ସମ୍ବଲପୁର

ଦର୍ଶକଙ୍କୁ ଆକୃଷ୍ଟ କରୁଛି ଚିତ୍ରକଳା ପ୍ରଦର୍ଶନୀ:ଶିଶୁ ବିଭାଗରେ ୫୦୦, ସିନିୟରରେ ୮୦ କଳାକୃତୀ

ଦର୍ଶକଙ୍କୁ ଆକୃଷ୍ଟ କରୁଛି ଚିତ୍ରକଳା ପ୍ରଦର୍ଶନୀ:ଶିଶୁ ବିଭାଗରେ ୫୦୦, ସିନିୟରରେ  ୮୦ କଳାକୃତୀ
ସମ୍ବଲପୁର, ୧୨।୧୨ (ବ୍ୟୁରୋ)- ସମ୍ବଲପୁର ମହୋତ୍ସବ-୨୦୧୭ରେ ଚିତ୍ରକଳା ପ୍ରଦର୍ଶନୀ ଏକ ଅବିଚ୍ଛେଦ୍ୟ ଅଙ୍ଗ। ତେଣୁ ମହୋତ୍ସବ ଗୁଡିକରେ ନବୀନ ଓ ପ୍ରବୀଣ ଚିତ୍ରଶିଳ୍ପୀଙ୍କ କଳାକୃତି ପ୍ରଦର୍ଶିତ ହୋଇଥାଏ। ଏଥିସହ ପଶ୍ଚିମ ଓଡିଶାର ଚାଷ ସମ୍ପର୍କିତ ଉପକରଣକୁ ନେଇ କଳାଗ୍ରାମ ରହିଛି। ଏହି କ୍ରମରେ ଅଇଁଠାପାଲି ବିର୍ସା ମଇଦାନ (ପିଏଚଡି) ପଡିଆ ପରିସରରେ ଡ. ଦିଲୀପ କୁମାର ପାଢ଼ୀଙ୍କ ସ୍ମୃତିରେ ଚିତ୍ରକଳା ପ୍ରଦର୍ଶନୀ ଅନୁଷ୍ଠିତ ହୋଇଛି । ଶିଶୁ ବିଭାଗରେ ୫୦୦, ସିନିୟର ବର୍ଗରେ ୮୦ କଳାକୃତୀ ସ୍ଥାନୀତ ହୋଇଛି। ପଶ୍ଚିମ ଓଡିଶାର ଲୋକ ସଂସ୍କୃତି, ପରମ୍ପରା, ପର୍ଯ୍ୟଟନ ଏବଂ ପର୍ବପର୍ବାଣୀକୁ ନେଇ ଚିତ୍ରଶିଳ୍ପୀମାନେ ରଙ୍ଗ ଓ ତୁଳୀ ସ୍ପର୍ଶରେ କାନଭାସ ଜୀବନ୍ତ କରିଛନ୍ତ। ଦର୍ଶକମାନଙ୍କୁ ବାରମ୍ବାର ଦେଖିବା ପାଇଁ ଆକୃଷ୍ଟ କରିଛି ଏହି ଚିତ୍ରକଳା ପଦର୍ଶନୀ। ପ୍ରଦର୍ଶନୀରେ ନବ ବିବାହିତା ସ୍ତ୍ରୀଟି ସ୍ବାମୀ ପଥକୁ ଅପେକ୍ଷା, ରଙ୍ଗବତୀ ରଙ୍ଗବତୀରେ....ନୃତ୍ୟ, ସମ୍ବଲପୁରୀ ଝିଅ ମହାନଦୀରୁ ମାଠିଆରେ ପାଣି ଆଣୁଥିବା ଦୃଶ୍ୟ, ସୌରା ଆର୍ଟ, ନିଶାନ ବାଦ୍ୟ, ସହର ଭିତରକୁ ଧସେଇ ପଶୁଛନ୍ତି ହାତୀ ପଲ, କେଉଁଟୁଣି ଓ ଚୁଲିରେ ମୁଢ଼ି ଭାଜିବା ଦୃଶ୍ୟ, ବଏଲ ଯାତ୍ରା, ମୋର ସମ୍ବଲପୁର ଏବଂ ସମ୍ବଲପୁରୀ ନୃତ୍ୟ ବେଶ ଚିତାକର୍ଷକ ହୋଇଛି। ଅପରପକ୍ଷେ ପଶ୍ଚିମ ଓଡିଶାର ନାଁକରା ରଙ୍ଗବତୀ ଗାୟକ ପଦ୍ମଶ୍ରୀ ଜିତେନ୍ଦ୍ର ହରିପାଲ, ଡ. କ୍ରିଷ୍ଣା ପଟେଲ, କବି ସତ୍ୟନାରାୟଣ ବହିଦାର, ପଦ୍ମଶ୍ରୀ ହଳଧର ନାଗଙ୍କ ପ୍ରୋଟ୍ରେଟ୍‌ ପ୍ରଦର୍ଶନୀର ଆକର୍ଷଣକୁ ଦ୍ୱିଗୁଣିତ କରିଛି। ଲୁକାୟିତ ପ୍ରତିଭାର ପରିପ୍ରକାଶ: ସମ୍ବଲପୁର ମହୋତ୍ସବ ପ୍ରଦର୍ଶନୀ ମାଧ୍ୟମରେ ଲୁକାୟିତ ପ୍ରତିଭାର ପରିପ୍ରକାଶ କରିବାକୁ ପ୍ରୟାସ କରାଯାଇଛି। ସେହିପରି ନବୀନ ଓ ପ୍ରବୀଣ ଚିତ୍ରଶିଳ୍ପୀମାନଙ୍କୁ ସହଶ୍ରାଧିକ ଜନସାଧାରଣ ଜାଣିପାରିଛନ୍ତି। ସମ୍ବଲପୁର ସମେତ ପଶ୍ଚିମ ଓଡିଶା ଭିତରେ ଉଚ୍ଚ କୋଟିର ଚିତ୍ରକରମାନେ ଅଛନ୍ତି । କିନ୍ତୁ ପ୍ରଦର୍ଶନୀ ହେଉ ନ ଥିବାରୁ ସେମାନଙ୍କ କଳାକୃତୀ ଲୋକଲୋଚନକୁ ଆସିପାରୁନାହିଁ । ଏହାକୁ ଦୃଷ୍ଟିରେ ରଖି ମହୋତ୍ସବ କମିଟି ଚିତ୍ରକଳା ପ୍ରଦର୍ଶନ କରିଛି। ଏହା ୮ଦିନ ବ୍ୟାପି ଚାଲିବ ବୋଲି କହନ୍ତି ପ୍ରଦର୍ଶନୀ ଆବାହିକା ଜୟଶ୍ରୀ ପୁରୋହିତ। କଳା ଗ୍ରାମରେ ଚାଷ ଉପକରଣ କଳା ଗ୍ରାମରେ ଚାଷ ଉପକରଣ ସ୍ଥାନିତ କରାଯାଇଛି। ଏଥିରେ ଚାଷୀ ଘରର ଢ଼େଙ୍କି, ଧାନ ମାଡେନ୍‌, ଶଗଡ ଗାଡି, ଶିକା ଭାର, ଦା କୁଏଡ, ପୁଆଲ୍‌ ଗୁର୍ଡ୍ଡା, ଧାନ ଖରି ପ୍ରଭୃତି ରହିିଛି। ଏହା ଦ୍ୱାରା ମହୋତ୍ସବରେ ଗ୍ରାମର ପରିବେଶ ଭ୍ରମ ସୃଷ୍ଟି କରିଛି। ସେହିପରି ସହରାଞ୍ଚଳ ଯୁବତୀ ଯୁବକ, ଛାତ୍ରୀଛାତ୍ର ଏବଂ ମହିଳା ପୁରୁଷମାନେ ପଶ୍ଚିମ ଓଡିଶାର ଚାଷ ଉପକରଣ ବିଷୟରେ ଜାଣି ପାରୁଛନ୍ତି। ଅପରପଟେ ଯୁବପିଢ଼ି ଏହାର ବ୍ୟବହାର ବିଷୟରେ ମଧ୍ୟ ଜ୍ଞାନ ଆହରଣ କରିପାରିବେ। ଏହାକୁ ଦୃଷ୍ଟିରେ ରଖି କଳା ଗ୍ରାମର ପରିକଳ୍ପନା କରାଯାଇଛି ବୋଲି ଆବାହକ ରାଜେଶ କୁମାର ଚୟନୀ କହିଛନ୍ତି।
All Right Reserved By

ସମ୍ବଲପୁର

ଉଷାଦେବୀ ମେମୋରିଆଲ କ୍ରିକେଟ: ସୋନପୁର ଫାଇନାଲରେ

ଉଷାଦେବୀ ମେମୋରିଆଲ କ୍ରିକେଟ: ସୋନପୁର ଫାଇନାଲରେ

ଉଲୁଣ୍ଡା, ୧୦।୧୨ (ଡି.ଏନ.ଏ.): ସୁବର୍ଣ୍ଣପୁର ଜିଲା ଉଲୁଣ୍ଡା ବ୍ଳକ କେସିସି କୁକିଆ ପକ୍ଷରୁ ଆୟୋଜିତ ହେଉଥିବା ଦ୍ୱିତୀୟ ଉଷାଦେବୀ ମେମୋରିଆଲ କ୍ରିକେଟ୍‌ ଟୁର୍ନାମେଣ୍ଟର ପ୍ରଥମ ସେମିଫାଇନାଲ ମ୍ୟାଚରେ ଏସଡିସିଏ ସୋନପୁର ଦଳ ଜେସିସି ସିଣ୍ଢୋଳ ଦଳକୁ ୪୦ରନରେ ପରାସ୍ତ କରି ଫାଇନାଲରେ ପ୍ରବେଶ କରିଛି। ସ୍ଥାନୀୟ ପତ୍ରାଗାର୍ଡେନରେ ଖେଳା ଯାଇଥିବା ଏହି ମ୍ୟାଚରେ ସିଣ୍ଢୋଳ ଟସ୍‌ ଜିଣି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା। 

ପ୍ରଧାନମନ୍ତ୍ରୀ ଫସଲ ବୀମାକୁ ନେଇ ଅସନ୍ତୋଷ: ନ୍ୟାୟାଳୟର ଦ୍ୱାରସ୍ଥ ହେବାକୁ ଏମ୍‌ପିଙ୍କ ଚେତାବନୀ

ପ୍ରଧାନମନ୍ତ୍ରୀ ଫସଲ ବୀମାକୁ ନେଇ ଅସନ୍ତୋଷ: ନ୍ୟାୟାଳୟର ଦ୍ୱାରସ୍ଥ ହେବାକୁ ଏମ୍‌ପିଙ୍କ ଚେତାବନୀ

ଅମରପାଲି, ୧୦।୧୨ (ଡି.ଏନ.ଏ.): ବଲାଙ୍ଗୀର ଏମ୍‌ପି କଲିକେଶ ନାରାୟଣ ସିଂଦେଓ ବୀରମହାରାଜପୁର ନିର୍ବାଚନ ମଣ୍ଡଳୀ ଅନ୍ତର୍ଗତ ଲୁତୁରପଙ୍କ ଗ୍ରାମ ପଞ୍ଚାୟତର ସଦରଠାରେ ପଥପ୍ରାନ୍ତ ସଭା କରିଛନ୍ତି। ସେ ଗ୍ରାମବାସୀଙ୍କ ସହିତ ସାମ୍ପ୍ରତିକ ଖରିଫ ଚାଷ, ଗତବର୍ଷ ପ୍ରଧାନମନ୍ତ୍ରୀ ଫସଲବୀମା ଯୋଜନା ପରିଚାଳନା, ଗ୍ରାମବାସୀଙ୍କ ସୁବିଧା ଅସୁବିଧା ସମ୍ପର୍କରେ ଆଲୋଚନା କରିଥିଲେ। ଚାଷ ଜମିକୁ ଜଳସେଚନ ପାଇଁ ମେଗାଲିଫ୍ଟର କିଭଳି ବ୍ୟବସ୍ଥା ହୋଇପାରିବ ସେ ନେଇ ବିଭାଗୀୟ ଏସଡିଓଙ୍କୁ ଉକ୍ତ ଅଞ୍ଚଳକୁ ଆସି ସର୍ଭେ କରିବା ପାଇଁ ପଥପ୍ରାନ୍ତ ସଭାରୁ ଫୋନ ଯୋଗେ କହିଥିଲେ । 

କର୍ଲାମୁଣ୍ଡା ଏସବିଆଇ ଶାଖାରୁ ଚୋରି

କର୍ଲାମୁଣ୍ଡା ଏସବିଆଇ ଶାଖାରୁ ଚୋରି

କର୍ଲାମୁଣ୍ଡା,୧୦।୧୨(ଡି.ଏନ.ଏ.): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ସଦରସ୍ଥିତ ଭାରତୀୟ ଷ୍ଟେଟ ବ୍ୟାଙ୍କ ଶାଖାରୁ ବଡ ଧରଣର ଡକାୟତି ହୋଇଛି।

ଯୁବକଙ୍କ ମୃତଦେହ ଉଦ୍ଧାର: ଟାୟାର ଜାଳି ରାସ୍ତା ଅବରୋଧ

ଯୁବକଙ୍କ ମୃତଦେହ ଉଦ୍ଧାର: ଟାୟାର ଜାଳି ରାସ୍ତା ଅବରୋଧ

କଣ୍ଟାବାଞ୍ଜି,୧୦।୧୨ (ଡି.ଏନ୍‌.ଏ.): ବଲାଙ୍ଗୀର ଜିଲା କଣ୍ଟାବାଞ୍ଜି ଥାନା କଣ୍ଟାବାଞ୍ଜି କେ.ଭି. କଲେଜ ନିକଟରୁ ସୋମବାର ସକାଳେ ଜଣେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି।

ଦେଢ କୁଇଣ୍ଟାଲ ଗଞ୍ଜେଇ ଜବତ: ୫ ଗିରଫ

ଦେଢ କୁଇଣ୍ଟାଲ ଗଞ୍ଜେଇ ଜବତ: ୫ ଗିରଫ

ଖଡିଆଳ, ୧୦।୧୨(ଡି.ଏନ.ଏ.): ଗଞ୍ଜେଇ ଚୋରା ଚାଲାଣବେଳେ ଖଡିଆଳ ପୋଲିସ ଚଢାଉ କରି ୫ ଜଣଙ୍କୁ ଗିରଫ କରିଛି। ସେମାନଙ୍କଠାରୁ ପ୍ରାୟ କୁଇଣ୍ଟାଲ ୪୦ କେଜି ୬୪୦ ଗ୍ରାମ ଗଞ୍ଜେଇ ଜବତ କରାଯାଇଛି।

ଜିଲାପାଳ ଅଫିସ ଆଗରେ ଗର୍ଜିଲେ ଭୂମିହୀନ

ଜିଲାପାଳ ଅଫିସ ଆଗରେ ଗର୍ଜିଲେ ଭୂମିହୀନ

ବରଗଡ଼ ଅଫିସ୍‌,୧୦।୧୨: ଭୂମି ନାହିଁ ତ ଭୋଟ୍‌ ନାହିଁ, ସ୍ଥାୟୀ ଜମିପଟ୍ଟା ଆମର ଦାବି, ଏଭଳି ନାରାବାଜି କରି ସୋମବାର ସ୍ଥାନୀୟ ଜୟ କୋସଲ ଭୂମିହୀନ ସଂଗ୍ରାମ ସମିତି ପକ୍ଷରୁ ବରଗଡ଼ ଜିଲାପାଳ ଅଫିସ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି। 

ସ୍ବଚ୍ଛତା ବଜାୟ ରଖିବାକୁ ସଂକଳ୍ପ

ସ୍ବଚ୍ଛତା ବଜାୟ ରଖିବାକୁ ସଂକଳ୍ପ

ଅମରପାଲି, ୧୦।୧୨(ଡି.ଏନ.ଏ.) ସୁବର୍ଣ୍ଣପୁର ଜିଲା ବୀରମହାରାଜପୁର ବ୍ଲକ ମୁର୍ଷୁଣ୍ଢୀ ପଞ୍ଚାୟତର ବାସୁଦେବପୁର ଗାଁ କଲ୍ୟାଣ ସମିତି ଆନୁକୂଲ୍ୟରେ ବିଶ୍ୱାସ କାର୍ଯ୍ୟକ୍ରମର ଷଷ୍ଠ ଅଭିଯାନ ବ୍ୟକ୍ତିଗତ ଓ ଗୃହ ପରିଚ୍ଛନ୍ନତା ଦିବସ ପାଳିତ ହୋଇଯାଇଛି।

ଦକ୍ଷତା ଦେଖାଇଲେ ପ୍ରତିଯୋଗୀ

ଦକ୍ଷତା ଦେଖାଇଲେ ପ୍ରତିଯୋଗୀ

ଅମରପାଲି, ୧୦।୧୨(ଡି.ଏନ.ଏ.) ସୁବର୍ଣ୍ଣପୁର ଜିଲା ବୀରମହାରାଜପୁର ବ୍ଲକ ଅନ୍ତର୍ଗତ ମୁର୍ଷୁଣ୍ଢୀ ଓ ଲୁତୁରପଙ୍କ ଗ୍ରାମ ପଞ୍ଚାୟତରେ ବିଜୁ ଯୁବ ବାହିନୀ ଆନୁକୂଲ୍ୟରେ ମୁଁ ହିରୋ ମୁଁ ଓଡିଶା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। 

ନାବାଳିକା ଅପହରଣ, ହତ୍ୟା ମାମଲା: ମୁଖ୍ୟ ଅଭିଯୁକ୍ତଙ୍କ ସମେତ ୨ଗିରଫ

ନାବାଳିକା ଅପହରଣ, ହତ୍ୟା ମାମଲା: ମୁଖ୍ୟ ଅଭିଯୁକ୍ତଙ୍କ ସମେତ ୨ଗିରଫ

 ବରଗଡ଼ ଅଫିସ୍‌,୯।୧୨: ବରଗଡ଼ ଜିଲା ଭେଡ଼େନ ଥାନା ଅଞ୍ଚଳରେ ଜଣେ ନାବାଳିକା(୧୬)ଙ୍କୁ ଅପହରଣ ଓ ହତ୍ୟା ପରେ ମୃତଦେହକୁ ବିନ୍ଧ୍ୟବାସିନୀ ପାହାଡ଼ ଉପରେ ପକାଇଦେବା ଘଟଣାରେ ପୋଲିସ ୨ଜଣଙ୍କୁ ଗିରଫ କରି ରବିବାର କୋର୍ଟଚାଲାଣ କରିଛି। ଅଭିଯୁକ୍ତମାନେ ହେଲେ ଥୁଆପାଲି ଗ୍ରାମର କୈଳାଶ ଚନ୍ଦ୍ର ବାରିକ(୧୮) ଏବଂ ରମେଶ ଓରଫ ଛୋଟୁ ସାହାଣୀ(୨୬)। 

ଦିଗଶିରା ଆଞ୍ଚଳିକ ଧନୁଯାତ୍ରା ମହୋତ୍ସବ କଂସ ବରଣ

ଦିଗଶିରା ଆଞ୍ଚଳିକ ଧନୁଯାତ୍ରା ମହୋତ୍ସବ କଂସ ବରଣ

ଡୁଙ୍ଗୁରିପାଲି, ୯ା୧୨(ଡି.ଏନ୍‌.ଏ): ସୁବର୍ଣ୍ଣପୁର ଜିଲା ଡୁଙ୍ଗୁରିପାଲି ବ୍ଲକ ଦିଗଶିରା ୧୦ମ ବର୍ଷ ଆଞ୍ଚଳିକ ଧନୁଯାତ୍ରା ମହୋସତ୍ବ ପାଇଁ କଂସ କଳାକାର ବରଣ ହୋଇଛି ା ବରଗଡ ଜିଲା ଦେଓଗାଁ ଗ୍ରାମର ଜଗଦାନନ୍ଦ ମିଶ୍ରଙ୍କୁ ଚଳିତ ବର୍ଷ କଂସ ଭୂମିକାରେ ଅଭିନୟ କରିବେ। 

ଶିଶୁର ସାମଗ୍ରିକ ବିକାଶ ମୂଳ ଲକ୍ଷ୍ୟ ହେଉ

ଶିଶୁର ସାମଗ୍ରିକ ବିକାଶ ମୂଳ ଲକ୍ଷ୍ୟ ହେଉ

ସୋନପୁର,୯।୧୨(ନି.ପ୍ର.): ପରୀକ୍ଷାରେ କେବଳ ଭଲ ନମ୍ବର ରଖିଲେ ହେବନି। ଶିଶୁଟି ସମସ୍ତ ଗୁଣରେ ପରିପୂର୍ଣ୍ଣ ହେବା ଆବଶ୍ୟକ। ପ୍ରତିଯୋଗିତାମୂଳକ ସମାଜରେ ଶିଶୁର ସାମଗ୍ରିକ ବିକାଶ କିଭଳି ହୋଇ ପରିବ ସେଥିପ୍ରତି ଅଭିଭାବକ ଓ ଶିକ୍ଷୟିତ୍ରୀ ଶିକ୍ଷକ ଦୃଷ୍ଟି ଦେବା ଆବଶ୍ୟକ ବୋଲି ସୋନପୁର ଭୀମଭୋଇ କଳା ମଣ୍ଡପଠାରେ ଦୟାନନ୍ଦ ପ୍ଲେ/ପବ୍ଲିକ୍‌ ସ୍କୁଲର ବାର୍ଷିକୋତ୍ସବରେ ମୁଖ୍ୟ ଅତିଥିଭାବେ ଯୋଗଦେଇ ଜିଲାପାଳ ମଧୁସୂଦନ ମିଶ୍ର ମତବ୍ୟକ୍ତ କରିଛନ୍ତି। 

କଫ ସିରଫ ଜବତ: ୩ଗିରଫ

କଫ ସିରଫ ଜବତ: ୩ଗିରଫ

ନୂଆପଡା ଅଫିସ/କୋମନା, ୯। ୧୨-ନୂଆପଡା ଜିଲା କୋମନା ଥାନା ପୋଲିସ କୌଣସି ସୂତ୍ରରୁ ଖବରପାଇ ସ୍ଥାନୀୟ ଜନ୍ଦ୍ରାମୁଣ୍ଡା ଗାଁରେ ଚଢାଉ କରି ବିଭିନ୍ନ ଜାଗାରୁ ୪୨୦ଟି କଫ ସିରଫ୍‌ ଜବତ କରିଛି। ଏଥିରେ ସମ୍ପୃକ୍ତ ୩ ଅଭିଯୁକ୍ତଙ୍କୁ ପୋଲିସ ଗିରଫ କରିଛି। ଏମାନଙ୍କ ବିରୋଧରେ ୨୧(ଖ) ଏନଡିପିଏସ ଆକ୍ଟ, ୨୭(ଖ) ଡ୍ରଗ୍ସ ଆଣ୍ଡ କସମେଟିକ୍ସ ଆକ୍ଟରେ ମାମଲା (ନଂ.୨୯୮/୧୮) ରୁଜୁ କରାଯାଇଛି। ଅଭିଯୁକ୍ତମାନେ ହେଲେ ଡାଳିନ୍ଦ୍ର ମାଝୀ (୩୪), ନବଘନ ମାଝୀ(୨୮) ଏବଂ ଲାଲମନ ମାଝୀ (୩୨)।