ଉପକୂଳ ଓଡିଶା

ଟିକିନା ହତ୍ୟା ମାମଲା: ହତ୍ୟାକାରୀଙ୍କୁ ଆଜୀବନ ଜେଲ

ଟିକିନା ହତ୍ୟା ମାମଲା: ହତ୍ୟାକାରୀଙ୍କୁ ଆଜୀବନ ଜେଲ
ଜଗତ୍‌ସିଂହପୁର ଅଫିସ,୧୨ା୧୨: ୨୦୧୩ରେ ବାଲିକୁଦା ଥାନା ମାଛଗାଁ ନିକଟ ଓଚିନ୍ଦା ପାଇକସାହିର ସଞ୍ଜୁକ୍ତା ରଥ ଓରଫ ଟିକିନାଙ୍କୁ ବିଭତ୍ସ ଭାବେ ହତ୍ୟା କରାଯାଇଥିଲା। ଏହି ମାମଲାର ରାୟ ମଙ୍ଗଳବାର ପ୍ରକାଶ ପାଇଛି। ମାମଲାର ବିଚାର କରି ଜଗତ୍‌ସିଂହପୁର ଜିଲା ଓ ଦୌରାଜଜ୍‌ ରବୀନ୍ଦ୍ର ନାଥ ମିଶ୍ର ଅଭିଯୁକ୍ତ ଦ୍ୱାରିକାନାଥ ସେଠୀ ଓରଫ ମିଟୁଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି। ଏଥିସହ ୫ ହଜାର ଟଙ୍କା ଜରିମାନା ଧାର୍ଯ୍ୟ କରିଛନ୍ତି। ଏହି ରାଶି ଅନାଦେୟ ହେଲେ ଅଧିକ ୩ ମାସ ଜେଲ ଭୋଗିବାକୁ ପଡିବ ବୋଲି ରାୟରେ ଉଲ୍ଲେଖ ଅଛି। ମାମଲାର ରାୟ ପ୍ରକାଶ ପାଇବା ପରେ ମୃତ ଟିକିନାଙ୍କ ଶାଶୁ ଘର ଓ ବାପ ଘର ସମେତ ବହୁ ଲୋକଙ୍କ ମଧ୍ୟରେ ଆଶ୍ୱସ୍ତି ପ୍ରକାଶ ପାଇଛି। ସୂଚନା ଅନୁଯାୟୀ, ୨୦୧୩ ମାର୍ଚ୍ଚ ୧୨ ତାରିଖ ରାତି ପ୍ରାୟ ୯ଟାରେ ଟିକିନା ପରିବାର ଲୋକଙ୍କୁ ଖାଇବାକୁ ଦେଇସାରି ବାରିପଟକୁ ବାସନ ମାଜିବାକୁ ଯାଇଥିଲେ। ଏକୁଟିଆ ଥିବାର ସୁଯୋଗ ନେଇ ଏହି ଗାଁର ଦ୍ୱାରିକାନାଥ ସେଠୀ ଓରଫ ମିଟୁ ମନ୍ଦ ଉଦ୍ଦେଶ୍ୟ ପୂରଣ କରିବାକୁ ଚାହିଁଥିଲେ। ପ୍ରଥମେ ସେ ଏକ ଠେଙ୍ଗାରେ ଟିକିନାଙ୍କ ମୁଣ୍ଡକୁ ପିଟି ଦେଇ ଘୋସାରି ଘୋସାରି ନିକଟସ୍ଥ ନିରୋଳା ସ୍ଥାନକୁ ନେଇ ଯାଇଥିଲେ। ପରେ ମାଡିବସି ସୁନା କାନଫୁଲ, ପେଣ୍ଡି, ନାକଫୁଲ, ଚେନ୍‌ ଆଦି ଛିଡାଇ ନେଇଥିଲେ। ଏହି ସମୟରେ ଟିକିନା ପାଟି କରିବାରୁ ତାଙ୍କୁ ମାରିଦେବାକୁ ଧମକ ଦେଇଥିଲେ। କିନ୍ତୁ ଟିକିନା ପ୍ରତିବାଦ କରିବାରୁ ଦ୍ୱାରିକାନାଥ ତାଙ୍କ ପାଟି ବନ୍ଦକରି ଅତି ନୃଶଂସ ଭାବେ ଯୌନାଙ୍ଗରେ ଏକ କନ୍ତ ଭର୍ତ୍ତି କରିଦେଇଥିଲେ। ଫଳରେ ତାଙ୍କ ଅନ୍ତବୁଜୁଳା ବାହାରି ଆସିଥିଲା। ସେ ରକ୍ତାକ୍ତ ଅବସ୍ଥାରେ ଛଟଛଟ ହେଉଥିବା ବେଳେ ପାଟି ଶୁଣି ପରିବାର ଲୋକେ ପହଞ୍ଚତ୍ଥିଲେ। ସେତେବେଳେ ଟିକିନା ଯନ୍ତ୍ରଣାରେ ଛଟଛଟ ହେଉଥିଲେ। ତଥାପି ସେ ବହୁ କଷ୍ଟରେ ଦ୍ୱାରିକାନାଥ ଏଭଳି କାଣ୍ଡ କରିଥିବା କହିଥିଲେ। ସଙ୍ଗେ ସଙ୍ଗେ ତାଙ୍କୁ ଗ୍ରାମବାସୀଙ୍କ ସହାୟତାରେ ପ୍ରଥମେ ଜଗତ୍‌ସିଂହପୁର ଜିଲା ମୁଖ୍ୟ ଚିକିତ୍ସାଳୟ ଓ ପରେ କଟକ ସ୍ଥାନାନ୍ତର କରାଯାଇଥିଲା। କଟକରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଟିକିନାଙ୍କ ଶ୍ୱଶୂର ଗଜେନ୍ଦ୍ର ରଥ ୧୩ ତାରିଖରେ ବାଲିକୁଦା ଥାନାରେ ଅଭିଯୋଗ କରିଥିଲେ। ପୋଲିସ କେସ୍‌ (ନଂ.୩୭/୧୩) ରୁଜୁ କରିବା ସହ ଅଭିଯୁକ୍ତଙ୍କୁ ଗିରଫ କରିଥିଲା। ଘଟଣାର ୨୦ ଦିନ ପରେ ଏହି ମାମଲାର ତଦନ୍ତ ଭାର କ୍ରାଇମବ୍ରାଞ୍ଚ ନେଇଥିଲା। ୧୭ ଜଣ ସାକ୍ଷୀ ଓ ପ୍ରମାଣକୁ ଭିତ୍ତିକରି ବିଚାରପତି ଉପରୋକ୍ତ ରାୟ ଶୁଣାଇଛନ୍ତି। ଦଫା ୩୦୨ରେ ଆଜୀବନ ଓ ୩୯୪ରେ ୫ ବର୍ଷ ଜେଲ ସହ ୫ ହଜାର ଟଙ୍କା ଜରିମାନା ଧାର୍ଯ୍ୟ କରାଯାଇଛି। ସରକାରଙ୍କ ତରଫରୁ ପବ୍ଲିକ ପ୍ରଶିକ୍ୟୁଟର ନଳିନୀକାନ୍ତ ମହାରଣା ମାମଲା ପରିଚାଳନା କରୁଥିଲେ।
All Right Reserved By

ଉପକୂଳ ଓଡିଶା

୨ମାସ ହେଲା ବିଦ୍ୟୁତ୍‌ ଆଲୋକରୁ ବଞ୍ଚିତ ରଣପୁର ବ୍ଲକର  ୮ ଗ୍ରାମ

୨ମାସ ହେଲା ବିଦ୍ୟୁତ୍‌ ଆଲୋକରୁ ବଞ୍ଚିତ ରଣପୁର ବ୍ଲକର ୮ ଗ୍ରାମ

ରଣପୁର,୧୯ା୧ (ସ୍ବ.ପ୍ର.)- ରଣପୁର ବ୍ଲକର ଆଦିବାସୀ ଅଧ୍ୟୁଷିତ ଅଞ୍ଚଳ ଭାବେ ପରିଚିତ ବନ୍ଧମୁଣ୍ଡା ପଞ୍ଚାୟତ। ୨୦୧୨ରେ ଏଠାକୁ ବିଦ୍ୟୁତ୍‌ ସଂଯୋଗ ଦେବା ପଇଁ ରାଜୀବ ଗାନ୍ଧୀ ବିଦ୍ୟୁତ୍‌ ଯୋଜନାରେ କାର୍ଯ୍ୟ ଆରମ୍ଭ ହୋଇଥିଲା। ପରେ ୨୦୧୭ରେ ପଞ୍ଚାୟତର କେତେକ ଗ୍ରାମକୁ ବିଦ୍ୟୁତ୍‌ ସଂଯୋଗ ଦିଆଯାଇଥିଲା। ପ୍ରଥମ କରି ବିଦ୍ୟୁତ୍‌ ଆଲୋକ ପାଇ ସ୍ଥାନୀୟ ଗ୍ରାମବାସୀ ଖୁସି ପ୍ରକଟ କରିଥିଲେ।

ଗ୍ୟାରେଜରେ ଅଗ୍ନିକାଣ୍ଡ: ୨ ଗାଡ଼ି ପୋଡିଗଲା

ଗ୍ୟାରେଜରେ ଅଗ୍ନିକାଣ୍ଡ: ୨ ଗାଡ଼ି ପୋଡିଗଲା

ନୂଆଗାଁ,୧୯ା୧ (ଡି.ଏନ.ଏ.)- ନୟାଗଡ଼ ଜିଲା ନୂଆଗାଁ ବ୍ଲକ ଡିମିରିଝରୀ ଗ୍ରାମରେ ଥିବା ଏକ ଗ୍ୟାରେଜରେ ଶୁକ୍ରବାର ରାତି ୧୦ଟାରେ ନିଆଁ ଲାଗି ବହୁ ସାମଗ୍ରୀ ପୋଡି ଯାଇଛି। ଗ୍ରାମର ୫୭ନଂ. ଜାତୀୟ ରାଜପଥ କଡରେ ଥିବା ବ୍ରଜ ଭାଇ ଗ୍ୟାରେଜରେ ନିଆଁ ଲାଗିଯାଇ ସେଠାରେ ଥିବା ଦୁଇଟି ଗ୍ୟାସ୍‌ ସିଲିଣ୍ଡର ଫାଟି ଯାଇଥିଲା।

ଓଡ଼ଗାଁରେ ଯୁବକଙ୍କ ଆକ୍ରମଣରେ ୨ ମୃତ,୨ ଗୁରୁତର ମାମଲା: ଉନ୍ମତ୍ତ ଯୁବକ ଜେଲ ଗଲେ

ଓଡ଼ଗାଁରେ ଯୁବକଙ୍କ ଆକ୍ରମଣରେ ୨ ମୃତ,୨ ଗୁରୁତର ମାମଲା: ଉନ୍ମତ୍ତ ଯୁବକ ଜେଲ ଗଲେ

ଓଡ଼ଗାଁ,୧୯।୧(ସ୍ବ.ପ୍ର.)-ଓଡ଼ଗାଁ ଥାନା ଅଞ୍ଚଳରେ ଯୁବକଙ୍କ ଉନ୍ମତ୍ତ କାଣ୍ଡରେ ୨ଜଣଙ୍କ ମୃତ୍ୟୁ ଘଟିବା ଓ ୨ଗୁରୁତର ହେବା ଘଟଣାରେ ପୋଲିସ ହେପାଜତରେ ଥିବା ଆକ୍ରମଣକାରୀ ଯୁବକଙ୍କୁ ଶୁକ୍ରବାର ଗିରଫ କରାଯାଇ କୋର୍ଟ ଚାଲାଣ କରାଯାଇଥିଲା। ଜାମିନ ନାମଞ୍ଜୁର ହେବାରୁ ତାଙ୍କୁ ଜେଲ ହାଜତକୁ ପଠାଇ ଦିଆଯାଇଛି। ଏହି ଘଟଣାକୁ ନେଇ ଉତ୍ତ୍ୟକ୍ତ ଲୋକେ ରାସ୍ତା ଅବରୋଧ କରିଥିଲେ।

ନୟାଗଡ଼ ଜିଲାର ଚାଷୀଙ୍କୁ ହତୋତ୍ସାହ କରୁଛି ଉଦ୍ୟାନ ବିଭାଗ,  ୭ ଦିନ ଭିତରେ ସମାଧାନ କରିବାକୁ ଜିଲା ପ୍ରଶାସନକୁ ନିର୍ଦ୍ଦେଶ

ନୟାଗଡ଼ ଜିଲାର ଚାଷୀଙ୍କୁ ହତୋତ୍ସାହ କରୁଛି ଉଦ୍ୟାନ ବିଭାଗ, ୭ ଦିନ ଭିତରେ ସମାଧାନ କରିବାକୁ ଜିଲା ପ୍ରଶାସନକୁ ନିର୍ଦ୍ଦେଶ

ନୟାଗଡ଼ ଅଫିସ,୧୯।୧-ନୟାଗଡ଼ ଜିଲା ଉଦ୍ୟାନ ବିଭାଗ ଚାଷୀଙ୍କ ଉନ୍ନତି ନିମନ୍ତେ କାମ ନ କରି ଅବନତି ପାଇଁ କାର୍ଯ୍ୟ  କରୁଥିବା ଚାଷୀମାନେ ଅଭିଯୋଗ କରିଛନ୍ତି। ବିଭିନ୍ନ ସମୟରେ ଚାଷୀମାନେ ଉଦ୍ୟାନ ବିଭାଗଠାରୁ କାର୍ଯ୍ୟାଦେଶ ପାଇ ଚାଷ କାର୍ଯ୍ୟ କରୁଥିଲେ ମଧ୍ୟ ସେମାନଙ୍କୁ ସହାୟତା ରାଶି ପ୍ରଦାନ କରାଯାଉ ନାହିଁ। ।

ପାରା, ସୁନା ଗହଣା ଚୋରି ୨ ଗିରଫ

ପାରା, ସୁନା ଗହଣା ଚୋରି ୨ ଗିରଫ

ମାର୍ଶାଘାଇ, ୧୮।୧ (ଡି.ଏନ୍‌.ଏ.): ମାର୍ଶାଘାଇ ଥାନା ଶିଳିପୁର ଗ୍ରାମର ପବିତ୍ର ମୋହନ ସାହୁଙ୍କ ଘରୁ କବାଟ ଭାଙ୍ଗି ସୁନା ଅଳଙ୍କାର ଓ ୪୦ଟି ପାରା ଚୋରି ଅଭିଯୋଗରେ ପୋଲିସ ଶୁକ୍ରବାର ୨ ଜଣଙ୍କୁ ଗିରଫ କରିଛି। ସେମାନେ ହେଲେ ଆଠବାଟିଆ ଗ୍ରାମର ପ୍ରଭାତ ବେହେରା(୨୭) ଓ ସିପୁନି ନାୟକ(୨୦)।

୩ ହଜାର ଲାଞ୍ଚ ନେବା ମହଙ୍ଗା ପଡ଼ିଲା: ଭିଜିଲାନ୍ସ ଜାଲରେ ଦର୍ପନାରାୟଣପୁର ଫାଣ୍ଡି ଅଧିକାରୀ

୩ ହଜାର ଲାଞ୍ଚ ନେବା ମହଙ୍ଗା ପଡ଼ିଲା: ଭିଜିଲାନ୍ସ ଜାଲରେ ଦର୍ପନାରାୟଣପୁର ଫାଣ୍ଡି ଅଧିକାରୀ

ରଣପୁର,୧୮।୧(ସ୍ବ.ପ୍ର.):  ନୟାଗଡ଼ ଜିଲା ରଣପୁର ଥାନା ଅଧୀନରେ କାର୍ଯ୍ୟ କରୁଥିବା ଦର୍ପନାରାୟଣପୁର ଫାଣ୍ଡି ଅଧିକାରୀ ବାଳକୃଷ୍ଣ ଦାସଙ୍କୁ ଶୁକ୍ରବାର ଲାଞ୍ଚ ନେଉଥିବା ବେଳେ  ଭୁବନେଶ୍ୱର  ଭିଜିଲାନ୍ସ ହାତରେ ଧରାପଡ଼ିଛନ୍ତି। ଭିଜିଲାନ୍ସର ୬ ଜଣିଆ ଟିମ୍‌ ତାଙ୍କୁ ଗିରଫ କରିଛନ୍ତି।

ବିଦ୍ୟାଳୟ ମିଶ୍ରଣରେ ଜଗତ୍‌ସିଂହପୁର ପଛୁଆ, ଶିକ୍ଷା ଅପେକ୍ଷା ଥଇଥାନକୁ ଗୁରୁତ୍ୱ

ବିଦ୍ୟାଳୟ ମିଶ୍ରଣରେ ଜଗତ୍‌ସିଂହପୁର ପଛୁଆ, ଶିକ୍ଷା ଅପେକ୍ଷା ଥଇଥାନକୁ ଗୁରୁତ୍ୱ

ପାରାଦୀପ,୧୮ା୧(ସ୍ବ.ପ୍ର.): ବିକଶିତ ଓ ବିକାଶଶୀଳ ରାଷ୍ଟ୍ରାର ପ୍ରଥମ ପାହାଚ ହେଉଛି ଶିକ୍ଷା। ଶିକ୍ଷା ବ୍ୟବସ୍ଥା ସ୍ବଚ୍ଛ ଓ ସୁଦୃଢ ହେଲେ ବିକାଶର ଦ୍ୱାର ଉନ୍ମୁକ୍ତ ହୁଏ। କିନ୍ତୁ ଆମ ରାଜ୍ୟରେ ଶିକ୍ଷା ବ୍ୟବସ୍ଥା ବହୁ ପଛରେ ପଡ଼ିଛି। ଶିକ୍ଷାର ଉନ୍ନତି ତ ଦୂରର କଥା, ବିଭିନ୍ନ କ୍ଷେତ୍ରରେ ହେଉଥିବା ଦୁର୍ନୀତି ଯୋଜନା ଫଳପ୍ରଦ ହେବାକୁ ଦେଉନାହିଁ। 

ଅର୍ଦ୍ଧନିର୍ମିତ ପୋଲରେ ବାଉଁଶ ଚାର

ଅର୍ଦ୍ଧନିର୍ମିତ ପୋଲରେ ବାଉଁଶ ଚାର

ନାଉଗଁା,୧୮ା୧(ସ୍ବ.ପ୍ର.): ନାଉଗଁା ବ୍ଲକରେ ପ୍ରବାହିତ ଗୋବରୀ ନଦୀରେ ଏକାଧିକ ପୋଲ ନିର୍ମିତ ହୋଇଛି। ତେବେ ସେସବୁ ଅର୍ଦ୍ଧନିର୍ମିତ ଅବସ୍ଥାରେ ଥିବାରୁ ଲୋକଙ୍କ କାମରେ ଲାଗିପାରୁନାହିଁ। କେଉଁଠି ପୋଲର ବାଡା ନାହିଁ ତ ଆଉ କେଉଁଠି ସଂଯୋଗୀକରଣ ରାସ୍ତା ହୋଇନି। ସେହିପରି କେତେକ କୋଲ କେବଳ ପିଲରରେ ସୀମିତ ରହିଛି। ତେଣୁ କେତେକ ସ୍ଥାନରେ ଲୋକେ ଅର୍ଦ୍ଧନିର୍ମିତ ପୋଲ ଉପରେ ବାଉଁଶ ପକାଇ ଯାତାୟାତ କରୁଛନ୍ତି।

ଭତ୍ତା ଟଙ୍କା ଆଣିବାକୁ ମା’ଙ୍କ ସହ ୩ କି.ମି. ଚାଲିଚାଲି ଯାଉଛନ୍ତି ଦିବ୍ୟାଙ୍ଗ

ଭତ୍ତା ଟଙ୍କା ଆଣିବାକୁ ମା’ଙ୍କ ସହ ୩ କି.ମି. ଚାଲିଚାଲି ଯାଉଛନ୍ତି ଦିବ୍ୟାଙ୍ଗ

ନୟାଗଡ଼ ଅଫିସ,୧୮।୧-ନୟାଗଡ଼ ଜିଲାର ବିଭିନ୍ନ ସ୍ଥାନରେ ଭତ୍ତା ଟଙ୍କା ଆଣିବାକୁ ଯାଇ ଦିବ୍ୟାଙ୍ଗମାନେ ହଇରାଣ ହେଉଥିବା ଦେଖିବାକୁ ମିଳୁଛି। ଅନୁରୂପ ଭାବେ ବୃଦ୍ଧାବୃଦ୍ଧ ମଧ୍ୟ ହଇରାଣ ହେଉଛନ୍ତି। ଚାଲିବାକୁ ସକ୍ଷମ ନ ଥିବା ବ୍ୟକ୍ତିମାନେ ଘରଠାରୁ ୩/୪କିମି ଦୂର ପଞ୍ଚାୟତ କାର୍ଯ୍ୟାଳୟକୁ ଭତ୍ତା ପାଇଁ ଯାଉଥିବାରୁ ଏପରି ସମସ୍ୟା ଉପୁଜୁଛି।

ନଦୀକୂଳ ଡମ୍ପିଂ ପ୍ୟାକିଂ ଖସୁଛି: ଦୀର୍ଘଦିନର ଦାବି ପରେ କାର୍ଯ୍ୟ ଆରମ୍ଭ

ଖଣ୍ଡପଡା,୧୮।୧(ସ୍ବ.ପ୍ର.)- ମହାନଦୀ ଦକ୍ଷିଣପାର୍ଶ୍ୱ ମାଳବନ୍ଧର ସୁରକ୍ଷା ପାଇଁ ଦୀର୍ଘବର୍ଷ ପୂର୍ବେ ନିର୍ମାଣ କରାଯାଇଥିବା ପଥର ପ୍ୟାକିଂ ଓ ଡମ୍ପିଂ ବନ୍ୟା ସମୟରେ ଭୁଷୁଡି ପଡୁଥିବା ପରିଲକ୍ଷିତ ହୋଇଥାଏ। ଏ ସମ୍ପର୍କରେ ଧରିତ୍ରୀରେ ଖବର ପ୍ରକାଶ ପାଇବା ପରେ ବିଭାଗ ପକ୍ଷରୁ କାର୍ଯ୍ୟ ଆରମ୍ଭ ହୋଇଛି। 

ମୋଷ୍ଟ ଓ୍ବାଣ୍ଟେଡ୍‌ ଆଲୋକ ଗିରଫ : ୨୨ ଆପରାଧିକ ମାମଲାରେ ସମ୍ପୃକ୍ତ

ମୋଷ୍ଟ ଓ୍ବାଣ୍ଟେଡ୍‌ ଆଲୋକ ଗିରଫ : ୨୨ ଆପରାଧିକ ମାମଲାରେ ସମ୍ପୃକ୍ତ

ଓଡ଼ଗାଁ,୧୮।୧(ସ୍ବ.ପ୍ର.)-ନୟାଗଡ଼ ସମେତ ଖୋର୍ଦ୍ଧା ଓ ଗଞ୍ଜାମ ଜିଲାର ବିଭିନ୍ନ ଥାନାରେ ମୋଷ୍ଟ ୱାଣ୍ଟେଡ୍‌ ତାଲିକାରେ ଥିବା ଆଲୋକ ସାହୁ(୨୨)ଙ୍କୁ ଓଡଗଁା ଥାନା ପୋଲିସ ବୁଧବାର ଗିରଫ କରିଛି । ଆଲୋକଙ୍କ ଘର ଏହି ଥାନା ଅନ୍ତର୍ଗତ ରଙ୍ଗଣୀପାଟଣା ଗ୍ରାମରେ ହୋଇଥିବା ବେଳେ ସେ ମାତ୍ର ୨୨ ବର୍ଷ ବୟସରେ ୨୨ ଆପରାଧିକ ମାମଲାରେ ସମ୍ପୃକ୍ତ ଥିବା ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି। 

ବିଶ୍ୱନାଥ ଦେବ କ୍ରିକେଟ: ଧାନଚାଙ୍ଗଡ଼ା ସେମିରେ

ଭାପୁର,୧୭ା୧(ଡି.ଏନ.ଏ.)-ଭାପୁର ବ୍ଲକ ବାଉଁଶବାଟୀ ଗ୍ରାମର ବିଶ୍ୱନାଥ ଦେବ କ୍ରିକେଟ କ୍ଲବ୍‌ ଆନୁକୂଲ୍ୟରେ ୫ମ ଟି-୨୦ କ୍ରିକେଟ୍‌ ଟୁର୍ନାମେଣ୍ଟ ଆୟୋଜିତ ହେଉଛି।  ଗୁରୁବାର ଖେଳରେ ଧାନଚାଙ୍ଗଡ଼ା ଦଳ ୨ ରନ୍‌ରେ ଚକ୍ରଧର ପ୍ରସାଦକୁ ହରାଇ ସେମି ଫାଇନାଲରେ ପ୍ରବେଶ କରିଛି।