ ପର୍ଦ୍ଦାଫାଶ ହୋଇଛି। ଏମଡିଏସ୍‌ ପ୍ରି-ମିକ୍ସ ପିଚୁ ପ୍ଲାଣ୍ଟ ମାଲିକ ୧୨। ୫। ୨୦୧୭ରେ ପିଚୁ ପ୍ଲାଣ୍ଟ ସ୍ଥାପନ ପାଇଁ ଅନୁମତି ପତ୍ର(ସିଟିଇ) ଦାଖଲ କରିଛି। ଆବେଦନରେ କେତେକ କାଗଜପତ୍ରରେ ତ୍ରୁଟି ଥିବା ଦର୍ଶାଇ ପରିବେଶ ବିଭାଗ ଅନୁମତି ପ୍ରଦାନ କରି ନାହାନ୍ତି। ହେଲେ ଏସ୍‌ପିସିବିର ଅନୁମତି ହାସଲ ନ କରି ଆବଶ୍ୟକ ଯନ୍ତ୍ରପାତି ସ୍ଥାପନ କରିବା ସହିତ ଉପତ୍ାଦନ ମଧ୍ୟ ଚଳାଇଛି। ଏ ସଂକ୍ରାନ୍ତରେ ବୋର୍ଡ କର୍ତ୍ତୃପକ୍ଷ ଜାଣିଶୁଣି ନୀରବ ରହିଛି। ତେବେ ତରଙ୍ଗିଆ ଗ୍ରାମ ପଞ୍ଚାୟତର ସରପଞ୍ଚ ଏନେଇ ଏସପିସିବିର କଳିଙ୍ଗନଗର ଆଞ୍ଚଳିକ କାର୍ଯ୍ୟାଳୟ ନିକଟରେ ଅଭିଯୋଗ କରିବା ପରେ ବୋର୍ଡର ଆଞ୍ଚଳିକ ଅଧିକାରୀ ଅନୁପ କୁମାର ମଲ୍ଲିକ ତାଙ୍କ ପତ୍ରସଂଖ୍ୟା ୩୦୨୬/୨୩। ୧୧। ୨୦୧୭ରେ ପିଚୁ ପ୍ଲାଣ୍ଟର ମାଲିକ ପ୍ରମୋଦ କୁମାର ସ୍ବାଇଁଙ୍କୁ ଅନୁମତି ନ ମିଳିବା ପର୍ଯ୍ୟନ୍ତ ତୁରନ୍ତ ପିଚୁ ପ୍ଲାଣ୍ଟ ବନ୍ଦ କରିବାକୁ ନିର୍ଦ୍ଦେଶ ଜାରି କରିଛନ୍ତି। ହେଲେ କିଛି ପ୍ରଭାବଶାଳୀ ରାଜନେତାଙ୍କ ଆର୍ଶୀବାଦ ରହୁଥିବାରୁ ନିର୍ଦ୍ଦେଶ ପରେ ବି ମାଲିକ ପିଚୁ ପ୍ଲାଣ୍ଟକୁ ବନ୍ଦ କରୁନାହାନ୍ତି। ଅନ୍ୟପକ୍ଷେ ବନ୍ଦ ନିର୍ଦ୍ଦେଶର ୨୦ଦିନ ଅତିକ୍ରାନ୍ତ ହୋଇ ସାରିଥିଲେ ବି ଏସ୍‌ପିସିବି ଆଞ୍ଚଳିକ ଅଧିକାରୀ କୌଣସି ପଦକ୍ଷେପ ଗ୍ରହଣ କରୁନାହାନ୍ତି। ଏସଂକ୍ରାନ୍ତରେ କଳିଙ୍ଗନଗର ପରିବେଶ ବିଭାଗର ଆଞ୍ଚଳିକ ଅଧିକାରୀ ମଲ୍ଲିକଙ୍କୁ ପଚାରିବାରୁ ସେ କହିଛନ୍ତି ଏ ସଂକ୍ରାନ୍ତରେ ଏମ୍‌ଡିଏସ ପିଚୁ ପ୍ଲାଣ୍ଟର ମାଲିକଙ୍କୁ ନୋଟିସ ଜାରି କରାଯାଇଛି। ପିଚୁ ପ୍ଲାଣ୍ଟକୁ ଯଦି ମାଲିକ ନିଜ ଆଡୁ ବନ୍ଦ ନ କରନ୍ତି, ତେବେ ଜିଲା ପ୍ରଶାସନର ଅନୁମତି ନେଇ ତାକୁ ସିଲ କରି ଦିଆଯିବ ବୋଲି ମଲ୍ଲିକ କହିଛନ୍ତି।
All Right Reserved By

ଉପକୂଳ ଓଡିଶା

ବାଣ ଫୁଟାଉଥିବା ବେଳେ ବିସ୍ଫୋରଣ: ଜେଜେ ମୃତ, ନାତି ଗୁରୁତର

ବାଣ ଫୁଟାଉଥିବା ବେଳେ ବିସ୍ଫୋରଣ: ଜେଜେ ମୃତ, ନାତି ଗୁରୁତର

ସାଲେପୁର,୧୫ା୧୦(ଡି.ଏନ.ଏ.): କଟକ ଜିଲା ସାଲେପୁର ବ୍ଲକ ଅଧୀନ ରଟିଲୋ ପଞ୍ଚାୟତ ବୋଇଲୋ ଗ୍ରାମରେ ସୋମବାର ଏକ ଦୁଃଖଦ ଘଟଣା ଘଟିଛି। ବାଣ ଫୁଟାଉଥିବା ସମୟରେ ବିସ୍ଫୋରଣ ଘଟି ଜେଜେ ବାପାଙ୍କ ମୃତ୍ୟୁ ଘଟିଥିବାବେଳେ ନାତି ଗୁରୁତର ହୋଇଛନ୍ତି। 

ଜନଶୁଣାଣି ଶିବିରରେ ୩୩୮ ଅଭିଯୋଗ

ଜନଶୁଣାଣି ଶିବିରରେ ୩୩୮ ଅଭିଯୋଗ

ଡେରାବିଶ, ୧୫ା୧୦(ସ୍ବ.ପ୍ର.)- ଜିଲାର ଜନସାଧାରଣଙ୍କ ଅଭିଯୋଗ ଶୁଣିବା ପାଇଁ ଡେରାବିଶ ବ୍ଲକ କାର୍ଯ୍ୟାଳୟ ପରିସରରେ ସୋମବାର ଜନଶୁଣାଣି ଶିବିର ଅନୁଷ୍ଠିତ ହୋଇଥିଲା ଏଥିରେ ମୋଟ ୩୩୮ଟି ଅଭିଯୋଗ ଆସିଥିଲା 

ସଫଳ ବ୍ୟକ୍ତିତ୍ୱ ଡ. କାଲାମଙ୍କୁ ଜୟନ୍ତୀ ଉତ୍ସବରେ ଶ୍ରଦ୍ଧାଞ୍ଜଳି

ସଫଳ ବ୍ୟକ୍ତିତ୍ୱ ଡ. କାଲାମଙ୍କୁ ଜୟନ୍ତୀ ଉତ୍ସବରେ ଶ୍ରଦ୍ଧାଞ୍ଜଳି

କେନ୍ଦ୍ରାପଡା ଅଫିସ, ୧୫ା୧୦- ଆତ୍ମ ବିଶ୍ୱାସ, ପ୍ରେରଣା, ସାହସ ଓ ଶକ୍ତିକୁ ବିନିଯୋଗ କରି ଭାରତର ଏକାଦଶତମ ରାଷ୍ଟ୍ରପତି ଡ. ଏପିଜେ କାଲାମ ନିଜର ସ୍ବପ୍ନକୁ ସାକାର କରିଥିଲେ ଅଧ୍ୟବସାୟକୁ ମୂଳମନ୍ତ୍ର କରିଥିବା ଡ. କାଲାମ ବିଭିନ୍ନ କ୍ଷେତ୍ରରେ ପାରଦର୍ଶିତା ଦେଖାଇଛନ୍ତି 

ନବପତ୍ରିକା ପୂଜାରେ ମାଆଙ୍କୁ ଆବାହନ

ନବପତ୍ରିକା ପୂଜାରେ ମାଆଙ୍କୁ ଆବାହନ

ଡେରାବିଶ, ୧୪ା୧୦(ସ୍ବ.ପ୍ର.)- ମାଆ ଦୁର୍ଗାଦେବୀଙ୍କ ନବରାତ୍ର ପର୍ବ ଅବସରରେ ସୋମବାର ବିଭିନ୍ନ ମଣ୍ଡପରେ ଷଷ୍ଠୀ ପୂଜା ଆରମ୍ଭ ହୋଇଛି ା ଡେରାବିଶ ବ୍ଲକ ଅଞ୍ଚଳ ଏହି ପୂଜାତ୍ସୋବ ପାଇଁ ଚଳଚଞ୍ଚଳ ହୋଇପଡିଛି ା

ତୁଳସୀ କ୍ଷେତ୍ରରେ ଶାରଦୀୟ ଦୁର୍ଗାତ୍ସୋବ

ତୁଳସୀ କ୍ଷେତ୍ରରେ ଶାରଦୀୟ ଦୁର୍ଗାତ୍ସୋବ

କେନ୍ଦ୍ରାପଡା ଅଫିସ, ୧୫ା୧୦- ତୁଳସୀ କ୍ଷେତ୍ରର ବିଭିନ୍ନ ସ୍ଥାନରେ ଶାରଦୀୟ ଦୁର୍ଗାପୂଜା ସୋମବାରଠାରୁ ଆରମ୍ଭ ହୋଇଛି। ଏହି ପରିପ୍ରେକ୍ଷୀରେ ଶ୍ରୀ ବଳଦେବଜୀଉ ମନ୍ଦିର ପରିସରରେ କନକଦୁର୍ଗାଙ୍କ ମହାଷଷ୍ଠୀ ଉତ୍ସବ ଆରମ୍ଭ ହୋଇଛି। 

ସାମାଜିକ କର୍ମୀଙ୍କ ଶ୍ରାଦ୍ଧବାର୍ଷିକୀ

ସାମାଜିକ କର୍ମୀଙ୍କ ଶ୍ରାଦ୍ଧବାର୍ଷିକୀ

ନୟାଗଡ଼ ଅଫିସ,୧୫ା୧୦- ନୟାଗଡ଼ ବ୍ଲକ ଇଟାମାଟି ଗ୍ରାମର ସାମାଜିକ କର୍ମୀ ସ୍ବର୍ଗତ ରାଜକିଶୋର ଅଗ୍ରୱାଲଙ୍କ ପ୍ରଥମ ଶ୍ରାଦ୍ଧବାର୍ଷିକୀ ରବିବାର ପାଳିତ ହୋଇଯାଇଛି। ଏହି ଅବସରରେ ସକାଳେ ଇଟାମାଟି ବାମନ ଅବକାଶ ଉଚ୍ଚ ବିଦ୍ୟାଳୟଠାରୁ ନାରାୟଣ ମନ୍ଦିର ପର୍ଯ୍ୟନ୍ତ ଏକ ଗଣଦୌଡ଼ ହୋଇଥିଲା। 

ଆଶାକର୍ମୀଙ୍କ ବିକ୍ଷୋଭ ସମାବେଶ

ଆଶାକର୍ମୀଙ୍କ ବିକ୍ଷୋଭ ସମାବେଶ

ରାଜନଗର,୧୫ା୧୦(ଡି.ଏନ.ଏ.)- ୫ଦଫା ଦାବିରେ କେନ୍ଦ୍ରାପଡା ଜିଲା ରାଜନଗର ବ୍ଲକର ଆଶାକର୍ମୀଙ୍କ ପକ୍ଷରୁ ସୋମବାର ବିକ୍ଷୋଭ ପ୍ରଦର୍ଶନ କରାଯାଇଛି। ପୂର୍ବାହ୍ନ ୧୧ଟାରେ ସଭାପତି କବିତା ରାଉତଙ୍କ ନେତୃତ୍ୱରେ ଶତାଧିକ ଆଶାକର୍ମୀ ତାରିଣୀ ମନ୍ଦିର ପରିସରରୁ ଏକ ଶୋଭାଯାତ୍ରାରେ ବାହାରି ବଜାର ପରିକ୍ରମା କରିବା ପରେ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ସମ୍ମୁଖରେ ପହଞ୍ଚତ୍ଥିଲେ। 

ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନା ରାସ୍ତା ଅଧାପନ୍ତରିଆ, ଆନ୍ଦୋଳନ ଧମକ

ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନା ରାସ୍ତା ଅଧାପନ୍ତରିଆ, ଆନ୍ଦୋଳନ ଧମକ

ଡୁବୁରୀ,୧୫।୧୦(ଡି.ଏନ.ଏ.)- ଗ୍ରାମ୍ୟ ଉନ୍ନୟନ ବିଭାଗର ଅବହେଳା ଯୋଗୁ ସୁକିନ୍ଦା ବ୍ଲକର ଦ୍ୱିପାଞ୍ଚଳ କୁହାଯାଉଥିବା ମଙ୍ଗରାଜପୁର ପଞ୍ଚାୟତକୁ ଗମନାଗମନ ସୁବିଧା ଯୋଗାଇଦେବା ଉଦ୍ଦେଶ୍ୟରେ ନିର୍ମିତ ପ୍ରଧାନମନ୍ତ୍ରୀ ଗ୍ରାମ ସଡ଼କ ରାସ୍ତା ଅଧାପନ୍ତରିଆ ହୋଇ ପଡିରହିଛି। 

ରାଶନକାର୍ଡ଼ରୁ ବଞ୍ଚତ୍ତ ଲୋକେ ଜିଲାପାଳଙ୍କ ଦ୍ୱାରସ୍ଥ

ରାଶନକାର୍ଡ଼ରୁ ବଞ୍ଚତ୍ତ ଲୋକେ ଜିଲାପାଳଙ୍କ ଦ୍ୱାରସ୍ଥ

ନୟାଗଡ଼ ଅଫିସ,୧୫। ୧୦- ନୟାଗଡ଼ ଜିଲା ସଦର ବ୍ଲକ ଲକ୍ଷ୍ମୀପ୍ରସାଦ ପଞ୍ଚାୟତର କେତେକ ବ୍ୟକ୍ତି ରାଜ୍ୟ ଖାଦ୍ୟ ସୁରକ୍ଷା ଯୋଜନାରୁ ବଞ୍ଚତ୍ତ ହୋଇଥିବା ଅଭିଯୋଗ କରି ସୋମବାର ଜିଲାପାଳଙ୍କ ଦ୍ୱାରସ୍ଥ ହୋଇଛନ୍ତି। ସରପଞ୍ଚ ସୌମ୍ୟରଞ୍ଜନ ପ୍ରଧାନ ମଧ୍ୟ ଏହାକୁ ସମର୍ଥନ କରିଛନ୍ତି। ସରପଞ୍ଚ ଓ ଲୋକମାନଙ୍କ ଅଭିଯୋଗ ଅନୁସାରେ  ପଞ୍ଚାୟତର ଅନେକ ଲୋକ ଏହି ଯୋଜନାରେ ସାମିଲ ହେବା ପାଇଁ ବ୍ଲକ କାର୍ଯ୍ୟାଳୟରେ ଆବେଦନ କରିଥିଲେ। 

 ବିଭିନ୍ନ ଦାବି ନେଇ କଂଗ୍ରେସ ପକ୍ଷରୁ ବିକ୍ଷୋଭ

ବିଭିନ୍ନ ଦାବି ନେଇ କଂଗ୍ରେସ ପକ୍ଷରୁ ବିକ୍ଷୋଭ

ମହାକାଳପଡା, ୧୫।୧୦(ଡି.ଏନ.ଏ.): କଂଗ୍ରେସ ପକ୍ଷରୁ ସ୍ଥାନୀୟ ମହାକାଳପଡା ତହସିଲ କାର୍ଯ୍ୟାଳୟ ସମ୍ମୁଖରେ ଲଘୁଚାପଜନିତ ଓ ତିତ୍‌ଲି ବାତ୍ୟା ପ୍ରଭାବରେ ସ୍ଥାନୀୟ ଚାଷୀଙ୍କୁ ପଲିଥିନ୍‌, କୃଷି ଋଣ ଛାଡ, ମତ୍ସ୍ୟଜୀବିଙ୍କୁ ସହାୟତା ପାଇଁ ବିକ୍ଷୋଭ ପ୍ରଦର୍ଶନ କରାଯାଇଛି।

ଅଟଳ ସମ୍ମାନ ସମାରୋହ

ଅଟଳ ସମ୍ମାନ ସମାରୋହ

ଆଳି,୧୫।୯(ଡି.ଏନ.ଏ.): ପ୍ରିନ୍ସ ଫାଉଣ୍ଡେସନ ପକ୍ଷରୁ ସୋମବାର ପୂର୍ବାହ୍ନରେ ନିଆଳ ହାଟଠାରେ ଥିବା ହେଲିପ୍ୟାଡ ପଡିଆରେ ଅଟଳ ସମ୍ମାନ କାର୍ଯ୍ୟକ୍ରମ ଅନୁଷ୍ଠିତ ହେଉଛି।

ଡଙ୍କାରୀ ପାହାଡ଼ର ୬ କଳାପଥର ଖାଦାନ ସିଲ୍‌

ଡଙ୍କାରୀ ପାହାଡ଼ର ୬ କଳାପଥର ଖାଦାନ ସିଲ୍‌

ଯାଜପୁର ଅଫିସ,୧୫।୧୦: ଯାଜପୁର ଜିଲା ଧର୍ମଶାଳା ତହସିଲ ଅଧୀନ ବହୁ ଚର୍ଚ୍ଚିତ ଡଙ୍କାରୀ ପାହାଡର ୬ଟି କଳାପଥର ଖାଦାନକୁ ସୋମବାର ସକାଳେ ସିଲ୍‌ କରି ଦିଆଯାଇଛି। ଜିଲା ପ୍ରଶାସନ ପକ୍ଷରୁ ୪ ଜେସିବି ମେଶିନ ସହାୟତାରେ ଖାଦାନକୁ ଯାଇଥିବା ରାସ୍ତାରେ ପ୍ରାୟ ୧୦ ଫୁଟ ଗଭୀର ଏକ ଗାତ ଖୋଳାଯାଇଛି