ରାଜ୍ୟ |

ଡେପୁଟି କମାଣ୍ଡାଣ୍ଟ, ଆସିଷ୍ଟାଣ୍ଟ କମାଣ୍ଡାଣ୍ଟଙ୍କ ବଦଳି

ଡେପୁଟି କମାଣ୍ଡାଣ୍ଟ, ଆସିଷ୍ଟାଣ୍ଟ କମାଣ୍ଡାଣ୍ଟଙ୍କ ବଦଳି

କଟକ ଅଫିସ, ୧୨।୧୨- ଓଡ଼ିଶା ପୋଲିସରେ କାର୍ଯ୍ୟରତ ଡେପୁଟି କମାଣ୍ଡାଣ୍ଟ, ଆସିଷ୍ଟାଣ୍ଟ କମାଣ୍ଡାଣ୍ଟ ଓ ସୁବେଦାରଙ୍କ ବଦଳି ହୋଇଛି। ମଙ୍ଗଳବାର ଟ୍ରାନ୍ସଫର କମିଟି ବୈଠକରେ ଉକ୍ତ ବଦଳି ନିଷ୍ପତ୍ତି ଗୃହୀତ ହୋଇଛି। ଡେପୁଟି କମାଣ୍ଡାଣ୍ଟ ବିନୋଦ କୁମାର ଦାସଙ୍କୁ କୋରାପୁଟ ଅପର କୋଲାବର ସପ୍ତମ ଆଇଆର୍‌ବି ବାଟାଲିୟନକୁ ବଦଳି ହୋଇଛି। ଡେପୁଟି କମାଣ୍ଡାଣ୍ଟ ଜୁରିଆ ବେହେରାଙ୍କୁ ସମ୍ବଲପୁର ପ୍ରଥମ ଏସ୍‌ଏସ୍‌ ବାଟାଲିୟନ ସହ ବରଗଡ଼ ହେଡକ୍ବାର୍ଟରରେ ଅବସ୍ଥାପିତ କରାଯାଇଛି। ଡେପୁଟି କମାଣ୍ଡାଣ୍ଟ ଲକ୍ଷ୍ମୀଧର ମହାରଣାଙ୍କୁ ସମ୍ବଲପୁର ପ୍ରଥମ ଏସ୍‌ଏସ୍‌ ବାଟାଲିୟନ ସହ ବରଗଡ଼ ହେଡ୍‌କ୍ବାର୍ଟର ଦାୟିତ୍ୱ ଦିଆଯାଇଛି। କଟକ ଷଷ୍ଠ ବାଟାଲିୟନର ସୁବେଦାର ମାନସ ରଞ୍ଜନ ରାଉତଙ୍କ ଉପରୁ ନିଲମ୍ବନ ଆଦେଶ ପ୍ରତ୍ୟାହାର କରି ନିଆଯାଇଛି। ତାଙ୍କୁ ପଦୋନ୍ନତି ଦିଆଯାଇ କୋରାପୁଟ ତୃତୀୟ ଓଏସ୍‌ଏପି ବାଟାଲିୟନରେ ଅବସ୍ଥାପିତ କରାଯାଇଛି। ଆସିଷ୍ଟାଣ୍ଟ କମାଣ୍ଡାଣ୍ଟ ପୂର୍ଣ୍ଣଚନ୍ଦ୍ର ଜେନାଙ୍କୁ କେନ୍ଦୁଝର ଦ୍ୱିତୀୟ ଏସ୍‌ଏସ୍‌ ବାଟାଲିୟନ ସହିତ ପୁରୀ ଜଗନ୍ନାଥ ମନ୍ଦିର ସୁରକ୍ଷା ଦାୟିତ୍ୱ, ଆସିଷ୍ଟାଣ୍ଡ କମାଣ୍ଡାଣ୍ଟ କୌଶିକ କୁମାର ନାୟକଙ୍କୁ କେନ୍ଦୁଝର ଦ୍ୱିତୀୟ ଏସ୍‌ଏସ୍‌ ବାଟାଲିୟନ ସହ କେନ୍ଦୁଝର ହେଡ୍‌କ୍ବାର୍ଟର ଦାୟିତ୍ୱ, ଆସିଷ୍ଟାଣ୍ଡ୍‌ କମାଣ୍ଡାଣ୍ଟ ସୁବାସ ଚନ୍ଦ୍ର ଭୋଇ ଓ ଶରତ ଜାନିଙ୍କୁ ରାଉରକେଲା ଚତୁର୍ଥ ଓଏସ୍‌ଏପି ବାଟାଲିୟନ ସହିତ ଓଏସ୍‌ଏଏଫ୍‌ ୟୁନିଟ୍‌ କାର୍ଯ୍ୟ ତୁଲାଇବା ପାଇଁ ଅବସ୍ଥାପିତ କରାଯାଇଛି। ଆସିଷ୍ଟାଣ୍ଡ କମାଣ୍ଡାଣ୍ଟ ସୂର୍ଯ୍ୟକାନ୍ତ ମହାନ୍ତିଙ୍କୁ କଟକ ସହରାଞ୍ଚଳ ପୋଲିସ ଜିଲାର ହୋମଗାର୍ଡ ବିଭାଗ, ଆସିଷ୍ଟାଣ୍ଡ କମାଣ୍ଡାଣ୍ଟ ବେଲାର ମେହେରଙ୍କୁ ବୌଦ୍ଧ ପଞ୍ଚମ ଆଇଆର୍‌ ବାଟାଲିୟନକୁ ବଦଳି କରାଯାଇଛି। ଏତଦ୍‌ବ୍ୟତୀତ ଆସିଷ୍ଟାଣ୍ଡ କମାଣ୍ଡାଣ୍ଟ ପ୍ରସନ୍ନ କୁମାର ରାଉତଙ୍କୁ ରାୟଗଡ଼ା ଦ୍ୱିତୀୟ ଆଇଆର୍‌ ବାଟାଲିୟନକୁ, ଆସିଷ୍ଟାଣ୍ଡ କମାଣ୍ଡାଣ୍ଟ ରାମଚନ୍ଦ୍ର ପ୍ରଧାନ ଓ ଶିବ ନାରାୟଣ ନାୟକଙ୍କୁ ଖୋର୍ଦ୍ଧା ଜାମୁଝରି ଓଆଇଏସ୍‌ଏଫ୍‌କୁ, ଆସିଷ୍ଟାଣ୍ଡ କମାଣ୍ଡାଣ୍ଟ ସନ୍ତୋଷ କୁମାର ବିଶ୍ୱାଳଙ୍କୁ ବାରିପଦା ପଞ୍ଚମ ଓଏସ୍‌ଏପି ବାଟାଲିୟନ ସହ ବାଲେଶ୍ୱରସ୍ଥିତ ଓଏସ୍‌ଏଏଫ୍‌ ୟୁନିଟ୍‌ କାର୍ଯ୍ୟ ତୁଲାଇବା ନିମନ୍ତେ ଅବସ୍ଥାପିତ କରାଯାଇଛି। ସେହିପରି ଆସିଷ୍ଟାଣ୍ଟ୍‌ କମାଣ୍ଡାଣ୍ଟ ମାନଭଞ୍ଜନ ଛୁରା ରାଉରକେଲା ଓଏସ୍‌ଏପି ୪ର୍ଥ ବାଟାଲିୟନକୁ ବଦଳି ସହ ସହ ଓଏସ୍‌ଏଫ୍‌ ୟୁନିଟ୍‌ ଓ ତରୁଣ କୁମାର ମଲ୍ଲିକଙ୍କୁ କଟକ ଓଏଚ୍‌ଏପି ଷଷ୍ଠ ବାଟାଲିୟନକୁ ବଦଳି ସହ ଓଏସ୍‌ଏଫ୍‌ ୟୁନିଟ୍‌ ଦାୟିତ୍ୱ ଦିଆଯାଇଛି।

All Right Reserved By

ରାଜ୍ୟ |

ହୋମଗାର୍ଡଙ୍କୁ ଫଲସାରେ ହାଣି ହତ୍ୟା: ଗ୍ରାମଦେବୀଙ୍କ ପୂଜାସ୍ଥଳ ନିକଟରୁ ମୃତଦେହ ଉଦ୍ଧାର

ବାଲିଶଙ୍କରା, ୧୫।୭ (ଡି.ଏନ.ଏ)-ସୁନ୍ଦରଗଡ଼ ଜିଲା ତଳସରା ଥାନା ଅନ୍ତର୍ଗତ ତଳସରା ଗ୍ରାମରେ ରବିବାର ଏକ ହତ୍ୟାକାଣ୍ଡ ଘଟିଛି। ତଳସରା ଥାନାର ହୋମଗାର୍ଡ ନବୀନ ଚନ୍ଦ୍ର ମହାକୁଳ (୫୯)ଙ୍କୁ ନିର୍ମମ ଭାବେ ଫଲସାରେ ହାଣି ହତ୍ୟା କରାଯାଇଥିବା ଜଣାପଡିଛି। ତେବେ କିଏ, କାହିଁକି ହତ୍ୟା କରିଛନ୍ତି, ତାହା ସ୍ପଷ୍ଟ ହୋଇନାହିଁ। ପୋଲିସ ଗ୍ରାମଦେବୀ ପୂଜାସ୍ଥଳ ନିକଟରୁ ମୃତଦେହ ଉଦ୍ଧାର କରି ତଦନ୍ତ ଚଳାଇଛି।

ଖେଳିବା ବେଳେ କାର୍‌ରେ ଅଟୋଲକ୍‌ ହେଲେ ଦୁଇ ଶିଶୁ: ଅଣନିଃଶ୍ୱାସୀ ହୋଇ ଜଣେ ମୃତ, ଜଣେ ଗୁରୁତର

ଖେଳିବା ବେଳେ କାର୍‌ରେ ଅଟୋଲକ୍‌ ହେଲେ ଦୁଇ ଶିଶୁ: ଅଣନିଃଶ୍ୱାସୀ ହୋଇ ଜଣେ ମୃତ, ଜଣେ ଗୁରୁତର

ଭୁବନ,୧୫।୭(ଡି.ଏନ୍‌.ଏ.): ଢେଙ୍କାନାଳ ଜିଲା ଭୁବନ ଥାନା ଅନଳ ଗ୍ରାମରେ ରବିବାର ଏକ କାର ଭିତରେ ଅଣନିଃଶ୍ବାସୀ ହୋଇ ଜଣେ ଶିଶୁଙ୍କ ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ହୋଇଛନ୍ତି।

ବାରିପଦାରେ ରଥଯାତ୍ରା ଆରମ୍ଭ

ବାରିପଦାରେ ରଥଯାତ୍ରା ଆରମ୍ଭ

ବାରିପଦା ଅଫିସ,୧୫।୭: ଦ୍ୱିତୀୟ ଶ୍ରୀକ୍ଷେତ୍ର ବାରିପଦାରେ ରବିବାର ରଥଯାତ୍ରା ଆରମ୍ଭ ହୋଇଛି। ଅପରାହ୍ନ ୩ ଟା୧୫ରେ ଶ୍ରଦ୍ଧାଳୁମାନେ ବଳଭଦ୍ରଙ୍କ ରଥକୁ ପ୍ରଥମେ ଟାଣିଛନ୍ତି। ମନ୍ଦିର କତ୍ତୃପକ୍ଷ ପକ୍ଷରୁ ସମସ୍ତ ବ୍ୟବସ୍ଥା ଗ୍ରହଣ କରାଯାଇଛି। ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି।

ମହାପ୍ରଭୁଙ୍କ ଟାହିଆ ଛିଡ଼ାଇବା ଆବେଗର ପ୍ରତିଫଳନ: ଆଇଜି

ମହାପ୍ରଭୁଙ୍କ ଟାହିଆ ଛିଡ଼ାଇବା ଆବେଗର ପ୍ରତିଫଳନ: ଆଇଜି

ପୁରୀ ଅଫିସ,୧୫।୭: ଶନିବାର ମହାପ୍ରଭୁ ଶ୍ରୀଜଗନ୍ନାଥଙ୍କ ପହଣ୍ଡିବେଳେ କିଛି ସେବାୟତ ଏବଂ କିଛି ପୋଲିସ କର୍ମଚାରୀ ଜଗନ୍ନାଥଙ୍କ ଟାହିଆ ଛିଡ଼ାଇ ନେଇଥିଲେ। ଏହାକୁ ନେଇ ଭକ୍ତଙ୍କ ମହଲରେ ତିବ୍ର ପ୍ରତିକ୍ରିୟା ପ୍ରକାଶ ପାଇଛି। ଏ ସମ୍ପର୍କରେ ରବିବାର ଗଣମାଧ୍ୟମରେ ମତ ରଖିଛନ୍ତି ଶ୍ରୀମନ୍ଦିର ନୀତି ପ୍ରଶାସକ ଏବଂ କେନ୍ଦ୍ରାଞ୍ଚଳ ଆଇଜି।

ଝଲସୁଛି ତୃତୀୟ ଶ୍ରୀକ୍ଷେତ୍ର ନୀଳଗିରି: ବଡ଼ଦାଣ୍ଡ ଲୋକାରଣ୍ୟ

ଝଲସୁଛି ତୃତୀୟ ଶ୍ରୀକ୍ଷେତ୍ର ନୀଳଗିରି: ବଡ଼ଦାଣ୍ଡ ଲୋକାରଣ୍ୟ

ସଜନାଗଡ଼,୧୫।୭(ଡି.ଏନ୍‌.ଏ.): ତୃତୀୟ ଶ୍ରୀକ୍ଷେତ୍ର ଭାବେ ପରିଚିତ ବାଲେଶ୍ୱର ଜିଲା ନୀଳଗିରିରେ ରବିବାର ରଥ ଉପରେ ଦର୍ଶନ ଦେଉଛନ୍ତି ଶ୍ରୀ ଜୀଉ। ଶନିବାର ପହଣ୍ଡି କରାଯାଇ ମହାପ୍ରଭୁଙ୍କୁ ରଥାରୁଢ଼ କରାଯାଇଥିଲା।

ରଥ ନିକଟରେ ନଡ଼ିଆ ଭଙ୍ଗାକୁ ନେଇ ଉତ୍ତେଜନା: ନୀତି ବନ୍ଦ

ରଥ ନିକଟରେ ନଡ଼ିଆ ଭଙ୍ଗାକୁ ନେଇ ଉତ୍ତେଜନା: ନୀତି ବନ୍ଦ

ପୁରୀ ଅଫିସ,୧୫।୭: ଶରଧାବାଲିରେ ଲାଗିଛି ତିନି ରଥ। ରଥ ଚାରିପାର୍ଶ୍ୱରେ ବ୍ୟାରିକେଟ କରାଯାଇଛି। ବ୍ୟାରିକେଟ ନିକଟରେ ପୂଜାପଣ୍ଡା ସେବକମାନେ ରହି ନଡ଼ିଆ ଭାଙ୍ଗି ଦାନ, ଦକ୍ଷିଣା ଆଦାୟ କରୁଛନ୍ତି। ସୁପ୍ରିମକୋର୍ଟଙ୍କ ନିର୍ଦ୍ଦେଶ ରହିଛି କୌଣସି ସେବାୟତ ଦାନ ଦକ୍ଷିଣା ଆଦାୟ କରିପାରିବେ ନାହିଁ। ଶ୍ରୀମନ୍ଦିର ପ୍ରଶାସନ ପକ୍ଷରୁ ଦାନ ଦକ୍ଷିଣା ଆଦାୟ କରିବାକୁ ବାରଣ କରାଯାଇଛି। ମାତ୍ର ରବିବାର କିଛି ସେବାୟତ ଥାଳି ରଖି ଦାନ ଦକ୍ଷିଣା ଆଦାୟ କରୁଥିବା ବେଳେ କିଛି ନଡ଼ିଆ ଭାଙ୍ଗି ଆଦାୟ କରୁଥିବା ଦେଖାଯାଇଥିଲା। ଏହାକୁ ମନ୍ଦିର ପ୍ରଶାସନ ବନ୍ଦ କରିବାରୁ ରଥ ନିକଟରେ ସାମୟିକ ଉତ୍ତେଜନା ପ୍ରକାଶ ପାଇଥିଲା।

ଘୋଡ଼ାହାଡ଼ ଡ୍ୟାମରେ ବଢ଼ୁଛି ଜଳପତ୍ତନ

ଘୋଡ଼ାହାଡ଼ ଡ୍ୟାମରେ ବଢ଼ୁଛି ଜଳପତ୍ତନ

ଦିଗପହଣ୍ଡି,୧୫।୭(ଡି.ଏନ୍‌.ଏ.): ଦିଗପହଣ୍ଡି ବ୍ଲକ ଘୋଡ଼ାହାଡ଼ ଡ୍ୟାମର ଜଳପତ୍ତନ ବଢ଼ିବାରେ ଲାଗିଛି। ଡ୍ୟାମର ଜଳଧାରଣ କ୍ଷମତା ୧୧୭.୮୦ ମିଟର ଥିବା ବେଳେ ବିପଦ ସଙ୍କେତ ୧୧୭.୩୦ ରହିଛି। ରବିବାର ପୂର୍ବାହ୍ନ ୧୧ଟା ସୁଦ୍ଧା ଜଳପତ୍ତନ ୧୧୭.୨୮ ଥିବା ଘୋଡ଼ାହାଡ଼ ଜଳସେଚନ ଉପଖଣ୍ଡ କାର୍ଯ୍ୟାଳୟ ସୂତ୍ରରୁ ସୂଚନା ମିଳିଛି।

ମାଓବାଦୀ-ପୋଲିସ ଗୁଳିବିନିମୟ

ମାଓବାଦୀ-ପୋଲିସ ଗୁଳିବିନିମୟ

ଦେବଗଡ଼, ୧୫।୭(ସ୍ବ.ପ୍ର.)-ଦେବଗଡ଼ ଜିଲା ତିଳେଇବଣି ବ୍ଲକର ମାଓବାଦୀ ପ୍ରବଣ ଅଞ୍ଚଳ ଲଇମୁରା ସଂରକ୍ଷିତ ଜଙ୍ଗଲରେ ରବିବାର ସକାଳଠାରୁ ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳିବିନିମୟ ଜାରି ରହିଛି। ମୃତାହତଙ୍କ ଖବର ମିଳିନାହିଁ। ଅଦ୍ୟାବଧି ଗୁଳିବିନିମୟ ଜାରି ରହିଛି। ଏହି ଜଙ୍ଗଲରେ ମାଓବାଦୀଙ୍କ କ୍ୟାମ୍ପ ଚାଲିଥିବା ପୋଲିସକୁ ସୂଚନା ମିଳିବା ପରେ ଦେବଗଡ଼ ଏସ୍‌ପି ଅନୁପମା ଜେମସଙ୍କ ନେତୃତ୍ୱରେ ପୋଲିସ, ଏସ୍‌ଓଜି ଯବାନ ମିଳିତ ଭାବେ କୋମ୍ବିଂ ଅପରେଶନ କରିଥିଲେ। ଲଇମୁରା ସଂରକ୍ଷିତ ଜଙ୍ଗଲର ପାରପୋଶି ଗ୍ରାମପଞ୍ଚାୟତର ରୁକୁଡ଼ା ଗ୍ରାମ ନିକଟରେ ମାଓବାଦୀଙ୍କ ସହିତ ପୋଲିସ ମୁହାଁମୁହିଁ ହେବାରୁ ଗୁଳିବିନିମୟ ହୋଇଥିଲା।

ରଥଯାତ୍ରା ଦେଖିବାକୁ ଯାଇଥିବା ଯୁବକଙ୍କ ମୃତଦେହ ନାଳରୁ ଉଦ୍ଧାର

ରଥଯାତ୍ରା ଦେଖିବାକୁ ଯାଇଥିବା ଯୁବକଙ୍କ ମୃତଦେହ ନାଳରୁ ଉଦ୍ଧାର

ଦେବଗଡ଼, ୧୫।୭(ସ୍ବ.ପ୍ର.)-ଦେବଗଡ଼ ଜିଲା ବାରକୋଟ ବ୍ଲକ କୁଣ୍ଡାପିଠା ପଞ୍ଚାୟତ କୁଣ୍ଡାନାଳି ଗ୍ରାମକୁ ରଥଯାତ୍ରା ଦେଖିବାକୁ ଯାଇଥିବା ଜଣେ ଯୁବକଙ୍କ ମୃତଦେହ ରବିବାର ସକାଳେ ପାଲମ ନାଳରୁ ଉଦ୍ଧାର କରାଯାଇଛି। ଦେବଗଡ଼ ଥାନା ପୋଲିସ ଖବରପାଇ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛି। ଯୁବକଙ୍କ ମୃତ୍ୟୁ ସନ୍ଦେହଜନକ ହୋଇଥିବାରୁ ବ୍ୟବଚ୍ଛେଦ ପରେ ପ୍ରକୃତ କାରଣ ଜଣାପଡ଼ିବ ବୋଲି ପୋଲିସ କହିଛି। ମୃତକଙ୍କ ନାମ ଯୋଗେଶ୍ୱର ଦେହୁରୀ(୩୪)। ତାଙ୍କ ଘର ରିଆମାଳ ବ୍ଲକ କୁଣ୍ଡେଇଗୋଳା ଥାନା ଅନ୍ତର୍ଗତ ଘୋଡ଼ାପୋଡ଼ା ଗ୍ରାମରେ। ଶନିବାର ସେ ରଥଯାତ୍ରା ଦେଖିବାକୁ କୁଣ୍ଡାପିଠା ପଞ୍ଚାୟତ କୁଣ୍ଡାନାଳି ଗ୍ରାମର ଭଉଣୀ ଘରକୁ ଯାଇଥିଲେ।

ନକଲି ଡାକ୍ତରଙ୍କ ପାଇଁ ନାବାଳକଙ୍କ ଜୀବନ ଗଲା

ନକଲି ଡାକ୍ତରଙ୍କ ପାଇଁ ନାବାଳକଙ୍କ ଜୀବନ ଗଲା

ରାଜନଗର,୧୫।୭(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ରାଜନଗର ବ୍ଲକ ବାଲିକଣା ପୋଖରୀସାହିର ମେଘନାଦ ବାରିକଙ୍କ ୧୪ ବର୍ଷର ପୁଅ ସୁବ୍ରତ ବାରିକ ରବିବାର ଚିକିତ୍ସା ଅବହେଳାରୁ ପ୍ରାଣ ହରାଇଛନ୍ତି। ଜଣେ ନକଲି ଡାକ୍ତରଙ୍କ ଚିକିତ୍ସା ଯୋଗୁ ତାଙ୍କର ମୃତ୍ୟୁ ଘଟିଥିବା ପରିବାରଲୋକେ ଅଭିଯୋଗ କରିଛନ୍ତି। ଅଭିଯୁକ୍ତ ଡାକ୍ତର ହେଲେ ଇନ୍ଦ୍ରଜିତ ବିଶ୍ୱାସ।

ବର୍ତ୍ତି ଛକରେ ଦୁର୍ଘଟଣା: ଧକ୍କା ଦେଇ ରାସ୍ତାରେ ଓଲଟିଲା କାର୍‌, ନାବାଳକ ମୃତ

ବର୍ତ୍ତି ଛକରେ ଦୁର୍ଘଟଣା: ଧକ୍କା ଦେଇ ରାସ୍ତାରେ ଓଲଟିଲା କାର୍‌, ନାବାଳକ ମୃତ

ରଘୁନାଥପୁର,୧୫।୭(ଡି.ଏନ୍‌.ଏ.): କଟକ ଜିଲା ରଘୁନାଇପୁର ଥାନା ଅନ୍ତର୍ଗତ କଟକ-ପାରାଦୀପ ରାସ୍ତାର ବର୍ତ୍ତି ଛକଠାରେ ରବିବାର ଏକ କାର୍‌ ଦୁର୍ଘଟଣା ଘଟି ଜଣେ ନାବାଳକଙ୍କ ମୃତ୍ୟୁ ଘଟିଛି। ଏଥିସହ କାର୍‌ଟି ଧକ୍କା ଦେବାରୁ ରାସ୍ତା କଡ଼ରେ ଥିବା ଦୁଇଟି ବାଇକ୍‌ ଏବଂ ୭ଟି ସାଇକେଲ କ୍ଷତିଗ୍ରସ୍ତ ହୋଇଛି।

କୂଅ ଭିତରୁ ଦନ୍ତାହାତୀ ଉଦ୍ଧାର

କୂଅ ଭିତରୁ ଦନ୍ତାହାତୀ ଉଦ୍ଧାର

ରେଢ଼ାଖୋଲ, ୧୫।୭(ଡି.ଏନ.ଏ.)- ସମ୍ବଲପୁର ଜିଲା ରେଢାଖୋଲ ବନଖଣ୍ଡର ବଡ଼ବାହାଲ ରେଞ୍ଜ ଅନ୍ତର୍ଗତ ସାନହିନ୍ଦୋଳ ଗ୍ରାମ ନିକଟରେ ଏକ ଅର୍ଦ୍ଧଖୋଳା କୂଅ ଭିତରୁ ରବିବାର ସକାଳେ ଏକ ଦନ୍ତାହାତୀକୁ ଉଦ୍ଧାର କରାଯାଇଛି। ଏହି ହାତୀ ରାତିରେ ବୁଲୁଥିବାବେଳେ ଏହି କୂଅ ଭିତରେ ଖସିପଡ଼ିଥିଲା। ସକାଳେ ଏ ସମ୍ପର୍କରେ ଖବରପାଇ ବନବିଭାଗ କର୍ମଚାରୀ ପହଞ୍ଚିଥିଲେ। ଏକ ଜେସିବି ସାହାର୍ଯ୍ୟରେ କୂଅର ଗୋଟିଏ ପାଖ ଖୋଳାଯାଇ ମାଟି ସମତୁଲ କରାଯିବାରୁ ହାତୀ ଉଠି ଆସି ଜଙ୍ଗଲକୁ ଚାଲିଯାଇଥିଲା। ଏହି ଉଦ୍ଧାର କାର୍ଯ୍ୟ ସମୟରେ ଡ଼ିଏଫ୍‌ଓ ସଂଗ୍ରାମ କେଶରୀ ବେହେରା, ରେଞ୍ଜର ପ୍ରଦୀପ ସେଠୀ ଓ ଅନ୍ୟ କର୍ମଚାରୀ ଉପସ୍ଥିତ ଥିଲେ।

Model This Week

ରୂପେଶ