ବାଣିଜ୍ୟ |

କାର କମ୍ପାନୀଙ୍କ ମୂଲ୍ୟବୃଦ୍ଧି ଯୋଜନା

କାର କମ୍ପାନୀଙ୍କ ମୂଲ୍ୟବୃଦ୍ଧି ଯୋଜନା

ନୂଆଦିଲ୍ଲୀ,୧୨-୧୨(ପି.ଟି.)
ବର୍ଦ୍ଧିତ ଉତ୍ପାଦନ ଖର୍ଚ୍ଚର ଚାପକୁ ଲାଘବ କରିବା ପାଇଁ ଦେଶର ପ୍ରମୁଖ କାର ନିର୍ମାତାମାନେ ସେମାନଙ୍କ ବିଭିନ୍ନ ମଡେଲ ଦରରେ ଜାନୁୟାରୀରୁ ବୃଦ୍ଧି କରିବେ ବୋଲି ଘୋଷଣା କରିଛନ୍ତି । ଟୟୋଟା କିର୍ଲୋସ୍କାର, ମହିନ୍ଦ୍ରା ଆଣ୍ଡ୍‌ ମହିନ୍ଦ୍ରା, ହୋଣ୍ଡା, ସ୍କୋଡା, ଇସୁଜୁ ଭଳି କେତେକ କମ୍ପାନୀ ସେମାନଙ୍କ ଦରବୃଦ୍ଧି ଯୋଜନା ସ୍ପଷ୍ଟ କରିସାରିଥିବାବେଳେ ଏହି ଦୌଡରେ ଏବେ ଟାଟା ମୋଟର୍ସ ଏବଂ ଫୋର୍ଡ ଆଦି କମ୍ପାନୀ ଯୋଡି ହୋଇଛନ୍ତି। ଟାଟା ମୋଟର୍ସ ଜାନୁୟାରୀରୁ ଏହାର ପାସେଞ୍ଜର ଭେଇକିଲ୍‌ଗୁଡିକ ମୂଲ୍ୟରେ ୨୫,୦୦୦ ଟଙ୍କା ପର୍ଯ୍ୟନ୍ତ ବୃଦ୍ଧି କରିବ ବୋଲି ସୋମବାର ଘୋଷଣା କରିଛି। ବଜାରର ପରିବର୍ତ୍ତିତ ସ୍ଥିତି, ବର୍ଦ୍ଧିତ ଉତ୍ପାଦନ ଖର୍ଚ୍ଚ ଏବଂ ଅନ୍ୟାନ୍ୟ ବାହ୍ୟ ଅର୍ଥନୈତିକ ସମସ୍ୟା ଯୋଗୁ କମ୍ପାନୀ ଦରବୃଦ୍ଧି କରିବାକୁ ବାଧ୍ୟ ହେଉଥିବା ଟାଟା ମୋଟର୍ସର ସଭାପତି(ପାସେଞ୍ଜର ଭେଇକିଲ୍‌ ବିଜ୍‌ନେସ୍‌) ମୟାଙ୍କ ପାରିକ୍‌ ପ୍ରକାଶ କରିଛନ୍ତି।
ଅନ୍ୟପକ୍ଷରେ, ଫୋର୍ଡ ଇଣ୍ଡିଆ ଜାନୁୟାରୀରୁ ଏହାର ମଡେଲଗୁଡିକ ଦରରେ ୪% ପର୍ଯ୍ୟନ୍ତ ବୃଦ୍ଧି କରିବ ବୋଲି ଘୋଷଣା କରିଛି। ଅନ୍ୟାନ୍ୟ ବାହ୍ୟ ଅର୍ଥନୈତିକ ସମସ୍ୟା, ଡଲାର ତୁଳନାରେ ଟଙ୍କାର ବିନିମୟ ମୂଲ୍ୟରେ ଅସ୍ଥିରତା, ବର୍ଦ୍ଧିତ ଉତ୍ପାଦନ ଖର୍ଚ୍ଚ ଏବଂ ପରିବହନ ଖର୍ଚ୍ଚ ବଢ଼ିଥିବାରୁ ଦରବୃଦ୍ଧିର ଆବଶ୍ୟକତା ରହିଥିବା ଫୋର୍ଡ ଇଣ୍ଡିଆର କାର୍ଯ୍ୟନିର୍ବାହୀ ନିର୍ଦ୍ଦେଶକ(ମାର୍କେଟିଂ, ସେଲ୍‌ସ ଏବଂ ସର୍ଭିସ୍‌) ବିନୟ ରାଇନା ପ୍ରକାଶ କରିଛନ୍ତି। ନୂଆକରି ବଜାରକୁ ଆସିଥିବା ନ୍ୟୁ ଫୋର୍ଡ ଇକୋସ୍ପୋର୍ଟ ସମେତ କମ୍ପାନୀ ଏହାର ସମସ୍ତ ଯାନର ଦରବୃଦ୍ଧି କରିବ। ଫୋର୍ଡ ସମ୍ପ୍ରତି ହ୍ୟାଚ୍‌ବ୍ୟାକ୍‌ ଫିଗୋଠାରୁ ଆରମ୍ଭ କରି ସ୍ପୋର୍ଟସ କାର ମଷ୍ଟାଙ୍ଗ୍‌ ପର୍ଯ୍ୟନ୍ତ କାର ବିକ୍ରି କରୁଛି, ଯେଉଁଗୁଡିକର ଏକ୍ସଶୋ’ରୁମ୍‌ ଦିଲ୍ଲୀ ମୂଲ୍ୟ ୪.୮ ଲକ୍ଷ ଟଙ୍କାରୁ ୭୧.୬୨ ଲକ୍ଷ ଟଙ୍କା ରହିଛି।

All Right Reserved By

ବାଣିଜ୍ୟ |

ଓଡିଶାରେ ବ୍ୟବସାୟ ଆରମ୍ଭ କଲା ବିଏନ୍‌ଆଇ

ଓଡିଶାରେ ବ୍ୟବସାୟ ଆରମ୍ଭ କଲା ବିଏନ୍‌ଆଇ

କଟକ,୧୯-୭: ପ୍ରମୁଖ ବିଜ୍‌ନେସ୍‌ ନେଟ୍‌ଓ୍ବର୍କିଂ ଆଣ୍ଡ୍‌ ରେଫରାଲ ଜେନେରେଶନ ଅର୍ଗାନାଇଜେଶନ ବିଜ୍‌ନେସ୍‌ ନେଟ୍‌ଓ୍ବର୍କ ଇଣ୍ଟରନ୍ୟାଶ୍‌ନାଲ୍‌(ବିଏନ୍‌ଆଇ) ଓଡିଶାରେ ଏହାର ବ୍ୟବସାୟ ଆରମ୍ଭ କରିଛି। ଏ ସମ୍ପର୍କରେ ବିଏନ୍‌ଆଇର ଆଞ୍ଚଳିକ ନିର୍ଦ୍ଦେଶକ ପ୍ରଦୀପ ଅଗ୍ରଓ୍ବାଲ୍‌ କହିଛନ୍ତି, ବିଭିନ୍ନ ପ୍ରତିଷ୍ଠିତ ତଥା ସଫଳ ବ୍ୟବସାୟୀଙ୍କୁ ନେଇ ଏକ୍ସକ୍ଲୁଶିଭ୍‌ ଗ୍ରୁପ୍‌ ପ୍ରତିଷ୍ଠା କରିବା ହେଉଛି ଆମର ଲକ୍ଷ୍ୟ।

ବିଳମ୍ବରେ ଚାଲିଛି ୩୮% ଟ୍ରେନ୍‌

ବିଳମ୍ବରେ ଚାଲିଛି ୩୮% ଟ୍ରେନ୍‌

ନୂଆଦିଲ୍ଲୀ, ୧୮-୭(ପି.ଟି): ଗତ ତିନି ମାସରେ ୩୮% ଟ୍ରେନ ବିଳମ୍ବରେ ଚାଲିଛି। ଲୋକସଭାକୁ ଏକ ଲିଖିତ ଉତ୍ତରରେ ରେଳ ରାଷ୍ଟ୍ରମନ୍ତ୍ରୀ ରାଜେନ ଗୋହାଇଁ ଏହା କହିଛନ୍ତି। ବିଳମ୍ବରେ ଚାଲିଥିବା ଟ୍ରେନ ହାର ଏପ୍ରିଲରେ ୩୯%, ମେ ମାସରେ ୪୦% , ଜୁନରେ ୩୫% ରହିଛି। ଗତ ତିନି ମାସରେ ହାରା ହାରି ଏହା ୩୮% ବୋଲି ସେ ସୂଚନା ଦେଇଛନ୍ତି।

୫ ମାସର ସର୍ବନିମ୍ନ ସ୍ତରରେ ସୁନା

୫ ମାସର ସର୍ବନିମ୍ନ ସ୍ତରରେ ସୁନା

ନୂଆଦିଲ୍ଲୀ,୧୮-୭(ପି.ଟି.) ଅନ୍ତର୍ଜାତୀୟ ବଜାର ଦୁର୍ବଳ ରହିବା ସହ ଘରୋଇ ବଜାରରେ ଗହଣା ନିର୍ମାତାଙ୍କ ମଧ୍ୟରେ ଉତ୍ସାହ କମିବା ଫଳରେ ବୁଧବାର ସୁନା ଦର ୫ ମାସର ସର୍ବନିମ୍ନ ସ୍ତରକୁ ଖସିଛି। ୧୦ ଗ୍ରାମ ପିଛା ଏଥିରେ ୨୫୦ ଟଙ୍କା ହ୍ରାସ ଘଟିଛି। ଫଳରେ ଏହା ୩୦,୮୦୦ ଟଙ୍କାକୁ ଖସିଆସିଛି।

ଅଧିକ ବ୍ୟାଙ୍କକୁ ପୁଞ୍ଜି ପ୍ରଦାନ କରିବେ ସରକାର

ଅଧିକ ବ୍ୟାଙ୍କକୁ ପୁଞ୍ଜି ପ୍ରଦାନ କରିବେ ସରକାର

ନୂଆଦିଲ୍ଲୀ, ୧୮-୭(ପି.ଟି): ସରକାର ନିକଟରେ ୫ ରାଷ୍ଟ୍ରାୟତ୍ତ ବ୍ୟାଙ୍କକୁ ପୁଞ୍ଜି ବ୍ୟବସ୍ଥା କରିବା ପରେ ଅଧିକ ୨ରୁ ୩ ବ୍ୟାଙ୍କକୁ ଏହି ଭଳି ପୁଞ୍ଜି ସହାୟତା ନେଇ ବିଚାର କରୁଛନ୍ତି। ସେପ୍ଟେମ୍ବର ସୁଦ୍ଧା ବ୍ୟାଙ୍କଗୁଡିକୁ ଏହି ପୁଞ୍ଜି ପ୍ରଦାନ ପାଇଁ ଅର୍ଥମନ୍ତ୍ରଣାଳୟ ବିଚାର କରୁଥିବା ଜଣାଯାଇଛି।

ୟୁଆଇଡିଏଆଇର ସ୍ପଷ୍ଟୀକରଣ;ଆଧାର ନମ୍ବରର ବିକଳ୍ପ ଭର୍ଚୁଆଲ୍‌ ଆଇଡି

ୟୁଆଇଡିଏଆଇର ସ୍ପଷ୍ଟୀକରଣ;ଆଧାର ନମ୍ବରର ବିକଳ୍ପ ଭର୍ଚୁଆଲ୍‌ ଆଇଡି

ନୂଆଦିଲ୍ଲୀ,୧୮-୭:ଭର୍ଚୁଆଲ୍‌ ଆଇଡି ଓ ୟୁଆଇଡି ଟୋକନ ୧୨ ଟିକିଆ ଆଧାର ନମ୍ବରଠାରୁ ଭିନ୍ନ। ଏହି ଦୁଇ ବ୍ୟବସ୍ଥା ସଦ୍ୟଭାବେ ଲାଗୁ କରାଯାଇଛି। ଆଧାର ନମ୍ବରର ବିକଳ୍ପ ଭାବେ ଏହା କାର୍ଯ୍ୟ କରିବ। ଯେଉଁ ଯେଉଁ ସ୍ଥାନରେ ଆଧାର ନମ୍ବର ଆବଶ୍ୟକ ହେଉଛି ସେଠାରେ ଲୋକମାନେ ଚାହିଁଲେ ଏହି ଭର୍ଚୁଆଲ୍‌ ଆଇଡି ଓ ୟୁଆଇଡି ଟୋକନ ପ୍ରଦାନ କରି ପାରିବେ। ଲୋକମାନଙ୍କ ବ୍ୟକ୍ତିଗତ ତଥ୍ୟର ସୁରକ୍ଷା ପାଇଁ ଏହି ଦୁଇ ବ୍ୟବସ୍ଥା ନୂତନ ଭାବେ ପ୍ରଚଳନ କରାଯାଇଛି ବୋଲି ଭାରତୀୟ ଏକକ ପରିଚୟ କର୍ତ୍ତୃପକ୍ଷ(ୟୁଆଇଡିଏଆଇ) ପକ୍ଷରୁ ପ୍ରକାଶ।

ମହଙ୍ଗା ହେବ ଚିନି: ଆଖୁର ଏଫ୍‌ଆର୍‌ପି ୨୭୫ ଟଙ୍କାକୁ ବୃଦ୍ଧି

ମହଙ୍ଗା ହେବ ଚିନି: ଆଖୁର ଏଫ୍‌ଆର୍‌ପି ୨୭୫ ଟଙ୍କାକୁ ବୃଦ୍ଧି

ନୂଆଦିଲ୍ଲୀ, ୧୮-୭ ବର୍ତ୍ତମାନ ଆଖୁର କୁଇଣ୍ଟାଲ୍‌ ପିଛା ଫେୟାର ଆଣ୍ଡ୍‌ ରେମ୍ୟୁନୁରେଟିଭ୍‌ ପ୍ରାଇସ୍‌(ଏଫ୍‌ଆର୍‌ପି) ୨୫୫ ଟଙ୍କା ଥିବା ବେଳେ ଏହାକୁ ସରକାର ୨୭୫ ଟଙ୍କାକୁ ବୃଦ୍ଧି କରିଛନ୍ତି। ଅର୍ଥ ସଂକ୍ରାନ୍ତିୟ କ୍ୟାବିନେଟ୍‌ କମିଟି ବୁଧବାର ଏହାକୁ ମଞ୍ଜୁରୀ ପ୍ରଦାନ କରିଛି।

କଗ୍ନିଜାଣ୍ଟକୁ ଇ-ଟିଗୋର ଯୋଗାଇବ ଟାଟା ମୋଟର୍ସ

କଗ୍ନିଜାଣ୍ଟକୁ ଇ-ଟିଗୋର ଯୋଗାଇବ ଟାଟା ମୋଟର୍ସ

ନୂଆଦିଲ୍ଲୀ, ୧୮-୭(ପି.ଟି): ପ୍ରମୁଖ ଯାନ ନିର୍ମାତା କମ୍ପାନୀ ଟାଟା ମୋଟର୍ସ ଆଇଟି କମ୍ପାନୀ କଗ୍ନିଜାଣ୍ଟକୁ ଇ-ଟିଗୋର ମଡେଲ ଯୋଗାଇବ। କଗ୍ନିଜାଣ୍ଟର ହାଇଦ୍ରାବାଦ ସ୍ଥିତ କ୍ୟାମ୍ପସରେ ଉକ୍ତ ମଡେଲଗୁଡିକୁ ନିୟୋଜିତ କରାଯିବ। ଏଥି ଲାଗି କମ୍ପାନୀ ମୋବିଲିଟି ସଲ୍ୟୁଶନ ସଂସ୍ଥା ଭୋଲରକାର୍‌ସ ସହ ମିଳିତ ହୋଇଛି।

ଶକ୍ତି କ୍ଷେତ୍ର ଲାଗି କୋଇଲାର ଅଭାବ ନାହିଁ:ଗୋୟଲ

ଶକ୍ତି କ୍ଷେତ୍ର ଲାଗି କୋଇଲାର ଅଭାବ ନାହିଁ:ଗୋୟଲ

ନୂଆଦିଲ୍ଲୀ, ୧୮-୭(ପି.ଟି): ଘରୋଇ ବଜାରରେ ଶକ୍ତି କ୍ଷେତ୍ର ଲାଗି କୋଇଲାର କୌଣସି ଅଭାବ ନାହିଁ। ଏପ୍ରିଲ-ଜୁନ ତ୍ରୈମାସରେ କୋଇଲା ଭିତ୍ତିକ ଶକ୍ତି ଉତ୍ପାଦନ ୫.୩% ବଢିଛି। ଲୋକସଭାକୁ ଏକ ଲିଖିତ ଉତ୍ତର ଯୋଗେ କୋଇଲା ମନ୍ତ୍ରୀ ପିୟୂଷ ଗୋୟଲ ଏହି ସୂଚନା ଦେଇଛନ୍ତି।

ଜୁନ ସୁଦ୍ଧା ୨୧,୧୪୨ କୋଟି ଟଙ୍କାର ସମନ୍ବିତ ଜିଏସ୍‌ଟି ରିଫଣ୍ଡ

ଜୁନ ସୁଦ୍ଧା ୨୧,୧୪୨ କୋଟି ଟଙ୍କାର ସମନ୍ବିତ ଜିଏସ୍‌ଟି ରିଫଣ୍ଡ

ନୂଆଦିଲ୍ଲୀ, ୧୮-୭(ପି.ଟି): ସରକାର ଚଳିତ ଆର୍ଥତ୍କ ବର୍ଷ ଜୁନ ଶେଷ ସୁଦ୍ଧା ୨୧,୧୪୨ କୋଟି ଟଙ୍କାର ସମନ୍ବିତ ଜିଏସ୍‌ଟି ରିଫଣ୍ଡ ପ୍ରଦାନ କରିଛନ୍ତି। କେନ୍ଦ୍ରୀୟ ପରୋକ୍ଷ ଏବଂ ସୀମା ଟିକସ ବୋର୍ଡ( ସିବିଆଇସି) ପକ୍ଷରୁ ରପ୍ତାନୀକାରୀଙ୍କ ଲାଗି ଉକ୍ତ ରିଫଣ୍ଡ ପ୍ରଦାନ କରାଯାଇଥିବା ବାଣିଜ୍ୟ ଏବଂ ଶିଳ୍ପ ରାଷ୍ଟ୍ରମନ୍ତ୍ରୀ ସି.ଆର୍‌ ଚୌଧୁରୀ ରାଜ୍ୟ ସଭାକୁ ଲିଖିତ ସୂଚନା ଦେଇଛନ୍ତି।

ଦେଶରେ ୨୧୫ ଡାକଘରେ ପାସ୍‌ପୋର୍ଟ ସେବା କେନ୍ଦ୍ର

ଦେଶରେ ୨୧୫ ଡାକଘରେ ପାସ୍‌ପୋର୍ଟ ସେବା କେନ୍ଦ୍ର

ନୂଆଦିଲ୍ଲୀ, ୧୮-୭(ପି.ଟି): ଦେଶର ବିଭିନ୍ନ ପ୍ରାନ୍ତରେ ରହିଥିବା ୨୧୫ ଡାକଘରେ ବର୍ତ୍ତମାନ ସୁଦ୍ଧା ପାସ୍‌ପୋର୍ଟ ସେବା କେନ୍ଦ୍ର ସ୍ଥାପନ ହୋଇଛି। ଗତ ୪ ବର୍ଷ ମଧ୍ୟରେ ଏହି ସେବା କେନ୍ଦ୍ରଗୁଡିକ ଖୋଲିଛି। ସାଧାରଣ ଲୋକଙ୍କ ନିକଟରେ ଉକ୍ତ ସେବାକୁ ପହଞ୍ଚାଇବା ଲାଗି ସରକାର ବ୍ୟବସ୍ଥା କରିଥିବା ଯୋଗାଯୋଗ ମନ୍ତ୍ରୀ ମନୋଜ ସିହ୍ନା ଲୋକ ସଭାକୁ ସୂଚନା ଦେଇଛନ୍ତି।

ରାଷ୍ଟ୍ରାୟତ୍ତ ଇସ୍ପାତ ଉଦ୍ୟୋଗ କର୍ମଚାରୀଙ୍କ ପାଇଁ ପେନ୍‌ସନ୍‌ ଘୋଷଣା କଲେ ସରକାର

ରାଷ୍ଟ୍ରାୟତ୍ତ ଇସ୍ପାତ ଉଦ୍ୟୋଗ କର୍ମଚାରୀଙ୍କ ପାଇଁ ପେନ୍‌ସନ୍‌ ଘୋଷଣା କଲେ ସରକାର

ନୂଆଦିଲ୍ଲୀ,୧୮।୭- ସମସ୍ତ ରାଷ୍ଟ୍ରାୟତ୍ତ ଇସ୍ପାତ ଉଦ୍ୟୋଗ ସଂଘର ସଦସ୍ୟଙ୍କ ସହିତ ଅଧିକାରୀ ଏବଂ କର୍ମଚାରୀଙ୍କୁ ମିଳିବ ପେନ୍‌ସନ୍‌। ଏମାନଙ୍କୁ ପେନ୍‌ସନ୍‌ ମିଳିବା ନେଇ ଦିଆଯାଇଥିବା ପ୍ରସ୍ତାବକୁ ଇସ୍ପାତ ମନ୍ତ୍ରଣାଳୟ ମଞ୍ଜୁରୀ ପ୍ରଦାନ କରିଛନ୍ତି। ଏହା ଦ୍ୱାରା ୯୪,୦୦୦ରୁ ଉର୍ଦ୍ଧ୍ୱ କାର୍ଯ୍ୟରତ କର୍ମଚାରୀ ଏବଂ ୫୬,୦୦୦ ଅବସରପ୍ରାପ୍ତ କର୍ମଚାରୀ ଉପକୃତ ହେବେ।

ପାସେଞ୍ଜର ଭେହିକିଲ୍‌ ମୂଲ୍ୟରେ ବୃଦ୍ଧି ଆଣିବ ଟାଟା ମୋଟର୍ସ

ପାସେଞ୍ଜର ଭେହିକିଲ୍‌ ମୂଲ୍ୟରେ ବୃଦ୍ଧି ଆଣିବ ଟାଟା ମୋଟର୍ସ

ନୂଆଦିଲ୍ଲୀ,୧୮।୭-ଟାଟା ମୋଟର୍ସ୍‌ ଆସନ୍ତା ଅଗଷ୍ଟରେ ନିଜର ଯାତ୍ରୀବାହୀ ଯାନଗୁଡିକର ମୂଲ୍ୟରେ ୨.୨% ପର୍ଯ୍ୟନ୍ତ ବୃଦ୍ଧି ଆଣିବ। କମ୍ପାନୀ ଚଳିତ ବର୍ଷ ଏପ୍ରିଲରେ ଯାନ ମୂଲ୍ୟରେ ୩% ବୃଦ୍ଧି ଆଣିଥିଲା। ମୂଲ୍ୟରେ ବୃଦ୍ଧି ସୁଦ୍ଧା ଯାନ ବିକ୍ରି ଉପରେ ଏହାର କୌଣସି ପ୍ରଭାବ ପଡି ନ ଥିଲା। କମ୍ପାନୀ ଦର ହ୍ରାସ କରିବା ପାଇଁ ବିଭିନ୍ନ ପଦକ୍ଷେପ ନେଉଛି।

Model This Week

ରୂପେଶ