ଅପରାଧ |

ଡି’ ବ୍ରଦର୍ସଙ୍କ ନାଁରେ ଆତଙ୍କ: ଦାଦାବଟି ନ ଦେବାରୁ ଶିଳ୍ପପତିଙ୍କୁ ହାଣିଲେ

ଡି’ ବ୍ରଦର୍ସଙ୍କ ନାଁରେ ଆତଙ୍କ: ଦାଦାବଟି ନ ଦେବାରୁ ଶିଳ୍ପପତିଙ୍କୁ ହାଣିଲେ

ଭୁବନେଶ୍ୱର,୧୧ା୧୨ (ବ୍ୟୁରୋ)- ଗ୍ୟାଙ୍ଗ୍‌ଷ୍ଟର ସୁଶୀଲ ଧଳସାମନ୍ତ ଓ ସୁଶାନ୍ତ ଧଳସାମନ୍ତ ଏବେ ଜେଲ୍‌ରେ। ମାତ୍ର ତାଙ୍କ ଅପରାଧ ସାମ୍ରାଜ୍ୟ ଏବେବି ଜାରି ରହିଛି। ସହଯୋଗୀମାନେ ଜେଲ୍‌ରୁ ମୁକୁଳିବା ପରେ ନୂଆ ଗ୍ୟାଙ୍ଗ୍‌ ଗଢ଼ି ଆତଙ୍କ ସୃଷ୍ଟି କରୁଛନ୍ତି। କଟକ ପରେ ରାଜଧାନୀରେ ଡି’ ବ୍ରଦର୍ସ ସହଯୋଗୀଙ୍କ ରାଜ୍‌ ନଜରକୁ ଆସିଛି। ସୋମବାର ଦାଦାବଟି ପାଇଁ ସହୀଦନଗର ଥାନା ଅନ୍ତର୍ଗତ ରସୁଲଗଡ଼ ଶିଳ୍ପାଞ୍ଚଳରେ ଆତଙ୍କ ଖେଳାଇଛନ୍ତି। ଦାଦାବଟି ନ ଦେବାରୁ କୋଚିଲେଇ ହାଟ ପଛପାର୍ଶ୍ୱରେ ଥିବା ଭାଲେଣ୍ଟିନା ପାଇପ୍‌ କମ୍ପାନୀ ମାଲିକ ନିକୁଞ୍ଜ ଛୋଟରାୟଙ୍କ ସମେତ ୨ଜଣଙ୍କୁ ଖଣ୍ଡାରେ ହାଣିବା ସହ ଭଙ୍ଗାରୁଜା କରିଛନ୍ତି। ତେବେ ବିଳମ୍ବରେ ପୋଲିସ ପହଞ୍ଚତ୍ବା ପୂର୍ବରୁ ଦୁର୍ବୃତ୍ତମାନେ ଲୁଟ୍‌ପାଟ କରି ପଳାଇଥିଲେ।
ଅଭିଯୋଗ ଅନୁଯାୟୀ, ସୋମବାର ସନ୍ଧ୍ୟାରେ ୫ଜଣ ଯୁବକ ହାତରେ ଖଣ୍ଡା ଓ ବିଭିନ୍ନ ମାରଣାସ୍ତ୍ର ଦରି ଭାଲେଟିନା ପାଇପ୍‌ କମ୍ପାନୀ ଅଫିସ୍‌ରେ ପଶିଥିଲେ। ପ୍ରଥମେ ସେମାନେ ମାଲିକଙ୍କୁ ଡାକିଥିଲେ। ନିଜକୁ ଡି ବ୍ରଦର୍ସଙ୍କ ସହଯୋଗୀ ବୋଲି କହି ୫ଲକ୍ଷ ଟଙ୍କା ଦାଦା ବଟି ମାଗିଥିଲେ। ମାଲିକ ନିକୁଞ୍ଜ ଦାଦାବଟି ଦେବାକୁ ମନା କରିବାରୁ ଦୁର୍ବୃତ୍ତମାନେ ପ୍ରଥମେ କମ୍ପାନୀରେ ଲାଗିଥିବା ସିସିଟିଭିକୁ ବାଡେଇ ଭାଙ୍ଗିଥିଲେ। ପରେ ଅଫିସ ଭିତରେ ପଶି ଭାଙ୍ଗାରୁଜା ଆରମ୍ଭ କରି ଦେଇଥିଲେ। ଅଫିସରେ ଥିବା କର୍ମଚାରୀ ଏହାକୁ ବିରୋଧ କରିଥିଲେ ମଧ୍ୟ ସେମାନେ ତାଙ୍କୁ ଆକ୍ରମଣ କରିଥିଲେ। ପରେ ସେମାନେ କମ୍ପାନୀ ମାଲିକ ନିକୁଞ୍ଜଙ୍କୁ ଖଣ୍ଡାରେ ଆକ୍ରମଣ କରିଥିଲେ। ମାଲିକଙ୍କୁ ଆକ୍ରମଣ ସମୟରେ ଜଣେ କର୍ମଚାରୀ ପ୍ରତିରୋଧ କରିବାକୁ ଯାଇ ଖଣ୍ଡା ଆକ୍ରମଣର ଶିକାର ହୋଇଥିଲେ। ଏପରିକି ବହୁ ସମୟ ଧରି ଆତଙ୍କ ଖେଳାଇଥିଲେ। ଯିବାବେଳେ ଗୁରୁତର ଆହତ ନିକୁଞ୍ଜ ପିନ୍ଧିଥିବା ସୁନା ଚେନ୍‌, ମୁଦି ଓ ୯ହଜାର ଟଙ୍କା ନେଇ ପଳାଇଥିଲେ। ରକ୍ତ ଜୁଡୁବୁଡୁ ଅବସ୍ଥାରେ ନିକୁଞ୍ଜଙ୍କୁ କେତେଜଣ କର୍ମଚାରୀ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରିଥିଲେ। ଘଟଣା ଘଟୁଥିବାବେଳେ ଅଫିସ୍‌ କର୍ମଚାରୀମାନେ ପୋଲିସକୁ ଫୋନ୍‌ କରି ଜଣାଇଥିଲେ। ମାତ୍ର ସହୀଦନଗର ଓ ମଞ୍ଚେଶ୍ୱର ଥାନାର ମଧ୍ୟସ୍ଥଳରେ ଦୁର୍ବୃତ୍ତମାନେ ଏତେ ସମୟ ଧରି ଏଭଳି କାଣ୍ଡ ଘଟାଇଥିଲେ ମଧ୍ୟ ପୋଲିସ ଆସି ନ ଥିଲା। ଦୁଇ ଘଣ୍ଟା ବିଳମ୍ବରେ ପୋଲିସ ପହଞ୍ଚତ୍ବାବେଳକୁ ଦୁର୍ବୃତ୍ତମାନେ ଖସି ଯିବାକୁ ସୁଯୋଗ ପାଇଥିଲେ। ରିପୋର୍ଟ ଲେଖାହେବା ବେଳକୁ ଥାନାରେ କୌଣସି ମାମଲା ରୁଜୁ ହୋଇ ନ ଥିଲା।

All Right Reserved By

Model This Week

Model This Week

ଅପରାଧ |

ପେଟ୍ରୋଲ ଢାଳି ଘର ଜାଳିଦେଲେ ଦୁର୍ବୃତ୍ତ

ପେଟ୍ରୋଲ ଢାଳି ଘର ଜାଳିଦେଲେ ଦୁର୍ବୃତ୍ତ

କୁଜଙ୍ଗ,୨୫।୪(ସ୍ବ.ପ୍ର.): ସୋମବାର ବିଳମ୍ବିତ ରାତିରେ କୁଜଙ୍ଗ ଥାନା ଗୋପିଆକୁଦ (ତାଳଦଣ୍ଡା) ଗ୍ରାମରେ କେତେଜଣ ଦୁର୍ବୃତ୍ତ ଗ୍ରାମର ଯଜ୍ଞେଶ୍ୱର ପଣ୍ଡାଙ୍କ ଘରକୁ ପେଟ୍ରୋଲ୍‌ ଢାଳି ନିଅଁ। ଲଗାଇ ଦେଇଛନ୍ତି। ମାତ୍ର ପରିବାର ଲୋକେ ଅଳ୍ପକେ ବର୍ତ୍ତି ଯାଇଛନ୍ତି। ତେବେ ଘରର ସମସ୍ତ ଆସବାବପତ୍ର ପୋଡ଼ି ପାଉଁଶ ହୋଇଯାଇଛି। ଏ ନେଇ କ୍ଷତିଗ୍ରସ୍ତ ପରିବାର ଥାନାର ଦ୍ୱାରସ୍ଥ ହୋଇଛନ୍ତି। ହେଲେ ପୋଲିସ ଏ ପର୍ଯ୍ୟନ୍ତ କାହାରିକୁ ଗିରଫ କରି ପାରିନାହିଁ। ସୂଚନା ଅନୁସାରେ, ଯଜ୍ଞେଶ୍ୱରଙ୍କ ପରିବାରଲୋକେ ଶୋଇଥିବାବେଳେ ଦୁର୍ବୃତ୍ତ ତାଙ୍କ ଘରେ ନିଅଁ। ଲଗାଇ ଦେଇଥିଲେ। ଏହାଦେଖି ପରିବାରର ସମସ୍ତ ସଦସ୍ୟ ଉଠି ପଡ଼ିଥିଲେ। ଏହି ସମୟରେ ସ୍ଥାନୀୟ ଅଞ୍ଚଳର ଜଣେ ବ୍ୟକ୍ତି ଓ ତାଙ୍କ ସହଯୋଗୀ ନିଅଁ। ଲଗାଉଥିବା ଯଜ୍ଞେଶ୍ୱରଙ୍କ ଝିଅ ଦେଖିଥିଲେ। ପରେ ସେମାନଙ୍କୁ ଯଜ୍ଞେଶ୍ୱରଙ୍କ ପରିବାର ଲୋକେ କାବୁ କରିବାକୁ ଚେଷ୍ଟା କରିଥିଲେ। ହେଲେ ତାହା ସମ୍ଭବ ହୋଇ ପାରି ନ ଥିଲା। ଦୁର୍ବୃତ୍ତ ଏମାନଙ୍କୁ ଆକ୍ରମଣ କରି ଘଟଣାସ୍ଥଳରୁ ଫେରାର ହୋଇ ଯାଇଥିଲେ। ଏ ସମ୍ପର୍କରେ କୁଜଙ୍ଗ ଥାନା ଅଧିକାରୀ ଦିଲୀପ କୁମାର ସାହୁ କହିଛନ୍ତି, ଆମ ନିକଟରେ ଅଭିଯୋଗ ହୋଇଛି। ଘଟଣାର ତଦନ୍ତ ଚାଲିଛି। ତୁରନ୍ତ ଦୋଷୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

ଯୌତୁକଜନିତ ବଧୂ ହତ୍ୟା ଅଭିଯୋଗ

ଯୌତୁକଜନିତ ବଧୂ ହତ୍ୟା ଅଭିଯୋଗ

ଜଳେଶ୍ୱର, ୨୪। ୪ (ଡି.ଏନ.ଏ)-ଜଳେଶ୍ୱର ଥାନା ଆରୁହା ପଞ୍ଚାୟତ ଅନ୍ତର୍ଗତ ନିମପୁର ଗ୍ରାମର ଅନୀଲ ସିଂଙ୍କ ସ୍ତ୍ରୀ ଗୀତାରାଣୀଙ୍କୁ ଯୌତୁକ ପାଇଁ ହତ୍ୟା କରାଯାଇଥିବା ସୋମବାର ଗୀତାରାଣୀଙ୍କ ବାପା ବିଜୟାନନ୍ଦ ପରିଡ଼ା ଜଳେଶ୍ୱର ଥାନାରେ ଅଭିଯୋଗ କରିଛନ୍ତି। ଏହି ହତ୍ୟାକାଣ୍ଡରେ ତାଙ୍କ ଶାଶୁ, ଶ୍ୱଶୁର ଓ ସ୍ବାମୀ ସମ୍ପୃକ୍ତ ଥିବା ଏତଲାରେ ଦର୍ଶାଯାଇଛି। ଅଭିଯୋଗକୁ ଭିତ୍ତି କରି ପୋଲିସ ଏକ ଯୌତୁକଜନିତ ବଧୂହତ୍ୟା ମାମଲା (ନଂ.୧୧୩/୨୦୧୮) ରୁଜୁ କରିଛି। ସ୍ବାମୀ, ଶାଶୁ ଓ ଶ୍ୱଶୁରଙ୍କୁ ପୋଲିସ ଅଟକ ରଖି ପଚରାଉଚୁରା କରୁଛି।

ଚଳନ୍ତା ଟ୍ରେନରୁ ୨ ନାବାଳକଙ୍କୁ ଠେଲିଦେଲେ ମଦ୍ୟପ

ଚଳନ୍ତା ଟ୍ରେନରୁ ୨ ନାବାଳକଙ୍କୁ ଠେଲିଦେଲେ ମଦ୍ୟପ

ରାୟଗଡ଼ା ଅଫିସ, ୨୪।୪- ରାୟଗଡା-କୋରାପୁଟ ଇଣ୍ଟରସିଟି ଚଳନ୍ତା ଟ୍ରେନରୁ ଜଣେ ମଦ୍ୟପ ୨ଜଣ ବାଳକଙ୍କୁ ଠେଲିଦେବାରୁ ସେମାନେ ଗୁରୁତର ଆହତ ହୋଇଛନ୍ତି। ଆହତମାନେ ହେଲେ ରାୟଗଡ଼ା ଜିଲା କାଶୀପୁର ବ୍ଲକ ରେଙ୍ଗା ପଞ୍ଚାୟତ ଡାବାଡିଗୁଡା ଗ୍ରାମର ସନ୍ତୋଷ ନାୟକ ଓ ଲଛମନ ନାୟକ।

ବ୍ରଜରାଜନଗର ହତ୍ୟାକାଣ୍ଡ ଘଟଣା: ୩ ଜଣଙ୍କୁ ଆଜୀବନ ଜେଲ

ବ୍ରଜରାଜନଗର ହତ୍ୟାକାଣ୍ଡ ଘଟଣା: ୩ ଜଣଙ୍କୁ ଆଜୀବନ ଜେଲ

ଝାରସୁଗୁଡା ଅଫିସ,୨୪। ୪: ଝାରସୁଗୁଡା ଜିଲା ବ୍ରଜରାଜନଗରରେ ଘଟିଥିବା ଏକ ହତ୍ୟାକାଣ୍ଡର ରାୟ ମଙ୍ଗଳବାର ପ୍ରକାଶ ପାଇଛି।

ତେଣ୍ଟଲୋଇ ନରୋତ୍ତମ ହତ୍ୟା ମାମଲା, ୩ କୋର୍ଟଚାଲାଣ

ବଅଁରପାଳ,୨୪।୪(ଡି.ଏନ.ଏ.)- ବଅଁରପାଳ ଥାନା ତେଣ୍ଟଲୋଇ ଗ୍ରାମରେ ରବିବାର ପୂର୍ବ ଶତ୍ରୁତାକୁ କେନ୍ଦ୍ରକରି ନରୋତ୍ତମ ନାୟକଙ୍କୁ ହତ୍ୟା କରାଯାଇଥିବା ଥାନାରେ ଅଭିଯୋଗ ହୋଇଥିଲା।

ମହିଳା ସରପଞ୍ଚଙ୍କୁ ଅସଦାଚରଣ

ଗୋପବନ୍ଧୁନଗର, ୨୪।୪ (ଡି.ଏନ୍‌.ଏ) -ଜଣେ ମହିଳା ସରପଞ୍ଚଙ୍କୁ ଅସଦାଚରଣ କରିବା ଅଭିଯୋଗ ନେଇ ଗୋପବନ୍ଧୁନଗର ବ୍ଲକ କୁଆମରା ପଞ୍ଚାୟତ ସିକିଡିଆ ଗାଁରେ ଉତ୍ତେଜନା ଦେଖାଦେଇଛି। ଏନେଇ ଗ୍ରାମସଭା ବସିଥିବା ବେଳେ ସମ୍ପୃକ୍ତ ସରପଞ୍ଚଜଣକ ଉକ୍ତ ଯୁବକଙ୍କୁ ମାଡ ମାରିଥିବା ଅଭିଯୋଗ ହୋଇଛି। ଉଭୟ ପକ୍ଷଙ୍କ ଅଭିଯୋଗକୁ ଭିତ୍ତି କରି ଗୋପବନ୍ଧୁନଗର ଥାନାରେ ୨ଟି ମାମଲା ରୁଜୁ ହୋଇଛି।

ହତ୍ୟା ଘଟଣାର ରାୟ ପ୍ରକାଶ : ଅଭିଯୁକ୍ତଙ୍କୁ ଆଜୀବନ କରାଦଣ୍ଡ

ହତ୍ୟା ଘଟଣାର ରାୟ ପ୍ରକାଶ : ଅଭିଯୁକ୍ତଙ୍କୁ ଆଜୀବନ କରାଦଣ୍ଡ

ନବରଙ୍ଗପୁର, ୨୪ା୪(ବି.ପ୍ର.)- ନବରଙ୍ଗପୁର ଜିଲା ଜଜ୍‌ ରାଜେନ୍ଦ୍ର ମହାପାତ୍ର ମଙ୍ଗଳବାର ଏକ ହତ୍ୟା ଘଟଣାର ବିଚାର କରି ଅଭିଯୁକ୍ତ ପ୍ରଭୂଧର ବାଣୁଆଙ୍କୁ ଆଜୀବନ ଜେଲ୍‌ଦଣ୍ଡ ସହ ୫ ହଜାରଟଙ୍କା ଜରିମନା ରାୟ ପ୍ରକାଶ କରିଚନ୍ତି। ଜରିମନା ଅନାଦେୟ ଅଧିକ ୬ ମାସ ଜେଲ ଦଣ୍ଡ ଭୋଗିବେ ବୋଲି ରାୟ ଦେଇଛନ୍ତି।

ଭିଜିଲାନ୍ସ ଜାଲରେ ସେସୁ କନିଷ୍ଠ ଯନ୍ତ୍ରୀ

ଭିଜିଲାନ୍ସ ଜାଲରେ ସେସୁ କନିଷ୍ଠ ଯନ୍ତ୍ରୀ

ନିମାପଡ଼ା, ୨୪।୪(ଡି.ଏନ୍‌.ଏ.): ନିମାପଡ଼ା ସେସୁ ଉପଖଣ୍ଡ ବାମନାଳ ସେକ୍ସନ(୨)ର କନିଷ୍ଠ ଯନ୍ତ୍ରୀ ଗ୍ରାହକଙ୍କଠାରୁ ୫ ହଜାର ଟଙ୍କା ଲାଞ୍ଚ ନେଉଥିବା ବେଳେ ମଙ୍ଗଳବାର ଭିଜିଲାନ୍ସ ହାତରେ ଧରାପଡ଼ିଛନ୍ତି। ସେ ହେଲେ ବାସୁଦେବ ମହାରଣା।

ଅବକାରୀ ବିଭାଗର ଚଢ଼ାଉ

ଅବକାରୀ ବିଭାଗର ଚଢ଼ାଉ

ଅନୁଗୋଳ ଅଫିସ,୨୪।୪: ଅନୁଗୋଳ ଜିଲା ଅବକାରୀ ଏସ୍‌ପିଙ୍କ ନିର୍ଦ୍ଦେଶ କ୍ରମେ ମଙ୍ଗଳବାର ଛେଣ୍ଡିପଦା ଥାନା ବାଗେଡ଼ିଆରେ ଅବକାରୀ ବିଭାଗ ଚଢ଼ାଉ କରିଛି। ୧ ସେକ୍ସସନ ପୋଲିସ ଫୋର୍ସ ଏବଂ ମାଜିଷ୍ଟ୍ରେଟଙ୍କ ଉପସ୍ଥିତରେ ଏହି ଚଢ଼ାଉ କରାଯାଇ ୧୨୦ ଲିଟର ଦେଶୀ ମହୁଲି ଓ ୧୩୦ କେଜି ପୋଚ ଜବତ ହୋଇଛି।

ସମ୍ବଲପୁରରେ ଲଜ୍ଜା: ୫ବର୍ଷର ଶିଶୁ କନ୍ୟାଙ୍କୁବଳାତ୍କାର ଅଭିଯୋଗ

ସମ୍ବଲପୁରରେ ଲଜ୍ଜା: ୫ବର୍ଷର ଶିଶୁ କନ୍ୟାଙ୍କୁବଳାତ୍କାର ଅଭିଯୋଗ

ସମ୍ବଲପୁର,୨୪।୪(ବ୍ୟୁ.ରୋ.): ସମ୍ବଲପୁର ଜିଲା ବୁର୍ଲା ଥାନା ଅଧିନରେ ମଙ୍ଗଳବାର ଏକ ୫ବର୍ଷର ନାବାଳିକାଙ୍କୁ ବଳାତ୍କାର ହୋଇଥିବା ଅଭିଯୋଗ ହୋଇଛି ।

୩ ଛାତ୍ରୀଙ୍କୁ ପ୍ରଧାନଶିକ୍ଷକଙ୍କ ଅସଦାଚରଣ ଅଭିଯୋଗ: ବିଦ୍ୟାଳୟରେ ତାଲା ପକାଇଲେ ଗ୍ରାମବାସୀ

୩ ଛାତ୍ରୀଙ୍କୁ ପ୍ରଧାନଶିକ୍ଷକଙ୍କ ଅସଦାଚରଣ ଅଭିଯୋଗ: ବିଦ୍ୟାଳୟରେ ତାଲା ପକାଇଲେ ଗ୍ରାମବାସୀ

କାକଟପୁର, ୨୪।୪(ଡି.ଏନ୍‌.ଏ.): ପୁରୀ ଜିଲା କାକଟପୁର ବ୍ଲକ ଜଳେଶ୍ୱରପଡ଼ା ପଞ୍ଚାୟତର ସୁନାରିବସ୍ତ ପ୍ରକଳ୍ପ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ମାନସ ମିଶ୍ର ବିଦ୍ୟାଳୟର ୩ ଛାତ୍ରୀଙ୍କୁ ଅସଦାଚରଣ କରିଥିବା ମଙ୍ଗଳବାର କାକଟପୁର ଥାନାରେ ଲିଖିତ ଅଭିଯୋଗ ହୋଇଛି।

ପାର୍ସଲ ବୋମା ବିସ୍ଫୋରଣ: ମାଷ୍ଟର ମାଇଣ୍ଡ ପୁଞ୍ଜିଲାଲ

ପାର୍ସଲ ବୋମା ବିସ୍ଫୋରଣ: ମାଷ୍ଟର ମାଇଣ୍ଡ ପୁଞ୍ଜିଲାଲ

କଟକ ଅଫିସ୍‌,୨୪।୪: ପାଟଣାଗଡ଼ ପାର୍ସଲ ବୋମା ବିସ୍ଫୋରଣରେ ୨ଜଣଙ୍କ ମୃତ୍ୟୁ ଘଟଣାର ମାଷ୍ଟର ମାଇଣ୍ଡ ପୁଞ୍ଜିଲାଲ ମେହେର। ଏ ନେଇ ପୋଲିସ ମହାନିର୍ଦ୍ଦେଶକ ରାଜେନ୍ଦ୍ର ପ୍ରସାଦ ଶର୍ମା ମଙ୍ଗଳବାର ସୂଚନା ଦେଇଛନ୍ତି।