ସମ୍ବଲପୁର

ଅନାଥ ପିଲାଙ୍କ ଅବସ୍ଥା ଦୟନୀୟ :ଭାଇକୁ ପାଠ ପଢାଇବା ପାଇଁ ମୂଲ ଲାଗୁଛି ଭଉଣୀ

ଅନାଥ ପିଲାଙ୍କ ଅବସ୍ଥା ଦୟନୀୟ :ଭାଇକୁ ପାଠ ପଢାଇବା ପାଇଁ ମୂଲ ଲାଗୁଛି ଭଉଣୀ

ଜୁନାଗଡ଼,୧୨।୧୨(ଡି.ଏନ୍‌.ଏ.)-ମା’ବାପାଙ୍କ ମୃତ୍ୟୁ ପରେ ବେସାହାରା ହୋଇପଡିଥିବା ସାନ ଭାଇକୁ ସାହାରା ହୋଇଛନ୍ତି ବଡ ଭଉଣୀ। ସାନ ଭାଇର ଖାଇବା ପିଇବାଠାରୁ ପାଠ ପଢା ପର୍ଯ୍ୟନ୍ତ ସବୁ କଥା ବୁଝୁଛନ୍ତି ସେ। ଭାଇକୁ ଶିକ୍ଷିତ କରିବା ପାଇଁ ମୂଲ ଲାଗି ଅର୍ଥ ରୋଜଗାର କରୁଛନ୍ତି। ସେଥିରେ ସେ ସାନ ଭାଇକୁ ପାଠ ପଢାଉଛନ୍ତି। ଏବେ ଧାନ କଟା ଚାଲିଥିବାରୁ ଭଉଣୀ ଅନ୍ୟ ଲୋକଙ୍କ ଜମିରେ ଧାନ କାଟିବା ପାଇଁ ମୂଲ ଲାଗୁଥିବା ଦେଖିବାକୁ ମିଳିଛି।
ଭାଇକୁ ଶିକ୍ଷିତ କରିବା ପାଇଁ ଲାଗିପଡିଥିବା ଏହି ଭଉଣୀ ଜଣକ ହେଉଛନ୍ତି କଳାହାଣ୍ଡି ଜିଲା ଜୁନାଗଡ ବ୍ଲକ ମାଟିଗାଁ ପଞ୍ଚାୟତ କୁମ୍ବପଡାର ସୁଷମା ଗୁରୁ(୧୮)। ଏହି ବୟସରେ ନିଜ ସୁଖଶିରୀକୁ ତୁଚ୍ଛ କରିଦେଇଛନ୍ତି ସେ। ୬ ବର୍ଷ ତଳେ ତାଙ୍କ ବାପା ଶ୍ରୀବତ୍ସଙ୍କ ହୃଦ୍‌ଘାତରେ ମୃତ୍ୟୁ ହୋଇଥିଲା। କିଛିଦିନ ମା’ ବାସନ୍ତୀ ସେମାନଙ୍କୁ ଦୁଃଖ କଷ୍ଟରେ ପାଳିଥିଲେ। ସେ ମଧ୍ୟ ଏହାର ୪ ବର୍ଷ ପରେ ଅଜଣା ରୋଗରେ ଆରପାରିକୁ ଚାଲିଗଲେ। ଏହା ପରେ ୨ ଭାଇ ଓ ବଡ ଭଉଣୀ ଅନାଥ ହୋଇଯାଇଥିଲେ। ସାହାଭରସା ପାଇଁ କେହି ନ ଥିଲେ। ସେଦିନଠାରୁ ପଡାର କେହି ସମ୍ପର୍କୀୟ ଖାଇବାକୁ ଦେଲେ ସେମାନଙ୍କ ପେଟ ପୂରେ, ନଚେତ୍‌ ଭୋକ ଉପାସରେ ରହିବାକୁ ହୁଏ। ଏହି ସ୍ଥିତିକୁ ଦେଖି ୩ ପିଲାଙ୍କ ମଧ୍ୟରୁ କାର୍ତ୍ତିକ(୧୪)ଙ୍କୁ ତାଙ୍କ ଆଈ ପାଠ ପଢେଇବା ପାଇଁ ନେଇଯାଇଥିଲେ। ଏବେ ସେ ଆଈଙ୍କ ପାଖରେ ରହି ଭବାନୀପାଟଣାରେ ପାଠ ପଢୁଛନ୍ତି। ଘରେ ରହିଛନ୍ତି ସୁଷମା ଓ ତାଙ୍କ ସାନ ଭାଇ ବୈଷ୍ଣବ(୬)। ବୈଷ୍ଣବ ଏବେ ଗାଁ ସ୍କୁଲରେ ପ୍ରଥମ ଶ୍ରେଣୀରେ ପାଠ ପଢୁଛନ୍ତି।
କୁମ୍ବପଡାର ଏକ ଭଙ୍ଗା ଦଦରା ମାଟି କୁଡିଆ ଘରେ ରହନ୍ତି ଏହି ଅନାଥ ଭଉଣୀ ଭାଇ। ଘରଡିହ ଖଣ୍ଡିକ ଛାଡି ଦେଲେ ତାଙ୍କ ପାଖରେ ଆଉ କିଛି ନାହିଁ। ପୂର୍ବରୁ ତାଙ୍କ ବାପାଙ୍କ ନାମରେ ରାଶନ କାର୍ଡ ଥିଲା। ସେଥିରେ ସେମାନେ ଚାଉଳ ପାଉଥିଲେ। ନୂତନ ରାଶନ କାର୍ଡ ସେମାନଙ୍କୁ ବର୍ତ୍ତମାନ ପର୍ଯ୍ୟନ୍ତ ମିଳିପାରିନାହିଁ। ଭଉଣୀ ସୁଷମା ମାଟ୍ରିକ ପାସ କରିଛନ୍ତି। କଲେଜ ପଢିବାର ଇଚ୍ଛା ଥିଲେ ବି ଅର୍ଥ ଅଭାବରୁ ସେଥିରେ ପ୍ରତିବନ୍ଧକ ସୃଷ୍ଟି ହୋଇଛି। ନିଜ କରୁଣ କାହାଣୀ ସମ୍ପର୍କରେ ସୁଷମା ଜୁନାଗଡ଼ ବିଧାୟକ ଦିବ୍ୟଶଙ୍କର ମିଶ୍ରଙ୍କୁ ଲିଖିତ ଭାବେ ଗତ କିଛି ମାସ ତଳେ ଜଣାଇଥିଲେ। ଏହା ପରେ ବିଧାୟକ ମିଶ୍ର ନିଜସ୍ବ ପତ୍ରରେ ବିଡିଓଙ୍କୁ ଉକ୍ତ ପରିବାରକୁ ଶୀଘ୍ର ଏକ ଘର ଓ ଅନ୍ୟ ସରକାରୀ ସହାୟତା ଯୋଗାଇ ଦେବା ପାଇଁ ଲେଖିଥିଲେ। କିନ୍ତୁ ଅଦ୍ୟାବଧି କୌଣସି ସରକାରୀ ସହାୟତା ସେମାନଙ୍କୁ ମିଳିପାରିନାହିଁ। ତେବେ ବିଧାୟକ ମିଶ୍ର କହିବା ପରେ ସ୍ଥାନୀୟ ପଞ୍ଚାୟତ କର୍ତ୍ତୃପକ୍ଷ ସେତେବେଳେ ୧୦ କିଗ୍ରା ଚାଉଳ ଦେଇ ନିଜ କର୍ତ୍ତବ୍ୟ ସାରି ଦେଇଥିଲେ। ଏହାପରେ ଆଉ ସେମାନେ ଚାଉଳ ଦେଉ ନାହାନ୍ତି। ବର୍ତ୍ତମାନ ଏହି ଅନାଥ ଭାଇଭଉଣୀଙ୍କ ଅବସ୍ଥା ଦୟନୀୟ ହୋଇପଡିଛି। ସେମାନଙ୍କ ଭବିଷ୍ୟତ ଏବେ ଅନ୍ଧକାର। ଏଭଳି ଏକ ନିଃସହାୟ ଭଉଣୀଭାଇଙ୍କୁ ସରକାରୀ ସହାୟତା ଆବଶ୍ୟକ ଥିବାବେଳେ ପ୍ରଶାସନ ଏଥିପ୍ରତି ଦୃଷ୍ଟିଦେବାକୁ ସାଧାରଣରେ ନିବେଦନ କରାଯାଇଛି। ଏ ନେଇ ଜୁନାଗଡ଼ ବିଡିଓ ପରମବ୍ରହ୍ମ ଯୋଷୀଙ୍କୁ ପଚାରିବାରୁ ଶୀଘ୍ର ସେମାନଙ୍କୁ ରାଶନ କାର୍ଡ ଯୋଗାଇ ଦିଆଯିବ, ଅନ୍ୟ ସରକାରୀ ସହାୟତା ପାଇଁ ଜିଲାପାଳଙ୍କୁ ଜଣେଇବି ବୋଲି ପ୍ରତିଶ୍ରୁତି ଦେଇଛନ୍ତି।
ରିପୋର୍ଟ- ଉତ୍ତମ କୁମାର ଦାଶ

All Right Reserved By

ସମ୍ବଲପୁର

ଡକାୟତି ଯୋଜନା, ୪ ଗିରଫ, ଦେଶୀ ବନ୍ଧୁକ, ଖଣ୍ଡା ଜବତ

ଡକାୟତି ଯୋଜନା, ୪ ଗିରଫ, ଦେଶୀ ବନ୍ଧୁକ, ଖଣ୍ଡା ଜବତ

ରାଉରକେଲା ଅଫିସ,୨୨।୭- ଡକାୟତି ଯୋଜନା କରୁଥିବାବେଳେ ପ୍ଲାଣ୍ଟ ସାଇଟ୍‌ ଥାନା ପୋଲିସ ଶନିବାର ଚଢ଼ାଉ କରି ୪ଜଣଙ୍କୁ କାବୁ କରିଛି। ଏମାନେ ହେଲେ ରାଜଗାଙ୍ଗପୁର ଇଦଗା ମୋହଲ୍ଲାର ଏମ୍‌ଡି ଜଲିଲ (୪୨), ଗୋପବନ୍ଧୁପାଲିର ମହମ୍ମଦ ଅଫତାବ (୨୪), ମହତାବ ରୋଡ୍‌ର ମହମ୍ମଦ ରାଜା (୩୪) ଓ ପ୍ଲାଣ୍ଟ ସାଇଟ୍‌ ପୋଷ୍ଟ ଅଫିସ ଗଳିର ମହମ୍ମଦ ଚାନ୍ଦ (୩୦)। ଅନ୍ୟ ଜଣେ ଅଭିଯୁକ୍ତ ଫେରାର ହୋଇଯାଇଛନ୍ତି। ଏମାନେ ଏକ ବଡ଼ ଧରଣର ଡକାୟତି ଯୋଜନା କରୁଥିଲେ ବୋଲି ପୋଲିସ କହିଛି। ଗିରଫ ଅଭିୟୁକ୍ତମାନଙ୍କଠାରୁ ପୋଲିସ ଏକ ଦେଶୀ ବନ୍ଧୁକ, ୫ ଖଣ୍ଡା, ଦୁଇଟି ମୋବାଇଲ, ଗୋଟିଏ ବାଇକ (ନଂ. ଓଆର୍‌୧୪-ଟି୦୩୦୧) ଜବତ କରିଛି।

ବିଷାକ୍ତ ସାପ କାମୁଡାରେ ଯୁବକ ମୃତ

ବିଷାକ୍ତ ସାପ କାମୁଡାରେ ଯୁବକ ମୃତ

ବାଲିଶଙ୍କରା,୨୨।୭(ଡି.ଏନ.ଏ: କିଞ୍ଜିରକେଲା ଥାନା ଅନ୍ତର୍ଗତ ସିକାଯୋର ଗ୍ରାମରେ ରବିବାର ବିଷାକ୍ତ ସାପ କାମୁଡାରେ ଜଣେ ଯୁବକଙ୍କ ମୃତ୍ୟୁ ଘଟିଛି । ମୃତକ ଜଣଙ୍କ ହେଲେ ଉକ୍ତ ଗ୍ରାମର ସିବିଲ ଲାକଡା (୪୨)। ପ୍ରକାଶ ଯେ, ଗତ ୨୦ ତାରିଖ ଅପରାହ୍ନରେ ସିବିଲ ନିକଟସ୍ଥ ଜଙ୍ଗଲକୁ ଛତୁ ସଂଗ୍ରହ ପାଇଁ ଯାଇଥିଲେ। ସନ୍ଧ୍ୟା ସମୟରେ ଘରକୁ ଫେରିବା ପରେ ମୋର ମୁଣ୍ଡ ବିନ୍ଧୁଛି ବୋଲି କହିଥିଲେ । ୨୧ତାରିଖ ସକାଳେ ପରିବାର ଲୋକେ ଦେଖିଥିଲେ ତାଙ୍କ ମୁହଁରୁ ଫେଣ ବାହାରୁଛି।

ହୀରାକୁଦ ଡ୍ୟାମ ଜଳସ୍ତର ୬୧୨.୯୨

ହୀରାକୁଦ ଡ୍ୟାମ ଜଳସ୍ତର ୬୧୨.୯୨

ସମ୍ବଲପୁର,୨୨।୭(ବ୍ୟୁରୋ): ହୀରାକୁଦ ଜଳଭଣ୍ଡାର ଜଳସ୍ତର ରବିବାର ସନ୍ଧ୍ୟା ୬ଟା ସୁଦ୍ଧା ୬୧୨.୯୨ ଫୁଟ ରହିଛି। ଜଳଭଣ୍ଡାରକୁ ବିଗତ ୩ଘଣ୍ଟା ଧରି ପ୍ରତି ସେକେଣ୍ଡରେ ୧,୬୪,୮୭୪ କ୍ୟୁସେକ୍‌ ଜଳ ପ୍ରବେଶ କରୁଛି । ସେହିପରି ଜଳଭଣ୍ଡାରରୁ ବିଭିନ୍ନ କେନାଲ ମାଧ୍ୟମରେ ପ୍ରତି ସେକେଣ୍ଡରେ ୩୭୦ କ୍ୟୁସେକ୍‌ ନିଷ୍କାସିତ ହେଉଛି। ୨୪ ଘଣ୍ଟା ମଧ୍ୟରେ ଉପରମୁଣ୍ଡରେ ୨୯.୮୯ ମିମି ବର୍ଷା ହୋଇଛି। ସେହିପରି ତଳମୁଣ୍ଡରେ ୧୩୦.୬୧ ମିମି ବର୍ଷା ହୋଇଥିବା ରେକର୍ଡ କରାଯାଇଛି। ସମ୍ବଲପୁର ମହାନଗର ନିଗମ ଅନ୍ତର୍ଗତ ବୁର୍ଲାଠାରେ ୬୨୧. ୪୦ ମିମି ବର୍ଷା ହୋଇଥିବା ହୀରାକୁଦ ଡ୍ୟାମ କଣ୍ଟ୍ରୋଲ ରୁମ ପକ୍ଷରୁ ସୂଚିତ କରାଯାଇଛି ।

ଦିନକର ବର୍ଷାରେ ବୀମରହାରାଜପୁର ଉପଖଣ୍ଡ ଜଳାର୍ଣ୍ଣବ, ଯୋଗାଯୋଗ ବିଚ୍ଛିନ୍ନ

ଦିନକର ବର୍ଷାରେ ବୀମରହାରାଜପୁର ଉପଖଣ୍ଡ ଜଳାର୍ଣ୍ଣବ, ଯୋଗାଯୋଗ ବିଚ୍ଛିନ୍ନ

ବୀରମହାରାଜପୁର, ୨୨ା୭(ଡି.ଏନ.ଏ.): ଦୁଇଦିନର ଲଗାଣ ବର୍ଷାରେ ସୁବର୍ଣ୍ଣପୁର ଜିଲା ବୀମରହାରାଜପୁର ଉପଖଣ୍ଡର ଅବସ୍ଥା ବେହାଲ ହୋଇଛି। କେବଳ ଗୋଟିଏ ଦିନ (ଶନିବାର)ର ବୃଷ୍ଟିପାତ ୪୧୩ ମିମି ରେକର୍ଡ କରାଯାଇଛି। ଏହାର ପ୍ରଭାବରେ ଦେଖାଦେଇଛି ବନ୍ୟାଜନିତ ପରିସ୍ଥିତି।

ମୁହାଣ ନାଳରେ ଭାସିଗଲେ ଯୁବକ: ବର୍ଷା ଯୋଗୁ ରେଢ଼ାଖୋଲ-ବିରମହାରାଜପୁର ବିଛିନ୍ନ

ରେଢ଼ାଖୋଲ,୨୨।୭(ଡି.ଏନ.ଏ.) ରେଢ଼ାଖୋଲ ଅଞ୍ଚଳରେ ଶନିବାର ଦିନ ତମାମ ପ୍ରବଳ ବର୍ଷା ଲାଗିରହିଛି। ବର୍ଷା ଯୋଗୁ ଛୋଟବଡ ନଇ ନାଳରେ ବନ୍ୟାପାଣି ପ୍ରବାହିତ ହେଉଛି। ରେଢ଼ାଖୋଲ-ବୀରମହାରାଜପୁର ରାସ୍ତାର ପିତାମହୁଲ ନିକଟରେ ଥିବା ପୋଲ ଉପରେ ପ୍ରାୟ ୫ଫୁଟ ବନ୍ୟାପାଣି ପ୍ରବାହିତ ହେଉଥିବା ଯୋଗୁଁ ଯୋଗାଯୋଗ ବିଚ୍ଛିନ୍ନ ହୋଇଛି। ବଂଶାଜାଲ ପଞ୍ଚାୟତର କୁଇଲିପଦର ଗାଁ ନିକଟରେ ଥିବା ମୁହାଣ ନାଳରେ ବନ୍ୟା ଜଳ ଯୋଗୁ କୁଇଲିପଦର ଗ୍ରାମର ସୁରେଶ କରଣ (୨୫) ନାମକ ଜଣେ ଯୁବକ ଭାସି ଯାଇଛନ୍ତି।

ଡ଼ମ୍ପର-କାର ଧକ୍କା: ଖବରଦାତା ମୃତ, ଝିଅ ଗୁରୁତର

ଡ଼ମ୍ପର-କାର ଧକ୍କା: ଖବରଦାତା ମୃତ, ଝିଅ ଗୁରୁତର

କୁଆଁରମୁଣ୍ଡା, ୨୨।୭(ଡି.ଏନ.ଏ.)-ରବିବାର ସକାଳ ପ୍ରାୟ ୯ଟା ୧୦ରେ ସୁନ୍ଦରଗଡ଼ ଜିଲା ବୀରମିତ୍ରପୁର ଥାନା କୁଆଁରମୁଣ୍ଡା ଫାଣ୍ଡି ଅନ୍ତର୍ଗତ ୧୪୩ ନଂ. ଜାତୀୟ ରାଜପଥରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। କାର ସହିତ ଡମ୍ପରର ମୁହାଁମୁହିଁ ଧକ୍କା ହୋଇଥିଲା। କାରରେ ଯାଉଥିବା ସ୍ଥାନୀୟ ଅଞ୍ଚଳର ଜଣେ ଖବରଦାତା ସଞ୍ଜୟ କୁମାର ରାଉଳ (୪୪)ଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି। ତାଙ୍କ ଝିଅ ଗୁରୁତର ହୋଇଛନ୍ତି।

ଦୁର୍ବୃତ୍ତଙ୍କ ଭୁଜାଲି ମାଡରେ ଜଣେ ମୃତ

ଦୁର୍ବୃତ୍ତଙ୍କ ଭୁଜାଲି ମାଡରେ ଜଣେ ମୃତ

ଲହୁଣୀପଡ଼ା,୨୨।୭ (ଡି.ଏନ.ଏ.)- ସୁନ୍ଦରଗଡ଼ ଜିଲା ଲହୁଣୀପଡ଼ା ଥାନା ଅଧୀନ କୁଡେଇକଳା ଗଣିଘଷା ଗ୍ରାମରେ ଏକ ଅଘଟଣ ଘଟିଛି। କେହି ଜଣେ ଦୁର୍ବୃତ୍ତ ସମ୍ଭାରୁ ମୁଣ୍ଡା (୫୦) ନାମକ ଜଣେ ବ୍ୟକ୍ତିଙ୍କୁ ଭୁଜାଲିରେ ହାଣି ହତ୍ୟା କରିଥିବା ଜଣାପଡିଛି। ମିଳିଥିବା ସୂଚନା ମୁତାବକ, କୁଡେଇକଳା ପଞ୍ଚାୟତ କୁଡେଇକଳା- ହଳଦୀକାଞ୍ଚି ରାସ୍ତାରେ ଶନିବାର ସମ୍ଭାରୁ ମୁଣ୍ଡାଙ୍କ ରକ୍ତ ଜୁଡୁବୁଡୁ ଅବସ୍ଥାରେ ମୃତଦେହ ପଡିଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ।

୯.୪ ଟନ୍‌ ଚୋରା ଲୁହା ସ୍କ୍ରାପ ଜବତ, ଟ୍ରକ୍‌ ଚାଳକ ଗିରଫ

କୁଆଁରମୁଣ୍ଡା,୨୨।୭(ଡି.ଏନ୍‌.ଏ.)- ସୁନ୍ଦରଗଡ଼ ଜିଲା କୁଆଁରମୁଣ୍ଡା ଫାଣ୍ଡି ଅଧୀନ ସରକାରୀ ଡାଏରୀ ଫାର୍ମ ସମ୍ମୁଖ ୧୪୩ ନମ୍ବର ଜାତୀୟ ରାଜପଥରେ ଶନିବାର ମଧ୍ୟାହ୍ନରେ ରାଉରକେଲାରୁ କୁଆଁରମୁଣ୍ଡା ଚୋରା ଲୁହା ସ୍କ୍ରାପ ଚାଲାଣ ହେଉଥିବା ବେଳେ ପୋଲିସ ହାତରେ ଧରାପଡ଼ିଛି। ଚୋରା ଲୁହା ସ୍କ୍ରାପ ବୋଝେଇ ଟ୍ରକ(ନଂ.ଓଆର୧୬ଏ୨୭୯୮)କୁ ପୋଲିସ ଜବତ କରିଥିବା ବେଳେ ଟ୍ରକ୍‌ କକଚାଳକ ବଲଣ୍ଡା ଅଞ୍ଚଳର ଅର୍ଜୁନଶେଖର ଦେବ(୪୦)ଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି।

ବାର୍ଦ୍ଧକ୍ୟରେ ବିଦ୍ୟାଙ୍ଗ ପୁଅର ବୋଝ: ଜିଲାପାଳଙ୍କ ଦ୍ୱାରସ୍ଥ ହେଲେ କଲାବତୀ

ବାର୍ଦ୍ଧକ୍ୟରେ ବିଦ୍ୟାଙ୍ଗ ପୁଅର ବୋଝ: ଜିଲାପାଳଙ୍କ ଦ୍ୱାରସ୍ଥ ହେଲେ କଲାବତୀ

ସୁନ୍ଦରଗଡ଼,୨୨।୭(ଡି.ଏନ୍‌.ଏ.) ବୃଦ୍ଧା, ବୃଦ୍ଧଙ୍କ ନିମନ୍ତେ ସରକାର ବାର୍ଦ୍ଧକ୍ୟ ଭତ୍ତା ଯୋଜନା କାର୍ଯ୍ୟକାରୀ କରିଛନ୍ତି। ହେଲେ ଏବେ ମଧ୍ୟ ଗ୍ରାମାଞ୍ଚଳରେ ଅନେକ ବୃଦ୍ଧା, ବୃଦ୍ଧ ସରକାରଙ୍କ ଏହି ଯୋଜନାରୁ ବଞ୍ଚିତ ହେଉଛନ୍ତି। କଳାବତୀ ଦୀପ ବୟସ ୭୬ ହେବ। ବୟସର ସାୟାନ୍ନରେ ସରକାରଙ୍କ ବାର୍ଦ୍ଧକ୍ୟ ଭତ୍ତା ତାଙ୍କ ପାଇଁ ସାତସପନ ପାଲଟିଛି । ଭତ୍ତା ପାଇବା ପାଇଁ ପଞ୍ଚାୟତ ଅଫିସରୁ ଆରମ୍ଭ କରି ବ୍ଲକ ଅଫିସ ପର୍ଯ୍ୟନ୍ତ ଦୌଡି ନିରାଶ ହେବା ପରେ ଶେଷରେ ଶନିବାର ଜିଲାପାଳଙ୍କ ଅଫିସରେ ପହଞ୍ଚି ଭତ୍ତା ମଞ୍ଜୁର ପାଇଁ ଜିଲାପାଳଙ୍କୁ ଗୁହାରି କରିଛନ୍ତି।

ସିଆରସିସି, ଏବିଇଓଙ୍କୁ ଶିକ୍ଷକଙ୍କ ହତ୍ୟା ଧମକ

କୁଆଁରମୁଣ୍ଡା,୨୨।୭(ଡି.ଏନ୍‌.ଏ.)- ସୁନ୍ଦରଗଡ଼ ଜିଲା କୁଆଁରମୁଣ୍ଡା ବ୍ଲକ ଶିକ୍ଷା କାର୍ଯ୍ୟାଳୟ ଅଧୀନ ମଝାପଡ଼ା ଶିକ୍ଷା କ୍ଲଷ୍ଟର କେନ୍ଦୁମୁଣ୍ଡା ପ୍ରକଳ୍ପ ପ୍ରାଥମିକ ବିଦ୍ୟାଳୟର ଜନୈକ ସହକାରୀ ଶିକ୍ଷକ ବିଳମ୍ବରେ ସ୍କୁଲ ଆସୁଥିବା ନେଇ ଅଭିଯୋଗ ହୋଇଥିଲା। ଏନେଇ ସ୍ଥାନୀୟ ସିଆରସିସି ନବୀନ ଲାକ୍ରା ତାଙ୍କୁ କାରଣ ଦର୍ଶାଅ ନୋଟିସ୍‌ ଜାରି କରି ଜାଗିଦ୍‌ କରିଥିଲେ। ହେଲେ ସହକାରୀ ଶିକ୍ଷକ ଜଣକ କଥାକୁ ଭ୍ରୁକ୍ଷେପ ନ କରି ବାରମ୍ବାର ସ୍କୁଲ ବଳମ୍ବରେ ଆସୁଥିଲେ।

ପ୍ରଶାସନ-ସ୍ଥାନୀୟ ପ୍ରତିନିଧିଙ୍କ ଆଲୋଚନା: ବଢେଇମୁଣ୍ଡା ରାସ୍ତାରେ ପାଉଁଶ ଗାଡି ଚଳାଚଳ ବନ୍ଦ

ଝାରସୁଗୁଡା ଅଫିସ,୨୨।୭- ଭାରିଯାନ ଚଳାଚଳକୁ ବିରୋଧ କରି ବଢେଇମୁଣ୍ଡା ଠାରେ ରାସ୍ତା ଅବରୋଧ ପରେ ଶୁକ୍ରବାର ସମାଧାନ ପାଇଁ ପ୍ରଶାସନିକ ବୈଠକ ଡକାଯାଇଛି। ସାଧାରଣ ଲୋକ ଏବଂ ଛାତ୍ରୀଛାତ୍ରଙ୍କ ଯାତାୟତ ଯୋଗୁ ସକାଳ ୬ଟାରୁ ୧୦ଟା ଯାଏଁ ଦେବାଡିହି, ବଢେଇମୁଣ୍ଡା ଆରଡି ରୋଡରେ ଭାରିଯାନ ଚଳାଚଳ ବନ୍ଦ ରହିବ। ସେହିପରି ଏହି ରାସ୍ତାରେ ପାଉଁଶ ବୋଝେଇ ଭାରିଯାନ ଚଳାଚଳ ସମ୍ପୂର୍ଣ୍ଣ ବନ୍ଦ ରହିବାକୁ ସ୍ଥର କରାଯାଇଛି।

ଆନ୍ଦୋଳନ ଠାରୁ ଦୂରରେ ନେତା: ଭାଜପା, କଂଗ୍ରେସର ଟାଉନ ସଙ୍ଗଠନ ଦୁର୍ବଳ

ଝାରସୁଗୁଡା ଅଫିସ,୨୨।୭- ସହରାଞ୍ଚଳରେ ଅନେକ ସମସ୍ୟା। ରାସ୍ତା, ଡ୍ରେନ୍‌, ପାନୀୟଜଳ, ଆଲୋକ ବ୍ୟବସ୍ଥା, ଆବର୍ଜନା, ଜବରଦଖଲ, ବସ୍ତି, ଭେଣ୍ଡିଂଜୋନ, କଂସେଇଖାନା, କାଞ୍ଚିଆ ହାଉସ୍‌ ଭଳି ଗଣ୍ଡା ଗଣ୍ଡା ସମସ୍ୟ। ସେସବୁର ସମାଧାନ କରିବା ପ୍ରଶାସନିକ କାମ। ନ ହେଲେ ରାଜନୈତିକ ହସ୍ତକ୍ଷେପ। ଧାରଣା, ବିକ୍ଷୋଭ, ଆନ୍ଦୋଳନ, ଅନଶନ ଭଳି କଠୋର ପଦକ୍ଷେପ ଆବଶ୍ୟକ।

Model This Week

ଚିଣ୍ଟୁ