ବାଣିଜ୍ୟ |

ବଜାରରେ ଅଶୋକ ଲେଲାଣ୍ଡର ଦୋସ୍ତ +

 ବଜାରରେ ଅଶୋକ ଲେଲାଣ୍ଡର ଦୋସ୍ତ +
ଭୁବନେଶ୍ୱର,୧୨-୧୨(ବ୍ୟୁରୋ) ଲାଇଟ୍‌ଓ୍ବେଟ୍‌ କମର୍ସିଆଲ ଭେଇକିଲ୍‌(ଏଲ୍‌ସିଭି) ସେଗ୍‌ମେଣ୍ଟରେ ଦେଶର ପ୍ରମୁଖ ବାଣିଜି୍ୟକ ଯାନ ନିର୍ମାତା ଅଶୋକ ଲେଲ୍ୟାଣ୍ଡର ଓଡ଼ିଶାରେ ୧୫% ବଜାର ଅଂଶ ରହିଛି। ବର୍ଷକ ମଧ୍ୟରେ ଏହାକୁ ୨୫%ରେ ପହଞ୍ଚାଇବା ପାଇଁ କମ୍ପାନୀ ଲକ୍ଷ୍ୟ ଧାର୍ଯ୍ୟ କରିଛି। ସମଗ୍ର ଦେଶରେ କମ୍ପାନୀ ପ୍ରତିବର୍ଷ ପାଖାପାଖି ୪୦,୦୦୦ ଏଲ୍‌ସିଭି ବିକ୍ରି କରୁଥିବାବେଳେ ଏହାକୁ ୧ ଲକ୍ଷକୁ ବୃଦ୍ଧି କରିବା ପାଇଁ ଏହା ଷ୍ଟ୍ରାଟେଜି ପ୍ରସ୍ତୁତ କରିଛି। ଉତ୍ପାଦ ବିକାଶରେ କମ୍ପାନୀ ୪୦୦ କୋଟି ଟଙ୍କାର ନିବେଶ ଯୋଜନା କରିଛି। ପ୍ରତି ୬ରୁ ୮ ମାସ ମଧ୍ୟରେ ଏହା ଗୋଟିଏ ଲେଖାଏ ନୂଆ ମଡେଲର ବଜାର ପ୍ରବେଶ କରାଇବ ବୋଲି ଅଶୋକ ଲେଲାଣ୍ଡର ସଭାପତି(ଏଲ୍‌ସିଭି) ନୀତିନ ସେଠ୍‌ ମଙ୍ଗଳବାର ଏଠାରେ କମ୍ପାନୀର ଏଲ୍‌ସିଭି ଦୋସ୍ତ+ର ବଜାର ପ୍ରବେଶ ଅବସରରେ ପ୍ରକାଶ କରିଛନ୍ତି। ସେ କହିଛନ୍ତି ଯେ, ଓଡ଼ିଶା ଦ୍ରୁତ ବେଗରେ ବଢ଼ୁଛି। ଏଠାରେ ତ୍ୱରିତ ବେଗରେ ଭିତ୍ତିଭୂମି ବିକାଶ ହେଉଛି। କିନ୍ତୁ ଏଠାରେ ସହର ସଂଖ୍ୟା କମ୍‌ ରହିଛି। ଭୁବନେଶ୍ୱର ଏବଂ କଟକକୁ ଛାଡିଦେଲେ ରାଜ୍ୟରେ ସେପରି ବଡ ସହର ନାହିଁ। ଆଗକୁ ରାଜ୍ୟରେ ସହର ବିକାଶ ହେଲେ କମ୍ପାନୀ ପାଇଁ ଏଠାରେ ବଢ଼ିବାକୁ ସୁଯୋଗ ମିଳିବ। ତେବେ ଓଡ଼ିଶା ଏକ ଶିଳ୍ପକୈନ୍ଦ୍ରିକ ରାଜ୍ୟ ହୋଇଥିବାରୁ ଏଠାରେ ଭାରୀ ଟ୍ରକ୍‌ ସେଗ୍‌ମେଣ୍ଟରେ କମ୍ପାନୀ ଦ୍ରୁତ ବେଗରେ ବଢ଼ୁଛି। ରାଜ୍ୟର ସଡକଗୁଡିକର ବିକାଶ ହେଲେ ଏଠାରେ ଏଲ୍‌ସିଭି ସେଗ୍‌ମେଣ୍ଟ ତ୍ୱରିତ ହେବ ବୋଲି ସେ କହିଛନ୍ତି। ଦେଶରେ ବିକ୍ରି ହେଉଥିବା ମୋଟ ଯାନ ମଧ୍ୟରୁ ୬୦% ଏଲ୍‌ସିଭି ରହିଥିବା ସେ କହିଛନ୍ତି। ତେବେ ୟୁରୋ-୬କୁ ଅପ୍‌ଗ୍ରେଡ୍‌ ହେବା ପରେ ଯାନଗୁଡିକର ଦରରେ ୧୫ରୁ ୨୦% ବୃଦ୍ଧି ଘଟିବ ବୋଲି ସେ ସୂଚନା ଦେଇଛନ୍ତି। ଦୋସ୍ତ+କୁ ନେଇ ସେଠ୍‌ କହିଛନ୍ତି ଯେ, ଏହା ମାଧ୍ୟମରେ କମ୍ପାନୀ ଏହାର ଦୋସ୍ତ ବ୍ରାଣ୍ଡକୁ ଅଧିକ ସୁଦୃଢ଼ କରିଛି। ୨ଟିରୁ ୩.୫ଟି ଗ୍ରସ୍‌ ଭେଇକିଲ୍‌ ଓ୍ବେଟ୍‌(ଜିଭିଡବ୍ଲ୍ୟୁ) ସେଗ୍‌ମେଣ୍ଟରେ କ୍ଷୁଦ୍ର ବାଣିଜି୍ୟକ ଯାନ(ଏସ୍‌ସିଭି) ସେଗ୍‌ମେଣ୍ଟର ଅପର୍‌ଏଣ୍ଡ୍‌ ଚାହିଦାକୁ ଦୋସ୍ତ+ ପୂରଣ କରିବ। ଏହାର ପେଲୋଡ୍‌ କାପାସିଟି ୧.୪୭୫ଟି ରହିଛି। ଦୋସ୍ତ+ ପାଓ୍ବାର୍‌ ଷ୍ଟିୟରିଂ ଭର୍ସନ୍‌ର ଏକ୍ସଶୋ’ରୁମ୍‌ ଭୁବନେଶ୍ୱର ମୂଲ୍ୟ ୫.୬୧ ଲକ୍ଷ ଟଙ୍କାରୁ ଆରମ୍ଭ। ଦୋସ୍ତ ଏବଂ ଦୋସ୍ତ+ ଉଭୟ ବଜାରରେ ଉପଲବ୍ଧ ରହିବ, ଯାହାକି କମ୍ପାନୀକୁ ଏଲ୍‌ସିଭି କ୍ଷେତ୍ରରେ ବଜାର ଅଂଶ ବଢ଼ାଇବାରେ ସହାୟକ ହେବ ବୋଲି ସେଠ୍‌ କହିଛନ୍ତି। ଦୋସ୍ତ+ ଏହାର ଆକର୍ଷଣୀୟ ମାଇଲେଜ୍‌, ଉତ୍କୃଷ୍ଟ ପିକ୍‌ଅପ୍‌, ୧୮% ଅଧିକ ପେଲୋଡ୍‌, ୭% ଅଧିକ ଲୋଡିଂ ସ୍ଥାନ, ୧୫ ଇଞ୍ଚ ଟାୟାର୍‌ ଯୋଗୁ ପ୍ରତିଟି ଟ୍ରିପ୍‌ରେ ଅଧିକ ମୂଲ୍ୟ ଯୋଗ କରି ଉଚ୍ଚ ଆୟ ନିଶ୍ଚିତ କରିବ ବୋଲି ସେ କହିଛନ୍ତି। ଏହାର ଡିଜାଇନ୍‌ ଏବଂ ଇଞ୍ଜିନିୟରିଂ ଜ୍ଞାନକୌଶଳ ଏହାକୁ ସ୍ବତନ୍ତ୍ର କରୁଛି। ଏଥିରେ ୧.୫ ଟିଡିସିଆର୍‌ ଇଞ୍ଜିନ ରହିଛି, ଯାହାକି ୬୦ ଏଚ୍‌ପିର ଶକ୍ତି ଏବଂ ୧୭୦ ଏନ୍‌ଏମ୍‌ ଟର୍କ ପ୍ରଦାନ କରୁଛି। ଏହାକୁ ବିଭିନ୍ନ କାର୍ଯ୍ୟରେ ବ୍ୟବହାର କରାଯାଇପାରିବ। ଏହା ସହରାଞ୍ଚଳ, ଅର୍ଦ୍ଧ ସହରାଞ୍ଚଳ ଏବଂ ଗ୍ରାମାଞ୍ଚଳ ଗ୍ରାହକଙ୍କ ଆବଶ୍ୟକତା ପୂରଣ କରିବ। ଦୋସ୍ତ+ ୩ଟି ଭର୍ସନ୍‌ରେ ଉପଲବ୍ଧ ହେବ। ଟପ୍‌ ଏଣ୍ଡ୍‌ରେ ଏୟାର୍‌ କଣ୍ଡିଶନିଂ, ପାଓ୍ବାର ଷ୍ଟିୟରିଂ, ଡୁଆଲ୍‌ କଲର୍‌ ବିଜ୍‌-ଗ୍ରେ ଟ୍ରିମ୍‌ ଏବଂ ଏର୍ଗୋନୋମିକ୍‌ ସିଟ୍‌ ରହିଛି। ଗ୍ରାହକ ୩ଟି ରଙ୍ଗରେ ଏହାକୁ ପାଇବେ।
All Right Reserved By

ବାଣିଜ୍ୟ |

ଏୟାର ଇଣ୍ଡିଆକୁ ୧ ହଜାର କୋଟି ସହାୟତା

ଏୟାର ଇଣ୍ଡିଆକୁ ୧ ହଜାର କୋଟି ସହାୟତା

ନୂଆଦିଲ୍ଲୀ,୧୮।୧୦: ଆର୍ଥିକ ସଙ୍କଟ ସାମ୍ନା କରୁଥିବା ରାଷ୍ଟ୍ରାୟତ୍ତ ବିମାନ କମ୍ପାନୀ ଏୟାର ଇଣ୍ଡିଆକୁ କେନ୍ଦ୍ର ସରକାର ୧ ହଜାର କୋଟି ଟଙ୍କାର ସହାୟତା ପ୍ରଦାନ କରିଛନ୍ତି। ଜାତୀୟ ସ୍ବଳ୍ପ ସଞ୍ଚୟ ପାଣ୍ଠିରୁ ଏହି ଅର୍ଥ ଦିଆଯାଇଛି। ଅପରପକ୍ଷେ ଏହି ବିମାନ କମ୍ପାନୀ ସୋଭରନ୍‌ ଗ୍ୟାରେଣ୍ଟି ବଦଳରେ ଆସନ୍ତା ସପ୍ତାହରେ ଆହୁରୀ ୫ଶହ କୋଟି ଟଙ୍କା ବଜାରରୁ ଉଠାଇବାକୁ ଯାଉଛି। 

୬୦ହଜାର ଭାରତୀୟଙ୍କୁ ମିଳିଛି ଗ୍ରୀନ କାର୍ଡ

୬୦ହଜାର ଭାରତୀୟଙ୍କୁ ମିଳିଛି ଗ୍ରୀନ କାର୍ଡ

ଓ୍ବାଶିଂଟନ,୧୮।୧୦: ଆମେରିକାରେ ସ୍ଥାୟୀ ବସବାସ କରିବା ଲାଗି ପ୍ରାୟ ୬ ଲକ୍ଷ ଭାରତୀୟ ଗ୍ରୀନ କାର୍ଡ ଆବେଦନ କରିଛନ୍ତି। ସେମାନଙ୍କ ମଧ୍ୟରୁ ଗତବର୍ଷ ୬୦ହଜାର ଲୋକଙ୍କୁ ଏହି କାର୍ଡ ପ୍ରଦାନ କରାଯାଇଥିବା ସରକାରୀ ରିପୋର୍ଟରେ ପ୍ରକାଶ ପାଇଛି।

ଭୋଡାଫୋନ ସଖି ଉନ୍ମୋଚିତ

ଭୋଡାଫୋନ ସଖି ଉନ୍ମୋଚିତ

ଭୁବନେଶ୍ୱର,୧୮-୧୦: ଭୋଡାଫୋନ ଆଇଡିଆ ଲିମିଟେଡ ପକ୍ଷରୁ ମହିଳା ମାନଙ୍କ ଲାଗି ମୋବାଇଲ ଭିତ୍ତିକ ସ୍ବତନ୍ତ୍ର ସୁରକ୍ଷା ସେବା  ଭୋଡାଫୋନ ସଖି ଉନ୍ମୋଚିତ ହୋଇଛି। ଏଥିରେ ଜରୁରୀ କାଳୀନ ଆଲର୍ଟ, ଜରୁରୀ କାଳୀନ ବାଲାନ୍ସ, ପ୍ରାଇଭେଟ ନମ୍ବର ରିଚାର୍ଜ ଭଳି ସୁବିଧା ରହିଛି।

୩୨ ନୂଆ ରେଫ୍ରିଜରେଟର ଆଣିଲା ଗୋଦରେଜ୍‌

୩୨ ନୂଆ ରେଫ୍ରିଜରେଟର ଆଣିଲା ଗୋଦରେଜ୍‌

ଭୁବନେଶ୍ୱର,୧୮-୧୦: ପାର୍ବଣକୁ ଧ୍ୟାନରେ ରଖି ଗୋଦରେଜ୍‌ ଆପ୍ଲାଏନ୍ସ ପକ୍ଷରୁ ୩୨ ନୂଆ ରେଫ୍ରିଜରେଟର ବଜାରକୁ ଆସିଛି। ପ୍ରିମିୟମ ଏନ୍‌ଏକ୍ସଡବ୍ଲ୍ୟୁ ସବ୍‌ବ୍ରାଣ୍ଡ ଅଧିନରେ ନୂଆ ଏନ୍‌ଏକ୍ସଡବ୍ଲ୍ୟୁ ଗ୍ଲାସ ଡୋର ରେଫ୍ରିଜରେଟର ବଜାରକୁ ଆସିଛି।

ଦିବ୍ୟାଙ୍ଗଙ୍କ ଲାଗି ସହାୟତାର ହାତ ବଢାଇଲା ଏସ୍‌ବିଆଇ ଲାଇଫ୍‌ ଇନସ୍ୟୁରାନ୍ସ

ଦିବ୍ୟାଙ୍ଗଙ୍କ ଲାଗି ସହାୟତାର ହାତ ବଢାଇଲା ଏସ୍‌ବିଆଇ ଲାଇଫ୍‌ ଇନସ୍ୟୁରାନ୍ସ

ଭୁବନେଶ୍ୱର,୧୮-୧୦: ଏସ୍‌ବିଆଇ ଲାଇଫ୍‌ ଇନସ୍ୟୁରାନ୍ସ ପକ୍ଷରୁ ଇନଷ୍ଟିଚ୍ୟୁଟ୍‌ ଅଫ୍‌ ହେଲଥ ସାଇନ୍ସକୁ ଏକ ଭ୍ରାମ୍ୟମାଣ ମେଡିକାଲ ୟୁନିଟ ଦାନ କରାଯାଇଛି। ଭିନ୍ନକ୍ଷମଙ୍କ ଚିହ୍ନଟ କରିବା ତଥା ଚିକିତ୍ସା କରିବା ଦିଗରେ ଏହା ବିଶେଷ ଭାବେ ସହାୟକ ହେବ। 

ୟୁନିୟନ ବ୍ୟାଙ୍କ ପକ୍ଷରୁ ହିନ୍ଦୀ ମାସ

ୟୁନିୟନ ବ୍ୟାଙ୍କ ପକ୍ଷରୁ ହିନ୍ଦୀ ମାସ

ଭୁବନେଶ୍ୱର,୧୮-୧୦: ୟୁନିୟନ ବ୍ୟାଙ୍କ ଅଫ୍‌ ଇଣ୍ଡିଆ କ୍ଷେତ୍ରୀୟ କାର୍ଯ୍ୟାଳୟ ପକ୍ଷରୁ ହିନ୍ଦୀ ମାସ ଉଦଯାପନ ହୋଇଯାଇଛି। ଏହି ଅବସରରେ ରାଜଭାଷା ଉତ୍ସବ-୨୦୧୮ର ପୁରସ୍କାର ବିତରଣ ଏବଂ ସାଂସ୍କୃତିକ କାର୍ଯ୍ୟକ୍ରମ ଭୁବନେଶ୍ୱରର   ଅଡିଟୋରିୟମଠାରେ ଅନୁଷ୍ଠିତ ହୋଇଯାଇଛି।

ସୋନିର ନୂଆ ହେଡ୍‌ ଫୋନ୍‌

ସୋନିର ନୂଆ ହେଡ୍‌ ଫୋନ୍‌

ଭୁବନେଶ୍ୱର,୧୮-୧୦: ସୋନି ପକ୍ଷରୁ ପରବର୍ତ୍ତୀ ପୀଢିର ନଏଜ କ୍ୟାନସେଲେଶନ ଡବ୍ଲ୍ୟୁଏଚ୍‌-୧୦୦୦ ଏକ୍ସଏମ୍‌୩ ହେଡଫୋନର ବଜାର ପ୍ରବେଶ ହୋଇଛି।

ଟର୍ମସର ନୂଆ ଉତ୍ପାଦ ବଜାରରେ

ଟର୍ମସର ନୂଆ ଉତ୍ପାଦ ବଜାରରେ

କଟକ,୧୮-୧୦: ପ୍ରମୁଖ ଇଣ୍ଟେଲିଜେଣ୍ଟ ଆପାରେଲ୍‌ ବ୍ରାଣ୍ଡ ଟର୍ମସର ନୂଆ ଉତ୍ପାଦ କଟକରେ ସିଡିଏ-୯ ସ୍ଥିତ ମିରର୍‌ ମଲ୍ଟି ବ୍ରାଣ୍ଡ ଷ୍ଟୋରରେ ବଜାର ପ୍ରବେଶ ହୋଇଛି। ନୂଆ ପ୍ରଡକ୍ଟକୁ କମ୍ପାନୀର ବାଣିଜ୍ୟ ମୁଖ୍ୟ ଅମିତ ମଲହୋତ୍ରା, ନିର୍ଦ୍ଦେଶକ ରୋହିତ ଗୁପ୍ତା ଉପସ୍ଥିତ ରହି ବଜାର ପ୍ରବେଶ କରାଇଥିଲେ। 

ଏସ୍‌ବିଆଇ ୟୋନୋର ସପିଂ ଫେଷ୍ଟିଭାଲ୍‌

ଏସ୍‌ବିଆଇ ୟୋନୋର ସପିଂ ଫେଷ୍ଟିଭାଲ୍‌

ନୂଆଦିଲ୍ଲୀ,୧୮-୧୦: ଷ୍ଟେଟ ବ୍ୟାଙ୍କ ଅଫ୍‌ ଇଣ୍ଡିଆ (ଏସ୍‌ବିଆଇ) ୟୋନୋ ପକ୍ଷରୁ ସପିଙ୍ଗ ଫେଷ୍ଟିଭାଲ ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ଏହା ଚଳିତ ମାସ ୨୧ ତାରିଖ ଯାଏ ଚାଲିବ। ଏହାକୁ କାର୍ଯ୍ୟକାରି କରାଇବା ସହ ବ୍ୟାଙ୍କ ପ୍ରାୟ ୮୫ରୁ ଅଧିକ ଇ-ବ୍ୟବସାୟିକ ସଂସ୍ଥା ସହ ଜଡିତ ହୋଇଛି। 

ସିଣ୍ଡିକେଟ୍‌ ବ୍ୟାଙ୍କ ପକ୍ଷରୁ ସ୍ବଚ୍ଛ ଭାରତ ଅଭିଯାନ

ସିଣ୍ଡିକେଟ୍‌ ବ୍ୟାଙ୍କ ପକ୍ଷରୁ ସ୍ବଚ୍ଛ ଭାରତ ଅଭିଯାନ

ଭୁବନେଶ୍ୱର,୧୮-୧୦: ସିଣ୍ଡିକେଟ୍‌ ବ୍ୟାଙ୍କର ୯୩ତମ ପ୍ରତିଷ୍ଠା ଦିବସ ଅବସରରେ ଭୁବନେଶ୍ୱର କ୍ଷେତ୍ରୀୟ କାର୍ଯ୍ୟାଳୟ ପକ୍ଷରୁ ସ୍ବଚ୍ଛ ଭାରତ ଅଭିଯାନ ଅନୁଷ୍ଠିତ ହୋଇଯାଇଛି। 

ଏମ୍‌ଆଇ ଆଣିଲା ନୂଆ ସ୍ମାର୍ଟ ଟିଭି

ଏମ୍‌ଆଇ ଆଣିଲା ନୂଆ ସ୍ମାର୍ଟ ଟିଭି

ଭୁବନେଶ୍ୱର,୧୮-୧୦: ପ୍ରମୁଖ କମ୍ପାନୀ ଏମ୍‌ଆଇ ପକ୍ଷରୁ ନୂଆ ସ୍ମାର୍ଟ ଟିଭି ଓଡିଶା ବଜାରରେ ପ୍ରବେଶ କରିଛି। କମ୍ପାନୀର ରାଜ୍ୟ ମୁଖ୍ୟ ଅମିତ କୁମାର ପଣ୍ଡା, ବିତରକ ଜୟ ସଦାନି ପଟିଆ ସ୍ଥିତ ଗୁପ୍ତା ଡିଷ୍ଟ୍ରିବ୍ୟୁଟର ଶୋ’ରୁମରେ ଏହି ପ୍ରଡକ୍ଟଗୁଡିକୁ ଉନ୍ମୋଚନ କରିଥିଲେ।

ଷ୍ଟାଇଲ ସୁ’ର ନୂଆ ଶୋ’ରୁମ୍‌

ଷ୍ଟାଇଲ ସୁ’ର ନୂଆ ଶୋ’ରୁମ୍‌

ଭୁବନେଶ୍ୱର,୧୮-୧୦: ଷ୍ଟାଇଲ ସୁ’ ପକ୍ଷରୁ ନୂଆ ଶୋ’ରୁମ ସ୍ଥାନୀୟ ଅଶୋକ ନଗର, ଜନପଥଠାରେ ଶୁଭାରମ୍ଭ ହୋଇଛି।