Dharitri News
ବାଣିଜ୍ୟ |

ଓଡ଼ିଶା ହୋଇପାରିବ ନୌ ପରିବହନର ପ୍ରମୁଖ ସ୍ଥଳ

ଓଡ଼ିଶା ହୋଇପାରିବ ନୌ ପରିବହନର ପ୍ରମୁଖ ସ୍ଥଳ ଭୁବନେଶ୍ୱର,୧୨-୧୨(ବ୍ୟୁରୋ) ଓଡିଶା ଘରୋଇ ବଜାରରେ ତୃତୀୟ ପ୍ରମୁଖ ନିବେଶ ସ୍ଥଳ ହୋଇପାରିଛି। ଦେଶର ୧୨ ପ୍ରମୁଖ ବନ୍ଦର ମଧ୍ୟରୁ ଓଡ଼ିଶାର ପାରାଦୀପ ବନ୍ଦର କାର୍ଗୋ ପରିଚାଳନାରେ ଦ୍ୱିତୀୟ ସ୍ଥାନରେ ରହିଛି। ଏହା ସହ ଧାମରା ଏବଂ ଗୋପାଳପୁର ଭଳି ରାଜ୍ୟର ପ୍ରସ୍ତାବିତ ଅନ୍ୟ ବନ୍ଦରଗୁଡିକରୁ ରପ୍ତାନି ବୃଦ୍ଧି ନେଇ ଅନେକ ସମ୍ଭାବନା ରହିଛି। ଆଗାମୀ ଦିନରେ ଏହି ବନ୍ଦରଗୁଡିକ ଅର୍ଥନୈତିକ ଅଭିବୃଦ୍ଧିରେ ପ୍ରମୁଖ ଭୂମିକା ଗ୍ରହଣ କରିବେ। ରାଜ୍ୟରେ ଥିବା ୧୪ ଛୋଟ ବନ୍ଦରର ଉନ୍ନତୀକରଣ ହେଲେ ଏହା ଘରୋଇ ବଜାରରୁ ବିଦେଶକୁ ମାଲ୍‌ ରପ୍ତାନିରେ ବିଶେଷ ଭାବେ ସହଯୋଗ କରିପାରିବେ ବୋଲି ଆସୋଚାମ ପକ୍ଷରୁ ଇଣ୍ଡିଆନ୍‌ ପୋର୍ଟ ସେକ୍ଟର, ଚ୍ୟାଲେଞ୍ଜେସ ଅଫ୍‌ ସ୍କେଲ ଆଣ୍ଡ ଏଫିସିଏଣ୍ଟ ଅପରେଶନ୍‌ ସର୍ଭେକୁ ଉନ୍ମୋଚନ କରି ସଂଘର ମହାସଚିବ ଡି.ଏସ୍‌. ରାଓ୍ବତ ଏହା କହିଛନ୍ତି। ଏହି ପରିପ୍ରେକ୍ଷୀରେ ରାଓ୍ବତ କହିଛନ୍ତି ଯେ, ଓଡିଶାରେ ବିସ୍ତୃତ ବେଳାଭୂମି ତଥା ବନ୍ଦର ଥିବାରୁ ଏହା ଏସିଆ ତଥା ଉତ୍ତର ପୂର୍ବ ଏସିଆକୁ ବାଣିଜ୍ୟ ଲାଗି ଏକ ପ୍ରବେଶ ପଥ ହେବାର କ୍ଷମତା ବହନ କରୁଛି। ଓଡିଶାରେ ୯୦୦ ପ୍ରକଳ୍ପ ଚାଲୁ ରହିଥିବା ବେଳେ ଏଠାରେ ୧୩ ଲକ୍ଷ କୋଟି ଟଙ୍କାର ନିବେଶ ପ୍ରସ୍ତାବ ରହିଛି। ରାଜ୍ୟରେ ଖାଦ୍ୟ ପ୍ରକ୍ରିୟାକରଣ ତଥା ଅନ୍ୟାନ୍ୟ କେତେକ କ୍ଷେତ୍ରରେ ବିପୁଳ ନିବେଶ ସୁଯୋଗ ରହିଛି। ବନ୍ଦରଗୁଡିକର ବିକାଶ ହୋଇପାରିଲେ ଏହା ଓଡିଶା ତଥା ଘରୋଇ ବଜାରର ଅର୍ଥନୀତିକୁ ଆହୁରି ଉନ୍ନତ କରିପାରିବ। ବର୍ତ୍ତମାନ ଘରୋଇ ବଜାର ତଥା ବିଶ୍ୱ ବଜାରର ମାନ୍ଦାବସ୍ଥା ଯୋଗୁ ବନ୍ଦରଗୁଡିକର ମାଲ ପରିବହନରେ ହ୍ରାସ ହୋଇଥିବା ରାଓ୍ବତ ସୂଚନା ଦେଇଛନ୍ତି। ଶିଳ୍ପକୁ ପ୍ରୋତ୍ସାହନ ଦେବା ଭଳି ବିଭିନ୍ନ ନୀତି ଉପରେ ସରକାର ଗୁରୁତ୍ୱାରୋପ କରିବା ଆବଶ୍ୟକ ବୋଲି ସେ ପ୍ରକାଶ କରିଛନ୍ତି। ବନ୍ଦର ବିକାଶ ଲାଗି ଜମି ଅଧିଗ୍ରହଣ ଏକ ପ୍ରମୁଖ ସମସ୍ୟା ଭାବେ ଉଭା ହେଉଥିବାରୁ ଜମି ପ୍ରଦାନ କରୁଥିବା ଲୋକମାନଙ୍କୁ ବିକାଶରେ ସହଭାଗୀ ତଥା ଏକ ନିରନ୍ତର ବିକାଶ ଧାରାକୁ ଗ୍ରହଣ କରାଗଲେ ପ୍ରକ୍ରିୟାରେ ସୁଧାର ଆସିବ ବୋଲି ରାଓ୍ବତ ସୂଚନା ଦେଇଛନ୍ତି। ଘରୋଇ ବଜାରର ବନ୍ଦରଗୁଡିକ ସେମାନଙ୍କ ମୋଟ କ୍ଷମତାର ମାତ୍ର ୭୦% ବିନିଯୋଗ କରିପାରୁଛନ୍ତି। ଦେଶର ୧୨ଟି ପ୍ରମୁଖ ବନ୍ଦର ବାର୍ଷିକ ୬୫୦ ନିୟୁତ ଟନ କାର୍ଗୋ ପରିଚାଳନା କ୍ଷମତା ରଖିଥିବାବେଳେ ଚାଇନାର ସାଂଘାଇ ବନ୍ଦର କେବଳ ୮୦୦ ନିୟୁତ ଟନ୍‌ କାର୍ଗୋ ପରିବହନ କ୍ଷମତା ରଖିଛି। ଚାଇନାରେ ବାର୍ଷିକ ୪ ବିଲିୟନ ଟନ୍‌ କାର୍ଗୋ ପରିବହନ ହେଉଥିବା ବେଳେ ଭାରତରେ ଏହା ପ୍ରାୟ ୧ ବିଲିୟନ ଟନ୍‌ ରହିଛି। ଆଗାମୀ ୨୦୨୫ ବେଳକୁ ଏହା ୨.୫ ବିଲିୟନ ଟନକୁ ବୃଦ୍ଧି ଘଟିବ ବୋଲି ଆକଳନ କରାଯାଇଛି। ତେଣୁ ଭାରତୀୟ ବନ୍ଦରଗୁଡିକୁ ଆହୁରି ବିକଶିତ କରିବାର ଆବଶ୍ୟକତା ରହିଛି ବୋଲି ରାଓ୍ବତ କହିଛି। ରାଜ୍ୟଗୁଡିକରେ କିଭଳି ଭାବେ ଅଧିକ ନିବେଶ ହୋଇପାରିବ ସେ ନେଇ ଉଦ୍ୟମ ଜାରି ରହିଛି। ଏ ନେଇ ରାଜ୍ୟ ସରକାରଙ୍କ ସହ ଆଲୋଚନା ଜାରି ରହିଛି। ନିବେଶକଙ୍କ ସଚେତନତା ଲାଗି ବିଭିନ୍ନ ପଦକ୍ଷେପ ନିଆଯାଉଛି। କାର୍ଯ୍ୟକ୍ରମରେ ବରିଷ୍ଠ ଉପଦେଷ୍ଟା ଅରବିନ୍ଦ କୁମାର କହିଛନ୍ତି, ବର୍ତ୍ତମାନ ନୌପରିବହନ ମନ୍ତ୍ରଣାଳୟ ଅଧୀନରେ ୧୨ ପ୍ରମୁଖ ବନ୍ଦର ପରିଚାଳିତ ହେଉଛି। ଦେଶରେ ୨୦୦ରୁ ଅଧିକ ନନ୍‌ ମେଜର ପୋର୍ଟ ରାଜ୍ୟ ସ୍ତରର ମ୍ୟାରିଟାଇମ୍‌ ବୋର୍ଡ ଦ୍ୱାରା ପରିଚାଳିତ। ଓଡିଶାର ଗୋପାଳପୁର ଓ ଧାମରା ବନ୍ଦରର କାର୍ଗୋ ଟ୍ରାଫିକ୍‌ ୫ ନିୟୁତ ଟନରୁ ୨୫ ନିୟୁତ ଟନକୁ ବୃଦ୍ଧି ଘଟିଛି। ସେହିଭଳି ପାରାଦୀପ ବନ୍ଦର ବର୍ତ୍ତମାନ ପ୍ରାୟ ୯୦ ନିୟୁତ ଟନ କାର୍ଗୋ ପରିବହନ କ୍ଷମତା ରଖୁଛି। ପାରାଦୀପ ବନ୍ଦର ବିଶେଷ ଭାବେ ଏକ ଆମଦାନୀ ବନ୍ଦର ଭାବେ କାର୍ଯ୍ୟ କରୁଛି। ଧାମରା ବନ୍ଦରରେ ୨୦ ମିଟରର ଡ୍ରାଫ୍‌ କ୍ଷମତା ରହିଥିବା ଯୋଗୁ ବଡ ବଡ ଜାହାଜଗୁଡିକ ବନ୍ଦରରେ ଲାଗିପାରିବ। ସେହିଭଳି ପାରାଦୀପର ଆଉଟର ହାର୍ବର ଉନ୍ନତୀକରଣ ସମ୍ପୂର୍ଣ୍ଣ ହେଲେ ଏହା ମଧ୍ୟ ମାଲ ପରିବହନକୁ ତ୍ୱରାନ୍ବିତ କରିବ। ରାଜ୍ୟରେ ତଥା ରାଜ୍ୟ ବାହାରେ ଉତ୍ପାଦନ ହେଉଥିବା ଷ୍ଟିଲ୍‌ ପଶ୍ଚିମ ପ୍ରାନ୍ତରେ ଥିବା ବନ୍ଦରଗୁଡିକରୁ ବିଦେଶକୁ ରପ୍ତାନି ହେଉଛି। ପାରାଦୀପ ତଥା ଧାମରା ବନ୍ଦରରୁ ଷ୍ଟିଲ୍‌ ରପ୍ତାନି ତ୍ୱରାନ୍ବିତ ହେଲେ ରପ୍ତାନି ଲାଗି ଭଡାରେ ହ୍ରାସ ଘଟିବ। ଏହା ସହ ଷ୍ଟିଲ୍‌ ଉତ୍ପାଦ ବିଶ୍ୱ ବଜାରରେ ଆହୁରି ପ୍ରତିଦ୍ୱନ୍ଦ୍ୱିତା କରିପାରିବ। ସେହିଭଳି ରାଜ୍ୟରେ ଆନ୍ତଃ ଜଳପଥର ବିକାଶ ହେଲେ ଜଳପଥ ମାଲ ପରିବହନ ଉନ୍ନତ ହୋଇପାରିବ। ଓଡିଶାରେ ପ୍ରସ୍ତାବିତ ଉପକୂଳ ଅର୍ଥନୈତିକ ଅଞ୍ଚଳରେ ନିବେଶ ଉନ୍ନତ ହେବ ବୋଲି ଆଶା କରାଯାଉଛି। ଏହି ଅଞ୍ଚଳରେ ପ୍ରାୟ ୭୦ ହଜାର କୋଟି ଟଙ୍କାରୁ ଅଧିକ ନିବେଶ ଆଶା ରହିଛି। ଓଡିଶାରେ ନିବେଶ ଲାଗି ଉନ୍ନତ ପରିବେଶ ରହିଥିବା ବେଳେ ଏହି ସବୁ କ୍ଷେତ୍ରରେ ଉନ୍ନତ ନିବେଶ ଆଶା କରାଯାଉଛି। ଭାରତରେ ଥିବା ୧୨ ପ୍ରମୁଖ ବନ୍ଦରର କଣ୍ଟେନର୍‌ କ୍ଷମତା ୮.୭୫ ନିୟୁତ ଟନ୍‌ ରହିଛି। ଏହା ଚାଇନାର ସାଂଘାଇସ୍ଥିତ ପୋର୍ଟର କାର୍ଗୋ ପରିଚାଳନା କ୍ଷମତାର ଏକ ଚତୁର୍ଥାଂଶ। ସେହିଭଳି ବିଶ୍ୱର ୨୦ ପ୍ରମୁଖ ବନ୍ଦର ମଧ୍ୟରେ ଚାଇନାର ୧୪ ବନ୍ଦର ରହିଛି। ଏଣୁ ଘରୋଇ ବଜାରରେ ବନ୍ଦରଗୁଡିକର ବିକାଶ ଦ୍ୱାରା ମାଲ ପରିବହନ କ୍ଷମତାର ଉନ୍ନତୀକରଣ ଉପରେ ରିପୋର୍ଟରେ ଉଲ୍ଲେଖ କରାଯାଇଛି।

ବାଣିଜ୍ୟ |

ଗୋଦ୍‌ରେଜ୍‌ର ଆଣିଲା ନୂଆ ସିଙ୍ଗିଲ୍‌ ଡୋର୍‌ ରେଫ୍ରିଜରେଟର

ଗୋଦ୍‌ରେଜ୍‌ର ଆଣିଲା ନୂଆ ସିଙ୍ଗିଲ୍‌ ଡୋର୍‌ ରେଫ୍ରିଜରେଟର

ବମ୍ବେ, ୧୯-୧ ପ୍ରମୁଖ ହୋମ୍‌ ଆପ୍ଲାଏନ୍ସ କମ୍ପାନୀ ଗୋଦ୍‌ରେଜ୍‌ ସିଙ୍ଗିଲ୍‌ ଡୋର ରେଫ୍ରିଜ୍‌ରେଟର କ୍ଷେତ୍ରରେ ମାର୍କେଟ୍‌ ଲିଡର ହେବା ପାଇଁ ଲକ୍ଷ୍ୟ ରଖିଛି। ଏହି କ୍ଷେତ୍ରରେ ପ୍ରଥମ କମ୍ପାନୀ ଭାବେ ଏକ ସ୍ବତନ୍ତ୍ର ଡ୍ରୟାର ବିଶିଷ୍ଟ ନୂଆ ରେଫ୍ରିଜ୍‌ରେଟର ‘ଗୋଦ୍‌ରେଜ୍‌ ଏଜ୍‌ ଡ୍ୟୁ’ର ବଜାର ପ୍ରବେଶ ଅବସରରେ କମ୍ପାନୀ ପକ୍ଷରୁ ଏହା କୁହାଯାଇଛି। ଭାରତରେ ରେଫ୍ରିଜରେଟର ବ୍ୟବହାର କରୁଥିବା ପ୍ରାୟ ୮୦% ପରିବାର ସିଙ୍ଗିଲ୍‌ ଡୋର୍‌ ବିଶିଷ୍ଟ ରେଫ୍ରିଜ୍‌ରେଟର ବ୍ୟବହାର କରୁଛନ୍ତି ବୋଲି କମ୍ପାନୀ ପ୍ରକାଶ କରିଛି

ବଢିଚାଲିଛି ତୈଳ ଦର

ବଢିଚାଲିଛି ତୈଳ ଦର

ନୂଆଦିଲ୍ଲୀ, ୧୮-୧(ପି.ଟି.) ଦେଶରେ ଉଭୟ ପେଟ୍ରୋଲ୍‌ ଏବଂ ଡିଜେଲ୍‌ ଦର ହୁହୁ ହୋଇ ବଢି ଚାଲିଛି। ନୂଆଦିଲ୍ଲୀରେ ପେଟ୍ରୋଲ୍‌ ଲିଟର ୭୧ ଟଙ୍କା ଟପିଥିବା ବେଳେ ବମ୍ବେରେ ୮୦ ଟଙ୍କା ଛୁଇଁଛି। ସେହିପରି ଡିଜେଲ୍‌ ଦର ନୂଆଦିଲ୍ଲୀରେ ୬୨ ଟଙ୍କା ଟପିଥିବା ବେଳେ ବମ୍ବେରେ ୬୬ ଟପିଛି। କିନ୍ତୁ କେନ୍ଦ୍ର ତୈଳ ଓ ପ୍ରାକୃତିକ ବାଷ୍ପ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହାକୁ ନେଇ କୌଣସି ସନ୍ତୋଷ ଜନକ ଉତ୍ତର ରଖିନାହାନ୍ତି।

ରାଜ୍ୟ ଅର୍ଥମନ୍ତ୍ରୀଙ୍କ ସହ ପ୍ରାକ୍‌ ବଜେଟ ବୈଠକ କଲେ ଜେଟ୍‌ଲୀ

ରାଜ୍ୟ ଅର୍ଥମନ୍ତ୍ରୀଙ୍କ ସହ ପ୍ରାକ୍‌ ବଜେଟ ବୈଠକ କଲେ ଜେଟ୍‌ଲୀ

ନୂଆଦିଲ୍ଲୀ, ୧୮-୧(ପିଟି) ଆସନ୍ତା ୩୧ ତାରିଖରୁ ୨୦୧୮-୧୯ ଆର୍ଥିକବର୍ଷ ପାଇଁ ବଜେଟ୍‌ ଅଧିବେଶନ ଆରମ୍ଭ ହେବାକୁ ଯାଉଛି। ଫେବୃୟାରୀ ୧ରେ ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ ସାଧାରଣ ବଜେଟ ଉପସ୍ଥାପନ କରିବେ। ଏଥିପାଇଁ ଗୁରୁବାର ସବୁ ରାଜ୍ୟର ଅର୍ଥମନ୍ତ୍ରୀମାନଙ୍କୁ ନେଇ ଜେଟ୍‌ଲୀଙ୍କ ଅଧ୍ୟକ୍ଷତାରେ ଏକ ପ୍ରାକ୍‌ ବଜେଟ ବୈଠକ ଅନୁଷ୍ଠିତ ହୋଇଯାଇଛି।

 ଅସ୍ଥିତ୍ୱ ହରାଇବ ଫିଜିକାଲ୍‌ ବ୍ୟାଙ୍କ

ଅସ୍ଥିତ୍ୱ ହରାଇବ ଫିଜିକାଲ୍‌ ବ୍ୟାଙ୍କ

ନୂଆଦିଲ୍ଲୀ,୧୮-୧(ପି.ଟି.) ଯେଉଁଠାରେ ବ୍ୟାଙ୍କ ଖାତା ଖୋଲିବା, ଟଙ୍କା ଜମା କରିବା, ଉଠେଇବା, ଡିମାଣ୍ଡ୍‌ଡ୍ରାଫ୍‌ଟ୍‌ ତଥା ଚାଲାଣ କାଟିବା ବ୍ୟବସ୍ଥା ଥାଏ ତାହାକୁ ସାଧାରଣତଃ ଏକ ବ୍ୟାଙ୍କ ଶାଖା କୁହାଯାଏ। ଜଣେ ପରିଚାଳକଙ୍କ ଅଧୀନରେ କେତେକ କର୍ମଚାରୀଙ୍କୁ ନେଇ ଏହା ନିର୍ଦ୍ଦିଷ୍ଟ ଅଞ୍ଚଳରେ ପରିଚାଳିତ ହୋଇଥାଏ। ଗ୍ରାହକମାନେ ନିଜର ଆର୍ଥିକ କାରବାର କରିବା ପାଇଁ ଏଠାକୁ ଯାଇ ଥାଆନ୍ତି।

୨୯ ଉତ୍ପାଦରୁ ଟିକସ କମିଲା

୨୯ ଉତ୍ପାଦରୁ ଟିକସ କମିଲା

ନୂଆଦିଲ୍ଲୀ,୧୮-୧(ପି.ଟି.) ଅର୍ଥମନ୍ତ୍ରୀ ଅରୁଣ ଜେଟ୍‌ଲୀଙ୍କ ଅଧ୍ୟକ୍ଷତାରେ ସାମଗ୍ରୀ ଏବଂ ସେବା ଟିକସ(ଜିଏସ୍‌ଟି) ପରିଷଦର ୨୫ ତମ ବୈଠକ ଗୁରୁବାର ଅନୁଷ୍ଠିତ ହୋଇଯାଇଛି। ବୈଠକରେ କେତେକ କୃଷିଜାତ ଉତ୍ପାଦ ସହ ୨୯ଟି ସାମଗ୍ରୀ ଏବଂ ୫୪ ପ୍ରକାର ସେବା ଉପରେ ଜିଏସ୍‌ଟି ହାର ହ୍ରାସ କରାଯାଇଛି। ୨୯ଟି ହସ୍ତଶିଳ୍ପ ସାମଗ୍ରୀକୁ ୦% ସ୍ଲାବ୍‌ରେ ରଖାଯାଇଛି।

କଲ୍‌ ଡ୍ରପ୍‌: ବାହାନା ଦେଖାଇ ପାରିବେନି ଟେଲିକମ୍‌ କମ୍ପାନୀ

କଲ୍‌ ଡ୍ରପ୍‌: ବାହାନା ଦେଖାଇ ପାରିବେନି ଟେଲିକମ୍‌ କମ୍ପାନୀ

ନୂଆଦିଲ୍ଲୀ,୧୮-୧(ପି.ଟି.) କଲ୍‌ ଡ୍ରପ୍‌ ସମସ୍ୟାକୁ ନେଇ ଟେଲିକମ୍‌ ବିଭାଗ(ଡଟ୍‌) ଅପରେଟର୍‌ମାନଙ୍କ ଉପରେ କଡା ଆଭିମୁଖ୍ୟ ପ୍ରକାଶ କରିଛି। ଏହି ସମସ୍ୟାକୁ ନେଇ କମ୍ପାନୀଗୁଡିକ ପକ୍ଷରୁ କୌଣସି ବାହାନା ଶୁଣାଯିବ ନାହିଁ। ମୋବାଇଲ୍‌ ଟାଓ୍ବାର ସଂସ୍ଥାପନ କ୍ଷେତ୍ରରେ ଅସୁବିଧା ହେଉଥିବାରୁ କଲ୍‌ ଡ୍ରପ୍‌ ସମସ୍ୟା ବଢ଼ୁଛି ବୋଲି ଟେଲିକମ୍‌ କମ୍ପାନୀଗୁଡିକ ବାହାନା ଦେଖାଉଥିବା ଡଟ୍‌ କହିଛି।

ହୋଟେଲ୍‌ଗୁଡିକ ଲାଗି ନୂଆ ନିୟମ: ରିସେପ୍‌ଶନ, ଓ୍ବେବ୍‌ସାଇଟ୍‌ରେ ପ୍ରଦର୍ଶିତ ହେବ ଷ୍ଟାର ମାନ୍ୟତା

ହୋଟେଲ୍‌ଗୁଡିକ ଲାଗି ନୂଆ ନିୟମ: ରିସେପ୍‌ଶନ, ଓ୍ବେବ୍‌ସାଇଟ୍‌ରେ ପ୍ରଦର୍ଶିତ ହେବ ଷ୍ଟାର ମାନ୍ୟତା

ନୂଆଦିଲ୍ଲୀ,୧୮-୧(ପି.ଟି.) ଏଣିକି ସମସ୍ତ ହୋଟେଲ ନିଜର ରିସେପ୍‌ଶନ ତଥା ଓ୍ବେବ୍‌ସାଇଟ୍‌ରେ ସେମାନଙ୍କ ଷ୍ଟାର ମାନ୍ୟତାକୁ ପ୍ରଦର୍ଶନ କରିବେ। ସେ ୫ ତାରକା ହେଉ କିମ୍ବା ୧ ତାରକା ତାହାକୁ ରିସେପ୍‌ଶନ ତଥା ନିଜ ଓ୍ବେବ୍‌ସାଇଟ୍‌ରେ ସ୍ପଷ୍ଟ ଭାବେ ପ୍ରଦର୍ଶିତ କରିବା ପାଇଁ ହୋଟେଲ୍‌ଗୁଡିକୁ ନିର୍ଦ୍ଦେଶ ଦିଆଯାଇଛି। ନିୟମ ଅନୁପାଳନ ପାଇଁ ୩ ମାସର ଡେଡ୍‌ଲାଇନ୍‌ ଧାର୍ଯ୍ୟ କରାଯାଇଛି।

ନିଶାନ ଇଣ୍ଡିଆର ‘ହାପି ଓ୍ବିଥ୍‌ ନିଶାନ୍‌’ ଅଭିଯାନ

ନିଶାନ ଇଣ୍ଡିଆର ‘ହାପି ଓ୍ବିଥ୍‌ ନିଶାନ୍‌’ ଅଭିଯାନ

ଦିଲ୍ଲୀ,୧୮-୧ ପ୍ରମୁଖ ଅଟୋ ନିର୍ମାତା କମ୍ପାନୀ ନିଶାନ୍‌ ଇଣ୍ଡିଆ ପକ୍ଷରୁ "ହାପି ଓ୍ବିଥ୍‌ ନିଶାନ୍‌" ଗ୍ରାହକ ସେବା ଅଭିଯାନର ଶୁଭାରମ୍ଭ ସମ୍ପର୍କରେ ଘୋଷଣା ହୋଇଛି । ଏହି ଅଭିଯାନ ନିଶାନ୍‌ ଏବଂ ଡାଟ୍‌ସନ୍‌ର ସମସ୍ତ ଆଉଟଲେଟଗୁଡିକରେ ଚଳିତ ମାସ ୧୮-୨୮ ତାରିଖ ମଧ୍ୟରେ ପାଳନ ହେବ ।

ସାହାରା ଲାଇଫ୍‌ ବାଣିଜ୍ୟ ଅକ୍ତିଆର ମାମଲାକୁ ନେଇ ନିୟାମକ ନିର୍ଦ୍ଦେଶ ଉଚ୍ଛେଦ କଲେ ସ୍ୟାଟ୍‌

ସାହାରା ଲାଇଫ୍‌ ବାଣିଜ୍ୟ ଅକ୍ତିଆର ମାମଲାକୁ ନେଇ ନିୟାମକ ନିର୍ଦ୍ଦେଶ ଉଚ୍ଛେଦ କଲେ ସ୍ୟାଟ୍‌

ବମ୍ବେ,୧୮-୧ ସୁବ୍ରତ ରୟଙ୍କ ସାହାରା ଲାଇଫ୍‌ ଇନସ୍ୟୁରାନ୍ସ ବାଣିଜ୍ୟକୁ ଅକ୍ତିଆର ଲାଗି ଆଇସିଆଇସିଆଇ ପ୍ରୁଡେନସିଆଲ୍‌କୁ ବୀମା ନିୟାମକ ଆଇଆରଡିଏଆଇ ଦେଇଥିଲେ। ଏହି ନିର୍ଦ୍ଦେଶକୁ ଦି ସିକ୍ୟୁରିଟିଜ୍‌ ଆପିଲେଟ ଟ୍ରିବ୍ୟୁନାଲ (ସ୍ୟାଟ୍‌) ଉଚ୍ଛେଦ କରି ଦେଇଛନ୍ତି। ସାହାରା ମାମଲାର ଶୁଣାଣି ପରେ ପୁଣି ଏକ ନୂଆ ନିର୍ଦ୍ଦେଶ ଜାରି କରିବାକୁ ସ୍ୟାଟ୍‌ କହିଛନ୍ତି। ମାତ୍ର ଅନ୍ତରୀଣ ସମୟ ପାଇଁ ସାହାରା ଲାଇଫ ବାଣିଜ୍ୟର ପରିଚାଳନା ନିମନ୍ତେ ଏକ ଆଡମିନିଷ୍ଟ୍ରେଟର ନିଯୁକ୍ତ ଲାଗି ଆଇଆର୍‌ଡିଏଆଇ ନିଷ୍ପତ୍ତିକୁ ସ୍ୟାଟ୍‌ କାଏମ ରଖିଛନ୍ତି।

ଟୟୋଟା ପକ୍ଷରୁ ଇନୋଭା କ୍ରିଷ୍ଟାର ଟେଷ୍ଟ ଡ୍ରାଇଭ୍‌

ଟୟୋଟା ପକ୍ଷରୁ ଇନୋଭା କ୍ରିଷ୍ଟାର ଟେଷ୍ଟ ଡ୍ରାଇଭ୍‌

ଭୁବନେଶ୍ୱର,୧୮-୧ ପ୍ରମୁଖ ଚାରିଚକିଆ ଯାନ ନିର୍ମାଣକାରୀ କମ୍ପାନୀ ଟୟୋଟା କିର୍ଲୋସ୍କାର ମୋଟର୍ସ ପକ୍ଷରୁ ଏହାର ପ୍ରମୁଖ ମଡେଲ ଇନୋଭା କ୍ରିଷ୍ଟାର ଏକ ଟେଷ୍ଟ ଡ୍ରାଇଭ୍‌ ସ୍ଥାନୀୟ ପଟିଆସ୍ଥିତ ଏସ୍ପିରିଟ୍‌ ଟୟୋଟା ଶୋ’ରୁମଠାରେ ଅନୁଷ୍ଠିତ ହୋଇଯାଇଛି। କମ୍ପାନୀ ୨୦୦୫ରେ ପ୍ରଥମେ ଇନୋଭା ମଡେଲକୁ ବଜାରକୁ ଆଣିଥିବା ବେଳେ ୨୦୧୬ରେ ଏହାର ଅତ୍ୟାଧୁନିକ ଭର୍ଜନ ଇନୋଭା କ୍ରିଷ୍ଟାକୁ ଉନ୍ମୋଚନ କରିଛି।

ବ୍ରିଲିଆଣ୍ଟ ପକ୍ଷରୁ ନୂଆ ସ୍ବାଗତମ ଅଗରବତୀ

ବ୍ରିଲିଆଣ୍ଟ ପକ୍ଷରୁ ନୂଆ ସ୍ବାଗତମ ଅଗରବତୀ

ଭୁବନେଶ୍ୱର,୧୮-୧ ପ୍ରମୁଖ ଅଗରବତୀ କମ୍ପାନୀ ବ୍ରିଲିଆଣ୍ଟ ପକ୍ଷରୁ ଏହାର ନୂତନ ବ୍ରାଣ୍ଡ ବ୍ରିଲିଆଣ୍ଟ ସ୍ବାଗତମ ଅଗରବତୀ ବଜାରକୁ ଆସିଛି। ସାତପଡାଠାରେ ଅନୁଷ୍ଠିତ ଏକ ବିତରକ ସମ୍ମିଳନୀରେ ଏହି ନୂଆ ବ୍ରାଣ୍ଡର ବଜାର ପ୍ରବେଶ ହୋଇଛି।

ଗୀତମ୍‌ ପକ୍ଷରୁ ଏମ୍‌ବିଏ ପାଠ୍ୟକ୍ରମ ଲାଗି ନାମଲେଖା

ଗୀତମ୍‌ ପକ୍ଷରୁ ଏମ୍‌ବିଏ ପାଠ୍ୟକ୍ରମ ଲାଗି ନାମଲେଖା

ବିଶାଖାପାଟଣା,୧୮-୧ ଗୀତମ୍‌ ଡିମଡ୍‌ ବିଶ୍ୱବିଦ୍ୟାଳୟ ପକ୍ଷରୁ ଏମ୍‌ବିଏ ପାଠ୍ୟକ୍ରମ ଲାଗି ନାମଲେଖା ସମ୍ପର୍କରେ ଘୋଷଣା କରାଯାଇଛି। ଦେଶର ଏକ ପ୍ରମୁଖ ବିସ୍କୁଲ ଭାବେ ଗୀତମ୍‌ ସ୍କୁଲ ଅଫ୍‌ ଇଣ୍ଟରନ୍ୟାଶନାଲ ବିଜ୍‌ନେଶ(ଜିଏସ୍‌ଆଇବି) ଶନିବାର ଏହି ଘୋଷଣା କରିଛି। ଜିଏସ୍‌ଆଇବି ପକ୍ଷରୁ ଇଣ୍ଟରନ୍ୟାଶନାଲ ବିଜନେସ, ଏମ୍‌ବିଏ ଇନ୍‌ ଇଣ୍ଟରନ୍ୟାଶନାଲ ବ୍ୟାଙ୍କିଂ ଆଣ୍ଡ ଫାଇନାନ୍ସ, ଏମ୍‌ବିଏ ଇନ୍‌ ଗ୍ଲୋବାଲ ଲଜିଷ୍ଟିକ୍‌ ଆଣ୍ଡ ସପ୍ଳାଇ ଚେନ ମ୍ୟାନେଜମେଣ୍ଟ, ପୋଷ୍ଟ ଗ୍ରାଜୁଏଟ୍‌ ଡିପ୍ଲୋମା ଇନ୍‌ ବିଜନେସ ଆନାଲିଟିକ୍ସ (ପିଜିଡିବିଏ) ଭଳି ପାଠ୍ୟକ୍ରମ ପ୍ରଦାନ କରୁଛି।